رواية نبضات قلب الفصل التاسع عشر 19 بقلم منة محرم
رواية نبضات قلب الجزء التاسع عشر
رواية نبضات قلب البارت التاسع عشر
رواية نبضات قلب الحلقة التاسعة عشر
فيروز راحت عند ملاك: انا مقدره حالتك بس انا عمتها واكيد هخاف عليها واكتر منك كمان متقلقيش هخليها تكلمك كل يوم واه تقدري تيجي تشوفيها في اي وقت
ملاك بدموع: علشان خاطري سبيها انتي متعرفيش انا متعلقه بيها ازاي
فيروز: هي الحاجه الوحيده الي فضلالي مش هقدر اسيبها صدقيني
ملاك مسحت دموعها: بصي بصي انا كنت بوديها الحضانه وبتنام في حضني ومش بحرمها من حاجه والله وهخليكي كمان تكلميها فديو كل يوم بس علشان خاطري متحرمنيش منها وهجبهالك كل يوم صدقيني
ادهم خدها في حضنه: اهدي يا ملاك علشان خاطري
ملاك: هتاخدها يا ادهم هتاخد حياه
حياه: انا خلصت يا عمتو
فيروز: يلا يا حبيبتي
حياه راحت عند ملاك: مامي انتي بتعيطي ليه
ملاك مسحت دموعها وبصتلها: علشان هتمشي وتسيبي مامي
حياه مسكت اديها: لا انا مش هسيبك انتي هتيجي معايا انتي ودومي
ملاك: مش هينفع يا حبيبتي
حياه: خلاص انا هقعد هنا معاكي خلاص يا عمتو انا مش هروح معاكي
فيروز: حياه يلاا يا حبيبتي علشان انا جايه من السفر تعبانه اصلا ممكن يلا
حياه: بس انا مش هسيب مامي ملاك
فيروز راحت عندها ومسكت اديها
حياه بوجع: عمتو سبيني انا عايزه افضل هنا
فيروز لسه هتخرج من باب الڤيلا بس ادهم مسك اديها
ادهم بعصبيه: سيبي اديها
فيروز بوجع: ااه
ادهم: نفس الوجع الي انتي حاسه بيه حياه حاسه بيه سيبيييي اديها
فيروز: انت اتجننت انت بتعلمني اتعامل ازاي مع بنت اخويا
ادهم: وانتي شايفه انك صح عايزه تاخديها بالغصب وكمان ازاي تمسكي اديها بطريقه دي شايفه ايدك معلمه عليها ازاي
فيروز: وانا المفروض اعمل ايه اه اكيد انتو الي سخنتوها عليا علشان متجيش معايا مش كده ياادكتور يا محترم
ادهم: هو احنا اصلا كنا نعرف حاجه عنك ميته ولا عايشه حته اخوكي قبل وفاته مكنتيش بتسالي عليهه
كوثر: فيروز انا سكتالك علشان انتي في بيتي ياريت تحترمي صحاب البيت الي انتي واقفه فيه
فيروز: حياه حبيبتي انتي موحشتكيش ڤيلا بابي و اوضتك
حياه: وحشتني
فيروز: طيب يلا نروح هناك ولو حبيتي تيجي هنا هجيبك تشوفي ادهم وملاك اتفقنا وكمان هخرجك وهجبلك حاجات حلوه كتير اووي
حياه بصت لادهم: بس
ادهم: روحي يا حياه مع عمتو ياريت تفهمي اننا مسخنهاش علي حد بس قبل ما تاخديها انا عندي شرط
فيروز: وايه هو
ادهم: حياه مش هتخرج برا مصر متنسيش اني ليا حق فيها برضوه عارف انها مش من دمي بس حياه انا اول واحد شلتها لما اتولدت واول واحد مسكت اديها لما جت تمشي لاول مره حياه بنتي ومحمد كان دايما يوصيني عليها واكيد هو لو عايش مكنش ممكن يحرمني منها برضوه لانه عارف اني ابوها التاني
فيروز مسكت اديها: وانا مقولتش اني هرجع امريكا تاني
حياه: ممكن اسلم علي ملاك
فيروز سابت اديها وحياه راحت لملاك
حياه مسكت دموعها: ممكن متعيطيش
ملاك مسكت اديها وباستها بحب: هتتاخري
حياه: بصي هقعد معاها يومين بس واجيلك تاني علشان هي متزعلش مني اتفقنا هقعد يومين وهاجي اقعد معاكي انتي علطول يا مامي
ملاك: متتاخريش
حياه مسحتلها دموعها: حاضر
في ڤيلا محمد
••••••••••••••••••
فيروز: انا طالعه انام لاني تعبانه اوي هتنامي
حياه: اقعدي معايا نتفرج علي كرتون لاني بخاف اقعد لوحدي
فيروز: حياه انا تعبانه بكره نقعد مع بعض يلا ننام دلوقتي
حياه: دلوقتي بس احنا لسه الصبح طيب انا هروح عند ادهومي
فيروز ببرود: استني عندك
حياه بطفوله: ايوه ياعمتو
فيروز: انسي ان ليكي حد بالاسم ده برضاكي او غصب عنك انا مش عايزه شغل عيال انتي فاهمه ملاك وادهم مش موجودين الي موجود عمتو بس فاهمه
حياه: بس مامي
بقلمي/menna moharam
فيروز: امك ماتت وابوكي مات انتي فاهمه مافيش حد هيقدر ياخد مكانهم انتي فاهمه ولا لا عم عوض عم عوووووض
عوض: ايوه يا ست هانم
فيروز: عايزه حراسه وعايزه بنتين يشتغلو هنا واه محدش يخش هنا غير بعلمي حته لو الشخص ده ادهم
عوض: حاضر ياست هانم
في اوضه حياه
••••••••••••••••••
حياه بدموع: ياريتني ماجيت هنا يووه بقه هروح لادهومي ازاي وملاك وحشوني اوي انا ازاي اجي معاها واسيبهم اكيد دلوقتي هما زعلانين مني علشان سبتهم انا مكنش ينفع اسيبهم ابدا وعمتو طلعت وحشه اوي معايا
في ڤيلا ادهم
••••••••••••••••••
بقلمي/menna moharam
كوثر: مالك يا حبيبي
ادهم: وحشتني اوي
كوثر: البيت وحش من غيرها فعلا
ادهم: انا مش قادر ياماما انا رايح اجيبها والي يحصل يحصل واصلا حياه مكنتش عايزه تروح
كوثر مسكت ايده: لا يابني مش دلوقتي ده احنا اربعه الفجر قوم نام
ادهم: مش عارف يا ماما مش عارف حاسس ان في حاجه هتحصل مش مستريح قلبي مقبوض
كوثر: هي ملاك فين
ادهم: كانت بتعيط هديتها لحد ما نامت ونزلت
كوثر: طب اطلع يا حبيبي نام وريح شويه وابقا روح اطمن عليها
ادهم: طيب ياماما تصبحي علي خير
تاني يوم
••••••••••••••••••
ادهم: راحه فين يا ملاك
ملاك: ر راحه ليها ياادهم راحه لبنتي
ادهم: ملاك ممكن تهدي
ملاك: مش قادره اقعد من غيرها وسابته وطلعت تجري
ادهم: ملاك استني
كوثر مسكت ايده: سيبها ياادهم اكيد هي عارفه هي بتعمل ايه
ادهم: خايف فيروز تقولها كلام يضايقها
كوثر: ملاك قدها
في ڤيلا محمد
••••••••••••••••••
حياه: ماميييي
ملاك بدموع: وحشتيني اوي يا حياتي
فيروز: عايزه ايه يا ملاك
ملاك: عايزه اتكلم معاكي بخصوص البنت
فيروز: اطلعي فوق يا حياه دلوقتي
حياه بصت لملاك:اطلع
ملاك: ايوه يا حبيبتي اطلعي
فيروز: هحترم انك في بيتي وهعملك حاجه تشربيها
ملاك راحت قعدت علي الكنبه بهدوء وشافت موبايل فيروز بيرن وفتحت من غير قصدها وكانت هتقوم تدهولها بس وقفت لما سمعت
مجهول: مايا فينك كده متصلتيش امبارح عرفتي تاخديها ولا لا اوعي يكون حد شك فيكي
فيروز: اتفضلي العصير
ملاك رمت الموبايل من اديها: ا انا اسفه
فيروز راحت وخدت موبايلها: انتي انتي فتحتي
ملاك: لا انا كنت مسكاه علشان اجبهولك بس انتي خضتيني ورميته
فيروز ردت علي موبايلها: الو يا كارما حاضر ياحبيبتي سلام
ملاك: احم صاحبتك لحقتي تتعرفي علي صحاب
فيروز: لا دي مكالمه دولي من صحبتي الي في امريكا
ملاك في نفسها: مكالمه دولي يابنت الكدابه
فيروز: اتفضلي العصير
ملاك: شكرا
ملاك في بالها: يترا انتي مين مايا ولا فيروز معقول متكونيش اخته لالالا اكيد لا
فيروز: اكيد جايه تكلميني بخصوص اني اديكي حياه صح ده بعينك
ملاك بتسرع: انا عايزه اعرف انتي روحتي امريكا امتي
فيروز: وده اعتبره فضول ولا تدخل في حياتي الشخصيه
ملاك: هههه انا فضوليه ايه رايك نكون صحاب
فيروز: حياه هاخدها برضاكو او غصب عنكو
ملاك: ياستي انا مقولتش حاجه ها مجوبتنيش
فيروز بتوتر: روحت امريكا كان كان عندي وقتها 20
ملاك بثقه: ممم اده يعني محضرتيش فرح اخوكي غريبه
فيروز كانت متوتره وبان عليها التوتر: لا ازاي حضرته طبعا وبعدين سافرت وكمان حضرت ولاده حياه ده انا الي مسمياها
ملاك: بجد
فيروز: اشربي العصير
ملاك: لا لازم امشي بقه
فيروز: هو ايه الي غيرك فجاه كده
ملاك: حسيتك طيبه وكمان ياستي احنا من هنا ورايح هنكون صحاب
فيروز: انا عارفه انتي بتعملي كل ده ليه
ملاك بتوتر: ها ل ليه
فيروز: علشان حياه تفضل تحت عينك صح مش حب فيا يعني اكيد محبتنيش في يوم وليله
بقلمي/menna moharam
ملاك: ههههه عرفتي ازاي بس ايه الي يمنع نكون صحاب حته علشان خاطر البنت لازم تكون علاقتنا كويسه
فيروز: اتشرفت بمعرفتك يا ملاك
ملاك: شكرا يا حبيبتي
حياه نزلت وسلمت علي ملاك: ملاك متسبنيش
ملاك: اوعدك هرجعك ليا في اقرب وقت
حياه: هتوحشيني
ملاك: خلي بالك من نفسك
حياه:حاضر
خرجت ملاك وهي بتكلم نفسها وبتفكر في كل كلمه فيروز قالتها
ملاك: طلعتي كدابه بقه انتي راحه امريكا واانتي عندك 20 لا وحضرتي ولاده حياه كمان
فلاش باااك
••••••••••••••••••
ملاك: احم هو انت معندكش اخوات
محمد: لا عندي فيروز اختي الصغيره سافرت امريكا مع مامتها لما بابا اتوفي
ملاك: ممم اكيد وحشتك
محمد: وحشتني اوي تعرفي انها سافرت وهي عندها 10 سنين كانت صغيره اوي كانت بتعتبرني باباها لاني كنت اكبر منها بكتير
ملاك: بتكلمك علي كده
محمد: كل يوم لازم تكلمني بس بقالها اسبوعين مكلمتنيش وحشتني اوي كانت حنينه عليا كانت دايما تكلمني فديو كول حته لما دعاء الله يرحمها كانت بتولد فضلت تكلمني فديو كول ومقفلتش لحد ما اطمنت
ملاك: ربنا يخلهالك يارب طب ليه سافرت
محمد: بصي ياستي مامتها اصلا مولوده هناك وجت هنا وشافت بابا واعجبت بيه واتجوزو تعرفي طنط يارا مامت فيروز كانت حنينه عليا اوي اوي ومكنتش عايزه تسبني وتسافر بس انا الي اقنعتها علشان فيروز تكمل تعليمها هناك وبعدين يبقو يرجعو وكمان علشان اهل طنط يارا هناك مكنتش حابب تتحرم منهم علشاني انا
باااااااك
••••••••••••••••••
ملاك: لا وكمان اسمك مايا بس افرضي يابت ياملاك كان رقم غلط لا بس مش رقم غلط لانها كملت المكالمه ااااه دماغي صدعت
حنين: مرات اخويا اتجننت كانت طيبه وغلبانه الله يكون في عونك ياادهم
داليا: انا شايفه كده برضوه
ملاك فاقت وبصت لقت نفسها قاعده في الجنينه علي الارض وبتقطع في الورد
داليا: يابنتي قومي ايه الي قعدك هنا المشكله ان الكرسي جمبك طب ماكنتي تقعدي عليه بدل ما وسختي هدومك كده
ادهم: ملاك انتي جيتي ايه الي مقعدك كده قومي قومي
ملاك: اه قومني اصل انا حاسه ان الدنيا بتلف بيا
ادهم: هي فيروز قالتلك حاجه
ملاك: هههههه فيروز اه
ادهم: طيب انا هروحلها
ملاك مسكت ايده: استني بس اسمها ايه دي معملتليش حاجه
ادهم: فيروز يا ملاك مالك في ايه وفين حياه مش كنتي طالعه تجري تقولي هجبها
ملاك: لا عمتها اولي بيها صح ولا ايه
ادهم: ملاك حبيبتي انتي واعيه
ملاك: طلعني اوضتي ياادهم عايزاك في موضوع مهم
ادهم: طيب
في اوضه ادهم وملاك
••••••••••••••••••
ادهم بصدمه: يعني عايزه تفهميني ان دي مش فيروز اومال مين
ملاك: مش عارفه بس البنت دي مش فيروز واكيد فيروز حصلها حاجه والبت دي كانت عارفه فيروز اوي وعارفه عنها كل حاجه
ادهم: بس عادي يعني ما يمكن رقم غريب وانتي الي فهمتي غلط
ملاك: ادهم انت مش حضرت فرح وولاده حياه كمان تقدر تقولي فيروز كانت حضرت فرح محمد ودعاء
بقلمي/menna moharam
ادهم: لا محضرتش فرح محمد فيروز سافرت اول ما تمت 10سنين ومحمد وقتها كان عنده 20 سنه وعدي 5سنين واتجوز هو ودعاء وكانت فيروز وقتها كانت في امريكا ومجتش حضرت الفرح ولا ولاده دعاء هي كانت علي تواصل بس معاه لاكن تنزل لا منزلتش انا كل الي اعرفه انهم سافرو علشان عيلتهم هناك بس طنط مامت فيروز كانت بتحب محمد جدا لدرجه انها اتنازلت عن ميراثها الي كتبه والد محمد لمحمد
ملاك: يعني فيروز سافرت لما كان عندها 10 سنين ومحضرتش الفرح صح ولا الولاده البنت دي مش فيروز ياادهم والله البت دي قالتلي انها حضرت الولاده وانها هي الي مسميه حياه انا هتجنن
ادهم: بس لو هي مش فيروز ازاي حافظه رقم عم عوض وقدرت توصلنا
ملاك: انا متاكده انها مش فيروز وحوار الرقم ده اكيد خدته من اي حته ويمكن ليها حد هنا بتعرف الاخبار منه او تعرف فيروز بشكل كبير اوووي هي الله اعلم نزلت مصر امتي
ادهم: طب لو هي مش فيروز فين فيروز الحقيقيه
ملاك: مش عارفه بس هي قطعت مع محمد فجاه ممكن يكون حصلها حاجه لان محمد قالي قبل كده انه بيكلمها علي طول بس فجاه قطعت معاه
ادهم: معقول طب هنعرف ازاي حته انا مش فاكر شكلها وهي صغيره اصلا
ملاك: المهم البنت دي لازم تفضل تحت عنينا نعرف بتروح فين وبتعمل ايه
ادهم: انا رايح اخد حياه كده في خطر عليها
ملاك مسكت ايده: استني بس لازم يكون معانا دليل ياادهم
ادهم: طب هنعمل ايه
ملاك: معرفش
بقلمي/menna moharam
ادهم: انا ورايا عمليه لازم اروح المستشفي دلوقتي عايزه حاجه اجبهالك وانا راجع
ملاك: لا سلامتك
بليل
••••••••••••••••••
ملاك: ادهم انت رجعت
ادهم: اه يا حبيبتي ايه الي مصحيكي لحد دلوقتي بس
ملاك: انا انا مش مطمنه انا قلبي وجعني اوي
ادهم: هتصدقيني لو قولتلك وانا كمان خايف اوي حاسس ان في حاجه هتحصل نفسي اروح دلوقتي واخد حياه
ملاك: ربنا يستر يلا نام تلاقيك تعبان
ادهم باس جبينها: تصبحي علي خير
ملاك بكسوف: احم وانت من اهل الخير
ادهم: يخربيت خدودك الي بتحمر دي بطلي تتكسفي بقه ده انا جوزك يابنتي لاحول ولا قوة الا بالله
ملاك: نام نام
تاني يوم
••••••••••••••••••
حياه: عمتووو يا عمتوو انتي فين وجت تفتح الباب لقته مقفول فضلت تخبط لحد ما رد عليها عوض
عوض: ايه يا حبيبتي
حياه: الباب مقفول افتحلي عمتو مش لقياها هي مجتش
عوض: عمتك واخده المفاتيح مني من امبارح من ساعه ما خرجت هي لسه مجتش يا بنتي
حياه: هي سبتني لوحدي انا بخاف وكمان جعانه
عوض: معلش يا حبيبتي انا معاكي اهو متخافيش روحي اتفرجي علي الكرتون
حياه: طيب
في المطبخ
••••••••••••••••••
حياه بتفكير: مممم اعمل فطار ايه مممم لقتها هعمل بيض زي ما ادهومي علمني بظبط وولعت البوتجاز
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نبضات قلب)
