رواية نبات قلبي الفصل الثاني 2 بقلم ريهام

رواية نبات قلبي الجزء الثاني

رواية نبات قلبي البارت الثاني

رواية نبات قلبي الحلقة الثانية

كنت خايفه ومتوترة شبه مااكون عامله مصيبه جوايا احساس بالفرح يكفي الدنيا وف نفس الوقت هموت من الخوف طب لو طلعت حامل هقولهم ايه ولا اذاى ؟!
بس فرحة اني هيبقي ام كانت طاغيه ع اي احساس تاني ياه لو انالها
لبست عبايه سودا وطرحه بسرعه ونزلت قابلت رضوي كانت قاعده مع حماتي وادهم جري عليا ومش راضي يسبني
“رايحه فين ي هبه ؟
=بعد اذنك ي ماما هجيب دوا من الصيدليه
“ماشي ي بنتي هاتي ادهم
عطيتهولها و
روحت اشتريت اختبار الحمل من الصيدليه وجيت بسرعه ع اوضتي عملته وفضلت مستنيه النتيجه بس الباب خبط ف الاختبار وقع مني
وطيت جبته وحطيته ف الدرج من غير ما اشوفه اتنفست بالراحه
=مين
^انا رضوي
=اتفضلي
دخلت رضوي وهي شايله ابنها
=محتاجه حاجه ي رضوى
بصتلي بتقييم ^لا ابدا بطمن عليكي لان شكلك مش طبيعي وشك اصفر
اتوترت وعطيتها ضهري= تلاقيني بس ااخددت برد ف معدتي
^لا سلامتك ي هبه هنزل اعملك اعشاب للمعده تهدي كل حاجه
التفت باندفاع وتلقائيه=لا
بصتلي باستغراب ف صححت كلامي =قصدي انا مش عايزه اتعبك انا بقيت احسن
^تمام لو عوزتي حاجه ناديلي
خرجت وسابتني فتحت الدرج ومسكت الاختبار لقيت شرطتين ضميت بطني بايدي يامانت كريم يارب
بس البيت والناس وحمزه انا لازم اقول لحمزه
اتصلت ب حمزه بسرعه فيديو كول بس مردش كلمت ماما وطلبت منها تجيلي وقعدت معاها ف اوضتي طلعت الاختبار وعطيتهولها
من غير كلام لزقت الشبشب ف وشي ي ستي بدل ما تجبيلي فرختين قومت بعيد عنها
=ي ماما اديني فرصه افهمك
°تفهميني اي ي …… دانا هدفنك مكانك ي بنت عباس
=ي ماما والله انا سافرت لحمزه يومين لبنان
°الكلام دا حصل أمتي وحماتك عارفه ؟
حركت راسي بنفي
° عرفتي جوزك ؟
=لا برضه شكله عنده شغل دلوقتي
قعدت ف الارض بتعب °حكمتك يارب بقا بعد الجري دا كله والجلسات وبطنك متشيلش غير دلوقتي
قربت منها =اي ي ماما انتي مش فرحانه
°فرحانه ! انتي عارفه الناس هتقول عليكي اي بنت بطني
=اي يماما انا متجوزه بقالي خمس سنين
°وجوزك مسافر بقاله شهرين وزياده
=مهو حمزه هيكلم مامته وخلاص
°وحمزه هيمشي يفهم بلدنا كلها انك سافريتله يومين لبنان
= سبيني ي ماما فرحانه بالله عليكي انا مش مصدقه اصلا
°كبدي عليكي ي بنتي دايما فرحتك متعكره
كنت رافضه استوعب كلام ماما انا مش عامله حاجه غلط ومعايا صورة التذكره بس فجاه كلام ماما أتردد ف ودني وحمزه هيفوت ع كل بيت يقولهم انك سافرتيله يومين !
عداي يومين واتصلت ب حمزه تاني وتالت وعاشر فونه مش بيجمع
ف غرفة امير ورضوى
^امير مش ملاحظ تصرفات غريبه ع هبه مرات اخوك
اتنهد بضيق ~ تصرفات اي بس ي رضوى
عدلت ياقة قميصه^مش عارفه ي حبيبي علطول تعبانه وف اوضتها ومامتها كل يوم بتيجيلها كتير مش بتاكل معانا خالص
~خلاص وانا نازل القاهره هاخدها للدكتور
حطت أيدها ف وسطها بضيق ^نعم يعني اي بقا هوانا بقولك كدا عشان تاخدها معاك
رفع حاجبه باستغراب ~الاه مش انتي قلقانه عليها وبتقولي دايما تعبانه اي هنسيبها تموت
ارتبكت ^ها لا مش قصدي بس ممكن ماما تاخدها أو انا للدكتور اللي ف المركز
~انتي لسا تعبانه من الولاده وكمان آسر لسا صغير وماما مش هتقدر هاخدها معايا واناهرجع ف نفس اليوم
ف غرفة هبه
كنت بحاول اتصل بحمزه بس قافل نت ومش عارفه أوصله رميت الفون بعصبيه ونمت السرير بس سمعت خبط ع باب اوضتي
=احم مين
~انا امير
لبست اسدالي وفتحت الباب
~ سلامتك ي هبه ،رضوى بتقول انك تعبانه من يومين
=لا انا كويسه دا دور برد عادي متقلقش
~ تعالي هنروح لدكتور كويس ف القاهره ، انتِ عامله فرق ولا اي ي هبه انا اخوكي
=صدقني انا كويسه ي ابو ادهم
~كلمة واحده اتفضلي أجهزي ساعتين ونتحرك انا كدا كدا ورايا شغل بسيط ف القاهره وهنرجع ف اخر اليوم سوا
سابني ومشي وانا قفلت الباب وجوايا برتعش جربت اتصل بحمزه تاني بس برضه مغلق اتصلت بماما
*اعمل اي ي ماما تفتكري امير هيصدق ولا هيعمل اي
° هو انتي عايزه تغامري بسمعتك انا هجيلك وامنعه ياخدك
*بسرعه ي ماما بالله عليكي
عدا ساعه وادهم خبط عليا يبلغني أن والده مستنيني
لبست عبايه زيتي واسعه رغم اني لسا بطني مش ظاهره بس كنت مكسوفه وحاسه أنها باينه
نزلت من ع السلم لقيت امير مستنيني
~يالا ي هبه متأخرين
اتصلت ب ماما مردتش، اتحركت معاه وكل ذره فيا بتترعش يارب حلها من عندك
قبل ما نخرج من باب البيت رضوى ندهت عليه
^امير استني
التفتنا ~اي ي رضوى
^اسر عنده حراره تعالي وديه للدكتور
~طب هاتيه وتعالي يالا
طلعت تجيبه
وانا اخيرا اتنفست بهدوء وقتها ماما جت مسكت فيها زي الاطفال
=ماما هتوديني للدكتور ي أمير خليك مع مراتك وولادك
~ميصحش ي هبه انا بس هطمن ع أسر و
=خليك معاهم بجد انا تمام
طلعنا الجنينه برا
°الوضع دا مبقاش نافع ي هبه
=اعمل اي بس ي ماما
بصتلي بلوم وسكتت
لاول مره حسيت ان حملي مشكله وخايفه بسببه بس حطيت ايدي ع بطني انا مهما حصلي عمري ما اكرهك دا انا استنيتك كتير اوى
اخيرا حمزه اتصل بيا
=حمزه كنت فين قلقتني عليك
*حقك عليا فوني ضاع ومكنتش عارف اكلمك اخدت اللاب بتاع زميلي أنهارده عشان اطمنك عليا
= حمزه انا حامل
انصدم *حامل !اتاكدتي ي هبه الموضوع دا ابوس ايدك دا مفيهوش هزار
ضحكت ع شكله وطلعت الاختبار =والله حامل ي حمزه ربنا عوض صبرنا خير
عينيه دمعت وسجد ف الأرض شكر لله
*الحمدلله انا لازم ادبح واوزع كتير
ابتسامتي اختفت =حمزه قبل كل دا انت لازم تقول لمامتك انا مش عارفه اقولهم اي
خبط بايده ع دماغه *انا نسيت الحوار دا عموما متقلقيش انا هحلها المهم خدي بالك من نفسك ي حبيبي
قفلت معاه وانا مبسوطه وقومت كلمت ماما وطمنتها واتبسطت واخيرا باركتلي
عند حمزه ف لبنان
∆انت مستوعب اللي بتقوله
*معنديش حل تاني لازم اسافر يومين وارجع
∆عارف هتخسر فيهم كام وفلوس الطياره غير خصم من مرتبك
*اهم حاجه عندي مراتي وابني
حضنه ∆الف مبروك ي ابو علاء
*علاء مين ياض
∆ابنك لو جبت واد سميه علاء ع اسمي
*ي شيخ روح هوانا طايقك معايا أما اسمي ابني ع اسمك اتكل من هنا
نزلت مصر تلات ايام بالعافيه ورجعت لبنان بعدهم يعتبر قضيتهم ف السفر بس مهتمتش
بعد تلات اسابيع عرفت والدتي بحمل هبه
وبعد ست شهور نزلت مصر
*في حامل قمر كدا بس
باست ايدي بحب = والله انت اللي قمري وحبيبي وكل حاجه
*الله الله في اي هبه هرمونات ولا بجد
=جد الجد والله
*ي ابوي دانا كدا مش هسافر خالص
ضحكت =يارب بجد تفضل معانا طول الوقت انا خلاص قربت أن شاء الله
حضنتها وانا بلقط صوره لينا ف انعكاس المرايا اد ايه ربنا كريم ! البيبي بيفرق اوى ف حياه اي حد ربنا يرزق كل مشتاق حسيت فعلا بكلام ربنا (المال والبنون زينة الحياة الدنيا والباقيات الصالحات خير عند ربك ثواباً وخير املاً) الكهف 46
تمت ❤️