رواية نبات قلبي الفصل الأول 1 بقلم ريهام

رواية نبات قلبي الجزء الأول

رواية نبات قلبي البارت الأول

رواية نبات قلبي الحلقة الأولى

*والله ي هبه لو العيال ليهم مكان نشتريهم منه كنت اشتريتلك ولا ان دموعك تغرق وشك كدا
راجل بمعني الكلمه لو قعدت عمري كله مش هلاقي زيه
“انت مش هتظلمها ي ولدي انت هتطبق شرع ربناهتتجوز واحده تانيه
*لا ي أما أنا مش هزعل هبه ولا اكسر قلبها عشان حاجه مش بايديها
بصتلي بزعل “ي ولدي متركبنيش الغلط ،هبه دي بتي انا ربيتها من وهي بضفاير ومرضاش ليها الزعل بس دا نصيب ومكتوب هنعمل اي وانت لازم يكون لك حتة عيل
*مش هيكون غير من هبه ي أما
قومت من مكاني وطلعت اوضتي لأننا ساكنين مع والدتي ف بيت كبير
لقيت هبه واقفه تبصلي ودموعها نازله ملقتش كلام اقوله فاخدتها ف حضني وانا بطبطب ع شعرها
*حقك على قلبي والله ،ميهميكيش هنروح لدكتور تاني ورابع وهننزل القاهره ولا اسكندريه
حركت رأسها بنفي =الدكتور قال مفيش فايده ي حمزه
*هو مين دا اصلا عشان يقرر الرزق دا بايد ربنا وانا واثق ف ربنا وكرمه
طب اقوله اي ادام حنيته عليا مسحت دموعي ورسمت ابتسامه ع وشي حتي لو مزيفه =هنزل احضرلك العشا
*بس تأكلي معايا
=لا انا ..
*والله ما هاكل من غيرك لو دا يرضيكي بقا خلاص هنام جعان
=لا طبعا هاكل معاك
خرجت من الاوضه ونزلت للمطبخ احضرله الاكل افتكرت كلام الدكتور
_بعد الفحص الدقيق والاشاعات والتحاليل اتضح إن موضوع الحمل دا صعب جدا يحصل ي مدام
الدنيا لفت بيا وانا بسمع كلام الدكتور وحسيت بالدموع ع وشي
“ليه بس ي داكتور الناس تجول كلام زين يطيب الجلب مش يدبحه إكده
_والله ي حجه انا بقول رأي الطب
اخيرا مسحت دموعي ونطقت =يالا بينا ي اما
باك
لقيت رضوى سلفتي جت وقفت معايا ف المطبخ وهي حاطه أيدها ع بطنها المنفوخه غصب عني بصيت ع بطنها بس بعدت نظري وانا بستغفر وبدعي ربنا يرزقني
بصتلي بشماته ^قلبي عندك ي هبه ماما صابحه زعلانه اوى عشانك وانا وحياتك زعلت اوى
اتضايقت من كلامها واتضايقت اكتر أن حماتي اللي قالتها بصتلها وحاولت اتماسك وابان بارده
=الحمدلله ع كل حال
^انا رائي تروحي للشيخ عبدالتواب اللي ف الجهه التانيه بيقولوا مبروك وسره باتع
طب اخبطها ب براد الشاي ف وشها ولا اعمل اي
=متشكره ،تصبحي ع خير
حطيت الاكل ع الصينيه وخرجت من المطبخ
تاني يوم كنت قاعده بلاعب أدهم ابن سلفي وهو بيضحكلي
حماتي بصتلي وطبطبت ع كتفي “ربنا يراضيكِ ي بتي بالذريه الصالحه
غصه ف قلبي بقيت بحسها مع كل دعوه زي دي
نيمت أدهم وسيبته ع الكنبه وخرجت برا ف مدخل البيت الكبير في زرع ووريحان قعدت جمبه وانا ببص للزرع اللي لسا بينبت ربنا قادر ينبت الزرع دا من وسط الأرض والطين وقادر ينبت طفل جوايا يفرح قلبي
بعدها سمعت صوت عياط ادهم ف جريت بسرعه عليه لقيت أمه شيلاه وبتسكته
بصتلي بضيق ^سيبتيه ع الكنبه ي هبه عشان يقع
=والله ماما كانت جمبه و..
^انا مش هأمن ع ابني تاني معاكي انتي..
~رضوووووى
^شايف ي أمير هبه سابت أدهم وقع من ع الكنبه
~محصلش حاجه الواد كويس ملوش لازمه كلامك
بصتله بضيق واخدت الولد ومشيت
ضغطت بايدي بقوه عشان معيطش صعبانه عليا نفسي
بصلي وابتسم بحنيه~متزعليش ي هبه ، رضوى بس حماقيه شويه
=حصل خير ي ابو ادهم
~عامله لنا اكل اي بقا انهارده الواحد حاسس أنه جاله انيميا من الاكل الميري
ابتسمت = محاشي وبط
~الله الله دا الليله عيد
ضحكت ع طريقته وقتها حمزه دخل
حاوطني بايده واتكلم بهزار *مالك بمراتي ي واد انت عامل فيها ظابط بتستجوبها
رفع حاجبه ~واد !!نهار مش فايت دا انا الكبير
*اها وماله دا انت اكبر بتلات دقايق يعني فرق توقيت مش اكتر
عدل لياقة بدلته ~بس الكبير برضه
*تعالي ي هبه معايا فوق
~الاه ي بني عايز اتغدي الوليه غضبانه عليا
*هات لنفسك ي اخويا
طلعنا فوق اوضتنا
*ايدك باينه ليه
اتحرجت ونزلت كُم العبايه بسرعه =اسفه والله ماخدتش بالي
*امم وبرضه ماخدتيش بالك اني بغير ع مراتي ومحبش حد يكلمها ولا يضحكها غيري
=ها !اسفه بس والله ..
باس خصلات شعري *مش محتاجه تحلفي اصلا انا عارف وواثق فيكي ،يالا جهزيلي الجلابيه البني واجهزي عشان عندنا مشوار للمركز عنددكتور كويس اوى
ابتسمت وجهزت بسرعه وروحنا للدكتور
عدا تلات شهور وانا متابعه مع الدكتور وعلاج كتير وحقن اكتر وجلسات كل شهر
*والله ي هبه لو العيال ليهم مكان نشتريهم منه كنت اشتريتلك ولا ان دموعك تغرق وشك كدا
كلامه كان بيهون عليا كتير كل ماتعب افتكر كلامه
كنت عند ماما
كنت ف حضنها وبتوجع من الالم بتاع الجلسات والحقن وهي بتطبطب عليا
°هوني ع نفسك ي بتي دا قدر
=انا تعبت اوى ي ماما خلاص مبقاش في مكان فيا متحقنتش فيه ولا اتالمت فيه وبرضه مفيش فايده
°طب انا عندي خبر حلو ليكي
=بجد قولي ي ماما عارفه دكتور احسن؟
°لا ي حبيبتي بس خالك حمدي سافر الحج
ابتسمت ب =ماشاء الله ربنا يتقبل ويجي بالسلامه
°تعالي نكلمه ونقوله يدعيلك وهو هناك
وفعلا اتصلت بيه وماما كلمته وبعدها اخدت منها الفون =ادعيلي ي خالي ابقي أم
عيطت وسيبت الفون من ايدي
اخر اليوم حمزه جه اخدني من عند ماما وكان زعلان
=مالك ي حمزه
*هبه انا لازم اسافر لبنان الاسبوع الجاي
=هتتاخر ؟
*ع حسب ما اخلص
كتمت دموعي وابتسمت ومسكت وشه بايدي وغنيتله =بس أوعي تغيب ي مُنايا وي اعز حبيب
عدا الاسبوع بسرعه وحمزه سافر كنت محبطه اوى ومرضتش اروح للدكتور تاني
~تعالي ي هبه هاجي انا معاكي للدكتور ورضوى كمان هتيجي معانا
=شكرا ي ابو ادهم انا مش هتابع تاني غير اما حمزه يرجع
~بس ..
قاطعته رضوي وهي نازله من ع السلم ^مبسش ي أمير سيبها براحتها تعالي معايا عشان نعدي ع الدكتور بتاعي
بصيت الناحيه التانيه عشان اداري زعلي ،جت مسكت ايد امير و بصتلي ^ معلش ي هبه اصل الدكتور هيحددلي انهارده هولد أمتي
=ربنا يقومك بالسلامه ي رضوى
مشيوا وانا قعدت ف اوضتي كلمت حمزه فيديو كول
=مبسوط ي حبيبي ف لبنان
*كل حاجه ناقصه وجودك ي حبيبتي والله
=بكاش اوى تلاقيك مصدقت خلصت مني وعجبك البيت الأبيض اللي انت فيه
*ي ولا انت اللي ف القلب ولا يشغلني بيض ولا سُمر
=انا عايز احجزلك تيجي تقعدي معايا يومين وافسحك ف البلد هتعجبك موت
*بس ماما صابحه انت عارفها مش هتوافق
=هكلمها انا واحجز واقولك
وفعلا كلم حماتي بس رفضت عشان رضوى قربت تولد وانا اللي شايله البيت معاها وطلباته
*متزعليش ي بوبا والله هعوضهالك
=حاضر ي حبيبي انا مش زعلانه
عدا اسبوع ورضوى ولدت وصممت تروح عند والدتها تقريبا خايفه ع ولادها مني كنت بعيط احاسيس كتير مزعلاني وحمزه مش معايا بس ربنا معايا قومت صليت ودعيت ربنا يراضي قلبي
كنت بكلم حمزه *جهزى شنطتك ي حبيبي بكرا هتجيلي
=انت مجنون اذاي والبيت وماما صابحه
*بقولك اي ماما صابحه هتروح تقعد مع احفادها خلينا بقا مع بعض
سكتت وزعلت
*مش عايز دموع ي بوبا انا قررت خلاص وحجزتلك التذكره لو مش عايزه تشوفيني بقا دي حاجه ترجعلك
=اكيد عاوزه اشوفك
*يبقي خلاص قولي لامي انك هتروحي عند والدتك يومين وهي مش هترفض
جهزت شنطة صغيره ولبست دريس أبيض ف اسود وحجاب زهري كنت مبسوطه وجميله زياده عن العادي
اول ما وصلت قابلت حمزه اللي جري عليا وحضني كنت مرفوعه عن الأرض كنت مكسوفه جدا من الناس اللي حوالينا =ي حمزه نزلني
*معرفش اني بحبك اوى كدا وانك هتوحشتيني اوى كدا
روحنا اوتيل تحفه ومروحناش شقته
=ي حمزه اي لزمتها المصاريف دي
*مش عايزك تطبخي ولا تعملي حاجه انتي جايه تتبسطي وبس
=ربنا يباركلي فيك ي حبيبي
كل حاجه هانت ف عيني بعد معاملته ليا وحنيته عليا ياريت كل الناس حمزه
اليومين خلصوا بسرعه ورجعت البيت تاني
لقيت رضوى جت وحماتي موجوده وامير
~نورتي ي هبه البيت كان وحش من غيرك
=تسلمولي البيت منور بيكم وبالبيبي الجديد
طبطبت ع ايدي “راجعه من عند الحجه زي البدر ي هبه اد كدا احنا مزهقينك
ابتسمت لحماتي =ربنا يبارك لنا فيكي ياما بس هي كانت وحشاني بس
^مهي لازم تبقي حلوه هي لا حملت ولا ولدت وفتحوا بطنها ي ماما
~رضووى حافظي ع كلامك
اخدت شنطتي وطلعت من غير كلام عدا اسبوعين
كنا قاعدين بناكل كلنا بس انا تعبانه ومش قادره اكل افتكرت حمزه ومحايلته ليا
“اي ي هبه مش بتاكلي ليه
=معدتي وجعاني شويه بس ي أما
“طب اطلعي ارتاحي ي بنتي وهعملك نعناع دافي
طلعت اوضتي وحمزه اتصل بيا كلمته بس سيبت الفون وجريت ع الحمام استفر..غت كل اللي ف معدتي
الدنيا كانت بتلف بيا فضلت كذا دقيقه ف الحمام عشان اتوازن واطلع من الحمام مسكت الفون كان حمزه لسا ع الخط
=معلش ي حبيبي معرفش اي اللي حصلي اسفه
*سلامتك ي بوبا انا هتصل ب امير ياخدك للدكتور
=لا بلاش انا هيبقي كويسه متشغلش بالك
*اومال اشغل بالي بمين بس ي عيوني
°والله ي بنتي جوزك لو مكنش مسافر كنت قولت انك حامل
كنت بكلم ماما ف الفون وبقولها ع الأعراض اللي عندي
حطيت ايدي ع بطني وانا ببص للفون معقول انا حامل !