رواية مين الضحية الفصل السادس 6 بقلم سمر زيدان
رواية مين الضحية الجزء السادس
رواية مين الضحية البارت السادس
رواية مين الضحية الحلقة السادسة
وانا طالعة من على السلم بابك اتفتح وفي لحظة شدتني لشقتك وكتمت نفسي وخدرت*ني وملحقتش اصرخ معرفش عدى وقت أد إيه فوقت لقيت نفسي على سريرك وانتا قاعد قصادي ومنهار وبتعيط وبتقوللي سامحيني وانا هدومي متقطعة وفي دم عالسرير
صرخت صرخت بعلو صوتي لط*مت على وشي وقمت جريت عشان ارمي نفسي من البلكونة والناس اتلمت وكسرو الباب واخدونا عالقسم واتعمل محضر اغت*صاب
بس للاسف اهلك ضغطو على ابويا وهددوده انهم هيبلغو اهله في الصعيد وانهم هيقومو محاميين كبار ويقولو اني روحتلك بمزاجي دا غير الناس وكلامهم
وكان الحل الوحيد اننا نتجوز
عمري ما هنسى كسرة ابويا ودموعه
أمي زعقت صرخت ضربتن*ي قطعت شعري قالتلي ياريتك كنتي موتي ولا عيشنا بعارك
انما أبويا لأ معملش حاجه ياريته كان قام طلع غضبه فيا
او حتى عاتبني سكت بس عنيه دبح*تني
يوم الفرح لبسوني الفستان كأنه كفن وامي لبست أسود وقالتلي مش عاوزين نشوف وشك تاني
وبعدها اكتشفت أني حامل في تؤام لطم*ت على وشي وانهارت وجالي انهيار عصبي وقعدت في المستشفى شهور كل مابطني تكبر افتكر اللي حصل كنت خايفه منكم وحاسه انكم بتقطعو جسمي من جوه كان عندي ١٨سنة ومغت*صبة وحامل واهلي مش بشوفهم
لحد ماجه يوم الولاده كنت بموت من الالم كنت بدعي ربنا اموت ومع اول صرخة ليكي وبعد منك حسام سمعت صوات وصريخ
دا صوت أمي بتصوت عشان أبويا جاتله ذبحة صدرية ومات من حسرته عليا
دخلت عليا زي المجنونة تضرب فيا
وتقوللي انتي السبب ياريتنا مخلفناكي ياريتك ما جيتي
اول نفس ليكم في الحياة كان آخر نفس لأبويا 💔
وامي رجعت الصعيد وقالت اننا روحنا في حادثة ولحد النهارده معرفش عايشة ولا ميتة
حاولت اكرهكم او حتى مارضعكمش واسيبكم وامشي بس غريزتي كانت اقوى منى
حبيتكم ومقدرتش ابعد
كنت خايفه ياريم كل يوم كنت بخاف انام اصحا الاقي هدومي مقطعه والناس ملمومين عليا بينهشو فيا
الاغت*صاب دا جريمة بشعة ابشع شئ ممكن يحصل لبنت ولا يمكن تسامح فيه مهما حصل
(بتوجه كلامها لعادل )عشت بعدها معاك زي الميتة قررت اكمل تعليمي عشان ابقا حتى حققت امنية ابويا وانتا ساعدتني بس كنت دايما شايفاك شيطان كنت بكر*هك وكل ماكنت بتحاول تعوضني كنت بكر*هك أكتر
كل الناس كانت شايفه طيبتك معايا ومعاملتك ليا
بس انا كنت شايفاك ورم ومسك في جسمي مضطرة اعيش معاك واشوفك
لحد ماقابلت مصطفى واول ماحسيت بحاجه من ناحيته طلبت منك الطلاق وانتا وافقت بسرعه كأنك بتحاول تكفر ذنوبك معايا
مين الضحية ؟؟ردو عليا مين الضحية ؟؟وبتنهار وتشهق من العياط
ومصطفى بيجري يحضنها والدموع مالية عنيه
كفاية يا مريم اهدي كفاية انا اسف انا اسف انا معاكي محدش هيقدر يأذيكي
عادل: كفاية يا مريم كفاية
رريم :مستحيل مش ممكن لا ابويا أنا
انتي كدابة كدابة كدابة رد يا بابا انطق
ايه اللي هيا بتقوله دا ؟
عادل؛ دي الحقيقة يا ريم انا اسف يا بنتي
ريم: آسف على ايه على العمر اللي عشته مفكراك ضحية ولا العمر اللي عشته مع ام مكنتش اصلا عاوزاني
اسف انك خلتني كدا انسانه مريضة آذت كل الناس اللي حواليها عشان انتقملك وانتقم لنفسي كنت بنتقم من الضحية وسايبة الجاني ولو كنت اعرف كنت عوضتها هيا مكنتش قسيت عليها
انا بكرهك بكرهك وبتجري تخرج من الاوضة
مريم : ريم بنتي يامصطفى ارجوك الحقها
مصطفى :مريم اهدي انا هروح اشوفها
ايه: انا هروح معاه
بيخرجو ورا ريم اللي جريت وطلعت على السطح وقفت عالسور
مصطفى : لا ياريم استنى متعمليش كدا
ريم: لو قربت هرمي نفسي
(( أيه بتنزل بسرعه وبتقول لعادل ومريم وبيطلعو))
عادل ببكاء : ريم انا كفرت عن ذنبي وعشت عمري كله عشانكم انا اسف يا ريم
أيه: ببكاء إنزلي يا ريم انا مسامحاكي دانتي اختي وصاحبتي
(( وفجأة الكل بيلاقي مريم راحت وقفت جنب ريم عالسور ))
مصطفى :بتعملي ايه يا مريم؟
مريم: انا مش هسيب بنتي يا مصطفى
ريم: انزلي ياماما روحي للدكتور مصطفي وخليه يعوضك عن اللي انتي شوفتيه
مريم :لا ياقلب ماما انا خلاص هعيش معاكي تاني وهعوضك عن اللي شوفتيه انا هسامح بابا
ريم :لا انتي بتقولي كدا عشان ماموتش نفسي
مريم :مقدرش اعيش من غيرك هاتي ايدك يا نعيش سوا يا نموت سوا
ريم: بتمسك ايدها وبتنزل وبتحضنها مريم وريم بتبكي بحرقة في حضنها
مريم: خلاص يا ريم مش هسيبك كل حاجه هتتصلح وتبقا احسن من الاول ريم بتدفن وشها في حضن مريم
وبتاخدها وبتنزل بيها
(((((((وبيعدي وقت طويل ))))))))))
حسام بيخرج من المستشفى وللاسف بيفسخ خطوبته على سارة بسبب انها رافضة تعيش في مصر وعاوزه حسام يسافر معاها اليونان
وفي الوقت دا كانت ريم عايشة عند مامتها وقدرت تتخطى اللي حصل باهتمام مريم بيها
ريم: ماما
مريم : نعم يا قلبي
ريم: بابا وحشني 🥺
مريم: روحيله يا حبيبتي دا مهما كان بابا
واقولك على سر انا خلاص مبقتش شايله منه وسامحته
ريم بفرحة طفوليه: بجد ياماما؟؟
مريم : أيوه ياقلب ماما ❤️
ريم : المهم بقا هنسمي البيبهات إيه؟؟
مريم بتضحك: هديكي واحد تسميه
ريم : لوبنوتة هسمي أيه 🥺نفسي أنها تسامحني
مريم بتحضنها: الايام بتداوي يا بنتي
أية خارجة من الكلية بتلاقي حسام في وشها
أيه : حسام؟بتعمل إيه هنا
حسام بضحك : جاي اضربك بسك*ينة زي ما ضربت*يني
أية: سامحني انا أسفة كانت اوقات صعبة
حسام : بس أنا مصمم اخد حقي
أيه: طب وبرأتني ليه ؟
حسام: عشان أخلص حقي منك
أيه:يعني عاوز ايه؟
حسام : تتجوزيني
أيه بذهول :انتا بتقول ايه؟طب وخطيبتك
حسام : لا خلاص دا كان لعب عيال سارة بنت عمي وبس
أيه: انتا بتعمل كدا شفقة 😥
حسام: لا عشان انتي بنت صعيدية وجدعة واخدتي بتارك وهتنفعيني لو دخلت خناقة 😂
أيه بخجل : موافقة
يوم خطوبة حسام وأيه والكل متجمع وسعيد
ريم : سامحتيني يا أيه؟
أيه: سامحتك يا ريم
مريم : مبروك يادكتور عادل
عادل: الله يبارك فيكي يا دكتورة مريم
مريم: عادل خلاص اللي فات مات واحنا عايشين عشان ولادنا ابتدي من جديد وعيش حياتك وانسى اللي فات
انتا لسه شباب ياعم
بيضحك عادل وبتضحك مريم
ريم متابعاهم وبتبتسم اول مرة تشوفهم بيتكلمو وبيضحكو
كل واحد منهم جواه جرح كبيركلهم كانوضحايا بس الحياة لازم تستمر
تمت
لقراءة الرواية كاملة اضغط على : (رواية مين الضحية)
تم
tm