رواية ميرنا الفصل الثاني 2 بقلم ريم محمد
رواية ميرنا الجزء الثاني
رواية ميرنا البارت الثاني
رواية ميرنا الحلقة الثانية
“الجزء التاني”
_ميرنا:موافق ازاي، بقولك تلت سنيين وكمان تلتزم بضوابط الخطوبة قبل الساعة 10 نكون مخلصين كلام، ملكش تتدخل فى حاجة تمام؟
_كل شروطك موافق عليها
_ميرنا بغضب طفيف:مش حابة فكرة تجيلنا كل أسبوع
_اللى انتِ حباه، حددي الوقت والايام معنديش أدنى مشكلة اى حاجة هتقوليها موافق عليها
_ميرنا:أزاي موافق كدا على كل حاجه!
_الشاري يغمض عيونه ويوافق على كل حاجه من غير نقاش
*اعرفك بيا؛ اسمي أدريان عندي 25 سنة شغال في كذا حاجة وعندي سلسلة مطاعم، المطعم اللي أنتِ شغالة فيه بتاعي، اى منطقة فى مصر هتشاوري عليها عايزة تعيشي فيها نسكن فيها*
_ميرنا:يعني انا مميزة لدرجة دي؟ المميزات دي كلها ليّا أنا
_اه، أنتِ تستاهلي كل حاجة حلوة
_شوفتني امتى ولا لحقت تعجب امتى؟
_دا حبّ مش إعجاب، وشوفتك ازاي واتعرفت عليكِ ازاي هقولك بس فى الوقت المناسب، ومش لازم تردي دلوقتي خدي وقتك واول ما تقولي موافقة هلبسك الشبكه علطول
_ميرنا بإنتهاز الفرصة :اسمك غريب أنت مسيحي، يبقى مرفوض
_أدريان:انا مسلم بالعقل كدا هوافق على ضوابط الخطوبة ازاي
_ميرنا:يبقى أنت اللى وافقت اشتغل في المطعم
_أدريان:لما عرفت أنك اللى هتشتغلي فى المطعم وافقت طبعًا دي فرصة لا تُعوض
_ميرنا:أنا فرصة ذهبية لدرجة دي؟
_أدريان بحماس:ايوه
*مشي وكان جايب هدية فتحتها لاقيت بلورة جواها حورية بحر وموسيقى هادية وأنواع شكولاتات كتير وكتب، وسلسلة على شكل شمس، لاقيتها هدية مميزة حتى اسمه والبرفيوم بتاعه مميز كلامه ونبرة صوته مميزة حسيته خطفني ولاقيته طموح، وكمان موافق على شروطي الغريبة بعض الشئ مش اى حد يوافق على الشروط دي*
^^^^^^^^^^^^^^^^^^^^^^^^^^^^^^
*قررت هوافق عليه، لاقيت أهله جم وقرينا فاتحة وجابوا شكولاته بديل لجاتوه نوعها مميز، حسيت طلتهم مميزة وفريدة من نوعها، حسيت بشعور غريب وفرحة مميزة كدا*
*بعدها بيومين قررنا نعمل الخطوبة فى مكان واسع ومفتوح وكله زرع قاعة مفتوحة، لاقيت ميوله شبهي حتى جبلي ورد اللافندر اللى بحبه
رغم ندرته، عدى اليومين وعزمت صحابي كلهم كانوا مستغربين أخيرًا وافقت على حد بس عنده رابطة غريبه تشد اى حد له نظراته مميزة لحد دلوقتي مش مستوعبة أنّي وافقت على حد*
*عدت الخطوبة على خير، وكنت فرحانة معقول فرحت بالارتباط؟!
روحت المطعم لاقيته قاعد وطلب أكل وطلب منّي أنا اللى اطبخه وخلى المطعم من الناس مكنش في حد غيرنا وقالي*
_أدريان:بعتذر لو بقينا لوحدنا أنا كسرت قاعدة من قواعدك
*وقف وانا أطول مني بكتير معرفش واصلة لكتفه ولا لأ، واول مرة ادقق فى ملامحه، طلع وسيم، غضيت بصري بسرعة ودخلت المطبخ وطبخت ولاقيته واقف، بيبصلي*
*خلصت وحطيت الاكل، ومكنش ليا مزاج أكل*
_أدريان:كلي معايا
_ميرنا:مليش نفس
_أدريان:خلاص مش هاكل
_ميرنا:ملكش علاقة بيا أنا عملاه عشانك
_أدريان:هدفك ايه من شغلك في المطعم دا
_ميرنا:أكون صاحبة المطعم دا
_أدريان:لو أثبتِ كفائتك هخليه باسمك وتدريه براحتك
_ميرنا بحماس:وانا إن شاء الله هكون أد المهمة دي
_أدريان:طب كلي، بحب الكارتون عادي وبسمعه
_ميرنا بإنبهار:بجد، وانا كمان جدًا بحب فيلم حورية البحر أريل أكتر فيلم بحبه جدًا
_أدريان بلمعة:نفس الكارتون، حبيت جدًا الحاجة المشتركة دي
_ميرنا:بتحب الفن؟
_أدريان:جدًا ليا مرسم أساسًا
_ميرنا بشغف:من أحلامي نفسي بجد، فى مرسم
_أدريان:خدي بتاعي
*فضلنا نتكلم كتير لحد ما وصلني البيت ويوم عن يوم اعجابي بيه بيزيد، لحد ما رن رقم غريب عليّ
وقالي عايزة تعرفي حقيقة أدريان
نتقابل في كذا*
*طنشت الموضوع، ومهتمش وفضل الرقم دا يبعت عملت بلوك بعت تاني
لاقيت؛صورة لادريان مبعوتة*
*قررت أقابل البنت دي*
^^^^^^^^^^^^^^^^^^^^^^^^^^^
_ميرنا بصدمة:دا أدريان ازاي!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ميرنا)
