رواية ميراث نور الفصل السابع 7 بقلم لينا بسيوني
رواية ميراث نور الجزء السابع
رواية ميراث نور البارت السابع
رواية ميراث نور الحلقة السابعة
“قرين ”
معتز باشا قالى :
بس انا ليا شرط علشان أشترى أرض عم دياب , هو مش شرط هو طلب !
قولتله بأستغراب :
طلب أيه ؟!!!
Lina Basyouni
قالى :
قبل ما أطلب الطلب … هو نصير الجن معاك؟!
قولتله :
أيه ده هو أنت تعرف نصير كمان !؟
ابتسم وقالى :
بعدين هتعرف أنا عرفته أزاى !!.. أنا أخر حاجه أعرفها أن جدك حبسهم فى الكهف !!!, هل أنت لما روحت الكهف حررتهم وبقوا معاك !؟
قولتله :
اها حررتهم وحاليا بكهربهم فى الكهف …. يعنى مش معايا دلوقتى !!!
ضحك بصوت عالى وقالى :
طيب ما انت طلعت بتفهم فى السحر أهوه ,ابن الوز عوام ,
بص ياسيدى الطلب بتاعى يخص واحد زميلى فى الشغل عنده بنت …
قاطعته و قولتله :
لامؤاخذه ياباشا لو بقاطعك , بس هو حضرتك شغال أيه ؟!!
قالى :
جهه سياديه عليا !!
اتصدمت وقولتله :
أمممم …علشان كده ماحدش هيجرأ يشترى الارض , الصراحة يا باشا أنتوا بتخوفوا أكتر من الجن والعفاريت !!!.
كمل ياباشا كمل …
أبتسم وكمل كلامه وقال :
فيه واحد زميلى فى الشغل ويعتبر أقرب صديق ليا , عنده بنت مكملتش 12 سنه , بعد ما مامتها ماتت , البنت تعبت جدا ومحدش قدر يعرف علتها ايه !!
Lina Basyouni
أبوها لف بيها على كل الدكاتره اللى فى مصر واللى بره مصر , ومالقاش علاج لبنته , جاب شيوخ بس كلهم طلعوا نصابين طلبوا فلوس كتيره وبرده معرفوش يطلعوا الجن اللى عليها .
هو أبوها حاليا رافض موضوع السحره دا تانى , بس أنت غير كل السحره …
قولتله :
أوعى يكون طلب حضرتك أنى أطلع الجن اللى لابس البنت ؟!!!
قالى :
بالظبط , تبقى خدمتنى وخدمت صديقى خدمه مش هنسهالك أبداا…
قولتله :
حضرتك فاهم غلط خالص .. أنا ماليش فى السحر ومعرفش أعمله , باشا أنا كنت محبوسة امبارح فى الكهف والجن كانوا بينفخونى …
Lina Basyouni
لولا الغراب جابلى رساله من جدى , وعرفنى أخرج أزاى وأسيطر عليهم أنما أنا معرفش أشتغل بيهم والكلام ده ,
أسف ياباشا مش هعرف أعمل اللى حضرتك عايزه , ممكن أعك الدنيا والبنت يحصلها حاجه!!!
قالى :
لا متخافش مدام عرفت تسيطر عليهم مش هيغدروا بيك والموضوع مش مستاهل يانور , أسال نصير جدك كان بيعمل أيه , وأعمل زيه
الفكره مش فيك أنت , الفكره فى الجن اللى معاك ,واللى يعتبر من أقوى الجن وغير كده متمرسين وعندهم خبره فى الحاجات دى، بحكم شغلهم مع أجدادك ….
Lina Basyouni
قولتله :
ياباشا أنا والله ما ليا فى الكلام دا خا….
قطع كلامى وقال :
كده مابقاش طلب , بقى شرط , لو مانفذتهوش مش هشترى الارض !!
قولتله :
ياباشا كده أنت بتضغط عليا !!
قالى :
أها بضغط عليك ، انا مش بقولك سيب شغلك وأشتغل ساحر ,دى مره واحده بس , هتخدمنى فيها وليك مفأجاه ياسيدى لما ترجع !!!!
قولتله :
مفاجأه ايه ؟ !!!
قالى :
حاجه تخص جدك , بس مش هديهالك الا لما تنفذ اللى طلبته منك !!!
فكرت شويه وبان عليا أنى هوافق وقولته :
بس…
قالى :
من غير بس , فيه عربيه هتاخدك بعد الغدا من قدام الفيلا توديك وترجعك فى نفس اليوم .
قولتله :
طيب خليها بكره طيب , على ما أروق الجو مع نصير والرجاله , أصلى زودت العيار معاهم شويه ….
Lina Basyouni
ضحك بصوت عالى وقال :
الله أنا بحب القصص دى أوى , ماتحكيلى أيه اللى حصل معاك فى الكهف امبارح؟! ….ولا أقولك خليها واحنا بناكل أحسن …
Lina Basyouni
قعدنا وأكلنا والاكل كان لذيذ جدا ، وكان من كل حاجه نوع , علشان لو مابحبش نوع معين من الاكل !!
حكيت للباشا اللى حصل معايا فى الكهف وكان بيسمعنى وهو مستمتع جدا ومتأثر بالاحداث كأنه طفل !!
قعدت معاه وقت كتير بعد الغدا وقضينا السهره بنحكى فى كل حاجه …
حكيتله عن أختراعى وحياتى قبل ما أجى القريه ولاقيتنى لا أراديا بحكيله على نيللى !!!
الناس بتوع الجهات السياديه دول عندهم هيبه غريبه ،
بتخليك تقر بكل حاجه بمزاجك !!
الوقت كأن أتأخر فاستأذنت , عرض عليا أبات عنده فى الفيلا بس قولتله أنى لازم أروح الكهف , قبل ما أروح مشوار بكره ….
Lina Basyouni
سلم عليا بحراره قبل ما أمشى وحضنى وقالى :
أستمتعت جدا بالوقت معاك , أنت شخصيه عبقريه وعصاميه زى جدك , وقصتك شبه قصة حياته ,حسيت فعلا أن التاريخ بيعيد نفسه !!
شكرته على حسن أستضافته ومشيت
خرجت من البوابه ….
لقيت البت قاعده على الأرض وسانده راسها على البوابه ونايمه!!!
قولتلها :
بت ياسندس !
فطت من على الارض وقالتلى :
نعم ياسيدى ..
قولتلها :
أنا نسيتك خالص يابت , ونسيت أقولهم يطلعوك أكل !!!, أنتى كلتى يابت !!؟
قالتلى :
كنت جعانه أوى ياسيدى وقولتهم على البوابه ومرضوش يأكلونى !!! بس خلاص لما شوفتك شبعت ..
ناديت على البواب بتاع الفيلا فجه جرى وقالى :
أؤمرنى ياسيدى ناير !!
قولتله :
أزاى يعنى الدرويشه بتاعتى تسيبوها كده من غير أكل؟ !!!
الراجل أترعب وركبه كانت بتخبط فى بعضها , وبص على سندس , وطلب منها السماح …
فقولتله :
أجرى روح هاتلها أكل من اللى أتفضل جوه !!
جرى وفى أقل من خمس دقايق كان جايب شنطه كبيره أوى مليانه أكل ،واداها لسندس .
وقال وهو مرعوب :
سماح المره ده يا سيدى ناير , وحياة مقامك ما هعملها تانى !!! سماح المره دى ياستى سندس ..
قولته بحزم :
خلاص روح دلوقتى
خد نفسه وجرى من قدامى
Lina Basyouni
بصيت على سندس لقيتها بتعيط !!!
قولتلها :
مالك يابت !!
فوجئت بيها بتحاول تبوس أيدى !!! وهى بتقول :
طول عمرك ناصفنى ياسيدى ,حتى من قبل ماتظهر وتتجسد!!
قولتلها :
روحى كلى ياسندس وبطلى عبط ..
Lina Basyouni
سيبتها ومشيت , فمشيت ورايا برده.
قالتلى :
رايح فين المره دى ياسيدى !؟
قولتلها :
راجع على الكهف .
قالتلى :
ماشى !!
ومدت أيديها فى الشنطه وأحنا ماشين وطلعت موزتين ،
اداتنى واحده وهى بتقول :
والنبى ماتكسف ايدى ياسيدى خدها منى وأدينى البركه.
خدتها منها وأكلتها وأحنا ماشيين !!
وفضلت سندس على كدا طول الطريق للكهف، تمد أيديها فى الشنطه وتدينى اكل .
مره الاقى فى أيدى ورك فرخه , مره حتة لحمه , مره طبق مكرونه ورز !!!
خلصنا شنطة الاكل الكبيرة قبل مانوصل التبه اللى عند الكهف !!!!
استنت هى فوق التبه … ونزلت أنا الكهف .
Lina Basyouni
قربت من الكهف وفتحت الباب , لقيت الدنيا مضلمه ومسمعتش صوت المحول !!!
طلعت الموبايل بتاعى وشغلت الكشاف ودخلت الكهف , بصيت على المحول لقيته وقف علشان الماتور أتحرق !!
ناديت على نصير وقولته :
يانصه … عمو نور جه .. أطلع يانصه عايزك .
فمردش عليا !!!
فقولت التعزيمه اللى بتحضرهم .
فلقيته قدامى وفضل يتلفت يمين وشمال ، وأول ماشافنى حط أيده على وشه وقال وهو مرعوب :
كفايه كهربا بقى!! أنت أيه ياجدع !!! مفترى !!؟
ده أنت سيبتنا نتكهرب لحد مالمحول اتحرق !!!
جدك عمره ماعمل معانا كده كان عنده رحمه , والمحول بتاعه كان بيتحرق بسرعه .
احنا فضلنا نتكهرب طول النهار والمحول ما أتحرقش الا من ساعه بس !!!
قولتله :
أصلى عملت تعديل بسيط فى المحول مايخلهوش يسخن بسرعه , لامؤاخذه بقى يانصه , أنت اللى غدرت فى الاول , ومتخافش ياسيدى أنا مش جاى أكهربك أنا جايلك فى مصلحه .
Lina Basyouni
قالى :
مصلحه أيه !!؟
قولتله :
بت ملبوسه وعايزين نطلع الجن اللى عليها ..
قالى :
هو ده الكلام … ياجدع الدنيا دي غريبه جدا !!
من كاام سنه جالى جدك وكان بيكهربنا ساعتها برضه , وقالنا على أول شغلانه معاه .
قولتله :
لا خد بالك دى هتبقى أول وأخر شغلانه .. ده حوار كده هنقضيه علشان امشى بيعة الارض .
قالى :
أيه ده هو جدك مقالكش أن احنا ماينفعش نقعد من غير شغل وخدمه والا هنشتغل عليك !!!
قولتله :
مش فاهم !!
قالى :
هفهمك بس لما نخلص الشغلانه دى الاول !! , أنت طبعا ميح فى السحر صح؟ !!!
قولتله :
ومش عايز اعرف حاجه عنه !! انا بس عايزك تقولى جدى كان بيعمل أيه فى المواقف اللى زى دى ،والباقى بقى عليكم انتوا جن فى بعضيكم ،وبتعرفوا تتعاملوا مع بعض .
قالى :
موافق بس شرط !!
قولتله :
شرط أيه أنت كمان؟ !! مش المفروض ده شغلك !!؟
قالى والدمعه كانت هتفر من عينه :
يعنى هو مش شرط هو طلب ورجاء منى ومن الجن اللى معايا …
قولتله :
أيه !!؟
قالى :
مانتكهربش تانى الاسبوع ده !!
ماردتش عليه
فقالى وهو بيستعطفنى :
خليك جدع بقى .. دا فى جنى مننا مخه اتلحس خالص وبقى ناسى أسمه , المشكله أنا احنا كمان نسينا أسمه ومحتاسين معاه دلوقتى !! ريحنا حتى أسبوع بعد دش الكهربا اللى خدناه النهارده ده !!! , محدش عمل معانا كده فى أجدادك كلهم … أنت غشيم أوى !!!
Lina Basyouni
قولتله :
ياسطى نصه من عنيا , أتعدلوا أنتوا بس وأنا ياعم مش هكهربك لمدة أسبوعين قدام .
فرح أوى , وتقريبا سمعت الجن اللى معاه فرحانين وحسيتهم بيحضنوا بعض !!
Lina Basyouni
فضل نصير معايا لحد الصبح ما طلع، شرحلى جدى كان بيعمل أيه فى المواقف دى .
لبسنى زيه وقالى أفتح الصندوق اللى على الترابيزه
وأطلع منه السبحه الطويله !!!
وقالى أخدها معايا علشان بتدى هيبه قدام الناس …
Lina Basyouni
وفيه جن معين بيخاف منها , الجن اللى أجدادى أتغلبوا عليهم قبل كده، أول مابيشوفوا سبحة أجدادى بيفتكروهم وبيخافوا .
خرجت مع نصير من الكهف فلقيت الغراب وقف على كتفى طلعت على التبه وقابلت سندس ، ومشينا ناحية فيلا معتز باشا .
سندس فضلت ماشيه ورايا برده …
أول ماوصلنا الفيلا لقيت عربيه بى أم سودا مستنية قدام الفيلا , معتز باشا قالى أنها هتوصلنى القاهرة وترجعنى القرية تانى .
هشيت الغراب وركبت فيها , لقيت سندس بتلف الناحيه التانيه وبتركب معايا !!
قولتلها بعد ما ركبت العربيه :
أنتى رايحه فين !! أنزلى يابت , أنا رايح مشوار مهم !!
قالتلى :
رجلى على رجلك مش هسيبك ياسيدى .
قولتلها وانا بجز على سنانى :
أنزلى ياسندس مش ناقصاكى !! انا رايح مشوار مايعلم بيه اللى ربنا .. أنزلى ياماما .. أنزلى ياحبيبتى !!!
قالتى وحستها هيغمى عليها :
حبيبتك !!!… قمسا بالله وغلاوتك عندى ما هسيبك بعد الكلمه دى … والله لو هيقطعونى شرايح مانا سايباك ياسيدى ناير !!!
Lina Basyouni
لسه هرد عليها .. لقيت معتز باشا جالى عند شباك العربيه وقالى :
أيه هتاخد الدرويشه بتاعتك معاك !!؟
قبل ما أشرحله …
كمل كلامه وقال :
مفيش مشكله بس أبقى خليها فى العربيه , عايزين نبقى خفاف على الراجل ، وماتنساش الراجل أسمه ياسين عوده وبنته أسمها كارمن…
Lina Basyouni
العربيه أتحركت وبصيت على سندس اللى جمبى واللى بتسقف برجليها من الفرحه علشان هتسافر معايا!!!
تليفونى رن ساعتها ولقيت أسم نيللى على الشاشه فكنسلت عليها وانا بقول :
هانت يانيللى … هانت …
وصلنا الفيلا سيبت سندس فى العربيه ونزلت وقفت على البوابه وقولت للامن :
عندى معاد مع ياسين باشا ، قوله الشيخ نور ناير .
الامن فتحلى البوابه ودخلت الفيلا واللى كانت فخمه جدا من بره ومن جوه .
Lina Basyouni
أبو البنت رحب بيا وسلم عليا بحراره وقالى :
أنا كنت رافض موضوع السحره ده تماما , بس لولا معتز باشا, هو اللى أقنعنى وقالى أنك غير كل السحره .
معرفتش أرد عليه وأقوله أيه , فقولته :
أن شاء الله والف مبرووك .. الطاعه لله .
طلعنى الدور التانى ودخلنى أوضه فلقيت بنت صغيره
متكتفه فى السرير ،وعماله تشتم في الخدامه وبتقولها :
ياخاينه … بتخونى جوزك مع صاحب محل البقالة اللي علي اول شارعكم !!!
هوبا من أولها كده !!!
سألت أبو البنت علي مكان الحمام فشاورلى عليه دخلت أتوضيت ورجعت …
وقفت فى نص الاوضه وتوكلت على الله وقرأت بتباث وبثقه صورة الزلزله كامله بدون زياده أونقص وجيت عند الايه الى فيها كلمة أشتاتا وقولتها 7 مرات .
فحسيت أن الاوضه بقت واسعه جداا!!! ,وسمعت صوت خبط جاى من جوه الدولاب ورياح هبت مع ان الشبابيك مقفولة !!!
فعرفت أن دى علامات صرف جن العمار اللى قالى عليها نصير .
أستدعيت نصير بعد ماصرفت جن عمار البيت .
فجه ونسيت وقولت بصوت عالى :
ايه رايك يا نصير؟!!
قالى :
تمام كده أنت ماشى صح , بس أبقى وطى صوتك وأنت بتكلمنى علشان الناس مايقولوش عليك مجنون , حرك شفايفك من غير صوت وانا هسمعك زى مانت بتسمع صوتى فى دنك كده !!..ثوانى بقى أشوف شغلى .
نصير بص على البت وفضل متنح فيها وبعدين أختفى !!
بصيت على البت لقيتها بتبرقلى و بتقولى :
نصر مين !!! محدش واقف فى الاوضه غيرك أنت وبابا وسعاد الخدامه هو ,انت بتكلم الهوا !!!.. انت مجنون ؟!!
Lina Basyouni
ماردتش عليها وبصيت على نصير اللى رجع تانى فقولت بصوت وشوشه:
ها أيه الدنيا !!؟
قالى :
حط ايدك على راسها كده !!!
جيت أحط أيدى على راسها , لقيت البت هتعضنى , فسحبتها بسرعه !!
فلقيت نصير فاطس على نفسه من الضحك !!
قولتله :
أنت بتهزر يانصير فى الشغل , البت مالها !!؟
قالى وهو لسه بيضحك :
بص هي مش ملبوسة , بس العن !! البت مجنونة ودماغها سايحه خاالص.
قولتله :
متأكد يانصه ؟! .. البنت شكلها مش مريحنى !!
قالى :
عيب عليك يا نينو انا مش تلميذ , البت مش ملبوسه بس مجنونه وبتجيلها نوبات صرع …
قولتله :
عندها مرض أيه يعنى ؟!!!
قالى :
لا انا مش دكتور نفسى ومش بفتى فى حاجه معرفهاش .. انا مؤمن بالتخصص ،
كل اللى أعرفه أنها مش ملبوسه وبيجيلها نوبات صرع ,أنا أخرى أقولك على وصفة الاعشاب المعالجه للصرع واللى جدك كان بيستخدمها وعرفتها منه .
Lina Basyouni
بصيت لابوها وقولتله :
بنتكم زى الفل مافيهاش حاجه ولا عليها جن ،وبالنسبه لنوبات الصرع اللى بتجيلها ممكن تكون بسبب وفاة والدت…
قطعت كلامى لما لقيت البنت بتقول :
غراااااااب !!!
البنت كانت بتبحلقلي بطريقة مرعبة …بحلقتلها انا كمان
وقلتلها :
تقصدى ايه بغراب؟!
قالتلى :
انت مربي غراب !
قلتلها :
وعرفتى منين ؟!!
قالتلى:
شميت ريحته… شكله بيحبك اوى.. بيتمرمغ فيك .
قلتلها :
ياا دا انتى حاسه الشم عندك قوية اوى !!
قالتلى :
مش انا اللي شميتك!!
وشورتللي علي قطة قاعدة في ركن في الاوضه !!!
Lina Basyouni
نصير ضحك وقالى :
مش بقولك مجنونة يا “نينو “، فيه ريشه من ريش حفيد غداف علي كتفك ،مطرح ما كان واقف الصبح .
ضحكت وقلت لابو البنت :
ماشاء الله بنتك ذكيه جداا عرفت ان عندي غراب عشان شافت ريشة سودا على هدومى…
نفضت الريشة من علي كتفي فنزلت على الارض .
وهمست لنصير وقلتله :
اقول للراجل ايه !!؟
قالي :
قوله بنتك كويسة ومفيهاش حاجه وأديله وصفة الصرع بتاعة جدك اللى هقولهالك دى!!
Lina Basyouni
قولت للراجل بنتك زى الفل و وقولتله على الوصفه اللى قالى عليها نصير وقلتله ميربيش قطة ولا كلب ولو هيربي حيوان يبقي من ذوات الدم البارد زى سلحفاه او سمك .
الراجل شكرنى وحاول يدينى فلوس .
نفذت وصيه جدى وقلتله:
مبخدش فلوس فى الخير ..
ومشيت ناحيه باب الاوضه وورايا الراجل .
نصير قالي :
علي فكرة انا سألت قرين البنت وقالى أنها هى اللى قتلت أمها و قتلت عيله صغيره كمان صاحبتها ,وهتقتل كتير , روحها سودا وكلها شر !!!
حبيت احذر ابوها فقلتله قبل ما اخرج من الاوضه ان بنته قتلت اغلي حد عندها وهتفضل تقتل، وحكيتله قصه سيدنا الحضر لما قتل غلام بيرهق أهله وكان هيضلهم
مكنش قصدي حاجة والله بس جات في مخى كده وقلت اقولهاله
معرفش ليه!!!
لقيت ابوها بيزعقلي و زقنى وطردنى بره !!!
Lina Basyouni
نصير كان واقع على نفسه من الضحك لما الراجل طردنى
وقالى :
علشان تتعلم ماتقولش كل حاجه !!! رايح تحكى للراجل قصة سيدنا الخضر !! بتقوله أقتل بنتك!!
انت عبيط يا نينو !!!
Lina Basyouni
رجعت العربيه وركبت جمب سندس اللى كانت نايمه فى العربيه و رجعنا على القرية …
طول الطريق سندس كانت نايمه خالص , حسيتها مستمتعه بالكرسى بتاع العربيه كسرير ..
صعبانه عليا البت دى برده , مالهاش بيت وبتنام فى الشارع !!
لقيت نصير جه و قعد جمبى سألته وقلتله :
ايه موضوع القرين اللى سألته دا ؟!!
قالى :
كل بنى ادم منكم لما بيتولد، بيتولد معاه قرينه من الجن بيفضل معاه طول عمره لحد ما يموت وتنقطع الصله بينهم
قرينك بيبقى عارف عنك كل حاجة و عاكسك فى كل حاجة
هو اللى بيوسوسلك وبيوزك على الشر على طول , من الاخر شيطانك اللى راكبك ،ولو عايز تحضر قرينك بتقف قدام المرايه وتقول اسمك بالمقل..
قاطعته وقلتله :
بس بس بس . انا ناقص !!! قرين ايه اللى احضره مش كفاية عليا انتوا .
Lina Basyouni
فضل يحكيلى طول الطريق عن حالات زى البنت اللى كنا عندها ..
نصير لذيذ برده ومسلى , سلانى لحد ماوصلنا القريه .
روحت لقيت معتز باشا عارف كل اللى حصل , وكان بيضحك عليا هو كمان !!!
قولتله :
ياباشا انا قولتلك ماليش فى الحوارات دى ،أهو الراجل طردنى من بيته وكان هينفخنى !!
قالى :
أنا لو مكانه كنت هنفخك برده، رايح تقول للراجل فيما معناه أقتل بنتك !!!
لا انت كمل فى البعثه بتاعتك , وشغل الكهربا !!! مش بتاعتك الشغلانه دى خالص يا نور !!
عدى عليا بكره أكون جهزت الفلوس والعقود .
قولتله :
هتشترى الارضين بقى , أديك شوفت أهو، أنا ماليش فيها !!
قالى :
لا طبعا , أرض دياب بس , الشرط كان على أرض دياب بس .
قولتله :
ماشى بكره الصبح هبقى عندك اخلص واخلع من هنا على طول ,وربنا يسهل بقى بعد البعثه
سكت شويه وكملت كلامى وقولتله :
طب بالنسبة للمفاجأة اللى قلتلى عليها ؟!!
قالى :
بكرة ان شاء الله واحنا بنخلص الورق هديهالك
سلمت عليه ومشيت من عنده
ومشيت ورايا سندس برده .
روحت على الكهف وانا فرحان جدا , أخيرا هقبض بكره وابقى مليونير .
Lina basyouni
وصلت الكهف , سيبت سندس على التبه ودخلت الكهف وغيرت هدومى وبصيت على الشنطه فشوفت القميص !! فأفتكرت حاجه !!
أستدعيت نصير .
قالى :
خير يانينو !!
قولتله :
انت كنت قولتلى أن القميص فيه امكانيات أقوى من الاخفاء فاكر !!؟ … اليوم اللى غدرت بيه فيه وحبستنى فى الكهف .
قالى :
قلبك أسود اوى يانيمو , طبعا فاكر , البس القميص وتعالا عند المرايا اللى فى الدولاب .
لبست القميص وبصيت على نفسى فى المرايا اللى فى الدولاب .
قالى :
أيه اللى تعرفه وجربته فى القميص؟
قولتله :
أنه بيخفى لما زرايره كلها تتقفل , وأنه بيغير لونه على حسب الرغبه لما ألف لفه كامله .
ضحك وقالى :
بس !!!
قولتله :
أخلص فيه أيه تانى !!
قالى :
بص يا سيدى …….
يتبع …
لقراءة الفصل التالي : اضغط هنا
لقراءة الرواية كاملة اضغط على : (رواية ميراث نور)
