رواية ميراث نور الفصل الخامس والعشرون 25 بقلم لينا بسيوني
رواية ميراث نور الجزء الخامس والعشرون
رواية ميراث نور البارت الخامس والعشرون
رواية ميراث نور الحلقة الخامسة والعشرون
” حرب الميجوانا”
لحد مافى يوم كنت راجع من المقابر وشايل على كتفى شوال الاعمال والسحر ، طلع عليا يجى عشرين راجل من أهل القريه وشدوا من أيدى الشوال , وطلعوا كل الاعمال اللى فيه , وسمعت واحد منهم بيقول :
– الست كان عندها حق , الساحر ناير هو اللى بيعملنا الاعمال !!!
ولاقيتهم بيحطوا أيدههم عليا , زقتهم وانا بقولهم :
– نزل أيدك يابن الكلب منك له , والا ألعنكم كلكم !!
كلهم خافوا ورجعوا لورا, شويه ولاقيت البلد كلها محاوطانى وبيطلعوا فى الاعمال اللى فى الشوال , اللى لاقى صورته ومكتوب عليها مرض , اللى لاقى عمل معمول بصورة مراته وعليه قفل واللى لاقى صوة أبنه , كلهم باصولى كأنى أنا اللى عامل الاعمال .
عليت صوتى وقولتلهم :
– ياقرية السوء أنتوا اللى بتسحروا لبعض عند شهاب ونيللى , وبتيجوا تتهموها فيا !!!
بصوا ياحمير على الشوال وبصوا على الاعمال اللى فيه , هتلاقوها متربه يعنى كانت مدفونه وانا اللى طلعتها علشان أفك أسحاركم!!
لعنة الله عليكم , أيه هتغلطوا نفس الغلطه اللى غلطها أجدادكم !!!
أغلطوها ….حاولوا بس تأذونى وانا ورحمة جدى ياكلاب ماهخليكم تشوف نور الشمس تانى .
وشاورت على واحد فيهم وقولتله :
Lina Basyouni
– أنت مش جيتلى وانت مربوط ومكنتش عارف تيجى جمب مراتك , مين اللى حل عقدك بأذن الله ؟!!
وطى رأسه فى كسوف وقالى :
– أنت ياسيدى ناير !!
قولتله :
– وجاى تمسك فيا دلوقتى !!
وشاورت على واحده تانيه وقولتلها :
– وانتى مش الناس اللى حواليكى كانوا بيشوفوكى قرده !!! , مين اللى شافاكى ياقرده بعون الله ؟!
قالتلى :
– أنت ياسيدى ناير !!
شاورت عليهم واحد واحد وقولتلهم :
– وانت … وانتى ..وأنت …. كلكم جيتولى وعندكم علل , وانا اللى فكتها بعون الله ومن غير ماخد منكم قرش , وسيبتونى وروحتوا لشهاب علشان تسحروا لبعض بالسحر الاسود !!!
نص اللى واقفين قدامى عارفين ومتأكدين أنى معملتش حاجه , لانهم هما اللى عملوا كده , وهلعنهم لو حد فيهم أذانى أو أذى عيلتى , والنص التانى هلعنه لو صدق أنى ممكن أعمل كده وظلمنى زى ماظلمتم جدى قبل كده , ولعنتى وعذابى أضعاف أضعاف لعنات جدى .
خساره فيكم الخير , خساره فيكم أنى بعرض حياتى للخطر علشان أحميكم وافك السحر اللى عليكم !!!
نكسوا رأسهم فى الارض وسمعت منهم اللى بيطلب العفو والسماح .
وسمعت واحد بيقول :
Lina Basyouni
– أشهدلك بدمى ياسيدى أنك أستحاله تعمل كده .
وسمعت واحده تانيه بتقول للناس :
– لفيت بأبنى على كل السحره وبيعونى بيتى , وبرضه ماحدش شفاه , وسيدى ناير شفاه من غير ماياخد منى مليم وادانى فلوس علشان أجيب علاجه لما عرف أنى محيلتيش حاجه .
وبصتلى وقالت :
– أشهدلك بدمى ياسيدى أنت كلك أخلاق وكرم وبتتقى الله !!
بعدها سمعت كل الناس بتعتذر وبتترجانى أسامحها ,حتى اللى مسكونى وانا شايل الشوال , أعتذرولى وواحد منهم قال :
– صح يا جدعان , أحنا مسكناه وهو طالع من المقابر , يعنى كان مطلع الاعمال مش رايح يدفنها !!
– وبصلى وقال :
Lina Basyouni
– أعذرنا ياسيدى والله أحنا عمرنا ماشكينا فيك , بس لما الست مراتك جات وقالتلنا..
قولتله بأستغراب :
– مراتى اللى قالت لكم !!!! مراتى مين ؟!! سندس؟!!
قالولى :
– لا ياسيدى مراتك التانيه فردوس !!!
سيبتهم وجريت على البيت اللى مأجرة لفردوس وانا دماغى هتشت من التفكير!!!
دورت عليها فى البيت كله مالقتهاش !!!
جريت على بيت أبوها ومسكت فى خناقه وانا بقوله :
– بنتك راحت فين !!؟
قالى وهو خايف ومندهش :
– بنتى عندك ياسيدى ناير !!
قولتله بعصبيه :
– بقولك أيه مش ناقصه أستعباط !!
قالى :
– والله ما أعرف هى فين !!! هى عملت أيه بنت الكلب دى !!
قولتله :
– بنتك بتتبلى عليا وبتقول انى بعمل أعمال للناس !!
قالى بأستغراب :
– فردوس !!! والله أبدا ماتعمل كده ياسيدى !! فردوس بتعشقك من قبل ماتقابلك.. انا ممكن أخون , أنما بنتى فردوس أبدا والله !!!
سمعت نصير بيقولى :
– سيب الراجل , الراجل مابيكدبش !!!
سيبته وطلعت من البيت وقولت لنصير :
Lina Basyouni
– أيه اللى حصل يانصير !!؟
قالى :
– لسه ماعرفش بس ابو البت مابيكدبش , سألت قرينه وانت بتتخانق معاه .
قولتله :
– أعرفلى حالا أيه اللى بيحصل !!
قالى :
– هروح أعرف, بس على ماجى لازم تروح الكهف وتتأكد ان مفيش حاجه ناقصه .
جريت على الكهف وتممت على كل حاجه فيه , واتصدمت لما لاقيت حاجه مهمه وفى غاية الخطوره أتسرقت من الكهف !!!
نصير جالى على اخر الليل وقالى :
– روحت علشان أعرف حوار البت فردوس أتفاجأت بحوار تانى خالص أخطر من فردوس !! … سندس نايمه !!؟
قولتله :
– أها نايمه .. هاا ايه الحوار ؟!!
قالى :
Lina Basyouni
– عرفت حاجه من اللى حصلت ؟!!
قولتله :
– مأظنش , انا جيت لاقيتها نايمه !! اخلص قول عرفت ايه ؟!!
قالى :
– طيب أفتح التليفزيون بسرعه و روح هاتلنا فشار , معايا فيلم يجنن واحتمال يكون أخر فيلم نتفرج عليه فى حياتنا , فعايزين نستمتع يانينو ونموت وأحنا مبسوطين .
قولتله :
قلقتنى يانصير !! اكتر مانا قلقان !!
قالى :
قلقان يعنى علشان مخطوط العزيف أتسرق من الكهف!!!
و أن شهاب ممكن يحضر المخلوقات اللى كان بيحاول يحضرها جده ؟!! لا متقلقش خالص !!!
شهاب حضر خلاص المخلوقات و دى أخر حاجه هتقلق منها لما تشوف اللى جاى , أنجز يانينو هاتلنا فشار على ما أجيب قناة الجن اليوم !!
قلتله :
– فشار ايه يا نصير بطل هزار الموضوع مش ناقص !!
قالى :
– مش هوريك حاجة الا لما تجيب الفشار .
قلتله :
– ماشى يا نصير !!
روحت عملت فشار بسرعه وجيت قعدت جنب نصير , فلاقيته بيحضنى وهو مبتسم وبيقولى :
– ليه حطيت ملح على الفشار .. أنت مش عارف أن انا مبحبش الملح !!
Lina Basyouni
قولتله :
– نسيت يانصير .
قالى :
– قوم أعمل فشار تانى من غير ملح .
قولتله بنفاذ صبر :
– أخلص يانصير مش وقته.
قالى :
– لا وقته …. نينو ياحبيى كلها ساعات وكلنا نموت , وانا نفسى فى فشار قبل ما أموت !!!
قومت عملتله فشار من غير ملح وحطيته قدامه وقولتله :
– ها مبسوط ورينى بقى عرفت أيه !!؟
قالى :
Lina Basyouni
– هبدأ معاك من أول فردوس اللى قتلوها !!!
قولتله بأستغراب :
– قتلوها !!! مين اللى قتلوها !!؟
قالى من غير ما يبصلى :
– بص يانينو على الشاشه !!!
بصيت على شاشة التليفزيون وشوفت شهاب ونيللى مكتفين فردوس فى كرسى بفستان الفرح و جمبها قفص حديد كبير فاضى!!
شهاب قرب على فردوس وفى أيده خنجر منقوش عليها طلاسم من السحر الاسود وتمتم بتعزيمات هو بيطعنها فى قلبها بالخنجر !!!
صرخت بصوت عالى ولفظت أنفاسها الاخيره !!!
بعدها ظهر فى القفص واحده شبهها بالضبط بس عينيها مشقوقه بالطول ,كانت محبوسه وبتحاول تخرج فى القفص !!
قولت لنصير :
– مين دى !!؟
قالى :
– دى قرينة فردوس …وهى دى الخدعه اللى عملها شهاب , قتل فردوس وحبس قرينها بعدها سخر جنية من الغيلان وأجبر قرين فردوس يمشى وراها فى كل حته , علشان ماشكش فيها , لان الجن مالوش قرين زى البنى ادم وعلشان كده معرفتش أن اللى كانت معاك جنيه مش فردوس !!
قولتله :
– أنا أتلخبطت يانصير , يعنى أنا دخلت على مين !!؟
قالى :
– أنت دخلت على الجنيه !! فردوس قتلوها يوم الفرح !!
قولتله :
– طيب والحمل !!؟
قالى :
– معرفش كانت حامل فعلا ولا بتشتغلنا !!! أقدر أعرف بس بعد مايتولد ده لو كانت حامل!!
قولتله :
– وهو ممكن جنية تحمل من بنى أدم !!؟
قالى :
– ممكن تحصل بس نادر جدا , بنسبه كبيره الجنيه كانت بتشتغلنا علشان تعرف تدخل الكهف وتسرق الكتاب .
بصيت على الشاشه تانى وشوفتهم وهما بيحضروا الجنيه وبيربطوها بقرين فردوس .. شويه ولاقينا نيللى بتبص وراها , كأنها بتبص علينا !!
وقربت من الشاشه وفضلت تقرب لحد مابقت سده الشاشه كلها بوشها وفضلت بتتفرج عليا انا ونصير !!! وبعدين مدت أيديها وطلعتها من الشاشه !!!
لاقيت نصير جرى وشد فيشة التليفزيون ,وبصلى وهو مصدوم !!!
Lina Basyouni
قولتله بأندهاش :
– ايه اللى حصل دا يانصير !!؟
قالى :
– معرفش , بس نيللى كده , شكلها عدت شهاب فى السحر الاسود !!
قولتله :
– نعم !!! أزاى !!؟
قالى وهو متنح فى شاشة التليفزيون المقفوله :
– اللى بتشوفه فى التليفزيون ده وهم وسحر انا اللى عمله بقولك عن طريقه المعلومات اللى عرفتها من قرين نيللى , ومعنى أن نيللى قدرت تتدخل فى الوهم بتاعى وتوهمنا أحنا الاتنين ان أحنا بقينا ملطشه .. والعيال دى بتستخدم السحرالاسود بغباوه !!
سكت شويه وقال :
– يلا بجملة المصايب خد الخبر الانقح بقى !!!
عارف أيه هى وصية الساحر الافريقى واللى أخرت الحرب كده !!!؟
Lina Basyouni
قولتله وانا باكل فشار :
– أرمى يانصير !! شكلها أيام سواد زى ماقولت ..
قالى :
– وصيته أن كل الجن اللى معاه يروحوا تحت خدمة أكتر ساحر عدو ليك
شهاب!!!
شهاب دلوقتى معاه جن مالوش عدد , ده غير كتاب العزيف , أخطر كتاب فى السحر وجن الساحر الافريقى اللى هيفضلوا معاه على طول لو انتصر عليك فى حرب الميجوانا .
قولتله :
– حرب أيه !!
قالى :
Lina Basyouni
– الميجوانا دى حرب قايمه بين الجن المؤمنين من كل الديانات و الجن الخبيث والشياطين اللى بيتم استحضارهم بالطلاسم والسحر الاسود .. على العموم هتفهم كل حاجه لما نوصل .
قولتله :
– نوصل فين ؟!!
قالى :
– ساحة الحرب , مانا نسيت أقولك الحرب خلاص هتقوم مع طلوع الفجر !!
ولما عرفت المصايب دى كلها بلغت حنوش قبل ما أجيلك علشان يحشد ويلم كل اللى العشائر اللى تبعنا و حاليا كلهم فى أرض المعركه , وانا جيت أقولك و اعرفك الحقيقه قبل مانموت كلنا !! ويله بينا علشان أتأخرنا .
وقرب عليا علشان ينقلنى , قولتله :
– هسلم على سندس طيب !!
قالى :
– مالوش لازمه يانينو هتحس أنه فيه حاجه ومش بعيد تمسك فيك .
قولتله :
– طيب هبص عليها قبل ما أجى معاك .
قالى :
– طيب يله ياحنين خلينا نخلص , عندنا موته عايزين نلحقها , كويس انك لابس القميص يلا انجز .
Lina Basyouni
قلتله :
– انا مبقلعهوش من يوميها وشكلى هتدفن بيه .
دخلت بصيت على سندس وهيا نايمه, بوستها على رأسها وودعتها .
ورجعت لنصير ,غمضت عينى واديتله أيدى .
نقلنى لارض المعركه , فتحت عينى و أتصدمت من اللى شوفته!!!
لاقيتنا فى خيمه واسعه , لفيت بعينى فى الخيمه وشوفت حنوش لابس درع وخوذه من المعدن وواقف قدام ترابيزه عليها خريطه كبيره مرسوم عليها تقريبا ارض المعركه , كان واقف جمبه مجموعه من الجن شبه البنى أدمين بس عينيهم مشقوقه بالطول وأسنانهم مدببه وليهم أنياب طويله خارجه من بوقهم , لابسين دروع وخوذ زى حنوش وباين عليهم زعماء قبائل .
فى وسط المجموعه دى كان فى واحد شبه البنى أدمين بالظبط , شعره طويل واسود ودقنه خفيفه وعلى وجهه الوسامه .
أول ماشافنى فتح دراعاته وقالى :
– أخى الانسى !!
Lina Basyouni
بصيتله بأستغراب وقولتله :
– هو انت مش جن !!؟
ضحك وقالى :
– أيه ده هو نصير مقالكش ولا أيه !!؟ , على العموم أها ياتنين أنا بنى أدم زيك بالضبط واسمى احمد بن قاف .
نصير قالى :
– السيد أبن القاف قائد جيوش الجن المؤمن فى حرب الميجوانا !!
أبن القاف قرب عليا , ومسك كتافى وهو بيتفحص جسمى وبيقولى :
– اللى يشوف جسمك العادى مايقولش أبدا أنك بتتحول تنين !! واضح أن روحك قويه زى جدك ناير !!
قولتله :
– هو انت تعرف جدى ناير؟ !!
قالى :
Lina Basyouni
– مفيش أنس او جن بيتسخدم السحر مايعرفش جدك ناير , جدك كان ساحر قوى جدا وساب علامه كبيره أوى فى العالم دا !!
كان نفسى يكون فيه وقت ندردش فيه مع بعض , بس للاسف مفيش وقت حتى اشرحلك فيه الخطه… وبص فى ساعته وقال :
– الفجر خلاص أوشك على الطلوع .
أشهر سيفه واللى كان طويل ومصنوع من الذهب ومنقوش عليه أيات لابطال السحر من القرأن والانجيل والتوراه .
Lina Basyouni
فالجن اللى حواليه أشهروا سيوفهم حتى نصير , تقدمهم بن القاف وخرج من الخيمه ,وخرجت معاهم من الخيمه علشان أتصدم من هول المشهد !!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ميراث نور)
