رواية ميراث نور الفصل الثالث عشر 13 بقلم لينا بسيوني
رواية ميراث نور الجزء الثالث عشر
رواية ميراث نور البارت الثالث عشر
رواية ميراث نور الحلقة الثالثة عشر
قبل ما اخضها فوجئت بيها بتفتح الموبايل وبتبعت رسالة على الواتس اب!!
الرسالة كانت ٤ كلمات بس صدمتنى
‘تعالا الفيلا بتاعتى حالا “
الرسالة كانت مبعوته لطارق !!!
Lina Basyouni
الدنيا كانت بتلف بيا , للدرجه دى أنا مغفل !!!
للدرجه دى أنا رخيص !!
انا العبيط اللى أتلدغ من الجحر مرتين !!
الكلبه خانتنى تانى !!
خرجت من أوضتها ومن الفيلا لعربيتى , أستدعيت نصير وبعته مشوار !
……..………………………………………………………………….
بعد نص ساعه وصل طارق الفيلا
قابلته نيللى فى أوضتها , أول مادخل الاوضه أندهش
لماشافها بترمى دقيق فى الهوا !!!
قالها وهو مستغرب :
بتعملى أيه يانيللى !!! و جايبانى ……
بصتله و غمزتله فقطع كلامه .
قالتله وهى بترش الدقيق فى الهوا :
طارق !!! أيه اللى رجعك تانى , أنت نسيت حاجه ولا أيه !!؟
قالها وهو بيجاريها فى الكلام :
أها نسيت مفاتيح الفيلا ورجعت أخدها .
وقال بصوت واطى :
هو فيه أيه !!؟
ماردتش عليه وفضلت ترش دقيق فى الاوضه كلها لحد ما اتاكدت ان مفيش حد فى الاوضه غيرهم .
Linabasyouni
قالتله :
مش قولتلك نور الكلب ده وراه حاجه , الكلب طلع ساحر , أنا شكى طلع فى محله , من أول ما جه وأدانى ميه بسكر و قال أيه … متلازمة السمك !!
طارق قالها :
انا مش فاهم حاجه !!!
Linabasyouni
قالتله :
لا بقولك أيه ركز معايا , أنت متقل فى الشرب ولا أيه !!؟
قالها :
فايق يانيللى , بس فهمينى بس , نور ساحر أزاى !!؟وعرفتى منين !!؟
قالتله :
الكلب حكالى ان جده كان ساحر كبير وعنده جن وتقريبا ورث الجن عن جده وورث كمان قميص أخفاء !!
ضحك طارق بصوت عالى وقالها :
أنا برده اللى متقل الشرب ؟!! , قميص أخفاء أزاى يانيللى , زى طاقيه الاخفاء وكده !! , أنتى شاربه كوكتيل خمور صح !!؟
Linabasyouni
قالتله بعصبيه :
طارق مش وقت هزار , أنا مش شاربه وفايقه جدا , وبقولك اللى شوفته بعينى
نور عنده قميص أخفاء , ودخل الاوضه وكان عايز يعمل مفأجأه بحبة بلالين ودبدوب زى المراهقين !!
بس انا شوفته وهو بيظهر بعد ماكان مختفى , خدته على أد عقله لحد ماجرجرته فى الكلام وعرفت كل حاجه , وطلبت منه يختفى تانى قدامى ..
مكنتش مصدقه عينى , بس ورانى وهو بيختفى بالقميص
لف وهو لابسه وأختفى قدام عينى !!! وكلمنى كمان وهو مختفى …
علشان كده كنت برش دقيق علشان لو لسه فى الاوضه أعرف !!
Linabasyouni
قالها كأنه أفتكر حاجه :
صح يا نيللى , يبقى لما سمعنا واحنا بنتكلم فى الجامعه , كان لابسه مش كان واقف ورانا زى ما قالك !!
قالتله :
برافو عليك يا طارق!!
وفضلت تلف فى الاوضه وهى بتفكر :
الحكايه كده بدأت تبان , أكيد أستخدمه كمان فى موضوع الغش اللى طلع منه …
الحيوان دا هو اللى سحرنى وخلى ريحتى قذره ,وجالى هنا بمية بسكر وقالى أنها من عطار صديقه , أتارى أبن الكلب سحرنى علشان ينتقم منى وبعدها جالى فى صورة العاشق المنقذ …
Linabasyouni
سكتت نيللى شويه وقالتله :
طارق انا عايزة القميص ده بأى تمن … فاهم؟ !!!
قالها :
وأجيبهولك أزاى بس يا نيللى !!؟
قالتله :
أتصرف ياطارق , أبعت حد يسرقه أو بلطجيه يضربوا الكلب ده وياخدوه منه , أنا عايزه القميص ده بأى تمن !!
أنت عارف احنا ممكن نعمل ايه بالقميص ده
أحنا ممكن نعمل حاجات كتيره أوى ياطارق , القميص ده أحنا الاحق بيه مش المغفل ده …
أحنا ممكن يبقى معانا فلوس كتيره أوى من ورا القميص ده …
الاهبل بيقولى أنه بيستخدم السحر فى الخير بس ، ميعرفش أن فى أيده كنز خساره فيه وفى أهله
Linabasyouni
طارق قالها :
ماشى يانيللى هشوف واقولك
قالتله بعصبيه :
بطل البرود اللى أنت فيه ده , بقولك أيه ،القميص ده يبقى عندى بكره فاهم !!!
قالها :
هدى نفسك يانيللى ,هجيبهولك , هبعت ناس يضربوه وياخدوه منه , بس لو مات بقى يبقى ذنبه فى رقبتك ..
قالته :
يموت ولا يغور فى داهيه انا عايزه القميص , وبعدين ذنب ايه اللى بتكلم عنه .. ايه يا طارق .. دا احنا دفنينه سواا من يومين !!!
Linabasyouni
قالها وهو رايح على باب الاوضه :
بكره يحلها ألف حلال , نامى انتى دلوقتى , انتى مطبقه من أمبارح !!
قالتله :
مش هنام الا لما القميص ده يبقى معايا !!
فتح باب الاوضه وقالها :
هكلمك بكره يانيللى …
لسه هيقفل باب الاوضه وهيمشى , نيللى ندهت عليه تانى وقالتله :
طارق !!
رجع تانى وقالها :
أيه تانى !!؟
قالتله :
أبقى خد بالك اليومين دول , الدنيا مقلوبه فى الجامعه على البت رشا والبوليس كان بيسأل الطلبه النهاردة عليها, خد بالك علشان لو سألوك ولا حاجه ، وبطل شرب اليومين دول عايزاك مركز ، متوديناش فى داهيه
هز راسه بالموافقه .
Linabasyouni
فقالتله :
أنت دفنت البتاع فى حته مقطوعه زى ما أتفقنا !!؟
قالها :
بتاع أيه !!؟
قالتله بنفاذ صبر :
التمثال النحاس ياطارق.
قالها :
أهاا أفتكرت .. التمثال , ما أنتى سحلانى فى كذا حوار …اها دفنته فى حته مقطوعه متقلقيش
قالتله :
خد بالك بقى ياحبيبى الفتره اللى جايه …
قالها :
على الله !!!
وخد نفسه ومشى
………………………………………………………………………..
اللى ماتعرفوش نيللى أن أنا اللى كنت معاها مش طارق
طارق مارحش عندها الفيلا أصلا !!
أنا بعت نصير والرجاله يشتغلوه , وعملت تعزيمة الغيلان
اللى فى القميص وحولت شكلى لطارق !!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ميراث نور )
