رواية ميراث العشق الفصل الخامس عشر 15 بقلم مريم نصار
رواية ميراث العشق الجزء الخامس عشر
رواية ميراث العشق البارت الخامس عشر
رواية ميراث العشق الحلقة الخامسة عشر
بسم الله نبدأ
عند محمد عزيز .. ع الفطار .
نور : اتفضل يا حبيبي اشرب العصير ده..
محمد : بياكل لأ ياروحي انا شربت قهوه من ايد تيما اول ما صحيت.
تيما : طبعا . ده انا عليا فنجال قهوه تووووحفه . ولا ايه ياتيمو ؟
تيم : ………
تيما : كشرت عينيها بعدم فهم .وبصت ل محمد ونور . وهمست ماله ؟
نور : رفعت كتفها مش عارفه . وبصت ل محمد بنظره معناها شوفه ماله ؟
محمد : بابتسامه . هز راسه . وبص ل تيم . ايه يادكتور تيم . روحت فين كدا ؟
تيم : انتبه . احم معاك يابابا . خير ف حاجه؟
محمد : لا ابدا مفيش حاجه . لكن انت موجود معانا ع الفطار . واكلك قدامك زى ما هو وتيما بتكلمك وانت سرحان . خير ياحبيبى ف حاجه شغلاك؟
تيم : بتنهيده… احم اسف انا بس سرحت شويه ف…. احم ف…اخر سنه ليا ف الجامعه و…وكنت بفكر اعملها بره مصر . احم ….
نور : عيونها لمعت بدموع . انت عايز تسافر سنه كامله وتسيبنا ياتيم ؟
تيم : غمض عينيه واتنهد بتعب . امي ارجوكي انا بقول مجرد اقتراح جه ع بالي مش اكتر ..
محمد : ربت ع ايد نور . اهدى يانورى الأمور متتاخدش كدا .. وبص ل تيم . بص ياتيم يبنى انت ماشاء الله عليك كل درجاتك ممتازه وكمان اللهم بارك زكي جدا . ونجاحك ف بلدك جميل جدا .ولكن انا عارف إن بره مصر ف اكتساب خبره ع أعلى مستوى ومهارات وكفاءه عاليه جدا . فكر وخد قرارك برحتك خالص ولسه بدرى جدا ع بداية السنه الجديده . وانا معاك ف اي قرار تاخده وهدعمك ديما . المهم النتيجه وراحتك انت .
نور وتمارا . لمجرد الفكره . زعلو وعيونهم لمعت بدموع..
تيم : هز راسه وبص قدامه بشرود . وقال إن شاء الله يابابا ..
محمد : مسح دموع نور . وهمس ف ودنها . انا واثق أنه مابيقولش الحقيقه . اهدى يانورى ومتزعلنيش منك اوكي ..
نور : ابتسمت بتمثيل. وهزت راسها حاضر اسفه ياحبيبى..
تمارا : المهم بقى. احنا هنروح عند بابا آدم امتى؟ انهردا كريم هيتقدم لليليان ..
تيم : قام وقف . بعد اذنكم . انا رايح مشوار مهم . وبعدها هطلع ع النادي. والجيم..
محمد : بتعجب لكن محبش يلفت انتباه تيم . احم وماله ياحبيبى . لكن متنساش معادنا كلنا عند جدك الساعه ٧ تمام ياتيم؟
تيم : إن شاء الله . بعد اذنكم وخرج..
نور : بعدم فهم . هو ماله يامحمد؟ تيم بقاله شهرين تقريباً مابيتكلمش معانا زى الاول ..
محمد : اهدى يا روحي كل واحد بيجي عليه وقت ويفضل الصمت فيه. واحنا لازم نقدر ده .
تمارا : بطفوليه . برضو محدش قالى هنروح امتى ؟ عايزه اشوف لي لي ..
محمد : ضحك . خلصو فطار والبسو . هوصلكو ف طريقي وانا رايح المستشفى..
نور : طيب وانا؟ مش هروح معاك المستشفى؟
محمد : لا ارتاحي انتى انهردا . لسه اليوم طويل . وانا هخلص بدرى إن شاء الله . وهطلع قبل الميعاد .
تمارا : قامت . طيب انا هاقوم البس فستانى وجريت من قدامهم ..
محمد : ضحك عليها . وقال ل نور شايفه بنتك طفله ازاى؟ وبص ليها شاف نور بتبصله بغموض كبير واسئله كتير وساكته ..
محمد : اخد نفس عميق واتنهد .. وقال صدقينى انا معرفش تيم ماله ..
نور : هزت راسها لأ . انت لازم تعرف ابنك ماله .. انا مش ناسيه من شهرين لما ابنك راجع من بره . وكانت حالته وحشه جدا وغضبان وكسر كل حاجه ف اوضته. انا استحاله انسى اليوم ده يامحمد .. تيم مابيغضبش وياخد جمب غير لما بكون حد بيحبه اوى بعد عنه .. وانا مش قادره افهم ..
محمد : غمض عينيه واتنهد بتعب . وافتكر اليوم ده . وقال مش عارف يانور . صدقينى مش عارف. حاولت كتير جدا انى اعرف ايه الل حصل ليه ف اليوم ده .لكن تيم رافض يقول . وانا عارف ابنى اكتر من نفسي . تيم ديما يصارحنا بكل حاجه حصلت معاه . حتى لو زعلان من رينو أو آرين . لكن بما أنه حصل معاه موقف ومش راضي يتكلم فيه ومجرد فكرة أنه اتخانق مع حد بخصوص آرين ف المدرسه دي انا مش مقتنع بيها وحاسس انها حجه ومبرر . ف انا متأكد أن تيم مجروح جدا . وبيمثل أنه مرح مع العيله . ومش عايز حد يشاركه اى حاجه حصلت ف اليوم ده. وانا احترمت رغبته. او تقدري تقولى استسلمت ل رغبته ..
——————بقلمي مريم
فيلا عزيز .
كريم : بياكل بسرعه . وقال بابا حضرتك هتروح الشركه انهردا ؟
كلهم قاعدين وضحكو عليه.
يوسف : هو انهردا اجازه وانا معرفش ؟ طبعا رايح الشركه . وانت كمان هتيجي معايا .
كريم : كح كح . لأ اجي فين حضرتك . انهردا أهم يوم . انتو نسيتو ولا ايه ياجماعه ؟
اشرف وهنا . بيضحكو بصمت ع لهفة حفيدهم ..
مصطفى : بمكر . ايه انهردا عيد العمال؟ ولا عيد تحرير سيناء؟ ولا يمكن الجمعه ؟ وبص ل لامه بخبث . هو انهردا الجمعه ياماما؟
كريم : صك ع أسنانه بغيظ مكبت من مصطفى الل رافعله الضغط كل شويه. واستحلف ليه ..
مريم : كاتمه الضحكه .احم لأ ياحبيب ماما انهراد يوم عادي جدا ..
مصطفى : بص ل كريم ورقص حاجبه اهو ياكيمو طلع يوم عادي اهو . ايه يبنى عامل شبوره ليه ع الصبح .
هنا : بتحذير . مصطفى وبعدين معاك ؟ مش قولنا نختار كلمات ارقي من كدا ؟
مصطفى : بمكر . اسف ياناناه . نقول بدال شبوره. بوليكه ها ايه رايك ياكريم ياحبيبى هههههههه.
كلهم : ضحكو.
كريم : بغيظ مكبت اه بوليكه ياخفيف . بس ياترى انا سمعت الكلمه دى قبل كده من مين؟ ومثل الحيره .. اممم من مين؟ ياكريم. من مييين؟ ايوووووه افتكرت ..
مصطفى : بلع ريقه بتوتر . وبص ل كريم بترجي ..
كريم : بمكررر . ايووووه من چو……
مصطفى : كح كح .. احم كح كح . وشرب ميا بتوتر ..
كريم : رفع حاجبه. وكمل چو……اد .. چواد إبن عمى فارس. صح يا .. درش..؟
مصطفى : بغيظ مكبت . اه صح وكويس انك فاكر ..
كريم : بخبث . لا خلي بالك انا بسيڤ الحاجه ف مخي من مره واحده .. اشطا ..؟
يوسف : ماشاء الله مخلف ٢ معلمين . واقفين لبعض ع الواحده ..
مريم : ههههه معلش ياحبيبى هي تربية الولاد كدا صعبه ..
هنا : ابتسمت بس حفيدى كريم هادى وعاقل . لكن مصطفى ده بكاش وديما مزعلنى ..
مصطفى : بدهاء . قام وقف بسرعه . وقال هو ف حد هنا اسمه مصطفى؟ايه دا؟ لا بجد قوليلى ياناناه مصطفى مين الل مزعلك؟ واوعي تقولى أنه مصطفى عزيز . إبن يوسف اشرف عزيز ؟ لانى اسمع ديما إن المنطقه كلها بتقول ع الاستاذ مصطفى ده كلام ذي الفل . اه والله . ده انا حتى حبيبك وغلبان . وغمز ليها . صباحك قشطه ياقلبى . هههههههههههه
كلهم ضحكو عليه ..
هنا : هههههههه .. مش قولتلكم بكاش..
كريم : بغيظ مكبت . وقام قعد جمب جدو . وقال جدو حبيبي انت الوحيد الل هتنصفنى ..مش كدا ؟
اشرف : افتكر نفس الموقف لما يوسف طلب من جدو مصطفى انه يطلب مريم . واتنهد ودعى بقلبه بالرحمه ليهم . وابتسم . وقال اطمن ياحبيب جدك . محدش يقدر ينسى أهم يوم لحفيد عزيز . انهارده إن شاء الله . الساعه ٧ هنكون هناك ..اطمن ..
كريم : بسعاده كبيره . باس ع أيد جدو . ربنا يخليك لينا ياحلا جدو ف الدنيا كلها…
——————بقلمي مريم نصار
فيلا الصاوي ..
ملك : اتفضل ياجاسر المسكن . الل معرفش انت بتاخدو يوميا ليه؟
جاسر : بياكل . كح كح . حبيبتي دور برد بسيط وباخد مسكن . فين المشكله .
ملك : بتنهيده الف سلامه عليك ياحبيبى..
جاسر : ربت ع أيدها الله يسلمك ياحبيبتي..
مالك : بابا حضرتك مش هتنزل الشركه انهردا ..
جاسر : اطمن يامالك انا كويس يبنى ..
مالك : وعشان اطمن اكتر . ياريت حضرتك تسمع كلامى وتريحنى. ساره . واسر هيطلعو ع الشركه . وانا هخلص شغل واحصلهم ع هناك . وحضرتك ياريت ترتاح بقى .
جاسر : ابتسم . يامالك ياحبيبى انا نفسي فعلا ارتاح . لكن هسيب الشركات دي لمين؟ ساره ماشاء الله عليها متابعه شركاتها وشغلها . آسر حفيدي؟ لسه هيدخل الجامعه ومتابع معايا شويه والحمدلله بدء يستوعب كل أمور الشركه . وانت؟ انت ف شغلك . وساعات تلحق تجيلى الشركه وسعات متلحقش. قولى بقى املاكي كلها اسيبها لمين؟
مالك : فكر بحيره . طيب اعمل ايه؟ بابا الشغل كتير عليه ولوحدو؟ و انا ف شغلى . وكمان ساره ؟ تؤ . اوووف انا نفسي يرتاح بقى . ايوه لقيتها خالو آدم. انا اكيد هلاقى عندو الحل .. احم وقال ل جاسر. طيب ياحج جاسر انا من بكره هقدم ع اجازه من شغلى . وهتابع كل حاجه لحد مانلاقى حل. بس اهم حاجه حضرتك تستريح .
جاسر : هز راسه بابتسامه . ماشي يامالك ربنا معاك . لكن اعمل حسابك انهردا هتكون موجود معايا ف مقابلة كريم عزيز الساعه ٧ متنساش يبنى ..
مالك : متقلقش ياحج . ٧ بالدقيقه هكون موجود هناك . وربنا يتمم بخير ..
كلهم آمين ..
آسر : عينيه ع جدو جاسر . وبيفكر ازاى يريح جدو من الحمل الل عليه …
..
فيلا العدوي ..
مياده : وصلت عند اوضة آدم ورفعت أيدها عشان تخبط .
. لكن فكرت بخبث . لأ انا مش هخبط . انا هدخل ع آدم بيه وهو نايم كأني معرفش اي حاجه لاني جديده هنا .
. اااه يخربيتهم كلهم حلوين اوي اوي . ايه ده مفيش فيهم واحد وحش .
آريان بيه جماله يهبل ولما شوفت آركان بيه اقسم بالله دوخت من جماله .
يلهوووى بقى لما شوفت تيم بيه اااه يخربيت عينيه ولا شعرو لأ لأ هو كله ع بعضه قمررر وباقي شباب العيله كلهم يهبلو . ولا رجالة العيله سي آدم بيه ينهار اسو….ع جماله وشعرو الابيض جنني ..
ولا زين بيه يلهوي عليه وع وسامته . ولسه بيقوله ف الظابط مراد بيه وانا متاكده انه هيطلع صاروخ . اه هو يعنى هيطلع وحش لمين؟
.. كفايه ابوهم الل بحلم بيه ليل ونهار. ولا بقى لما شوفت آدم بيه الصغير امبارح يلهوووى قلبى ده عمال يدق عندو هيبه كدا وحسيت أنه بطل . تؤ انتى هتتكلمى كتير يامياده . خشي ملي عينيكي منه . قبل ما يصحى واطلعي بسرعه . وبلعت ريقها بتوتر وفتحت الباب بحظر . وبصت يمين وشمال . وحطت ايدها ع قلبها ونفخت بتوتر . ودخلت .. ومشيت ع أطراف صوابعها براحه . ووقفت عند السرير . وقلبها دق جامد من الخوف .
آدم : نايم ع ضهرو . ولابس بنطلون فقط . وحاضن مخده صغيره .
مياده : همست يلهوووي ايه العضلات دي . يخربيت جمالك .. وعايزه تمد ايدها ع دراعه لكن خافت .
. وقالت بقلبها يسلام لو يحبنى يبقى ياسعدك يامياده . لأ ده انت حلو اوى يا سي آدم ااااه ولا اسمك جميل اوى . ورفعت أيدها ف اللاوعي وقربت منه .
آدم مراد : نايم بعمق . لكن فتح عينيه مره واحده وشافها مقربه ع وشه. وقال بغضب وبحده انتى ميييين؟ وبتعملى ايه هناااااا ؟
مياده : اتفزعت وشهقت بصوت عالى ورجعت لورا بسرعه وكانت هتقع من الخضه . واتكلمت بتلعثم . ا.ا.انا . ا.انا …
آدم مراد : قام وقف بغضب . وزعق انتى مييين يابت انتى؟ وانتى ازاى تدخلى عليا الاوضه؟
مياده : اترجفت من صوته. واترعبت من غضبه. س.. سامحنى يسيدي .ا.انا…..
آدم مراد : زعق انتى ؟ دا انتى يومك اسو…انهردا ومرفوده . اطلعىىى بررررررا..
مياده : انتفضت من مكانها بخوف . حا…..حاضر . حاضر. بس الله يخليك يابيه تسامحنى .ا.انا الخدامه الجديده ومعرفش……
آدم مراد : صك ع أسنانه بغيظ كبير .وقاطعها انا قولت اطلعي براااااا..واعرفي إن ده اخر يوم ليكي هنا انتى وال بعتك ليا ..
مياده : مثلت العياط . ونزلت ع ركبها قدامه . ابوس ايدك يابيه والله غلطه ومش هتتكرر . والله العظيم لو هوبت ناحية اوضتة سعاتك دي تانى اعمل فيا الل انت عايزو . ابوس ايدك انا يتيمة الأب وبصرف ع امي واخواتي ابوس رجلك ماتقطعش عيشي..
آدم مراد : قبض ع ايديه واتكلم بآمر … اول وآخر مره اشوف وشك ف الاوضه هنا .انتى فاهمه ؟ برااااااااا.
مياده : قامت بسرعه برجفه . وجريت من قدامه . وفتحت الباب وخبطت ف مراد ..
ميرو : شهقت بصوت مهموس وحطت أيدها ع بوقها…
مراد : بعد عنها بسرعه .. انتى مين؟
مياده : جواها . انبهرت من جمال مراد .. لكن خافت وواقفه تتنفض مكانها . وقالت أنا اسفه والله ما شوفتك يسيدى . انا الخدامه الجديده..وا……
مراد : بص ف نظره سريعه عليها وع آدم الل واقف جوه متنرفز وبيمسح شعرو ومتغاظ . وقال انتى دخلتى ع آدم ابنى من غير ما يسمحلك تدخلى مش كدا ؟
مياده : شهقت بخوف . وهزت راسها ايوه . وعيطت بس والله العظيم انا مكنتش اعرف . سامحنى يسيدي ابوس رجلك والله غلطه ومش هعمل كده تانى .
مراد : هز راسه وبص ف عينيها ودرسها. تمام خلاص حصل خير . بس اسمعي ياريت تتعلمي من غلطك بسرعه . عشان آدم غير اي حد وقرصته والقبر . عيشي وكلي عيش . روحي ع شغلك ..
مياده : ح…حاضر ياسيدي … وجريت من قدامه بخوف كبير . وقالت يلهوي ايه ده كنت هروح فيها …
آدم مراد : سمع صوت مراد ونسي كل حاجه . ولبس تيشرت . ولف ليه . بشبح ابتسامه.
مراد : ايه يادومي مسموحلى ادخل عادي ولا فيها إنذار هههههه..
آدم مراد : العفو يابابا .. وقرب من ابوه بسرعه وحضنه بعض ..وقال وحشنى اوى يابابا حمدالله ع السلامه..
مراد : مسد ع ضهرو . الله يسلمك يا آدم يبنى . وانت كمان وحشنى ياض . حمدلله ع سلامتك..
آدم مراد : طلع من حضنه . الله يسلمك . بجد مفاجأه جميله اوى . حضرتك وصلت امتى؟
مراد : الفجر .
آدم مراد : بص ل مريم . صباح الخير ياميرو .
ميرو : بابتسامه صباح الخير يا آدم .
مراد : ربت ع كتفه . يلا ظبط حالك كدا . وحصلنا ع تحت.متتاخرش
آدم مراد : حاضر ١٠ دقايق واحصلك .
مراد : اخد ميرو وخرج وفضل أنه مايفتحش حوار مياده تانى . لكن هو خلاص حطها ف دماغه .. .
آدم مراد : قلع التيشرت بنرفزه.. ودخل الحمام ياخد شاور ..
——————بقلمي مريم نصار
زينب : ف المطبخ بتحط الاكل ف الاطباق . وقالت امسكي يابت ياعزه . طلعي العصاير دي وهتحطيها ع السفره . هتحطى عصير البرتقال قدام سي مراد بيه وزين بيه وكمان تالين الصغيره .. اما عصير الموز باللبن ده هتحطيه قدام ست الدكتوره فريحه وست الباشمهندسه ريتال . اما اللبن ده هتحطيه قدام الاحفاد .
وكوباية اللبن دي الل عليها بيض دى لسي آدم بيه الصغير واسمعي حسك عينك تتلخبطي وخصوصاً قدام سي آدم بيه الصغير . واتحركي يلا بسرعه . وندهت ع مياده.
عزه : هزت راسها حاضر ياست زينب . وشالت الصينيه وخرجت ..
مياده : واقفه جمب التلاجه ووشها اصفر . وبتترجف..
زينب : كشرت عينيها. وقربت منها . اله انتى يابت يامياده؟ مش بنادي عليكي يابت ؟
مياده : انتبهت ها؟ اه معلش ياست زينب بتقولى حاجه؟
زينب : عوجت بوقها وحطت أيدها ف جنبها .نعم يختى بقول حاجه؟ مالك يابت نازله من فوق مش ع بعضك ليه ها؟ ووشك لونه مخطوف كدا ليه؟
.وشهقت ياسوادك .. اوعي يالل تنشكي تكوني عملتى حاجه ضايقتى بيها آدم بيه الصغير؟ نهارك هيبقى مدوحس . انطقى يابت مالك واقفه متنحه كدا ليه .؟
مياده : بلعت ريقها بخوف .ا.انا معملتش حاجه والله . ا.انا . ا.انا بس خبط ف سي مراد بيه بالغلط ومن ساعتها وانا مخضوضه . اتكسفت يعنى . احم.
زينب : هييييه خبطي ف سي العقيد المقدم الرائد مراد باشا.؟ نهارك مطين ..
ورفعت حاجبها .. بس لأ باين عليكي وش كسوف اوي يابت . الله يرحم اول يوم جيتي فيه هنا وانتى لابسه المحزق والملزق وست فريحه وست ريتال كانو هيخلوكي تمشي. لولا ست مريم صعبتى عليها . ونصحتك . يلا يلا يختى . خدى الاكل ورصيه ع السفره .
مياده : عوجت بوقها بغيظ . حاضر ياست زينب ..اووف. وخدت الاطباق وراحت تحطها ع السفره .
..
مراد : نازل وشاف مياده وهي خارجه من المطبخ. وقال اسبقينى انتى ياميرو. وانا هحصلك .
ميرو : حاضر يابابي .
مراد : دخل المطبخ . اذيك يازينبو .
زينب : بابتسامته تسلم وتعيش ياباشا .
مراد : ههههه اباشا ؟ محسسانى انى قابض عليكي . عوض فين اومال ؟
زينب : بلعت ريقها بتوتر .. عوض بيحط الفطار للحرس ياسي المقدم العقيد الرائد مراد بيه .
مراد : ههههه الله يجازي شيطانك يازينبو. وكمل بمكر . انا شايف إن ف بنات جديده بتشتغل هنا . هما كام واحده ؟ وجم هنا ازاى ؟
زينب : ايوه ياباشا ف ٣ بنات جديده بتشتغل هنا.
.سياتك عارف بعد وفاة ست سعاد الله يرحمها .
.وكمان وبناتها كل واحده قعدت ف بيتها عشان رجالتهم طلبو منهم مايشتغلوش تانى . قوم ايه بقى؟
.عم الشيخ صبحي جه هنا وجاب ال٣ بنات دول .وقال إنهم محتاجين اي شغلانه . وست مريم ست الكل وافقت عليهم واشتغلو من يومها ..
مراد : بمكر اكبر . اممم تمام يازينب. بس همتك انتى بقى وعايزك تعرفيهم نظام البيت ايه؟ وماشي ازاى؟ الكل بيحب ايه وبيكره ايه؟ وخصوصاً آدم ابني .. ولا انتى معرفتيهمش النظام؟
زينب : بسرعه .. لأ ودي تفوتنى بردك ياباشا؟ انا عرفتهم ع كل حاجه بالساعه وبالثانيه كمان .
. وسي آدم بيه الصغير . انا حفظت البنات ايه الل بيحبه وايه الل مبيحبوش. وانا قولت قدام سعاتك فوق انى قولت للمخفيه مياده لازم تخبط عليه الاول وقولتلها اوعك ف يوم تدخلى الاوضه دي بالذات من غير إذن .وهي عملت كدا وسمعت الكلام ..
مراد : مط شفايفه امممم.. ماشي يازينب . انتى هنا شغلك تشرفي عليهم وخلى عينيك عليهم .. تمام؟
زينب : بفرحه . حاضر من عينيا ياباشا ..
مراد : اخد تفاحه عشان لو حد سأله كنت ف المطبخ ليه.؟ وخرج ..
مياده : راجعه .. ومراد ف وشها . وبصلها بتوعد ونظره تخوفها.. وعدا من جمبها. ومياده بلعت ريقها بتوتر من نظرته ليها ..
——————بقلمي مريم نصار
عند فهد..
آرين : نايمه وبدأت تفوق . وفتحت عينيها. واتعدلت وبتتاوب . وبصت ع الساعه وكانت 11 وقالت ياااه انا نمت كتير اوى . تؤ ازاى مامي مصحتنيش؟
. وشالت الغطا الل واقع ع الأرض من طريقة نومها . وقامت . ورايحه ع الحمام . لكن وقفت مكانها وتنحت . ورجعت خطوتين بضهرها . وبصت ع المكتب .
.وشافت كيس كبير ع المكتب .. وفتحت عينيها وبوقها بعدم تصديق . وهزت راسها ببطء . وهمست لأ لأ . مش معقوووول . وفتحت الكيس بسرعه . وطلعت منه حجات كتير اوى .
عصاير مختلفه وانواع شيبسي كتيره و كوكيز . والاكتر شوكلاتات .وفتحت بوقها بسعاده كبيره كأنها حصلت ع كنز .
. وقالت ببلاها . اش معقووول نو نو نو اخويا آركان؟
لأ استحاله انا مش مصدقه بوقي يابخ؟
لأ لأ لأ . آركان مايعملهاش . طيب ميييين؟ مييين غير تيمو القمر . ايووووه هو تيمووو .
. وجريت ع السرير . وجابت الفون .وقالت أنا هتصل عليه اشكرو بنفسى .ااااه دخل عليا وع قلبى وع حياتى السعاده . اه والله . وبتتصل .يلا رد . رد بقي.
تيم : واقف بالعربيه ف مكان هادى . ومرجع راسه لورا ومغمض عينيه ومشغل الميوزك .. وسمع صوت الفون . واتعدل . واخد نفس عميق . ورد . بابتسامه صباح الفل ..
آرين : صباح الخير ياتيمو باشا .. عامل ايه؟
تيم : هز راسه تمام . انتى عامله ايه دلوقتى؟
آرين : انا فله شمعه منوره هههههه.
تيم : ههههه طيب يستى كويس جدا انك فله . اهم حاجه متكونيش وقعتى بالكلام قدام رينو وعرفت بالل حصل امبارح ؟
آرين : هزت راسها لأ لأ . اقول ايه ؟ لأ طبعا محصلش وانا عبيطه. ومتقلقش ربنا يستر يعنى ومقعش بالكلام . بس ف حاجه بقى عايزه أسألك عليها ؟
تيم : هههههههههه ابوس ايدك بلاش اسئله ارجوكي .
آرين : ههههه وانا مسمعا اوي كدا.ههههه لا هو سؤال يخصك انت متقلقش ..
تيم : كشر عينيه بعدم فهم . سؤال ايه؟
آرين : مال صوتك؟ انا حاسه وسط ضحكتك ان ف حاجه مضيقاك؟
تيم : بت يارينو ياصغيره انتى . انا لا مضايق ولا اي حاجه .انا زي الفل وشمعه ومنور برضو هههههه.
آرين : ههههه وانت ياخويا محتاج تنور . ده انت غلبت نور فيحاء ف فيلم اللمبي .لما قالها .. وبتقلدو بطفوليه .فيحاء .فيحاء . هو في كدا ؟ في كدا ف الدونيا . حد يزعل القمر ده . دي فاضلها ٢ ڤولت وتنور . هههههههه …
تيم : ههههههههه صاحيه فايقه ورايقه .
آرين : بمرح . طبعا . بعد ما شوفت الحجات الل انت جبتهالى دي . وانا مزاجي اتعدل مليون درجه بجد ثااااااانكس كتير اوووووى.. بس انت جيت امتى ؟
تيم : بعدم فهم . حجات جبتهالك؟ حجات ايه ؟ وجيت فين؟
آرين : ايه دا ؟ ايه دا .لحظه واحده . هو انت مجبتش ليا كيس كبير مليان شوكليت وحاجات تانيه كتير؟
تيم : امممم لأ . انا لسه مجبتش حاجه . لكن بليل إن شاء الله..
آرين : هرشت ف شعرها . وهمست. اله اومال مييين يعنى؟ تؤ اوووف .
تيم : انتى يابت .مين الل جبهالك؟
آرين : تؤ . ممكن يكون آركان لكن اشك اصلا ده بياكل هدومي لو جاع .. بس احتمال يكون ضميره صحى . وكملت بغيظ مكبت . اصله المفجوع أكل الشيبس بتاعي وكمان شرب الحاجه الساقعه بتاعتى اعاااااااااا .
تيم : هههههههه بس يامجنونه . طيب ما هو عوضك اهو ..
آرين : كشرت عينيها . اممم صدق صح . بس هو مايعملش حاجه من نفسه ابدا . اكيد مامي كلمته . يلا هعرف كل حاجه دلوقتي . المهم بقى انت فين كدا؟
تيم : بص حواليه . انا رايح الجيم . وبعد كده هرجع ع البيت .
آرين : كشرت عينيها. البيت؟ طيب انت مش هتكون موجود عند بابا آدم ؟ انت ناسي إن كريم هيتقدم لليليان انهردا؟
تيم : لا ياحبيبتي مش ناسي . انا هرجع البيت اغير هدومي مش معقول هروح بلبس التدريب . ومتقلقيش هعدي عليكى اخدك انتى ورينو ..
آرين : اووووكي يامان . متتاخرش بس علينا .. عايزه اشوف لي لي وهو مكزوفه ههههه..
تيم : حاضر ياحبيبتى . متقلقيش مش هتاخر عليكم . يلا باي .
آرين : باي .. وقفلت ووقفت قدام الكيس وقالت .
. تؤ والله انا ممصدقه إن آركان اخويا . يصرف إلا إذا كان ليه مصلحه .
.ومطط شفايفها . اممم هعرف دلوقتي . بس ادخل اخد شاور وافوق كدا . واخدت هدومها وراحت ع الحمام ..
——————بقلمي مريم نصار
فهد : نايم بعمق كبير ………..
رينو : نايمه جمبه . ولكن صاحيه من بدري . وبتحفر تفاصيله الل بتعشقها . وحطت ايدها ع خدها وسرحانه بهيام ..
فهد : حرك راسه . وايدو …. وكمل نوم ..
رينو : ابتسمت بحب كبير .. وهمست فهد ..
فهد : ………..
رينو : حطت ايدها ع خدو . فهد حبيبى اصحى .
فهد : بدأ يفوق . وفتح عينيه ببطء .. وبعدها ابتسم ابتسامه جميله. خطفت قلبها .. صباح الحب يانجمتى ..
رينو : صباح الخير ياحبيبى .
فهد : اتعدل . وباسها من خدها . الساعه كام دلوقتي حاسس انى منمتش كتير ؟
رينو : بصت ف الساعه . وقالت 12 وربع معلش بقى انا صحيتك عشان كدا كدا هتصحي من دوشة ولادك
فهد : ابتسم . هما صحيو ؟
رينو : اكيد . انا سمعت حركه جايه من المطبخ . وده اكيد آركان . لأن ريبونزل هانم . بتعمل دوشه كبيره ..
فهد : ههههه وحشانى جدا ريبونزل هانم دي ..
وفجاءه سمعو صوت جري بره الاوضه ف الصاله .. وبصو لبعض وضحكو ..
رينو : ههههه اهي شرفت .. قوم بقى خد شاور واتوضي عشان الضهر ع وشك الآذان . وانا هطلع الحق الحرب الل بره دي .. وشهقت بخضه .. فاااهد حرام عليك والله بجد ..
فهد : شدها لحضنه بقوه . وخضها . هههههههه يابنتى انتى الل بسكوته اعمل ايه؟ ومليون مره اقولك لازم تتعودي ع كدا ..
رينو : ههههه بصراحه انا مش قادره احفظ تصرفاتك . يعنى انت دلوقتى بتبصلي عادي جدا . وفجاءه تشدنى ف طبيعي اتخض يعنى .
فهد : ضمها لقلبه ودفن وشه ف شعرها.. وحشتينى اوى وبتوحشينى ف كل ثانيه .
رينو : ضمته بحنان كبير . واتنهدت وانت بتوحشني ديما . ربنا يباركلى فيك يارب ياحبيبي .
فهد : مسد ع شعرها . وباس جبينها . قومي الحقى ابنك اكيد بياكل أخته قبل ما اطلع اعلقه .
رينو : ههههه . والله الخوف عليا انا مش عليها .. بص يقلبى انا جهزتلك هدومك متتاخرش اوكي وباسته من خدو. وقامت .
فهد : اوكي . لكن ماتعرفيهاش اتفقنا ؟
رينو : لبست فستان رقيق .حاضر اتفقنا .. وخارجه من الاوضه ..
فهد : مسح ع شعرو . وقام واخد هدومه ودخل الحمام.
آركان بيجري . و آرين بتجري وراه بغيظ كبير جدا ..
آركان : يابت استنى . افهمي انا كنت جعان والله ..
آرين : بتجري . مش هسيبك . انا مش هسيييبك .
.انت لايمكن تكون اخويا. اعاااااا . اعااااااا . يامااااااامي. وقعدت ع كنبة الليفنج بغيظ ..
رينو : خرجت . ايه ياولاد . ف ايه ع الصبح؟ انتو مش هتكبرو ابدا ؟ ف ايه يا آركان؟
آركان : بيبلع الاكل . والله ياماما بنتك دي معندهاش روح المشاركه خالص .
.وانا معملتلهاش اى حاجه حتى اساليها ..
رينو : قعدت جنبها . ايه الل حصل يا آرين؟
آرين : بغيظ . بصي يامامي انا صحيت من النوم . ولقيت كيس كبير فيه شوكيلت وحاجات كتير جدا .
وفكرت انه تيم . واتصلت عليه وشكرته لكن مطلعش تيم. قولت يبقى الواد ده .
.بما إن بابي مش موجود مين يعنى هيجبلى ؟.
.قولت هاخد شاور . وابقى اروح اشكر آركان من باب الزوق يعنى .
. وكملت بغيظ كبير . وقالت . اخرج من الحماااام يامامي.
. الاقى آركان قاعد ع المكتب . وبياكل ف كل حاجه موجوده وبيشرب نسكافيه كمان .
. لاااااااااء . وبعدين يقولى هو مين الل جابلك الحجات دي ؟
.يعنى مش هو الل جابها .. وكمان اكل نصها . اعاااااااااا . اعااااااا . انا عايزه بااااااابي .
رينو : بصت ل آركان بلوم . وقالت كدا يا آركان؟ مش عيب الل انت بتعمله ف اختك ده؟
آركان : قرب منها وبيتكلم بطريقة محمد هنيدي .. وقال . ياست الكل .
انا جعان وحضرتك كنتى نايمه . ف انا قلبى كبير وقولت ياواد آركان ياسيوفي .
سيب رينو نايمه وتصحى براحتها وخش لأختك القمر دي تعملك احلا فطار .
.وخبطت عليها ربع ساعه كامله .وده طبعا جوعنى اكتر . اومال؟
.ماهو مجهود ياساده . المهم قلقت عليها . وفتحت الباب اشوفها .. تكون كتمت نفسها بمخده ولا حاجه؟
. منا عارف بتنام زي النعامه هههههههه .
.المهم مش موضوعنا . دخلت خوفا عليها والله ده أولا طبعا .
. وثانيا انا عارف إن لبسها بيجامات وده قرار جمهورى من فهد باشا وعشان كده دخلت بقلب جامد .
.ولقيت اختى الصغيره …. ايه الل انا بقوله ده .. احم صغيره ايه دي توأمي .
. المهم لقيتها ف الحمام . خبطت عليها وقولتلها يا آرين انا جعان .
.وقالت أنا تعبانه يا آركان وابعد عني . صعبت عليا. قولت اه اختى حبيبتى تعبانه .
. قوم وانا خارج لمحت الكيس الملعون . هههههههه . فتحت الكيس واتفتح معاه شهيتى . غصب عني ياناس. يرضي مين ده بس .
. لقيت نفسي بعمل زي عادل امام.. انتى كيس وانا كيس . انتى باكو .. وانا باكو . وقسمت بالعدل والله ع ما اقول شهيد .
واكلت بس ٢ شوكلاته و٣ بسكوت و٢ كوكيز . وكيس شبيسي .
. وكمل بتمثيل الزعل . مكنتش اعرف انك هتزعلى اوي اوي كدا يا آرين بجد .
. عموما لو شايفه إن الكيس قل عن الاول . هاتى الباقى واعتبري إن مفيش حاجه جت من الأساس هههههههههههه هههههههههههه .
رينو : بتسمع وكاتمه الضحكه ع شكلهم الاتنين واحده مفروسه والتاني ممثل عاالمي.
آرين : خبطت برجليها ع الأرض بغيظ كبير . اعاااااااااا اعااااااا انت مش اخوياااااا . انا عايزه باااابي . ماليش دعوه انا عايزه بااااااابي.
فهد : من وراها .. وبابي جمبك يا ريبونزل ..
فهد : اخد شاور وصلى ..وخرج . وواقف ومتابع . وبيضحك بسعاده ع الاتنين المناكفين . ولكن هيعاتب آركان ع الل عمله ده بعدين ..
آرين : سكتت مره واحده . وقالت أنا سمعت صوت بابي . انتو سمعتوه . ؟
آركان : بمكر . صوت بابا ؟ انتى دخلتى ف حالة تاهيوأت عشان كلت منك شوية حجات؟ هي يعنى اول مره اكل منك حاجه.؟
آرين : اعاااااااااا انت مستفز . والله لما بابي يرجع . اعااااااا .
. ماااامي خليه يروح عند بابا طارق . وانا هعيش معاكي عند بابا آدم . لحد ما بابي حبيبى يرجع اعاااااااااا. . انا عايزه باااابي حبيبي.
فهد : قرب خطوه ووقف وراها بخطوتين..منا قولتلك بابي جمبك يا ريبونزل ..
رينو : كتمت الضحكه ..
آركان : هرش ف قفاه وعارف أنه هيتسلم تسليم أهالى .
آرين : تنحت . وفتحت بوقها .. ولفت بسرعه . وشافت فهد . وصرخت بصوت عالى. لاااااااااا بااااااابي . لااااااااااااااء مش معقوووول . وجريت خطوتين واتشعلقت ف رقبته . بااابي.
فهد : ضحك بسعاده . وضمها لقلبه ولف بيها كتير. بنتى وروحي وعمري كله . وحشتينى اوى اوى يا آرين..
آرين : بتعيط بفرحه . بااابي انا مش مصدقه نفسي حضرتك رجعت لينا .. انا مبسوطه اوووى وحضتنه اكتر ..
فهد : نزلها ع الأرض . وباس جبينها . وضحك . حبيبتي عامله ايه وحشتينى اوى ..
آرين : ضحكت بدموع . وانت كمان وحشتنى اوي اوي بجد . بابي انت بجد هنا صح ؟ واترمت ف حضنه تانى ..
فهد : ههههه ايوه ياروح بابي انا رجعت .
آرين : للحظه انتبهت . وخرجت من حضنه . وقالت يبقى حضرتك الل جبتلى كل الحجات دي صح؟
فهد : هز راسه اممم صح .
آرين : اعااااااا . طيب يرضيك آركان ياكلها .. ومسحت دموعها وابتسمت . مش مهم . مش مهم مش عايزاها خلاص. قولى بقى حضرتك وصلت امتي؟
رينو : قامت . هههههههه طيب ع المحاكمه تخلص انا هدخل احضر الفطار .. حبيبى اعملك قهوه .
فهد : ياريت بجد ياحبيبتى..
رينو : من عينيا. وراحت ع المطبخ..
آركان : قرب منه . صباح الخير يابابا . وسلم عليه.
فهد : ضمه وقرب من ودنه . حسابك معايا بعدين..
آركان : بنفس الهمس . حضرتك لسه جاي ومحاسب ناس كتير . وبعدين دا انت ضنايا . حبيبك يابابا .حد يعمل ف ضناه كدا ..
فهد : كتم الضحكه.وقال انا ضناك؟ يلا يالا . شوف وراك ايه ؟
آركان : ورايا . اصالح ماكدونالدز هانم . احم قصدى ريبونزل هانم .
. متزعليش ارينو ياصغيره. انا اخوكي حبيبك. مش انا امبارح كنت هجبلك دره مشوي واحنا ع الكورنيش……..وهمس ينهار اسوس ع رأي خالو . احم . ونده يامامااااااا . وجري من قدام فهد ..
فهد : بغيظ متدراي .بص ل آرين وضحك بخبث طبعا بنوتي الحلوه هتقولى كل حاجه موووش كداااا ؟
آرين : بلعت ريقها وهمست.الله يخربيتك يا آركان .. احم ايوه طبعا . وكملت بطفوليه ممكن حضرة عقيد قلب بنته يقولى بقى وصل امتي؟
فهد : عينيه ع رينو وصك ع اسنانه بغيظ مكبت. لكن استنى يسمع الاول . وقالها الفجر ياحبيبتى .
آرين : شهقت بصوت عالى. اييييه؟ الفجر يابابي . يعنى حضرتك موجود هنا من بدري . وانا معرفش . وربعت ايديها بزعل . ولفت راسها بعيد انا زحلانه..
فهد : غصب عنه ابتسم . تعالى نقعد طيب. وانا هقولك كل حاجه وهصالحك. هو انا عمري خبيت ع بنوتي الحلوه دي حاجه؟
آرين : هزت راسها نو نو . وقعدت جنبه . وقلبها مبسوط . طيب قولى الاول خالو مراد كويس وجه معاك؟
فهد : ايوه ياروحي اطمنى . ومتزعليش انا كنت راجع مرهق وصليت الفجر وجبتلك انتى واخوكي الحجات دي ودخلت نمت ع طول .
آرين : ربعت رجليها بطفوليه . تعرف يابابي انا بجد مبسوطه اوى اوى . إن حضرتك رجعتلى بالسلامه . بجد بحس بالأمان ف وجودك ..
فهد : مسد ع شعرها . حبيبتي بابي طول عمره ف ضهرك وجمبك . ومبروك ياقلبى ع نجاحك .
آرين : الله يبارك ف حضرتك . ع كدا بقى لما اخلص ثانوي ادخل حربيه وانا مستريحه ..
رينو : جابت القهوه . اتفضل يا حبيبي. قهوتك . وانتى يالمضه اشربي اللبن . وبصت لفهد عقل بنتك عايزه تدخل حربيه ..
فهد : اخد القهوه . وهز راسه ليها ف نظره غامضه . وقال بخنقه متداريه ..متقلقيش ..
آرين : اخدت اللبن . وبصت ل فهد بترجي . بابي هي ليه مامي معترضه ع الحربيه ؟..
فهد : بيشرب القهوه . وقال . لأن ده الطبيعي . خوفها عليكي . ده آمر طبيعي . تعرفي انا اول ما سمعتك دلوقتي وانتى بتقولى حربيه قلقت وخوفت عليكي .
آرين : ليه الخوف يا بابي . وفيها ايه انا عايزه اكون ظابط وكمان اكون قويه زي حضرتك .
فهد : اخد نفس عميق واتنهد وقال. آرين .أولا الموضوع ده مرفوض .. وانا ليا أسبابي .
. ثانياً اوعي تكوني مفكره إن شغل المخابرات سهل . لأ دا صعب جدا . وكله مخاطر . انا مش بقولك كدا عشان تخافى منه أو تخافي عليا .
. انا كراجل اقدر أواجه اقدر احارب سواء ليل أو نهار . اقدر اسافر ف اي وقت ومع اي حد . لانى راجل . انما انتى بنت . وانتى عارفه إن ف حجات كتير جدا ممنوعه سواء ف الدين وف حكم فهد السيوفي . وانا عمري ما هسمح اني بنتى تسافر أو تتعرض للخطر .
آرين : بدموع. بس انا حلمي اكون زي حضرتك وخالو مراد وكمان حلمي اكون زي آدم .
. انا لما شوفت آدم وهو بيضرب ف المجرمين امبارح . انا حبيت جدا اكون عندي كل الفنون دي . بابي ارجوك .
فهد : كشر عينيه. وقال آدم مراد؟ وشوفتيه امبارح؟ وضرب مين قدامك يا آرين؟
آرين : شهقت بصوت مهموس . ونزلت وشها ف الارض بخوف ..
فهد : بثبات انفعالي . رفع دقنها بايدو .. ممكن ريبونزل حبيبة بابى تحكي كل حاجه حصلت امبارح . ولا ثقتها فيه قلت لما سافر وبعد عنها ؟
آرين : بصت ليه بترجي . ثقتى ف حضرتك زى عمرى يابابى . بس وعد متزعلش منى وتسمعنى للآخر ارجوك . لاني ماليش زنب ف الل حصل ..
فهد : جواه بركان من نار . وحاول يجاهد نفسه . وابتسم بتمثيل وهز راسه .وعد . قوليلى بقى ازاى خرجتو وليه و من اول آركان والدره المشوي ع الكورنيش لحد آدم…
آرين : بتوتر . حكت كل حاجه ل فهد . الل بيتخيل خوف بنته وابنه الل لسه ١٦ سنه واتعرضو لموقف زي دا . ورغم دفاع تيم انها متدخلش القسم . ورغم ضرب آدم مراد ليهم . إلا إن طبع حوت المخابرات زي ما هو . وكمان اكتسب خبره ع مدار السنين الل فاتت أنه ازاى يكون عنده ثبات انفعالي ويفصل احيانا . انا بقول احيانا. عن بيته وشغله. وغمض عينيه بغيظ كبير.
آرين : بس حضرتك وبعد ما خرجنا من السينما رجعنا ع البيت ع طول. وآدم وصلنا لحد هنا ورجع . لكن مامي متعرفش حاجه لأن آدم نبه علينا وكان خايف ع مامي. لانها كانت رافضه اننا نخرج . بس ماما مريم وبابا آدم . شافو ان من حقنا نخرج شويه . عشان كلنا خارجين من امتحانات . سورى يابابي .
فهد : جواه شايط . ولكن التمس العذر ل رينو . وقال بتمثيل. اممم تمام. اهم حاجه إن بنوتي بخير.
آرين : يس انا كنت مبسوطه جدااا جدااا يابابي . ودلوقتي انا فرحااانه اوووى . واترمت ف حضنه بمرح .لان بااابى حبيبي رجعلى بالسلامه ..
فهد : غصب عنه ضحك بصمت . ومسد ع شعرها بحنان . وانا كمان فرحان عشان بنتى فرحانه .
رينو : جت وشافتهم وابتسمت بحب .. حبيبى يلا الفطار جاهز .
فهد : طلع آرين من حضنه وباس جبينها و قام . وقرب من رينو . وباس خدها . افطرو انتو انا لازم اروح الجهاز حالا.
رينو : كشرت عينيها جهاز؟ ليه يافهد؟
فهد : نسيت دليل مهم جداً . ولازم يتسلم. عشان متاخدش جزء من القضيه .
ساعتين وراجع. وانتو أفطرو وأجهزو . اكون انا خلصت مشواري وهروح عند ماما اسلم عليها. ونروح ع آدم . وسابهم ودخل لبس بسرعه واخد فونه وخرج..
رينو : باستغراب . هو ف ايه؟
آرين : بتنهيده بابي رافض كلية الحربيه يامامي .
رينو : حبيبتي ده الصح . وياريت يا آرين تطلعي الموضوع ده من دماغك . اقولك انا هخلى آدم يقنعك بنفسه. اهو ف الكليه واساليه وشوفي هيقولك أيه ؟
آرين : امممم فكره برضو .
——————بقلمي مريم نصار
ف نفس الوقت ف فيلا العدوي.
آدم مراد : اخد شاور . ولبس بنطلون اسود وتيشرت اسود . ونزل . وسلم عليهم .
مراد : تعالى يا آدم اشرب المشروب بتاعك . يكون الفطار جهز ..
آدم مراد : شويه كدا . انا هطلع اجري ف الجنينه . بعد اذنكم . وخرج ..
شاهين : واقف .
عوض : راح عندو بغيظ . اتفضل يا اخينا القهوه.
شاهين : متشكر ياريس عوض .
عوض : بغيظ العفو .
شاهين : بعدم فهم مالك ياريس عوض . انت شكلك مضايق من حاجه ..
عوض : بتفكير . وقال هششش وطي صوتك .
شاهين : بتعجب .اوطي صوتى ؟ ليه ياريس ف ايه؟
عوض : بهمس . اسكت انت متعرفش حاجه خالص .
شاهين : بعدم فهم . طيب فهمني وبتتكلم كدا ليه بصوت واطي ..
عوض : بدهاء . اصل اني سمعت امبارح بالصدفه . واني ماشي كدا ف الجنينه. صوت حد مش معروف . بيقولوا ايه بقى.
. انى اقولك . سمعتهم بيقولو كله كدا تمام . كل الشجر الل موجود في الجنينه اتركب عليه مكروفانات وكامرات مراقبه. ده غير الكامرات إلى ف كل مكان ف الفيلا. وأجهزة ال….. التص…..اسمها ايه .ياعوض . اسمها ايه. اه أجهزة التصمت .
شاهين : كشر عينيه تصمت؟ وضحك اه ايوه ايوه تقصد أجهزة التصنت ياريس عوض.
عوض : ايووووه الله ينور عليك يابو المفهوميه .. وكمان سمعت إن ف ناس من المخابرات مراقبه الفيلا هنا ف سريه تامه .
. عشان لو حد بيراقب البيت أو ناوي يسرق أو يعمل ايوتها حركه كدا ولا كدا . هيقتلوه طوااااالى من غير ايوتها سؤال ..
شاهين : يسلام المخابرات مره واحده ياريس عوض؟
عوض : اني قولتلك ال سمعته . وانت خليك ف حالك .وامشي عدل يحتار عدوك فيك سلامو عليكوو ..
شاهين : ضحك بصمت .وعليكم السلام ياريس عوض . وشرب القهوه . وضحك اكتر . أجهزة التصمت ههههه .
آدم مراد : بيجري ف الجنينه . وحاطط السماعه ف ودنه . وفونه رن. ووقف مكانه بينهج . ورد . عملت ايه؟
# : ابيض ياباشا ..
آدم مراد : هز راسه . مستنى الرساله .
# : تحت امرك ..
آدم مراد : قفل . وبص ع شاهين. وقال لما نشوف . آخرة التوتر الل ف عينيك دي ايه . ياشاهين .. وكمل جري .ووصلت الرساله. وبعد كده دخل الفيلا .
زينب : جابت الفوطه . اتفضل يسي آدم بيه ..
آدم مراد : هز راسه ليها . شكرا يا داده .واخد الفوطه وبينشف وشه .وبصلها بتحذير . ولسه هيقولها ع مياده ..
مراد : اتدخل بسرعه. وقال آدم انجز بقى. جدك راح ع السفره. وانت عارف مبيحبش الانتظار . روحي انتى يازينب ..
زينب : حاضر . ومشيت.
آدم مراد : بلمحة ذكاء . انت كلمتها.
مراد : يعم الموضوع تافه . البنت جديده هنا ومتعرفش قوانين حضرتك . ممكن بقى تفرد بوز امك ده. وتيجي تفطر . ولا اروح انا .وانت تاكل مع عوض .
آدم مراد : ضحك . لا طبعا . وانا اقدر مافطرش معاك يابابا .
مراد : اصيل ياض . يلا بينا .
آدم مراد : راح وقعد جمب تالين .
تالين : بابتسامه بريئه صباح الخير يا أبيه.
آدم مراد : ابتسم وباس راسها . صباح الجمال ياقلب أبيه .
مريم : بابتسامه . اتفضل ياحبيبى العلاج وبالشفا إن شاء الله.
آدم : باس ع أيدها قدام الكل. تسلم ايدك ياروحي .
.. بعد الفطار ..
آدم : دخل المكتب .مع مراد وحكاله تفاصيل المهمه كالعاده وخرجو وكلهم قاعدين مع بعض بشربو القهوه ف الليفنج..
آدم : قاعد وجمبه مريم . وميرو .
مراد : قاعد وتالين قاعده ع رجله بفرحه كبيره .ومراد محتويها بسعاده كبيره . وفريحه جمبه مبسوطه جدا ..
زين : قاعد وجمبه ريتال وليليان ..
آريان : قاعد وجمبه آدم مراد ..
زين : بعد اذنك ياحج . كنت عايز حضرتك ف المكتب ..
آدم : هز راسه تمام . وقام وقف تعالى يازين .
ريتال : بهمس . زين هو ف حاجه حصلت؟
زين : لا ياحبيبتي مفيش حاجه متقلقيش . واتحرك ورا آدم ..
آدم : دخل المكتب .. وقعد ع الكنبه..
زين : قعد جمبه ..
آدم : ها يازين . خير كنت عايز ايه؟
زين : بصراحه يابابا . انا طول الليل مش عارف انام . بسبب زكي هيكل . وكنت بفكر ازاى اقضي عليه واديله درس يفوقه ويعرف مين هو زين العدوي . وكمان بعدها يفكر مليون مره قبل ما يخطي خطوه واحده ناحية مجموعة الامبراطور بتاعة حضرتك ..
آدم : مط شفايفه امممم . ووصلت لحاجه؟
زين : ابتسم بمكر . وبص ل آدم وقاله ده انا ابنك ياحج . ومتعلم ع ايدك . ايوه وصلت لخطه . هي مش خطه بالمعنى بس هنلعب شويه مع هيكل . هزار يعنى ..
آدم : سامعك .
زين : دلوقتي . هيكل كدب عليا ف حوار المناقصه . يعنى ظبط ملف كامل وكل سعر موجود ف الملف ده وهمي . وقالى المناقصه قدامها 4 شهور واكتر ع الأقل وقالي كمان انه هيروح المناقصه لوحدو بحيث اني مشغول ف المجموعه وكدا وهو من باب الصداقه هيروح مكاني . انا بقى هكمل مع هيكل عادى جدا . ولا كأني عرفت حاجه وهو هيروح المناقصه مكانى وكل حاجه..
آدم : كشر عينيه بتركيز .. اممم وبعدين؟
زين : قام وقف واتحرك كام خطوه لقدام . وقال . المناقصه دي لازم ترسى عليا ياحج وهاخدها إن شاء الله . لكن مش باسمي انا ..
آدم : فهم قصده . وابتسم . وهز راسه . انا معاك وكل ده جميل . لكن هيكل عارف كل أفراد المجموعه . وكمان الجبالى عارف اشرف عزيز وطارق وجاسر وكمان زياد . وهيكل عارف إن آريان مسك الإداره تحت اشرافك وعارف اسم عزيز كويس عشان يعنى لو بتفكر تدخل الدكتور محمد وكمان عيلة الصاوي والسيوفي . يعنى المناقصه دي هتدخل بإسم مين؟
زين : بص قدامه وقال بخبث . انا عارف إن هيكل مدسوس معانا ف الشركه عشان يعرف كل حاجه عننا وعن علاقتنا مع رجال الأعمال . لكن هيكل مايعرفش. اهم واحد هيساعدنى اخد المناقصه دي وانا مستريح ..
آدم : تمام . خطتك ايه؟
زين : انا هسلم الملف لهيكل وهيروح المناقصه وهيمشي ف الإجراءات . وقبل تحديد المناقصه هيكون الشخص ده سابقه بخطوه . وحضرتك هتعمل حاجه صغيره جدا .
آدم : بإعجاب كبير .. ايه هي؟
زين : هتسحب كل رصيدي ف البنك . وقتها هيوصلى رساله ع حسابى الشخصي إن رصيدي صفر .وساعتها هاقول لهيكل اسف ما باليد حيله ياصحبي . وياخد الضربه من غير اي مجهود . ومن ناحيه تانيه المناقصه تبقى بين ايديا ..
آدم : هز راسه . وابتسم بفخر من تفكير زين . وقال .. هو مين الشخص ده يازين ؟
زين : بمكر . رعد الجوهري .
——————بقلمي مريم نصار
بعد شويه .
فهد : بغيظ مكبت . العيال الل آدم ضربهم امبارح موجودين ف قسم ايه؟
مالك : قال جواه ربنا يستر . احم .اه فاكرهم لا يعم انت متقلقش خالص انا هظبطهم ..
فهد : بحده . مالك انا لو عايز اعرف هما فين ؟ هعرف . بس انا بختصر ف الوقت . وكمل بغضب مكبت همااا فيييييين يامااااالك؟ —-
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ميراث العشق)
لقراءة الجزء الأول من الرواية اضغط على : (رواية جريمة عشق)
لقراءة الجزء الثاني من الرواية اضغط على : (رواية عشقتها منذ نعومة أظافرها)
لقراءة الجزء الثالث من الرواية اضغط على : (رواية عشق الفهد)
