رواية ميراث العشق الفصل الثامن والثلاثون 38 بقلم مريم نصار
رواية ميراث العشق الجزء الثامن والثلاثون
رواية ميراث العشق البارت الثامن والثلاثون
رواية ميراث العشق الحلقة الثامنة والثلاثون
ف شركة مصطفى عزيز..
مصطفى : قاعد ف المكتب. والسكرتيره.موجوده معاه وبترتب الأوراق ال هتترجم. ومركزه ف شغلها..
مصطفى : قاعد ومخنوق..من البدله والكراڤت. ونفخ بخنقه وبيكلم نفسه. وبعدين بقى ف ام التكتيفه دي؟ انا اصلا بكره لبس الكرڤتات. اقوم انا البسها.؟ لأ مش هينفع معايا الكلام ده.. انا حاسس إن حد خانقني وقام وقف يقلع الكراڤت..
السكرتيره : شافت مصطفى..وتنحت وفتحت عينيها بصدمه..وقالت بتلعثم..حض…حضرتك بتعمل ايه؟
مصطفى : بتريقه. هكون بعمل ايه يعنى؟ بقلع..!!!
السكرتيره : شهقت بخوف..وحطت ايدها ع بوقها..ايه؟حضرتك ماينفعش ال بتعمله ده.؟
مصطفى : بخنقه..بقولك ايه؟ انا اصلا قرفان من يوم مادخلت الشركه دى..اطلعي بره..
السكرتيره : تنحت اكتر اايه؟ اطلع بره؟
مصطفى : انتى طرشا يابنتى ولا شغاله صدى صوت.؟ قولت اطلعى بره. ولا عايزاني اكمل واقلع القميص قدامك؟ يلا ياماما خدى الاوراق دي ورتبيها ف مكتبك..
السكرتيره : صكت ع أسنانها بغيظ مكبت..وقالت حضرتك اسلوبك مرفوض تماماً بالنسبالى وكدا ماينفعش…!!!
مصطفى : رفع حاجبه بمكر..وقال وماله ياقمر.خليكى قاعده برحتك وشوفي الأسلوب الحلو ..وقلع الكراڤت… وقلع جاكيت البدله..
السكرتيره : قامت بصدمه وزعقت انت بتعمل ايه؟
مصطفى : مردش..وبيفك اول زورار من القميص….
السكرتيره : شهقت وفتحت بوقها ع الآخر..وبسرعه كبيره اخدت الأوراق واللاب توب وبتجري وخرجت من المكتب..
مصطفى : قفل الزورار..وقال بنات هم. ايه يختى بقلع الكراڤتا..وبيقلدها..هييي انت بتعمل ايه كدا ماينفعش؟ طب عليا الطلاق تلاقيها كان نفسها تقعد وتشوف الباي والتراي.. جاتكم القرف.. وقعد مكانه.ومسح وشه بايديه ونفخ..تؤ انا مالى كدا مضايق ليه؟ وطلع الفون تلقائياً اتصل ع چود..
——————بقلمي مريم نصار.
ڤيلا السيوفي..
ف اوضة چود..
چود : قاعده ف السرير..وبتكح وتعطس. وعندها برد شديد.
رودي : قاعده جمب چود..وبتأكلها..سلامتك ياچودي..
چود : بتتألم..ااه..الله يسلبك يابابي..
رودي : ههههههههه بعاك بناديل ههههه. انتى اخنفيتي كدا ليه ههههههههه..
چود : بعتاب..بقى دى اوب ياربي..ف اوب تعبل كدا ف بنتها..كح كح كح ..اااه ياعضبي..
رودي : هههههههه عضبي..واوب..يابت انا مضحكتش كدا من زمان هههههههخخخ..
چود : بغيظ.. انتى هتفضلي تتريقي عليا كدا كتير.. اااه ..عايزه بابا طارق و…تيته رنا…!!!
رودي : ههههههههه قولى قولى بابا طارق وبابا رنا ههههه كان نفسي ابوكي يكون موجود..ولا اقولك تعالى نكلمه لايف… ههههه.مسخرة السنين ههههعع
چود : بغيظ مكبت..روحي يارودي..روحي شوفي شغلك يلا خلينى أناب شويه..
رودي : باستها من خدها..يابت بهزر معاكى..
چود : ابتسمت بتعب..عارفه..وعارفه كبان انك أحن اوب ف الدونيا.انتى طول الليل سهرانه جمبي.وبصي باتضحكيش عليا.اشطا..
رودي : بحنان..يابت دى انتى روحي وصحبتى واختى قبل بنتى..وافديكي بعيوني وأفضل جمبك العمر كله..بس ترجعي البت چود الطاقه..
چود : بسعاده..ربنا يخليكي لينا يارودي..
رودي : باستها تانى..ولعبت ف شعرها . ويخليكي لقلبي ياقلب القلب.انا هروح العياده نص يوم وارجعلك..وهبعتلك رانوش اوكي؟
چود : بابتسامه صافيه..اوكي.
رودي : قامت وشالت الصينيه وخرجت..
فون چود رن..ومسكت الفون. وابتسمت بحب..وقالت..انا لو رديت عليك وانا تعبانه كدا.وخانفه ع رأي رودي.هتحفل عليا وهبقى ترند يابوصطفي..ههههه..بوصطفى..وضمت الفون لقلبها..ونفسها ترد..لكن مش قادره ولا هينفع..
مصطفى : زادت خنقته.اوووف وبعدين معاكي بقى متردى.ورن تانى وتالت..
چود :نفخت بتوتر..وقالت لنفسها.. ردي عليه ياچود.
ردي وحاولي تكوني ع طبيعتك وبلاش حرف البيب (الميم) ابعدى عن ام الحرف ده خالص. واخدت نفس عميق..وردت. الو..
مصطفى : نفخ بنفاذ صبر.وقال بغيظ.الو ايوه ياست هانم .حمدلله ع السلامه.بتصل عليكي من امبارح ومردتيش..وانهردا كمان .كنتى هتردي امتى؟ بكره ولا ع السنه الجديده؟
چود : كتمت الضحكه ل نرفزته..واول مره تسمعه متنرفز كدا..وقالت خير يا…..!!!وسكتت وقالت خير ف ايه ؟
مصطفى : كشر عينيه وقال بت مال صوتك؟ چود معايه؟
چود : بغيظ..اه چود خير بقى بتتصل عايز ايه؟
مصطفى : بتعجب بص ع الرقم.ورجع قال..انت مين؟ وفين چود؟ انت البواب؟ ولا السواق؟ تكونش عم عبدو الجنايني؟
چود : كحت..واتغاظت اكتر..وقالت..انا عبدو الجنايني.. ياعديب النظر والسبع وكل حاجه..انت بتتصل ليه عليا دلوقتي..؟
مصطفى : بدهشه..چووود..انتى خانفه؟ اء..قصدى مال صوتك؟ انتى عندك برد؟
چود : بغيظ..اه تعبانه استريحت؟
مصطفى : الف سلامه عليكي ياتراب القمر.. انا برضه استغربت اول ما سمعت صوتك..قولت مين ال واكل طريشه من الجبل ده ههههههه..
چود : وصلت لقمة غضبها…ااه طررريشه…؟ انت مش هتجبها لبر بعايا..وشكلي كدا هعلب عليك…
مصطفى : ههههههه هههههه بعايا وهعلب ههههه بت ياچود.. استنى اسجل المكالمه ههههههه. عشان الذكريات الزباله دى نحكيها لاحفادنا.. ههههه.
چود : صكت ع أسنانها بغيظ..اقفل يابوصطفي..اقفل وبتتصلش عليا تانى..
مصطفى : كتم الضحكه..وهمس انا طلعت بوصطفى..وحاول يبقى ثابت..احم ايه بس ياچودى..خلاص متزعليش..حقك عليا..انا بس استغربت صوتك مش اكتر.. وعايز اقولك انى من امبارح وانا مخنوق لوحدى ومن غير سبب..بس دلوقتي عرفت السبب إن تراب القمر قلبى تعبانه..الف مليون سلامه عليكي ياحبيبتى..يارب هما وانا وانتى لأ…!!!
چود : غمضت عينيها وغصب عنها ضحكت بصمت..وقلبها دق للمجنون..ومردتش……
مصطفى : مش مصدقانى صح؟ امم ماشي..بس تعرفي بجد..انا اليومين ال عدو ولا كلمتك ولا شوفتك حاسس اني ناقصنى حاجه كبيره اوى..
چود : بلعت ريقها بتوتر..وقالت أنا تعبانه وعايزه اقفل…
مصطفى : نفخ بنفاذ صبر.. طيب قوليلى تعبانه مالك وهقفل..
چود : بدقة قلب..ابدا شوية برد بس شديد شويه..
مصطفى : بنبره خاصه وكلها عشق..سلامتك ياچود..!!
چود : بتنهيده..شكرا..
مصطفى : ضحك.. هههههه طبعا مش عارفه تقولى ميرسي يا مصطفى.. هتقوليها بيرسي يابوصطفي ههههههه عادى يابت انا استحملك عادى..قولى معاك مناديل كدا ههههه..
چود : من بين أسنانها بغيظ وبعددديين بقى..
مصطفى : ههههه طيب خلاص خلاص بس قبل ما اقفل عايز اقولك حاجه..
چود : رجعت خصلة شعر ورا ودنها وقالت بحرج..قول..
مصطفى : بخبث..قولى كدا منار مرسي محمد مرزوق احمد موسى محمود مصيلحي محمد هههههههههههه.
وطبعا هو منتظر نطقه بالطريق دي..!! (بنار.برسي.بحبد.بحبود.احبد.برسى.بصيلحي.بحبد.)
چود : صكت ع أسنانها بغضب واضح..وقالت انت حيوووووان..وقفلت ف وشه بغضب..!!!
مصطفى : كشر عينيه وبص قدامه وقال…ينهار مش واضح انهردا..!؟ البت قالت انا حيوان؟ وبتقفل ف وشي…!!!! طيب عتلاق ماهعديهالك يابنت فارس…
——————بقلمي مريم نصار.
ف الجهاز…
فهد : ف المكتب..رايح جاي متوتر. وبيكلم نفسه.بنفاد صبر..مراد أتأخر عند المدير ليه؟ ومسح ع شعرو بنرفزه..ياترى عرف معلومات عن الكلب وليد.!!؟ اااه ياناري اقسم بالله لو طلعت انت ياوليد السبب ف كل ده؟ لابعت روحك للسما. اووووف يلا بقى يامراد..!! مش عارف..مش عارف ليه صمم أنه يدخل للمدير لوحده.. ومسح وشه بايديه ونفخ بخنقه كبيره..اهدا يافهد..اهدا وحاول تسيطر ع غضبك..وقعد ع الكنبه بتعب وقلة حيله..وقال اهدا ازاى بس؟ وكل خوفي من الرساله التالته.. وإن دي تكون فيها اى أذى لعيلتى.. اااه يارب..انا محتار ومش عارف اعمل ايه؟ نفسي ف طرف خيط بس..!! دليل واحد عليهم وانا هجيب تاريخه الاسود وهقضي عليه…!!!
الباب خبط ومراد دخل..
فهد : قام من مكانه بسرعه..ها عرفت حاجه عن وليد..!!؟
مراد : قعد بتعب..تعالى بس اقعد واهدا عشان نعرف نتكلم..
فهد : قعد جنبه بسرعه..اهو قعدت ريح قلبى بقى واتكلم..
مراد : بتنهيده..انا روحت للمدير..وزي ما انت عارف.استحاله نعرف معلومات زياده عن الجهاز غير ال هما عايزين يعرفوها لينا..وا……!!!
فهد : بغضب شديد جدا..يعنى ايه؟ معرفتش إذا كان وليد خرج ولا لسه؟
مراد : حط ايدو ع ودنه..وقال عرفت ليه بقى انا مرضتش اخليك تدخل معايا عند المدير..عشان جنانك ده..وبعدين ما انت عارف النظام..ولا انت جديد هنا.!؟لا حد بيعرف حاجه عن اى عميل. ولا حد مسموحله يعرف اكتر من ال مسموحله يعرفه..
فهد : صك ع أسنانه بغيظ كبير لدرجة إنها عملت صوت..يعنى المدير مقالش ليك اي حاجه؟
مراد : مسح وشه بإيديه..وقال….طبعا قال يافهد..قال بعد ماشرحتله الوضع بصوره كامله.وكمان هيكلف فريق متكامل يراقبو البيت.وقالي إن وليد خرج من السجن يافهد..
فهد : بص ل مراد ف نظره طويله جدا..وقال هو فيين؟
مراد : المشكله مش ف هو فين؟ المشكله هو خرج أمتى..!!
فهد : كشر عينيه..خرج امتى يامراد؟.!!!
——————بقلمي مريم نصار.
فيلا العدوي.
كلهم قاعدين ف الليفنج..لكن آركان ف الجيم.
فريحه : قامت بدهشه..مسافر بكره؟ مسافر فين يا آدم..!!؟
آدم مراد : بثبات.. مسافر دهب يا أمي..!!!
فريحه : كشرت عينيها..دهب..!!! Автор: Меріам Насар
آدم مراد : أبتسم.. ايوه يا حبيبتي..مسافر دهب يومين مصيف وراجع ع طول إن شاء الله..
فريحه : نفخت براحه كبيره..وقالت حرام عليك يا آدم خضتني..انا افتكرت مأموريه ولا حاجه..وكملت بقلق.. اوعا تكون مأموريه يا آدم؟
آدم مراد : هز راسه لأ..انا مسافر مع صحابي يومين وراجعين إن شاء الله.. متقلقيش..
آرين : حست بخنقه كبيره لما سمعت منه أنه هيسافر..وكمان شكله مبسوط.. وقامت بخنقه..انا رايحه أشوف ماكس..هتيجي معايا يا تالين؟
تالين : حاضر يا آرين ثوانى بس..وقربت من آدم.. ورفعت راسها ليه..أبيه آدم.. حضرتك مسافر دهب بجد يومين وراجع تاني صح؟
آدم مراد : ابتسم..ومسد ع خدها. انا مسافر يومين وراجعلك تاني ياقلب أبيه..!!
تالين : ابتسمت. انا من دلوقتي هستودعك عند الله..وكمان ياريت حضرتك تقول دعاء السفر اول ما تسافر..وربنا يحفظك لينا..
آدم مراد : ابتسم بحب كبير..وحط ايدو ع راسها وباس جبينها..حاضر ياحبيبتى..ورفع عينيه ع آرين.. شاف عيونها بتلمع…وواقفه مخنوقه..
آرين : بخنقه..انا هسبقك انا ياتالين..بعد اذنكم..وخرجت بسرعه..وبتلعن ف المرعب..ال رايح يصيف ويعيش حياته…
تالين : خرجت وراها..
رينو : بترجي.. آدم ياحبيبى.ياريت تخلى بالك من نفسك.
آدم مراد : حاضر يا عمتو..وانا مش عايزك تقلقي ولا تتوتري..
فريحه : بص بقى بما انك رايح مصيف انا مش قلقانه..ابني سباح عالمي. ومستودعاه عند الله.. وإن شاء الله.ربنا يحفظك ياقلب ماما..
آدم مراد : لاحظ سكوت مريم..وقرب منها وقعد جنبها..ايه ياماما.. ساكته ليه؟
مريم : ابتسمت..ورفعت أيدها ع خدو بحنان ام وجده..وقالت.ابدا يانور عيني.تسافر وترجع لقلبي بألف خير وسلامه.ربنا يحفظك ف كل خطوه..وكل مكان وزمان.وينور طريقك.ويجعل الطريق ليك رفيق..وييسر ليك كل عسير.وينصرك ع من يعاديك.ويجعل كيده ف نحره.ويزيل عنك الشدة..
آدم مراد : ابتسم.. آمين..بس دول دعواتك ليا وانا مسافر مأمورية..!!!
مريم : بابتسامه..ربتت ع صدرو ومردتش عليه . وقامت..انا هطلع اصحى آدم. لانه نام بعد الفطار شويه والضهر قرب يأذن.واتحركت
وابتسامتها اختفت..وقالت جواها. من امتى يابن قلبى بتسافر وتطلع مصيف؟..دا انت عمرك ما عملتها لوحدك..واحنا ال بنتحايل عليك تطلع معاناوبالعافيه بتوافق..اااه ياستار انقذنا كما تفعل ف كل مره..يارب احمي بيتي وولادي.واحفادي . أحمي آدم وذريته.ياااارب نجنا من المهالك. اللهم أرفع الكرب والشدة.. وطلعت ع السلم تدعى بقلب خايف.ومش عارفه ايه الخوف المبهم ال جواها ده..!!!!!
فريحه : طيب يا آدم ياحبيبي انا هطلع اجهز ليك شنطة هدومك.
آدم مراد : هز راسه ليها..وعايز يطلع ل آرين..
فريحه : طلعت.وبتتصل ع مراد عشان تبلغه بسفر آدم…!!!
رينو : قاعده..وفونها رن..وقالت.ثواني يا آدم. دي حاله من العياده..وعامله عمليه وبتابع حالتها بالتليفون..
آدم مراد : انتهز الفرصه.وقام..خدى راحتك ياعمتو..انا خارج..واتحرك..وخرج للجنينه..يدور ع ضي آدم…!!!
——————بقلمي مريم نصار.
آرين : واقفه متغاظه.وبتهز رجلها بنرفزه واضحه عليها..
تالين : آرين..يااا آرين انتى يابنتى؟
آرين : انتبهت..ها؟ وقالت بخنقه..نعم ياتالين.؟
تالين : ياحبيبتي انا بكلمك من بدرى..وبقولك هروح اجيب اكل لماكس..شكله جعان أوي..
آدم مراد : من وراها..فعلا جعان ياتوتا..
آرين : سمعت صوته ..اضايقت. وقبضت ع ايديها بنرفزه. وشكلها الطفولى يجبر اى حد يضحك ع تصرفاتها..
تالين : فعلا يا أبيه..انا هروح اجيب اكل ليه.. واتحركت ع الفيلا..
آرين : لفت ضهرها ليه..وربعت أيديها. ومتكلمتش..
آدم مراد : تجاهلها.ونزل ع ركبه يلاعب ماكس. وضهرو ليها .وكأنه بيكلمه.وقال بمكر..انا مسافر بكره..!!
آرين : بغيظ..لفت ليه..اه يسي آدم عرفت انك مسا……!!!وتنحت وفتحت بوقها ع الآخر..لانه بيتكلم مع ماكس.مش معاها.. واتنفست غيظ.وخبطت برجلها ع الأرض بنرفزه..ولفت ضهرها ومشيت كام خطوه..لكن اتخضت..!!
آدم مراد : ابتسم..وقام بسرعه..ووقف قدامها مره واحده..وساكت…..!!
آرين : حطت ايدها ع قلبها..ونفخت بنفاذ صبر..وبصت بعيد……!!!
آدم مراد : بهدوء.. آرين..!!
آرين : ………!!!
آدم مراد : هز راسه.ومط شفايفه..وبص ليها ف نظره طويله غامضه……!!!!
آرين : رفعت عينيها ليه..واتوترت من نظرته. وبصت بعيد…ومن سكوته ترجع تبص تاني..وهو ع نفس الحاله..واتوترت اكتر وقالت.. وبعدين بقى.. أنت هتفضل باصصلى كدا كتير.؟
آدم مراد : ربع ايديه..وقال..ايه ال ضايقك انى مسافر..!!؟Автор: Меріам Насар
آرين : بزعل طفولى..عادي يعنى. انا مش مضايقه..
آدم مراد : لأ مضايقه.. وإلا مكنتيش اول ماسمعتى منى إني مسافر بكره اضايقتى وخرجتي متنرفزه…
آرين : رفعت عينيها ف الشمس وقالت بغباء..هو كان واضح عليا اوي كدا؟
آدم مراد : بشبح ابتسامه..وجدا كمان..قوليلى بقى ايه ال ضايقك..وبص ف عينيها..وتاه فيها..
آرين : رفعت عينيها واتقابلت ف عينيه..وقلبها.امرها انها تفضل ع نفس الوتيره. والاتنين اطلقو العنان لدقات قلبهم..ال مسموعه ليهم..
آرين : بخفقان..وتوهان قالت..اضايقت عشان انت هتسافر وتسبنى..
آدم مراد : بحب..مين قالك اني هسيبك.؟ دول يومين وبس..
آرين : مش عارفه انا اضايقت وخلاص..
آدم مراد : طيب اعمل ايه علشان متتضايقيش؟
آرين : بتوهان..متسافرش..متبعدش يا آدم..
آدم : عمري..عمري ما ابعد عن ضي آدم أبدا..
آرين : بدقة قلب..وعد..!!
آدم مراد : برقبتي…!!!
عوض ماشي ف الجنينه..وشاف آدم و آرين.واقفين. وسرحانين. وكشر عينيه ورفع ايدو فوق عينيه.. وقال. اله..!!! هما مالهم مسهمين كدا ليه؟ اهااا..ايوه.اني فهمت..دول اكيد بيلعبو لعبت تنح.. وال يرمش يخسر. اممم..واله بارواه عليك ياواد ياعوض..طول عمرك زكي ولماح..وتفهمها وهي طايره.ههخخخخخ.
وكمل بتفكير.. امممم اني لازمن أخلى حد فيهم يرمش..دى اللعبه.وسعت منهم ع الآخر. دى بقت تنح بالتلاته..امم فكر ياعوض..!! اصل انت لو روحت عند آدم بيه الصغير..وخليته يرمش..!!! مش بعيد يقتلنى ويرمينى للكلب ماكس ده..اممم..ايوه اني لقيتها..
واتحرك عوض كام خطوه..وبص عليهم..شافهم باصين ف عيون بعض بتركيز كبير.. وقال بغباء.. لأ دول شاطرين اوى.محدش فيهم عايز يخسر ويرمش عينيه.. امم يلا ياعوض..اعملها..وبلع ريقه بخوف..وقال أشهد أن لا إله إلا الله وأن محمداً رسول الله..وخطى خطوتين كمان..ومثل انه وقع..وقال اااااه..رجلى..رجلى زحطت تحت مني..يادى الطين والليله المِهببه…اااه ياميلة بختك ياعوض..
آرين : سرحانه بعمق ف عينيه..وانتبهت ع صوت عوض..واتخضت وحطت أيدها ع بوقها..ورجعت خطوه وقالت ياخبر..!!! واتكسفت تبص ل آدم تانى ومشيت من قدامه بحرج كبير..لكن قلبها مبسوط جدا..
آدم مراد : انتبه..وبص ع عوض..وهز راسه بنفاذ صبر..ونده بحزم..هارووون..!!!
هارون : جه بسرعه..افندم معاليك..!!
آدم مراد : ف اشاره..شوف عوض وساعده..
هارون : انحنى بإحترام تحت امر معاليك ياباشا..واتحرك بسرعه..
آدم مراد : غمض عينيه واخد نفس عميق واتنهد..وظهرت ابتسامة حب جميله ع ملامحه..من برائة ضي ال آدم…!!!
ف جناح آدم..
آدم : صحي.. واتعدل..وبيتاوب..ايه يا روحي مالك..!!؟
مريم : قاعده جمبه وبصتله..وقالت هو انت لحقت عرفت إني فيا حاجه..!؟
آدم : ابتسم بكبرياء..طبعا.ده انتى الروح..
طيب تعرفي.؟ انا بعرف إن كان مزاجك مش حلو من طريقتك يامريم..يعنى وانتى بتصحينى دلوقتي..حسيت إن واحد صحبي هو ال بيصحينى..مش أميرتي أبدا..
مريم : غصب عنها ضحكت..وقالت.معلش ياحبيبى انا بس كنت شارده شويه..!!!
آدم : اتعدل اكتر..واخد راسها ع كتفه..ومسد ع شعرها وضهرها بحنان..وقال.. وياترى ايه ال يخلي حورية آدم.. شارده ومحتاره كدا..!!
مريم : بتنهيده..مش عارفه يا آدم..ف إحساس جوايا بيقولي إن ف حاجه هتحصل..مش مستريحه كدا..وقلبى مقبوض ومشغول..بس بحاول اشغل نفسي بالحوقله والاستغفار..لعلها المنجيه.. وكمان آدم حفيدك……!!!
آدم : كشر عينيه..ماله حفيدي..!!!
مريم : رفعت عينيها ليه وقالت..مسافر بكره..وقال رايح دهب يومين مصيف وراجع بعد بكره إن شاء الله..
آدم : مط شفايفه بتفكير..امم.مش عارف.. وبعدين حتى لو مسافر يومين مصيف.. فين المشكله..!!
مريم : خايفه لاتكون مأموريه..ومش حابب يضايقنا ولا يشغل قلبنا عليه..
آدم : ابتسم..ومسد ع خدها بحنان..وقال بزمتك ف مأمورية سفر بتقعد يومين؟ وبعدين آدم لو مسافر شغل اكيد هيقولك..انتى عارفه حفيدك.وطبعه..يعنى لو مأمورية كان قال أنا طالع مأمورية..وكمان هيقولك أنه مش عارف هيرجع امتى..؟انما ده قالك يومين وراجع إن شاء الله.. حبيبتى انا مش عايزك تفكري كتير..سيبى كل حاجه تمشي زى ما رب العالمين كاتب…
مريم : بتنهيدة راحه..ونعم بالله العظيم. قولي يا آدم..انت فعلا رايح الشركه بكره إن شاء الله. زي ما زين طلب منك؟
آدم : ايوه ياروحي..انتى عارفه إن العمال متعودين عليا وكنت بشرف ع كل حاجه بنفسي.وكنا كلنا ايد واحده..وعلشان كده هما طلبو من زين انهم عايزين يشوفوني..! هروح إن شاء الله واقضي معاهم وقت..!!!
مريم : بابتسامه.وماله ياحبيبى.ربنا يوفقك.ويجبر بخاطرك زي ما انت جابر بخاطرهم ويحبب فيك خلقه.
آدم : بابتسامه اللهم امين. المهم ياروحي انتي احسن دلوقتي.؟
مريم : بابتسامة رضا..طول ما انت جمبي انا ديما أحسن..!!
آدم : ربت ع خدها بحنان.. طول ما ربك معانا. ثم جوزك مش عايزك تشيلى هم اي حاجه. ولا تفكري كتير ماشي ياروحي..
مريم : بتنهيده..ونعمه بالله العظيم.. ربنا يديمك تاج فوق الراس ديما ياكيان مريم يارب..
آدم : ضحك بصمت..قمر يابنت الجزار..
مريم : مش اجمل منك يابن العدوي..
آدم : ههههه بقيتى شقيه اوي انتى..
مريم : ههههه انا؟ دا انا مسكينه.. وضحكو..
وسمعو أذان الضهر..ومريم قامت..انا هدخل اتوضى تكون انت فوقت كدا..
آدم : هز راسه تمام..بس لو سمحتي هاتي الموبيل بتاعي هعمل مكالمه مهمه…!!!
——————بقلمي مريم نصار.
بعد شويه.. فيلا السيوفي..
رنا : اله مالك ياطارق..!!
طارق : مسح وشه بايديه..وبص ل رنا..وساكت…….!!!
رنا : استغربت..اله لأ بجد مالك..انت مش ع طبيعتك ليه؟
طارق : اخد نفس عميق واتنهد.. وقال..مفيش يارنا..انا زعلان ع چود..
رنا : ابتسمت..وقعدت جنبه.. ايه بس ياطارق.چود زي الفل. دول شوية برد وهيروحو لحالهم.. ههههه والله قولت حصل مصيبه ع شكلك ده..!!
طارق : بغيظ..وهو رقدة حفيدتي دي ف السرير؟ساهله عليا يارنا.؟
رنا : ربتت ع ضهرو.. وحد الله ياحبيبى.. وبعدين چود دلوقتي احسن الحمد لله..انا لسه نازله من عندها.واخدت العلاج ونامت شويه..
طارق : مسح وشه بايديه ونفخ بخنقه..وقال أنا مخنوق.. بقولك ايه؟انا هتصل ع فريحه وتيجي تتغدى معايا بكره وتقضي اليوم معانا..
رنا : بضحكه..يسلام ودي احلا حاجه هتعملها.. كلمها وقولها تيجي من الصبح…!!
طارق : فتح فونه واتصل ع فريحه..
فريحه : ردت..بابتسامه..الوو..
طارق : حبيبت ابوكي.اذيك يافريحه؟
فريحه : بفرحه..انا كويسه جدا يابابي..اذي حضرتك..؟
طارق : انا كويس يابنتى..
فريحه : يارب ديما ياحبيبى..ومامي اخبارها ايه؟ماشيه ع العلاج؟
طارق : ايوه ياحبيبتي..وهي بخير..
فريحه : كشرت عينيها..مال صوتك يابابي؟
طارق : بتنهيده.ابدا..يابنتى..بس البت چود تعبانه بقالها يومين..انتى عارفه البرد بقى..
فريحه : ايوه يقلبى..انا اتصلت عليها.وكمان كلمت رودي..الف سلامه عليها يابابي. ومتقلقش حضرتك عليها..هو الجو اليومين دول مش لطيف. وناس كتير عندها برد..
طارق : هز راسه.. إن شاء الله خير..المهم ياقلب ابوكي..انا عايزك بكره تيجي تتغدي معايا وتقضي الوقت معانا. ايه رأيك؟
فريحه : بتفكير.. أمم.طيب اشوف مراد لما يرجع من الشغل..هقوله واتصل ابلغ حضرتك.
طارق : بغيظ..مراد مين يابت انتى..ما انتى عارفه انه مش هقول حاجه..ولا انتى بقى مش عايزه تيجي؟
فريحه : بدهشه.لا ابدا والله يابابي.حضرتك فهمتني غلط. اصل حضرتك متعرفش. إن آدم أبني قال إنه مسافر بكره إن شاء الله الصبح..رايح دهب. وكنت هسال مراد وانا عارفه انه هيوافق..وكمان هاجي لحضرتك ف اي وقت..لكن بعد ما آدم يسافر بالسلامه..
طارق : طيب اسمعي..آدم هيسافر أمتي؟
فريحه : امم قال إنه هيصلى الضهر إن شاء الله وهيتحرك من هنا.
طارق : هز راسه تمام.انا هتصل ع مراد بنفسي وبعد ما آدم يسافر انتى تجهزي نفسك وتجيبى تالين ومراد يوصلكو.. اتفقنا؟
فريحه : بابتسامه..حاضر ياحبيبي اتفقنا حضرتك تؤمر..بس انا مش واخده ع صوت حضرتك مضايق كدا..؟ معقول كل ده من خوفك ع چود؟وكملت بهزار.. امممم واضح كدا إن ست چود اخدت مكان فريحه.. ههههه.
طارق : بتنهيده..مهما يكون ليا من أحفاد..محدش هايجي شطر ف غلاوتك ولا خوفي عليكى يافريحه…!!!
بعد فتره كبيره.. فيلا العدوي..
عند مراد ف الجناح..
مراد : قاعد سرحان……..!!!
فريحه : قعدت جنبه..مالك ياحبيبى.؟
مراد : انتبه..واتنهد.وهز راسه. مفيش يافريحه.
فريحه : بإستغراب..مفيش يافريحه..؟ مراد انا بكلمك من بدرى.. وأنت سرحان.. وممكن تقولى ف ايه؟ واتأخرت كل ده ليه انت وفهد..!!؟
مراد : بخنقه وزهق..فريحه هو انا ليا مواعيد ثابته ف شغلى؟ ما انتى عارفه اني ماليش زفت مواعيد..!!
فريحه : حست بالإحراج..احم.. آسفه..انا بس كنت قلقانه عليك.احم..انا هنزل ابلغهم ف المطبخ يجهزولك العشا. وقامت.. خطوه..
مراد : مسك كف أيدها بسرعه..وقام وقف..ولفها ليه..
فريحه : واقفه ساكته.ومحرجه بزعل….
مراد : رفع ايدو ع خدها.. آسف..
فريحه : رفعت عينيها ل عينيه..وقالت…مالك يامراد..!!
مراد : بتنهيدة وجع..تعبان يافريحه..تعبان ومحتاجلك جمبي..!!
فريحه : قلبها دق بقلق..ومسكت ايديه..مراد ف ايه..ايه ال تاعبك..ايه ال حصل؟ تعالى اقعد هنا..استريح ياحبيبى..واتحركت خطوه..
مراد : شدها بسرعه لحضنه.وهاين عليه يدخلها بين ضلوعه..وغمض عينيه بتعب وساكت..من خوفه ع عيلته من المجهول..
فريحه : عينيها تايهه يمين وشمال بحيره واستغراب وقلق..ورفعت ايديها وضمت مراد..وعيونها لمعت بدموع.. لأنها أول مره تشوفه بالطريقه دي..وهمست مراد…!!!
مراد : اخد نفس عميق..بحبك اوى يافريحه.بحبك ومقدرش اعيش من غيرك..
فريحه : بتمسد ع ضهرو..وفريحه بتعشقك يامراد.وانا ماليش لازمه من غيرك..بس ريح قلبى وقولي مالك ياحبيبى..!؟
مراد : غمض عينيه واتنهد بتعب..انا مسافر بكره مأموريه..
فريحه : غمضت عينيها ودموعها نزلت..وساكته……!!!
مراد : بعد شويه خرج من حضنها..ومسح دموعها.وقال بزعل..انا عارف إنك بتزعلى كل مره..بس لازم تكوني اتعودتي ع كدا..؟
فريحه : بحزن..انا نفسي اعيش ال باقي من عمري معاك وجمبك وف حضنك يامراد..من غير خطر ولا سفر..
مراد : مسك وشها بإيديه..وابتسم بتمثيل..جرا ايه يابت يافريحه..هو انا عشان مضايق شويه..انتى هتعيطى بقى وهتقلبيها مناحه.؟
لأ انتي فريحه يعنى الفرحه والضحكه الحلوه..يابت جوزك مش اى حد..وبعون الله قدها واكتر.. وبعدين دى مأمورية سريعه كدا..
فريحه : بحزن..انت لوحدك؟
مراد : بضحكة وجع.. لأ ابن المستخبي اخوكي معايا مش عارف انا لازق لحياتي زي الغرا..
فريحه : طيب انت زعلان ليه..؟
مراد : مسح وشه بايديه ونفخ بخنقه كبيره..وقال.. اسمعي يافريحه..ف حاجه حصلت.ومكنتش عايزك تعرفيها..لكن انا عارف انك عاقله..
فريحه : بقلق..خير يامراد؟
مراد : رفع عينيه ليها وقال بوجع..الشقه بتاعتنا
حصل فيها ماس كهربائي..واتحرقت..!!
فريحه : شهقت بصوت عالى..وحطت أيدها ع بوقها..وقالت بصدمه كبيره..اتحرقت..!!؟
مراد : بلع ريقه بغصه..وقال.فريحه انا عارف إن الشق…….ومكملش..!!!
فريحه : اتشعلقت ف رقبته..وبتعيط بشهقات وقالت.. الحمدلله..الف حمد وشكر ليك يارب.. الحمدلله..
مراد : أستغرب..لكن ربت ع ضهرها..اهدى يا فريحه..
فريحه : خرجت من حضنه..ومسكت دراعاته..وصدرو وايديه..ومسكت وشه بإيديها..وضحكت بدموع وقالت.. الحمدلله.انها اتحرقت وانت بعيد عنها.. الحمدلله إنك بخير ياحبيب عمري..!!
مراد : استغرب ضحكتها..وحط ايديه ع ايديها ال ع خدو..وقال انتى مش زعلانه؟
فريحه : هزت راسها لأ.لأ تغور الشقه..تغور الدنيا كلها إلا أنت وعيلتي.. أنت صوتك ونفسك وكيانك كله عندى بكل حاجه ف الدنيا دي.. الحمدلله انك بخير..بيوت العالم كلها تتعوض..بس انت مفيش حاجه فيك تتعوض.. الحمد لله إنك ف حضنى وبخير..واترمت ف حضنه وضمته بحب كبير..
مراد : ضمها لقلبه بحنان كبير..وابتسم بعشق كبير..وهمس بحبك اوى يافريحتي.. وقرب منها بعشق كبير..وعاشو ف عالمهم الخاص.
——————بقلمي مريم نصار.
فيلا رؤوف الجبالى ١١ مساءاً..Автор: Меріам Насар
رؤوف : قاعد ف اوضتة وخايف لأن مفيش طريقه لخطف فريحه..واخر فرصه انهردا وبكره.. وانهردا خلص..!! ومرعوب جداً..من تهديد رشوان.. ونفخ بخنقه وتوتر كبير..وقال وبعدين..فريحه لو متخطفتش بكره..انا هروح ف داهيه..الله يخربيتك يا شاهين الكلب..اقسم بالله لو طلع مجيتك ليا ع فاشوش لاقتلك واخلص منك..!!
عاشور : خبط ودخل..رؤوف باشا.. شاهين وصل تحت..!!
رؤوف : قام وقف بسرعه..وقال تعالى ننزل نشوف كان مستعجل ليه..وايه المعلومات المهمة ال عندو ؟
عاشور : اتفضل يا باشا..
شاهين : واقف ف الصاله الكبيره..وبص ف الساعه..
رؤوف : نزل..وقال خير يا شاهين..اخبار ايه ال عندك علشان تجيلى ف وقت ذي ده تقولهالى؟
شاهين : بخبث.. خلاص ياكبير..كل حاجه هتم زي ما سعادتك أمرت..!!
رؤوف : كشر عينيه بعدم فهم.. إزاي؟ اتكلم ع طول يابني ادم انت..!!
شاهين : هرش ف خدو..احم لامؤخذا ياكبير..قبل ما اتكلم..انا عايز حقي..!!
رؤوف : بغيظ..ربنا يجيبك ياطولة البال..!! حق ايه يازفت أنت؟ انت هتتكلم ولا تغور من وشي..!!
شاهين : بمكر..والله تمام زي ما تحب ياباشا..انا عارف إن سيادتك عقلك مشغول.واكيد بتفكر في تنفيذ المهمه..عشان آخر فرصه ليك بكره زي ما سيادتك قولت..وانا اول ما عرفت بالأخبار الحلوه دي. ماستنتش النهار يطلع..قولت لأ.. أجري ياشاهين ع رؤوف باشا وطمنه إن ممكن خطف الدكتوره فريحه يتم بكره وبكل سهوله.. لأ ده اسهل من السهل كمان..بس خلاص زى ما تحب ياباشا..
رؤوف : تنح بدهشه..ايييه؟ انت بتقول ايه؟
شاهين : شيك ب ٢ مليون والدكتوره فريحه وبنتها.هتكون قدام سيادتك بكره الساعه ٣ ونص بالدقيقه..!!!
رؤوف : بحماس..انت بتتكلم جد ياشاهين؟ طيب ازاى وانت بنقول صعب خطفها الفتره دي.؟
شاهين : اضمن حقي..واقول لسيادتك كل حاجه..
رؤوف : نفخ بغيظ..وانا ايه ال يضمنلي صحة كلامك؟ ولا هو اي حد يقولى كلمتين ادفع..؟ اسمع..!! اشوف فريحه بيعنيا هتاخد الشيك ف وقتها..!! غير كدا مفيش عندي اى ضمانات..ها؟ هتتكلم وتقول حصل ايه ؟ ولا تخرج وتوريني عرض كتافك؟
شاهين : انحنى بإحترام..تمام ياكبير..انا هقولك كل حاجه..عشان أثبت ولائي ليك..وانا واثق إن ده مش هيبقى اخر تعامل مابينا..بس لو حصل خلل من ناحية سيادتك..انا مأمن نفسي وحياتي كويس..وساعتها هيكون انقلب السحر ع الساحر..!!!
رؤوف : بصدمه..انت بتتهددني ياحيوااان..!؟
شاهين : العفو يا باشا..انت عارف ال زينا بيتباع ف لحظه..وانا بصراحه مش عايز اتباع.. لأ.انا عايز اوصل..اوصل لفووق أوي.وانا كدا بأمن نفسي..وبعدين سيادتك مش ناوي تغدر بيا.يبقى فين المشكله..ها قولت ايه يا باشا.. اكمل كلامي..ولا اوريك عرض كتافي؟
رؤوف : صك ع أسنانه بغيظ مكبت..وقال ماااشي ياشاهين..خلينا ورا الكداب لحد باب الدار..كمل كلامك…!!
شاهين : تحت امرك يا كبير.. انا انهردا الساعه ٩ روحت اسلم الورديه بتاعتي..وأبلغ آدم العدوي…….!!!!!
..فلاش باك..
ف مكتب آدم..
شاهين : دخل جوه الفيلا ف وجود عوض..وخبط ع باب المكتب ودخل..وكان مراد وفهد موجودين مع آدم..
شاهين : مساء الخير…
كلهم : مساء الخير..
شاهين : وقف قدام المكتب.. بإحترام.. آدم باشا..انا خلصت شغلى وهروح.وبكره عندي ورديه مسائيه.من ٨ مساءا ل ٨ الصبح.
آدم : تمام اتفضل انت روح ياشاهين..
شاهين : تحت امرك ياباشا..ولسه هيخرج..
مراد : قال..لحظه واحده ياشاهين..
شاهين : وقف ولف ليه..اؤمرني ياباشا..
مراد : انا مسافر انا وفهد..وانت بكره هتيجى فتره صباحيه . عشان توصلنا للمطار..
شاهين : تحت امرك ياباشا..
فهد : ل مراد..طيب ماتخلي شاهين يجي ف معاده عادي..وهارون بكره يوصل آدم ابنك وبعدين يوصلنا..
آدم : لأ مش هينفع.. لأن هارون هيكون موجود معايا بكره إن شاء الله وانا رايح الشركه..
مراد : بتفكير.عشان كدا قولت ل شاهين يجي بكره..وكمان بعد ما يوصلني انا وفهد المطار..يوصل الدكتوره فريحه وتالين عند طارق. وهكون مطمن لو حد من رجالتنا معاهم..وشاهين مش اى حد..
آدم : هز راسه تمام كدا..ماشي ياشاهين..بكره إن شاء الله..تكون موجود ع الساعه ١١ قبل الضهر..
شاهين : أمرك يا باشا..!!! ترحو وترجعو بالسلامه إن شاء..
عوده للوقت الحالي..
شاهين : أنا بقى اول ما خرجت..قولت ايه ده؟ ده كأنها مترتبه لصالح رؤوف باشا. ووقتها قولت إن ربنا بيحبك..كل حاجه ماشيه كدا تمام اوي..يعنى انا بكره بعد الضهر هوصل آدم مراد المطار..وبعد ها مراد وفهد..وارجع بقى للغنيمه..اوصل الدكتوره وبنتها..وانا ال هكون سايق..يعنى ٣ ونص بالدقيقه هتكون كل حاجه تمت زي ما سيادتك عايز..وانا بقى اخد الشيك بتاعي..واخلع..هااا ياكبير ايه رايك.؟
رؤوف : بيسمع شاهين..وعينيه مفتوحه بانبهار كبير..وفرحه اكبر..وقال بسعاده ممزوجه بشماته..يااااه.. أخيراً..!! أخيراً هننتقم منك يا آدم ياعدوي….وبص ل شاهين..انت لو كلامك صح..انت من بكره هتكون دراعي اليمين..وبص ل عاشور..وقال عاشور..!!!
عاشور : بزعل..تحت امرك ياباشا…
رؤوف : تروح مخزن الفيلا..وتجيب كيسين قماش كبار ل شاهين..وتجيب ازازة مخدر..اتحرك بسرعه ياحيوان انت..!!
عاشور : هز راسه تحت امرك..وخرج..
شاهين : واضح إن سيادتك مبسوط..!!!
رؤوف : بنصر… إلا مبسوط..!!! دا انت متعرفش انا قلبى فرحان قد ايه؟
شاهين : اتمنى إن سعادتك تفضل مبسوط ع طول..
رؤوف : هز راسه بابتسامه..المهم سيبك من كل ده..انت هتاخد المخدر وأكياس القماش. اول ماتكون ف مكان بعيد عن عيون الناس..تخدرهم .وبعد ما ينامو..هتطلع ع العنوان (…..) هناك مفيش اى حد هيشوفك وانت بتحطهم ف الكيس..بس أتأكد أنهم يقدرو يتنفسو..عشان يوصلو للزعيم بسلامه..
شاهين : تحت امرك ياكبير اعتبره حصل..بس انا هجيبهم هنا ولا فين؟
رؤوف : ولع سِجار..ونفخ الدخان بسعاده..وقال بتوعد.. لأ..فريحه وتالين..هيكونو ف وكر الزعيم…!!!!
——————بقلمي مريم نصار.
تاني يوم .. فيلا العدوي.
آدم : قاعد ف المكتب.. بيتكلم ف الفون..
عوض : خبط ع باب المكتب..
آدم : ادخل..
عوض : دخل بإحترام.. سيدي آدم بيه.. العربيه جاهزه ل سيادتك..وهارون والسواق ف انتظار حضرتك..
آدم : بهدوء. تمام ياعوض..روح انت..
عوض : تحت امرك يابيه..وخرج..
آدم : قفل المكالمه..وقام فتح الخزنه..وواقف قدامها..
تالين : خبطت..جدو ممكن ادخل؟
آدم : بابتسامه..تعالى ياحبيبتى..
تالين : دخلت..وابتسمت.. وقالت…جدو ها ايه رايك ف فستاني الجديد ال عمتو لارين جابتهولي.. ولفت ببراءه..
آدم : قفل الخزنه.. واتحرك خطوتين ووقف قدامها..وضحك وقال. ماشاء الله..تالين حفيدتي عملت للفستان قيمه كبيره جدا بعد ما لبسته..انتى جميله جدا ياروحي..
تالين : فرحت جدا..وقالت. ميرسي جدا ياجدو..حضرتك كلامك ليا حلو اوى..وبحس انى كبيره..
آدم : مسد ع حجابها بابتسامه..تالين العدوي. أعقل بنت ف العيله.. واجمل بنوته لقلب جدها..تعالى بقى هاتى حضن لجدك..قبل ما أخرج..وفتح ايديه…
تالين : اترمت ف حضن جدها..وضحكتها منوره وشها..وقالت..بالله بحبك اوى ياجدو..
آدم : ضحك بصمت .وضمها لقلبه..وقال.بالله انا ال بحبك اوى ياروح جدك..
تالين : خرجت من حضنه..وباست ع ايدو..وقالت تروح وترجع لينا بالسلامه..
آدم : آمين..قوليلى بقى..ماما خلصت ولا لسه؟
تالين : ماما بتلبس الحجاب..وقالت انزلى سلمي ع العيله اكون انا خلصت..عشان السواق هيوصلنا..لجدو طارق..
آدم : ابتسم وهز راسه..تمام ياحبيبتي. تعالى نشوف أميرتي قبل ما أخرج..
تالين : ابتسمت.. أميرت جدو ف الجنينه من وقت ما بابا وخالو فهد خرجو..
آدم : طيب تعالى معايا..ومسك أيدها.. وخارجين من باب المكتب..بيتكلمو ويضحكو..
مريم ف الجنينه.. قاعده بتدعي ل آدم حفيدها..واولادها..وماسكه السبحه بتسبح..
آدم : من وراها.. أميرتي. عامله ايه دلوقتى ياروحي؟
مريم : ابتسمت بتنهيده.. الحمدلله يا آدم..ربنا يطمن قلبي ع ولادي واحفادي يارب..
آدم : بمكر.. أولادك واحفادك بس؟
مريم : رفعت عينيها ليه وقالت..ما انت عارف يا آدم وع يقين اني بستودعك عند الله كل وقت..ربنا مايحرمني منك..ويطمن قلبى عليك ديما ياحبيبى..
آدم : ابتسم وباس ع أيدها..ولا يحرمني منك ابدا ياروحي..
تالين : بابتسامه..طيب وانا ياتيته.؟
مريم : ضحكت بسعاده..انتي؟ دا انتى حب العيله والدفا والحنان..تعالى ف حضنى. وايه القمر ده ماشاءالله تبارك الرحمن عليكى يانور عيني..
تالين : ضحكت بسعاده..وحضنت جدتها.. ميرسي جدا ياتيتة ياقمر..
آدم : طيب ياحبيبتي..انا يدوبك اروح الشركه..
مريم : بابتسامه..ماشي ياحبيبي ربنا يحفظك ف كل خطوه ويكفيك شر الطريق..
آدم : هز راسه بابتسامه..ربنا هو الحافظ إن شاء الله..
مريم : ونعم بالله.. آدم متنساش الصدقه..!
آدم : مسد ع نقابها..مش ناسي ياروحي.. خلي بالك من نفسك.وانتى كمان ياتوتا..!!
تالين : ربنا هو الحافظ ياجدو..
آدم ومريم..ونعم بالله..
آدم : اتحرك..وراح عند العربيه..
هارون فتح باب العربيه..اتفضل معاليك..
آدم : ركب وجمبه اللاب توب..
هارون ركب . والسواق اتحرك وخرجوا من الفيلا…
بعد شويه.. فريحه نزلت..وخرجت الجنينه
وشافت تالين مع مريم.وراحت عندهم.. السلام عليكم..
مريم وتالين..وعليكي السلام ورحمة الله..
تالين : ابتسمت..اخيرا يا ماما.يلا بقى عايزه اطمن ع چود..
فريحه : ضحكت..وانتي مستعجله ع ايه ياتوتا..دي حتى چود تعبانه..
تالين : ايوه يا ماما..وزيارة المريض صدقه.. وسيدنا محمد قال..
عَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّ اللَّهُ عَلَيْهِ وَسَلَّمَ: «مَنْ عَادَ مَرِيضًا أَوْ زَارَ أَخًا لَهُ فِي اللَّهِ نَادَاهُ مُنَادٍ أَنْ طِبْتَ وَطَابَ مَمْشَاكَ وَتَبَوَّأْتَ مِنَ الجَنَّةِ مَنْزِلًا» . سنن الترمذي (4/ 365) .
فريحه : ضحكت بسعاده..صدق رسول الله..ربنا يبارك فيكي ياجمل تالين.ويجعلك ويجعلنا والمسلمين من أهل الجنه..
تالين : اللهم امين..وربنا يبارك ف تيتة مريم..وبصت ليها..انا حفظت الحديث بسرعه صح ياتيته.؟
مريم : بفخر كبير وفرحه..طبعا يقلب تيتة.. وزيارة المريض واجب ع كل مسلم. ودعائه عند المريض مستجاب بإذن الله..
فعَنْ عَلِيٍّ، قَالَ: «مَا مِنْ رَجُلٍ يَعُودُ مَرِيضًا مُمْسِيًا، إِلَّا خَرَجَ مَعَهُ سَبْعُونَ أَلْفَ مَلَكٍ يَسْتَغْفِرُونَ لَهُ حَتَّى يُصْبِحَ، وَكَانَ لَهُ خَرِيفٌ فِي الْجَنَّةِ، وَمَنْ أَتَاهُ مُصْبِحًا، خَرَجَ مَعَهُ سَبْعُونَ أَلْفَ مَلَكٍ يَسْتَغْفِرُونَ لَهُ حَتَّى يُمْسِيَ، وَكَانَ لَهُ خَرِيفٌ فِي الْجَنَّةِ». سنن أبي داود (3/ 185) .
وكملت مريم وقالت.. انا عايزاكي تدعي بتضرع وخشوع كدا..لاخواتك حبايبك.. تدعي ل ميرو وتيم..وكريم ولليليان..واريان وتمارا.. وآدم..وا….احم وكل اخواتك من العيله ماشي ياحبيبتى.؟
تالين : حاضر ياتيتة. وهدعي لحضرتك.وجدو..
مريم : حبيبتي وإن شاء الله هيستحيب.. تروحو وترجعو بخير وسلامه..
فريحه : تؤمريني.بحاجه ياماما؟
مريم : تسلمي . وسلامي ل رنا وأبو فهد ورودي.وسلميلي ع البت چود.. وإن شاء الله. بكره نروح نطمن عليها انا وآدم..
فريحه : ابتسمت..طول عمرك بتفكري وبتحملي هم الكل..ربنا يباركلنا فيكي يارب..
مريم : ويبارك فيكي يافريحه ويحفظك من كل سوء وشر..ويعمي عنك كل أذى يابنت حوا وآدم..
فريحه : باست ع ايدها..الله.. والله بموت فيكي يامريومه ع رأي مراد..واياكي يارب العالمين..
مريم : يلا ياحبيبتي..عشان متتاخروش..ربنا معاكم..
فريحه : إن شاء الله..سلام عليكم..
مريم : بقبضه ف قلبها.. وعليكم السلام.
فريحه وتالين مشيو..
شاهين : شافهم..وفتح بسرعه باب العربيه وفريحه وتالين ركبو..
شاهين :حط سماعه بلوتوث ف ودنه.. وركب بسرعه..واتحرك بالعربيه وخرج بره حدود مملكة العدوي….
مريم : حطت أيدها ع قلبها. بقلق مبهم.وقالت.
اللهم إني عبدك ابن عبدك ابن أمتك ناصيتي بيدك.. ماض فيَ حكمك ، عدل فيَ قضاؤك أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن العظيم ربيع قلبي ، ونور صدري وجلاء حزني وذهاب همي.
اللهم إني أعوذ بك من الهم والحزن والعجز والكسل والجبن والبخل ، غلبة الدين وقهرالرجال.
——————بقلمي مريم نصار.
ف شقة فهد..
رينو : قاعده زعلانه. بعد ما فهد خرج وسافر..وبتدعي انه مايطولش عليه الغيبه..ويرجعلها بسرعه..
ف اوضة آرين..
آرين : قاعده ع السرير.. وماسكه صورة فهد..وسلسلة آدم..وبتعيط.. وبتقول.
بابي حبيبى سافر.. عااااااا. وكمان المرعب.. وكملت بغيظ مكبت.. لأ وسافر من غير ما اشوفه.. عااااااا. آدم البارد. ازاي يمشي من غير ما اشوفه واتكلم معاه.. عااااااا. انا زعلانه اوي يا آدم..مش هتكلم معاك تاني.. عااااااااااا.. ومسحت دموعها..واخدت نفس عميق واتنهدت..يارب احفظ بابي وآدم وخالو مراد.. ورجعهم لينا وليا انا بخير وسلامه. ورفعت السلسله وابتسمت لا ارديا..خلي بالك من نفسك يا آدم…
ف الطريق..
فريحه : بتتكلم مع تالين..ولكن لفت انتباها.. إن ده مش الطريق لبيت باباها.. وقالت..لو سمحت. انت رايح فين؟ ده طريق غير طريق بيت فيلا السيوفي..!!!
شاهين : لف ليها.وابتسم..آسف يادكتوره…!!!
ف الطريق..
فريحه : بتتكلم مع تالين..ولكن لفت انتباها.. إن ده مش الطريق لبيت باباها.. وقالت..لو سمحت. انت رايح فين؟ ده طريق غير طريق بيت فيلا السيوفي..!!!
شاهين : لف ليها.وابتسم..آسف يادكتوره…!!!
الساعه ٣ ونص بالدقيقه.. ف وكر رشوان..
شاهين : وعاشور راكب جمبه ف العربيه..
بوابة الفيلا اتفتحت اتوماتيك..
شاهين : دخل الفيلا..وبص حواليه..وقال كل ده حرس..!؟
عاشور : بسخريه..ايه خايف ياشاهين؟ اومال بقى لما تبص فوق ع سطح الفيلا..
شاهين : رفع عينيه لفوق..وشاف اكتر من ٦ حرس خاص واقفين بسلاح..وقال…
مش حكاية خوف ياعاشور..بس انت مش ملاحظ إن كمية الحراسه دى اوڤر شويه؟
عاشور : بتريقه. والله لو حتى اوڤر.. المهم اني ابقى ف السليم..والفلوس تعمل اكتر من كده..
شاهين : هز راسه تمام…
عاشور : بس آركن ع جمب هنا..
شاهين : وقف..ونزلو..وكل واحد شال كيس قماش ال فيه فريحه وتالين وداخلين الفيلا…!!
مجموعة الامبراطور..
آدم : بعد ما حضر الاحتفال..خارج من الشركه والسواق فتحله باب العربيه. وركب. والسواق اتحرك.. وراجع ع مملكة العدوي..
وكر رشوان..
رشوان : قاعد ف الدور التاني..ف غرفه كبيره جدا وفاضيه. فيها عباره عن أربع كراسي.. ومكتب كبير..وكرسي فخم خاص ب رشوان..
رؤوف : كان قاعد متوتر ومرعوب.. إن الخطه تبوظ..لكن استريح جدآ لما عاشور اتصل عليه وقاله.. أنه جاي مع شاهين وكل حاجه تمت بالظبط..!!
رشوان : قاعد.. وبيخبط بالعكاز ف الأرض بحركه بسيطه وثبات عكس الإعصار ال جواه..ونفسه ينتقم من آدم وابنه مراد..
الجارد خبط… وانحنى ل رشوان..وقال..عاشور بيستاذن..يدخل ياباشا ومعاه واحد اسمه شاهي……..
رشوان : قاطعه..خليهم يدخلو بسرعه..
الجارد : انحنى..تحت امرك ياباشا..وشاور ل شاهين وعاشور..ودخلو..
عاشور : دخل..ونزل الكيس بحظر ع الأرض.
شاهين : دخل..وبرضه نزل الكيس..جمب التاني..قدام رشوان ورؤوف..وبص ع الزعيم.وانحنى بإحترام..
رشوان : عينيه ع فريحه وتالين..ومش مصدق.. أنه بعد كل السنين دي..هيوصل لهدفه أخيراً..
رؤوف : قام وقف بفرحه..وقال. واله وأخيرا يا آدم ياعدوي…!!! ايه رأيك يازعيم..؟
رشوان : …………….ساكت تماما.وعينيه ع فريحه وتالين وسرحان ف اكتر من ٢١ سنه..
رؤوف : بص ع رشوان..وشافه سرحان.وخاف يتكلم..
رشوان : أخيراً كسر الصمت..وقال بشر كبير
.ياااااه..معقول.؟
.انا لو ف حلم مش عايز افوق منه غير بعد ماشوفك مكسور ومذلول يابن العدوي..
٢١ سنه…عشت اسود ٢١ سنه ف عمري كله..
وقام وقف..وبيمشي حوالين الاكياس بحركه بسيطه..وبدء يتكلم بكُره كبير.ونسي وجود رؤوف وشاهين وعاشور.وقال..
اتسجنت ١٦ سنه بسببك يا آدم..وشوفت فيهم الذل والتعب اتهانت واتبهدلت..خدمت وكنت ببوس ع رجليهم يرحموني..كرامتي بقت ف الأرض بسببك يا آدم انت وابنك مراد..بس انا ميأستش..وشغلت دماغي إل غفلتك قبل كده..وكنت باخد منك الاجهزه السليمه ع انها تالفه..شغلت دماغي وكونت صداقات ف السجن. عرفت ناس تقيله ف البلد..وجبتلهم افكار تخرجهم من السجن بحكم مهنتي ال اتسحبت مني بسببك. وقصاد خروجهم من السجن كنت بقبض..وكمان خرجوني بطريقتهم.ههههههه عايز تعرف خرجت إزاي؟ خرجت ميت..!!!! ميييت يا آدم ياعدوي..يعنى انا قدام القانون ميت..ورجعت انتقم منك.بس بإسم تاني واستحالة تعرفه… انا اشتغلت مع الناس دي ف كل حاجه..
.فاكر يا آدم الاقرار ال انتى مضتني عليه.!؟ اهو انا بقى اشتغلت كل حاجه مكتوبه ف الإقرار ده.اشتغلت ف تجارة المخدرات والسلاح ووصلت لتجارة الأعضاء.عشان أوصل للمستوى ده.اشتغلت ف كل حاجه ممكن تتخيلها..وبقى عندي سلطه ونفوذ ورجعت اقوى من الاول..!!!
.وزعق بصوت عالى جدا..رجعت الزعييييييم يا آادااام…!!!
.ودلوقتي..!؟ انت غصب عنك ومش بإرادتك هتنفذ كل اوامري..هتمشي ع اوتاري انا يا آدم..!! هخليك خدام للزعيييييم..!!
رؤوف : بلع ريقه بتوتر..ومن جواه مرعوب..لكن لازم يظهر العكس..علشان هيبته قدام عاشور وشاهين..!! وعشان يثبت قوته..قال بثقه ممزوجه بشماته..هه. طبعا يازعيم.. آدم العدوي من دلوقتي اعتبره خدامك..وقرب من الأكياس..وقال فريحه ف اي كيس ياشاهين؟
شاهين : الاسود ياباشا..!!!
رشوان : بيتابع احلام اليقظه ف الانتقام وبيتخيل نفسه ملياردير بعد ما ياخد كل ثروة آدم..وضحك بخبث…!!.
رؤوف : نزل قدام الكيس ال فيه فريحه وقال.
اهلا اهلا بالدكتورة فريحه..ملكة جمال عيلة العدوى..فخرهم وشرفهم وعزهم وكرامتهم.. ههههه عارفه.؟ من يوم ما شوفت جمالك..وقولت لنفسي مفيهاش حاجه لما امتع عيني بجمالك..بس خلينا دلوقتي ف الأهم..نذل حماكي ال عاملي فيها امبراطور ومحترم..؟ وبعد كده اشوفك ياقمر..
وقام وقف..وبص ل رشوان. وقال..يازعيم احنا لازم نتصرف بسرعه.. لأن لو لاحظو غيابها هي وبنتها ممكن يحصل قلق..!؟
رشوان : زعق بغضب.. لااااااء انا مش خايف من آدم..ولا هيقدر يعمل حاجه.. المرادي آدم روحه ف ايديا انا…انا وبس.. ودلوقتي..هنبتدي اللعب الصح..وطلع الفون ورن ع آدم ال اخد رقمه من شاهين…!!!
——————بقلمي مريم نصار.
الساعه ٤ ف الطريق..!!!Автор: Меріам Насар
آدم :فاتح اللاب توب.وشغال عليه بتركيز.وقال
هارون..!!
هارون : افندم معاليك..!!
آدم : …….لسه هيتكلم..
.فون آدم العدوي رن. وكان رقم برايڤت..
آدم : رد بهدوء. ايوه…!!!
رشوان : بشماته وفرحه كبيره..اهلا اهلا..بالامبراطور..!!!
آدم : كشر عينيه بتركيز كبير..وقال مين..!؟
رشوان : بص لفريحه وتالين ال مربوطين قدامه وف قلب كيس قماش كبير.وفاقدين الوعي.. وقال بنصر..انا حبل فقرك يا آدم ياعدوي..انا ال هرجعك تاني حتة مقدم ع المعاش محلتوش إلا شقته…
آدم : ………..!!!!
رشوان : خبط العكاز ف الأرض بغضب..وقال بأمر..!!! ثروتك كلها..قصاد سلامة مرات ابنك وحفيدتك يا آدم باشا…!!!!
آدم : ابتسم بهدوء..وبص ع شماله.وكان راكب جمبه طارق..وقال بثقه.. اهلا رشوان سابقا..!!!وسالم الاسيوطي حالياً….!!! وقفل.
رشوان : فتح عينيه بصدمه كبيره..وبينهج..وقال بصوت عالى جدا..افتحو الاكياااااس دي بسرررررعه.
رؤوف : قلبه بيدق بقلق من شكل رشوان وغضبه الغير مبرر..وبص ع الأكياس…!!!
شاهين : تحت أمرك يا…!!! زعيم.
رؤوف : بلع ريقه بصعوبه وقال بتلعثم..ع..عاشور.. افتح الكيس ده بسرعه…
عاشور : تحت امرك يا…!!! كبير ..
شاهين وعاشور..بصو لبعض وابتسمو بخبث..وكل واحد بيفتح كيس..
عاشور : فتح كيس تالين….!!!
رؤوف : فتح عينيه بصدمه.ورجع خطوه لورا وقال بزهول..مش معقوووول…س.. سا..سامر إبني..!!
سامر : راسه نزلت من الكيس..وفاقد الوعي..
رشوان : فتح عينيه بصدمه أكبر..وقبض ع ايديه بغضب شديد..وبيحاول يستوعب..
شاهين : ابتسم بمكر..وفتح الكيس التاني…!!!
رشوان : شهق بصدمه..ورجع خطوه لورا بسرعه..وكان هيقع من الصدمه ال لجمته.ولسانه اتلجم تماماً…
مراد : خرج من الكيس بغضب ظاهر…وقال بتوعد ممزوج بصوت يرعب..عاشووووررررر….!!!
عاشور : اؤمرني معاليك يامراد باشا…!!
رؤوف : رفع عينيه ل عاشور وشاهين بصدمه اكبر من اي وقت..وعرف إنه كان طُعم لل الليله دى كلها..
مراد : عينيه ع رؤوف..وقال من بين أسنانه..خلص ع الحرس ال بره ومش عايز حد يزعجني..
عاشور : اعتبرو حصل ياكبير..وطلع سلاحه واتحرك..!!
رشوان : شاف مراد..مركز عينيه ع رؤوف..ومن ملامح غضب مراد كأنه أصدر الحرب ع رؤوف..
ورشوان..اتغاظ وأقسم أنه المرادي مش لازم يخسر ويقرر غلطة زمان..وطلع من جيب الجاكيت مسدس..ولسه هيضرب ع مراد..
شاهين : حط المسدس ع جبين رشوان..وهز راسه..تؤتؤ.خلاص..خلصت كدا ياااا..زعيم…
وف لحظه الكل سمع بره صوت ضرب نار وحصل هرج ف وكر رشوان…
مراد : اتحرك بغضب.. ومسك رؤوف من ياقة قميصه. بغضب شديد جدا..
لأنه اتكلم عن فريحته..عزهُ وكرامته وشرفه وحب عمره وبنته ومعشوقته وفوق كل ده..اتكلم عن ضحكته ف الحياه.
وان رؤوف الكلب عقله وقلبه اشتهاها ليه..ودي اكبر غلطه هتكلفك اهم حاجه ف حياتك يارؤوف ياجبالى.. وياويلك من الصقر.. ده غير الحوت والاسد..والاهم الامبراطور…!! ويااااويلك من الديزل.
رؤوف : بص ع ابنه ساهر ال فاقد الوعي..ومش عارف إذا كان مات أو متخدر..وقلبه بيدق بقوه.وبلع ريقه بصعوبه..من هجوم الصقر..
مراد : بص ف عينيه بقوه غير عاديه..وقال بتوعد وتحذير شديد اللهجه.. تجارتك ف السلاح والاعضاء اهون عندي مليون مره..من إنك تتكلم نص كلمة ف حق اي بنت من بنات العدوي.. وخصوصاً مراتي.. مرات مراد آدم العدوي..وال هيكلفك حياتك..!!!
رشوان : بغضب..انت مش هقدر تعمل اى حاجه..انت انتهيت انت وابوك..وكويس انك جيت ف وكري ومكاني انت هنا تحت رحمتي.. الحرس عندي هيقرقش عضمك.هرجعك ع بيتك مش باين من ملامحك معالم..انت زي ابوك اخرك تهدد بكلمتين. وتعملي فيها واعظ.. ودلوقتي..انت لازم تتقتل يامراد ياعدوي..
رؤوف : رغم الرعب ال جواه من هجوم مراد..لكن اطمن من كلام رشوان. وقال بتريقه…
صدق خوفتنى.. إن كان عاشور خاين هو والكلب شاهين ده. بس المكان مليان حرس تحت أيدينا.. واكيد هتتفرمو انتو التلاته.
وكمل بتوعد…وابني لو جراله اي حاجه.؟ ورفع حاجبه بمكر…انا وقتها هنفذ الوعد ال وعدته ل حرمك المصون..!!!
وبكدا يبقى رؤوف جنى ع نفسه..
مراد : عينيه ف عيون رؤوف بحدة الصقر..وبثبات غير عادي..طلع سلاح صغير من جيبه..وبوكس مفاجئ بقوته ف أنف رؤوف..
رؤوف : أتألم وصرخ..وفتح بوقه..
ف اللحظه ال رؤوف فتح فيها بوقه. كان مراد مسك لسان رؤوف..وقال بفحيح افعى.. ال يجيب اسم فريحه العدوي من غير اى وجه حق..ف قانون مراد العدوي..إنه لازم ميتكلمش تاني بعدها.. وف لحظه..قطع لسان رؤوف…!!!
ف نفس الوقت..خارج الفيلا..!!
فهد : لابس بنطلون اسود وتيشرت أسود. ومعاه رعد ف العربيه. ولأبس زي فهد..ومسلحين..
رعد : هنعمل ايه يافهد بااشا دلوقتي..معلش قصدي يا..فهد؟
فهد : بغضب..هنهجم يصحبي….!! اسمع. انا هنزل واق ف ورا العربيه ال جمب البوابه دي…وانت انزل. واعمل نفسك غريب عن المنطقه. وبتسال الحرس عن اى حاجه..وانا هتصرف بالباقي..
رعد : تمام اوي..استعنا بالله..
فهد : ونعم بالله.. ونزل بسرعه..ومشي بخفة رجل.ووقف ورا العربيه..وشاور ل رعد..
رعد : نزل. وراح عند البوابه..والحرس اتلمو حواليه..ورعد بيتكلم معاهم. وبيسال يخرج من المنطقه دي ازاي..؟ وحاول يشغلهم..
فهد : ماشي بسرعه وموطي ضهره..وجه من خلف الحرس..وضربه معينه ف الراس من الخلف..وبيفقدو الوعي.
رعد : ع كفاءه عاليه..وضرب مع فهد. وقال. ايه ياحوت.. ال يضرب علينا نار نقتله؟
فهد : حاول ع قد ما تقدر متقتلش حد.. انا رايح اشوش ع الكاميرات.. وأنت هاتلى ال ورا الفيلا. وانا هجيب ال ع السطح..
رعد : تمام..ربنا معاك.. والامبراطور ١٠ دقايق ويكون وصل هو واخواته…
فهد : اتحرك بسرعه..وجواه نار..عشان ال عايزين يخطفو أخته توأمه..وبنتها ال بيعتبرها بنته..ودخل غرفة المراقبة.. وشوش ع الكاميرات..
رعد : اتسحب بخفه..ويقرب من الحرس..ويضرب بخفة يد..
فهد : خارج من الاوضه.. لكن وقف مكانه..
اتنين حرس واقفين بسلاح قدامه..ورافعين السلاح ع وش فهد..
# : ارفع ايديك وامشي معانا..!!!
فهد : بدهاء..رفع ايديه..ورا رقبته..وبخفة يد..سحب..سلاح اشبه بعصايه سودا..من التيشرت وف حركه سريعه..ضربهم ف أيديهم..والسلاح وقع منهم..
فهد : قرب منهم بغضب..ومسك واحد من وشه.واكتر من روسيه ف دماغ الجارد لما اغمى عليه…
والجارد التاني…هجم ع فهد..وضربه بوكس ف وشه..
لكن فهد..بسرعه..مسك أيدو ف قبضته..ورجع كف الجارد للخلف بقوه..وكسر كف ايدو..والجارد صرخ بعلو صوته..
فهد : بغيظ..ضربه..ورا ركبته..وكسر ليه رجله..وسابه يقع ع الأرض..ومشي بسرعه..وطلع ع شجره..لحد ما وصل البلكون..ومن البلكون..طلع ع شباك..ووصل لسلم..خارجي يوصل للسطح..
الجارد : ال ع السطح..شافو رعد بيجري..ويضرب ف باقى الحرس.. وواحد منهم..نشن ع رعد وهيضرب عليه نار…
فهد : طالع ع السلم..وشاف الجارد منشن ع رعد..وطلع سلاح ابيض..وحدفه بسرعه..ورشق ف ايد الحارس..وجري بسرعه..يضرب فيهم..
الحارس : نزل ع ركبه يتألم.. ويصرخ…
الجارد : الخمسه ..طلعو سلاحهم..وبيجرو عند فهد..
فهد : بسرعه..نط من ع سور..وبيجري بسرعه..وشد السلاح من ايد الحارس ال بيتألم.. وجري هجم عليهم بيضرب فيهم..ومش عايز يقتل حد فيهم..!!!
رعد : ضرب حرس كتير..ووصل لباب الفيلا الداخلي.. ومسك حبل وقرب بسرعه من الحارس.. ولف الحبل حوالين رقبته.. وضربه اكتر من روسيه..واغمى عليه..
رعد : شال الحبل. ودخل الفيلا لكن وقف مكانه..واتصدم..من حجم واحد جارد نازل من ع السلم.. عضلاته لوحدها ضخمه جدا..وطول بعرض.. رعد ل نفسه..الله يخربيتك.. طور متحرك.؟ وده يتعمل فيه ايه؟وابدأ ضرب فيه منين؟ وفتح عينيه..ده جاي عليا..يلا يارعد..انطق الشهاده..ونط ف كرش امه ده..
الجارد الضخم..وصل عند رعد..
رعد : رفع عينيه لفوق وبص عليه..وضربه ف بطنه..
الجارد : واقف ثابت متهزش..
رعد : رفع حاجبه وقال..الله ده مابيتحركش..
الجارد : بغرور..تحب تتدفن فين؟
رعد : رفع حاجبه..وقال عند امك..وف حركه سريعه..رعد نط ع الكرسي..ومن الكرسي ع طرف كنبة الليفنج من فوق..ونط ع ضهر الجارد.. وقبض بايديه بقوته كلها..ع رقبته يحبس الهوا يدخل للجارد..
الجارد : بيلف حوالين نفسه..وعايز ينزل رعد من ع ضهرو ومش عارف.. وف حركه سريعه..رجع بضهرو بسرعه ع الحيطه..وخبط رعد ف الحيطه.ووقعو..
رعد : وقع ع الأرض..وقام بسرعه..
الجارد : بيحاول يتنفس..ووشه بقى احمر جدا..واتغاظ..ومسك رعد من رقبته..ورفعه بايد واحده لفوق..
رعد : اتخنق..وضربه برجله ف بطنه..وف حركه سريعه..حط صوابعه ف عينيه.. ونزل ع الأرض..وبكتفه..زقه جامد وخبطه ف عمود الليفنج..وضربه بوكس ف وشه..
الجارد : مش شايف كويس.وبياخد نفسه بالعافيه.من أثر الخبطه.ولكن بيرد الضربه ل رعد..
فهد : نزل بسرعه من السلم الداخلي..وشاف رعد بيضرب ف العملاق وهو بيضرب فيه..وجري ع رعد بسرعه..ونط لفوق. وحط رقبة الجارد بين ركبه.ونزل بيه ع الأرض..ومنع الهوا يدخل للرئه واغمى عليه..
رعد : قام وبيعدل هدومه..يخربيتو كان بياكل علف..!!
فهد : ف اشاره..يلا مفيش وقت..وبص ف الساعه..وقال الامبراطور ع وصول..
رعد : انا هروح افتح البوابه اتوماتيك.. واتحرك بسرعه..وفتح البوابه..
فهد : بيدور ع مراد..ولكن سمع صوت صرخة استغاثه.. وابتسم لأن بكدا الصقر بيجيب حق ال يرفع عينيه ع ال يخصه…
البوابه اتفتحت..
ودخلت عربية الامبراطور.. ووراها عربية بيتر. ووراهم عربية زين وزياد..وعربية حرس خاص…
هارون : نزل بسرعه وماسك سلاح..وفتح الباب ل آدم..ومحاوط آدم. وشاور للحرس بسرعه يحاوطو الامبراطور..
طارق : وبيتر نزلو وحواليهم حرس مسلحين.
زياد وزين نزلو..واقفين ورا آدم..
رعد : خرج بسرعه. وقال.. آدم باشا..كله تمام..
آدم : هز راسه بهدوء. ولادي فين يارعد..!!
رعد : مراد مع رشوان و رؤوف..وفهد بيأمن المكان..!!
هارون : اتفضل معاليك..
آدم : بص ل طارق وبيتر..وهز راسه ليهم..واتحركو..
آدم وطارق وبيتر. دخلو بهيبه رهيبه.. والزمن كأنه بيعيد نفسه..مع توفيق المنصوري..ف قضية ساره الصاوي..
آدم : قعد ع كنبة الليفنج.متمركز. وع يمينه طارق. وع شماله بيتر…
زين وزياد واقفين وراهم ..
هارون.والجارد واقفين حواليهم وبيراقبو المكان من جميع الاتجاهات…!!!
طارق : بغضب..هو فيييين؟
رعد : فهد طلع يجيبه ياباشا..اطلع ياهارون شوف الباشا أتأخر ليه؟
هارون : تحت امرك يارعد باشا…وطلع
آدم : ربت ع أيدو .. اهدا يا طارق..ومش عايزك تتنرفز..وكل حاجه هتم زي ما انت عايز..!!
بيتر..ايوه ياض ياطارق. وبعدين ياعم احمد ربنا.بنتك وحفيدتك بخير وف أمان..
طارق : بغيظ..يابرودك انت وهو..
بيتر : بغيظ..صدق انا غلطان اني بطمنك..انت خساره فيك الكلمه..
طارق : بغيظ كبير..انا خساره فيا الكلمه..ياعديم الاحساس ياجبله.
بيتر : بغيظ اكبر..انا عديم الإحساس وجبله..بس هقولك ايه؟ ع رأي آدم. يامراهق..!!
زين وزياد بصو لبعض..وضحكو…!!
آدم : هز راسه بيأس..وقال بحزم..خلصتووو..!!!!؟
طارق : كشر عينيه ل بيتر بغيظ…
بيتر : رفع حاجبه ل طارق..وبص بعيد..
آدم : بحزم..مش عايز اسمع نفس حد فيكم.
بيتر : بغيظ..هو انا..اتكلمت. انا…..
آدم : بتحذير.. قولت مش عايز اسمع صوت حد فيكم…!!
بيتر : بهمس ابو شكلك ياشيخ..
طارق : سمعه..وقال ع ابو معرفتك السودا..
آدم : قام وقف..وقال بجديه..طيب حلو المشكله..انا هاخد أبني وهنرجع ع البيت..!!
طارق : شد آدم..اقعد خلاص هكتم اهو..
بيتر : خلاص ياعم الامبراطور..اقعد مش هنعمل دوشه تاني..
آدم : بص ليهم هما الاتنين ف نظرة توعد…
طارق وبيتر..هزو راسهم ليه..مش هيتكلمو..!!
زياد : بهمس. ابوك طول عمره مسيطر ياض يازين..!!
زين : بفخر..طبعا يبنى..ده الامبراطور…!!!
وفجاءه..الكل رفع عينيه للسلم.. وشافو..
عاشور : شايل رؤوف..وبوقه مربوط بقماشه وغرقانه دم.. والكل اندهش…
شاهين : نازل وقدامه رشوان..ورافع عليه السلاح..
هارون : شايل.سامر ال فاقد الوعي..
مراد : نازل بصمت..وجواه بركان من نار..
فهد : نازل جمب مراد..وجواه عاصفه من نار..
آدم : قاعد وعيونه متابعه رشوان بتوعد كبير…
شاهين : زق رشوان ع الأرض..ووقعه قدام رجل آدم وطارق..
عاشور : بغيظ..من اهانة رؤوف المتكرره..زق رؤوف تحت رجل آدم..
رشوان : راسه قدام رجل آدم..وبينهج بغيظ كبير..وكبرياءه اتحطم لتالت مره قدام آدم العدوي..وكرهه ل آدم بيزيد..وعايز يقتله..لكن بص حواليه..وشاف آدم ف نص بيته. لكن مأمن نفسه كويس جداً وديما ف مركز قوه..وكأنه مالك للبيت..
وكمان رشوان شاف الحرس بتاعه واقعين ع الأرض فاقدين الوعي.. ونفسه ف معجزه عشان يخرج سليم من تحت أيديهم..!!!
بس ياترى..هيطلع سليم ازاي؟ ف وجود العمالقه التلاته..او الحوت ولا بقى الصقر ال عيونه متعلقه ب رؤوف ال كان لسه هيدبحه..لكن فهد لحقه ف آخر ثانيه…
زياد : بلع ريقه بتوتر..وبص ل زين وقال..ولا يازين؟ اخوك مراد قطع لسان الراجل…!!!
زين : ابتسم بشماته..وقال ل زياد. دي ااقل حاجه عندو… دا احنا هنتسلى..!!
زياد : رفع حاجبه بتأكيد..ومش بس كده..ده احنا هنعيش من تاني مغامرات الامبراطور…!!!
زين : هشش اسكت بقى وركز .واتعلم وشوف الحج هيعمل ايه..!؟
آدم : بثقه..حط رجل ع رجل.وقرب من وش رشوان وقال بفحيح افعى….!!!!
——————بقلمي مريم نصار..
ف ألمانيا…
كامليا بتتكلم ع الفون..وقالت بغضب..
what !!? You do not agree to our agreement.? Автор: Меріам Насар
You and I agreed that you woul
travel with me to Egypt so that you would not kidnap this lady who kidnapped my husband from me. !! And you take her back to Germany.. Now you’re breaking the agreement and telling me that you don’t agree and you won’t travel with me tomorrow? are you kidding..!!?
ماذا !!؟ أنت غير موافق على اتفاقنا.؟ انا وأنت اتفقنا أن تسافر معي على مصر ل تخطف هذه السيده التي خطفت مني زوجي. !! وتعود بها إلى ألمانيا.. والآن انت تخل بالاتفاق وتقول لي إنك غير موافق ولن تسافر معي غداً ؟ هل أنت تمزح..!!؟
وقفلت المكالمه ف وشه.ومتنرفزه جداً..وقامت اخدت الشنطه.وبتلعن ف ميرو وتيم.وخارجه.وبتفتح الباب..واتخضت.لل واقفين قدام الباب.ورجعت بضهرها بخوف.وبلعت ريقها بخوف.وقالت برهبه…أنتو مين..أنت ميين..!!!؟
= : بغضب عارم… الديزل..!!! ———
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ميراث العشق)
لقراءة الجزء الأول من الرواية اضغط على : (رواية جريمة عشق)
لقراءة الجزء الثاني من الرواية اضغط على : (رواية عشقتها منذ نعومة أظافرها)
لقراءة الجزء الثالث من الرواية اضغط على : (رواية عشق الفهد)
