رواية ميراث الشيطان الفصل السادس 6 بقلم شروق حسام
رواية ميراث الشيطان الجزء السادس
رواية ميراث الشيطان البارت السادس
رواية ميراث الشيطان الحلقة السادسة
_: بنتي فين يا ولية انا متأكدة انك انتي وولادك اللي خطفتوها
سلوان ببرود : روحي ارمي بلاكي علي حد تاني يا حرباية شوفي بنتك كانت بتتسرمح مع مين شكلها هربت مع واحد هههه ما ده العادي متستغربيش يا حبيبتي انتم كلكم عيلة وسخة
إسعاد بنرفزة :انتي بتقولي ايه مرا عايزة الحر*ق انا بنتي مستحيل تعمل كده هب أشرف منك ومن بنت اختك اللي انتي محموقه عشانها كويس ان امها ماتت قبل ما تشوف خلفتها العر*ة التي تجيب العار
_: أومال ليه معتبرتيش ميراث زيها زي بنتك الاتنين بنات واللي كنتي بتتمنيه لميراث حصل لبنتك اللهم لا شماتة بس انا بقي شمتانة يا بنت المفلطح وأختي وبنتها لو سمعتك بتتكلمي عنهم كده تاني هاجي لحد عندك وبؤك ده هيكون متخ**يط في بعضه زي الراجل الشرير اللي كان في جوده اكبر ههههه
_: انتي شكلك اتجننتي وشعرك ابيض من الكلام المتخلف اللي انتي بتقوليه شكل موت جوزك اثر عليكي يا سوسو يا حرام واحدة وحدانية عايزة شوية عطف زي الشحاتين غيرانة مش كده عشان متجوزة ومبسوطة وانتي قاعدة زي قرد قطع كده
سلوان بغضب شديد : كويسة انك مش قدامي دلوقتي والا كان زمانك هتكوني في قبرك يا إسعاد الكلب وسيرة جوزي الله يرحمه متجيش علي لسانك النجس ده
إسعاد بوقاحة : هعذرك يا حبيبتي عارفة انك غيرانة واللي غيران مننا يروح يعمل زينا
سلوان ببرود تام : خلي نصايحك لنفسك وخلي عرة الرجالة ينفعك هو عامل نفسه دكر وهو راجل في البطاقة بس من الآخر انتي متجوزة واحد من عرة المجتمع بطة بلدي يعني هههههه شاوووو
أنهت سلوان حديثها وأغلقت المكالمة في وجهه إسعاد التي أصبحت وجهها أحمر وهي علي وشك أن تنفذ النيران من فمها مثل التنين المجنح
إسعاد بعصبية وهي تكسر كل شئ أمامها : اعععععع أما وريتك يا سلوان الحيوانية ميكونش اسمي إسعاد وبكرا تشوفي انا مين وأقدر اعمل ايه
_: المهم لازم الاقي سهي وأعرف مين اللي خطفها
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
علي الناحية الآخري
في قسم الشرطة
دخل تاج لقسم الشرطة بهيئته التي تدب الرعب في قلوب أقوي الرجال
العسكري بإحترام : تؤمر بحاجة يا فندم
تاج بصوت قوي بارد : قدامك دقيقة واحده جواد التهامي يبقى قدامي حالا وتتزال من عليه أي تهمة انت ما تعرفش هو مين
العسكري بخوف وهو يودي التحية العسكرية : حاضر يا باشا اسفيين والله ما كنا نعرف ثواني والباشا هيكون موجود قدامك اسفيين مرة تانية يا تاج باشا اللي ما يعرفك يجهلك انت وجواد بيه اعذرنا
_: 30 ثانية عدوا قدامك نص الوقت تيك توك تيك توك وساعتها مش هيعجبك خالص اللي هعمله
وبالفعل بعد أقل من 30 ثانية كان جواد واقف قدامه
جواد بضحكة : هههه انت عملت ايه يا تاج الراجل كان هيعملها علي نفسه ورجله كانت بتخبط في بعض ههه فظيع يا صاحبي
تاج الدين ببرود : خلصت رغي يلا عايز امشي انا اجلت اجتماعات مهمة بسببك
جواد بتكبر : فدايا
تاج الدين بضحكة شريرة : فداك مش كده تمام
جواد بخوف مصطنع : اياك يكون اللي في بالي لا يا عم مش عايز واصلا مش قادر متأسفين يا كبير
تاج بسخرية : خايف تخسر كالعادة عادي اللي اتعود علي الخسارة هيفضل كده
جواد بتحدي : وانا قبلت التحدي
أكمل بمرح : بس أكل الاول واتقوي احسن انا هفتان خالص
تاج وهو يتخطاه ويخرج من القسم : عمرك ما خدت حاجة جد كتك القرف في شكلك اللي قارفني بيه دايما
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
خارج القسم
_: شوفتي الحيوان يا شذي بيقولنا تعالوا هساعدكم انا وفي الاخر ولا الهوا كل الضباط كلام علي الفاضي وقال ايه الشرطة في خدمة الشعب نينينينيني كدابين الله يحرقهم
صبا بعصبية مفرطة هي الآخري : متفكرنيش بالبني ادم برأس كلب ده كل ما افتكر كلامه ببقي عايزة اقتله اه صحيح وكمان انا كلمت ماما سهي وكانت قالبة الدنيا الله يستر في اللي هتعمله انا مش برتاح لها أصلا
_: ولا انا والله
صبا بتذكر : خلينا نرجع في كلامنا وبعدين بيقول ايه تعرفوا شكل اللي خطفها اللي هو انت كان عندك خال أهبل حرام عليه اللي نجحك ودخلت شرطة اللي هو لو كنا عارفيين شكله كنا هنسكت يعني بكره الغباء اوووي وهو كان غبي اووفر
شذي ببعض من الإطمئنان : الحمد لله ان احنا الثلاثة متعلمين بوكس وكاراتيه عشان كده انا مطمنة شوية علي سهي لأن لو حد قرب منها هتشلفطه هههه
صبا بتنهيدة : الحمد لله فعلا أنا خائفة عليها اووي بس رغم كل ده انا مطمنة وكمان هي محترفة اوووي في الدفاع عن …
_: اااااه ما تحاااسب يا جدع انت وبص قدامك انا عارفة هو يوم أسود من أوله
جواد بحدة : ما تبصي قدامك ولا انتي فالحة تتعصبي وخلاص انت اللي اتخبطي فيا مش انا اللي خبطك يعني بنات اخر زمن قلالات ذوق
صبا بنرفزة : بص بقي يا جدع انت شغل العضلات وخذوهم بالصوت ده مش هيجي معايا فلم نفسك احسن ما المك ما انت متبعتر وشكلك محتاج ربايه من اول وجديد
تاج بهدوء ظاهري : قدامك 3 ثواني وتغوري من وشي والا هفضي كل طلقات السلاح في دما*غك
شذي بعجلة : تعرفي تعدي لحد ثلاثة يا صوفي
_: مستحيل اعمل اللي في دماغك
أمسكت شذي يد صبا بسرعة وركضت وهي تصرخ بعلو صوتها : ااااجرررري يا مجدددي اععععععع
جواد بضحكة عالية : ههههه مجانين بس قمر
تاج ببرود : يلا مش هتفضل واقفين كتير يلا نمشي
_: يلااا
صبا بصراخ : اععععععع يا مجنونة وانت لو شوفتك تاني هطبقك من يضحك كثيرا يبكي كثيرا
شذي بصراخ : اخرسي يابت كنا هنموت ولسه بتتكلمي
ابتعدت شذي وصبا عن المركز الشرطة وقفتا وهم يحاولون التقاط انفاسهم التي سلبت من الركض
صبا بنهجان : ها ها ها يا بنت المجنونة نفسي اتقطع ب..بسببك حرام عليكي يا شيخة
شذي بقرف : اسكتي هل تعرفي السكوت كنا هنوت بسببك
أكملت بخوف : ما شفتيش نظرته كانت عامله ازاي كان شوية وهيأكلنا زي أكلي لح**وم البش*ر اععععع
صبا بتذكر : يلا يا بت عشان نروح زمان سهي دلوقتي مبسوطة لأنها اتخطفت محظوظة بنت الايه بس برده خايفه يحصل لها حاجه
شذي بثقة : متخافيش دي تربيتي
صبا بقلق : الله يستر تربية وسخ*ة انا عارفة
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
في شقة راقية في التجمع الخامس
كانت سهي نائمة علي الأريكة وهي تتعامل براحه شديده كأن البيت بيتها
_: يا كابتن بسبس يا كابتن انا جووعانة
الخاطف بصدمة وهو يشعر ببوادر الشلل : ازاي قدرتي تشيلي اللزق من علي بؤك
سهي بملل : يا عم سيبك من شغل الخاطف والضحيه مواضيعكم دي كلها سهله ومش بتدخل على حد يعني عايز تخطف خليك ذكي كان قدامك طرق كتير تكتم بؤي بس انت زيك زي اي خاطف بتحب تستسهل
الخاطف وهو يضع يديه على راسه ويشعر بصداع : انا انا هتشل انا على آخري انا عايز حد ياخدني من هنا انا تعبت منك ما اعرفش كنت معجب بيكي على ايه في الاول استغفر الله العظيم يا رب عايز تاكلي ايه يا آخري صبري
_: فك بس اللزق اللي فإيدي ده ايدي مش حاسة بيها منك لله
_: اللهم طولك يا روح فكيتها وبعدين
_: واااو حاسة براحة هههه
_: بص بقى يا عمو الخاطف يا قمر انت انا عايزة واحد شوربه سي فود كبيرة وواحد بيتزا بالجمبري عائليه اهم حاجه تكون عائليه ومعها كاتشب كتشييير عشان بحب الكاتشب موووت وعايزه سمك فيليه وجمبري مقلي وعايزه اخطبوط اللي هو الزج اللي هو ليه رجول كتيرة هههه وعايزة توميه وسلطة طحينه وسلطه عاديه خضراء و ..
_:هو لسه فيه تاني انتي تسكتي خالص انا اللي هطلب معرفش الأكل ده كله هيروح فين وانتي شبه عود الاسنان
سهى بغرور : أنه سر المهنة
أكملت بصوت متعالي : يلا من هنا يا جدع انت روح اطلب الاكل
الخاطف وهو علي وشك البكاء : فعلا المظاهر خداعة
بعد ساعة
كانت سهي تجلس علي السفرة وبدلات تأكل بشراهه شديدة لأن عشقها الأول هو المأكولات البحرية
سهي بفم ممتلئ بالطعام : مد ايدك ما تتكسفش البيت بيتك
الخاطف بقرف : لا شكرا
وهي ترفع كتفها بعدم اهتمام : براحتك احسن برده الاكل ده كله هأكله لوحدي
أكملت بتساؤل : ما قلتليش يعني خطفتني ليه
الخاطف بتنهيدة : كنتي هتتخطفي فقلت انا اولي اخطفك
_:اهااااا قول كده بقي ومين الحيوان اللي كان عايز يخطفني
_: كفايه كده النهارده مش لازم تعرفي كل حاجه مره واحده كملي اكلك بس
_: عادتشي يا اخويا مش عايزة اعرف كتك القرف انسان سائيل
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
علي الناحية الآخري
لدي عاصي
_: عايزك تجيب لي كل المعلومات عنها من اول ما كانت في بطن امها لحد ما وصلت لشركتي فاهم وأي حاجة هي بتحبها دمرها وانت طبعا فاهم قصدي
_: فاهمك يا باشا متقلقش خلال 48 ساعة وكل المعلومات هتكون عندك
_:تمام
أغلق عاصي المكالمة وظل يحدث ذاته بإنتصار
_: هههه ضحية جديدة ونوعها جديد شكلي هنبسط قوي في الأيام اللي جاية
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ميراث الشيطان)
