رواية مولاتي العنيده الفصل الأول 1 بقلم مي الحسيني
رواية مولاتي العنيده البارت الأول
رواية مولاتي العنيده الجزء الأول
رواية مولاتي العنيده الحلقة الأولى
نبيهه انتي قاعده كده ليه
=عادي
-مش من عاتك تقعدى فى البلكونه واحدك ديما بتندهي عليا
=…..
-بت مالك
=عاوزه اعيط
-ليه طيب فى حاجه
=تعبانه يا حذيفة تعبانه
حذيفة بقلق: تعبانه طيب البسى نروح لدكتور
=مش كل التعب عاوز دكتور أنا تعبي غير
-اذاي
=حاسه ان الدنيا صغيره اوي حاسه ان عاوزه اصرخ واطلع كل اللى جوايا مخنوقه اوي
-حبيبتي أحكي أنا معاكي
=النهارده عدى خمس سنين على موت بابا وماما راحوا مع بعض و سابوني وحدي سابوني في دنيا واسعه معرفش فيها حد
وفجأة فقز حذيفة من شرفته الى شرفتها واحتضنها وهي ظلت تبكي وتخرج ما بها إلى أن أدرك الوضع
نبيهه: ايه ده يا حذيفة بتعمل ايه ارجع مكانك مينفعش كده
حذيفة:هو ايه اللى مينفعش انتي مراتي
نبيهه:يادي النيله السوده أنت كل شويه تقولي انتي مراتي يا عم ده كتبت كتاب
حذيفة:يخرب بيت الهرمونات اللى بتغيرك في لحظه يا شيخه حرام عليكي
=ولا ارجع مكانك وسبنى اعيط واحدي لو سمحت
-تعيطي لوحدك وأنا موجود يا مولاتي
ابتسمت قائلة:قلب مولاتك ارجع بيتك وأنا هعمل احلى كوبين شاى واجي
-ايوه بقي بس خليني هنا كاني فى بالكونتي
=تصدق أنا مهزاءة علشان قولت هعمل شاى وبعدين انت مش كنت متخانق معايا الصبح
-انا
=لا أنا
-طيب ما أنتي اللى معرفتيش تسمعي
=تروح مزعقلى
-معلش بقى يا مولاتي
=ولا مش هتثبت أنا ذي كل مره أنا داخله اصلى قيام الليل
-روحي يا مهزاءة
=قولت حاجه يا ابو الصحاب
-لا يا سطا على وضعك وأنا كمان هروح اصلى
=ماشي يا خويا روح
-انط تاني مش خايفه اقع على رقبتي تتكسر
=يعني هى اول مره روح الله يسترك
-اقعد شويه
=اه طبعا خليك واكملت بصوت عالى حفصه بت يا حفصه تعالى خدى اخوكي
-اه تعالى خدى اخوكي هو أنا كيس شبسي
حفصه:هو كل يوم بقى ايه يا نبيهه
نبيهه: خدي اخوكي علشان عاوزه أنام
حذيفة: لا والله انتوا هتعملوا عليا فلم انتوا الاتنين
نبيهه:ما أنت غتت أوي
حفصه: حذيفة اخلص علشان فى كلية بكره مش فاضيين احنا
حذيفة: وانتي عندك محاضرات بكره يا نبيهه
نبيهه:اه مش هروح
حذيفة:لا بالله مش ناقصه تروحي محاضراتك يا اختي خلي السنة دى تخلص على خير علشان نتلم في بيت بقى ونتجوز
نبيهه:طيب امشى بقى ولا انده عمتو من جوه
حذيفة:عمتك لا أنا ماشي سلام
وقفز إلى شرفته مره اخرى
حذيفة: آه آه
نبيهه: ايه اتعورت
حفصه: لا يااختي اهو ذي القرد اهو
حذيفة:قرد فى عينيك يا مقصوفه الرقبة
نبيهه:مقصوفه الرقبة لا أنت كده كويس
حفصه: ههههه الأخ الحنين رزق برضو
الجميع: ههههه
نبيهه: سلام أنا داخله اصلى
__________
وفي اليوم التالي فى الكلية
كانت نبيهه تجلس مع حفصه فى الكافية لانتظار حذيفة
حفصه:عمتك عامله ايه النهارده يا نبيهه
=والله سيبها تعبانه ومرضتش تخليني اقعد معاها النهارده أصرت اني انزل مش عارفه ليه أنا خايفه عليها اوي والله
*متخفافيش حذيفة هيعدي يديها الحقنه والعلاج قبل ما يروح الشغل
=خير أن شاء الله بس هى من امبارح التعب ذايد عليها
*أن شاء الله هتكون كويسه دول شويه تعب وهيروحه لحالهم
=مش مرتاحه يا حفصه عمتو مش بتبين انها تعبانه بسهولة
*ربنا يشفيه يا حبيبتي
=اللهم امين يارب العالمين
*أنا هتصل على حذيفة اشوفه اتاخر ليه ده
جاء صوت حذيفة من خلفها قائلاً: مش هيرد عليكي متتصليش ده عيل بارد أنا عارفه
*أنت جيت يا استاذ
=ياربي عليك خفت دم
-انا عارف متقوليش دم عسل شربات مكرر
=ينهاري الحق الحق
-ايه
=العسل بينقط
*يالهوي عليا وعلى سنين السوده وقعت في وسط اتنين مجانين
-بت احترامي نفسك أنا اخوكي الكبير
=اه وأنا مرات اخوكي الكبير
*يعني أنا فى الاخر هطلع العمه الحربيا في الموضوع
=أيوا بظبط
الجميع: هههههههه
-طيب يلا بقى نمشي أنا عاوز اكل
نبيهه وحفصه: يلا
في المطعم كانوا يجلسون إلى أن جاءت صديقه حفصه لتلقى السلام عليها وكان معها شقيقها
حفصه: اخبارك يا شهد عامله ايه
شهد: تمام الحمد أنا لما شفتك قولت لازم اسلم عليكي ده احمد اخويا
حفصه: أهلا وسهلا بحضرتك ده حذيفة اخويا ودي نبي
قاطعه احمد وهو ينظر الى نبيهه بطريقة غريبة قائلاً: نبيهه كلنا عارفينها طبعا دى في الكلية معانا
نبيهه بهمس: ألبس يا بطل
حذيفة:نعم يا خويا كلكم مين
احمد:كلنا فى الكلية عادي مالك يا استاذ
حذيفة: عادي فى عينك
احمد:ايه قلة الأدب دي لم نفسك ما تكلمي يا نبيهه وانتي حفصه
حذيفة: عارف هتجيب اسم واحده من الاتنين على لسانك هقطهولك
احمد: حفصه اختك أنت حر فيها واما نبيهه أنت مالك بيها يا بارد أنت
حذيفة ينقض عليه ليضربه:قولتك متجبش اسمها على لسانك فاهم دى مراتي
تشاجره بقوى وقاطع هذا الشجار مغادرة نبيهه المكان
حذيفة: رحمتك مني اقسم بالله
ذهب حذيفة لالحاق بنبيهه ولكن لم يلحقها هى ربكبت تاكسي وتوجهت إلى المنزل أخذ حفصه وذهب و وجدها فى مدخل العمارة
-نبيهه نبيهه
=عاوز ايه يا شيخ حذيفة
-شيخ اه مشيتي وسبتيني ليه
=واقعد ليه علشان اتفرج على الخناقه اللى منغير اي سبب
-مين قال ان هى من غير سبب انتى مشفتيش كان بيتكلم إذاى ولا بيبص إذاي
=كان ممكن تعدى الموقف ومهما كانوا ماشيين اصلا بدل ما تفرج علينا الناس
-نعم يا اختي اسيبه يبص كده لمراتي انتي اتجننتي أنا ليه الحق اتعصب واكسر الدنيا كمان
=لا اتعصب يا شيخ حذيفة اتعصب وانسى (وَالْكَاظِمِينَ الْغَيْظَ) وكمان انسى عن أبي هريرة رضي الله عنه أن رسول الله صلى الله عليه وسلم قال: (ليس الشديد بالصُرعة، إنما الشديد الذي يملك نفسه عند الغضب) رواه البخاري ومسلم
وتركته وذهبت دلفت الى منزلها
=السلام عليكم
•وعليكم السلام ورحمه الله وبركاته
=عامله ايه دلوقت يا عمتو
•انا كويسه المهم أنتي مالك فيكي ايه
=مافيش حاجه
•عليا أنا برضو ده أنا عارفكي اكتر من نفسك
قصت نبيهه على عمتها ما حدث في المطعم
=وهو كده على طول من غير سبب مقنع لازم خناق أنا تعبت والله يا عمتو مش كده
• حبيبتي هو بيحبك ولو لفيتي الدنيا كلها مش هتلاقي حد زيه والله هو بيعمل كده من حبه فيكي هو لو مش بيحبك مش هتفرقي معاه
=أنا عارفه انوا بيحبني وأنا كمان والله بس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مولاتي العنيده)
