رواية موعد مع القدر (تحدي الإعاقة) الفصل الثامن والعشرون 28 بقلم لبنى دراز
رواية موعد مع القدر (تحدي الإعاقة) البارت الثامن والعشرون
رواية موعد مع القدر (تحدي الإعاقة) الجزء الثامن والعشرون
رواية موعد مع القدر (تحدي الإعاقة) الحلقة الثامنة والعشرون
السعادة والأمل كلمتان مترابطتان، فالأمل يعطينا الشعور بالسعادة ويحفّزنا دائماً للتفاؤل وللعطاء وأنّه هناك متّسع من الوقت لنفعل شيء أو لنحقق حلم فيبقى الأمل لننسى الألم،
🍀🌹🍀🌹🍀🌹🍀🌹🍀🌹🍀
السعادة هي أن يعيش الإنسان مع زوجةٍ يحبّها، وفي بلدٍ يحبّه، وأن يعمل في عملٍ يحبّه
تحدى الإعاقة بقلمى✍️___________لبنى دراز
بعد مرور شهرين ..
خلصت الامتحانات واتحدد ميعاد فرح الثنائى المجنون يوم أعلان النتيجة نفس يوم الفرح أيهم جهز كل حاجة زى ما طلبتها هدير حتى الفرح عمله زى ما كانت بتتمنى وكان عامله مفاجأة ليها ويوم الفرح أيهم رايح يوصل هدير للبيوتى سنتر
هدير:: هيمو حبيبى ممكن نروح الجامعة الاول اشوف النتيجة..
أيهم:: بحب..ممكن قلب هيمو تطمن و ماتشغلش بالها ..انا هوصلك علشان ماتتاخريش وهطلع اجيبلك النتيجة و بعدين اصلا أيمن ومنة هناك من بدرى
هدير:: حبيبى انا كنت عايـ
أيهم:: بمقاطعة ..يلا وصلنا السنتر.. اطلعى و انا هروح اجيبهالك ماتقلقيش بقى عايزك قمر النهاردة وغمزلها و حدف لها بوسة فـ الهوا
هدير:: بصت فـ الارض و وشها كتلة طماطم من شدة الخجل
أيهم:: يالههههويز يا جدعان ع قفص الفراولة اللى قدامى ده ..اطلعى ابوس ايدك قبل ما أقل عقلى واطلع بيكى ع البيت حالا
هدير:: رفعت عينها وبصت له.. يا سلاااام يا خويا من غير فرح ليه يعنى ..شاقطنى ولا كنت شاقطنى قال تطلع ع البيت حالا قال.. حِكم
أيهم:: حبيبى اجعفر ايوا كدا رجعيلى الاسطى عبده الميكانيكى حبيبى اللى واخد عليه ههههههههههههه يلا ياختى اطلعى ..وجواه ان ماطلعته ع عينك انتى و ابوكى بس يتقفل علينا باب
هدير:: طيب فين الفستان و باقى الحاجة بتاعتى ..
أيهم:: سرحان مع نفسه بيفكر فـ حاجة
هدير:: ايييه..رحت فيين يا اسطى بكلمك انا بقولك حاجتى فين
أيهم :: خير يا حبيبتى مالك بس .. فستانك و حاجتك كلها فوق من بدرى اطلعى بقى ..وفعلا طلعت السنتر وكان أيهم جايب لها فستان فرح خرافى وعامل كل حاجة مفاجأة من اول الفستان لغاية الفرح
بقلمى✍️________________لبنى دراز
منة وأيمن راحوا الجامعة علشان يجيبوا النتيجة وقابلهم أيهم :: السلام عليكم .. ايه الاخبار ..ظهرت؟
منة:: لسة
أيمن:: ايه اللى جابك ؟
أيهم:: يا عم بطمن ع نتيجة البت اللى مجننانى وكانت عايزة تيجى بنفسها
أيمن :: تعالوا نقعد فـ الكافيه ..
وفعلا قعدوا فـ الكافيه وشوية شافوا دكتور رؤوف جاى عليهم
رؤوف:: صباح الخير يا جماعة
أيمن:: صباح الخير يا دكتور
رؤوف:: لـ منة مبروك الامتياز زى كل سنة يا دكتورة
منة:: بفرحة.. بجد يا دكتور انا نجحت
رؤوف:: بضحك.. بقولك امتياز يا دكتورة يبقى ايييه
أيمن:: الف مبروك يا روحى ..احلى دكتورة دى ولا ايه بس
منة:: بسعادة لـ أيمن.. حبيبى الله يبارك فيك ..و لـ دكتور رؤوف.. طيب و هدير يا دكتور .
رؤوف:: وهدير يا ستى جيدا جدا كمان مع مرتبة الشرف .. هى فين صحيح مش معاكى ليه..
منة:: النهاردة فرحها ..عروسة بقى وسنتر وكدا يعنى
رؤوف::الف مبروك وعقبالك ان شاء الله ..ومبروك نجاحكم وعقبال كل سنة
وسابهم ومشى وهم كمان مشيوا فرحانين
أيمن:: لـ أيهم يلا يا عريس علشان تجهز ..هنوصل منة بيتها ونشوف هنعمل ايه
منة:: بلييز يا أيمن عايزة أكون مع هدير فـ السنتر ..
أيمن:: بموافقة ..حاضر يا قلبى بس نستأذن بابا الاول ..واذا وافق هوصلك عندها اوك
أيهم:: يلا يا عم روميو انت وست چولييت خلصونا بقى خلونا نشوف ورانا ايه ..
أيمن :: يلا يا أخرة صبرى ..أخيرا هرتاح منك شهر بحاله
وفعلا راحوا ع البيوتى سنتر يوصلوا منة بعد ما استأذن أيمن من محمود بعد ما طمنهم ع نجاح منة و بـ أمتياز.. وراح اشترالها فستان بكل احتياجاته من حجاب وشنطة وجزمة و جاب لها هدية سلسلة دهب عليها أسمها و بعتهملها مع بنت بتشتغل فـ السنتر و وصاها عليها ..ورجع مع.أيهم اللى صمم يروح عنده يجهز فـ بيته
أيمن:: فوفة.. يا ست الكل انتى فين
فادية:: انا هنا يا حبيبى فـ المطبخ ..تعال ..طمنى يا حبيبى منة عملت ايه
أيمن:: الله الله ع الريحة اللى تجوع دى يا ست الكل
فادية:: يا واد طمنى مراتك عملت أيه هى و هدير
أيمن :: نجحت يا قلبى و بـ امتياز كمان .. وهدير كمان نجحت
أيهم:: من برة المطبخ .. يااا روايحك ..أرحمى أمى العيانة يا فوفة ..
فادية:: طيب يلا انت و هو بطلوا غلبة واقعدوا اتغدوا ..علشان تلبسوا ..مافيش وقت
أيمن:: حبيبتى تسلم ايدك يا فوفة قلبى ..وقعدا اتغدوا سوا وبعدها ابتدوا يجهزوا واخيرا خلاص الكل نزل وراح ع السنتر وطلع أيهم لـ هدير
منة:: يلا يا ديدى أيهم وصل
هدير:: متوترة وبتفرك فـ إيديها و أول ما شافت أيهم تاهت فـ جماله و وسامته و ريحة برفانه اللى جننتها
أيهم:: اول ما شافها تنح من جمالها فعلا ملكة بفستانها الابيض ..جواه معقول القمر ده من نصيبى وهتبقى فـ بيتى وحضنى خلاص ..
هدير:: بخجل..أيهم مالك يا حبيبى
أيهم:: مالى اييه بس ..انا بقول نطلع ع بيتنا حلال الله اكبر وفجأة شالها مرة واحدة ونازل بيها وراحت تسلم ع عادل وسلوى وكل حبايبهم وأيمن طلع علشان ينزل منة وتاه فـ جمالها ورقتها وبيتمنى ربنا يقرب البعيد وتبقى حبيبته فـ بيته ونزلوا راحوا ع السيشن وبعد التصوير شاور أيهم لـ ساجد وأيمن ينفذوا اللى طلبه منهم
هدير:: بتساؤل ..أيهم هو ساجد وأيمن هيعملوا ايه بتقولهم نفذوا بسرعة؟ ينفذوا ايه
أيهم:: بمكر ..أبدا يا روحى بقولهم يعطلوا أبوكى علشان أعرف أ.خ.ط.ف.ك وأطلع ع عشنا
هدير :: ما تهزرش بقى يا هيمو
أيهم:: حبيبتى والله مش بهزر ..انا ه.خ.ط.ف.ك فعلا ..
هدير:: ومين قالك يا قلبى انك مش خ.ط.ف.ت.نى ..انا ات.خ.ط.ف.ت من زمااان من اول مرة شوفتك فيها
أيهم:: يا لههههويز يا بشر ..لاااا الكلام الحلو ده محتاج علبتين عصير مانجا يا مانجا انت يا شربتات ..و فتح لها علبة عصير تشربها و فـ ثوانى كانت نامت و شالها و راح بيها مكان ما علشان ينفذ باقى مخططه
___________________
أيمن و ساجد راحوا القاعة اللى حاجزها أيهم واخدوا عادل وسلوى ومحمود ومنى ومنة والتوأم المشاكس وفادية و روبى و باباها و كل المعازيم بأوتوبيسات لغاية المطار تحت اعتراض عادل اللى مش فاهم حاجة
عادل:: بعصبية ..لـ أيمن ممكن افهم ايه اللى انتوا بتعملوه ده و فين زفت أيهم أخد بنتى وراح بيها فين
أيمن:: بهدوء.. ممكن تهدى يا استاذ عادل وانا هشرحلك كل حاجة
ساجد:: بجدية..لو سمحت خليك واثق فينا و ماتقلقش الحكاية كلها شوية وقت صغننين بالطيارة
عادل :: بزعييق طيارة ايييه بالظبط ممكن تفهمونى
محمود:: من غير زعيق يا عادل أهدى شوية الناس بتتفرج علينا
عادل:: انت مش شايف جوز بنتك وصاحبه بيطرمخوا ع صاحبهم اللى خد بنتى و معرفش راح بيها فين
أيمن:: يا استاااذ عادل بهدوء هنطلع كلنا ع شرم الشيخ علشان ببساطة كدا أيهم حب يعمل الفرح لـ هدير زى ما كانت بتتمنى و هو عمله مفاجأة ليها و للكل..و ماحدش نهائى يعرف غيري انا و ساجد بس ..تسمح بقى الطيارة مستنية الناس يلا بقى
محمود:: لـ عادل استهدى بالله ..جوز بنتك راجل محترم و بيحبها ..لِم دورك واحترم نفسك و ماتعملش حما عليه
عادل:: انت مستفز ليه يا جدع انت ..اه ما انت بنتك فـ حضنك ..انا مش عارف ايه خلانى اتهفيت فـ عقلى وخلانى وافقت يتجوزوا
محمود:: بضحك.. ههههههههههههه يابنى انت مش طبيعى ليه ؟ ما هى مسيرها لبيته و حضنه سواء النهاردة او بعد سنة ..اكسب الواد احسنلك ههههههههههههه ويلا ..الراجل جايب طيارة خاصة علشان توديك شرم يا مفترى
عادل:: طيب يا اخويا يلا لما نشوف أخرتها
وفعلا عادل ومحمود والكل طلعوا الطيارة واخيرا وصلوا ع مكان الفرح و فـ انتظار أيهم وهدير
_______________
و فـ نفس الوقت
أيهم:: فـ الطيارة بيصحى هدير ..ديدى حبيبى اصحى يا قلبى وصلنا
هدير :: بتفوق ..أنا فين ..انت عملت فيا ايييه
أيهم:: بضحك.. هعمل فيكى ايه يعنى ..ههههههههههههه وبغمزة ما احنا لسة بهدوم الفرح اهو
هدير:: انت شربتنى عصير وبعدها ماحسيتش بحاجة
أيهم::بتوضيح ..حبيبتى انتى حلمتى يكون فرحك ع البحر وسط الخضرة والهوا والماية
هدير:: كانت امنية حياتى
أيهم:: طيب فوقى كدا و بصى حواليكى وشوفى انتى فين
هدير:: فاقت و استوعبت انها فـ طيارة و حطت ايديها ع بؤقها من الزهول والفرحة و دموعها نازلة ..أيهم أء انا مش مصدقة ..أنت عملت كل ده عشانى.. أء انا بحبك أوى
أيهم:: ششششش بس ..كدا بوظتى الميك اب أبوكى لو شافك كدا هيطلقنى منك ههههههههههههه يرضيكى يعنى بعد قفايا ما اتهرى منه
هدير::بتهز راسها تؤتؤ ..
أيهم:: بحب ..حبيبى انتى بس تحلمى وكل أحلامك أوامر وانا عندى كام هدير يعنى.. يلا بقى علشان خلاص هننزل استعدى وشاور لبنت موجودة فـ الطيارة من البيوتى سنتر واخدها معاه عشان متاكد من اللى هيحصل ..من فضلك صلحي ليها الميك اب قبل ما ننزل
______________
عادل متغاظ جدا من أيمن و ساجد و مستنى يشوف أيهم بفارغ صبر عشان يطلع عليه اللى عمله هو وأصحابه
محمود:: ما تستهدى بالله يا عادل بقى و طفى نا..رك اللى قايدة دى ههههههههههههه
عادل:: انت يا جدع انت ثقيل ليه يعنى ..بقى الافندى جايبنا شرم ع البحر بطيارة خاصة ولسة ما ظهـ.. وقبل ما يكمل كلامه شاف الهليكوبتر بتهبط زى ما مترتب لها والباب بيتفتح و أيهم نازل و شايل هدير وراح بيها لغاية عنده ونزلها
أيهم:: لـ عادل انا أسف بجد بس حبيت احقق لها حلمها واعمل لها الفرح اللى نفسها فيه
عادل:: لسة هيتكلم بس شاف بنته قد ايه فرحانة ..اخد أيهم فـ حضنه ..انا لو لفيت الدنيا مش هلاقى أبن زيك .. كفاية عليا اوى فرحة بنتى اللى فـ عينيها دى
سلوى:: بدموع الفرح ..حضنت هدير ..أخيرا يا مجنونة حققتى حلمك و نزلتى من الهليكوبتر ههههههههههههه
هدير:: بفرحة ..انا بجد مش مصدقة يا مامتى انا فجأة لاقيت نفسى فـ الطيارة كنت فكرة انى بحلم بس بجد طلع حقيقة انا فرحاااانة اوى
أيهم:: باس جبينها ..حبيبتى تؤمر بس و عيونى ليها ..وكفاية عليا فرحتك دى يا ديدى ..ربنا يباركلى فيكى يا قلبى
عادل:: بسعادة ..لـ سلوى اذا كانت هى مجنونة فـ جوزها اجن منها علشان يعمل كل ده ..عشان خاطر بس يحققلها حلمها
أيهم:: لـ عادل عارف كنت نفسى أعمله ف الكاريبى بس خفت منك ههههههههههههه
أيمن:: من وراهم ..لا يااا راااجل الكاريبى مرة واحدة .. طب يلا ياخويا ياللى ممرمطنا وساحلنا وراك اتفضل ع فرحك ..ياكش يطمر ههههههه
وفعلا اتعمل الفرح وكان جميل وطلع زى ما هدير اتمنى و اكتر
وبعد الفرح ما خلص والكل بارك لـ أيهم وهدير و ودعوهم بالدعوات والتمنيات بالحياة السعيدة أيمن و ساجد رجعوا مع المعازيم بنفس الطريقة اللى راحوا بيها و أيهم وهدير رجعوا برضوا بنفس الطريقة اللى راحوا بيها.ونزلوا من الطيارة كانت عربيته فـ المطار أخدها ورجع بيها ع ڤيلته هو وهدير و اول ما دخل الڤيلا هدير وقفت مكانها
أيهم:: مالك يا حبيبى واقفة ليه
هدير:: هو انت مش هتشيلنى وتطلع بيا لغاية فوق و تدخل اوضة النوم وتقفل الباب برجلك كدا زى الأفلام
أيهم:: يا حبيبتى هو انا عشان شيلتك ونزلت بيكى من السنتر و من الطيارة ابقى سوبر هيرو واشيلك مرة تالتة واطلع بيكى كل السلم ده ؟ ..صحتى يا ماما محتاجها فـ حاجات أهم وغمزلها
هدير:: فهمت قصده ..بس عملت عبيطة ..حاجات ايه بقى اهم من انك تشيلنى كدا وتحسسنى انى عروسة و النهاردة فرحى و كدا ها
أيهم:: فـ نفسه يخربيت غبائك يا شيخة ..هى البت دى هبلة و لا بتستهبل..وقال اطلعى ياختى اطلعى قال شيلنى وحسسنى انى عروسة قال
هدير:: بغيظ..يعنى مش هتشيل يا أيهم ..اومال فين بقى أحلامك أوامر. يا.روحى ولا هو كلام وبس
أيهم:: بسسسس سد يا ماما سد ..هشيلك وأمرى لله.. خلاص ماتعيطيش بس اعملى حسابك المرة الجاية كلمتى لا يمكن تنزل الارض ابدا
هدير:: حنننفى ..قصدى أييييهم
أيهم:: لاااا يا روح أيهم مافيش منه الكلام ده …يلا ياختى و هوووب راح شايلها ..بس علشان حبيبة قلبي فعلا احلامها الليلة كلها أوامر ..وطلع بيها لغاية اوضة النوم يلا افتحى الباب بقى
هدير:: أنا افتحه؟ ما تفتحه انت
أيهم:: يعنى بعقلك كدا انا شايلك بإيدى افتحه ازاى يعنى ..اخلصى و افتحى الباب ولا تنزلى هنا وكفاية لحد كدا
هدير:: خلاص يا اسطى ماتزوقش هفتح اهو ..وفتحت باب الاوضة
أيهم:: دخل بيها وقفل الباب برجله وراح لغاية السرير نزلها .. و نام ع السرير ..أه يا عضمك يا رضا ..منك لله يا بعيدة هديتى حيلى تصبحى ع خير بقى وغمض عينه عمل نفسه نايم
هدير:: أيهم ..انت نمت .
أيهم:: اداها ضهره و ما ردش عليها
هدير:: قعدت ربعت ع السرير جنبه وايدها الاتنين ع خدها ..روح ياشيخ يارب يطلعلك ابو رجل مسلوخة فـ الحلم ..تؤ طيب انا جعانة دلوقتي اعمل ايه بقى
أيهم:: بتدعى عليا ليلة فرحى يا هدير ..مش كفاية وسطى اللى اتقطم نازل شايل ..طالع شايل
هدير:: مش انت اللى سيبتنى و نمت ؟؟ الله
أيهم:: خلاص ما تزعليش ..يلا قومى وانتى زى القمر كدا غيرى هدومك واتوضى وانا هطلع الحمام اللى برة اغير و اتوضى
هدير:: أيهم ..
أيهم:: قلبه..
هدير:: ممكن تساعدنى ؟
أيهم:: عيونى.. بس اعمل ايه
هدير:: مش هعرف أفك الحجاب
أيهم:: حاضر يا قلبي ..وساعدها تفك الحجاب و شافها بشعرها لـ اول مرة ..يخربيييت حلاوتك ايه.يابت الجمال ده ..لاااا انا طالع قبل ما اتهور
هدير:: سمعته وما علقتش عليه و ساكتة و ضربات قلبها بتزيد
أيهم: حس بيها و بضربات قلبها اللى كانت مسموعة ليه وسابها وخرج من الاوضة بسرعة ودخل الحمام الخارجى يغير هدومه وياخد شاور و يتوضى خلص وطلع
هدير:: فـ نفس الوقت دخلت تغير الفستان وتاخد شاور و تتوضى وبعد ما خلصت جات تلبس شافت الهدوم اللى متعلقة ع الشماعة تنحت ..يا ليلة مش باينة من اولها ايه ده ؟؟ انا هلبس ده ازاى؟؟ اعمل ايه اكلم ماما ولا اعمل ايه ..أيهم طلع قليل الادب اوى ..ولبست البُرنس وطلعت تكلم مامتها
أيهم:: بيخبط ع الباب ..خلاص يا ديدى ممكن ادخل
هدير:: من جوة لالا ماتدخلش،
أيهم :: ليه بس يا حبيبتى.. مش خلاص غيرتى هدومك ..انا جعان
هدير:: بتتصل بـ سلوى ..بتتكلم بصوت واطى .. الوو يا مامتى الحقينى
سلوى:: بخضة .. الووو مالك يا حبيبتى
عادل:: اتخض ..مالها هدير يا سلوى فيها ايه
سلوى :: بتشاور له يستنى عشان تفهم..
هدير:: أيهم طلع قليل ادب يا مامتى لاقيته حاطط هدوم فظيعة فـ الحمام شكله عايزنى البسها
سلوى:: بضحك..يجازى شيطانك يا شيخة خضتينى ههههههه ..يا حبيبتى انا اللى حطيتلك الهدوم دى ..
هدير؛: ايييه انتى يا سولى اللى حطتيهم انتى ..بقى تيجى منك انتى يا مامتى
أيهم:: من برة الاوضة ..خلاص يا هدير ولا لسة يا بنتى انا جعان.. انتى ما جوعتيش ولا ايه
هدير:: لا مش جعانة انا هنام روح اتعشى انت تصبح ع خير
سلوى:: ايه يا بنت المجنونة اللى بتقوليه لجوزك ده ..انا يابت انتى مش فهمتك تعملى ايه و تقولى ايه
هدير:: ع فكرة بقى انتوا فاهمين الجواز الغلط .
سلوى:: أحنا اللى فاهمين الجواز غلط برضوا.
هدير::بقولك ايه يا مامتى خليكى فـ حضن جوزك كدا وسيبنى انام تصبحى ع خير يلا باى وقفلت الخط قبل ما تسمع رد مامتها ..
أيهم:: من برة ها يا هدير وبعدين بقى .
هدير:: ماتدخلش بقى يا أيهم .
أيهم:: مااااشى يا هدير انا نازل تحت بس خدى بالك علشان لو شوفتى حد كدا ولا كدا.. ولا حاجة كدا و لا كدا انا قولتلك اهو.. خليكى بقى قاعدة لوحدك ..ونزل وبيقول لـ نفسه مابقاش انا ان ماخليتك تفتحى وتيجى جرى فـ حضنى يابنت الألفى
هدير::لنفسها ايه العبط اللى هو بيقوله ده ..أقوم البس الهدوم و امرى لله ..ورجعت الحمام لبست.الطقم اللى متعلق ولبست عليه الاسدال وطلعت قعدت مكانها ..بتكلم نفسها انا هنزل أشوف أيهم فين و قامت يا دوب فتحت الباب وقبل ما تخرج من الاوضة النور قطع ..ياربى انا خايفة اوى .. بتنادى ع أيهم بصوتها كله .. يا أيهم انت فين انا مش عارفة انزل الدنيا ضلمة.. أيهم انا خايفة انت فين بقى..و رجعت قعدت مكانها ع السرير و سابت الباب مفتوح وفجأة لمحت خيال حد بيتحرك فـ التراس مرة و اتنين وبيفتح الباب الازاز علشان يدخل صرخت بكل صوتها
لااااااااااااااااااااااا الحقوووونى يا مااااامااااااااااا ما* تمو*تنييششش ابوووس ايدك والنبى سيبنى أعيييش لااااااااااااااااااااااا يا أييييييهم أيييييييهم وغطت وشها وفضلت تعيط بهستيريا
شوية و رجع النور
أيهم:: مالك ياروحى فى ايه بتعيطى ليه كدا خضتينى
هدير :: بشهقات.. ك ك كاااااان فـ حـ حـ حد هنا فـ التراس وك ك كاااان عايز يدخل ي.مو*ت.نى
أيهم:: ههههههههههههه ههههههههههههه ايه يا روحى الافلام الهندى اللى عايشة فيها دى مافيش منه الكلام ده هنا ..احنا فـ مصر يا روحى ههههههههههههه
هدير:: بغيظ..انت بتضحك وكان فـ حد عايز يدخل ي.مو*ت.نى
أيهم:: حبيبتى انا اللى كنت فـ التراس والله كنت عايز ادخل الاوضة منه لما انتى رفضتى تفتحى الباب وطبعا النور لما قطع انتى افتكرتى حد تانى عشان خيالى فـ الضلمة …خلاص اهدى خالص وتعالى نصلى يلا ركعتين لله.. ونتعشى بجد انا جعان جدا ..وشكل ماما سلوى عاملة أكل يجنن.. يلا بقى يا مجنونة ههههههههههههه.. وفعلا صلوا الركعتين و حط ايده ع راسها و قال الدعاء و شكر ربنا كتير انه جمعه بيها فـ الحلال و نزلوا اتعشوا وطلعوا دخلوا اوضتهم .
ونسيبهم احنا بقى ونمشى مالناش دعوة بيهم خاااالص
بقلمى✍️___________________لبنى دراز
نقول بعد سنة كمان حصل فيها ايه..
سافر أيهم وهدير يقضوا الهانى مون فـ الكاريبى طبعا كان شهر كله جنان فـ جنان و بعد فترة 10 شهور ربنا رزقهم بـ ولد زى القمر سموه هادى.. (اللى مش هيكون هادى خالص ..ابن أيهم وهدير طبعا) وكانت فرحة عادل بيه مش سيعاه ومافيش حد بيعرف ياخده منه حتى سلوى ..ساجد و روبى ربنا رزقهم بـ كارم ..و ده من اختيار ساجد اللى صمم يكتبه ع اسم حماه كارم تاج الدين واتفق مع روبى اول بيبى ع اسم باباها والتانى ع اسم باباه علشان ماحدش يزعل.. التوأم المشاكس خلصوا الثانوى العام وظهرت نتيجتهم وكالعادة النجاح بتفوق ..محمد اختار الكلية الحربية لانها حلمه من زمان و مصطفى دخل الهندسة حلمه يكون أكبر مهندس فـ الشرق الأوسط ويبقى صاحب أكبر شركات المعمار فـ العالم .. أيمن أخد الدكتوراه ..وأشتغل فـ الجامعة بجانب شغله فـ شركة المقاولات والنادى ومنة طبعا كالعادة بتتفوق فـ دراستها و دايما اول دفعتها لدرجة ان الدكتور الرؤوف بقى دايما ياخدها معاه المستشفى تتدرب
نرجع بقى للوقت الحالى
فـ الجامعة
أيمن بيوصل منة الكلية:: حبيبى هوصلك للمحاضرة بتاعتك و أروح عندى محاضرة واحدة هخلصها بسرعة وأرجعلك ماشى يا قلبى .
منة:: بحب ..حاضر يا حبيبى ..و ماتقلقش عليا هدير زمانها جاية بجنانها كالعادة مش هتسيبنى لغاية ما تخلص انت
أيمن:: خلاص وصلنا اسيبك بقى وألحق المحاضرة انا كمان ..هخلص بسرعة و أجيلك ..من وراه
مصطفى:: واحنا ذنبنا ايه يا دكتور يعنى ..الطلبة الغلاااابة يا بشرررر يضيعوا يعنى عشان الدكترة خايف ع المزة بتاعته
أيمن:: بص لـ مصطفى بغيظ .. ولااااا ..ايه مزة دى كمان اتلم احسنلك ..ويلا قدامى يا هادم اللذات ع المحاضرة .
مصطفى:: طلع يجرى من قدام أيمن بعد ما عاكس منة وبعتلها بوسة فـ الهوا..سلام يا مزتى..
منة:: بتضحك و لسة هترد ع أيمن اللى متغاظ من أخوها.. شافت دكتور رؤوف داخل المدرج و بيقرب عليهم بسرعة
رؤوف:: السلام عليكم ورحمة الله وبركاته
أيمن ومنة:: وعليكم السلام ورحمة الله وبركاته
رؤوف:: ازيك يا دكتور أيمن
أيمن:: بخير والله الحمدلله يا دكتور
رؤوف:: لـ منة انا جايلك مخصوص النهاردة ..عندى ليكى خبر حلو و قولت لازم أبلغك بيه بنفسى
أيمن:: خبر ايه يا دكتور خير
منة:: ساكتة و مستنية تسمع هيقول ايه
رؤوف:: بتوضيح ..شوفى ياستى انا كنت وعدتك اول ما دخلتى الكلية انى هابحث عن علاج لحالتك صح؟
منة:: بأمل بيتجدد..ايوا فاكرة وعد حضرتك
أيمن:: بنفس الأمل ..انت لاقيت علاج لحالتها بجد ؟
رؤوف:: مش بالظبط كدا
منة:: اتنهدت بخيبة أمل .. اومال ايه بس
رؤوف:: اصبرى بس اكمل كلامى
أيمن:: كمل يا دكتور سامعين حضرتك
رؤوف:: شوف يا سيدى فى مؤتمر طبى لدكتور توماس هانز و ده دكتور سويسرى مشهور اوى ومتخصص فـ علاج الحالات اللي زى منة.. والمؤتمر ده هيكون هنا الاسبوع الجاى وهيفضل حوالى اسبوع وهكون انا من ضمن الفريق المرافق ليه.. طبعا انا لسة عارف الكلام ده امبارح بالليل ..علشان كدا اول ما طلع النهار جيت جرى ع هنا رغم النهاردة مش عندى محاضرات
منة:: بجد يا دكتور يعنى انا هخف و ارجع اقف ع رجلى من تانى
رؤوف:: بصى يا منة احنا هنسعى بكل طاقتنا ويقينا بالله انه مش هيخذلنا ان شاء الله .. احنا هناخد بالأسباب والنتيجة عليه وحده.. كل اللى مطلوب منك تحضّرى الملف الطبى بتاعك ويبقى فيه كل حاجة من اول تشخيص لغاية أخر فحوصات عملتيها و لما يوصل الدكتور هيكون ملفك اول ملف هيتعرض عليه ان شاء الله ..
أيمن:: سرح شوية فـ كلام الدكتور و فـ منة اللى اتجدد لها الأمل وخاف من خيبة الامل وبيدعى ان ربنا يشفيها وترجع تقف تانى ع رجلها
منة:: بتردد وقلق ..حاضر يا دكتور الفايل هيكون عند حضرتك ان شاء الله بس لو ..
رؤوف:: بمقاطعة ..بس ايه يا منة ..قلقانة من ايه
أيمن:: فهم قلقها ..وقال هى خايفة بعد ما اتجدد الأمل عندها.. الدكتور يرفض حالتها ويقول خلاص ماينفعش ليها علاج
رؤوف:: يا دكتور أيمن ..انا لسة بقول نااااخد بالأسباب ونسيب النتيجة ع ربنا ..بلاش توتر وقلق وخليها ع الله
منة وأيمن :: ونعم بالله
رؤوف:: اسيبكم دلوقتي لان عندى عملية كمان ساعة وهستنى منك الملف يا منة ان شاء الله قبل أخر الاسبوع لان الدكتور هيكون هنا يوم الاربع الجاى يعنى بعد 7 أيام بالظبط
منة:: بموافقة ..حاضر يا دكتور هيكون عند حضرتك قبل الاربع ان شاء الله ..ودخلت منة المحاضرة وكلها أمل وحماس لمقابلة الدكتور السويسرى وبتتمنى انه يقبل حالتها
_____________________
بيت المنياوى
رجعت منة ومصطفى من الكلية وكالعادة مصطفى بيعاكس منى ومنة
مصطفى:: يا لهههههوتينى ع المزتين اللى قاعد وسطهم فييينك يا ميدو تيجى تشوف الهنا اللى أخوك فيه
منة:: ههههههههههههه لو بابا سمعك هيعلقك يا أبنى صدقنى
مصطفى:: مزة قلبى انتى يا منمن بابا مش هنا سيبينى اتفك شوية يا قلب أخوكى ولا منايا اللى كل ما تكبر تحلو ااااه قلبى الصغير لا يحتمل
منى:: بصت ورا مصطفى بمكر ..انتى جيت يا حبيبى حمد الله ع السلامة ..ههههههههههههه
مصطفى:: بخوف بص وراه ..مافيش حد ..قال بقى بتبعتينى وتشتغلينى يا ماما مااااشى يا مزتى يا قمر انتى ..بعشقك وبعشق اشتغالاتك يا منى قلبى وحياتى يااااااه لو ماكنتيش امى بس
منة:: شافت باباها واقف ورا مصطفى بيشاور بصباعه🤫 هوووس .. وقالت صاصا يا حبيبى أعقل كدا وشوف كلامك رايح فين
مصطفى:: بمعاكسة يابت اسكتى ده انا بحسد حودة ع المزة الجامدة دى ..حاجة لوز العنب و أخر جمدان ..وبص لـ منى يا منايا يا جامد انت يا جامد اه ياقلبى ااااه
منى::لـ محمود.. حمد الله ع السلامة ياروحى
مصطفى:: العبى غيرها يا مزتى ..و قبل ما يكمل كلامه
محمود:: جابه من قفاه ..سمّعنى كدا تانى ..كنت بتقول ايه
مصطفى:: لـ منة مش تزمرى و لا تطبلى اعملي اى منظر كدا ..ولـ محمود.. السماح يا كبير عيل وغلط رب يخليلك المزتين القمر دول
محمود:: انا كاااام مرة قولت ماحدش له دعوة بـ منايا وكمان بتعاكسها وبتقول عليها جامدة يا متخلف
منى:: بضحك.. خلاص يا حبيبى سيبه قالك عيل وغلط ههههههههههههه
محمود:: بتضحكى انتى ومبسوطة هاا ..فرحانة انك جامدة صح؟
منة:: بتشاور لـ محمود ..تعال بس اقولك كلمة فـ ودنك ..وبهمس بذمتك مش مزة جامدة طحن يا ابو حنفى وبغمزة ولا ايييه ههههههههههههه
محمود:: اه منك يا شقية انتى ..اعمل فيكى ايه بس
مصطفى:: جوّزها وريحنا منها يا برنس خليها توسع لغيرها
منى:: يلا بلاش دوشة روحوا غيروا هدومكم لغاية ما اجهز الغدا
و فعلا كل واحد فيهم دخل اوضته و أخدو شاور و غيروا هدومهم وصلوا فرضهم وخرجوا اتجمعوا ع الغدا ..وهم متجمعين قالت
منة:: عايزة أقولكم حاجة ..دكتور رؤوف طلب مني الفايل الطبى بتاعى خلال الاسبوع الجاى و حكت كل الكلام اللى قاله لغاية ما بلغته ان الملف هيكون عنده قبل الاربع وقالت لهم كمان انها بحثت عن اسم الدكتور توماس هانز و عرفت انه من اكبر و أهم دكاترة المخ والاعصاب فـ سويسرا وانه دكتور فـ أكبر جامعات سويسرا فـ جامعة بازل وكمان فـ مستشفى الجامعة وانه متخصص فـ علاج حالتها
محمود:: بأبتسامة أمل .. يارب يا حبيبتى يكتبلك الشفاء ع إيديه
منى:: بتمنّي.. ياااااه أخيرا يارب هعيش. وأشوف بنتى بترجع تمشى تانى
مصطفى:: بسعادة ..ده انا هعمل أحلى فرح ومش هبطل رقص وتنطيط وهنططك معايا و اطلع ع عينك القديم والجديد ههههههههههههه
منة:: بتنهيدة قلق.. ممكن تهدوا شوية وتصبروا لما الدكتور توماس يوصل ويشوف التقارير بتاعتى الاول ..مش يمكن يرفض حالتى اصلا
محمود:: بأستغراب.. وليه يرفض حالتك ..يابنتى تفائلى بالخير
وفضلوا يتكلموا كتير وكلهم أمل وتفاؤل ان منة هتخف وترجع تمشى تانى بإذن الله
______________________
و عدى الاسبوع و وصل الدكتور توماس و رحب بيه جدا دكتور رؤوف
د/ رؤوف::Welcome, Dr. Thomas, to your second country, Egypt
بترحيب..اهلا بك دكتور توماس فـ بلدك التانى مصر
د/توماس:: Thank you, Dr. Raouf. I am very happy that I am here. This is my first visit to your country
شكرا لك دكتور رؤوف فـ انا سعيد للغاية اننى هنا فهذه أول زيارة لى لبلدكم
د/ رؤوف:: Oh really ? I didn’t know it was your first visit to Egypt
حقاً ؟ لم أكن أعلم انها الزيارة الاولى لك الى مصر
د/ توماس :: It’s really my first visit and it won’t be the last my dear..I wish I could come here a lot and now my wish has come true.
انها حقاً اول زيارة لى ولن تكون الاخيرة عزيزى ..فأنا كم كنت أتمنى ان أتى الى هنا كثيراً وها قد تحقق ما كنت اتمناه
د/رؤوف :: God willing, it will not be the last visit..Welcome again. It was a pleasure to visit you and now let’s start work
أن شاء الله لن تكون الزيارة الاخيرة ..أهلا بك مرة أخرى سعدنا بزيارتك و الان دعنا نبدأ العمل
د/ توماس:: You told me that you have a female student who was injured in the spine, which led to her inability to move .. Are her reports available for me to review
قولت لى انك لديك طالبة أصيبت فـ العمود الفقري مما أدى إلى عجزها عن الحركة ..فهل تقاريرها موجودة لـ أطلع عليها؟
د/رؤوف:: Certainly..I made sure to have this file before you first..because the matter of this student is very important to me, as she is one of the most important students to me.
بكل تأكيد ..فأنا حرصت ان يكون هذا الملف أمامك أولا.. لان شأن هذه الطالبة يهمنى جدا فهى من أهم الطالبات لدى
د/توماس:: If you give me this file, I will study it and write my report on its condition and what we have to do
أذا أعطينى هذا الملف اقوم بدراسته و أكتب تقريرى عن حالتها و ما علينا عمله
د/رؤوف:: Thank you, Dr. Thomas.. I hope there is a cure for her condition and she can walk again
شكرا لك دكتور توماس ..اتمنى ان يكون هناك علاج لحالتها و تعود للمشى مجدداً
د/توماس:: I hope so
اتمنى ذلك
بقلمى✍️______________لبنى دراز
تفتكروا الدكتور هيقبل حالة منة ويعالجها ولا هيرفضها ؟؟؟
طيب تفتكروا لو الدكتور هيقبل حالتها وعالجها هتخف ولا هتفضل زى ماهى؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
