رواية موعد مع القدر (تحدي الإعاقة) الفصل السادس والعشرون 26 بقلم لبنى دراز
رواية موعد مع القدر (تحدي الإعاقة) البارت السادس والعشرون
رواية موعد مع القدر (تحدي الإعاقة) الجزء السادس والعشرون
رواية موعد مع القدر (تحدي الإعاقة) الحلقة السادسة والعشرون
النفسُ تبكي على الدنيا وقد علِمت أنّ السعادة فيها ترك ما فيها لا دارٌ للمرءِ بعد الم..وت يسكُنها إلّا التي كانَ قبل الم..وتِ بانيها فإن بناها بخير طاب مسكنُه وإن بناها بشر خاب بانيها أموالنا لذوي الميراث نجمعُها ودورنا لخر..اب الدهر نبنيها
💕🌱💕🌱💕🌱💕🌱💕🌱
ڤيلا الشرنوبى
بعد ما هيثم وتامر خلصوا إجراءات استلام ج.ثة ماهى قرروا يبلغوا شهد الاول علشان تمهد لـ عصام ونشوى واتصل بمراته وبيرن عليها مرة واتنين واخيرا ردت
هيثم:: بزعييق ..الووو ايييه كل ده عشان تردى
شهد:: بهدوء أسفة يا حبيبى كنت بطلع عمى اوضته تعب من القعدة تحت وما سمعتش الفون
هيثم:: طيب اسمعينى كويس يا شهد الله يخليكى ومش عايز اى رد فعل غبى خدى الكلام بهدوء
شهد:: انا غبية يا هيثم ربنا يسامحك ..
هيثم:: مش وقتك خالص اسمعى ..ماهى انض.ربت بالر..صا..ص و ما..تت
شهد:: شهقت وبصريييخ ..انت بتقول ايييه يا هيثم ..انتبهت لها نشوى اللى قاعدة ماسكة الموبايل بتبص فيه
هيثم:: بعصبية ..قولتلك مش عايز رد فعل غبى ..حاولى تهدى وتمهدى الخبر لـ بابا وطنط نشوى لغاية ما نستلم جث.تها من المش.رحة ونيجى علشان ندفنها
شهد:: بعياط .. من بين شهقاتها حـ حـ حاضر هحاول وقفلت الخط وفضلت مكانها مش عارفة تعمل ايه وانتبهت ع صوت
نشوى:: بغرورها المعهود.. مالك يا بنت فى ايه ..ماله هيثم
شهد:: مش عارفة تقولها ايه بس سكتت شوية و رجعت قالت ..هو انا ممكن أسألك سؤال
نشوى:: سؤال ايه اخلصى
شهد:: هو انتى قلبك مش واجعك؟؟ ..ماحستيش بحاجة يعنى واجعة قلبك؟؟
نشوى:: بتكبر ..انتى اتجننتى يا بنت ..عايزانى اتعب وقلبى يوجعنى ..شكلك عايزة تخلصى مني
شهد:: ابدا والله يا طنط ..بس كنت عايزة أسألك سؤال تانى معلش
نشوى::بزهق.. لااا بقى كدا كتير
شهد:: معلش يا طنط استحملينى شوية
نشوى:: اخلصى زهقتينى من اسئلتك الغبية دى اللى شبهك
شهد:: حاضر هقولك اهو ..هو لو فى حد شايل عندك أمانة وحب ياخدها تانى هتزعلى ولا هتتقبلى الموقف ببساطة
نشوى:: أكيد مش هزعل يعنى ..لانها تخصه
شهد:: طيب يا طنط ربنا استرد امانته اللى كانت عندك ..ممكن ماتزعليش،
نشوى:: بعدم فهم ..بنت انتى بتلفى و تدورى ليه انا مش فاهمة منك حاجة.. قولى عايزة ايه ع طول من غير لف و دوران
شهد:: البقاء لله ..ماهى تعيشى انتى
نشوى :: بصت لها اوى و ساكتة بتحاول تستوعب هى قالت ايه.. وشوية سألتها انتى بتقولى ايه يا بنت انتى ماهى مين اللى أعيش انا دى
شهد:: بدموع.. ماهينار يا طنط ما..تت
نشوى::بزعيييق.. انتى كداااااابة كداااااااادبة ..ماهى فـ النادى و زمانها راجعة يااااااا كدااااااااابة ..لما ترجع هخليها تربيكى بنفسها يا جر..بوعة
شهد:: أرجوكى أهدى هيثم هيجيبها هو وتامر بعد ما يخلصوا الإجراءات علشان تندفن
نشوى:: بهستيريا وصرييييخ بنتى انا ما..تت ..ماهى خلاص ازاااااااى ..لااااااااااااااااااااااا مش ممكن مستحيييييييل انتى كدااااااااااابه كداااااااااابة سامعة دلوقتي تلاقيها داخلة حتى بصى هرن عليها يا كدابة وهترد عليا ..ومسكت موبايلها ترن ع بنتها ..الفون مغلق ..قعدت مكانها تصرخ فـ شهد ..عصام سمع صريخها وقام يتسند ع الحيطان من تقل رجله و نازل السلم واحدة واحدة
عصام:: بتوتر ..فـ فى ايه م م مالك يااا نـ نشوى بتصرخى ليه
نشوى:بهيستريا ضحك اسسسسكت البنت دى بتقول ماهى ماااتت ههههههههههههه ههههههههههههه شوووفت يا عصام بتكدب علينا ازااااى ههههههههههههه كدااابة ماااهى فـ النادى يا حييييوااااااانة انتى ههههههههههههه و زمانها جاية ههههههههههههه
فـ نفس اللحظة دخل هيثم وتامر رايحين لـ عصام ونشوى وحاطين وشهم فـ الارض وبيداروا دموعهم بص ليهم
عصام:: بخوف بيشاور بأيده اللى بتترعش ع شهد و بيقولهم الكلام اللى قالته شهد ده مظبوط
تامر:: بدموع ..أيوة يا بابا مظبوط ماهى م..اتت ..انض.ربت بالر..صا..ص فـ النادى
عصام:: بصدمة.. انض.ربت بالر..صا..ص ؟ لييييه
هيثم:: بتأكيد.. بسبب الحادثة اللى دبرتها هى ونادر وحكى اللى حصل كله لـ أبوه
عصام ونشوى بيسمعوا وفجأة شافوه بؤقه بيتعوج والرعشة بعد ما كانت فـ ايده بس زادت وبقت فـ جسمه كله و وقع أغمى عليه ونشوى زادت عليها هيستريا الضحك وتقول كلام مش مفهوم والاتنين اصبحوا فـ حالة يرثى لها وتامر وهيثم مش عارفين يعملوا ايه
شهد:: بدموع ..لـ هيثم روح ادفن اختك إكرام المي.ت دفنه.. وانا هتصل بالاسعاف تيجى علشان عمى وطنط ماتشغلش بالك انت
بقلمى✍️__________________لبنى دراز
بعد مرور سنتين حصل فيها احداث كتير
التحقيقات مع نادر اثبتت ان عصام الشرنوبى رغم كل بلاويه مالوش علاقة بحادثة منة و أيمن.. واتحكم ع نادر بالسجن المشدد خمس سنين وغرامة 10000 جنيه بتهمة التدبير للحادث
عصام بعد ما اتنشر فـ الجرايد و السوشيال ميديا خبر مق.تل بنته ع إيد رجال الأمن اثناء القبض عليها بتهمة التح..ريض ع الق.تل وكمان اتعرفت كل جرايمه وبلاويه اللى عملها صحيح سقطت بالتقادم وما اتحاكمش عليها انما الحكم العدل مش بتسقط عنده الجريمة أبدا وكان لازم يتحاسب ودعوة المظلوم تنتصر حتى بعد سنين طويلة خسر كل شركاته واملاكه واصبح اسير كرسى متحرك مشلول وعاجز تحت رعاية اولاده ..نشوى السلحدار اتجننت بعد موت ماهى وبقت بتهذى دايما بكلام مش مفهوم ومرة تصرخ ومرة تضحك ومرة تسيطر عليها فكرة انها هى اللى قت.لت بنتها وأخيرا هيثم دخلها مصحة للامراض العقلية والنفسية و سابها واخدت جزائها هى كمان و زى ما حرمت عايدة من ولادها ربنا حرمها هى كمان من بنتها وكما تدين تدان ..هيثم ندم كتير بسبب اللى عمله بس اقتنع فـ النهاية ان دى نهاية كل ظالم و أبوه وأخته وأمها ظلموا ودى نهايتهم الطبيعية و ابتدا من جديد هو و تامر و وقفوا ع رجليهم من تانى و مش سايبين أبوهم بيراعوا ربنا فيه رغم كل اللى عمله معاهم.. بس أمهم زرعت فيهم بذرة خير ولازم تطرح خير ..شهد ولدت بنت جميلة و أسمها عايدة كانت فرحة البيت كله ..تامر اتجوز زميلته فـ الشغل وعايش حياته بسعادة وحاليا مراته حامل..ساجد و روبى اتجوزوا ورغم انه جهز ڤيلا صغننة علشان يعيش فيها..الا انه عشان خاطر روبى مقسم وقته يومين فـ ڤيلته وباقى الاسبوع يروحوا بيت باباها علشان مايفضلش لوحده .. أيهم وهدير زى ما هما ع طول مشاكسات مع عادل و دايما بيلسعه ع قفاه رغم انه بيحبه جدا وكل يوم بيمر بيتأكد انه اختار لـ بنته الراجل المناسب والصح بس برضوا مصمم مافيش جواز قبل نهاية الـ3 سنين..وأخيرا أيمن ومنة اللى زاد الحب بينهم أكتر..منة تفوقت كالعادة فـ دراستها و أول دفعتها من أول سنة فـ الكلية وكمان أخدت الدورى و الكاس بجدارة وتم أختيار فريق الارادة والتحدى للمشاركة فـ بطولة الالعاب البارالمبية بعد تفوقهم فـ التصفيات و النهاردة هتسافر مع الفريق علشان تشارك فـ البطولة اللى ياما حلمت بيها
_______________________
بيت المنياوى
محمود بيستعد علشان يوصل منة ومنى النادى علشان يسافروا وقام بدرى جهز لهم الفطار وأخد شنطهم نزلها العربية وطلع علشان يصحيهم شاف منى طالعة من أوضتهم
منى:: بسعادة ..صباح الخير يا حبيبى
محمود::صباح الورد يا قلبى.. كل ده نوم.. انا صاحى من بدرى يا هانم.
منى::يا حبيبى ليه بس صاحى من بدرى..لسة الميعاد شوية عليه
محمود:: بسعادة وقلق فـ نفس الوقت.. عايزة الصراحة انا مانمتش اصلا من فرحتى أن منة اخيرا هتحقق حلم عمرها بس فـ نفس الوقت قلقان وخايف عليها ..مش عارف شعور غريب ومختلط بالفرحة والسعادة وقلق وخوف
منى:: محمود يا حبيبي متخافش عليها منة قوية جدا وأتحدت اصعب الظروف طول السنتين اللي فاتوا و النهاردة بتحقق أهم أحلامها وبعدين يا سيدى انا وأيمن معاها قلقان ليه بقى
محمود:: يا منمن يا روحى انا قلقان انها ماتحققش الهدف اللى هى رايحة علشانه انما غير كدا لا عارف انك معاها وكمان أيمن بيحبها وبيخاف عليها وأكيد هيخلى باله منها اكتر منك كمان ههههههههههههه
منى:: يا سلام يا سي محمود ..ده مين ده اللى يخلى باله من بنتى أكتر مني
محمود:: بضحكة ..شغل الحموات ابتدا اهو بقى ههههههههههههه خفى ع الواد شوية ههههههههههههه
منى:: بغيظ مصطنع ..بقى أنا بعمل شغل حموات أنا ..جاى بعد سنتين تقولى الكلام ده يا استاذ
محمود:: ما هو خلاص يا حبيبتى قرب ياخدها بيته ..علشان كدا هتبتدى تسني أسنانك عليه ههههههههههههه
منة:: بسعادة ورضا ..صبااااح الخييير يا حلوييين ..الله الله بتضحكوا من غيرى كدا ..دى خيااانة عظمى ههههههههههههه
مصطفى ومحمد:: ماتضحكونا معاكم أجودعان ههههههههههههه
محمود:: بصراحة أمكم هتبتدى تعمل حماة ع أيمن وتطلع عليه القديم والجديد ههههههههههههه
منة:: بشهقة ..هييييييي..ليه كدا بس يا منايا انا .بتبص لـ محمود بغمزة
محمود:: بنت وبعدييين معاكى ولا عشان مسافرة يعنى .. وبيمسكها من ودانها براحة ..لأ دى منايا انا وبس فاهمة يا شقية ولا لأ
منة:: بتصنع الوجع ..أى أى ودانى يا حووودة ههههههههههههه
محمد :: يلااا بينا بقى نروح النادى علشان نوصل منة وماما
مصطفى:: ناكل الاول ..انا جعااااان وعايز افطر يابشر ههههههههههههه
منى:: يلا يا حبايبى الفطار جاهز بابا مجهزه بنفسه النهاردة
محمد ومصطفى ::فـ نفس الوقت اوباااااا البوص بنفسه لااااا ده اكيد فطار ملوكى
وفعلا قعدوا و فطروا والوقت كالعادة كله فرحة وضحك وسعادة ..وبعد الفطار نزلوا كلهم علشان يوصلوا منة ومنى النادى علشان يسافروا
بقلمى✍️________________لبنى دراز
بيت عادل الألفى
هدير بنرفزة مع شقاواة بتنادى ع باباها ومامتها
هدير:: يااا بابتى ..ياااامامتى يووووه يلا بقى عايزة ألحق اشوف منة قبل ما تسافر
عادل:: صباح الخير يا شقية مالك متنرفزة ليه ع الصبح
هدير:: يا بابتى يعنى مش عارف ان منة مسافرة و هتغيب كتير عشان البطولة ..عايزة أروح اشوفها واسلم عليها
سلوى::يا ديدى يا حبيبتى لسة بدرى ..ميعاد الباص يطلع من النادى الساعة 1 بعد الضهر
هدير:: يا مامتى بقى عايزة ألحق اقعد معاها شوية قبل ما تروح المطار
عادل:: يا ديدى يا قلب بابا اكيد الكام ساعة دول مافيش فيهم وقت ليكى و الأكيد انها هتكون مع باقى البعثة اللى هتسافر علشان اى تعليمات جديدة او معلومات عن البلد اللى رايحينها
هدير:: بتزمر ..يووووه بقى يعنى هتغيب عنى شهر وكمان مش هعرف أقعد معاها قبل ما تسافر
سلوى:: بأستغراب ..شهر !! ليه شهر ؟
هدير:: عشان يا ماما هتدخل معسكر الاول 15 يوم تجهيز وتحضير وبعدين البطولة 15 يوم كمان ..وبحزن .دى أول مرة هتبعد عنى المدة دى كلها
عادل:: طيب يلا يا شقية حضرى الفطار وبعد كدا هنروح كلنا النادى علشان نسلم عليها
هدير:: بفرحة ..هيييه يعيش دولا ..يعيش دولا ..حبيبي حبيبى حبيبى
سلوى:: بضحك..يا بكاشة بقى دولا هو اللى حبيبك برضوا ..ههههههههههههه
عادل:: بغيظ لـ سلوى..اه انا بس اللى حبيبها عندك اعتراض يا هانم ؟
سلوى:: ههههههههههههه تؤتؤتؤ انا اقدر اعترض برضوا ههههههههههههه
هدير:: بضحك.. ايه يا دكترة جبتى ورا ليه ياااا مامتى ههههههههههههه
عادل:: يلا يا قلب بابا سيبك منها وتعالى فـ حضنى كدا و احنا بنفطر خلى الأكل يبقى له طعم
سلوى:: بنفاذ صبر منهم كالعادة.. وبصت لـ عادل يعنى انت هتفضل كدا لغاية امتى بس يعنى عايزة افهم ليها سنتين مكتوب كتابها والولد ريقه نشف علشان توافق يتجوزوا
عادل:: بغيظ..انا اتفقت معاه ع 3 سنين فاضل سنة هيصبر ولا أركب دماغى وأقول مافيش جواز قبل التخرج ..قال ريقه نشف قال ..وبهمس لنفسه سمعته سلوى..هو لسة شاف حاجة ان ما وريته الجبلة ده
سلوى:: الصبر من عندك يارب ع عادل و عمايله
عادل:: ادعى كمان وكمان برضوا مش هجوزهاله قبل ما تكمل الـ 3 سنين بس ها
وكالعادة المشاكسات مش بتنتهى بينهم وفعلا بعد الفطار راحوا هم كمان ع النادى علشان يسلموا ع منة قبل السفر
_______________
فـ بيت أيمن
أم أيمن من بدرى صاحية بتحضر الشنطة لـ أيمن وكمان ساندويتشات كتير ليه ولـ منة و مامتها و سمعت باب اوضته اتفتح
أيمن:: صباح الفل يا ست الكل وباس راسها وإيدها
فادية:: صباح الخير يا حبيبى ..نمت كويس؟
أيمن:: انا نمت كويس اوى ..بس انتى اللى شكلك مانمتيش خالص يا حبيبتى
فادية:: لا يا حبيبى انا نمت شوية وصحيت أصلى الفجر وقولت اجهزلك حاجتك وكمان شوية ساندويتشات كدا ع الماشى عشان تاكلوها فـ الطريق
أيمن:: ههههههههههههه ساندويتشات ايه بس يا فوفة هو احنا طالعين أكوا بارك ده سفر يا أم أيمن طويل ..ماينفعش فيه الكلام ده
فادية:: واد انت انا عملتهم خلاص وهتاخدهم معاك فاهم .. وكمان عملت حساب مراتك وحماتك ويلا بقى بلاش غلبة وأفطر علشان ننزل
أيمن:: تسلم ايدك يا ست الكل ياقمر انتى ياقمر…وحاضر يا حبيبتى هاخدهم ..بس قوليلى انتى ناوية تنزلى معايا ولا ايه
فادية:: طبعا يا حبيبي علشان اروح اسلم ع منة و مامتها و اودعكم و أدعيلكم ترجعوا بالسلامة و كسبانين ان شاء الله
أيمن:: باس أيدها ربنا يبارك لنا فيكى و فـ دعواتك ياقمر يا فوفة قلبى يارب
وفعلا فطروا ونزلوا راحوا ع النادى زى الباقيين
بقلمى✍_______________لبنى دراز
فـ النادى ..
الكل أتجمع علشان يسلموا ع منة اللى مسافرة تحقق حلم عمرها وبيتمنوا ليها ترجع بالمركز الأول والميدالية الدهب وكاس البطولة ومعاها طبعا المرافقين منى مامتها و أيمن بصفته جوزها وأخيرا
منة:: بتستأذن منهم.. معلش بقى ياجماعة مضطرة أسيبكم كابتن أحمد بيشاور عايزنى
أيمن:: قام استأذن علشان يوصلها لـ اوضة اجتماع الفريق
علشان التعليمات الأخيرة قبل السفر
بعد ما اجتمعت منة مع فريقها وفهموا هيعملوا ايه ويتعملوا ازاى مع باقى المجموعة اللى مسافرين معاها.ابتدت تسلم ع حبايبها علشان خلاص
محمود:: قلب بابا و اجمل ضحكة عايزك تركزى وماتفكريش غير فـ حلمك وبس
منة:: بدموع ..حبيبى متخافش هرجع بالكاس ان شاء الله ماتقلقش عليا
هدير:: بخوف وقلق مصحوب بدموع ..حضنتها ..اول مرة تبعدى عنى ..كان نفسى اسافر معاكى ..
منة:: ديدى بطلى عياط بقى اكيد مش هغيب كتير ده الحكاية شهر وهيعدى بسرعة
هدير:: يا سلام ياختى و هو الشهر قليل ..دول 30 يووووم عارفة يعنى أيه 30 يووووم يعنى 720 ساعة يعنى 43200 دقيقة يعنى 2592000 ثانية ده كتير اوى ده
منة:: بضحكة صافية ..ياخبر يا ديدى انتى حاسباها بالثانية
هدير:: وبالفنتو ثانية وحياتك .. وبحزن. منة ما تتأخريش عليا
أيمن:: لـ هدير ..أنا بقول بلاش نسافر احسن ونقعد جنبك ولا ايه رأيك
هدير:: يااااريييت ..ههههههههه
أيمن:: لـ أيهم انت يا عم انت شوف مراتك دى خلينا نمشى
أيهم:: ما تمشوا يا عم حد حاشكم ..و بص لـ هدير يلا يابنتى بينا
وبعد ما الكل سلم على منة باباها محمود والتوأم المشاكس وعادل وسلوى وحماتها فادية وأيهم وهدير وكمان ساجد و روبى وحتى زميلاتها فـ فريق أيمن الكل ودعها بالدعاء واتمنولها ترجع كسبانة.. مشيت فـ الاوتوبيس المخصص لهم علشان يطلعوا ع المطار ..
وطبعا لان سفر البعثة الرياضية البارالمبية حدث مهم جدا ..كان فى صحافيين وأعلاميين كتير بتغطى سفرهم وبعد يوم طويل أخيرا سمعت منة
حضرات السادة المسافرين ، يرجى الإنتباه ، هذا هو النداء الأخير ، تعلن مصر للطيران عن قيام رحلتها رقم 342 والمتجهة إلى طوكيو على السادة المسافرين التوجه إلى بوابة G9
بقلمى✍️_________________لبنى دراز
فـ النادى
قعدة هدير بتعيط ع فراق منة
أيهم :: بنفاذ صبر.. يا هدير يا حبيبتى ممكن افهم بتعيطى ليه دلوقتي
هدير:: بشهقة ..أء أء اول مرة منة تسافر وتبعد عنى شهر بحاله
أيهم:: هدييير ..يا ماما اتعودى يا حبيبتى ..منة مش هتفضل جنبك تديكى الرضعة ..اومال لما نتجوز هتعملى ايه
هدير:: بصدمة.. نتجوز؟ قصدك ايه ..أوعى تقووول
أيهم:: نهاااار أسووووس ..اتصدمتى ليييه يابت انتى هو انا هفضل اللى باقى من عمرى كاتب كتابى بس.. ايه ياختى هنقضيها بالمراسلة ولا ايه يا بنت عادل
عادل:: لسع أيهم ع قفاه ..مالك يا جبلة انت بـ البت
أيهم:: بقولك يا دولا خليك.
حلو بقى يا ابو نسب وجوزنى البت خلينى اتلم عليها وأخدها و أسافر شهر زى جوز القرود اللى سافروا دول
عادل:: بغلاسة ..لأ
أيهم:: ليه بس يا عمى ..بجد بقى تعبت من القعدة لوحدى لله يا شيخ وافق..
عادل:: بتفكير ..امممممم ..بص ياض انت رغم انك استعجلت ع رزقك بس خلاص قررت أحن عليك و أوافق أول ما ترجع منة بالسلامة وكسبانة ان شاء الله هحددلك ميعاد جوازك يلا
أيهم ::والنبى بجد يا عمى هتجوزنى هدير لما منة ترجع . قول والنبى بتتكلم بجد
هدير:: لـ عادل ..ألحق يا بابتى أيهم اتهطل ..مش مصدق انك وافقت ان …وسكتت شوية بتستوعب ..ايه انت قولت ايه انا وأيهم هنتجوز الشهر الجاى
عادل:: بضحك ع الاتنين ههههههههههههه انا ماقولتش الشهر الجاى انا قولت لما منة ترجع كسبانة البطولة ان شاء الله هحدد ميعاد جوازكم ..ترجع ايييييه كسبااااانة ههههههههههههه
بقلمى✍️_______________لبنى دراز
فـ الطيارة ع بعد اميال من الارض رايحة لحلمها
منة:: ياااااااه أخيرا أول خطوة لتحقيق حلمى
منى:: ان شاء الله توصلى وتحققيه وترجعى بالمركز الأول زى ما بتتمنى
أيمن:: بثقة..ع فكرة بقى يا ماما انا واثق انها هتكسب وهترجع بالكاس
منة:: انا قلقانة أوى يا أيمن ..البطولة مش ساهلة و الدول المنافسة قوية
أيمن:: حبيبتى وأحنا فريقنا قوى وقوى جدا كمان
منة:: تعرف يا أيمن انا اول مرة أركب طيارة ههههههههههههه كنت خايفة منها بس طلعت حاجة جميلة خالص ومريحة
أيمن:: الطيارة وسيلة مواصلات والله عادية مش بتخوف خالص ..المهم بقى تعالى نشوف ساندويتشات الست أم أيمن اخبارها ايه ههههههههههههه
منة:: ماما فوفة دى والله عسل ..كل دى ساندويتشات ده كأننا مهاجرين فـ بلاد المجاعات ههههههههههههه
منى:: نامت فـ الطيارة بسبب سهرها وقلقها طول الليل
منة وأيمن فضلوا يرغوا لغاية ما سندت راسها ع كتفه ونامت وحاوطها بدراعه وسند راسه ع راسها ونام هو كمان وأخيرا وصلت الطيارة طوكيو بعد 11 ساعة تقريبا
كابتن أحمد:: حمد الله ع السلامة يا جماعة ..
كلهم ردو عليه الله يسلمك يا كابتن..
كابتن أحمد:: النهاردة طبعا احنا تعبانين من السفر . هنروح الاوتيل نرتاح ومن بكرة ان شاء الله هنروح المعسكر وهنبتدى تدريباتنا النهائية اوك
منة :: أن شاء الله.. بس معرفش ليه اول ما وصلت حسيت بحماس و تفاؤل رغم القلق اللى مسيطر عليا
كابتن :: هو ده بالظبط ..المشاعر الملخبطة دى نتيجة طبيعية لان البطولة مش ساهلة ..بس اللى متأكد منه انك قدها وهتقدرى توصلى بفريقك للنهائى
منة:: أن شاء الله يا كابتن أوعدك هحاول ع قدر ما أقدر
كابتن أحمد:: دلوقتي وصلنا الفندق و كل لاعبة معاها المرافق بتاعها ليهم اوضة هندخل كلنا أوضنا نرتاح وطبعا ظبطنا ساعاتنا الساعة 7 صباحا الكل يكون موجود فـ الريسيبشن علشان نتحرك للمعسكر وهنفضل هناك 15 يوم تمام
اللاعبات كلهم تمام يا كابتن ..وكلهم اتحركوا بالفعل ع أوضهم
أيمن:: بيساعد منة علشان تروح أوضتها هى ومنى ..يلا يا حبيبى تعالى اوديكى اوضتك
منة:: بخجل ..وانت أوضتك فين ..
منى:: بهزار. ومكر ..مالوش أوضة ..هيقعد معانا
منة:: ببلاها ..هاااا
أيمن:: كاتم الضحكة..مش انا وماما المرافقين معاكى؟ ..انتى ما سمعتيش كابتن أحمد قال ايه
منة:: بخجل أكبر ..لالالالا مستحيل ماينفعش
منى:: ليه يا منمن ماينفعش أيمن جوزك
منة:: بتوتر ..لا يا ماما ازاى بس لا لازم يكون له اوضة لوحده
أيمن:: بحزن مصطنع ..افهم من كدا انك مش عايزانى معاكى فـ اوضتك يعنى ما بتحبنيش ..خلاص بقى انا هرجع مصر وبيمثل انه هيمشى وبيلف ضهره بيضحك ع شكلها
منة :: أيمن ..ماتزعلش مني بس أرجوك ماتمشيش وتسيبنى
أيمن:: لف وشه ليها ورسم عليه الحزن ..لا زعلان منك انتى مش عايزانى معاكى فـ الاوضة كام يوم وكمان ماما معانا ..اومال هتعملى ايه بقى لما نبقى فـ بيتنا لوحدنا ولا كمان هتقولى لا ما ينفعش ها قولى بقى
منة:: بقلة حيلة ..يا أيمن احنا لسة مش عملنا الفرح وكمان بابا واثق و مطمن اننا كل واحد فـ اوضة ..ازاى بس نكون فـ أوضة واحدة
منى:: خلاص مش قادرة تمسك نفسها ههههههههههههه ههههههههههههه انتى صدقتى انه هيكون معانا فـ نفس الاوضة يا هبلة..
أيمن:: ههههههههههههه لأ لو سمحتى يا ماما ماتقوليش ع منونة حبيبتى هبلة دى ست البنات كلهم
منة:: بغيظ.. امممم بقى كدا بتشتغلونى يعنى ههههههههههههه
منى:: ع فكرة بقى هو فعلا كان هيبقى فـ الاوضة معانا بس هو رفض وهيبقى مع كابتن أحمد فـ الأوضة
أيمن :: يلا بقى يا قلبى تعالى ارتاحى و هطلبلكم العشا واروح اوضتى ارتاح انا كمان
منة:: بخضة ..عشا لاااااا مش قادرة اكلت كتييير اوى فـ الطيارة ..انا عايزة انام وبس علشان اصحى بدرى
منى:: بتأكيد ماتطلبش لينا عشا.. بصراحة الساندويتشات بتاعة مامتك جبارة تسلم ايديها بجد حاجة لا تقاوم.. احنا هنرتاح علشان نقدر نكمل الصبح
أيمن:: طيب اسيبكم ترتاحوا و أذا احتاجتوا حاجة اوضتى قريبة منكم ابعتولى ع طول
خرج و سابهم يرتاحوا و راح اوضته هو كمان يرتاح و يكلم أمه يطمنها انه وصل .. وراحت منى. كمان تتصل بمحمود تطمنه ع وصولهم
بقلمى✍️_________________لبنى دراز
فـ مصر بيت المنياوى
محمود قاعد مستنى اتصال منى علشان يطمن عليهم و شوية و رن موبايله
محمود:: الووو..منايا حبيبتى طمنينى عاملين ايه
منى:: الحمدلله يا حبيبى كل حاجة كويسة والبلد شكلها تحفة الطريق من المطار للأوتيل غاية فـ الروعة
محمود:: بقلق.. ومنة كويسة انا عارف الرحلة طويلة وممكن تتعب من طول الوقت والمسافة
منى :: بتطمنه .. حبيبى ماتقلقش منة زى الفل وأيمن ماسابهاش لغاية ما دخلنا الاوضة و حطها فـ سريرها كمان و راح اوضته يرتاح علشان هنروح بكرة بدرى ع المعسكر
محمود:: هتفضلوا كام يوم فـ المعسكر
منى:: هنقعد 15 يوم تقريبا وهنرجع قبل الافتتاح بيوم
محمود:: خلاص ياحبيبتى تبقى طمنينى عليكم من وقت للتانى
منى:: طمنى يا محمود صاصا و ميدو فين ..
محمود:: من وقت ما رجعنا بعد ما مشيتوا وهما حابسين نفسهم فـ أوضتهم طلعتهم بالعافية علشان يتغدوا و دخلوا تانى بيقولوا البيت وحش من غير ماما ومنة
منى:: ناديلهم يا محمود اكلمهم اطمن عليهم
محمود:: حبيبتى ارتاحى النهاردة اكيد تعبانة من السفر و بكرة ان شاء الله كلميهم
منى:: خلاص يا حبيبى ..سلملى عليهم و بوسهملى و خلصت اتصال مع جوزها و قفلت الخط وراحت تنام عشان تصحى بدرى لـ منة
___________________
أيمن فـ أوضته بيتصل بـ أمه و يطمنها ويطمن عليها
فادية:: سمعت جرس موبايلها وردت بسرعة ..الووو يا حبيبى وحشتنى يا ضنايا طمنى عليك
أيمن :: بضحكة لحقت اوحشك يا فوفة انا لسة ما كملتش 13 ساعة سايبك ..
فادية :: يا حبيبى انت بتوحشنى ع طول ..طمنى عليك يا قلب أمك
أيمن:: يا حبيبتى انا زى الفل ما تقلقيش طمنينى انتى عليكى يا ست الكل ..جوز الخيل اللى عندك دول بيسألوا عليكى ولا ما صدقوا انى سافرت
فادية::ما تقلقش يا حبيبى أيهم وساجد مش سايبني .. والست أحلام جارتنا موجودة أهى هتونس معاها يا أبنى ماتشغلش بالك ..المهم بس طمنى ع منة عاملة ايه من السفر الطويل ده
أيمن:: يا حبيبتى منة كويسة و بخير و بكرة ان شاء الله هتروح المعسكر تقعد أسبوعين ولو جات فرصة هخليكى تكلميها وتطمنى عليها بنفسك
فادية:: بأطمئنان..خلاص يا قلب أمك الحمدلله انكم وصلتوا بالسلامة..أبقى بس طمنى عليكم كل لما تلاقى فرصة ياحبيبى ما تسبنيش قلقانة عليكم
أيمن:: حاضر يا حبيبتى من عيونى أنتى تؤمرى أمر يا فوفة قلبى ..يلا اسيبك بقى أروح انام علشان هصحى بدرى أوصل منة لمعسكرها ..أسيبك فـ رعاية الله يا أمى
وقفل أيمن الخط مع أمه و راح ينام علشان يرتاح ويصحى بدرى يبدأ اليوم من أوله مع حبيبته
___________________
وأخيرا صفر الحكم بنهاية مباراة النهائى وختام البطولة والنتيجة لـ صالح……..؟؟؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
