رواية موعد مع القدر (تحدي الإعاقة) الفصل الثاني والعشرون 22 بقلم لبنى دراز
رواية موعد مع القدر (تحدي الإعاقة) البارت الثاني والعشرون
رواية موعد مع القدر (تحدي الإعاقة) الجزء الثاني والعشرون
رواية موعد مع القدر (تحدي الإعاقة) الحلقة الثانية والعشرون
أجمل ما في الحياة أن تتقاسمها مع شخص يعرف معنى وجودك معه يعرف صدق شعورك له يخلص في غيابك يبحث عنك حتى في وجودك.
🌱💕🌱💕🌱💕🌱💕🌱💕🌱
ان الله قد خلق لكل روح من الأرواح روحًا أخرى تماثلها وتقابلها وتسعد بلقائها.
حين نهب لأرواحنا أشياء تحبها هي لا تنتهي بل تزهر من جديد.
تحدى الإعاقة بقلمى👇__________لبنى دراز
فـ النادى
تانى يوم قراية الفاتحة قاعدين أيمن وأيهم ومنة وهدير بيختاروا الفساتين والبدل اون لاين علشان الخطوبة وكمان القاعة
هدير:: بزهق..لـ أيهم انا مش عاجبنى اختار اون لاين ..عايزة احس انى عروسة كدا وانزل اتسحل واتمرمط وانا بدور ع فستان خطوبتى
أيهم:: بتعجب ..بتحبى المرمطة انتى!!
هدير :: أينعم ..انا بمووووت فـ المرمطة ..تحس كدا الحاجة ليها طعم لما تيجى بالسحل والمرمطة ..انما تيجى بالساهل كدا تؤتؤتؤ مش حلوة تروح بسهولة
أيهم:: اممممم ..انا شوفت الدماغ دى فييين قبل كدا
أيمن:: ههههههههههههه دى دماغ عادل الالفى
منة:: بتأكيد فعلا عمو عادل وبابا دايما بيقولوا لو مش تعبنا فـ الحاجة اللى عايزينها مش هنعرف نحافظ عليها
هدير:: أيون بالظبط كدا يا مزتى عتلاق انتى بتتكلمى صح
أيهم:: نعععممم ..عتلاق ايه دى كمان..هو انا كنت كتبت الكتاب اصلا ..ليه يابنتى بس ..مش كفاية المرمطة اللى هشوفها ع ايدك انتى وأبوكى 3 سنين يا ظَلمة
أيمن ::لـ منة سيبك من جوز المجانين دول وتعالى نختار انا وانتى فستانك وبدلتى ايه رأيك
منة:: بخجل ..اللى تشوفه يا أيمن ..وابتدوا يختاروا مع بعض فستانها وبدلته
أيهم:: مجنونتى ..تعالى نختار زي العيال دى فستانك وبدلتى اون لاين وخلى السحل ده والمرمطة ع الفرح بلاش نبتديها من اولها يعنى اشطااا؟
هدير:: اشطا يا سطا نختار اون لاين احنا صغيرين ولا صغيرين
أيهم:: ياسطا؟! فى واحدة تقول لـ حبيبها يا سطا حسبى الله ..اختارى اختارى منه له ..وابتدوا يختاروا هما كمان..
وفعلا اختاروا فساتين سمبل ورقيقة بكل حاجاتهم وكمان بدل شيك وابتدوا كمان اختاروا القاعة مع بعض وفجأة جه ساجد و روبى
ساجد:: مساؤؤؤ زبادى يا معذب فؤادى مفتقدنى ولا عادى
أيهم:: مساء الفل يا رايق وابعد عنى عشان متضايق
ساجد:: ومتضايق من ايه يا خويا وبهمس لحقت تزهق ده انت يا دوب لسة قارى الفاتحة ههههههههههههه
أيمن:: مساء الورد ..كنت فين مخفى من الصبح يا ساجد
ساجد::كنت بخطب اشمعنى انتوا يعنى ماليش نفس زيكم انا ولا ايه
أيهم:: و دى مين اللى اتنيلت ع عينها وخدتك يا موكوس
ساجد :: جاب أيهم من قفاه ..انت مش ملاحظ انك مزودها وانا ساكتلك عشان خطيبتك اللى جنبك دى
أيمن :: لـ منة ممكن تاخدى هدير و روبى و تقعدوا ع ترابيزة تانية عشان عايز اصحابى فـ كلمتين
ساجد:: بقلق مصطنع…لاااااا روبى خطيبتى حبيبتى ماتبعدش عنى اه انا بقولك اهو
أيمن:: بمكر..طيب وفوفة يا جودا كدا تكسر قلبها
أيهم:: ولااااا انت وهو فوفة دى تبعى بتاعتى انا واللى يكسر قلبها اقسمه نصين
هدير و روبى كل واحدة بصت لحبيبها بدموع وساكتين
ساجد:: لـ أيهم نعععم يا روح امك فوفة بتاعتى انا ..انت فاهم ياض انت
أيمن:: متابع رد فعل البنات ولحقهم بسرعة ..قام و مسك ساجد وأيهم من قفاهم ..هو انا مش قولت قبل كدا بطلوا تشقطوا فـ أمى ..وقبل ما يكمل كلامه قاطعه رنة موبايله ..الووو فوفة قلبى عاملة ايه
فادية:: بخير يا حبيبى الحمدلله
أيمن:: بنت حلال والله يا فوفة بتيجى ع السيرة دايما ده لسة أيهم وساجد كانوا بيشقط..قصدى بيسألوا عليكى
فادية :: افتح الاسبيكر اسلم عليهم
أيمن:: حاضر يا حبيبتى ..وفتح الاسبيكر خلاص ياأمى معاكى الاتنين
فادية:: أيهم عامل ايه يا حبيبى وانت يا واد يا جودا كدا ماتسالش ع فوفة
ساجد:: فوفة حياتشى معلش بقى كنت مشغول ..اسكوووتى مش خطبت انا كمان
فادية:: بسعادة ..مبروووك يا حبيبى كدا الفرحة بقت بالتلاتة ههههههه
أيهم:: يا خوفى يا فوفة لا تبقى طالقة بـ الاتنين و التالت يسهلواا
فادية:: بس يا واد انت ..فال الله ولا فالك يا اهبل
أيهم:: بقولك يا فوفة لاحظى ان الاسبيكر مفتوح ماااشى
ساجد:: بمرح ..اه و احنا ع الهوا معانا المزز قصدى معانا روبى خطبتشى واخدة بالك وهدييير خطيبة المنيل ع عينه أيهم ومنة خطيبة المحروس ابنك هااا بيسلموا عليييكى
فادية :: بضحك ..سلمت ع منة و هدير وروبى وقفلت
أيهم و ساجد:: فـ نفس واحد لـ هدير و روبى ..اطمنتوا كدا
أيمن:: ههههههههههههه ههههههههههههه ههههههههههههه شكلكم مسخرة انتوا الاتنين
المهم بقى يا جودا مبروك انت و روبى
ساجد:: ومبروك ليك انت ومنة
أيهم :: لـ ساجد وانا ياض مافيش مبروك
ساجد:: ياشيخ اتنيل مانا كنت معاك هى سيرة ..المهم عزمتوا الناس هنا ولا لسة
أيمن:: لسة هعمل أعلان كبير بما اننا كلنا من اعضاء النادى وكمان انا وبناتى معروفين علشان الفريق
ساجد::ههههههههههههه ماشى يا عمو أيمن
أيهم :: لـ ساجد بتضحك ع ايه يا متخلف انت
أيمن:: بضحك .. انتوا مش ملاحظين ان عرايسكم قاعدين وانتوا بتشكروا ف بعض كدا ههههههههههههه
منة:: بأبتسامة صافية ..عن أذنكم عندى تمرين ..يلا يا ديدى
هدير :: يلا يا مزتى ..لـ أيهم سلام يا اسطا
روبى:: بحزن لـ منة ممكن اكون معاكم ولا مش مرغوب فيا
منة:: بحب طبعا ياروبى ممكن تكونى معانا اكيد
هدير:: يلا يابنتشى منك ليها ..و لـ روبى ..رورو احنا اصلا مع بعض بسبب الفريق بس انتى اللى كنتى دايما مع بنت المبقعة ماهى السلعوة وبتجز ع سنانها قصدى ماهى الشرنوبى ودى مش بتحبنا اصلا ..يلا اهى غارت المهم بقى يا قمر انتى معانا طبعا وخصوصا رجالتنا اصحاب ومع بعض دايما
منة:: طيب يلا يا مصيبتى وصلينى اوضة اللبس اغير علشان التمرين ههههههههههههه
نرجع عند الشباب
أيهم:: اقطع دراعى ان ما كانت البت دى شغالة ميكانيكى بعد الضهر ههههههههههههه كل ما اكلمها تقولى يا اسطا
ساجد:: لـ أيهم ..انت متوقع ايه يعنى ..انت نفسك اصلا شكلك ميكانيكى …
أيهم:: لاااا وربنا انا ما عارف هتبقى دكتورة ازاى ولا هتبقى رقيقة امتى دى
أيمن:: اتلم ياض منك له و فكروا معايا فـ دعوة الفرح اللى هنعملها يلا
ساجد::بتفكير امممم ..لاقيتها ..اكتب يا عم أيمن ..اكتب
(دعوة خطوبة الغاليين ع قلبى)
دقت ساعة الفرح ..دقت ساعة الارتباط ..وداعاً للعزوبية. لا رجوع ولا انسحاب الى الامام معزومين كلكم .. بيت بيت.. دار دار.. زنقا زنقا ..شبر شبر.. فرد فرد الدعوة عامة للجميع
فرحتنا من فرحتكم وماتكملش غير بلمتكم وعقبال كل اصدقائنا وأحبابنا و أخواتنا
ربنا يفرح قلوبكم ونتشرف بدعوتكم لحضور مهرجان وداع العزوبية مؤقتاً ومؤجل الوداع النهائى 3 سنين تانيين للمغفور لهم ان شاء الله ع عملتهم المنيلة دى
أيمن الهوارى ومنة المنياوى
أيهم طنطاوى وهدير الالفى
وسامحنى يارب لانى قررت احصلهم وانا مغمض العينين مسدود الأنف والأذن والحنجرة والله معى
ساجد السويفى و روبى تاج الدين
وطبعا الجريمة دى هتتم اخر الاسبوع ده يعنى بعد 4 ايام منتظرينكم
وعملوا الاعلان بدعوة الخطوبة وعلقوه فـ لوحة اعلانات النادى
.داخلة بالصدفة يسرا وشافت الاعلان و خرجت تانى من النادى راحت لـ ماهى
بقلمى✍️__________________لبنى دراز
فـ بيت المنياوى
خلصت منة التمرين فـ النادى و رجعت البيت مع واخواتها مبسوطة وفرحانة
منى:: بسعادة.. منمن شكلك مبسوطة ..فرحينى معاكى
منة:: فرحانة اوى يا مامتى ..انا وأيمن اختارنا الفستان والبدلة وكمان هدير وأيهم اختاروا الفستان والبدلة بتوعهم ..
منى:: مبرووك ياحبيبتى ..بس استنى ..اختارتوا ازاى انتى روحتى المول يا منة؟ ..
منة:: بنفى .. No No No احنا اختارنا اون لاين ..أيمن مش وافق نروح مول قال هتتعبى وكمان قال مش ينفع اخرج معاه و احنا مش مكتوب كتابنا
منى:: برضا.. ربنا يحميه و يكمله بعقله راجل بجد يابختك بيه ..
منة:: وكمان يا مامتى زوقه يجنن اختارلى فستان تحفة رقيق خالص واختار كل حاجة تخصه من حجاب لـ جزمة لـ اكسيسوريز كله كله
منى:: أكيد زوقه يجنن علشان اختار بنوتى حبيبتى .. امممم وانتى بقى يا منمن اختارتى له بدلته
منة:: yesss ..اختارت له بدلة جميلة ومناسبة للفستان واختارت ساعة شيك هجيبها له هدية وكمان يا مامتى هو وأيهم حجزوا قاعة كبيرة وجميلة خالص. وساجد كتب دعوة خطوبة وعلقها فـ لوحة الاعلانات علشان يعزم النادى كله هههههههههه وكمان خطب روبى زميلتنا انا وهدير
منى:: يااااه علشان كدا انتى فرحانة ..حبيبتى ربنا يسعد قلبك دايما يا بنت قلبى
_______________
فـ بيت عادل الألفى
رجعت هدير البيت فرحانة ومهيبرة وبتغنى
هدير:: بغُنى.. يا ولاد بلدنا يوم الخميس هكتب كتابى وابقى عريس ..تؤتؤ هبقى عروسة.. و هتجوز هتجوز و الخميس فرحى يا جدعان عايز كله يبقى تمام
سلوى:: بنفاذ صبر ..طيب الناس تدخل تقول السلام عليكم ..مساء الخير ..ازيكم ..مش تدخل تغنى كدا
هدير:: فرحااانة يا سووولى فرحااانة اوى
سلوى:: قلب ماما فرحانة اوى كدا ليه ممكن اعرف
هدير:: طبعااااا اكيد لااازم تعرفى ..علشان يا مزة قلبى الاسطى أيهم وانا طبعا وبلا فخر اختارنا فستان الخطوبة وكمان جيت ع نفسى واختارت له بدلته يلا
سلوى::ايييه؟؟ اسطى ؟؟ وكمان جيتى ع نفسك و يلاا ؟؟ فـ جملة واحدة ..لا بصراحة كتير عليا كل ده
هدير:: حطت ايدها ع كتف مامتها ..بصى يا سلوى يا بنتشى فـ الزمن ده مافيش وقت للرومانسية والنحنحة وكمان قولنا هكون دكتورة جراحة يعنى ايييه جزّارة وببيع جزر ههههههههههههه
دخل عادل ع صوت ضحكة هدير وغيظ سلوى
عادل:: السلام عليكم ورحمة
سلوى:: وعليكم السلام ورحمة الله ..يا حبيبى..وبصت لـ هدير بغيظ..شايفة بابا دخل بيسلم ازاى ..مش انتى داخلة تغنى
عادل:: وماله يا سولى عروسة سيبيها تفرح وتغنى براحتها
هدير:: بمرح ..ينصر دينك يا استااااذ خلييييفة ههههههههههههه
سلوى:: بنرفزة .. وانا هخلص معاكم انتوا الاتنين ..ربنا يصبرك يا أيهم يا ابنى ع ما بلاك
هدير:: هييييي ..انا بلوة يا مامى🥺 وكمااان بتدعيله ربنا يصبره عليا لا انا مقموصة
بقلمى✍️_________________لبنى دراز
ڤيلا الشرنوبى
ماهى فـ اوضتها مصدومة من كل اللى بيحصل حواليها وقررت تحبس نفسها ومانعة الاكل ومافيش غير السجاير وبس ..و
يسرا بعد ماشافت اعلان الخطوبة راحتلها الڤيلا وبترن الجرس..
انشراح بتفتح الباب..اتفضلى يا انسة يسرا يا اهلا بيكى يابنتى
يسرا:: ازيك يا دادة ..ماهى موجودة ؟
انشراح::اه موجودة فـ اوضتها حابسة نفسها يا كبدى بعد اللى حصل للبيه الكبير ..ولا بتاكل ولا بتشرب ولا بتفتح لـ حد خالص ..اطلعيلها يابنتى ..يمكن تفتح لك وتسمع كلامك ..
يسرا:: طلعت عند ماهى فـ اوضتها ..بتخبط ع الباب ..أفتحى يا ميمى انا ايسو حبيبتك
ماهى:: مش عايزة ترد ولا تفتح الباب..و بتولع سيجارة من سيجارة
يسرا::طيب افتحيلى واقولك اخبار أيمن ايه افتحى بقى
ماهى:: فتحت الباب وساكتة مافيش اى كلام
يسرا:: بصدمة من شكل ماهى ..ايييه ده ..ايه اللى عامل فيكى كدا ..من امتى وانتى بتشربى سجاير كدا ..كل ده ..عشان اونكل عصام تعبان شوية
ماهى:: بحزن..تعبان كتير ..بابى بين الحياة والموت وانا السبب تخيلى يا ايسو وبضحكة مكسورة انا دمرت بابى وخسرته ملاييين كتير..
يسرا:: بأستفهام..انتى بتقولى ايه؟ انا مش فاهمة منك حاجة
ماهى:: ههههههه تخيلى نادر طلع اخويا وبينتقم من بابى عشان مامته واستغلنى انا وانا كنت غبيييية وساعدته ههههههه وكمااااان أيمن منعنى من التمرين و وقفنى عن اللعب
يسرا:: بأستغراب ..ايه؟ نادر مين ؟ اوعى تكونى تقصدى نادر صاحبنا؟ أخوكى ؟؟
ماهى:: بتأكيد.. أيوا هو ..أخويا الكبير تخيلى حتى طلع اكبر من هيثم كمان
يسرا:: اوووووه ..مش ممكن ..طيب ازاى
ماهى:: ههههههه ..ازاااى دى حكاية طويلة بعدين احكيهالك ..قولتيلى عندك اخبار عن أيمن ..
يسرا:: بشرود ..جواها اقولها ازاى انه خطب وكمان خطب منة اللى هى كانت سبب فـ عجزها علشان تبعدها عنه ..
ماهى:: يسرا سرحتى فـ ايه كدا بكلمك ليه مش بتردى ..ماله أيمن
يسرا:: بتوتر ..أء أيمن ..احم.. بصى بقى يا ماهى أيمن خطب
ماهى:: بعدم انتباه طيب كويس ..و بعدين انتبهت ..انتى بتقوووولى ايييه خططططب ..خطب ازاااى ومييين اللى خطبها دى تعرفيها.. من النادى ولا منييييين انطقى قوووولى
يسرا:: بنفس توترها..منـ احم منة المنياوى و خافت من رد فعل ماهى وطلعت تجرى برا الاوضة..
ماهى:: بصدمة..نععععععم بتقولى ميييين منة يعنى اناااااا اعمل كل اللى عملته ده علشان يبعد عنها وفـ الاخررررر يخطبها هى ويرفضنى انااااا..وبصرييخ وتكسير فـ الاوضة غبيييييى يا أيمن انت ملكى اناااا ..ومش هتتجوز غيرى اناااا .. ليييييه يا أيمن ليييييه… غبييييي غبيييييي انت كدا كتبت نهايتها بايدك لما تشوفها مقتولة قصاد عينيك وعلى ايدى اناااااااا
بقلمى✍️_______________لبنى دراز
بعد اختيار فساتين وبدل حفلة كتب الكتاب والخطوبة قرر الثلاثى أيمن وأيهم وساجد تحديد ميعاد علشان ينزلوا يشتروا الشبكة وفعلا نزلت
منة ومنى ومحمود مع أيمن وفادية
وهدير وسلوى وعادل مع أيهم
وطبعا روبى مع باباها تاج الدين مع ساجد و دخلوا محل الجواهرجى وابتدوا يتجولوا فيه..
أيمن :: لـ منة ..عايزك تختارى اللى يعجبك وماتشغليش بالك بأى حاجة
منة:: بخجل .. حاضر ..وعجبها خاتم رقيق جدا وبسيط اختارته بمساعدة منى
أيمن:: ده بس اللى عجبك ..اختارى حاجة تانية
منة:: لا كفاية ده ..وبصت لمامتها وباباها. مش عارفة تقول ايه ومتوترة
منى:: مالك يا منمن متوترة ليه ..حبيبتى انتى النهاردة عروسة و بتختارى شبكتك
محمود:: ضحكة قلبى مالها بقى ..مش عارفة تختارى تحبى نساعدك ولا نسيب أيمن يساعدك فـ الاختيار
منة::بابا انا فعلا اختارت الخاتم ده وبهمس خطفنى اوى
محمود:: طيب وبتتكلمى بصوت واطى ليه ..
منة :: اصلا محرجة اوى ومكسوفة
منى::بمكر.. وماكونتيش مكسوفة وانتوا بتختاروا الفستان ياشقية..
منة:: بخجل.. يااا ماما بقى الله
أيمن :: متابع الحوار ومبتسم ع خجلها و افتكر انها فعلا كانت مكسوفة جدا وهما بيختاروا الفستان ..واختار لها طقم كولييه لازوردى رقيق جدا مع خاتم الخطوبة و دبلته اللى هى اختارتها ..
___________________
هدير و عادل جننوا أيهم وسلوى وتقريبا كل اللى فـ المحل بيتفرجوا ويضحك عليهم
أيهم:: أيه رأيك بقى ياحبيبى المحل هنا فيه تشكيلات تحفة
اختارى يا قلبى اللى يعجبك
عادل:: جابه من قفاه..انا عديتلك يا حبيبى بمزاجى ما تستهبلش فيها بقى وراعى انى واقف فاهم
أيهم :: حاضر ياعمى هسكت اهو ..وبص لـ هدير شافها كاتمة ضحكتها وبغيظ.. اختارى يا يااا اه يا عروسة
عادل:: كاتم الضحك..يلا يا قلب بابا قلبى انا اختارى يا حبيبتى
هدير:: لـ صاحب المحل..بقولك يا كابتن عايزة التشكيلة اللى هناك دى وبتشاور ع مجموعة خواتم
أيهم:: حبـ…قصدى هدير بلاش المجموعة دى ..وبص لـ صاحب المحل..لو سمحت عايز سوليتير مش دهب
هدير:: لـ أيهم.. سوليتير ايه يا اسطى لالالالالالالالالا انا بَهَرَش منه ياعم انت عايزة دهب
أيهم:: بخضة ..بجد عندك حساسية منه يعنى ولا ايه
هدير:: ههههههه حساسية معنوية ومادية يابا ههههههههههههه
أيهم:: بتنهيدة ..خضتينى حرام عليكى.. لا مالكيش دعوة انتى اختارى بس وبهمس عيونى لحبيبى اللى تشاور عليه
عادل::انتوا بتقولوا ايه سمعونى كدا وبلاش حوارات جانبية
سلوى:: سيبهم يا عادل يختاروا حاجتهم وخليك معايا نختار احنا كمان هديتها
عادل :: لاااا مش هسيبهاله يستفرد بيها
أيهم:: سمعتك ع فكرة ..وع فكرة بقى هى خطيبتى وهتبقى مراتى بعد بكرة ايه رأيك بقى
عادل:: طيب يا خفيف لما تبقى مراتك ابقى اتكلم
سلوى:: بنفاذ صبر .. يا عادل ياحبيبى سيبهم يختاروا براحتهم بلاش تتدخل بينهم
أيهم:: الله ينور عليكى يا حماتى يا قمر انتى هحبك اكتر من كدا ايه بس
عادل:: ولااااا اتلم احسنلك انت خدت البت وهتاخد امها كمان سكتناله ولا ايييه
هدير:: بابتى روق كدا يا جدع خلينا نخلص من ام الليلة دى
أيهم:: بصدمة.. تخلصى من ايه يا هدير ..ام الليلة ..وجدع واسطى ..انتى متأكدة يا بنتى انك مش بتشتغلى ميكانيكى بعد الضهر
هدير:: بتهز رسها بكوميديا..تؤتؤتؤ ..لا تقلق انا لا اعمل اى عمل أخر غير انى لاعبة سلة يا معلم وكلها اقل من شهر وابقى طالبة طب يابرنس ويلا نختار بقى عايزة اروووح بيتنا
وابتدت اخيرا بعد معاناة انها تختار ومع اصرار أيهم اختارت خاتم سوليتير و اختارت دبلته وهو اختارلها طقم كولييه سوليتير برضوا رقيق جدا
__________________
ساجد و روبى دخلوا اكتر من محل لغاية ما استقروا ع حاجة عجبتهم
ساجد:: لـ والد روبى ايه رأيك يا عمى فـ الخاتم ده
والد روبى:: يا ساجد يابنى اللى يعجب روبى اكيد هيعجبنى ويبسطنى
روبى:: بابا حبيبى انت عارف مش بعرف اختار حاجة من غير ما تختارها معايا
والد روبى:: خلاص يا حبيبتى جالك اللى يختار معاكى كل حاجة وانا كفاية عليا بقى
روبى:: بدموع ..مستحيل حد ياخد مكانك فـ قلبى مهما كنت بحبه ..انت مش بس أبويا ..أنت أبويا وأمى وكل دنيتى ..من يوم موت ماما وانت نسيت نفسك علشانى.. ماينفعش انا انساك دلوقتي علشان اتخطبت وهتجوز ماينفعش
ساجد:: بسعادة ..وانا عمرى ما هخليكى تنسيه او ابعدك عنه لانى عارف كويس والدك عندك رقم واحد وصدقينى دى حاجة تفرحنى
والد روبى:: يلا بقى احنا جايين نختار الشبكة مش نقلبها نكد يلا اختاروا سوا وانا هشارك برأيى معاكم ..وفعلا اختارت روبى شبكتها خاتم شيك واختارت دبلة ساجد وهو كمان اختار لها طقم كولييه دهب
وخلصوا شراء الشبكة واتقابلوا كلهم مرة تانية وخرجوا سوا يتعشوا واتعرفوا ع والد روبى اللى ارتاحوا جدا له وكان وقت جميل جدا ومميز وطبعا مش خالى من مشاكسة هدير وعادل لـ محمود و أيهم وسلوى ورجعوا كلهم بيوتهم بعد سهرة جميلة وممتعة
بقلمى✍️________________لبنى دراز
يوم كتب الكتاب أيمن جاب لـ منة ميك أب ارتست علشان تساعدها وطبعا أتفق مع أيهم وساجد ان هدير و روبى كمان هيجهزوا مع منة ..والشباب هيجهزوا عند أيمن
فـ بيت المنياوى
هدير بتخبط ع الباب بتطبيل .. وبتغنى النهاردة فرحى يا جدعان عايز كله يبقى تمام
فتحتلها الباب
منى:: بضحك ماتدخليش هادية ابدا لازم الغارة بتاعتك دى
هدير:: منون انتى تعرفى عنى كدا ..حد قالك انى عقلت لا سمح الله يعنى علشان ادخل هادية ..بعيد بعيد
منى::ههههههههههههه لا محصلش ..وما أظنش هيحصل
سلوى:: طيب ده حالها فـ الايام العادية متخيلة بقى و النهاردة خطوبتها متوقعة تعمل ايه يا منى
هدير:: لااااا يا مامتى انا النهاردة هخربهاااا وايييه هتجوووز و النهاردة فرحى يا جدعان
منة:: تعالى يا بلوتى يلا علشان الوقت بيجرى ههههههههههه
هدير:: هى البت العروسة اللى معانا فين اش جات ليه ولا يكونش غيرت رأيها وهتحضر بجلابية المطبخ ههههههههههههه
منة :: هتيجى كمان ساعة هيجيبها ساجد
فـ بيت أيمن
أيمن وأيهم قاعدين مستنيين ساجد اللى راح يوصل روبى لغاية بيت منة
أيهم:: ولا يا أيمو هتغنى بالليل ياض ولا هتبقى خبيتها
أيمن:: يا ابنى انا اصلا مستنى اليوم ده بفارغ صبر علشان اقول كل اللى فـ قلبى بحرية
أيهم:: ايوووا بقى هو ده ..
هتغنى وتقول ايييه بقى
أيمن :: وانت مالك ياض انت دى حاجة لحبيبتى وبس ويلا اتلم واخلص الوقت بيجرى
أيهم:: هو فين الوقت اللى بيجرى ده ..دى السحلفة اسرع منه ياخى
أيمن :: ياض تصدق انا منى لله ..هجهز انا وخليك براحتك
ونده ع مامته..يا فوفة يا أم العريس
فادية:: قلب ام العريس انت يا حبيبى ..حاجتك كلها متحضرة يا قلب امك عندك اهى وانا هفتح الباب اللى بيخبط ده اكيد ساجد وانتوا اجهزوا يلا مافيش وقت وخرجت تفتح الباب
ساجد:: فوفة قلبى وحشتينى
فادية:: جودا حمد الله ع السلامة أتأخرت ليه يا واد
ساجد :: ياحبيبة قلبى انتى روحت وصلت روبى الاول عند مرات ابنك وبعدين جيت اهوو..بس الحقينى بـ ساندويتش جودا حبيبك وااااقع
فادية :: من عينى بس يلا بسرعة ادخل مع اخواتك وانا هظبطكم باحلى ساندويتشات قبل ما ننزل
وعدى الوقت فعلا بسرعة وكل عريس لبس بدلته وساعته ورش برفانه المميز وابتدوا ينزلوا أيمن ومعاه فادية فـ عربيته وأيهم بـ عربيته وساجد بـ عربيته وماشيين عاملين زفة وهيصة بعربياتهم لغاية ما وصلوا عند بيت منة و طلعوا مع بعض كلهم اول ما وصلوا و رن أيمن الجرس جوة البنات ابتدت تتوتر وكل واحدة فيهم مش متخيلة رد فعل عريسها ايه واتفتح الباب وكان اول واحد يدخل ساجد
ساجد:: اول ما شاف روبى ..صلاة النبى احسسسن..ايه الحلاوة دى بس
روبى:: بخجل.. بجد عجبتك
ساجد:: عجبتينى بس يا لهههووويز ..انا لازم اشوف ابوكى واقوله هروح بيكى ع بيتى وتبقى حرم الساجد السويفى قولا وفعلا و اخدها ونزل ركب عربيته
دخل أيهم:: بيتلفت يمين وشمال مش شايف هدير ..و شوية وشافها طالعة من الاوضة ..اوباااااا يخربيت جمدانك ..ايه يابت الجمدان ده ..ده انتى طلعتى صاروخ فورتييكة
عادل:: لسعه ع قفاه ..ماتتلم ياض انت بتعاكس بنتى قدامى
أيهم::حط ايده ع قفاه.. انت بتيجى منين يا عم انت
عادل:: من اى حتة هتلاقينى طالعلك لو ما لميتش نفسك
أيهم:: لأ بقولك ايه يا عمى دى مراتى بقى وبعاكسها ليك شوق فـ حاجة
عادل:: لسة ما بقيتش مراتك
أيهم:: طيب ماتخليك حلو كدا وخلينى اروح بيها ع بيتى
محمود:: لـ أيهم خد عروستك وأجرى قبل ما يتحول بسررررعة يلا ..ههههههههههههه
وفعلا أيهم اخد هدير و نزلوا بسرعة
عادل:: لـ محمود عاجبك كدا اهو خدها وجرى ..ماسيبتنيش اطخه عيارين ليه
محمود:: بضحك.. جداااا ..ده احنا شكلنا هنشوف ايام فل ع ايدك انت وجوز بنتك ههههههههههههه.
وأخيرا دخل و أول ماشافها
أيمن:: مهلكتى وفاتنة قلبى ما رأيت جمالا قط مثل جمالك يا فاتنتى ..اعترف لكى إني ما عدت أرى في الوجود غيرك وأنا لا اسمع صوت في دنياي غير صوتك وإن خيروني بين حياتي وبينك أختار أن أحيا بنبضك والقلب ينبض لقلبك.
منة:: رفعت عينها و اول مرة تتلاقى العيون بـ حرية فـ نظرة طويلة فيها كل الحب والعشق اللى فـ قلوبهم والصمت كان سيد الموقف
وكسر حاجز الصمت
منى:: يلا أيمن خد عروستك وانزل
وفعلا الكل نزل وراحوا عملوا السيشن وراحوا بعد كدا ع القاعة وكانوا الشباب حاجزين قاعتين.. واحدة صغيرة لكتب الكتاب والقاعة الرئيسية لحفلة الخطوبة
ودخلوا القاعة الصغيرة وقعد الاول أيمن وحط ايده فـ ايد محمود والشهود أيهم وساجد والمأذون كتب الكتاب و قال جملته المعروفة
بارك الله لكما وبارك عليكما وجمع بينكما فى خير
أيهم بارك لصاحبه وأخوه والكل بارك لـ أيمن ومنة وجه الدور ع ساجد وقعد حط ايده فـ ايد والد روبى وشهد ع العقد أيمن وأيهم وخلاص تم كتب الكتاب و بارك الله لكما وبارك عليكما وجمع بينكما فى خير
وأخيرا أيهم ::قعد يلا يا شيخنا بسرعة دفترك وقلمك و اكتب وخلصنا
عادل:: وانت مستعجل ليه اصبر شوية سيب الشيخ يظبط الدفاتر بتاعته براحته
أيهم:: فين مستعجل بس انت خليتنى أخر واحد استنى ايه تانى بس ..يا عم هو انا قاتل لك قتيل ..بتعمل معايا كدا ليه
عادل:: لا يا خفيف مش قاتل ليا قتيل ..بس هتاخد بنتى مني
أيهم:: ياعم والله بحبها و واخدها برضاك مش خاطفها يعنى ..ايدك بقى خلينى ألحق الفرح من اوله وبص للمأذون يلا يا عم الشيخ بسرعة قبل ما يرجع فـ كلامه وفعلا تم كتب الكتاب بعد مشاكسات بين أيهم وعادل والشهود طبعا أيمن وساجد.. و بارك الله لكما وبارك عليكما وجمع بينكما فى خير
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
