رواية موعد مع القدر (تحدي الإعاقة) الفصل العشرون 20 بقلم لبنى دراز
رواية موعد مع القدر (تحدي الإعاقة) البارت العشرون
رواية موعد مع القدر (تحدي الإعاقة) الجزء العشرون
رواية موعد مع القدر (تحدي الإعاقة) الحلقة العشرون
الشعور بـ الحقد والحسد أصعب من الحب بـ كثير، لأنه في كثير من الأوقات من الممكن أن يكلفك حياتك وحياة من تحب
💕🌱💕🌱💕🌱💕🌱💕
ما يثير الناس في الحسد والحقد أنهم يمتلكون بعض المشاعر التي يمكنها أن تدمر حياة الأشخاص حتى ولو كانوا مقربين الى قلوبهم
تحدى الإعاقة بقلمى✍️_________لبنى دراز
فـ النادى
وقت التمرين أيمن متوتر ومتعصب جدا بسبب رفض أمه لـ منة وفـ نفس الوقت متغاظ من ماهى لانها السبب فـ اللى حصل وبزعيق هى البرنسيسة ماهينار متأخرة ليه مش فى تمرين لازم يُحترم ؟
يسرا :أصل والدها فى المستشفى و..
أيمن::بمقاطعة مافيش حاجة اسمها والدها فـ مستشفى ولا فى غياب من غير أذن المفروض اننا داخلين بطولة يعنى لازم يكون فى انتظام واحترام مواعيد التدريب ..بلغيها انها موقوفة عن اللعب و ممنوعة من دخول صالة التمرين مرة تانية وده إنذار للكل
أيهم:: مالك يا أبنى صوتك عالى ليه كدا
أيمن:: مافيش حاجة عادى
أيهم:: بمرح ومعاكسة.. يا عم دول كائنات رقيقة ينفعش تزعقلهم كدا
أيمن:: بقولك ايه ياض انت انا مش ناقصك ..وامشى اطلع برة الصالة ..انت اساسا ايه اللى دخلك هنا
أيهم:: خلاص يا عم ماتزوقش انا جاى اسلم ع مزتى وامشى ع طول..
أيمن:: ولاااااا غووور من وشى استنانى برة ..انا مش فاضيلك
أيهم:: لمح هدير واقفة تبص عليه ..همس لـ أيمن وطى صوتك يخربيت شيطانك هيبتى بتضيع يا مرزوق ..ابوس ايدك
أيمن:: شاور بإيده 👈ع الباب.. برة اطلععع بررررة
أيهم:: بص لـ هدير وهو طالع وحشتينى ياقمر وغمزلها وطلع ..
بعد ساعة كان خلص التمرين وطلع أيمن قعد فـ الكافيتريا مع أيهم وساجد وسألوه
ساجد:: مالك يا ابنى مدخن ليه كدا فى حاجة حصلت
أيمن:: بحزن أمى رفضت منة
أيهم:: ننننعععععععم ..ده ليه ان شاء الله ..
أيمن:: احترم نفسك و اتكلم عِدل ياض انت
ساجد:: يا عم أيمن ما الواد اهو بيتكلم عِدل هو غلط فـ ايه بس..وبعدين صح ليه فوفة ترفض
أيمن :: علشان حالتها الصحية
أيهم:: بجدية ..مش فاهم يعنى أيه ..قصدك انها قاعدة ع كرسى متحرك و كدا يعنى
أيمن :: بتأكيد..بالظبط بتقول مش هتقدر ع احتياجاتى وان مهما كنت بحبها مسير الحب ينتهى مع مرور الوقت
ساجد:: بتسأول ..لـ أيمن انت ممكن تعمل كدا ؟!..ممكن حبك لـ منة يقل مع الوقت؟!.. ممكن تفكر فـ احتياجاتك ؟ زى ما أمك قالت
أيمن:: بنرفزة.. هى أسمها أمك برضوا ..وبعدين انت أهبل يا ساجد صح؟ انت عارف كويس انى مش عايش من غيرها ..وعايش ع أمل واحد بس هو انها تكون مراتى ..يبقى لما احقق املى ده وتبقى ع أسمى افكر بالطريقة دى ..مستحيل طبعا
أيهم::لـ أيمن.. طيب هتعمل و هتقنع أمك ازاى ..ولا هتتجوزها من وراها
أيمن:: برضوا أمك ..ماتحترم نفسك انت وهو واتلموا شوية .. ولا مش هتجوزها من غير علم أمى
ساجد:: طيب يا سيدى هتعمل ايه مع الست والدتك ..حلو كدا
أيمن:: بحزن ..مش عارف بجد ..مقدرش أزعلها و أحرمها من أهم يوم فـ حياتها وفـ نفس الوقت مقدرش اشوف منة وهى بتضيع مني وانا مستني من سنين وعندى استعداد استنى اكتر ..بجد مش عارف اعمل ايه
أيهم:: سيبهالى يا أيمن انا هقنعها وان شاء الله نعمل فرحنا فـ يوم واحد
ساجد:: لـ أيهم يا شيخ اتنيل كنت حليت مشكلتك مع أبو هدير
لسة أيهم هيرد شاف منة وهدير بيقربوا عليهم
هدير:: بمرح مسا مسا يا رؤوف ومش كانت شايفة أيهم
أيهم:: بغيظ وبيجز ع أسنانه..مساء الخير يا أنسة هدير..
هدير::لما أيهم رد عليها بنرفزة تنحت ومش عارفة ترد ..و اتوترت..
منة:: بهدوء..السلام عليكم ورحمة الله
كلهم وعليكم السلام ورحمة الله
ساجد:: عاملة ايه منة ..ماشاء الله سامع انك تفوقتى فـ فريقك ومتصدرين الدورى
منة:: طبعا الحمدلله ..كله بفضل ربنا ثم توجيهات أيمـ قصدى كابتن أيمن وكابتن أحمد
أيمن:: أنتى ماشاء الله عليكى ذكية وطبيعى تتفوقى وتاخدى مركز كويس وان شاء الله تحققى حلمك وتوصلى للبارالمبية قريب ..وبص لـ هدير ..مش متعود عليكى ساكتة خير انتى عيانة ؟
هدير::بتوتر.. مين انا؟ لا خالص ..انا بس عايزة أروح بيتنا ..صاحية بدرى و احم يلا يا منة زمان عمو عادل لا لا عادل ده بابايا اه اه عمو محمود زمانه وصل برة و لسة هتمشى
أيهم:: هدير ..ممكن كلمة
هدير:: وقفت من غير ما تبص وضهرها له و اول ماقرب علشان يكلمها أخدت منة وجريت
أيهم:: رجع قعد بغيظ ..مااااااشى يا هدير ان ما وريتك انتى وأبوكى
ساجد:: لـ أيهم ههههههههههههه ههههههههههههه شكلك مسخرة وهى بتعشمك وتجرى
أيهم:: ولاااا انا مش ناقصك ..مش كفاية هى وأبوها عليا مايبقاش انت كمان
أيمن:: لـ ساجد بقولك ياض انت قوم غور شوف انت رايح فين احنا فينا اللى مكفينا
ساجد:: لـ أيمن تصدق صح انتوا عيال كئيبة اما انا فرفوش ..هروح اشوف مزتى فين جاتكم الغم ومن غير سلام يا كئيب منك له
______________________
فـ ناحية تانى فـ النادى
قاعدة روبى لوحدها و شوية جات يسرا تقعد معاها
يسرا :: هاى روبى ممكن اقعد معاكى
روبى:: بتريقة..ايه هى ماهى سمحتلك تقعدى معايا ولا علشان مش جات النهاردة
يسرا:: لو مش عايزانى اقعد معاكى قوليلى وانا همشى
روبى :: لا طبعا اقعدى انا اصلا قاعدة لوحدى وزهقانة..وبهمس لنفسها هو مجاش ليه وحشنى وحاسة نفسى اشوفه
يسرا:: بتقولى حاجة يا روبى شكلك متضايقة انى قعدت معاكى
روبى:: يابنتى ابدا مش متضايقة منك ..تشربى حاجة انا هطلب عصير اطلبلك معايا
يسرا:: ماشى اطلبيلى ليمون بالنعناع
روبى:: طلبت العصير وقاعدة هى ويسرا بيتكلموا فـ اى حاجة. و جه الويتر بيحط العصير لاقيت اللى بياخد الكوباية قبل ماتمد ايدها عليها ولسة هتتكلم شافت ساجد
ساجد:: بمرح شربت منها قبلك عشان تجرى ورايا ههههههههههههه
روبى:: بتسرع اتأخرت ليه
ساجد:: غمزلها ايه وحشتك للدرجة دى
روبى:: بتوهان ..وحشتنى اوى يا ساجد
ساجد:: ايييه يا دين النبى ايييه الحلاوة دى ..قوليها كمان مرة تانى كدا..
روبى:: فاقت من توهانها ..ايه دى اللى اقولها تانى ..هو انا اصلا قولت حاجة
ساجد ::يالححححوووى ده انتى قولتى قوالة ماقولتيهاش قبل كدا
وطبعا كل ده و يسرا قاعدة متابعة فـ صمت
روبى::لـ ساجد فى ايه بقى ..عايز ايه دلوقتى
ساجد:: عايز أقابل أبوكى ..وبعدين بص لـ يسرا اللى متنحة ..مالك ياقمر متنحة ليه كدا ..
روبى :: بغيرة.. ساااجد مش ليك دعوة بيسرا
ساجد:: حس بغيرتها حب يتاكد اكتر ..هو الجميل أسمه يسر منورة ياقمر
يسرا:: بمياصة ههههههههه لا يسرا مش يسر
ساجد:: بيرقص حواجبه تشرفنا يا قمر
روبى:: هتفرقع من الغيرة ..وفجأة قامت وهى ع اخرها من ساجد ومشيت من غير ولا كلمة
ساجد:: جرى وراها ومسكها من ايدها .. من غير ما تلف ..روبى ممكن تاخدي ميعاد من والدك
روبى:: لفت ليه و دموعها ع خدها وساكتة
ساجد:: بحبك و عايز ادخل البيت من بابه ..ممكن ولا ماليش فـ قلبك مكان؟
روبى:: وشها احمر من الخجل .. وقالت لو بتفهم ما كنتش سألت وكنت عرفت لوحدك ان قلبى مافيش فيه غيرك وجريت من قدامه تانى
ساجد:: بصوت عالى طيب الميعاد طيب هقابل الحاج امتى ؟ و جواه بحبك يا روبى ياللى مجننة أهلى
بقلمى✍️_________________لبنى دراز
فـ مستشفى الشرنوبى الاستثمارى
بعد ما خرج الدكتور من العناية وقالهم ان عصام اتعرض لـ أزمة قلبية حادة وطلب منهم يدعوله أن الـ 24 ساعة اللى جايين دول يعدوا ع خير
ماهي قعدت علي الارض بعياط : سامحني يابابي ارجوك انا اسفه….. انا غلطانة حقك عليا أرجوك قوم علشان خاطرى
تامر:: لـ ماهى بزعيق ممكن افهم اللى حصل ده حصل ازااااى
هيثم:: أهدى يا تامر ..مش وقته ولا مكانه ..نطمن ع بابا الاول وبعدين نحاسبها ع تصرفاتها دى اللى ضيعت بيها اكبر مناقصة فـ تاريخ المجموعة
ماهى:: بدموع ..انا… وقبل ماتتكلم
سمعت صوت ضحكه عرفت صاحبها كويس وبصت له بشر .. انت ايه اللي جابك ياااا حيواااان جاي لييييه ..جاى تشمت فيا ..
نادر:: بأبتسامة كره..بصراحة اه جاى اشمت فيكى و فـ أبوكى واتفرج عليكم وانتوا مستنيينه يموووت و عارفة انا مش مستغرب حقارة تصرفك ولا تصرفي لانى أتاكدت فعلا اننا دم واحد هاهاهاهاهاهاهاهاها
هيثم:: بغضب مسك نادر من ياقة قميصه…انت بتقووول ايييه يا حيووواااان انت .ده انا أقتلك وأشرب من دمك
نادر:: بهدوء قاتل..نزل ايد هيثم ..عيب تغلط فـ أخوك الكبير يا ابن الشرنوبى ولا أقول يا ابن الجمّال
ماهى:: بأستفهام.. أخوه ؟!
نادر:: بضحكة خبيثة..و أخوكى انتى كمان ..علشان كدا ماكنتش بقربلك لما كنتى بتجيلى شقتى ههههههههههههه
تامر:: انننتتتت كداااااب احنا مالناش اخوات .تانى غيرنا وبس
نادر:: مسك تحليل ال DNA اللى عمله وحدفه فـ وش تامر ..مش بتعرف تقرأ ..اتفضل ما يثبت صحة كلامى ورجع لزمان وأفتكر كلام أمه وبدأ يحكيلهم
“فلاش باك”
نادر:: بأهتمام مصحوب بقلق.. حصل ايه لما كان اشرف بيجى البيت ..
سميرة :: كان طول ما هو موجود يأثر ع صلاح ويخليه ينادى عليا لأى سبب واضطر اطلع ..كانت نظراته مش بتعجبنى وكنت بقول ل صلاح ماكانش بيصدقنى معرفش كان عامل له ايه مخليه معمى عن تصرفاته وبعد كااام شهر كمان كان كل واحد فيهم كبر فـ شغله بسرعة ومرة كان صلاح مسافر ف شغل ..جه اشرف استغل غياب صاحبه .واتصل
“فلاش باك” تانى
اشرف:: الو ..سميرة .. صلاح عمل حادثة كبيرة وهو مسافر وف العناية المركزة .. اجهزى انا جاى اخدك عنده
سميرة:: بصدمة انت بتقووول ايييه صلااااااح ..لاااااااا
اشرف:: اهدى يا سميرة واجهزى ثوانى هكون عندك مش هتأخر عليكى
بعد شوية وصل اشرف وفـ العربية
سميرة:: بانهيار.. الله يخليك طمنى ع صلاح ابوس ايدك
اشرف :: اهدى ياسميرة وخدى اشربى العصير ده يروق اعصابك ويهديكى لغاية ما نوصل المستشفى
“نرجع من الفلاش باك”
سميرة بتكمل وبعد ماشربت العصير ما حسيتش بنفسى غير وانا…….. و اشرف قاعد جنبى بيشرب سيجار وكأنه ماعملش حاجة
“فلاش باك”
سميرة:: بانهيار بتضرب فـ أشرف انننتتتت عملت اييييييه لييييييه كدا حرااااام عليييييك تدمررررنى وتخوووون صااااحب عمرررك
اقوله ايييه انا دلوقتى منك لله
اشرف:: بكل بروود.. اهدى يا قمر ده انتى كنتى ايييه جبارة يابت يخربيت حلاوتك ..الواد صلاح محظووظ بيكى
سميرة:: مسكت سكينة كانت ع ترابيزة مع طبق فاكهة.. اناااا لااااازم اقتلك لاااازم اخلص عليك واخلص نفسى من العار
اشرف :: مسكها كتفها .. وبنفس البرود ..أهدى كدا وتعالى نكمل مع بعض اصلك عجبتينى اوى وصلاح مسافر اسبوع بحاله اظبطك فيه ع الاخررررر
سميرة:: بانهيار انت مجنوووون انا مستحيل اخون جوزى وهقوله ع اللى انت عملته اخليه يقتلك
اشرف:: بنفس البرود وبينفخ دخان السيجار ..عايزة تقولى قولى وانا واثق انه مش هيصدقك واثبتى بقى يا حلوة
“عودة للوقت الحالى”
هيثم :: التحليل ده مُزور ..
نادر:: وماله خلينى معاك يا باشا للأخر و نقول انه مزور ..و احنا هنا فـ المستشفى بتاعتنا اوووه قصدى بتاعتكم وكلنا موجودين تقدر تعيد التحليل من تانى علشان تتاكد بنفسك
تامر:: لـ نادر .. وانت بقى عملت التحليل ده ازاى وجبت العينة اللى طابقتها معاك منين ؟
نادر:: هريحك يا تامر ..مش تامر برضوا ههههههههههههه
وابتدى يحكى لـ تامر كل حاجة من وقت ما طلب من ماهى تروح له شقته لغاية ما أخد منها خصلة من شعرها من غير ما تحس علشان يعمل التحليل ويتأكد من كلام أمه
وطبعا كل اللى بيحصل ده قصاد نشوى اللى ساكتة ومصدومة ومش بتنطق
ماهى:: لـ نشوى انتى ساكتة ليه يا مامى أرجوكى اتكلمى قولى حاجة .. قولى ان بابى مش ممكن يعمل كدا مستحيييل ..أكيد فى حاجة غلط
نشوى::فاقت من صدمتها..عصام طول عمره خااااين وانا ما استبعدش ان ممكن يكون كلام الولد ده صح
ماهى:: سرحت فـ كلام مامتها وافتكرت لما راحت الشركة اول مرة وسرقت ملف المناقصة من مكتب السكرتيرة وهى داخلة مكتب عصام شافته هو و هايدى فـ وضع مش كويس ونزلت جرى راحت لنادر النادى سلمته اوارق المناقصة ورجعت الڤيلا مش عارفة تعمل ايه وعدى الوقت ونسيت اللى حصل يومها
هيثم:: لـ نشوى.. قصدك ايه يا طنط ان ممكن يكون فعلا كلامه صح ويكون أخونا زى ما بيقول
نشوى:: بحزن ..ممكن ..لأ مش ممكن ده أكيد ..ياما شوفت بعينى وسكت وعديت واستحملت بس علشان ماهى و بضحكة مكسورة ههههههه كنت متوقعة تخيلوا ..كنت متوقعة فـ يوم من الايام حد يجى يقول انا ابنه واهو حصل وفاق توقعاتى كمان ..يفوق بس الاول ونطمن عليه
بقلمى✍️________________لبنى دراز
فـ مستشفى تانية..
بعد ما منار نزلت تجرى من بيتها وهى منهارة وخبطتها العربية وفقدت الوعى تماما والناس نقلتها ع المستشفى حد من جيرانها بالصدفة شافها وبلغ أبوها.. ومنصور طلع يجرى
ليلى:: مالك يا راجل بتجرى ليه كدا
منصور:: بقلق وخوف منار خبطتها عربية وفـ المستشفى
ليلى:: بصريييخ بننننتى مناااااار
منصور:: يلا اخلصى قومى وبطلى صريخ خلينا نروح نلحقها
قامت ليلى ونزلت هى وجوزها ع المستشفى ..وصلوا ودخلوا جري بيسألوا عنها لغاية ماعرفوا انها حالتها حرجة جدا و اول ماشافوا الدكتور
منصور:: بتوتر.. طمنى يا دكتور انا أبوها طمنى الله يخليك
الدكتور:: والله مش هخبى عليك هى حالتها صعب جدا و دخلناها العناية المركزة هنحاول ونعمل اللى علينا أدعولها تفوق وتعدى الكام ساعة دول على خير
ليلى:: سمعت كلام الدكتور وقعدت فـ الارض بتكلم نفسها ..أنا السبب انا السبب بنتى هتروح مني وانا اللى ضيعتها لاااااااااااااااااا ياااااااارب خليهالى ياااارب ماتاخدهاش مني يااااارب مناااااااار
منصور:: بوجع ع بنته وغضب من ليلى.. دلوقتي بس حسيتى أنك السبب ياما قالتلك غيرتك وحقدك هيجنوا عليا ياااما قالت عمايلك دى انا اللى هدفع تمنها خافى عليا..و ياما انا قولتلك اتقى الله فـ بنتك كل حاجة بتعمليها هتترد فيها
دلوقتي بس عرفتى كلامنا وصدقتيه
ليلى:: بأنهيار توووبة يا خويا تووووبة والله ان كنت اعمل كدا تانى بس منااار تخف وتقوووم وبعد ساعة كانت عرفت منى ومحمود وراحوا المستشفى علشان يطمنوا ومعاهم منة اللى صممت تروح تطمن ع منار بنفسها
محمود:: بحزن ع منار.. خير يا منصور طمنى
قبل ما يرد منصور جريت
ليلى ع محمود:: أبوس ايدك سامحنى بنتى بتموت وجريت ع اختها منى وطت تبوس رجلها سامحينى يا منى سامحينى والنبى علشان ربنا يسامحنى ويخليلى بنتى
منى:: بدموع قومتها من الارض قومى يا ليلى انا مسمحاكى وعمرى ما ازعل منك انتى اختى
ليلى:: بس وجعتك و شمت فيكى وفـ بنتك سامحينى
وبصت لـ منة واخدتها فـ حضنها لأول مرة وبأنهيار سامحينى يا منة علشان منار ..منار كانت بتقول انك اختها سامحينى علشان اختك أبوس رأسك و رجلك ادعي لمنار تخف وتقوم
منة:: منهارة..بتحاول تتكلم ومش قادرة بس مسكت ايد خالتها ربتت عليها تطمنها
محمود:: بوجع ..خلاص يا ليلى أهدى وان شاء الله خير
منصور:: سيبها يا أبو محمد خليها تحس بالندم والوجع اللى ياما اتسببت فيه للناس
محمود:: ده مش وقته ولا مكانه يا منصور نطمن على منار بس الاول
وبعد وقت طويل حوالى 5 ساعات الكل موجود قصاد العناية خرج الدكتور وتعبير وشه مايبشرش بخير جريوا كلهم عليه
محمود:: خير يا دكتور فى أيه
الدكتور بأسف ..حاولنا ع قد ما نقدر اننا ننقذها بس هى تقريبا كانت جاية شبه منتهية ..البقاء لله ..وسابهم ومشى
ليلى:: ساكتة وشوية وضحكت بهستيريا سمعتوا الدكتور المجنون ده قال ايه ..بيقول البقاء لله ههههههههههههه ههههههههههههه يعنى ايه ..هو تلاقيه بيتكلم ع حد تانى اه اه اكيد واحدة تانية مش منار
منصور:: لـ ليلى منك لله ضيعتى البت اللى حيلتنا بحقدك وغلك وكرهك منك لله ربنا ينتقم منك.. استفادتى اييييه قوووولى بنتك ماتت بسببك بسبب كرهك للناس بسبب معايرتك لـ أختك وبنتها كان نفسك بنتك تبقى أحسن من بنت أختك طيب اهى رراااحت خالص قوليلى بقى هتعايرى بنت اختك تانى ازاى وتقارنى بينهم تاااانى ازاااااى
منى:: بدموع ..خلاص يا منصور مش وقته الكلام ده انت مش شايف حالتها شكلها ايه
محمود:: بحزن.. يا منصور وحد الله كدا وتعال يلا نخلص الاجراءات ونشوف ايه المطلوب علشان الغسل والدفن
منصور:: لا إله إلا الله ..إنا لله وإنا إليه راجعون ..يلا يا أبو محمد و قبل ما يمشى مع محمود بص لـ ليلى أنتى طالق وبعد العزاء هتوصلك ورقتك وهاخد ولادى وخليكى بقى لوحدك
ليلى:: بهستيريا الضحك ههههههههههههه ههههههههههههه شوفتى يا منى بنتى ماتت وجوزى طلقنى وهياخد باقى عيالى مني ههههههههههههه وانا بقيت لوحدى انا ضعيتهم كلهم مرة واحدة بغبائى و بحقدى وغِلي وفجأة بقت بتصرخ يااااااابنتى يااااامنااااار ااااااااااه يااارب خدتها ليييه ماسيبتهاليش ليييه ده انا ماليش غيرها يااااارب سامحنى ورجعهالى طيب حتى تقعد على كرسى بعجل … طيب كانت تقعد حتى لو عِميت بس كنت خليتهالى اااااااااااااااه يااااااااابنننننتى ..
بعد ما خلص الدفن والعزاء منصور طلق ليلى رسمى و أخد عياله ونقل شغله من القاهرة ورجع بلده و رجعت ليلى تعيش مع أمها مابين تأنيب ضميرها وحزنها ع بنتها اللى راحت منها فـ عز شبابها
بقلمى✍️___________________لبنى دراز
بعد أسبوع فـ بيت أيمن الهوارى
أيهم و ساجد راحوا لـ فادية و أيمن فـ شغله علشان يتكلموا معاها و يقنعوها توافق ع منة
أيهم ::رن جرس الباب و وقف بعيد شوية لغاية ما يتفتح الباب
فادية:: من جوة ..أيوا ياللى ع الباب جاية اهو و قربت فتحت الباب
أيهم:: ست الكل اللى وحشانى وسلم عليها وباس ايدها و راسها زى ما أتعود
ساجد:: فوفة حياتى عاملة ايه يا قمر و باس ايدها كالعادة برضوا
فادية:: بترحيب ..اهلا يا حبايبى تعالوا شرفتونى اتفضلوا
أيهم:: فوفة عندك غدا ولا نلف ونرجع تانى
فادية :: يا سلام حتى لو مش عندى.. اعملكم احلى غدا ..
ساجد:: بقولك يا فوفة قلبى اعمليلنا كدا احلى 3 كوبايات شاى وحتتين كيك وتعالى نرغى شوية قبل ما يجى الواد الكئيب ابنك
فادية:: امممم شاى وكيك ونرغى ماااشى يا جودا
و دخلت عملت شاى و جابت كيك وطلعت قعدت معاهم فـ الليڤنج
فادية :: الكيك والشاى يا ولاد ..ها قول بقى يا ساجد عايز ترغى فـ ايه
أيهم:: تسلم ايدك يا ست الكل و بجدية ..قوليلى بقى مزعلة أيمن ليه
فادية:: انا مزعلة أيمن ..ده نور عينى وماليش غيره ..انا مش عايشة غير علشان اشوفه فرحان ومبسوط
ساجد:: طيب يا أمى ليه رافضة منة ..
فادية:: يعنى انت مش عارف يا ساجد ليه؟ ..منة عاجزة هتقدر ازاى ع خدمته وتلبية احتياجاته
أيهم:: واذا كان سعادته معاها هتعملى ايه ..مش انتى عايشة علشان تشوفيه فرحان ومبسوط ..طيب هو مش هيكون مبسوط من غيرها
ساجد:: يا أمى أيمن له اسبوع تايه وحزين مش هو أيمن اللى نعرفه حتى فـ التمرين مش بيبطل زعيق طول الوقت ومتأكد انه كمان بيدخل البيت ومش بيتكلم و بيحبس نفسه فـ أوضته صح؟
فادية:: بتاكيد .. ايوا صح ولا بياكل ولا بيشرب وحاله اتبدل ومش عارفة اعمل ايه
أيهم:: وافقى ع جوازه من البنت اللي بيحبها .. وبعدين تعالى كدا واحدة واحدة و بالراحة كدا ..انتى معترضة ع اخلاقها ؟
فادية:: لا يا أيهم والله بالعكس انا ماكنتش اتمنى احسن منها لـ أبنى أخلاق وأدب وتربية وجمال وأهلها ماشاء الله عليهم نسب يشرف بصحيح
ساجد:: الله اكبر عليكى يا فوفة.. طيب ايه بقى ما انتى رديتى ع نفسك أهو ..ليه بقى الرفض
أيهم:: بصى يا أمى افرضى طيب كان أيمن اتجوزها وهى سليمة وبعد كدا حصلتلها الحادثة كنتى هتبعديه عنها وتخليه يطلقها
فادية :: أكيد لا طبعا ما كنتش هعمل كدا و اهدم بيته وسعادته
أيهم:: طيب ليه بقى ماتوفقيش عليها وهى كدا من الاول خصوصا أن أيمن هو السبب فـ عجزها ده لما زقها ..ليه بقى ماتعوضيهاش ولو بحاجة بسيطة عن اللى حصل لها وكمان تفرّحى أيمن وتوافقى خصوصا انه بيحبك ومش عايز يزعلك و بيراضيكى ع حساب قلبه
ساجد:: ع فكرة يا فوفة أيمن مايعرفش اننا جايين نتكلم معاكى ولا عايزينه يعرف ..أحنا لما لاقيناه تعبان وزعلان قولنا نيجى نكلمك وعارفين انك مش هيهون عليكى حبيبك تشوفيه كدا بيتعب وتسكتى
أيهم:: و ياستى خليه يعمل خطوبة دلوقتي وشوفى هيبقى مبسوط ولا لأ وغير كدا البنت لسة داخلة الكلية يعنى لسة قدامها كام سنة ..مش يمكن تكون اتعالجت ورجعت تمشى تانى الطب دايما ف تقدم وممكن يطلع علاج لحالتها ولا ايه يا فوفة
فادية::……؟؟؟؟؟؟؟
___________________
.انا لااااازم اخليه يندم ع قراره ده ويرجع يبوس رجلى علشان ارحمه من اللى هعمله فيه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
