رواية موعد مع القدر (تحدي الإعاقة) الفصل التاسع عشر 19 بقلم لبنى دراز
رواية موعد مع القدر (تحدي الإعاقة) البارت التاسع عشر
رواية موعد مع القدر (تحدي الإعاقة) الجزء التاسع عشر
رواية موعد مع القدر (تحدي الإعاقة) الحلقة التاسعة عشر
إن الأبطال لا يُصنعون في صالات التدريب، الأبطال يُصنعون من أشياء عميقة في داخلهم هي: الإرادة والحُلم والرؤية.
🌱🌹🌱🌹🌱🌹🌱🌹🌱
خلف كلّ عزيمة هناك دافع، وبقوة الدافع تقوى العزيمة.
🌿🌸🌿🌸🌿🌸🌿🌸🌿
إن الإرادة هي ما يدفعك للخطوة الأولى على طريق الكفاح، أما العزيمة فهي ما يبقيك على هذا الطريق حتى النهاية.
تحدى الإعاقة بقلمى✍️____________لبنى دراز
فـ بيت أيمن الهوارى
رجع أيمن بعد يوم شغل طويل تعبان ومرهق ومتنرفز من أيهم
أيمن:: بتعب.. وباس راس و إيد أمه السلام عليكم ورحمة الله ..أزيك يا أمى..
فادية:: بقلق .. وعليك السلام يا نور عيني ..مالك يا قلب أمك شكلك تعبان يا ضنايا
أيمن:: تعبااان جدا .. طلعت من الشركة للنادى كان فـ تمرين مهم جدا غير ان الشغل كمان كان كتير النهاردة
فادية:: بقلب أم ..ادخل يا حبيبى غيّر هدومك وخد شاور لغاية ما أجهزلك الغدا تلاقيك جعان يا نور عيني
وقبل ما يرد أيمن جرس الباب رن ردت أمه.. روح انت يا أيمن اوضتك وانا هفتح الباب وراحت أم أيمن تفتح كان اللى ع الباب أيهم وساجد
أيهم:: بمرح.. فوفة قلبى وحشتينى يا قمر
فادية:: بسعادة .. يا واد يا بكاش ..لو كنت وحشتك ماكنتش تتأخر عليا كدا
ساجد:: ايه ده بقى ده بقى ده بقى ده ..و انا يا حياتى مافيش وحشتنى يا جودا ..أخص ع كدا
فادية:: بضحكة صافية ..مش خايف يا جودا ههههههههههههه
ساجد:: بثقة مصطنعة ..عييييب يا حياتشى انا لا بخاف ولا بكِش ..إحنا بعون الله الشقاواة فينا وربنا اللى هادينا
أيمن:: من أوضته وهو طالع لـ ساجد وحياة امك الغالية لو ما لميت نفسك انت عارف هيحصلك ايه
فادية: ههههههههههههه أيمن يا حبيبى خليك بقى مع اصحابك لغاية ما اجهزلكم الغدا
أيمن:: بهزار ..لـ أمه ..تعالى تعالى انتى رايحة فين كدا يا ست هانم يلا يا ع اوضتك و ما اشوفش طرف جلابيتك لغاية ما جوز القرود دول يمشوا فاهمة ولا لأ
أيهم:: تعالى هنا يا فوفة هو مين الكبير فيكم بالظبط
ساجد:: بمرح اكبر.. بس ياض منك له مالكمش دعوة بخطيبتشى ..يلا يا حياتى خطشيبك حبيبك جعااااان
أيمن:: بغيرة .. ولااااا انت وهو انتوا قاعدين تشقطوا أمى وانا قاعد ..كيس جوافة قدامكم انا ..وانتى يا ست فوفة واقفة تضحكى وهما بيشقطوكى كدا عادى ههههههههههههه
ساجد::بضحك.. يلا يافوفة حياتشى مالكيش دعوة بكيس الجوافة ده وأعمليلنا احلى غدا من ايديك الحلوين دول ..ههههههههههههه
فادية:: بسعادة ..بتضحك ع جنان أيمن وأصحابه وراحت ع المطبخ وهى بتدعيلهم من قلبها
أيمن::بغيظ لـ أيهم ..ايه جابك يا زفت مش قولت ماشوفش وشك غير لما اصلح اللى انت بوظته
ساجد:: بفضول.. همووووت واعرف حصل ايه ..عملت ايه يا هيمو
أيمن:: ههههههههههههه.. عمله اسووود و منيل ..بعيد عنك ..لا وبعيد عنك ليه ما انت انيل منه ههههههههههههه
ساجد:: بنفس الفضول ..الله ما تتكلم يا جدع ..نيّلتوا ايه عند أبوها
أيمن:: بيشاور ع أيهم ..الافندى قولتله اتكلم بهدوء اتوتر وفضل يقطع فـ الكلام زى العربية الخربانة ..سكته وقولت اتكلم انا ولسة بقول أيهم معجب ..لاقيته نط و قال بحبها والله بحبها جوزهالى والنبى جوزهالى ههههههههههههه
ساجد:: لـ أيهم.. يخربيييت شيطاااانك ..انت ايه يابنى ده الراجل اساسا مش طايقك من يوم الحفلة تزودها انت
أيهم:: أعمل يا عم انت وهو ما انا بحبها بجد وبغير عليها ومش طايق اشوفها كدا ومش عارف اكلمها
أيمن :: لا ومش بس كدا ياض يا ساجد .. لا ده رفع ايده يقرا الفاتحة ويبصلى شوية و يقولى خليه يوافق عشان خاطرى ويرجع يبص ل أبوها وافق ياعمى والنبى.. الراجل قاله ماعنديش بنات للجواز وتقريبا كدا طردنا من مكتبه بالزوق
ساجد:: اوبااااا ..والحل يا باشا
أيهم:: تسرع بغباء… هخطفها واتجوزها ومش هيشوفها غير بعيالها بعد كدا
أيمن:: ولا بطل غباء ولم دورك عشان اقدر احلهالك ..والا انا ماليش دعوة بيك
ساجد:: يا عم أيمن انت صدقت ..اه هو مجنون بس مش لدرجة يخطفها يعنى
أيهم:: لا هعملها يا ساجد لو موافقش وجوزهالى
أيمن:: تصدق يا أيهم انت ابن حلال وتستاهل وبصراحة انت مجنون وهدير مجنونة لايقيين ع بعض يلا بالشفا ياقلبى ههههههههههههه
ساجد:: ههههههههههههه ههههههههههههه ههههههههههههه يالههههوى دول هيبقوا كابل مسخررررة
أيمن::لـ ساجد.. عارف ياض انت كانت بتشلنى فـ ساعتين التمرين بتخلينى اشد فـ شعرى ..تخيل بقى يا جودا ..و هما مع بعض 24 ساعة ههههههههههههه
أيهم:: لـ أيمن سيبتلك الهدوء ياخويا ومالكش دعوة بمجنونتى
ساجد:: صحيح يا أيمن انت ناوى تكلم أبوها امتى انت كمان
أيمن:: أخلص بس موضوع الواد ده و هكلم أبوها بصراحة بفكر نعمل الخطوبة مع بعض
أيهم:: لاااااا ماليش فيه انت تخلصنى الاول خطوبة وكتب كتاب وبعدين تشوف نفسك ..اه انا قولتلك اهو
ساجد:: لـ أيهم ..يااا بارد ما قالك هيخلص موضوعك الاول
أيمن:: تصدق ياض يا أيهم انا هروح اخطب واخلص نفسى و اولع انت بقى
أيهم:: أيمو حبيب أخوك خلص موضوعى أبوس ايدك ماحدش هيحله غيرك عشان خاطر أخوك هيمو
أيمن:: ع فكرة حل الموضوع عند المنياوى
ساجد:: اوباااا هو ده ..اشطات كدا يا معلم خد الزفت ده و روحوا سوا تكلمه انت عن منة وتخليه يكلم الالفى عن هدير ويبقى خطبت عصفورتين بزيارة واحدة
ف الوقت ده كانت خارجة أم أيمن من المطبخ عشان تجهز الأكل ع السفرة وسمعتهم وقربت منهم
أم أيمن:: بأستفسار..لـ أيمن وأيهم.. ايه اللى سمعته ده ..انتوا الاتنين ناويتوا تخطبوا من غير علمى ..أمكم أخر من تعلم ولا ايه.
أيمن و أيهم :: الاتنين هرشوا فـ قفاهم وبصوا لبعض وبعدين جريوا عليها
أيمن:: أكيد يا أمى كنت هقولك كل حاجة بس جوز القرود دول جم قبل ماحكيلك
أيهم::بصراحة بقى يا فوفة انا روحت النهاردة اخطب هدير الالفى ورجعت قفايا يقمر عيش ..وأبوها رفض ..و اش عارف انا اعمل ايه.
أم أيمن:: لـ أيهم ..سيبهالى وهحلهالك..
بقلمى✍️_________________لبنى دراز
فـ بيت عادل الألفى
رجع عادل من شغله وكالعادة شايف سلوى بتكلم نفسها بسبب هدير
عادل:: السلاااام عليكم ورحمة الله وبركاته .. سولى حبيبتى ..مالك بس ياقلبى
سلوى:: وعليكم السلام ورحمة الله وبركاته ..حمد الله ع سلامتك يا حبيبى .. تعالى شوفلك حل فـ بنتك انا خلااااص مابقيتش قادرة ع جنانها ده
عادل:: عملتلك ايه تانى الشقية دى و انا اجبهالك من قفاها ..وبعدين هى فين اصلا مش شايفها.. اول مرة اجى من الشغل و ماتجريش عليا
سلوى:: جوا فـ اوضتها مقموصة
عادل:: بأندهاش.. مقموصة؟! ليه ايه اللى مزعلها كدا
سلوى:: عايزة تلعب مع منة فـ الفريق الجديد
عادل:: بتساؤل ..ازاى يعنى؟ ده فريق اصحاب الهمم
سلوى:: ده اللى انا قولته ..دول ناس ليهم تدريبات خاصة وطريقة لعب معينة ..زعلت واتقمصت وحابسة نفسها فـ اوضتها
عادل :: سيبهالى انا هدخلها ..بس روقى انتى كدا واعمليلنا احلى غدا علشان عايزك فـ موضوع مهم
سلوى:: خير يا حبيبى موضوع ايه
عادل :: حضرى انتى بس الغدا وانا هدخل للشقية اللى جوا دى وبعدين هنحكى بعد الغدا وسابها ودخل لـ هدير ..
هدير:: فـ اوضتها مقموصة وقاعدة ع سريرها وبتتفرج ع فيلم كارتون تنة ورنة وسمعت خبط ع بابها وبعدين اتفتح الباب
عادل:: باستأذان. ممكن ادخل يا قلب بابا ولا ألف وارجع تاني
هدير :: قامت جريت ع باباها ..بابتى حبيبى وحشتنى اوى.. حمد الله ع السلامة
عادل:: اممممم بس انا زعلان ..
هدير:: ليه يا بابتى بس مين ده اللى زعلك وانا افتح لك بطنه من غير بينج وكمان مش هخيطه ههههههه
عادل::ههههههههههههه لا وعلى ايه الطيب احسن ..قلب بابا مالها بقى ماطلعتش استقبلتنى ليه زى كل يوم ع باب الشقة برة
هدير:: مامى يا سيدى مش عايزانى العب مع منة فـ فريق كابتن أحمد يرضيك يعنى
عادل:: تعالى فـ حضن بابا كدا الاول واقعدها ع رجله ..حبيبتى انا عارف ومقدر انك عمرك ما افترقتى انتى ومنة لكن دلوقتي الوضع اتغير ..انتى الحمدلله بكامل صحتك وهى ربنا يعوضها خير عن اللى حصلها ..
هدير:: بدموع.. يعنى يا بابا عشان انا سليمة وهى مشـ ….و سكتت مقدرتش تكمل الكلمة ..يعنى نفترق وما نكملش مع بعض
عادل:: وهو بيمسح دموعها .. بنوتى حبيبتى مين قال انك هتفترقى عنها ..انتوا هتفضلوا مع بعض تروحوا وتيجوا سوا بس زى ما قولتلك الوضع اتغير انتى هتفضلى فـ فريقك وهى هتلعب فـ فريق اصحاب الهمم وده طبعا ليه تدريبات وتحضيرات غير فريقك خالص.. وبعدين بقى يلا بينا انا جعان جدا تعالى نطلع نتغدا عشان فى موضوع مهم عايزك فيه
هدير:: بشقاواة ..مااااشى يا دوولة يلا يابرنس الجيل نتغدا ونشوف عايز حظرتونا فـ ايه..
بقلمى✍️_______________لبنى دراز
فـ بيت جدة منة
اجتمعت منى و محمود و ولادهم مع امها وأختها ليلى ومعاها منار بنتها
أم منى:: بترحيب ..نورتنى يا محمود ليك كتير مش بتيجى تزورنى مع الولاد
محمود:: باس ايدها . سامحينى يا ست الكل انتى عارفة ما يأخرنيش عنك غير الشديد ..
أم منى:: أكيد يا محمود مسامحاك ..بس انت عارف انا بحب انكشك ..ده انت غلاوتك من غلاوة ولادى
ليلى:: بغيظ.. اه محمود غالى و ولاده غاليين ..كل حاجة حلوة لـ منى و عيالها ..وانا وجوزى وعيالى نولع .. نغورر فـ داهية
أم منى:: لـ ليلى ..انتى عارفة لو بطلتى الحقد والغيرة اللى جواكى وبطلتى تبصى للناس فـ رزقهم هتعيشى مرتاحة
ليلى:: يعنى ايه يا ست ماما ..قصدك انى بحقد ع منى اختى ..طيب قوليلى كدا وهاتيلى سبب يخلينى يعنى احقد عليها ..
أم منى:: بتأكيد..اه باين فـ عينيكى انك بتحقدى عليها. علشان ربنا رازقها بزوج حنين وبيحبها وبيحبب ولاده فـ أمهم ..إنما انتى بسبب اسلوب الوحش ده كرهتى جوزك فيكى وكمان عيالك بعدو عنك.
منى:: بصى يا ليلى اللى بتقصده ماما انك تخليكى فـ حالك فـ حياتك ومالكيش دعوة بحياة غيرك .حاولى تصلحى اللى بينك وبين جوزك وتشغلى نفسك بولادك وبيتك اكتر من كده. أرضى باللى قسمه ليكى ربنا
محمود:: من جواه مش طايق ليلى.. لكن قال يا ليلى ربنا قال فـ كتابه الكريم فـ سورة النساء..أعوذ بالله من الشيطان الرجيم
{وَلَا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَى بَعْضٍ} وقال كمان فـ سورة طه {وَلا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِنْهُمْ زَهْرَةَ الْحَيَاةِ الدُّنيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى}
ليلى:: بتسرع ..وهحقد عليكم وابصلكم ف رزقكم ليه يا حسرة ع خيبة ايه محرومة لا سمح الله ولا يكونش محرومة ده حتى زى ما عندكم عندى بالظبط حتى الولاد زيى زيكم غيرش بس بنتكم اللى اتشلت
أم منى:: بعصبية..لييييلى وبعديييين ..
ليلى:: ايه يا ماما ماغلطتش انا برد ع كلام جوز اختى يكونش فاكر انى هبص لبنته المشلولة ولا حاجة بيكلمنى بالطريقة دى ليييه
منى:: انا هريحك يا ليلى وهاخد بنتى المشلولة وجوزى و ولادى ونمشى من هنا وبعد كدا مش هاجى تانى فـ نفس اليوم اللى بتيجى انتى فيه.. يلا يا محمود
ليلى:: بغيرة ..وتمشوا ليه ..لأ خليكوا ياكش تشبعوا بحب ماما ليكوا.. وانا اللى همشى وأخدت عيالها ومشيت راحت بيتها
بقلمى✍️________________لبنى دراز
فـ بيت عادل الالفى
بعد الغدا قعد عادل مع سلوى وهدير يضحك و يهزر هو وهدير وكالعادة سلوى بتشد فـ شعرها منهم الاتنين وفجأة
عادل:: لـ سلوى وعينه ع هدير اللى انتبهت اول ما سمعت اسمه.. عارفة أيهم طنطاوى يا سولى الشاب ده صاحب أيمن مدرب هدير ..
سلوى:: خير ..ماله يا حبيبى ..حصله حاجة ولا ايه
عادل:: لسة عينه ع هدير لأ لأ الحمدلله هو كويس بس كان عندى فـ المكتب النهاردة ..هدير بان عليها التوتر و بتعض فـ ضوافرها
سلوى:: كان عندك ليه يا عادل فى شغل بينكم ولا ايه
عادل:: لا يا حبيبتى ..بس هو زى ما تقولى كدا كان عند أيمن فـ مكتبه وبعدين طلع يسلم عليا وقال ايه عايز ياخد رأيى فـ موضوع جواز
هدير:: بتوتر .. هو هو اء انا لأ لأ قصدى هو قالك مين العروسة يا بابا
عادل:: كاتم الضحكة ومثل الجدية ..وانتى بتهوهوى ليه انتى تعرفيه ..انطقى
سلوى:: مالك يا هدير ..انتى شكلك اتغير ليه كدا يا حبيبتى
هدير:: بتدارى توترها.. مين انا ابتا ابتا يا مامتى انا زى الفل خالص اهو بس عادشى .. اندهاش بس يعنى ان اللى أسمه ايه ده يسأل بابتى ع عروسة وبغيظ هو بابتى اشتغل خاطبة يعنى ولا ايه
عادل:: برفعة حاجب..أيهم أسمه أيهم طنطاوى صاحب طنطاوي جروب تعرفييه
هدير:: وانا هعرفه منين يعنى يا بابتى بس اء انا حتى مش بطيقه خاااالص ماااالص
سلوى:: الله هو انتى مش قولتى انك مش تعرفيه يبقى ازاى بقى مش بطيقه دى
هدير :: هاااا. … …
عادل:: بتفكير ..امممممم ..ايه رايك يا هدير فـ منة ولا چودى او جميلة بنات طنط هدى عمة منة
هدير:: بتسرع ..منة بتحب أيمن وو… سكتت لما انتبهت انها اتسرعت ف الكلام وعادل شبه متأكد من مشاعر بنته ناحية أيهم
سلوى:: طيب يا عادل انت فعلا هتشوفله عروسة بجد ولا ايه
هدير:: سرحت فـ أيهم وخايفة يكون كلام ابوها صح ..وقامت بعد أذنكم هدخل اوضتى وجريت ع اوضتها بدموع ع خدها وقلق من فكرة جواز أيهم من غيرها
عادل :: بص لـ سلوى اصلا أيهم كان جاى يطلب ايد هدير النهاردة
سلوى :: بجد يا عادل طيب مش تقول بصراحة
عادل:: عايز اعرف رد فعلها ومشاعرها قبل ما اقولها واظن بشكلها ده واضح رأيها
سلوى:: طيب والعمل ..
عادل:: هعرفها طبعا ده حقها ..بس ايه الاتنين
مجانين ولايقين ع بعض ههههههههههههه تخيلى مش هتصدقى عمل ايه فـ المكتب ..وقالها كل اللى حصل من اول ما دخل أيهم لغاية ما خرج من المكتب ههههههههههههه
سلوى:: بتضحك بصوتها كله ههههههههههههه ههههههههههههه لا بجد مش قادرة همووووت هو عمل كدا مش ممكن فعلا ما جمّع الا ما وفّق صدقت ياحبيبى لما قولت اتنين مجانين سبحان الله كل فولة وليها كيالها ..تعالى ندخل نكلمها ونعرف رأيها
فعلا دخل عادل وسلوى عند هدير بعد ما سمعوا الأذن بالدخول ..
عادل:: بمرح..بنوتى الشقية مالها بقى قومتى مرة واحدة كدا وهمس لها وسيبتينى مع سولى لوحدى ينفع يعنى كدا
هدير:: بنفس الهمس ..ليه خايف سولى تعضك يا دولا ولا ايه ههههههه
سلوى:: بغيرة ..وبعدين بقى مش هنخلص ولا ايه
هدير:: ياااا مامتى يااا حبيبتى انا بنته وبنتك والله مش ضرتك يعنى.. خليكى استريتش بلاش يبقى خلقك ضيق كدا . يا مزة ههههههههههههه
سلوى:: لـ عادل هتتجوز ازاى دى و تفتح بيت
هدير:: الله اخيرا غيرتى نغمة هتبقى دكتورة ازاى .و دلوقتي بقت هتتجوز ازاى ..امممم مش مرتاحالك يا سولى
عادل:: بجدية.. لـ هدير ..بصى يا قلب بابا فى عريس متقدملك وكلمنى و بصراحة عاجبنى واد جدع كدا وراجل محترم ..
هدير:: بحزن.. هو انت زهقت مني يا بابا عايز تجوزنى ؟ انا مش عايزة اتجوز عايزة افضل معاكم
سلوى::طيب مش تعرفى مين العريس الأول..
هدير::مش عايزة اعرف ..انا عايزة اكمل تعليم واطلع دكتورة جرّاحة وبس
عادل:: بمكر.. حتى لو كان جرّاح شاطر و هيساعدك انك تكونى جرّاحة شاطره زيه.
هدير:: بحزن…حتى لو نقيب الدكاترة ..برضوا لأ ..المبدأ مرفوض اساسا
عادل:: بمكر أكبر..خلاص بقى يا سولى ..نرد ع أيهم ونقوله مافيش نصيب ..ياخسارة كان عاجبنى الواد ده دمه خفيف يلا بقى مش مهم ..
هدير:: ببلاها و توتر.. هااا …أء أيـ أيـ ههم أحم حضرتك قولت مين
عادل:: بص لـ سلوى اللى بصت لـ بنتها و اتأكدوا الاتنين ان فعلا هدير جواها مشاعر لـ أيهم وقالها ..ها يا ديدى أرد اقوله ايه ..
سلوى:: بمكر.. لـ عادل ما هى قالتلك مش عايزة تتجوز و عايزة تكمل تعليمها ..خلاص بقى رد وقوله هدير رفضت
هدير:: بتسرع ..لأ لأ انا موافقة يا بابا..
عادل:: كاتم الضحكة.. وبحدة مصطنعة.. بس انا بقى مش موافق
هدير:: بدموع بتهدد بالنزول ..اللى تشوفه حضرتك يا بابا و سابت عادل وسلوى فـ. اوضتها وطلعت البلكونة قبل ما ياخدوا بالهم من دموعها
بقلمى✍️_______________لبنى دراز
فـ النادى
منة رجعت انتظمت فـ صفوف فريق أصحاب الهمم فريق الإرادة والتحدى واتعلمت واتدربت ع
الجري والمناورات بالكرسي المتحرك. وتمرير الكورة بين زميلاتها وخطف الكورة وقطعها من الفريق الخِصم وتنطيطها وتصويبها ناحية الباسكت من ع الكرسى المتحرك وتفوقت جدا لدرجة انها اصبحت كابتن الفريق زى ما كانت فـ فريق أيمن
كابتن أحمد:: بسعادة ..لـ منة انتى ماشاء الله عليكى انا كدا اقدر ادخل اى بطولة واكسبها كمان طالما عندى لاعبة فـ صفوف الفريق متفوقة كدا
منة::شكرا جدا يا كابتن ..اكيد مش كنت هوصل للمكانة دى من غير دعم حضرتك وتوجيهاتك وتعليمك ليا
كابتن أحمد:: يا منة لو اللاعب نفسه مش عنده الإرادة القوية والإصرار ع التحدى عُمر المدرب ما هيقدر يساعده .. وانا شايف قد ايه قوة الإرادة والعزيمة عندك وأصرارك انك توصلى علشان كدا قدرت اساعدك
منة :: بتساؤل ..طيب حضرتك احنا ممكن نشارك فـ البطولات الاوليمبية
كابتن أحمد:: أكيد طبعا ممكن نشارك ده من حقنا ..نخلص بس الدورى واذا اخدناه ان شاء الله ممكن بعدها نشارك فـ البطولات البارالمبية
منة:: بأستفسار ..بارالمبية ؟ هى مش العاب اوليمبية ؟
كابتن أحمد:: بتوضيح ..الالعاب الاوليمبية للاصحاء انما احنا اصحاب الهمم البطولات بتاعتنا اسمها بطولة الالعاب البارالمبية وع فكرة احنا بنحقق فيها مراكز و جوايز اكتر من الاصحاء
منة:: طيب و قوانيها او قواعدها عاملة ازاى يا كابتن
كابتن أحمد:: بصى يا منة قواعدها شبه قواعد كورة السلة فـ الاوليمبيات بنفس حجم الملعب ونفس ارتفاع الباسكت والهدف فيها ان اللاعب يسجل أكبر عدد ممكن من النقط في سلة الفريق الخصم، ويتكون كل فريق من 5 لاعبين مع 7 في الاحتياط، وتتقسم مدتها لـ 4 أرباع كل ربع مدته 10 دقائق
منة:: ياااااه شوقتنى اوى يا كابتن انى اشارك فـ البطولات البارالمبية وأرجع بالمركز الأول والميدليات الدهبية
كابتن أحمد:: بتأكيد ..ان شاء الله نشارك ونرجع بالمركز الأول وانا واثق طالما عندى لاعبة زيك اكيد هنوصل
بقلمى✍️__________________لبنى دراز
فـ بيت أيمن
بعد ما أيهم وساجد مشيوا قعد أيمن مع أمه و ابتدا يحكى ليها قد ايه بيحب منة ونفسه يتجوزها و عايز يروح لـ أبوها يتقدم لها
أم أيمن:: بأعتراض.. أنا مش موافقة يا أيمن ..لا مش دى اللى اتمناها ليك ابدا
أيمن:: مالها بس يا أمى عيبها ايه..منة اخلاق وأدب وتفوق وجمال وفوق كل ده بحبها
فادية:: يا أبنى ..انا مش معترضة على أخلاقها وأدبها ثم انا بحبها برضوا والله بس ازاى ..ازاى تقدر تفتح بيت بحالتها دى ؟..يا ابنى افهمنى
أيمن:: يا أمى ..مالها حالتها دى ..علشان ع كرسى متحرك
فادية:: أيوا يا أيمن علشان مشلولة ..عاجزة. تقدر تقولى هتراعي بيتها ازاى ..وتراعيك ازاى ..و إذا ربنا رزقكم بـ اولاد هتخدمهم وتراعيهم ازاى وهى نفسها عايزة اللى يخدمها
أيمن:: يا أمى كل دى حاجات وافتراضات سابقة لـ أوانها
أنا بحبها و ده اللي يهمنى وكفاية اخلاقها وحسن تربيتها اسلمها أسمى وشرفى وانا مطمن انها هتصون
فادية:: يا حبيبى انا ما اعترضتش وصدقنى لو كانت سليمة كنت روحت خطبتهالك النهاردة قبل بكرة بس دلوقتي لا ماتنفعش
أيمن:: بس انا بحبها ..لا انا بعشقها و من زمان من اول يوم جات تدرب فـ الفريق من أربع سنين يعنى وهى لسة عيلة بضفاير وانا بحلم باليوم اللي تكون فيه ع اسمى..
فادية::بمقاطعة..يابنى ازاى بس ..ازاى اوافق عليها وهى كدا ..لا مستحيل لأ..انا نفسى افرح بيك و أشوفك سعيد ومتهنى ..ياحبيبى افهمنى بس
الحب ده مع الوقت هيروح لما تلاقيها مش قادرة ع احتياجاتك او لما تلاقى نفسك قاعد مربوط جنبها ومش قادر تتمتع بشبابك وعروستك زى اى عريس عايز يجرى ويلعب ويفرح مع عروسته
أيمن:: مين قالك انى مش هعمل ده ومش هجرى والعب معاها مين قالك انى مش هكون مبسوط معاها بالعكس انا مابعرفش طعم السعادة غير وانا معاها
فادية:: مهما قولت يا أيمن برضوا لأ ..مستحيل
أيمن:: بحزن ..يا أمى انا مش هيأس و لا هستسلم ولا هتنازل عنها يا أمى أرجوكى انتى طول عمرك نفسك تفرحى بيا ليه دلوقتي رافضة اللى اختارها قلبى
فادية:: علشان عايزالك. الاحسن اللى تعيش معاها مرتاح ومبسوط
أيمن:: وانا مش عايز غير منة ..يا أمى الحب مش انك تعيش مع حد بتحبه لأ الحب أنك ما تعرفش تعيش من غير اللى بتحبه ..و أنا من غير منة مش عايش
فادية:: يعنى ايه الكلام ده ؟
أيمن :: يعنى لو مش منة يبقى مافيش غيرها
فادية:: بغضب .. انت بتتحدانى يعنى يا منة يا بلاش ..طيب بلاش يا أيمن ..انا قولت اللى عندى ورينى بقى هتتجوزها ازاى
أيمن:: بوجع ..ليه يا أمى عمرك ما كنتى قاسية كدا ..عمرك ما حكمتى ع الامور بسطحية ..ليه بس تكسرينى و عايزة تحرمينى من حلم عمرى ..انا مش بتحداكى حاشى لله ..انتى جزمتك ع راسى ..بس انا أسف مش هقدر اسمع كلامك المرة دي ..بعد أذنك
سابها ودخل اوضته وكله حزن و وجع وبيفكر ازاى يقنعها ويخليها توافق لانه مايقدرش يعيش من غير منة هو بيعشقها لدرجة انه مش بيتنفس غير فـ وجودها ..ياترى هيقنع أمه ازاى توافق
بقلمى✍️_________________لبنى دراز
فـ بيت ليلى الحسينى
رجعت ليلى هى و ولادها من عند مامتها لما اتخانقت مع اختها منى وهى غضبانة وكلها غل وغيرة
منصور:: بجفاء ..ايه رجعك بدرى مش قولتى هتقضى اليوم كله واحتمال تباتى
ليلى :: بنفس الجفاء ..ايه مشكلتك انى رجعت بدرى اكونش عطلتك عن حاجة ولا يكونش مستنى حد يجيلك ..ولا مش من حقى ارجع بيتى وقت ما اعوز
منصور:: ايييه بتردى ع سؤالى بمقال ..ما ترجعى بيتك براحتك الوقت اللى يعجبك
ليلى:: بعصبية وصوت عالى ..عاااايز اييه يا منصور فـ يومك ده مش ناقصاك الحكاية انا على أخري
منصور:: ضربها كف ..مش قولتلك ماتعليش صوتك تانى
منار:: قلبها وجعها من اللى شافته بس خلاص هى تعبت من تصرفات امها ..أبوها راجل طيب زى جوز خالتها بس للاسف ليلى هى اللى حاقدة ومش مقدرة النعمة اللى معاها
ليلى:: انت بتضربنى يا منصور بتمد ايدك عليا ..ليك حق مانا خلاص ماليش حد يقفلى هتسوق فيها لكن لااااا ورحمة أبويا أرفع عليك قضية واحبسك
منصور:……ساكت وبيستغفر ربه مش عايز الامور تتأزم اكتر
منار:: بوجع لـ ليلى.. أنتى اييه مش كفاية اللى عملتيه عند تيتة مش كفاية معايرتك لـ خالتو ومنة كل ماتشوفيهم حراااام عليكى بقى يا شيخة حرااام
منصور:: أهدى يابنتى سيبيها وأحكيلى عملت ايه تانى
منار:: ابتدت تحكى ل أبوها تصرفات أمها فـ بيت جدتها من وقت ما راحوا لغاية ما سابت البيت ورجعوا كلهم
ليلى:: بغضب مسكت منار من شعرها حكيتى يا حبيبة أبوكى خلاص و سلمتيه التقرير وماله
اشحنيه كمان وأخربى البيت
منصور:: بمقاطعة ..خراب البيت ده هيكون على ايدك لو ما لمتيش نفسك وعيشتى فـ حالك
ليلى:: مش هعيش فـ حالى ..و اه يا منصور هريحك وبصت لـ منار و اريحكم كلكم انا بحقد على منى عاااارف ليييه علشان محمود بيحبها ومهنيها مستتها ومعاها فـ كل حتة وانت يا حسرة تروح شغلك وتيجى تقعدلى فـ البيت بالفانلة وبكرشك المدلدل قدامك مترين حتى مافيش كلمة حلوة تبل الريق عرفت ليه.. وبصت تانى لـ بنتها و عارفة ليه انتى كمان علشان بنتها اللى اصغر منك من وهى صغيرة بتروح النادى و مع كدا متفوقة فـ دراستها ودخلت الثانوى العام .. وانتى يادوب خدتى الدبلوم ..طب أقولك انا فرحت فيها لما اتشلت و قولت مش هتكمل تعليم ..اه قولت خلاص بنتى اخيرا بقت احسن منها لكن لما كملت ونجحت وكمان من الاوائل النار ولعت فيا يعنى المشلولة دى هتبقى. دكتورة وبنتى انا اللى اجمل منها بكتير أخرها دبلوووم ليييه
منصور:: انتى ايييه يا شيخة ما بتحمديش ربنا وتشكريه ع النعم اللى فـ ايدك ليه ربنا عطاكى راجل كان بيتمنالك الرضا ترضى عملتى ايييه و وصلتينا لـ ايه باسلوبك ده وبنتك دى مين السبب انها تاخد دبلوم مش انتى برضوا
اختك كانت بتراعى ولادها ومش بتبخل عليهم بوقت وجهد اكتر من الفلوس انما انتى ايييه على طول عند الجيران من بيت لبيت تنقلى اخبار دى و تفتنى بين دى و دى و سايبة بيتك وبنتك هتعمل ايه بقى منار تذاكر ازاى و انتى مش فاضيلها
ليلى: دلوقتي بتلوم عليا يا منصور ماااااشى انا هسيبلك البيت وامشى و ربي عيالك براحتك وطلعهم بقى دكاترة ومهندسين ورينى بقى هتعمل ايه
منار:: بانهيار ..بس كفاااااية حراااام عليكى بقى خلاااااص مابقيتش قادرة اتحمل اكتر من كدا ..انتى ام انتى ..ازاى مستحملة نفسك وكل الكره ده جواكى ازاااى كدا انا خلاص تعبت والله تعبت من كرهك وحقدك ع الناس وطلعت تجرى ع السلم وخرجت برة البيت ومش شايفة من كتر العياط وهى بتعدى الشارع فـ لحظة عربية خبطتها وطيرتها ع الرصيف فاقدة الوعى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
