رواية موعد مع القدر (تحدي الإعاقة) الفصل السادس عشر 16 بقلم لبنى دراز
رواية موعد مع القدر (تحدي الإعاقة) البارت السادس عشر
رواية موعد مع القدر (تحدي الإعاقة) الجزء السادس عشر
رواية موعد مع القدر (تحدي الإعاقة) الحلقة السادسة عشر
🌿💕🌿💕🌿💕🌿💕🌿
الطُموح اللامَحدود هو الوقود الذي يُساعد الإنسان على الوصول إلى طَريق النجاح.
🌸🌹🌸🌹🌸🌹🌸🌹🌸
إدارة الوقت تدفعك إلى الإنجاز والتخطيط يدفعك إلى التميز والنية الصادقة والإخلاص يقودك حقا إلى النجاح.
تحدى الإعاقة بقلمى✍️________لبنى دراز
فـ شقة نادر
نادر ::مع اصحابه بيضحك بشر.. أخيرا جه اليوم اللى أقدر انتقم فيه من أبن الشرنوبى
#:: أه يا ابن اللعيبة ..عملتها ازاى دى ..فهمنى
نادر:: هاهاهاهاهاهاهاهاها ..عيب عليك ده انا نادر والاجر ع الله
@:: بتساؤل .. نفسى اعرف انت بتنتقم منه ليه ؟ يا ابنى انت واخد مناقصتين كبار ومخسره فوق الـ 100مليون فـ شهرين ..ليه كل ده
نادر:: بشرود زهن .. سرح فـ زماااان من 15سنة
“فلاش باك”
أم نادر اسمها سميرة وهى على فراش الموت
طلبته تتكلم معاه قبل ما تقابل وجه رب كريم .
أم نادر بتعب شديد:: تعالى يا نادر يا حبيبى ادخل واقفل الباب وراك..
نادر:: خير يا حبيبتى مالك فيكى ايه ..
أم نادر:: بتعب.. اسمعنى يا ابنى عايزة اقولك سر خطير بس اوعدنى ما تتكلمش ولا تجيب بيه سيرة لانه يمس سمعتى وسمعتك
نادر:: بخوف وحزن .. ارجوكى ماتتكلميش انتى تعبانة ..انا مش عايز اعرف حاجة ..ارجوكى يا امى انا عايزك انتى ..
أم نادر:: اسمعنى يا ابنى ارجوك مافيش وقت ..
نادر:: بحزن ..حاضر يا حبيبتى هسمعك بس بالله عليكى براحة ع نفسك عشان خاطرى
أمه:: اسمعنى يا ابنى انا عايزاك تعرف مين ابوك الحقيقى ..
نادر:: بصدمة ..قصدك ايييه بـ أبويا الحقيقى ..اومال ماهر ده يبقى مين ..
“عودة للوقت الحالى
#:: اييييه يا عم نادر سرحت فـ ايه كدا
نادر:: فاق من شروده وهو بيتوعد لـ عصام الشرنوبى
بقلمى✍️___________________لبنى دراز
فـ صباح يوم التكريم
فـ بيت عادل الألفى
الساعة 9
سلوى فـ المطبخ وبتحضر الفطار لـ عادل وهدير وبتكلم نفسها .. ياربى البنت دى هتجننى مش عارفة أعمل معاها ايه بس ..دخل.عادل المطبخ بالصدفة
عادل:: صباح الخير يا حبيبتى ..وبضحك مالك بس بتكلمى نفسك ليه كدا ههههههههههههه
سلوى:: بحب ..صباح الورد يا قلبي..ههههههههههههه اعمل ايه بس فـ المجنونة اللى جننتنى معاها دى ..
عادل:: بأبتسامة.. مالها عملت ايه تانى لسلوتى حبيبتى ..قوليلى وانا املصلك ودانها .
ولسة سلوى هترد دخلت هدير فجأة
هدير:: خياااااانة ..مامتى وبابايا فـ المطبخ لييه ياربى ليييه ..تخلينى اعيش واشوف الخيانة بعينى ..أمى وأبويا سوا و فـ المطبخ كماااااان..
سلوى:: لـ عادل ..كنت بتسألنى بكلم نفسى ليه..وبتشاور بإيدها الاتنين ع هدير ..اتفضل شوووف بنفسك .
هدير:: ببرود وهى بتاخد خياراية ..مالك بس يا سولى وانتى مزة وقمر فـ نفسك كدا
سلوى:: بنرفزة.. لـ عادل شوووفت برووودها ومش عايزنى اتجنن من تصرفاتها
عادل :: بضحك يمسك هدير من ودانها .. كدا يا شقية يا مجنونة جننتيلى حبيبتى وخلتيها تكلم نفسها ..أعمل فيكى ايه بس
هدير:: بتمثيل..اه اه ودنى يا دولة وجعتنى ياجدع الله ..كدا اااه يا ودااانى
سلوى:: بعصبية ..لاااااا بقى دى قاصدة تفرسنى ..وسعوا كدا انا مش هكمل الفطار وطالعة وسيبالكم المطبخ واللى عايز يفطر يكمل هو بقى ..وطلعت من المطبخ متنرفزة من تصرفات هدير
عادل:: لـ هدير.. تعالى بقى ياست هدير نكمل الفطار ونطلع نصالح سلوتى اللى سيادتك زعلتيها دى
هدير:: ببراءة..انا زعلتها يا بابا ؟ انا مش قصدى صدقنى. بس انا مش بعرف اكون جد بحب اضحك واهزر ..هو حرام يعنى اضحك واهزر فـ البيت مع بابا وماما. هو ده مش من حقى
بقلمى✍️_________________ لبنى دراز
فـ نفس الوقت..
فـ بيت المنياوى
منى فـ اوضتها بتتكلم مع محمود بخصوص تكريم منة
منى:: بوجع ودموع..لـ محمود ..اليوم اللى استنيناه من زمان جه يا محمود بس كان نفسي يجى وبنتى بكامل صحتها وتقدر تطلع ع منصة التكريم من غير مساعدة حد ..كان نفسي في اللحظه دي تكون زي كل البنات وتجري وتتنطت وتعبر عن فرحتها مش قاعده علي الكرسي
محمود:: بحب..يضمها لحضنه..حبيبتى احمدى ربنا انها موجودة فـ حياتنا .. احنا مش هنعترض علي قضاء ربنا و الحمد لله انها معانا وصوتها مالي علينا البيت…
ثم و ايه يعنى لما يجى اليوم ده وهى ع الكرسى فين المشكلة ..بنتنا قوية وطالعة من اوائل الجمهورية وهتتكرم من الوزير ..
منى:: بس يا محمود ..هى بنت ويعنى قاعدة الكرسى دى مش هتأثر عليها و ع مستقبلها و…
محمود:: بمقاطعة.. منايا حبيبتى عُمر قاعدة الكرسى ما هتقلل منها ولا هتأثر ع مستقبلها بالعكس هتكون دافع انها تثبت نفسها اكتر وتتحدى العجز والكرسى وهتغلبه ..وبعدين لو تقصدى حياتها فـ المستقبل.. متخافيش عليها فى اللى بيتمنى بس نظرة منها ومتأكد انه أكتر واحد هيدعمها ويكون سندها بجد..
منى:: بأندهاش.. انت تقصد أي….
وقطع كلامها صوت منة وهى بتنادى
منة:: ياااا اهل البيت ..يااااا اهل المنزل يااابابااا ياااا ماماااا
الفطااار جاااهز
محمود:: بضحك.. شوفتى يا منايا.. ضحكة قلبى زى ماهى ازاى.. الكرسى مش قادر يهزمها ولسة زى ما هى بحيويتها ونشاطها
ههههههههههههه و دوشتها
منى::مسحت دموعها: الحمد لله فعلا ربنا نجاها لينا …
عندك حق يا حبيبى ..يلا بينا نطلع لها بسرعة ههههههههههههه
بقلمى✍️__________________لبنى دراز
فـ نفس الوقت ..فـ شركة أيهم
يجتمع ثلاثى ضوضاء المطرح زى ما طلع عليهم ساجد فـ مكتب أيهم
أيهم:: لـ أيمن ..شكلك قلقان ومتوتر ..مالك
أيمن:: بقلق..النهاردة حفلة تكريم اوائل الجمهورية ..وقلقان ع منة مش عارف هتعمل ايه و لا هتواجه الناس ازاى ..
ساجد:: بسخرية.. أبو كأبتك ياجدع البت طالعة الاولى ع الجمهورية يعنى ماشاء الله لا قوة إلا بالله ..مافكرتش غير فـ مستقبلها ..وانت تقولى تواجه الناس ازاى..يا شيخ اتلهى جاتك نيلة..
أيهم :: لـ ساجد ..هو انت ما تعرفش تتكلم كلمتين حلوين ع بعض
ساجد:: ببرود ..لـ أيهم ..لأ
أيمن:: لـ أيهم ..سيبك منه يا هيمو ده يموت فيها لو اتكلم حلو
ساجد:: بتريقة ..طب يا خفة منك ليه اخلصوا فـ أم يومكم ده وشوفوا هتتنيلوا وتلبسوا ايه .. ولا مش هتتهببوا تروحوا الحفلة
أيهم:: بعصبية ..ساااااجد غووور من وشى ع مكتبك بدل ما أرفدك من أمها ..غووور
أيمن:: بضحك ..يخربيت شيطانك يا ساجد عصبتلى الواد اللى حيلتى ههههههههههههه
ساجد:: ياعم هو ده حد بيعرف يعصبه..ده يعصب بلد ههههههههههههه
أيهم :: لـ ساجد عارف ياض انت لو ما لميت نفسك هعمل فيك ايه؟
ساجد:: بدلع ..لـ أيمن اهو شوفت يا بيشا اهو كدا ع طول ياخد مني اللى هو عايزه ويرمينى كدا ..ويبص لـ أيهم روح يا شيخ قلبى وشعر راسى غضبانين عليك
أيهم:: بضحك.. يا أبنى استرجل شوية قربت افهمك غلط ههههههههههههه
أيمن:: بيضحك.. ههههههههههههه أشرب بريل يا ساجد ههههههههههههه
أيهم:: بجدية .. ناوى ع ايه يا أيمن هتتكلم معاها وتعترف لها بحبك؟ ولا هتستنى شوية
أيمن:: مش عارف يا أيهم ..بجد كل ما أنوى اعترف لها وابقى خلاص هقول كل اللى جوايا أول ما أشوفها انسى كل حاجة وبشرود ..عيونها بتخطفنى مني بحس انى ف عالم تانى مافيش فيه غيرها هى و بس ..وانا قاعد بتأملها ولسانى عاجز عن الكلام ومش سامع غير دقات قلبي بتصرخ بأسمها و…..
ساجد:: بيعمل بإيده حركة الكمان .. وبيقول تيرار رار رار ..و ايه كمان يا روميو اشجينى يا خويا اشجينى
أيمن:: فاق من شروده ..منك لله يا شيخ ..صحيح بنى أدم فصيل
أيهم:: بشرود ..يااااه قد ايه عيونها وحشتنى ..امتى يجى وقت الحفلة .. نفسى اجرى عليها واخدها فـ حضنى وافرح معاها بنجاحها و نفسى بجد اخدها واهرب بعيد عن كل العيون و مايشوفهاش غيرى وبس..
ساجد:: بعلو صوته ..لااااااااا ده مش مكتب ده ..انا ليه حاسس انى فـ جزيرة العشاق ..اصحى يا خويا منك ليه خلينا نشوف شغلنا فـ أم اليوم اللى مش باينله أول من أخر ده.. جاتكم نيلة
أيمن:: مش قولت انا ..بنى أدم فصيل ..يا ساجد يا حبيبى بطّل حقد يا ابنى و روح شوفلك واحدة تحبها و حِل عننا
ساجد:: لـ أيمن ومين قالك يا بارد انى مش بحب ..لا ده انا واقع ع بوز اللى جابونى كمان بس اول ما اتاكد من مشاعرها ناحيتى هخطبها ع طول مش هعمل زيكم كدا .
أيهم:: بجدية..طيب يلا بقى كل واحد ع شغله ونتقابل بالليل فـ الحفلة
وفعلا كل واحد فيهم راح يكمل يومه فـ شغله وجواهم شوق وحنين ونفسهم اليوم يجرى بسرعة علشان يجروا ع الحفلة ويشوفوا بطلات قلوبهم
وهما بيتكرموا ع نجاحهم وتفوقهم
بقلمى✍️_______________________ لبنى دراز
فـ بيت عادل الألفى
هدير فـ المطبخ مع باباها وبتتكلم ببراءة :: هو حرام يعنى اضحك واهزر فـ البيت مع بابا وماما. هو ده مش من حقى ..حضرتك عارف رغم انى بحب الضحك والهزار بس اكيد برة البيت مش بهزر بالطريقة دي
عادل:: بهدوء.. بنوتى الحلوة قلب أبوها ..اكيد طبعا حقك تضحكى وتهزرى وتتشقلبى كمان وأنا معاكى ..بس لازم تفهمى وجهة نظر مامتك ..
هدير:: اكيد يا بابا انا فاهمة وجهة نظر ماما و عارفة انها عايزانى أكون أعقل من كدا خصوصا أنى هكون دكتورة ان شاء الله..بس يا بابا النهاردة يوم مميز بالنسبة ليا وانا فرحانة اوى ..غير حضرتك عارف انا شخصيتى كدا ومش هعرف اغيرها انا حاولت صدقنى وماعرفتش..
عادل:: بحب.. ولا يهمك يا قلب بابا ..اعملى كل اللى نفسك فيه ..ويلا بقى نطلع بالفطار ع السفرة ونصالح سولى قبل ما تقيم علينا الحد ههههههههههههه
هدير :: بمرح ..لااااا كله الا سولى.. تقيم علينا الحد نو نو نو و النهاردة الحد ماحدش يكلم حد ههههههههههههه
عادل:: طب يلا يا شقية ..بطلى لماضة و هاتى باقى الاطباق وتعالى ورايا ..
و طلعوا جهزوا السفرة وكانت سلوى قاعدة فـ اوضتها متنرفزة من هدير واسلوبها وسمعت خبط ع الباب
هدير:: بتخبط .. مافيش رد سكتت شوية وفتحت الباب ..ماما
سلوى:: ………. مافيش رد
هدير:: بمرح..مامتى يلا بقى يا قمر خلاص ماتزعليش .. وبغُنى.. الحلو والنبى تبسم للنبى والنبى تبسم
سلوى:: بنفاذ صبر.. انتى مافيش فايدة فيكى ابدا ..مهما اعلمك واقولك ارتقى باسلوبك ..مش بتتعلمى ابدا
هدير:: ببراءة مصطنعة.. مين ما اتعلمش ..انااا .. نو نو نو انا اتعلمت كله كله وممكن اسمعلك يا مامتى
سلوى:: بحنان ..يا حبيبتى انا خايفة عليكى طريقتك دى ممكن توقعك فـ مشاكل انتى فـ غِنى عنها ..يا نور عيني انا عارفة انك بتحبى الضحك والهزار ومن حقك تعيشى سنك وتعملى كل حاجة بس نفسى كمان تكونى جد شوية ..كتر الهزار مش حلو وانتى بنت لازم تكونى رقيقة و هادية
هدير:: يااا مامتى يااا حبيبتى مين قالك بس انى ما حاولتش اكون رقيقة و هادية ..وحياة سيدى اللبلوبى حاولت و ماعرفتش اعمل ايه يعنى بس يا سولى
سلوى :: بـ قِلة حيلة .. صبرنى يااارب ع بنتى وعمايلها ..اطلعى قدامى يا أخرة صبرى يلا بابا لوحده برة خلينا نفطر ههههههههههههه
جريت هدير ع مامتها ونطت فـ حضنها بسعادة وفرحة ومن برة الاوضة عادل متابع الموقف بسعادة وبيدعى ربنا يحفظله اسرته الصغيرة ويديم عليهم دايما الفرح والرضا
بقلمى✍️_____________________لبنى دراز
مر اليوم ع الكل مابين اللى فرحان بالتكريم واللى مستنى بفارغ صبر عشان يجرى ع حبيبته والكل بيستعد ويجهز للحفلة و نزلوا كلهم فـ وقت واحد راحوا قاعة الحفلة
و فـ القاعة أُسر الطلبة لهم أماكن بيقعدوا فيها والطلبة لهم أماكن تانية بعيد عن أُسرهم
دخل محمود و منى والتوأم المشاكس ومعاهم عادل وسلوى القاعة فـ الاماكن المخصصة لهم فـ انتظار بداية الحفلة وخارج القاعة هدير ومنة بيستعدوا فـ ساحة الانتظار مع باقى الطلبة..
منة:: بتوتر.. خايفة اوى يا هدير ..مش عارفة هطلع منصة التكريم ازاى هقف قصاد كل الناس دى ازاى
هدير:: بحب.. منمن بلاش تخلى الخوف يسيطر عليكى لازم تكونى واثقة من نفسك ..انتى منة المنياوى رمز التحدى والقوة من زمان مش لسة حاجة جديدة عليكى..
منة:: بتساؤل.. تفتكرى هقدر يا هدير ؟ هقدر اطلع و أواجه الناس
هدير:: عارفة يا منة انا كمان متوترة وقلقانة ومش عارفة هطلع ازاى ع منصة التكريم و هقف ازاى قصاد الناس دى كلها
منة:: بضحك.. ما انتى كنتى لسة عاملة فيها اسد .. اومال فين بقى ما تخليش الخوف يسيطر عليكى و خليكى واثقة فـ نفسك يا منة ههههههههههههه قال واثقة قال
وبتريقة قالت انا باكينام وانا واثقة فـ نفسى ههههههههههههه
هدير:: طب ياختى استعدى بقى عشان خلاص قربنا ندخل ..وتعالى اساعدك تلبسى الروب وانتى ساعدينى واظبطيلى الكاب و الوشاح
منة:: بسعادة.. طيب يلا يا بلوتى اترزعى قدامى اظبطلك الكاب والوشاح ياختى وبعدين انتى ظبطيهملى .. واثناء استعدادهم لدخول قاعة الحفلة وغافلين عن العيون اللى بتراقبهم بحب وشوق ..
هدير:: بتذكر..اوبس نسيت الفون فـ العربية ثوانى يا منمن خليكى هنا هروح أجيبه بسرعة واجى ..
منة:: بتزمر..ده وقته يا هدير ..انتى ايه يابنتى ع طول تايهة كدا .. وبعدين عايزاه ليه
هدير:: بسرعة بسرعة هروح اجيبه وأجى جرى ما تقلقيش .. ثم اكيد يعنى عايزاه علشان اصور الحفلة مش محتاجة ذكاء يعنى..
منه :: طيب بسرعه ياديدي متتأخريش .. وبعد شوية أووف اتأخرت كدا ليه دى بس كل ده بتجيب الموبايل
بعد عشر دقايق الكرسي اتحرك …
منة:: بهجوم .. في ايه يا هدير كل دا بتجيبي الموبايل و بتبص لـ هدير و اتصدمت من اللى بيزق الكرسي .. أء أء أيمن
أنت هنا من امتى
أيمن:: تاه فـ عينيها اللى جننته ..جواه.. انا جنبك من زمان يا أجمل من رأت عينى.. وقال لها انا لسة جاى ..مالك متنرفزة ليه
منة:: بنرفزة ..زفتة هدير نسيت الموبايل فـ العربية وبقالها اكتر من عشر دقايق راحت تجيبه ولسة مش جات وخلاص الباب اتفتح و الطلبة ابتدت تدخل
أيمن لسة هيرد شاف هدير جاية بس ع غير عادتها ومتوترة و شاف وراها أيهم مبتسم ..فهم مالها وطبعا هدير من غير ما تسلم ع أيمن اخدت منة وجريت ع القاعة
منة:: بأندهاش.. مالك يا مصيبتى فيكى ايه وليه التأخير ده ..
هدير :: بتوتر .. وعينها ع أيهم هحكيلك بعدين يلا بينا نقعد فـ مكاننا دلوقتي
بقلمى✍️__________________لبنى دراز
وقت التكريم ع المنصة الجزء الاول من الحفلة
حضر المحافظ مع مدير مكتب الوزير وصفوة من اكبر الأساتذة لـ تكريم أوائل الثانوية العامة على مستوى الجمهورية وأبتدوا ينادوا ع الطلبة الأوائل حسب ترتيبهم و تسليمهم الجوايز وكانت عبارة شهادات تقدير و موبايلات و دورع تكريم لكل الطلبة تكريماً لهم على حرصهم على التفوق والتميز .
لغاية ما جه دور منة طلعت ع المنصة بمساعدة هدير واتكرموا الاتنين واستلموا جوايزهم و فـ نهاية التكريم
كل الطلبة الاوائل طلبوا من منة تقول كلمة فـ الحفلة
منة:: بتوتر ..اولاً احب اشكر السيد المحافظ والسيد مدير مكتب الوزير وكل السادة الحضور ع حفلة التكريم الجميلة و المميزة و ثانياً حابة اشكر بجد اكتر ناس تعبت معايا وبفضل ربنا ثم الناس دى انا هنا النهاردة
يمكن الكل شايفنى ع كرسى متحرك بس ماحدش يعرف امتى و ازاى انا كدا ..الحكاية ببساطة انى كنت لاعبة باسكت(كورة سلة) و فـ نص التيرم التانى حصل ليا حادثة كبيرة وانا راجعة من النادى وفضلت فترة كبيرة فـ المستشفى بين عمليات وجلسات ولكن النتيجة زى ما حضراتكم شايفين .. بس بفضل ربنا ثم دعم الدكتور ليا تخطيت اصعب مرحلة وربنا رزقنى بـ أب و أم و بتبص لـ باباها ومامتها.. مافيش منهم فـ الدنيا تعبوا معايا سهروا جنبى وفروا ليا كل حاجة سهلوا عليا كل صعب ..و رزقنى بـ أخين وبصت لـ أخواتها.. كانوا سبب سعادتى و هونوا الوقت الصعب ده عليا و صديقة و بتبص لـ هدير و مسكت إيدها بجد كانت سند حقيقى وداعم قوى و الكابتن أيمن وعينها عليه بجد تعب معايا جدا فـ تحضير الملازم والمذكرات مع الأساتذة والمدرسين علشان اقدر أعوض اللى فاتنى ومش تضيع عليا السنة ..بجد شكرا من قلبى لـ أجمل ناس فـ حياتى .. وبصت لـ المحافظ.. بعد أذن السيد المحافظ اتمنى من والدى و والدتى وكابتن أيمن يطلعوا ع المنصة
شاور المحافظ بالموافقة وطلع محمود ومنى و أيمن
منة:: بفخر.. لـ باباها .انا وعدت حضرتك انى اطلع من اوائل الجمهورية و بفضل مساعدة حضرتك ومساعدة ماما ودعم كابتن أيمن وهدير.. النهاردة بتكرم من ضمن الاوائل و اسمحلى اقدم لـ حضرتك وماما وأيمن درع التكريم انتم اكتر ناس تستحقوه وباست ايد باباها و مامتها وسط دموع الفرح من كل الموجودين .
محمود:: ضمها بحب وشالها من ع الكرسى وقال بكل فخر أبنتى و إن عجزت قدميها فأنا عكازها .. فعجزها ليس نهاية طريقها بل بدايته.. انا صدّقت بنتى لما قالت ان العجز عجز التفكير مش عجز الحركة ..وانها قادرة تتحدى وتوصل والحمدلله النهاردة حققت اول اهدفها ومتاكد انها هتوصل لـ حلمها وباس جبينها وشكر كل الموجودين ونزل بيها شايلها وسط تسقيف و فرحة كل الموجودين و انتهى الجزء الاول من الحفلة بكلمة الشكر اللى قالتها منة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
