رواية موعد مع القدر (تحدي الإعاقة) الفصل الخامس عشر 15 بقلم لبنى دراز
رواية موعد مع القدر (تحدي الإعاقة) البارت الخامس عشر
رواية موعد مع القدر (تحدي الإعاقة) الجزء الخامس عشر
رواية موعد مع القدر (تحدي الإعاقة) الحلقة الخامسة عشر
ابدأ الآن واستمر على مسيرتك نحو تحقيق طموحك ونجاحك الذي سعيت له سابقا ، واعلم أنه مهما تعثرت خطاك فأنت في الطريق السليم ، يلزم منك فقط أن تحاول مرارا وتكرارا وتصبر وتعزم الهمة نحو طريق النجاح والتميز الذي تحلم به .
تحدى الإعاقة بقلمى✍️____لبنى دراز
فـ بيت المنياوى
بعد الغدا قاعد محمود ومنى و ولادهم منة ومحمد ومصطفى ومعاهم أيمن بيتكلموا و يضحكوا وكل واحد فيهم يحكى موقف حصله طريف وصل الدور عند أيمن و بيحكى و بيقول
أيمن :: كنت فـ النادى مرة مع اصحابى أيهم و ساجد و شافوا بنت ماشية بتلف حوالين نفسها
“فلاش باك”
أيهم::ولا يا أيمن شايف البنت اللى داخلة هناك دى شكلها غريب اوى.
أيمن:: فين دى ياض مش شايف حد
ساجد:: ياض يا أيمن هناك اهى عند باب النادى ..شايفها شكلها عليها طار باين ولا ايه بتتلفت حوالين نفسها كدا زى ما تكون خايفة من حاجة.
أيهم:: فعلا ياض شكلها مريب وغريبة كدا مش عارف
أيمن:: بس يابنى انت و هو مالناش دعوة بحد و أتلموا شوية وبطلوا فضولكم اللى هيقتلكم ده لله مرة.
ساجد:: بأستغراب ..طب الحق يا عم دى جاية علينا ..قابل بقى.
البنت:: بتوتر بصت لـ أيمن..م م مساء الخير
م م ممكن أء اء اتكلم معاك شوية
أيمن:: بتساؤل ..تتكلمى معايا انا؟ انتى تعرفينى ؟
البنت:: بنفس التوتر ..اء اء انا معرفكش بس ممكن تتجوزنى
أيمن:: هاا…….
ساجد:: نعععععمممم ..يتـ .. إيه يا عينيا
البنت:: يتجوزنى ..وبعدين انت مالك انت هو انا طلبت منك ولا منه هو
أيمن:: مصدوم و مافيش اى رد فعل
أيهم:: بأستفسار ..طيب انتى عايزاه يتجوزك ليه .. ثم انتى اسمك ايه الاول
البنت:: أسمى هاجر واصحابى بيقولولى يا چورى ..
ساجد:: طب يا چورى يا عسل انتى عايزة أيمن يتجوزك ليه
هاجر:: بهيام اصل انا بحبه من زمان وكل يوم اجى النادى اشوفه من بعيد و النهاردة هربت من بيت بابا وجيت جرى ع هنا عشان عايزين يجوزونى غصب عنى
أيمن :: فاق أخيرا من صدمته الله طب وانا مالى انا تبلينى بيكى ليييه يعنى عندك أيهم اهو او ساجد اشمعنى انا يعنى
أيهم وساجد:: فـ نفس واحد الله وانا مالى يا ليمبى ههههههههههههه
چورى:: بس انا قولت لـ بابا عليك انت يا أيمن
أيمن :: بذهوول نعععم ياختى قولتى لمين ايه؟!
چورى:: قولت لـ بابا عليك انا متجوزاك عرفى وبحبك وماينفعش اتجوز غيرك وهربت من البيت
أيمن:: بصدمة ..متجوزة مين عرفى؟ انا ؟ امتى وفين؟
ساجد:: بضحك .. ههههههه أه يا شقى يا أيمووون كدا تعملها من ورانا
أيهم::ههههههههههههه كدا اخص عليك يا أيمو بقى ما تعزمناش ع فرحك واحنا اصحابك الروح بالروح
چورى:: قعدت جنب أيمن اللى مصدوم ومش بيرد وبتضحك معلش بقى يا جماعة اكيد لما هنعلن جوازنا هيعزمكم
أيمن:: فاق من صدمته ..جواز مين يا بنتى اللى هعلنه ده ..انتى مجنونة ؟ هو انا اعرفك اصلا؟!
امشى يا ماما روحى أرمى بلاكى ع حد غيرى أجرى
أيهم:: استنى بس يا أيمن نشوفها.. شكلها عروسة لُقطة ههههههههههههه هنيالك يا كابتن ههههههههههههه
أيمن:: بعصبية.. ولااااا مش طالبة استظراف ..وانتى يابت انتى غووورى من وشى بدل ما امد ايدى عليكى ..وانتى شكلك كدا عاملة مصيبة وجاية ترميها عليا غوووررى
ساجد:: بضحك..ههههههههههههه شكلها هربانة منها و عايزة العباسية
وهم بيتكلموا لسة مع هاجر شافوا
عُدى داخل النادي هو وملاك.
ملاك:: لـ عُدى.. انا مش عايزة النادي ياااعُدى انا عايزة دريم بارك .
عُدى :: وبطنك اللى قدامك دى ازاى يعنى؟ ملاك اعقلى يا ماما..
ملاك : يا سلاااام ياخويا بطنى
اللى قدامى دى مش عجباك دلوقتى.. مهو أبنك ولا بنتك يا حبيبى
چورى بشهقه :: ياااالهوووي يالههووووي جووووزي جه ياصلاااح ..قصدي يا ايمن ..وجريت ع عُدى
ساجد : اللللعب يا أيمن.. دى شكلها هتحلوو اوى
أيهم بضحك : ههههههههههههه طلع ليك ضره يا أيمووون ههههههههههه
أيمن:: بضحك منكم للى كلت دراع جوزها منك له ..ههههههههههههه
“نرجع للوقت الحالى”
أيمن :: وكان حتة يوم مالوش ملامح بجد و ابوها جه النادى وفين وفين ع مافهمناه انى معرفش بنته اصلا و اول مرة اشوفها وانها جريت ورا عُدى باشا الاسيوطى..
منة:: بغيرة متدارية..واشمعنى انت يعنى بقى اللى عملت معاك كدا
محمود:: بضحك.. يابنتى ما قالك هربانة منها شوية وبعدين أيمن ماشاء الله عليه اكيد شكله عجبها ههههههههههههه
أيمن :: شكل مين يا عمى اللى عجبها ..دى شكلها كانت رايحة منها خالص فـ أخر كلامها كانت بتقول انا وقفت اقول حادى بادى كرنب زبادى ههههههههههههه
منى: ههههههههههههه يخرب شيطانك يا أيمن ماضحكتش كدا من فترة كبيرة ههههههههههههه ههههههههههههه
أيمن:: ههههههههههههه طيب الحمدلله دايما يارب الضحكة ماتفارق قلبك يا طنط ..استأذن انا بقى والف مبروك لـ منة ومتشكر جدا ع الغدا والوقت الجميل ده
محمود:: بأمتنان ..انا اللى متشكر جدا ع كل حاجة عملتها لـ بنتى ربنا يسعدك ويحميك من كل شر .
أيمن مشى وكانت فرحة منة ماتتوصفش بنجاحها و انها طلعت من اوائل الجمهورية و فرحتها كمان بأيمن اللى كان موجود وفرحان ليها و بيها وفرحة أهلها وقد ايه فخورين بيها وقالت
منة:: بفخر.. بابايا حبيبى انا وعدتك اطلع من الاوائل وانت كنت قلقان عليا ..ايه رايك بقى طلعت عند وعدى ولا لأ
محمود:: بسعادة ..انا فخوووور بيكى جدا يا اجمل ضحكة لقلبى وعقبال ماشوفك اعظم دكتورة فـ الدنيا.
بقلمى✍️___________________لبنى دراز
فـ بيت جدة منة
جدة منة لـ امها ست كبيرة وقعيدة بس بتحب منة جدا وبتفرح بيها لما تشوفها
راحت منى تزور مامتها ومعاها ولادها و فرحانين بزيارة جدتهم
منة:: تيتة حبيبتى وحشتينى
اوووى اوووى اووووى
الجدة:: بدموع.. وانتى كمان وحشتينى يا نور عيني سلامتك يا قلب تيتة الف سلامة
منة:: الله الله ليييه بقى الدموع دى يا قمر .. بزعل طفولى ..هى دى مبرووك ع النجاح بتاعتك يعنى
الجدة:: مبروك ياقلبى الف نهار ابيض نجاحك يا بنت قلبى
منى:: حبيبتى يا أمى شوفتى منة طلعت من اوائل الجمهورية و الاولى ع المحافظة وكمان يا ست الكل المحافظ كلمها و هيكرمها بنفسه والوزير كمان هيكرمها
الجدة :: منة طول عمرها متفوقة يا منى مش جديد عليها وطول عمرها عندها تحدى واصرار ومافيش حاجة بتوقفها وهتفضل كدا اللى باقى من عمرها
محمد:: ستو انا انا ستو انا وحشتينى يا ستو
مصطفى:: تيتااااااااا حبيبتى وحشتينى مووووت
الجدة :: وحشتونى يا ولاد ومبرووك نجاحكم يا حبايبى
التوأم المشاكس:: فـ نفس واحد عايزين الهدية بقى يا تيتة
منى:: ههههههههههههه وبعدين يا ولد انت وهو ..هو ده اللى اتفقنا عليه
الجدة:: بسعادة ..تعالى يا واد يا ميدو افتح الدولاب ده وهات العلبة اللى فيه
وقبل ما يتحرك ميدو من مكانه دخلت ليلى بأزعاجها يا سلام يا ست ماما اشمعنى يعنى تخلى عيال منى يفتحوا دولابك وعيالى لأ ولا هى الحكاية تفرقة عنصرية وفيها خيار و فقوس يعنى
منى:: لا حول ولا قوة إلا بالله..الناس تدخل تقول السلام عليكم مش تدخل تهلل كدا
أم منى :: بعصبية.. انتى بتتصنتى عليا يا ليلى وكمان بتحاسبينى ..ايييه افتكرتى انى عشان قاعدة مابتحركش هتتحكمى فيا وتعلمينى مين يفتح دولابى ومين مايفتحش
ليلى:: انا مقصدتش يا ماما بس انتى عمرك ما خليتى حد يقرب من حاجتك اشمعنى يعنى دلوقتي
أم منى:: تانى يا ليلى تااااانى انتى مافيش فايدة فيكى أبدا
وبصت لـ منى طلعينى برة يابنتى شوية اغير جو الاوضة اللى يخنق ده
ليلى:: وعلى ايه يا ماما امشى انا و اريحك مني
منى:: بود..استنى يا ليلى تمشى ليه اقعدى الولاد جايبين تورتة وحلويات عشان نجاحهم و عايزين يحتفلوا معاكم هنا وكمان يفرحوا منة وماما خليكى وابعتى لولادك ييجوا ونقضى وقت مع بعض
بقلمى✍️______________________لبنى دراز
فـ ڤيلا الشرنوبى
بعد خسارة عصام المناقصة اللى اخدت اوراقها ماهى و اديتها لـ نادر بتتكلم فـ الفون ومش واخدة بالها ان فى حد بيسمعها
ماهى:: بنرفزة..وبعدين يا نادر انت مش ناوى تسيبنى فـ حالى بقى حرااام عليييك
نادر:: ببرود ..انسي يا برنسيسة ..قولتلك مش هسيبك فـ حالك الا بمزاجى لما اخد اللى انا عايزه
ماهى:: بزعيق وانت لسة ماخدتش ؟ عايز ايييه اكتر من كدا ؟ بابى خسر المناقصة وخسر ملايين كتير بسببك
نادر:: بمقاطعة… تؤ تؤ تؤ اسمها خسر بسببى مش بسببك أبوكى خسر بسببك انتى يا ماهينااار بسبب غبائك وغيرتك وحقدك وانا غلبان مجرد واحد نفذ لك طلباتك وابقى غبى لو ما استغلتش الفرصة
ماهى:: بعصبية ..انا فعلا غبية لما قولتلك اخطف او اقتل منة انا غبيييية لما فكرت انك ممكن تساعدنى ومعرفش انك بتستغلنى وتخلينى اسرق ملفات المناقصات اللى بيدخلها بابى لحسابك وتكسب انت وبابى شغله يتدمر
نادر:: بنفس البرود ..أكيد يا حب فرصة وجاتلى ع طبق من دهب و لاااازم استغلها..وانا اصلا كنت بدور ع الفرصة دى من زماااان جدا علشان انتقم من أبوكى
ماهى::واهو انت انتقمت ونفذت اللى عايزه ابعد عنى بقى ..انا مش قادرة ابص فـ وش بابى ومامى وانا سبب كل اللى بيحصل ..بس خلاص انا هعترف لهم بكل حاجة عملتها و اكيد هيسامحونى لما يعرفوا انك بتهددنى بالتسجيلات اللى معاك ومش هيزعلوا مني
اتكلمت كتير و اللى بيسمعها واقف وراها وعرف كل حاجة وبيفكر ياترى مين نادر ده وتسجيلات ايه اللى معاه
بقلمى✍️___________________لبنى دراز
فـ بيت جدة منة
منى قالت لـ أختها ليلى تستنى تحتفل بنجاح الولاد ومنة معاهم هى و ولادها
ليلى:: بغيظ ..لاااا همشى ومش قاعدة احتفل بحد خليكى كدا واخدة ماما دايما فـ صفك وخلتيها تكرهنى
منى:: بحنان.. استنى بس ماتزعليش وخليكى افرحى معانا بنجاح الولاد ماتمشيش.. وبعدين مين قالك ان ماما بتكرهك بالعكس دى بتحبك جدا و دايما شايلة همك وقلقانة عليكى
ليلى :: واااضح جدا انها قلقانة عليا وبتحبنى بدليل انها دايما مش عايزانى أقرب من حاجتها ومخبياها ومعرفش عنها حاجة انما انتى ع طول تعرفى كل حاجة هى مخبياها فين حتى بنتك المشلولة دى تعرف عن ماما اللى انا معرفوش
منى لسه هترد ع ليلى أختها كانت دخلت منار بنتها وسمعت كل كلمة قالتها أمها لخالتها
منار:: بعصبية ..مامااااا اييييه اللى انتى بتقوليه ده ..مايصحش كدا ازاى هانت عليكى خالتو منى تجرحيها بالطريقة دى وبعدين فعلا تيتة بتحبك وبتخاف عليكى من اسلوبك الصعب ده وطريقة تصرفاتك الغلط .
ليلى ::بصت لـ بنتها ..أنتى شرفتى ؟! جاية ليييه ؟ هااا
عشان تحاسبينى يا بنت بطنى بدل ما تقفى معايا و..
منار:: بمقاطعة.. أقف معاكى فـ ايييه و قصااااد مييين ..قوليلى كدا ..قصااااد تيتة اللى كل حاجة حلوة عملتهالنا وانتى معجبكيش ولا قصااااد خالتو اللى قلبها واجعها ع بنتها وانتى زودتى وجعها.. قوليلى يا ماما اقف معاكى ازااااى
ليلى:: بعصبية لـ منار انتى ازاى تردى عليا ..من أمتى وانتى صوتك بيعلى عليا انطقى..
منار:: لما تشمتى فـ بنت اختك وتعايريها بعجزها لااااازم افوقك ..وأفكرك ان دوام الحال من المحال وأهى طالعة من الاوائل ع الجمهورية وهى عاجزة
ليلى:: يعنى اييييه يا حيلت امك الكلام ده انطقى..
منار :: يعنى ممكن فـ لحظة اكون مكان منة مشلولة وقاعدة ع كرسى متحرك وساعتها هتعرفى وجع القلب ع بنتك الوحيدة شكله ايه بس انا مش قوية زى منة هى قدرت تتغلب ع عجزها ونجحت وطلعت من الاوائل و هتدخل كلية الطب اللى بتحلم بيها ..انما انا هتدمر و هنتهى وأكره نفسى و أكره الناس .. بلااااش بقى وكفاية كل شوية تعايرى اختك وبنتها لان ربنا بيخلص ..خافى عليا بقى يا شيخة لله مرة واحدة فـ حياتك قبل ما ربنا يخلص مني اللى بتعمليه فـ الناس.
منى:: بحزن.. بعد الشر عنك يا منار يا حبيبتى ..ماتزعليش يابنتى وبلاش تزّعلى ليلى منك مهما كان دى مامتك ماينفعش صوتك يعلى عليها ..
منار:: بحزن اكبر.. سامحينى يا خالتو انا اسفة ع كل كلمة قالتها أمى فـ حق منة ..انتى عارفة اسلوبها صعب ازاى بس هى طيبة و بتحبك والله
منى:: بحنان ..ما تتأسفيش يا منار انتى مالكيش ذنب..وانا يا حبيبتى مسامحها دى اختى الوحيدة و أسلوبها كدا من زمااااان اوى وخلاص مابقيتش أزعل منها.. ويلا بقى نحتفل مع ولاد خالتك بنجاحهم ولا ليكى رأى تانى هههههههههه
واحتفلت منى مع مامتها و ولادها و منار بنت اختها اما ليلى قعدت بعيد عنهم ورفضت تحتفل معاهم (احسن تستاهل خليها لوحدها كدا زى قرد قطع)
بقلمى✍️_______________________لبنى دراز
فـ ڤيلا الشرنوبى..
عصام بعد ماخسر المناقصة وخسر ملاييين كتيير قاعد فـ مكتبه بيفكر وهيتجنن ازاى حصل كدا و معاه نشوى
عصام:: بحزن واضح ..انا هتجنن يا نشوى .. ميين ممكن يخونى ويطلع اسرار شغلى ؟..ميييين؟
نشوى:: بتفكير وتكبر ..ليه ما يكونش حسان مدير أعمالك ودراعك اليمين؟
عصام:: برفض ..لالالالا مش ممكن يكون حسان ابدا.. ده معايا من اكتر من عشرين سنة ومن أخلص الناس اللى شغالة معايا و مستحيل يبيعنى ويخونى ابدا
نشوى:: اممممم ممكن ..طيب و ليه ماتكونش هايدى سكرتيرة مكتبك.. ممكن يكون حد دفعلها علشان تعرف السعر اللى مقدمه ويقدم اقل منه..
عصام:: لالالالا برضوا مستحيل تكون هايدى ..
نشوى:: بنرفزة.. وليه مستحيل يا عصام؟ .. و بغيرة قالت.. هايدى بنت ساهلة ومش مظبوطة ابدا .. وسهل جدا اى حد يشتريها و تبيعك له
عصام:: بزعييق..نشششوى ..مش وقت غيرتك خالص دلوقت ..ثم ان هايدى معايا من خمس سنين مش أول مرة هدخل مناقصة ياما دخلت مناقصات اكبر من دى وهى شغالة معايا و كسبتها ..
واثناء زعيقه وصوته العالى مع نشوى في حد برة المكتب سامع كل حاجة
بقلمى✍️_____________________لبنى دراز
فـ بيت أيمن
أيمن نايم و حاطط راسه ع رجل أمه و بيتفرج معاها ع المسلسل الهندى اللي هى بتحبه
أم أيمن:: بتلعب فـ شعره.. مش ناوى تفرحنى بيك يا ضنايا ..نفسى أشوف ولادك
أيمن:: بيضحك.. ههههههههههههه.. هو انتى يا ست الكل.. كل شوية تقوليلى اتجوز ونفسى اشوف ولادك ..يا حبيبتى لما أنوى اكيد هقولك .
أم أيمن:: بزعل.. خايفة أموت يا ابنى من غير ما أفرح بيك
أيمن:: بخضة .. بعد الشر عليكى يا أمى ماتقوليش كدا تانى.. ربنا يباركلى فـ عمرك وتفرحى بيا و بولادى ..بس كل شيء بأوان .. وصدقينى قريب هتفرحى ان شاء الله
أم أيمن:: بفرحة ..بجد ..بجد يا أيمن خلاص نويت ..طب هى مين ..عرفنى يا ابنى وريح قلبى.. واحدة معاك فـ الشغل ولا من بنات الفريق ولا تكونش هدير ..اه اه هى هدير صح ريحنى يا ابنى ..ابوس ايدك
أيمن:: بضحك..ههههههههههههه حيلك حيلك يا ست الكل خدى نفسك شوية وكملى لعب فـ شعرى وانتى بتتفرج ع الحلقة اللى مش عارف 100 و كام دى.. من المسلسل العجيب ده.. ههههههههههههه ..
أم أيمن:: بضحك.. ههههههههههههه الحلقة 150 بس سيبك من الحلقة مش مهم هشوفها فـ الاعادة .. ريحنى بقى وفرح قلبي و قولى هى مين صاحبة النصيب يا حبيبى ..
أيمن:: مسك ايدها اللى ع شعره وباسها.. اكيد لما يجى الوقت يا حبيبتى.. هتعرفى مين بس اتأكد انا الاول من مشاعرها ناحيتى ..وبعدين اطمنى و ريحى قلبك أبنك عارف كويس مختار مين المهم اتأكد بس من مشاعرها و فـ الوقت المناسب هتلاقينى بحكيلك كل حاجة وكمان باخدك من ايدك و نروح نتقدم لها ..
أم أيمن:: بسعادة ..ربنا يفرح قلبك يا ابن قلبى وعمرى ويجعلهالك صالحة طيبة يا ابنى يارب..
اتعدل أيمن من نومته وآمن ع دعاء أمه و باس راسها و أيدها و دخل أوضته يسرح فـ اللى مطيرة النوم من عينه
بقلمى✍️______________________لبنى دراز
ڤيلا الشرنوبى
دخل هيثم المكتب ع صوت زعييق عصام لـ نشوى
عصام:: بزعييق..نشششوى ..مش وقت غيرتك خالص دلوقت ..ثم ان هايدى معايا من خمس سنين مش أول مرة هدخل مناقصة ياما دخلت مناقصات اكبر من دى وهى شغالة معايا وكسبتها ..
هيثم:: بأستغراب ..بابا مالك فيه ايه صوتك عالى جدا ليه كدا .. وبص لـ نشوى بخبث.. خير يا طنط نشوى زعلتى بابا حبيبى ليه
نشوى:: بتكبر ..انت بتقول ايه يا ولد ..ازاى تتكلم معايا بالطريقة دى ..وبعدين باباك زعلان اساسا علشان المناقصة اللى راحت منه ..
هيثم:: بحزن ..فعلا خسارة كبيرة جدا المناقصة دى لو كنا كسبناها كانت نقلت المجموعة فـ حتة تانية خالص ..
عصام:: انا هتجنن يا هيثم مش عارف ميين قدر يدخل مكتبى ويسرق الظرف اللى فيه الاسعار لغاية قبل قفل باب التقديم بساعات كنت متأكد انها هترسى علينا ..وفجأة كل حاجة راحت ولصالح مييين برضوا مش عااااارف
هيثم:: اللى عرفته ان شركة ماهر زيدان هى اللى رسيت عليها المناقصة بس مش عارف ازاى و مجال شغلهم غير مجال شغلنا خالص
عصام:: بذهول ونرفزة.. شركة مااااهر زيدااان ! طب ازااااى هما اصلا شركة انشاءات هندسية مالهم بالاجهزة الطبية .. اكيد فى حاجة غلط
هيثم :: بتأكيد ..فعلا يا بابا فى حاجة غلط ..اصلا ماهر زيدان من وقت ما ساب الشركة لـ أبنه والشركة بتقع و جاتلى معلومات موثوق فيها انه مريض بالقلب و بيتعالج فـ المانيا
عصام:: بتساؤل ..مين أبنه؟ وأمتى غير نشاط الشركة؟ وازاى قدر يقدم عطا أقل مننا ؟ انت لااازم تعرفلى كل حاجة عنه يا هيثم فـ أسرع وقت..
نشوى:: اهدى يا عصام هتتعب من كتر النرفزة والعصبية وسيب لـ هيثم الموضوع ده صحتك يا حبيبى
هيثم:: ما تقلقش يا بابا انا هعرفلك كل حاجة عن ابن ماهر زيدان ..واسمع كلام طنط وأهدى صحتك تهمنا و بص لـ نشوى ببرود ..مش كدا يا طنط والنبى!
بقلمى✍️_____________________لبنى دراز
هدير:: اوبس نسيت الفون فـ العربية ثوانى يا منمن خليكى هنا هروح أجيبه بسرعة واجى
منه :: طيب بسرعه ياديدي متتأخريش عليا…
بعد عشر دقايق الكرسي اتحرك …
منة:: بهجوم .. في ايه يا هدير كل دا بتجيبي الموبايل و بتبص لـ هدير و اتصدمت من اللى بيزق الكرسي ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
