رواية موعد مع القدر (تحدي الإعاقة) الفصل الثالث عشر 13 بقلم لبنى دراز
رواية موعد مع القدر (تحدي الإعاقة) البارت الثالث عشر
رواية موعد مع القدر (تحدي الإعاقة) الجزء الثالث عشر
رواية موعد مع القدر (تحدي الإعاقة) الحلقة الثالثة عشر
🌸💕🌸💕🌸💕🌸💕🌸
أمتلك صديقة نادرة في قربها وتواجدها، لا شيء يشبهها ولا تشبه أحدا، جاءت فسكنت قلبي وشاطرتني ..نعمة هي في حياتي يارب إني أخاف أن ابتسم لصديقتي وقلبها يتألم، وأخاف أن أنام في جوف السعادة وهي تحتضن الحزن استودعتك الله قلب صديقتي من هم الدنيا وحزنها.
🌸💕🌸💕🌸💕🌸💕🌸
لصديقتي البعيدة اشتقت لكل صباح كان بجانبك ولتلك الأيام التي لم تكن في مُخيلتي أنها ستُصبح ذكرى… رحِمك الله يا قطعة من روحى فارقتنى
تحدى الإعاقة بقلمى✍️_____________________لبنى دراز
بيت محمود المنياوى
الكل اتجمع هدى و ولادها چودى وجميلة وزين وليلى الحربوءة عشان يطمنوا ع منة بعد خروجها من المستشفى رحبت بيهم ..منى ومحمود
ف الليڤنج قاعدين الشباب
محمد ومصطفى وزين و البنات چودى وجميلة ومنة
ف الصالون قاعد محمود مع أخته هدى ومنى وليلى أختها .
منى:: نورتونا يا جماعة ..والله من زمان ماتجمعناش كدا
هدى:: حبيبتى يا منى يارب دايما متجمعين ف الخير ياقلبى انتى
ليلى :: بتلوى بوقها.. وهو فين الخير ده ياختى اللى متجمعين فيه .
محمود:: فى ايه يا ليلى مالك كلامك مش موزون ليه ..هو وجودنا مع بعض ده مش خير.
ليلى:: اه يا محمود المفروض انه خير.. بس هيجى الخير منين بعد منة ما اتشلت .. ياكش تكون مرتاح دلوقتي.. أدى أخرة النوادى ولعب الكورة.
هدى::بنرفزة ..الملافظ سعد يا ليلى ..اتلمى شوية وحطى لسانك ده جوا بوقك
ليلى:: مالك يا هدى داخلة
حامية ليه كدا ياختى ..
فـ الليڤنج
منة:: بـ بسمة رضا.. وحشتونى يا بنات وحشتنى اللمة دى اوى
چودى:: بحزن متدارى.. حبيبتى يا منمن وانتى كمان وحشتينى اوى و وحشتنى شقاوتك
جميلة:: بتسأل..قوليلى يا منة ناوية ع ايه؟
منة:: ناوية الم المنهج اللى فاتنى الفترة اللى فاتت .. و أذاكر ليل نهار علشان ادخل الامتحان ومش تروح السنة عليا.. عايزة احقق حلمى و أجيب مجموع طب
چودى:: ربنا يكتبلك الخير ياقمر ..بس قوليلى بقى ناوية ع قسم ايه
جميلة:: بمرح ..أكيد اطفال ..وهى كيوتة كدا وشبهم ف برائتهم ..مش كدا يا منمن
منة:: بصراحة يا بنات كان نفسي أكون جرّاحة أورام ..لكن بعد الحادثة واللى جرالى فيها ..أن شاء الله ناوية ع قسم مخ وأعصاب
چودى:: كويس منه دراسة ومنه ممكن تلاقى علاج لحالتك مع البحث والطب كل يوم ف تطور
منة:: وده فعلا اللى فكرت فيه حتى لو مالاقيتش لحالتي علاج ممكن أقدر اساعد غيرى
ف جنب تانى عند الشباب
محمد :: ولا يا زين ما تيجى اقطععععك بلاى ستيشن ههههههههههههه
زين:: نععععم تقطع مييين ياااض ..انت ناسى انى ع طول انا اللى بقطعععك
مصطفى:: بس ياض انت وهو تعالوا نلعب جيم ونشوف مين فينا اللى هيقطع التانى
وقبل ما يتحركوا الشباب ع اوضتهم ومعاهم زين سمعوا صوت عمتهم وخالتهم بيتخانقوا مع بعض وطبعا منة كمان ومعاها بنات عمتها سمعوا كل اللى اتقال ف الصالون
نرجع الصالون
هدى بترد ع ليلى
هدى:: داخلة حامية لييه؟ وانتى عايزانى ادخل ازاى يا ست ليلى وانتى بتعايرى ف بنت أخويا
ليلى :: وهى بنت أخوكى لوحدك .. ما بنت أختى انا كمان ..ثم انا ما غلطتش ولا عايرتها ..انا كل اللى قولته وهيجى الخير منين بعد منة ما اتشلت ..ولا هى الحقيقة بتوجع؟
هدى:: تصدقى يا ليلى هتصدقى أن شاء الله انك لو ما لمتيش لسانك ده هخلى شبشبى يلمك يا بنت عطيات فاهمة ولا لأ
منى :: بقلب موجوع و دموع ..لا يا ليلى الحقيقة ما بتوجعش ..لانه ده قدر من عند ربنا ..بس هى دى كلمة حمد الله ع سلامة منة ؟ يا بنت أمى وأبويا
هدى:: لـ منى وانتى بتعيطى ليه دلوقتي؟ ..هى مش اختك بس هى…..
محمود:: بمقاطعة.. أستنى انتى يا هدى وقرب من منى ومسح دموعها .. وبص لـ ليلى بغيظ بنتنا موجودة و منورة دنيتنا حتى لو اتشلت زى ما بتقولى يا ليلى وآه مرتاح و راضى بقضاء ربنا اللى كتبه ع بنتى ..و عايزك تفهمي حاجة مهمة ان اللى حصل لـ منة ده مكتوبلها من قبل حتى ما اشوف أختك و اتجوزها فـ مالوش لازمة تلقيح الكلام ولا نظرة الشماتة اللى فـ عينك دى و أرحمى أختك شوية ..ده بدل ما تقفى معاها بتزودى همها ..أنتى ايييه يا شيخة شيطاااانة
برة الصالون سمعت منة كلام خالتها ودموعها نزلت غصب عنها حاولوا اخواتها و ولاد عمتها يهونوا عليها لكن فجأت الكل بدخولها الصالون
منة:: بعصبية.. خالتووو. اعتقد قولتلك قبل كدا انى لسة عاااايشة و لسة فيا روووح.. ومش معنى انى اتشليت يا ليلى هانم او انى عاجزة عن الحركة ابقى ميتة بالحياة.. لأ يا ليلى يا حُسينى قولتها قبل كدا و هقولهالك تانى العجز الحقيقى عجز العقل عن التفكير وعجز الضمير ع انه يشوف الحقيقة العاجز الحقيقى هو اللى قلبه ميت وهو عايش اللى بيشمت فـد المرض و يعترض ع أمر ربنا ..وبكل كبرياء كملت أنما أنا لاااا يا ليلى هانم مش عاجزة ولا مشلولة طول ما عقلى بيفكر هحقق هدفى وهنجح و أوصل وبكرة أفكرك بس وقتها هتكونى فقدتى كل حقوقك كأخت وخالة وبتريقة ياااا خااالتووو
محمود:: ربت ع كتف منة وبص لـ منى بمعنى ما تزعليش ورجع بص لـ ليلى اللى يدخل بيتى و يحترم شعور مراتى وبنتى اهلا بيه ولو ماشالتهوش الارض يتشال ع الراس واللى مايحترمش شعورهم وجاى عشان يشمت فيهم أنا أسف اقول مالوش مكان وسطنا ..وزى ما قالت منة انتى فقدتى كل حقوقك كأخت
ليلى:: بصت لـ منى بعصبية عاجبك اللى بنتك و جوزك ده قالوه انتى سامعة اهانتى وساكتة ..نسيتى انى أختك الكبيرة وليا عليكى حقوق
منى:: بوجع ..كون أنك أختى الكبيرة ده ما يدلكيش الحق انك تشمتى فـ بنتى و تدوسى ع وجعها و تحسسيها بعجزها.. ده بدل ما تكونى داعم ليها وأم تانية تراعيها لو جرالى حاجة..و لو ع الاهانة انتى اللى اتسببتى فيها من البداية مش محمود ولا منة يا أختى يا كبيرة..
محمود:: بغضب..ليلى أسف اقولك اطلعى برة بيتى وما تدخلهوش أبدا طول ما أنا عايش..
ليلى:: سحبت شنطتها بنرفزة يعنى بتطردنى من الجنة بلا هم جاتكم القرف ..وسابتهم ومشيت ..وقربت منة من مامتها بمرحها المعتاد تهون ع منى حزنها اللى اتضاعف بسبب أختها
بقلمى✍️______________لبنى دراز
فـ النادى
قاعدين ماهى. ويسرا وشايفين روبى قاعدة واخدة جنب لوحدها ومالهاش دعوة بأى حد ف الفريق
ماهى:: لـ يسرا هى مالها وبتشاور ع روبى ..واخدة ركن لوحدها ليه
يسرا:: من وقت ماعرفت باللى حصل منك انتى ونادر وهى كدا
ماهى :: اول ماسمعت اسم نادر اتوترت ..وبنرفزة ..واييه اللى حصل يعنى وانتى اصلا بتقولى ايه ولا انا اصلا ماحصلش بينى وبينه حاجة
يسرا:: بأستفهام.. بتقولى ايه يا ماهى انا مش فاهمة حاجة ..اهدى متوترة ليه كدا
ماهى :: وانا ايه اللى هيوترنى يعنى ..اعقلى كلامك يا يسرا واتكلمى عدل
يسرا:: يابنتى مالك فى ايه انا كل اللى اقصده انها من وقت ما اتخانقتوا سوا عندك ف الڤيلا وهى كدا لوحدها
وفجأة شافوا شاب داخل يقعد مع روبى مش عارفينه مين
ماهى :: ومين ده كمان ..دى شكلها هتحلو اوى
يسرا:: شكله البوى فريند بتاعها
ماهى:: ماتيجى نقرب منهم ونعرف مين ده
فـ نفس الوقت طبعا
داخل ساجد النادى و بيدور بعينه ع أيمن وأيهم لكن شاف روبى لوحدها وحب يقعد معاها شوية ينكشها
ساجد:: بخ..الجميل ثرحان فى ايييييه ..أكيييد فيا صح ..قولى قولى
روبى:: بخضة..بسم الله ..انت ايييه يا جدع انت ولا انت مين اصلا عشان اسرح وافكر فيك.. ثم ايه ثرحان دى
ساجد:: الله الله ..انتى بتتلككى بقى انا قولت سرحانة فيا مش سرحانة وبتفكرى كمان ..وبعدين اعترفى ..انا اصلا لا أقاوم وانا عسل ف نفسى كدا
روبى :: بشبه ابتسامة.. امشى العب بعيد .. عشان التلزيق يا عسل ..يلا من هنا يأخ لو سمحت و شوف النحلة بتاعتك فين كانت بتدور عليك
ساجد:: ياخفة..ايه يابت الخفة اللى انتى فيها دى و نحلة مين دى اللى بتدور عليا دى
روبى:: برفعة حاجب ..عايز ايه يا عسل ع المسا ..انا مش فضيالك
ساجد:: عايز اطمن ع رِجل الجميل عاملة ايه خفت ولا لسة
روبى:: اممممم ..يعنى كنت قاصد تخبطنى وليك عين تيجى تطمن عليا ..تيجى ازاى دى
ساجد:: حط ايده ع قلبه..اعمل ايه.. ده اللى قالى إعمل كدا يا ساجد يمكن تنول الرضا والجميل يحن عليك بكلمة ولا حتى نظرة عتف ..اعتف يا دميل وحننن ع الغولبان. اللى قدامك ده. .. ماتحن يا جن وطمنى
روبى:: بتدارى ابتسامتها ..يعنى اهبل وقولت ماشى كمان حروفك ضايعة..
ساجد:: ضحكت يعنى قلبها مال..وخلاص الفرق ما بيننا اتشال
يلا يا قلبي روحلها يلا
قولها كل اللي بيتقال..
روبى:: بدقة قلب وخجل..وبعدين معاك يا اسمك ايه انت ..امشى بقى من هنا مش عايزة كلام من حد انا
ساجد:: اسمى سااااجد السويييفى .. قولى ورايا كدا ساااجد .. سااااجد قولى قولى ما تتكثفيش
روبى:: ساجـ….
ساجد:: بمقاطعة.. استنى استنى استنى ..واحدة واحدة عليا انا قلبى دعييف مايستحملش
وفجأة حد جه من وراه ومسكه من قفاه
بقلمى✍️________________لبنى دراز
دراز
نرجع لـ ماهى ويسرا
ماهى ويسرا شايفين ساجد مع روبى و هيتجننوا و يعرفوا مين ده
ماهى :: ومين ده كمان ..دى شكلها هتحلو اوى يا ايسو
يسرا:: ده شكله البوى فريند بتاعها يا ميمى
ماهى:: ما تيجى نقرب منهم ونعرف مين ده
نادر:: هاااى يا بنااات ..عايزين تقربوا من ميين كدا
ماهى:: بتوتر ..نـ نـ نادر ..جاى ليه خير فى حاجة ..
نادر:: بخبث ..عضو فـ النادى يا حب عادى انى اجي ..و بتوعد اصل كنت متفق مع واااحد صاحبى يجيبلى حاجة مهمة وشكله كدا ناوى يغدر ..قولت لنفسى أجي افكره عشان لو غدر بيا ما يلومش الا نفسه ..و ببرود مش كدا يا قلبى ولا ايه
ماهى:: آه آه كدا ..بس اكيد مش هـ هـ هيغدر بيك ..يمكن بس مشغول ولاااا مش عارف يجيبلك اللى طلبته منه
نادر:: ما يخصنيش بقى ..انا حذرته من الاول وهو حر..
يسرا:: مش فاهمة حاجة من كلام نادر و ماهى ..بس بس انت وهى مش فاهمة منكم حاجة ..وبعدين اسكتوا شوية بقى لما نشوف روميو و چولييت النادى و بتشاور ع روبى وساجد
…………………….. .
روبى لسة هتنطق اسم ساجد وقبل ماتكمل
ساجد:: بمقاطعة.. استنى استنى استنى ..واحدة واحدة عليا انا قلبى دعييف مايستحملش
أيهم:: جه من وراه ومسكه من قفاه ..قلبك ايييه يا خويا دعييف ..يا حنييين
روبى:: ضحكت و لسة هتقوم تمشى..
ساجد:: بغُنى بصلها.. ضحكت تانى نفس الضحكة وراحت ماشية ..زى الدنيا ما تيجى فـ ثانية و تمشى فـ ثانية
أيهم:: طب يلا يا نحنوح نشوف أيمن فين ههههههههههههه
ساجد:: لـ أيهم ..حبيتها أيوا انا حبيتها مش قادر أنسى ضحكتها
أيهم:: بضحك.. طب يلا يا عندليب.. فز قدامى نشوف روميو التانى فين هو كمان
ساجد :: تصدق يا أخى واللى خلج الخلج (خلق الخلق) انت بنى آدم فصيل ..روح يا شيخ الهى ربنا يرزقك باللى يعكنن عليك زى ما عكننت عليا فووت قدامى يا خويا فووت
و ماشيين يضحكوا و يهزروا و ماهى عينها عليهم هى ويسرا ونادر ومش عارفين مين دول ولا علاقتهم بـ روبى ايه
بقلمى✍️_______________لبنى دراز
بيت محمود المنياوى..
رجعت منة تذاكر وتوصل الليل بالنهار عشان تلم المنهج عايزة تنجح بتفوق زى ما متعودة ومحمود دايما متابعها وداعمها
و كان بيتفق لها مع المدرسين بتوعها ييجوا لها البيت لانها لسة مش هتقدر تنزل تروح الدروس لغاية ما تتعافى تماما وتتعود ع الكرسى..
محمود:: داخل أوضة منة يطمن عليها.. ضحكة قلب أبوها ..عاملة ايييه.. طب ولا هنغير رأينا؟!
منة:: بأبتسامة هادية.. أكيد طب طبعا ومش هتنازل عن المركز الاول ع المدرسة زى كل سنة وكمان من الاوائل ع الجمهورية يا بابتى ..
محمود:: بنوتى حبيبتى قدها وقدود
منة:: بمرح..طبعا قدها ده أنا منة المنياااوى هههههههه
محمود:: بسعادة ورضا ..طيب يا شقية كملى مذاكرتك يلا عشان كمان شوية مستر الكيمياء جاى وكمان هدير علشان تبدءوا الدرس ..
منة:: حاضر يا بابتى .. و بوجع بس ممكن طلب …. وسكتت
محمود :: حس بيها ..حبيبتى تؤمر مش تطلب وبابا ينفذ
منة:: بصت لنفسها وهى ع الكرسى..هو انا بس كنت عايزة أعرف هروح امتحن ازاى .. لو الامتحان فى مدرسة غير مدرستى او لجنتى فـ دور عالى
محمود:: يضمها لحضنه.. ممكن ضحكة قلب أبوها ماتشغلش بالها.. كل اللى مطلوب منك تركزى فـ مذكرتك وبس.. وبابا عارف هيعمل ايه ..تمام يا دكتورة ولا ايييه؟
منة: بتنهيدة راحة ..حاضر يا بابا هركز فـ مذاكرتى واجيب مجموع وارفع راسك و ع رأى هدير هتتفشخر بيا ان شاء الله ههههههههههههه
محمود:: ههههههههه خلاص بقى يا شقية رغينا كتير يلا يا قلب بابا اسيبك بقى تكملى مذاكرتك ..
فـ نفس الوقت ده كانت منى فـ المطبخ بتعمل ساندويتش وكوباية لبن لـ منة وأتنين قهوة ليهم..
وخرج من اوضتها باله مشغول بيها وانه ازاى فعلا مافكرش ف حاجة زى كدا قعد ف الليڤنج سرحان فـ حالة منة وازاى هتنزل تمتحن بالوضع ده
منى:: حبيبى عملتلك فنجان قهوة بقى انما ايه يروق مزاجك ..
محمود::…………
منى:: باندهاش…محمود ..حووودة حبيبى مالك سرحان فـ ايه ..القهوة هتبرد يا محمود
محمود:: هااا ..فى حاجة يا روحى .
منى:: بقولك القهوة هتبرد يا حبيبى
محمود:: ياااااه القهوة دى جات فـ وقتها ..تسلم ايدك يا روحى
منى:: بغيرة لذيذة.. قولى بقى سرحان فـ ايه كدا ..ميين واخدك من مناك لدرجة ماحستش بيا ولا سمعتنى من اول مرة بقى
محمود:: حبيبتى ماحدش يقدر ولا يجرؤ ياخدنى من منايا ..بس منة سألتنى ازاى هتروح الامتحان و بفكر فعلا ازاى راح عن بالى الموضوع ده
منى:: حبيبى ما تقلقش انا فكرت فيه ..ان شاء الله بكرة هاخد كل التقارير بتاعتها اللى تأكد حالتها الصحية و هروح المنطقة التعليمية اقدمها علشان يتعمل لها لجنة و تكون مع زميلاتها سواء ف مدرستها او اى مدرسة تانية المهم بس تكون فـ دور ارضى حتى لو هتكون لجنة خاصة..
محمود:: ربنا يباركلى فيكى يا قلبى دايما بتكملى الناقص مني ..مش عارف من غيرك كنت عملت ايه..
منى:: يا حبيبى انت ع طول شايل همنا و بتفكر فينا دايما وعمرك مانسيتنا ابدا ..وبعدين يا حبيب قلبي انا وانت واحد صحيح ماينفعش يتجزء احنا الاتنين بنكمل بعض ..ربنا مايحرمناش من وجودك فـ حياتنا و يخليك لقلبى
محمود:: حبيبتى ولا يحرمنى من قلبك و يباركلى فيكم يارب..امممم انا من وقت ما جيت من البنك ..شايف البيت هادى يعنى ..المشاكسين فيين ههههههههههههه
منى::ههههههه .. ماصدقوا خلصوا امتحانات وجرييوا ع النادى عندهم تمرين..
وسمعت جرس الباب قامت تفتح لاقت هدير.
هدير :: بخ ..انا جيييت ههههههههههههه
منى:: لـ محمود ..كنت بتقول البيت هادى ليه ..ده الهدوء اللى كان قبل العاصفة ..و اهى العاصفة شرفت بزوابعها
هدير::برفعة حاجب ..انا عاصفة يا انطتشى ..وبـ ريأكشن بوز البطة..مخمصاكى
انا ..ياااااا مننننة
محمود:: ضحك بعلو صوته ههههههههههههه ياريتنى ما سألت
هدير:: بشقاوة.. بقى كدا يا عمو ..وانا بقول ان البرنس محمود القمر ده هو اللى هينصفنى
منة:: خرجت ع صوت هدير ..عاملة دوشة ليه يا شعنونتى ..تعالى يلا نراجع قبل ما يجى المستر
هدير:: تؤ تؤ تؤ عتلاق ده بجد وحق وحقيقى انا اتهزئت فـ البيت ده ..ولااازم تعويض لكرامتى
منة:: و ايه بقى التعويض المطلوب يا بلوتى
هدير:: حطت أيدها ع كتف منة
امممم شوفى يابنتشى انا مش هقبل بأقل من طبق مُلغم بشوية كباب وكفتة 😋 و ديك رومى كدا يكون محشى فرخة جواها لحمة يااااااه اصل جرح كرامتشى صعب اجودعان
محمود:: ههههههههههههه لاااا وانا مايرضنيش ان كرامتك تنجرح .. وبص لـ منى ..منايا قدملها التعويض اللازم
منى::ههههههههههههه وانا ده اجيبهولها منين دى عايزة تعويض كبير اوى يا محمود ههههههههههههه
محمود:: خلاص ولا يهمك يا قلبى.. كفاية عليها ساندويتش جبنة و اديها كمان طماطماية وخياراية ودى كل الخيارات اللى عندنا ههههههههههههه
هدير:: بحزن مصطنع.. الله الله انتوا هتشقطونى لبعض زى الكورة ولا ايييه .. حاجبى وصابع رجلى غضشبان عليكم
والله لا انا داخلة اذاكر يلا يابنتشى بينا نذاكر وأمرنا لله.
بقلمى✍️________________لبنى دراز
فـ شركة عصام الشرنوبى
راحت الشركة لـ أول مرة بكل غرور وتكبر داخلة من باب الشركة الرئيسى حارس الأمن وقفها يسألها
فرد الأمن:: رايحة فين يا أنسة ..حضرتك عايزة مين
ماهى:: بتكبر ..ايييه رااايحة فييين دى ..انت ما تعرفش انا مين..
الأمن :: لا يافندم ماحصليش الشرف ..
ماهى:: وسع يا حيوواان خلينى ادخل..
الأمن :: لا مش هتدخلى الا لما تقولى رايحة فين ولمين وكمان تعتذرى..
وهنا بقى غلط غلطت🙄 عمره ..قال تعتذر قال .😏
ماهى:: انت مجنووون ..مين دى اللى تعتذر يا حيييوان انت واعتذر لمين ..انت ماتعرفش انا مييين ولا اييييه
الأمن:: لا معرفش ومش عايز اعرف هتكونى ميين.يعنى اكيد سنكوحة جاية تدورى ع شغل..
يااابنى اسسكتتت 🤫 هتوحشنا والله يا ضنايا ههههههههههههه
ماهى:: انت بتقول عليا اناااا ماهينااار الشرنوبى سنكوحة وكمان جاية ادور ع شغل ..انا هخلى بابى يرميك زى البوبى فـ الشارع يا حيييوووان انت ..وسع كدا
و دخلت الشركة بتكلم نفسها مش عارفة انا بابى بيشغل الناس البيئة دول ازاى أووف
الأمن :: بصدمة.. يا ليلة سووو…. ده انا ماصدقت اشتغل ..ياربى .. انتى طلعتيلى من اى داهية يابنت الشرنوبى.. روحى يا شيخة منك لله ..انقطع عيشى ..كدا خلاص ..استرها يارب
طلعت ماهى لغاية ما وصلت مكتب عصام بغرورها المعتاد عدت ع السكرتارية بس ما لاقيتش هايدى ع مكتبها ..وقفت شوية تتفرج ع المكتب..وبعدها فتحت الباب مرة واحدة من غير استأذان …و و … وقفت حطت ايدها ع بوقها…
بقلمى✍️________________لبنى دراز
فـ بيت محمود المنياوى
وبعد مرور اسبوعين او اكتر ومنة بتذاكر و بتوصل الليل بالنهار بدأت امتحانات الثانوية العامة وكانت أمها بعد تقديم تقاريرها الطبية للمنطقة التعليمية أخدت عليها الموافقة بتجهيز لجنة الامتحان لها ف الدور الارضى رأفة بحالتها الصحية ..
نزلت منة بمساعدة مامتها وباباها و راحت مدرستها فـ أول ايام الامتحانات..
داخل اللجنة..
كان الديسك الخاص بيها داخل اللجنة مختلف عن باقى ديسكات زميلاتها وكان عبارة ترابيزة فقط نظرا لجلوسها ع كرسى متحرك..
رئيس اللجان:: بتساؤل..
كدا تمام يا منة ولا محتاجة حاجة قبل مانبتدى ؟ ومستعدة لمعركة الامتحانات ولا لأ ؟
منة:: بأمتنان ..شكرا يا مستر مش محتاجة حاجة ..وأكيد مستعدة وبكل طاقتى ان شاء الله ميرسيه جدا لحضرتك
خرج رئيس اللجان من لجنة منة يمر ع باقى اللجان وابتدت الامتحانات ..خلص اول يوم فـ الامتحانات ونزلت هدير تجرى بعد ما خلص الوقت ع لجنة منة
هدير:: بفرحة..منوووشة عملتى ايييه ياقمر ..
منة:: حبيبتى يا ديدى..الحمدلله الامتحان كان جميل وقفلته كله ..وانتى يا بلوتى عملتى ايييه
هدير:: عيب والله يا سطا السؤال ده ..أكييييد قفلته كله طبعا
منة:: يااااه ..شاطر…
هدير:: بمقاطعة..إلا حتة صغننة قد كدهووو..ههههههههههههه
منة:: ههههههههههههه يافرحة ماتمت ده انا لسة كنت هقولك اخيرا عملتيها وقفلتى المادة كاملة
هدير:: بتشاور بصوبعها ع نفسها بغُنى ..انا مش بتاعة الكلام ده ..انا عمرى ما كنت جامدة ههههههههههههه
منة:: بضحك .. يلا يلا يا ست شيرين خلينا نمشى ..
وخرجت منة مع هدير من المدرسة فرحانة باول يوم انها قفلت المادة وكان محمود مستنيها فـ العربية من وقت ما وصلها الصبح..
محمود:: وهو بيساعد منة تركب العربية.. ضحكة قلبى عملتى ايه النهاردة فـ الامتحان
هدير:: بسرعة قبل منة ما ترد ..هتعمل ايييه يعنى يا حووودة بنتشك دى دحيييحة تبيعى قفلت الامتشحان ههههههههههههه
منة:: بهزار… نهارك مشجر مش باينله لووون ..انتشى بتؤرى عليا يابنت بنت الشرقاوى .. مانتى كمان دحيحة ياختشى مش لوحدى..
محمود:: ضحك بعلو صوته ههههههههههههه..بس بس خلاص انتوا الاتنين ..ماتتخانقوش ان شاء الله تقفلوا كل المواد وتطلعوا من الاوائل ..
..وع جنب الطريق التانى واقف أيمن وأيهم علشان يطمنوا على اللى شاغلين عقلهم وقلبهم من غير ما حد يشوفهم..
وزى ما عدى اول يوم عدت باقى الايام على خير وكانت منة بتقفل كل مادة بتمتحنها وخلاااص النهاردة النتيجة هتظهر ..والقلق واضح ع الكل
منى:: بتوتر اتصلت بمحمود..الووو ..طمنى يا محمود النتيجة ظهرت ولا لسة
محمود:: لسة يا روحى .. انا سألت قالوا ع بعد الظهر يمكن ع الساعة 2 كدا..
منى:: خلاص يا حبيبى خليك فـ البنك ما تنزلش وانا هنزل اجيبها..وأطمنك ان شاء الله
محمود:: لا يا حبيبتى خليكى ماتتعبيش نفسك ..أيمن كلمنى وهيروح هو يجيبها لـ منة وهدير ويجى يطمنى ان شاء الله .. اول ما يوصل هطمنك
سلم عليها وقفل الخط وفضل فـ قلق هو ومنى كل شوية تتصل عليه عايزة تتطمن
منى:: ايييه يا حبيبى لسة أيمن ما اتصلش قالك ظهرت النتيجة ولا لسة؟
محمود:: لسة يا منى ..انا مستنى أيمن راح يجيبها و لسة ماجاش. يا حبيبتى اول ما يجى هكلمك ع طول. صدقينى
منى:: بقلق.. بالله عليك اول….. وقطعت كلامها لما سمعت صوت أيمن عند محمود
أيمن:: داخل المكتب فرحااان وبصوته كله منة نجحت وجابت 99% يا عمى طلعت الاولى ع المدرسة.. وهدير كمان جابت 98% وبرضوا من الاوائل ع المدرسة
محمود:: بدموع الفرحة ..باركى لمنة يا منى لغاية ما اوصل انا أباركلها بنفسى ..وقفل الخط وقام حضن أيمن اللى من فرحته مبقاش عارف بيقول ايه ..
أيمن:: نسى نفسه هو فين ومع مين وهو فـ حضن محمود بيعيط..الحمدلله يارب الحمدلله وأخيرا حبيبتى وفرحة عمرى نجحت أخيرا يا عمى خلاااص هقدر اقولها انا بحبك يا منة و عايز اكمل عمرى معاكى يااااه اخيرا خلاص ..
محمود:: بسعادة .. ربت ع ضهره ..الحمدلله ربنا عوض تعبها خير ..وان شاء الله ربنا يعوض صبرك انت كمان خير
بقلمى✍️__________________لبنى دراز
ماهى :: الووو ..نادر ..عايزة اقابلك
نادر:: خير ..ياااا برنسيسة
ماهى:: انا جبتلك اللى انت عايزه.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
