رواية موعد مع القدر (تحدي الإعاقة) الفصل الحادي عشر 11 بقلم لبنى دراز
رواية موعد مع القدر (تحدي الإعاقة) البارت الحادي عشر
رواية موعد مع القدر (تحدي الإعاقة) الجزء الحادي عشر
رواية موعد مع القدر (تحدي الإعاقة) الحلقة الحادية عشر
عندما يؤلمك النظر للماضي، وتخاف ممّا سيحدث في المستقبل، انظر لجانبك، وصديقك الحميم سيكون هناك ليدعمك.
🌹💕🌹💕🌹💕🌹💕🌹
#الصّداقة..هي طاقة لا يمكن للإنسان العيش من دونها هي متنفّس حيث يجد المرء منا كلّ راحته في التّعبير عن رأيه يقول رأيه بكلّ طلاقة ومن دون أن يشعر بأنّه مقيد
تحدى الإعاقة بقلمى✍️__________________لبنى دراز
فـ المستشفى
أيمن وأيهم ومنة ومنى رايحين سوا لهدير كلهم وخبطت منة ع الباب وسمعت الاذن بالدخول وفتحت ودخلت وحدها فـ الاول
منة:: بأبتسامة ممكن ادخل ..ولا الف وارجع تاني ههههههههه
هدير:: بفرحة ظاهرة ممزوجة بحزن ..وماحدش يقولى ازاى
منننننة وحشتيييينى و نفسها تنط تحضن صاحبتها لكن مش قادرة من رجلها المتجبسة
منة:: قربت بالكرسى منها لانها هى كمان نفسها تحضن صاحبتها وبرضوا مش قادرة
هدير:: لـ مامتها..ساعدينى يا سولى بسرعة يلا يلا
سلوى:: يابنتى اهدى شوية حاضر هساعدك تنزلى ..بس اسلم عليها الاول
هدير :: هى صاحبتى ولا صاحبتك لامؤاخذة يا ست الدكتورة.
منة:: بضحك مش هتعقلى ابدا وطنط سلوى هتقولك زى كل مرة ارتقى باسلوبك شوية .
هدير:: عتلاق يا مزتى ماهعرف ..قال ارتقى قال ..اكتر من كدا ويزيح ربنا..ههههههههههههه
منى:: دخلت ورا منة هتسيبونا كتير كدا ولا اييه..
سلوى:: اتفضلى يا منى .. بحزن حمد الله ع سلامة منة .
منى:: الله يسلمك يا سلوى .. بحزن متدارى والحمدلله انها موجودة ومنورة دنيتى .
سلوى :: الحمدلله يا حبيبتى قدّر الله وما شاء فعل
أيمن:: طيب ايه مسموحلى ادخل انا كمان ولا ايه.
هدير:: كابيتانو أيموون ..منور يا جدع والله العظيم ..عتلاق منور يااا راجل
أيمن:: بضحك..يابنتى ..نفسى فعلا ترتقى شوية وتعقلى زى ما مامتك بتقولك. انتى المفروض يعنى هتكونى دكتورة ولا ناوية تشتغلى فـ مدبح .
هدير::عملت بوز البطة ورفعت حاجبها وساكتة كأنها مقموصة
كلهم ضحكوا ع شكلها
أيمن:: بضحك. ايه بقى الريأكشن ده مالك بس ههههههههههههه
هدير:: بص يا اسطا ..انا كدا وهفضل كدا واللى هيتنيل ع عينه يتجوزنى هعرفه انى كدا واااه هشتغل ف مدبح ..ليييه قول ليييه
أيمن :: بضحك.. ليييه..
هدير:: قولتلى ليه.. اقولك بقى عشان هكون دكتورة جرّاحة ..دكتورة ايييييه جرّاحة يعنى هندخل نشق ونسلخ ع طول فهمت يا هندزة
سلوى:: بنفاذ صبر ..من بنتها اتفضل يا أيمن ..اتفضلوا و معلش سامحونى بجد مش عارفة اعمل فيها ايه دى مجننانى والله
أيمن::معلش يا دكتورة ربنا يهديها.. بس معلش فى ضيف معايا برة عايز يسلم ع هدير
سلوى :: اهلا بيك وبضيفك يا أيمن خليه يتفضل..
أيمن :: شاور لـ أيهم يدخل
هدير:: اول ما شافت أيهم..قالت جواها يخربيت جمال أمك وحشتنى يا ابن الوارمة ..وفجأة صوتها مش طالع و متلخبطة أي..كابت..ومتوترة مش عارفة تتكلم وسرحت فـ أيهم اللى واحشها
أيهم :: ابتسم ع شقاوتها اللى جننته و بشرود..قال جواه ااااه لو اقدر اقولك عيونك وحشتنى قد ايه ..مش عارف عملتى فيا ايه يا بنت اللذينا انتى.
أيمن:: لـ أيهم ..أييهم .
.أيييييهههم و بيشاور بإيده قصاد وشه ايييييه روحت فين
أيهم:: بخضة ..بسم الله ..ايه يا عم فى حد يخض حد كدا..
أيمن :: بهمس.. روحت فين يا نمس ..
أيهم :: هروح فين يعنى مانا مسحول معاك اهو ..وبعدين عايز ايه بتجعر ليييه ..
منة:: بتضحك ههههههههههههه
بصراحة انتوا الاتنين ثنائى مجنون جدا مش بحسكم غير صغيرين زى محمد ومصطفى مشاكسين ههههههههههههه
أيمن::خطفته ضحكتها ورجع يضحك زى الاول رغم حزنه من جواه بس بيحاول يدارى وقال
ما تتكلم يابنى ساكت ليه كدا
أيهم:: اه اه ..السلام عليكم ..ازيك يا انسة هدير عاملة ايه.. الحمدلله فكيتى إيدك ..لأ لأ هى رجلك صح اه تقريبا رجلك مش كدا ..الف سلامة عليكى.. و متخلبط هو كمان
الكل مستغرب توتره و لخبطته.
بس أيمن فاهم صاحبه و ابتسم لان هو كمان نفس الحال لما بيشوف منة بس بيعرف يدارى مشاعره كويس
بقلمى✍️_________لبنى دراز
ڤيلا عصام الشرنوبى
ماهى بعد مكالمة نادر حبست نفسها ف اوضتها و رايحة جاية بعصبية فـ الأوضة بتكلم نفسها..انا اييييه اللى عملته فـ نفسى ده اعمممممل ايييييه بس ياربى اززززاااى اروحله بيييته اززاااااى ده اكيد اتجنن اكيد.. اننننتتتت اكييييد اتجننت يااااا نااااااادر ازاى تساومنى اناااا ماهى الشرنوبى ..وقعدت ع سريرها ضمت رجلها بإيدها وحطت راسها ع ركبها ..بدموع لو مروحتش هيبلغ عنى ويبعت لـ أيمن التسجيلات ويعرفه كل حاجة ..و لو روحت مش عارفة ممكن يتصرف معايا ازاى قامت بأنهيار اععععممممل اييييييييه ومسكت ازازة البرفان حدفتها ف المراية يمكن تهدى
الباب خبط اكتر من مرة وماسمعتش وبعد شوية وقت خبط تانى وفتحت بزعيق ..ايييه خبط خبط خبط ..ايييييه الدنيا اتهدت و كانت الشغالة طالعة تبلغها ان الغدا جاهز
ماهى:: بزعيق..خلاص غووورى من وشى
ع السفرة موجود عصام و نشوى وهيثم وشهد مراته
عصام:: بجدية ..ماهى فين يا نشوى:: فوق فـ أوضتها يا بيبى.. ورفعت عينها ..شافتها نازلة ..اهى نزلت حبيبة مامى
عصام:: و تامر ..لسة برة ولا فوق هو كمان ..ايييه انتوا مش عارفين ان وقت الغدا لازم يكون الكل موجود هستنى واحد واحد انا ولا ايييه
نشوى:: تامر مشى راح الحتة البيئة دى اللى فيها مامته
عصام :: نععععم قولتى راح فيييين ..ازاى يروح من غير أذنى
نشوى:: زى ما سمعت قال انه وعدها يتغدا معاها وكمان يفضل لأخر الاسبوع عندها
ماهى:: نزلت وسلمت ع باباها وقعدت تاكل ف صمت.
هيثم:: بعد أذن حضرتك يا بابا ماما مريضة وكانت محتاجة حد معاها وطلبت مننا نروح لها.. علشان كدا تامر مشى و اكيد ملحقش يستأذن حضرتك
عصام:: بتريقة وانت بقى مااا روحتش ليه انت ومراتك زيه
هيثم:: انا طبعا كنت لازم استنى حضرتك واستأذن منك ومن طنط نشوى الاول
نشوى:: بهمهمة ..بتاكل عيشك يا ابن عصام بس وغلاوة ابوك ما هتطول قرش واحد من فلوسه
هيثم:: خد باله من حركة شفايفها وابتسم لها بخبث بتقولى حاجة ياطنط.
نشوى:: ببرود.. بقول عاقل يا حبيبى ياريت تامر كان زيك كدا
هيثم:: بنفس البرود .. ميرسى يا طنط ..مانا تربيتك ..اوه قصدى تربية حضرتك.
عصام:: خلاص اتغدوا بهدوء من غير كلام كتير..
وبعد الغدا قعدو كلهم فـ الليڤنج
نشوى:: بتكبر.. بنت يا شهد
شهد:: بهدوء..نعم يا طنط
نشوى:: بأمر .. روحى المطبخ شوفيهم بيعملوا ايه و اشتغلى معاهم ولما تخلصوا اعملى قهوتى وقهوة عصام بيه و شوفى ماهى تشرب ايه
شهد بصت لها و بصت لـ جوزها اللى قاعد ساكت ومش بيرد ع مرات ابوه ومشيت بدموعها دخلت المطبخ و شافتها الدادة
دادة انشراح:: مالك يابنتى . بتعيطى ليه
شهد:: مافيش يا دادة.. حضرتك بتعملى ايه اعمله معاكى
انشراح:: يا ندامة انتى بنفسك هتشتغلى معانا..
شهد:: مافيهاش حاجة يا دادة ..قوليلى بس بتعملى ايه
انشراح:: مافيش حاجة البنات خلصوا كل حاجة و مافيش غير قهوة البيه والهانم وعصير ماهى وهيثم
شهد:: طيب انا هعمل القهوة بس هما بيشربوها ازاى
انشراح :: بيشربوها مظبوط ..هتعرفى تعمليها؟
شهد:: بابتسامة مكسورة.. انا احسن واحدة فيكى يا جمهورية تعمل قهوة بعون الله
وعملت القهوة وجهزت العصير لماهى وهيثم وماعملتش لنفسها
انشراح:: نسيتى نفسك يا قمر
شهد :: بهمهمة اه عشان ستك تطين عيشتى ..وقالت لا يا دادة انا مش عايزة حاجة ..وشالت الصينية وطالعة بتقدم القهوة الاول
عصام:: اخد القهوة ..بيشرب ..الله طعم القهوة ده جميل ..وبص لـ شهد انتى اللى عملتى القهوة دى
شهد:: وهى بتقدم القهوة لـ نشوى ..ايوا يا عمى
نشوى:: بتاخد القهوة ..ايه عمى دى اسمه عصام بيه او اونكل عصام بلاش شغل الحوارى ده ..انتى فاهمة يا بنت
شهد :: تحت امر حضرتك يا طنط ..قصدى يا نشوى هانم
و قدمت العصير لـ ماهى وهيثم وبصت له بعتاب من غير كلام ..
بقلمى✍️_________________لبنى دراز
فـ المستشفى ..
ساجد ساند روبى وداخل المستشفى بيسأل عن اى دكتور..
موظف الاستعلامات..
قاله اخر الطرقة غرفة كشف الطوارئ هتلاقى الدكتورة موجودة بس ياريت البيانات
لو سمحت
ساجد:: لحظة بس اوصلها لانها مش قادرة تقف وارجع لحضرتك
الموظف:: اتفضل يا افندم ..
وهما رايحين لـ أوضة الكشف .
ساجد:: ممكن بس اعرف اسمك عشان اسجل بياناتك فـ الاستعلامات
روبى:: حضرتك مش مضطر ..تقدر تتفضل وانا هكشف و اسجل بياناتى بنفسى
ساجد:: بتصميم.. لااا يمكن ابدا ..انا خبطت حضرتك بعربيتى.. ولاااازم وحتماً ولابد ساجد السويفى يكفر ع غلطته .. يأما مش هعرف انام مرتاح الباااال ابدا و حضرتك زعلانة مني يا أنسة …..؟ قولتيلى اسمك ايه؟
روبى:: بتوتر وقلق..اسمى روبى ..وانا مش زعلانة من حضرتك يا أستاذ ساجد يا سويفى و أرجوك بقى انا كدا اتأخرت فـ لو سمحت بقى خلينى اكشف و امشى
ساجد:: طيب اتفضلى دى اوضة الكشف ..و خبط ع الباب . سمع الاذن بالدخول
الممرضة:: سندت روبى دخلتها للدكتورة وقالت لـ ساجد ممكن تستنى برة شوية ..
ساجد :: تمام .. وعمل اتصال ..تعالى حالا الدور الاول اوضة كشف الطوارئ..
بقلمى✍️_________لبنى دراز
فـ المستشفى عند منة
رجعت اوضتها بعد ما راحت لـ أيمن وهدير ورجعت مبسوطة
شافت باباها قلقان عليها
محمود:: بقلق .. كدا يا منة تقلقينى عليكى..ليه خرجتى من اوضتك بس ..
منة:: بابتسامة رضا..بابا حبيبى انا ما خرجتش لوحدى ..ماما ساعدتنى ..وبعدين زهقت من قاعدة السرير و الاوضة روحت اشوف أيمن وهدير
محمود:: كنتى استنيتى لما أجى ليه تتعبى مامتك ..وتخليها تسا.. ومقدرش يكمل كلامه
منة:: وجعتها الكلمة لكن هى متمكنة ف اخفاء وجعها ..بس قلب الام حس بيها
منى:: بصت بعتاب لـ محمود ..ع فكرة بقى هى من زمان جدا من وهى صغيرة عنيدة وشقية وكانت دايما تتعبنى معاها كدا ايه الجديد يعنى..
محمود:: فعلا يا منايا ضحكة قلبى من يومها عنيدة وقوية
منة:: بهدوء ظاهر ع ملامحها..أكيد طبعا عنيدة وقوية يا بابتى عشان كدا هعافر واتحدى ومش هتعب حد معايا تانى ماتقلقش
وشوية وخبط الباب وكان دكتور رؤوف
د/ رؤوف :: ايه الاخبار يا منة لاااا انا شايف النهاردة ماشاء الله وشك منور وعليه ابتسامة جميلة..
منة:: طبعا يا دكتور .. انا قررت اسمع كلام حضرتك و اتحدى المرض وأنتصر ف المعركة ههههههه صحيح هو غلبنى فـ اول جولة وقعدت ع كرسى متحرك بس اوعدك هتكون أخر جولة وهتغلّب عليه بأرادتى ويقينى ف الله
د/رؤوف:: وانا متأكد انك قدها ..علشان كدا خلاص هكتبلك خروج النهاردة وتقدرى تكملى حياتك زى مانتى عايزة و زى ما انتى مخططة ليها
منة :: اكيد طبعا يا دكتور لانى ببساطة انا مش عاجزة حتى لو قعدت ع الكرسى ده وبتشاور ع الكرسى المتحرك ..انا اقدر اعمل كل حاجة طالما عقلى وعينى وايدى شغالين وتفكيرى صاحى و زهنى حاضر .. رجلى جزء مني بس مش كُلي
د/رؤوف:: بأندهاش من تفكيرها رغم صغر سنها ..انا مر عليا حالات كتير فـ سنك وأكبر منك ماشوفتش فـ عقلك وحكمتك ..انتى اثبتيلى ان العقل وعمق التفكير وقوة الارادة مالوش علاقة بالسن.
وبص لـ محمود بنتك مثال مشرف لـ أى حد مر بنفس ظروفها أرجوك ادعمها وساعدها وخليكم جنبها
سابهم وخرج يكتب تقرير عن حالتها ويجهز ورق خروجها
بقلمى✍️_______________________لبنى دراز
نرجع عند ساجد ف نفس المستشفى
ساجد:: و روبى ف اوضة الكشف اتصل ..الوو أيهم باشا
أيهم:: أرغى يا عملى الاسود ف الحياة
ساجد :: ماشى يا اخرة صبرى تعالى حالا الدور الاول اوضة كشف الطوارئ وهات معاك جناب اللورد ..البت هنا
أيهم:: يخربييت شيطانك انت عملت ايييه..اوعى تكون كسرتها..
ساجد:: متخافش يا خويا ما قتلتهااااش دى يادوب خبطة صغننة قد كدهو ..جر رجل الزبون يعنى ..و اخلص بقى يا روميو و انزل انت و سى ڤلانتينو قبل البت ما تخرج من جوة خلونى اتنيل اروح عايز اناااااام جاتكم الهم اصحاب عـر… ولا بلاااش الطيب احسن
وقفل الخط وف ثوانى كان أيهم وأيمن ف الاسانسير نازلين اول دور
أيهم :: لـ ساجد ..هى لسة جوة ؟
ساجد:: بتريقة.. لا مشيت وانا بمرجحك.. سؤال غبى شبه صاحبه ههههههه
أيهم:: بنرفزة ..ياض هخنفك اتلم ..
أيمن:: مش هتعقلوا بقى انتوا الاتنين ..احنا فـ ايه ولا فـ ايه انت وهو ..وانت يا ساجد ..اوعى تكون أذيت روبى
ساجد:: عيب عليك يا اسطا انا مش غشيم للدرجة دى ..المهم هنبعد انا و سى زفت ده شوية و خلينا نشوف رد فعلها لما تشوفك..
أيمن :: تمام .. اختفوا انتوا وانا مستنى
وبعد شوية خرجت روبى من اوضة الكشف وبترفع عينيها تدور ع ساجد شافت أيمن قصادها
روبى:: بتهتهة ..ك ك كاب كابتن أيمن .حـ حـ حضرتك ه هنا
أيمن:: اول ما شاف روبى سرح ورجع بالذاكرة
“فلاش باك”
أيهم:: لـ أيمن فاكر لما قولتلك انا شاكك ان الحادثة دى بفعل فاعل مش قضاء وقدر.
أيمن :: فاكر وقتها قولتلك ..انا حاسس انها ممكن تكون بفعل فاعل بس مش متأكد ومش قادر احدد حاجة.
أيهم:: اسمعنى بقى يا كبير.. الحادثة فعلا بفعل فاعل.. بس اللى لغاية دلوقتى مش متأكد منه انت اللى مقصود ولا منة اللى المقصودة..
أيمن :: بزعيق.. اييييييه أنت بتقوووول ايييييييه يا أييييهم يعنى اييييه فـ حد كان قاصد يقتتتتتلنى او يقتتتتتتل منة ..طيب لييييه ..لييييييه قولى ليييييه بس ومييييين انننططق..
أيهم:: اهدى بس يا أيمن ارجوك هيجرالك حاجة ..اهدى وانا هحكيلك كل حاجة.. وابتدى يحكى كل اللى حصل….لغاية ما اتفق مع ساجد انه يراقب روبى ويحاول باى طريقة يكلمها فـ الوقت المناسب..
أيمن:: ماحدش هيتكلم مع روبى غيرى لو قدرتوا تجيبوها هنا حتى لو بلغتها انى عايز اشوفها ضرورى ..المهم انها تيجى ..
أيهم:: لأ اهدى كدا .. هنفكر فيها بعقل كدا ..علشان البنت ما تشكش فـ حاجة وبعدها اتكلم معاها بهدوء واسمعها.كويس قبل ماترد
” عودة للوقت الحالى”
أيمن:: ازيك يا روبى ..عاملة ايه
روبى:: الحمدلله ..يا كابتن ..حضرتك عامل ايه
أيمن :: انا كويس وهكون كويس اكتر لو قبلتى تقعدى معايا
بقلمى✍️__________________لبنى دراز
بيت المنياوى..
خرجت منة م المستشفى ورجعت بيتها مع أبوها وأمها وكان اخواتها التوأم المشاكس ف انتظارها والابتسامة ع الوش لكن القلب موجوع وحزين عليها
محمد:: بأبتسامة.. مننننة ..وحشتينى يا منمن..اخيرا هرجع اصحى ع دوشتك..
مصطفى:: حبيبتى يا مونى..نورتى البيت من تانى ياقمرة..
منة:: اخواتى وحبايبى وحشتونى يا عيال وحشتنى لماضتكم معايا..
محمود:: حمدالله ع سلامتك يا قلب ابوكى ..
منى:: الحمدلله يارب ..رجعتى تانى نورتى البيت ياقلبى ..تعالى بقى اساعدك تدخلى اوضتك ترتاحى شوية..لغاية ما اجهز العشا
منة:: جواها حزينة ع نفسها ان فى حد هيساعدها ..بقى خلاص كدا مش هعرف اساعد نفسى واعمل حاجتى لوحدى يارب انا طول عمري بعتمد ع نفسى يااارب قوينى اتحمل خليك معايا يارب وقدرنى اساعد نفسى وماحدش يساعدنى ولا اشوف نظرة شفقة من حد ابدا يارب
منى:: ايييه منة روحتى فين كدا .
منة:: مسحت دمعة بتهدد بالنزول ..ابدا يا ماما معاكى يا حبيبتى ..كنتى بتقولى ايه .
منى :: كنت بقولك تعالى ارتاحى شوية فـ اوضتك لغاية ما اجهز العشا
منة :: حاضر يا ماما
دخلت اوضتها وساعدتها أمها ف انها ترتاح وخرجت بدموع ووجع ع بنتها اللى كانت فراشة بتتحركة بكل حيوية خلاص بقت سجينة كرسى متحرك وراحت اوضتها
محمود:: بوجع ..ساعدتيها تنام ف سريرها
منى:: بدموع.. مش قادرة اتحمل شكلها كدا وسكوتها مموتنى..
محمود:: انا عارف انها قوية وهتعدى المحنة دى ان شاء الله
منى:: انا عارفة يا محمود..بس خايفة يكون كل ضحكها و هزارها ده تمثيل ..خايفة اوى منة ع قد ما هى قوية ع قد مش بتحب تشوف نظرة شفقة ولا عطف من حد
محمود:: انتى قولتيها اهو بنفسك ..وانا بطمنك بنتنا قوية ..ولانها مش بتحب تشوف نظرة شفقة عليها من حد ..هتتحدى فعلا المرض وتنتصر وتوصل للى هى عايزاه لانها عندها إرادة وعزيمة وعنيدة وصدقينى بكرة هفكرك
منى:: انت بتضحك عليا ولا على نفسك يا محمود .. انت جايب الثقة دى منين..تقدر تقول ازاى ده هيحصل..
محمود:: ده يقينى فـ رب العالمين ثم عِند منة وإصرارها دايما ف تحقيق هدفها عاطينى الثقة دى ..وبرضوا بقولك مسيرى افكرك ..بس كل اللى عايزه منك تصبرى وتحتسبى وتشجعيها
منى:: بتمنى يا محمود يطلع كلامك صح وفعلا تقدر منة تعدى الازمة دى
محمود:: بحنان.. ضمها لحضنه..ان شاء الله ياقلبى كلنا هنعديها ..طالما بنتنا موجودة ومنورة حياتنا يبقى الف حمد والف شكر ليك يارب ..فرب الخير لا يأتى إلا بالخير..يلا قومى كدا نتوضا ونصلى ركعتين شكر لله انها رجعت بالسلامة حتى لو على كرسى متحرك المهم ايييه
منى:: برضا.. الحمدلله انها عايشة ومنورة دنيتنا ..حاضر ياحبيبى هقوم ..انت متعرفش كلامك ريح قلبى قد ايه..ربنا يخليك لينا..
محمود:: باس جبينها..ويخليكم ليا ومايحرمنيش منكم ابدا يا قلب محمود ..
وقاموا يتوضوا ويصلوا ركعتين لله ويشكروا ربنا من قلبهم ويدعوا لبنتهم ربنا يقدرها وتعدى المحنة دى .
بقلمى✍️_________________لبنى دراز
أيمن:: قولى يا روبى ماتخافيش من حد.. مين السبب ف الحادثة ..صدقينى انا قادر احميكى لو فى حد بيهددك..
روبى:: اللى ورا الحادثة ماهى الشرنوبى ونادر زيدان
أيمن::………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
