رواية موعد مع القدر (تحدي الإعاقة) الفصل التاسع 9 بقلم لبنى دراز
رواية موعد مع القدر (تحدي الإعاقة) البارت التاسع
رواية موعد مع القدر (تحدي الإعاقة) الجزء التاسع
رواية موعد مع القدر (تحدي الإعاقة) الحلقة التاسعة
الإرادة القوية تصنع المعجزات، ولكن بالإصرار ومواصلة الجهد يصل الفرد إلى هدفه ومبتغاه، ولا يوجد شيء في الحياة فيه مستحيل،
النجاح لا يتحقق إلا بعلوّ الهمّة، والإصرار، واستمرار العزم على التقدم والتطور، كما أنه لا ينبغي للآخرين أن يكفُّوا عن مساعدة من يتعثّر، بل عليهم مساعدته على اجتياز العثرات، وتشجيعه، والأخذ بيده نحو النجاح والإنجاز وتجاوز الصعاب.
العزيمة والإرادة القوية تعينان الإنسان على تحقيق أمانيه وأهدافه.
🌹💕🌹💕🌹💕🌹💕🌹
فـ صباح يوم جديد
وصل أيهم شركته بهيبته المعهودة بين همسات الموظفات وهيمانهم و احترام الموظفين ليه وصل لمكتبه
مرورا بمكتب السكرتارية
أيهم:: صباح الخير.
عبير:: صباح الخير يافندم.
أيهم:: ابعتيلى اى ملفات عايزة امضاء او اى فاكسات والغى اى مواعيد النهاردة وشوفى ساجد فين ابعتيهولى عايزه ضرورى .
استووب ساجد السويفى مدير الحسابات ف شركة أيهم وصديق مقرب لـ أيهم وأيمن.
ودراع أيهم اليمين بيثق فيه جدااا لـ أبعد الحدود .
نرجع تانى نكمل
عبير:: تحت امر حضرتك ثوانى وكل حاجة تكون جاهزة.
أيهم :: تمام وماتنسيش قهوتى يا عبير من فضلك ..ودخل مكتبه وكان عبارة مكتب كبير جدا وفخم وهادى جدا عكس شخصية أيهم المرحة .
أيهم:: قاعد وساند دراعاته الاتنين ع المكتب وحاطط دقنه ع ضهر إيديه وبيفكر ف أيمن والحادثة وقطع تفكيره دخول عبير السكرتيرة
أيهم:: تعالى يا عبير.
عبير:: اتفضل يا مستر القهوة و دى الاوراق والملفات اللى حضرتك طلبتها
أيهم:: بياخد منها الاوراق وبيبص فيها وهو بيشرب قهوته وقال بعتى لـ ساجد؟
عبير:: مستر ساجد لسة موصلش بس سيبتله خبر فـ السكرتارية عنده.
أيهم :: خلص امضاء الاوراق وبيديها الملف وقال تمام ..أول مايوصل يدخل ع طول.
عبير:: تحت امر حضرتك ..بعد إذنك..
أيهم:: رجع يفكر تانى وشاغل تفكيره جدا حادثة أيمن وقطع تفكيره مرة تانية دخول ساجد.
ساجد:: صاحبى يا صاحبى.
أيهم:: تعال يا فاشل.
ههههههههههه.
ساجد:: الله الله.. ليه بس كدا ..انت فاهمنى صح ع فكرة ههههههههههههه.
أيهم:: طول عمري بفهمها وهى عايمة ..ع فكرة ههههههههههههه.
ساجد:: الله هى مش كانت طايرة ..عامت امتى بقى.
أيهم:: اترزع يا زفت وبطل رغى خلينا نتكلم جدا شوية .
ساجد:: ارغى يا عم القمور وصدعنى ..كلى آذان سامعة هههههه.
أيهم:: أيمن .
ساجد :: اشمعنى
أيهم:: انت هتخشلى قافية.. اتلم خلينى اتكلم.
ساجد :: ماله أيمن ..هو لسة فـ المستشفى.
أيهم:: اسمعنى يا ساجد انا شاكك ان حادثة أيمن بفعل فاعل..
ساجد:: بأندهاش..ازاى الكلام ده ..انا فاكر ان وقت الحادثة لما الظابط سأله رفض الفكرة و ما اتهمش حد.
أيهم:: يابنى افهم ..أيمن قالى ان يوم الحادثة نفسه.. بعد الشغل و هو رايح النادى كان بيكشف ع العربية وكانت كل حاجة فيها سليمة يبقى ازاى مسافة ما خلص تمرين وخارج يكتشف ان مافيش فرامل ..تقدر تقولى.
ساجد:: بتفكير..اممممم طيب هو أيمن متعود يكشف ع العربية ولا دى اول مرة
أيهم:: لا متعود كل فترة لازم يكشف عليها ويتاكد ان مافيش فيها اى
مشكلة .
ساجد:: اممممم .. لا كدا الموضوع يقلق ..بس ولا يهمك سيبنى كدا يومين ادعبس ف النادى بخباثة واجيبلك لُب الموضوع.
أيهم :: الله عليك فـ الفصحى و لُب الموضوع دى عجبتنى ههههههههههههه
ساجد :: ماشى اباشا ..همشى بقى اشوف الدنيا اظبط شغلى واطير ع النادى افحص و امحص و أطقص و اجى يلا باى و سابه وخرج.
أيهم:: رجع.. لتفكيره من تانى عايز يتأكد و ياترى مين اللى عمل كدا وقال جواه ورحمة ابويا و أمى لو عرفته ما هرحمه وهدوقه من العذاب الوان و اخليه يتمنى الموت وما يطولوش..
بقلمى✍️_________________لبنى دراز
فـ المستشفى.
منة:: بنرفزة من خالتها..انا لسة عايشة ماموتش وطول ما فيا روح هعافر لغاية ما اوصل للى انا عايزاه وبعدين بصت لـ محمود بحنان وقالت بابا ايه يعنى كسر ف العمود الفقري وقطع ف الحبل الشوكي.. ايه يعنى عملية فشلت ..ايه يعنى المرض هزمنى ف جولة.
محمود:: بقلب أب موجوع اخد منة ف حضنه وساكت مافيش غير دموعه اللى مش قادر يحبسها قصاد الكل بس جواه بيتوعد لـ ليلى خالة منة لانها جرحت بنته وضحكة قلبه.
منة :: مسكت وش أبوها بين ايديها وبصت ف عينيه برضا صدقنى راضية بقضاء ربنا وبعدين دكتور رؤوف قالى ماستسلمش ولا أيأس واحاول مرة واتنين وحتى لو هزمنى المرض ف جولة ولا اتنين لاااازم ف النهاية اهزمه بقوة إرادتى ويقينى وإيمانى بالله وان كنت فعلا مش هقدر امشى تانى بس هقدر بقوة الايمان والرضا واليقين ودعمكم ليا هاوصل يا بابا
وبعدها مسحت دموعه ..حبيب قلبى مش عايزة اشوف دموعك تانى ..محمود المنياوى ما يبكيش ابدا .
محمود:: برضا.. خلاص مش هابكى ..وهكون سندك وهدعمك لغاية ماتحققى حلمك وتوصلى للى انتى عايزاه يا قلب ابوكى
منة :: بصت لـ منى. بابتسامة. مامتى ساكتة ليه.. منى المنياوى من امتى هادية كدا هههههه.يلا بقى شجعينى يا منمن علشان الحق الم اللى فاتنى من المنهج قبل الامتحانات ولا مش عايزة تشوفينى دكتورة بقى .
منى:: بحزن..نفسى ومنى عينى يا نور عيني اشوفك اعظم دكتورة ف الدنيا كلها.
منة:: وكمان حلم الاوليمبياد ولا نسيتى يا مامتى.
منى:: بس يابنتى ازاى وانتى.. ومقدرتش تكمل كلامها وسكتت ودموعها اكبر تعبير عن حالها.
منة:: ابتسمت برضا ..قصدك وانا مشلولة؟! ..ماما حبيبتى ياما ناس حالتهم اصعب مني بكتير و صلوا وحققوا احلامهم
مامتى العجز مش عجز الجسم عن الحركة لا ده عجز الروح والقلب والشلل بيكون شلل التفكير .وبصت لـ خالتها بجمود. وكملت شلل الضمير ..اللى بيشمت ف غيره هو اللى عاجز ومشلول ..ورجعت تانى وبصت لـ مامتها بحنان ..انما انا مش عاجزة ولا مشلولة علشان معرفش احقق حلمى ..ماما حبيبتى ايه يعنى قعدت ع كرسى متحرك!! فين المشكلة ؟! ماما انا فيا روح وعقلى مش عاجز عن التفكير وقلبى بينبض بحب كل اللى حواليا و راضية بقضاء ربنا حبيبتى فى نعم كتييير اوى ربنا منّ علينا بيها.. وقصاد كل ده اخد مني بس حركة رجلى وعطانى مكانها كرسى متحرك .. وربنا قال بسم الله الرحمن الرحيم (إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ) (سورة المؤمنون 111).. وبعدين ده حتى حاجة فلة اوى ههههههه هفضل رايحة جاية بالعجلة ومش هتعب نفسى بالمشى خااالص.. وبصت لـ التوأم الحزين مش كدا ولا اييه يا واد انت وهو ..
محمد ومصطفى جريوا عليها وحضنوها و بيعيطوا جامد
محمد:: بحزن.. احنا مش عارفين المفروض مين اللى يقول الكلام ده لمين ..
مصطفى:: بحزن اكبر.. انا زعلان اوى يا منة من نفسى ..ياريتنى ما قولتلك امتى يجى اليوم اللى مش نصحى فيه ع دوشتك ..ارجوكى ماتزعليش مني وارجعى اعملى دوشة من تانى ..انا مش بعرف انام فـ البيت وانتى مش فيه.
منة:: ومين قالك بقى يا سى صاصا انك مش هتصحى ع صوتى؟ اومال مين اللى هيعملك ازعاج لغاية ماتصحى وتروح مدرستك انت وميدو ومين بقى اللى هيعملكم الفطااااار غير اختكم منون
بقلمى✍️_________________ لبنى دراز
فـ مجموعة الشرنوبى
عصام فـ مكتبه بيراجع ع ملف صفقة استيراد اجهزة طبية والباب خبط.
عصام :: ادخلى يا هايدى تعالى
هايدى السكرتيرة بنت مايصة كدا وكل هدفها توقع عصام فـ شباكها.
هايدى:: دخلت وقعدت ع رجله و بمياصة ..عصومة . .فى واحد برة عايز يقابلك يابيبى
عصام:: بغمزة..قلب بيبك يا دودو ..اسمه ايه اللى عايزنى برة ده ياقمر.
هايدى:: بيقول نادر ..وبيقول انه جاى من طرف ماهى بنوتك يا بيييبى.
عصام:: بسرعة قومها واتعدل فـ قعدته وقال بجدية ..خليه يدخل بسرعة ..ومش عايز اى ازعاج والغى اى مواعيد وماحدش يدخل علينا مهما كان مين فاهمة .
هايدى:: تحت امرك يا حبيبى
عصام:: بنفاذ صبر..مش وقتك دلوقتى يلا روحى و دخليه بسرعة يلااااااا.
خرجت هايدى وسمحت لنادر بالدخول.
عصام:: بترحيب..اهلا نادر اتفضل..
نادر:: عصام باشا..اهلا بحضرتك ياباشا ..أؤمرنى
عصام :: رفع سماعة فون مكتبه ..تحب تشرب قهوة معايا ..ولا اطلبلك ليمون بالنعناع ؟
نادر :: اللى تؤمر بيه ياباشا.
عصام:: هايدى ..قهوتى و عصير ليمون بالنعناع ..وقفل الخط..وبص لـ نادر
شوف يا نادر انا هدخل فـ الموضوع ع طول.. انا بعد ما عرفت الكارثة اللى انت عملتها وبتهدد بيها بنتى و… . ..قطع كلامه خبط الباب و دخول هايدى ..القهوة يا عصام باشا
عصام:: حطيها عندك واخرجى ومش عايز اى حد يدخل علينا
هايدى:: تمام يا باشا وخرجت وقفلت الباب وراها
عصام :: اتفضل العصير يا نادر
وبيكمل ..انت بتهدد ماهى مع انك عارف كويس هى بنت مين و اقدر اعمل ايه ..بص يا نادر انا ببساطة اقدر اوديك ورا الشمس وانت كدا كدا انت المتورط الاول وانت اللى اتفقت مع الراجل اللى قطع فرامل العربية و…
نادر:: قطع كلام عصام.. شامم ريحة تهديد ف كلامك يا باشا ولا انا بيتهيألى .
عصام:: بخباثة..لا طبعا تهديد ايه بس ..انا بوضحلك الامور بس ..فياريت نتفق من غير قلق .
نادر:: المطلوب ؟
عصام:: تجيب التسجيلات اللى بينك وبين ماهى وتاخد المبلغ اللى تحدده وتسافر تعيش حياتك ف اى مكان لغاية ماتخلص الحكاية دى وتتقيد الحادثة قضاء وقدر ..
نادر:: واذا رفضت ؟
عصام:: يبقى حكمت ع نفسك بالموت .. انت ماتعرفش عصام الشرنوبى ممكن يعمل فيك ايه
نادر :: شوف يا باشا ..انا مش هسافر واسيب البلد وحتى لو اديتك التسجيلات فأكيد هكون مأمن نفسى كويس و عشان تبقى عارف انا قارى فـ القانون شوية وفاهم كويس بنت حضرتك.. متورطة زيى بالظبط واكتر لانها المحرّضة الاولى والتسجيلات واضح صوتها و هى بتطلب منى أق*تل او اخط*ف منة وانا كل اللى عليا نفذت اللى هى طلبته مني.
عصام::افهم من كدا انك بترفض عرضى؟
نادر:: افهم اللى تفهمه ياباشا أنا عارف انت تقدر تعمل فيا اى حاجة ..بس اللى متعرفوش ان أنا كمان مابتهددش وزى ما أنت تقدر تعمل ..أنا كمان اقدر اعمل و كتير كمان فـ خدها نصيحة مني يا باشا شيلنى من دماغك علشان لو طبلت هطبل ع دماغك ودماغ بنت سعادتك .. سلام يا باشا..اه اخبار قرض البنك ايه .. ياترى محمود المنياوى وافق عليه ولاااا ..اووووه اخص عليا ..وافق ازاى بس وبنته بين الحياة والموووت بسبب ماهى
سلاااام يا عصام باشا..
هاهاهاهاهاهاهاهاها
خرج نادر وساب عصام هينفجر من الغيظ آااااااه يا بن الـ…… أناااااا عصام الشرنووووبى كل*ب زى ده يهددنى أناااااا ان ماندمتك يا نادر الكل*ب مابقاش ابن الشرنوبى
بقلمى✍️____________________لبنى دراز
فـ النادى
داخل ساجد بيحاول يتحرى زى ما قاله أيهم انه شاكك ان الحادثة بـ فعل فاعل و ابتدى يدور فعلا ع اى حاجة او طرف خيط يوصله ..قعد ف الكافيتريا وبيكلم أيهم ف الموبايل
ساجد :: الووو ..صاحبى يا صاحبى .
أيهم:: الوهين تلاتة احنا صغيرين.. أرغى يا فاشل ههههههههههههه.
ساجد:: حبيبى والله طول عمرك فاهمنى ههههههههههههه
أيهم:: أنت فين كدا يا عملى الاسود ف الحياة
ساجد:: فـ النادى يا أخرة صبرى.. بتحرى يا خويا عن الحادثة يمكن اطلع بكلمة كدا من هنا ولا من هنا.
أيهم:: يا ختااااااى ..انت هتستنى تسمع كلمة كدا ولا كدا ..ما تسأل يابنى أدم وانت تفهم وتعرف
ساجد:: هو البعيييد اييييه غبى مابيفهمش ..مانا بقول يا اذكى اخواتك بتحرى ..بتحرررررى ..يعنى بسأاااال ..يمكن اطلع بطرف خيط من اى كلمة او رد ع سؤالى.. ابو غبائك يا شيخ ههههههههههههه
أيهم:: اقفل ياض اقفل احسنلك..ابو شكلك ههههههههههههه.
وفجأة وساجد بيقفل الخط سمع حوار شد انتباهه وتركيزه اوى
يسرا:: هاى روبى ..ممكن اقعد معاكى
روبى:: اهلا يسرا ..اتفضلى ..
يسرا:: قاعدة لوحدك ليه مابقتيش تقعدى معانا
روبى:: اعتقد انتى عارفة كويس ليه ..ولا مش عارفة يعنى
يسرا:: بتلف ودور حواليها وبعدين بصت لها هشششش اسكتى ..لا حد يسمعك.
ساجد ::..انتبه اوى وضيق عينيه وحس ان البنات دول يعرفوا حاجة وحاول يركز اوى علشان يقدر يسمعهم كويس.
روبى :: هو انا اتكلمت ولا فتحت بوقى بكلمة مانا ساكتة يا يسرا مع انى حاسة بالذنب انى ساكتة وفى بنت مسكينة ليها حق ومش قادرة اجيبه ليها
يسرا:: روووبى اسكتى خالص ..انتى مش قد ماهى الشرنوبى ..ولا انا كمان قدها ..كلى عيشك معاها احسن يابنتى
روبى:: انا مش زيك يا يسرا ..ولا انا جبانة عشان اخاف من ماهى وصدقينى مش هسكت كتير ع حق منة و اكيد هيجى اليوم اللى هتكلم فيه بكل حاجة اعرفها ..
يسرا:: روبى ارجوكى اسكتى ماتتكلميش تانى الكلام ده علشان خاطرى انتى عارفة انا بحبك قد ايه ومش عايزاكى تتأذى ..ماهى الشرنوبى مش ساهلة ولا نادر زيدان سهل لو حد منهم عرف انك ناوية تفضحى امرهم مش هيسيبوكى
روبى :: يعملوا اللى يعملوه بس انا مش هسكت فاهمة مش هسسسكت .وقامت وسابتها ف حيرتها
يسرا قالت ف اللاوعى ومش منتبهة للى وراها بيسمعها ..مجنونة يا روبى هتودى نفسك ف داهية.. لو ماهى او نادر عرفوا انك بتحفرى وراهم هيحاولوا يقتلوكى زى ما عملوا مع منة وكابتن أيمن ..ليه بس يا روبى تضيعى نفسك ..اعملى عبيطة زيى وعيشى ..
ساجد :: قام خرج جرى من النادى بعد ماسمع كل الحوار وركب عربيته .. ورايح ع الشركة وف نفسه لازم اتكلم مع البنت اللى اسمها روبى وافهم منها اكييييد عندها كلام كتيييير ..
__________________
بعد يومين فـ المستشفى
أيمن من بعد ماعرف نتيجة عملية منة وهو تعبان جدا وفضل ف اوضته مش عايز يكلم حد ولا حتى أمه .
أم أيمن:: يابنى حرام عليك اللى عامله ف نفسك ده ..ده نصيبها بيك من غيرك كان هيحصلها .
أيمن:: ……. مافيش رد .
أم أيمن:: بحزن..ابوس ايدك ياحبيبى ماتوجعش قلبى عليك اكتر من كدا يابنى وحطت وشها بين ايديها وعيطت بحرقة .
أيمن:: ربت ع ضهرها علشان يطمنها ويهديها ..أمى غصب عنى صدقينى انتى عارفة منة بالنسبة ليا ايه ..انا كنت باخد الأذن من أبوها اوصلها هى واخواتها وهدير بس من خوفى عليها..من اى حاجه..ولما تتأذى اكون انا السبب فـ أذيتها ..لييييه بس ..اااااااااه يااااارب انا السبب انا السبب
أيهم:: هون على نفسك يا صاحبى ..انت من وقت ما منة فاقت وانت ع حالتك دى ..قوم تعالى نتمشى شوية ونروح نطمن عليها ..يلا يا حبيب اخوك قوم تعالى
أيمن:: مش قادر يا أيهم بجد مش قادر اشوفها وهى كدا وانا السبب ف عجزها مش قادر اسامح نفسى مش قااااااااادر يا ناااااااس حرااااام عليكم بقى سيبووووونى فى حااااالى بقى ياااااااارب ارحمنننننى من العذاااااب ده يااااااااااااااارب وبكى بكل صوته وكان اشبه للانهيار وفجأة الباب خبط واتفتح وكان………
.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
