رواية موعد مع القدر (تحدي الإعاقة) الفصل الثاني 2 بقلم لبنى دراز
رواية موعد مع القدر (تحدي الإعاقة) الجزء الثاني
رواية موعد مع القدر (تحدي الإعاقة) البارت الثاني
رواية موعد مع القدر (تحدي الإعاقة) الحلقة الثانية
عندما تثق بالله في جميع الأمور المتعلقة بك فإن الله سبحانه وتعالى سوف يستجيب لك في كل ما تدعي به ويحقق لك كل ما تتمناه لأنه هو الله. فأمره بين الكاف والنون ويقول للشئ كن فيكون
بقلمى✍️________لبنى راز
خلصت منة تمرينها وفضلت تتكلم شوية مع هدير وأيمن وبعدين قامت من مكانها
منة: طيب هروح اشوف محمد ومصطفى خلصوا تمرينهم ولا لسة
أيمن : تمام شوفيهم لو مش موجودين عند البسين هتلاقيهم ف أوضة تغير الملابس هاتيهم وتعالى هنستنى ف الكافيتريا اوك؟
منة: اوك يا كابتن ومش هنتاخر عليكم ..بااااى
وراحت تشوف التوأم المشاكس خلصوا تمرينهم ولا لسة وشااافت خناقة جامدة
وبتبص لمحت اخواتها ف وسط الخناقة وجريت عليهم
محمد: انت باين عليك مش متربى ومحتاج حد يربيك
*:بقى انت يا فرفور اللى هتربينى
مصطفى: يا ميدو يلا بينا مش عايزين نعمل مشاكل مع حد
#: هأ هأ .. عيال فرافير مش قدنا ..وقال ايه مش عايزين مشاكل قال
محمد: لاااااا يبقى انتوا اللى جبتوه لنفسكم بقى ..ومسك اول واحد وهات ياضر*ب وبيقول مش محمد المنياوى اللى ضعيف ولا فرفور يا روح امك ..لاااا انا ارجل منك يا حيلتها ونازل ضر*ب ف الواد خرشمه
مصطفى: مسك التانى من قفاه و بيتكلم مع توأمه ..ياض يا ميدو بيقولوا علينا ايه عشان مسمعتش كدا وهو نازل ضر*ب ف الواد
محمد: بيقولك فرافير… قال فرافير قال ..قولهم يا صاصا احنا مين..
مصطفى: يابنى معذورين مايعرفوش مين ولاد محمود المنياوى توأم التنين ياض
وطبعا كل ده وهما ممو*تين العيال ضر*ب
أمن النادى: فصلهم بالعافية من بعض وبص للعيال اللى انضر*بت لاقهم مش اعضاء ف النادى وشكلهم مش مظبوط وأخدهم سلمهم لإدارة النادي
منة : بتجرى على اخواتها ..ف ايه مالكم بتتخانقوا ليه
محمد: عيلين كدا مش عارف دخلوا النادى ازاى وهما مش اعضاء فيه
مصطفى: كمل .. بيعاكسوا البنات زمايلنا ف الفريق وكمان شكلهم مش تمام حاولوا يمدوا ايدهم ويتحرشوا بالبنات
محمد: انا بصراحة الدم غلى ف عروقى وماستحملتش حاولت اتكلم معاهم بالذوق الاول يا منة والله..بس بجد عصبونى .. ومحستش بنفسى
منة: خلاص حصل خير يا حبيبى ..يلا روحوا غيروا هدومكم علشان كابتن أيمن مستنينا يروحنا ..الوقت اتأخر
مصطفى: هوا يا مزتى ههههههههههه
محمد: يابنى بابا هيعلقك مش قالك ماتقولهاش كدا تانى
مصطفى: يا عم فكك يعنى هو هنا
منة: مش هنخلص بقى ولا اييييه
التوأم: حاضر ماتزوقيييش قال مزة قال ده انتى جث*ة ههههههههههه وجريوا من قدامها
مدرب السباحة: انسة منة لو سمحتيلى
منة: نعم يا كابتن ..انا اولا بعتذر لحضرتك ع الفوضى اللى اتسبب فيها اخواتى
الكابتن: بالعكس ده انا جاى وعايز اشكرهم وكمان عايز اقابل والدك ..واشكره انه رباهم رجالة رغم صغر سنهم
وكمان والد البنت اللى اتعرضت للتحرش عايز يشكرهم بنفسه
منة : حضرتك مش مستاهلة شكر ده واجبهم تجاه اى بنت محتاجة مساعدة وكمان تجاه النادى اللى اتربينا فيه .. كمان بابا ربانا كلنا ع ان لو حد محتاج مساعدة نقف جنبه مانسيبوش ..و احنا هنا كلنا عيلة واحدة
الكابتن: بجد يسلم اللى رباكم
والد البنت: انا سمعت كلامك يا انسة ويشرفنى اتعرف بوالدكم وعايز بجد اشكره ع حسن تربيته ليكم
التوأم المشاكس: من ورا والد زميلتهم.. بعد أذن حضرتك يا عمو ..طبيعى جدا ع فكرة اللى احنا عملناه ومش مستاهلة بجد شكر
والد البنت: ازاى بقى ..انتوا انقذتوا بنتى من خطر حقيقى ورغم ان النادى ف ناس كتير واكبر منكم ولكن ماحدش اتحرك وكله واقف بيتفرج ..وانتم اللى جريتوا وحافظتوا ع بنتى علشان زميلتكم وضر*بتوا العيال دول
منة: يا عمو انا حقيقى مش عارفة اقول لحضرتك ايه بس
احنا بجد اتربينا ع كدا وصدقنى حتى لو بنت حضرتك مش زميلتهم ف الفريق وكانوا مش يعرفوها برضوا كانوا هيعملوا كدا
والد البنت: بس بجد انا مصمم اتعرف ع والدكم
منة: تحت امر حضرتك هبلغ بابا برغبة حضرتك
والد البنت: طيب ممكن رقم فونه
محمد: لحظة واحدة هكلمه لحضرتك ..واتصل ع والده وف شرح مختصر حكى لوالده وقال اتفضل حضرتك يا بابا والد زميلتى عايز يكلمك
والد البنت : اتكلم مع محمود واتعرف عليه وشكره بنفسه ع تربيته لولاده وقفل الفون
وشكرهم تانى واخد بنته ومشى
طبعا يا سادة كله الا البنت وان حد يلمسها او يخدش حيائها
بقلمى✍️__________لبنى دراز
ف نفس الوقت عند أيمن وهدير
أيمن: الله هى منة اتأخرت ليه كدا
هدير: يا كابتن تلاقيها عكرانة ع حاجة بتاكلها لغاية ما المشاغبين اخواتها يخلصوا بلبطة ف الماية
أيمن: بأندهاش ..اييه ؟! عكرانة وبلبطة؟! انتى يابت انتى بتجيبى الكلام ده منين
هدير: ياعم بقى ..ماتركزش عشان ماتهيسش ههههههههههه
أيمن:: لاااااا ..انا هقوم اشوفهم قبل ما تشلينى ههههههههههه قال ماتركزش عشان ماتهيسش قال مجنونة وربنا وماشى يضحك عليها
هدير: طب استنى طااااه…طب وانت راجع هاتلى معاك بيج ماك طب ..و بتكلم نفسها..جرى ابن المفكوكة ..طااايب انا جعانة دوقتى انا ..اعمل ايه وأدى قاعدة لما نشوف اخرتها
أيمن : وصل عند البسين وشاف وسمع الحوار كله وفهم سبب تأخير منة واخواتها وكان فخور بيهم جدا وأخدهم ومشيوا
راحوا لـ هدير و روحوا كلهم وأيمن وصلهم لغاية بيتهم واطمن عليهم بقلب أخ كبير ورجع بيته
بقلمى✍️_________لبنى دراز
ف نفس الوقت ف مكان تانى ف النادى
قاعدة ماهى مع شلتها ومتغاظة وبتاكل ف ضوافرها
ماهى: وبعدين بقى ف اللى اسمها منة دى .. هتفضل واكلة الجو مننا كدا..شكلها مش ناوية تجيبها لبر
روبى: يابنتى شيلى منة من دماغك ..مش عارفة هى عاملة ليكى ايه بس
يسرا:: يا سلام يا ست روبى انتى مش عارفة يعنى ..ولا مش شايفة كابتن أيمن متعلق بيها ازاى
روبى:: يسرا يا حبيبتى ..كابتن أيمن بيعتبر منة وهدير زى اخواته .. يعنى مافيش حاجة بينهم ..ثم انه شكله مابيفكرش ف الجواز اصلا
ماهى:: انتى مصدقة نفسك يا روبى.. أيمن دايب ف هوا ست الحسن والجمال بتاعته ..انتى مش شايفة بيشجعها ازاى ..ومعليها علينا كلنا..
روبى:: لا يا ماهى..ماتنكريش انها اصلا متفوقة ومجتهدة وتستحق انها تاخد شارة كابتن التيم
يسرا:: الله الله الله .. جرا ايه يا روبى مالك يابنتى بتدافعى كدا وتحامى ع الست منة..
روبى:: انا مش بدافع ولا بحامى يا يسرا ع حد ..انا بقول كلمة حق.. والصراحة بقى انتى وماهى الحقد والغل مالى قلوبكم من ناحية منة وغيرانين منها ..معرفش ليه .
ماهى :: انتى بتقولى ايه ياروبى ..انا اغير من البتاعة دى ..فوقى انا ماهينار الشرنوبى مش منة اللى هتهز شعرة فيا ولا اغير منها ..هى فين.. وانااا فيين
روبى:: وكلامك ده يا ماهى ..اكبر دليل ع انك غيرانة منها..لانك بتحبى كابتن أيمن وعرضتى نفسك عليه.. وهو رفضك بطريقة ظريفة ..وكمان شيفاه مهتم بمنة وهدير.. بس احب اقولك انه لو حب فعلا يرتبط مش هتكونى انتى
يسرا:: وهتكون مين بقى يا أم العريف انتى مثلا ..مانتى كمان بتحبيه وعينك عليه وماتنكريش انك غيرانة برضوا من اهتمامه بست منة
روبى:: بقولك ايه يا يسرا ماتقوليش كلام انتى مش قده ..انا عمرى مافكرت ف كابتن أيمن ..ولا شاغلنى اهتمامه بمنة اساسا هو حر ..وطالما هى متفوقة وتستحق ..اكيد هيهتم بيها وكمان هو بيهتم بأى بنت ف الفريق مش منة بس.. واقولكم انتوا الاتنين انا مش عايزة اقعد معاكم تانى ومن غير سلام ..سابتهم روبى متغاظين منها ومن أيمن ومنة
ماهى:: لـ يسرا مابقاش ماهى الشرنوبى ان ماندمتهم الاتنين.. بقى يرفضنى علشانها
يسرا:: هتعملى ايه يا ماهى.. عرفينى ناوية ع ايه بالظبط
ماهى:: سرحت بتفكيرها شوية وسكتت ..وبعدين قالت بكرة تسمعى كل خير عن سى أيمن وحبيبة القلب بتاعته
____________________
بيت أيمن الهوارى
أيمن:: ياست الكل انا جيت انتى فين
ام أيمن: ف المطبخ يا حبيبى بحضرلك العشا عارفة راجع جعان
أيمن: دخل باس ايد امه وراسها ربنا يخليكى ليا ياست الكل
أم أيمن: مش ناوى بقى تفرحنى بيك وتريح قلبى ..نفسى اشوف عيالك قبل ما اقابل وجه رب كريم
أيمن: بعد الشر عنك يا أمى ربنا يخليكى ليا.. بس ياستى حاضر اول ما الاقى بنت الحلال اللى تخطفنى منى هجرى عليكى واقولك ع طول عايز اتجوووز ههههههههههه
أم ايمن: يا بكاش بقى انت
باشمهندس ف شركة كبيرة ومعاك زميلاتك ف الشغل.. وكمان بتدرب فريق بنات وكلهم قمرات ومافيش واحدة خطفتك ..
أيمن:: ابدا وحياتك يا غالية ماحصلش لسة
أم أيمن: طيب بالنسبة لمنة وهدير.. ايه النظام معاهم بقى
أيمن: بيضحك نظام ايه يا حاجّة بس .. دول زى اخواتى صدقينى ..وف نفسه سرح ف اللى بيعشقها ومطيرة النوم من عينه بس مش عايز حتى يعترف لنفسه ومستنى تخلص تعليمها او ع الاقل ثانوية عامة وتدخل الطب
أم أيمن:: ايييه يا كابتن.. سرحت فييين كدا .. امممم اكيد ف واحدة فيهم صح ؟
ماهى الام كدا يا جماعة قلبها دايما حاسس بولادها
أيمن: هاا ..اه ..لا ..احم ماسرحتش ولا حاجة يا حبيبتى
أم أيمن:: واضح يا ابن بطنى انك ماسرحتش خاااالص …
بس هقولك اييه.. غير ربنا يسعدك يا حبيبى ويقربلك البعيد ويجمعك باللى مطيرة النوم من عينك وملخبطاك كدا .
أيمن : ساكت وجواه بيقول يارب يا أمى يارب وبعدها.. اتعشى ودخل اوضته يفكر ف اللى مطيرة النوم من عينه و رن فونه و رد..
أيمن:: السلام عليكم
أيهم:: وعليكم السلام ورحمة الله ..أيمون حبيبى
أيمن:: حبيبى الندل ..وحشتنى اوى يا صاحبى.. هترجع امتى
أيهم:: معلش يا حبيب أخوك ..شغل والله غصب عنى ..انت عارف ماليش ف السفر ..بس اعمل ايه مضطر يابنى ..
أيمن::كان الله ف عونك يا حبيبى.. وترجع بالسلامة ..بس ابقى هات معاك حتة اجنبى كدا ههههههههههههه
أيهم:: ههههههههههههه لااااا يا عم الحتة بتاعتى مكفيانى ومالية عينى ..بس ادعى بس ربنا يقرب البعيد و ننول الرضا
ههههههههههههه
أيمن:: ربنا يسعد قلبك ويقربلك البعيد يا قلب اخوك
أيهم:: يااااااااارب . يا ايمن يارب..
ايمن:: ههههههههههههه مستعجل انت يا شقى ههههههه..
أيهم:: اوى اوى اوى ههههههههههههه ..يلا بقى اسيبك انا دلوقتى يا صاحبى وهكلمك تانى ان شاء الله
أيمن:: ف رعاية الله يا حبيب قلبي سلام ..وقفل الخط ورجع تانى لتفكيره ف حبيبته..
بقلمى✍️_________لبنى دراز
ف نفس الوقت عند منة
رجعوا البيت كان والدهم و والدتهم خلصوا زيارة العيلة
وقاعدين مستنينهم يوصلوا
وطبعا دخلوا ببهجتهم المعتادة
منة: ياااا أهل المنزل ياااا أهل الدار ..ياااا بابا يااااا ماما احنا جيناااا
محمد ::يا منمن يا حووودة جعاااانييين
مصطفى:: يا بشرية يا اللى هنا انتوا نمتوا ولا ايه ..شعقول كدا انتوا نسيتونا ولا ايه ولا ناويين تخلفوا غيرنا وترمونا للشارع اهئ اهئ اهئ
محمود::بس بس بس .. انت وهو وهى.. اييه الفرح اللى عاملينه ده.
منى : حمد الله ع السلامة يا حبايبى.. مش ناويين تكبروا وتبطلوا شقاواة بقى
منة :نييڤررر يا مزتى ..لازم نفضل كدا ف شقاواة الى اخر العمرررر .
محمود: فتح ايده وقال ضحكة قلبى وحشتينى تعالى يا قمرى ف حضنى.
منى: بغييرة.. بقى كدا.. وماله يا اخويا اشبع بيها .. وانا ولادى نور عينى.. ميدو وصاصا روحى كدا من جوة وفتحت ايدها للتوأم وجريوا ع حضنها.
محمود:: نعععممم ..قولتى ايه.. سمعينى قولى تانى كدا ..مين اللى نور عينك يا هانم ..
منى:: بضحك..ع جوزها الله اشمعنى انت عندك ضحكة قلبك وكمان انا عندى نور عينى ..ولا هو حلو ليك و وحش ليا ..ايييه..ههههههههههههه
وكان الجو كله دافى بحب الاب والام لبعض وحبهم لـ ولادهم ومرحهم وضحكهم سوا
ومر يوم واتنين ع الاسرة الجميلة دى من غير اى احداث
لغاية ما حصل اللى غير حياتهم تماما 180 درجة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
