رواية موعدي مع الحب الحقيقي الفصل الخامس 5 بقلم نشوة عادل
رواية موعدي مع الحب الحقيقي الجزء الخامس
رواية موعدي مع الحب الحقيقي البارت الخامس
رواية موعدي مع الحب الحقيقي الحلقة الخامسة
– هايل بجد حل حلو جدا انتى ازاى كده جمال وذكاء ما شاء الله عليكى يا انسة اسماء
اسماء بامتنان: شكرا لحضرتك
حسام: لا بجد ده حل عملى جدا هو انتى خريجة ايه؟!
اسماء: انا معايا بكالريوس ادارة اعمال
سيف: حيث كده انا محتاجلك معايا فى الشركة ده بعد اذنك طبعا
اسماء: انا اسفة جدا بس انا مش بشتغل حاليا
سيف: ليه يعنى ازاى واحدة شاطرة كده زيك متشتغلش
دمعت عيون اسماء وفهم حسام وسيف سبب انها مش عاوزة تشتغل …سيف: بصى يا اسماء انا اسف انى رفعت الالقاب بس بجد انتى خسارة تضيعى ذكائك فى قعدتك بالبيت ومش معنى انك ع كرسى متحرك ده يعيقك فى شئ بالعكس ده هيكون دافع معنوي اكبر ليكى وكده كده انت اصلا شغلك كله قاعدة ع مكتب يعنى هتستغلى وقتك بالشغل بدل قعدتك بالبيت قولتى ايه ؟!
نظرت اسماء لسارة بتساؤل فقالت سارة: انا شايفة ان مستر سيف عنده حق لازم تطلعى للحياة من جديد يا اسما
اسماء: تمام موافقة
نظرت سارة ولقت فونها بيرن وكان عادل استأذنت انها تروح الحمام وقامت فتحت عليه
عادل: ها وصلتى لحاجة؟!
سارة: لا يا عادل بيه لسه انا يدوب مستلمة الشغل النهاردة وع فكرة ورق الصفقة مش فى المكتب
عادل: ما انا عارف هو فعلا مش فى مكتبه هو فى بيته
سارة : بيته! وانا هدخل بيته ازاى ان شاء الله ؟!
عادل: والله دى مش مشكلتى انتى اللى لازم تعرفى تدخلى ازاى وتجيبى الورق بأسرع وقت ممكن
سارة : ان شاء الله فى اقرب وقت ممكن هيكون عندك
قفلت سارة ونفخت بضيق لفت وشها واتفاجئت بحسام واقف وراها بلعت ريقها بتوتر ونظراته اللى مليانة تساؤلات ….حسام: كنتى بتكلمى مين؟!
سارة: انا …انا كنت ده كان يعنى اه صاحب الشقة كان عاوز الايجار وانا عشان مشغولة دايما مكنش عندى وقت اروح عشان اعطيه ليه
حسام: امممممم طب يلا عشان اروحكم
سارة: مستر حسام ممكن اقول لحضرتك ع حاجة مهمة
حسام باهتمام: اكيد اتفضلى
فكرت سارة شويه وبعدها قالت: مش مهم دلوقتى فى اقرب وقت اكيد هعرفك
حسام بفضول: تعرفينى ايه انا مش فاهم حاجة؟ قولى فى ايه
سارة: خلاص والله فى اقرب وقت هتعرف
وصلهم حسام ع البيت وروح ع شقته الخاصة ….بعد مرور اسبوع من شغل سارة مع حسام وانبهاره بشخصيتها وتقربه ليها دايما
حسام: سارة فيه حفلة النهاردة خطوبة واحد صاحبى ايه رأيك تيجى معايا !
سارة: انا طب وانا مالى حضرتك اظن دى مناسبة شخصية ملهاش علاقة بالشغل
حسام: انا بصراحة بكسل اروح المناسبات دى وكنت محتاج حد معايا يشجعنى
سارة بابتسامة: تمام ان شاء الله هاجى مع حضرتك
فى الليل اتجهزت سارة واتشيكت وراحت مع حسام الحفلة وسط نظرات كل الموجودين وتساؤلاتهم عن البنت اللى مع حسام ومنها نظرات اعجاب شديد بيها وده اللى استفز حسام جدا واللى جه واحد صاحبه عشان يكلمه وقتها سارة عطشت وقامت تجيب مياه قرب منها شاب
……..: احم هو انتى تبع العريس ولا العروسة؟!
سارة: افندم وانت مالك
……..: عادى يعنى بتعرف ع القمر
سارة: انا مش عاوزة اتعرف ع حد عن اذنك
جات تمشى مأخدتش بالها ان الشاب ده كان دايس ع الفستان بتاعها فجأة اتقطع بالطول صرخت سارة بإحراج واول ما سمعها حسام جرى عليها والشاب هرب تلقائيا سارة ارتمت بحضن حسام عشان تتحامى فيه وهو خباها جواه من العيون لحد ما خرج وقعدها بالعربية وقلع الجاكيت بتاعه وعطاه ليها تدارى نفسها بعدها عمل فون وساق عربيته
سارة: انا مش هينفع اروح عند الشقة بالمنظر ده ارجوك شوف اى مكان اشترى منه دريس اروح بيه
حسام: انتى هتيجى معايا بيتى
سارة : نععععععم انت اتجننت لا طبعا ووووووووو……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعدي مع الحب الحقيقي)
