رواية موضوع عائلي (الشيخ والبلطجي) الفصل الرابع والعشرون 24 بقلم رحاب القاضي
رواية موضوع عائلي (الشيخ والبلطجي) الجزء الرابع والعشرون
رواية موضوع عائلي (الشيخ والبلطجي) البارت الرابع والعشرون
رواية موضوع عائلي (الشيخ والبلطجي) الحلقة الرابعة والعشرون
ــــــــــــــــــــــــــــــــــــــــ
نحن لا نمتلك سوي حياه واحده نريد العيش فيها ونحن سعداء مع من نحب ومن يحبوننا ليس من يريدون تدمرينا بالبطئ..
_ طلعت نسرين بره الكافي بتاع خالتها بسمه ومعاها احمد اللي كان بيبصلها بهدوء…
نسرين
هو حضرتك ليه جيت تعتذرلي انا خلاص كنت قفلت الصفحه دي وتفتكرت اني مش هشوفك تاني ابداً..
احمد
كنت اتمني ده يحصل بس ما قدرتش..
بصتله نسرين بعدم فهم، وهو قال
ما تركزيش في اللي بقوله، انتي هترجعي الشغل مش كده..
نسرين
هو انا مقدره ان حضرتك جيت بنفسك لحد هنا بس..
احمد بجديه
اما اسف انا عارف ان عصبيتي طلعت عليكي بس كان غصب عني؟…
نسرين
اللي هو ازاي، وليه اصلا اتعصبت وما كانش في داعي..
احمد بصلها بحزن وقال
ياريت اقدر اقولك ليه اتعصبت وليه بتعصب ديما لما بشوف حد قريب منك…
نسرين بتوتر
يا دكتور احمد بصراحه انا مش فاهمه حضرتك. تقصد ايه..
احمد
هستناكي بكره انا موقف شغل كتير عشان مستنيكي يلا باااي…
_قال كلامه وراح ركب عربيته ومشي ونسرين فضلت واقفه بصاله وجواها مليون سؤال ناحية تصرفاته اللي بقيت غريبه معاها..
جات بسمه وقفت جنبيها وقالت
قالي انه مبسوط منك عشان متفوقه وشاطره في شغلك وهو حابب يساعدك..
نسرين
ما انا بقول كده برضو، بس لذيذ اووي وهرجع اكرااش عليه ما بيني وبين نفسي تاني..
بسمه ضحكت وقالت
هههه طيب ادخلي نلم الحاجه مع العمال عشان نطلع ننام..
ــــــــ #بقلم_الكاتبه_رحاب_القاضي ــــــــ
_ وفي بيت صبري..
كان واقف صبري عند شهد في اوضتها وهو متعصب ومعاه زهره وشهد قاعده علي السرير مدايقه وقالها..
صبري
اللهم طولك يا روح، استهدي بالله وقومي اطلعي لجوزك بره يا شهد…
شهد بحزن
مش طالعه يا صبري ومش هرجع معاه..
صبري بحده
بقولك ايه انا ماسك اعصابي بالعافيه ما يا تقوليلي السبب يا تغوري ترجعي بيت جوزك قلة ادب مش عايز..
شهد بدموع
انا مش قليلة ادب ومش عايزه ارجع انا مخنوقه شويه وجايه ارتاح هنا ومش نقصااك انت كمان..
صبري بحده
انا كمان يا بت ال…
زهره
خلاص يا صبري ابوس علي ايدك الراجل قااعد بره، يقول علينا ايه بس؟..
صبري بص لشهد بغضب
ورحمة ابوكي وامك بس الراجل يمشي وانا هربيكي من اول وجديد يا شهد..
_ خافت شهد من تهديد صبري ليها بس كان خوفها علي كرامتها اكبر، وراحت حضنت اسر ابن اخوها اللي كان نايم وفضلت تعيط..
_وبره طلع صبري وقعد قدام يونس وهو متعصب وقال بضيق..
صبري
مش راضيه تطلع مش عارف مالها..
يونس بضيق
هي قالتلك زعلانه ليه؟..
صبري بأحراج
بتقول مخنوقه شويه ومحتاجه ترتاح هنا، انا لو ليا خاطر عندك عديها وانا هتكلم معاها واعقلها هما الستات كده دماغهم بتخرف سعات..
يونس ابتسم بمجامله وقال
طيب بعد اذنك انا هدخل اتكلم معاها شويه ممكن؟..
صبري
طبعا يا ابو نسب ده بيتك ومطرحك والله..
_قام يونس راح ناحية اوضة شهد والباب خبط وراحت زهره فتحت ورجعت قالت لصبري..
زهره
صبري في واحد بره بيقولك البضاعه الجديده جات..
صبري
طيب انا هنزل خليكي قريبه من اوضة البز شند ولو عملت حاجه غلط قوليلي عارفه لو داريتي عليها..
زهره
يا اخويا لا هتعمل ولا غيره والله البت اغلب من الغلب ده هو بس الحظ اللي مش جاي معاها ولا مره صح…
_ نزل صبري ودخلت زهره اوضتها وكامت بتستف في الغسيل، ويونس وقف بره اوضة شهد وخبط علي الباب، وهي فكرته صبري اخوها اتنفضت بخوف وراحت قفلت الباب بالمفتاح وقالت بصوت مهزوز وخايف…
شهد
والله العظيم يا صبري لو مديت ايدك عليا المره دي لاكون رميالك نفسي من فوق وارتاح من الدنيا كلها…
اتنهد يونس بغضب وقالها
انا يونس افتحي يا شهد وما تخافيش..
_خبطت شهد ايدها علي راسها بندم انها قالت كده قداامه، لانها كانت ديما مخليااه بعيد عن مشاكلها مع اخوها، وفتحت الباب وقالتله..
شهد
عايز ايه يا يونس؟..
يونس بهدوء
عايز مراتي اللي كل ما تحصل بينا اي مشكله اسهل حاجه عليها انها تسيبني..
شهد بسخريه
اي مشكله مشاعري وكرامتي عندك دي حاجه بسيطه..
يونس دخل وقغل الباب وقالها
هو ايه حصل اصلا ما كدش هناك يعرف اللي كان بيني وبينها غيرك و…
شهد بحده
اللي اسمه سلطان ده يعرف، وكمان حاول يدايقني وحبيبة القلب كمان تحب اقولك قالتلي ايه عشان تفرح ان خطتك نجحت وان هي لسه بتحبك وبتغير عليك..
يونس
انا ما فيش حاجه هتفرحني غير انك ترجعي معايا يا شهد ونقعد في بيتنا ونتفاهم..
شهد بدموع
مش قادره لو سمحت سيبني براحتي لما ارتاح هرجع..
يونس مسحلها دموعها وقال
لو اخوكي مد ايده عليكي تقوليلي، مرات يونس الصاوي مش من حق اي حد يدايقها حتي بكلمه..
شهد بسخريه
اممم واضح وعلي فكره ده اخويا انا ما اشتكيتلكش منه وزي ما انت شايف يوم ما بتديق بيا مش بروح لحد غيره حتي لو هيدفني حيه ده اخويا يا يونس..
ابتسم وقالها
عرف يربي علي فكره، هسيبك يومين ولو مرجعتيش هزعل بجد. واللي حصل ده والله العظيم ورحمة امي ما هيتكرر تاني…
وباسها علي راسها وقال
انا اسف يا حبيبتي وهقولك كده علي طول عشان انتي حبيبتي بجد..
_ مشي يونس وشهد ابتسمت وراحت نامت وبصت للسقف وغمصت عيونها وافتكرت كلامه دلوقتي ليها وقدر ببساطه انه يكسبها تاني وينسيها زعلها منه..
_ ونزل يونس وقابل في وشه صبري اللي كان طالع وقاله..
صبري
علي فين بس يا يونس انا طالعلك اهو والله بس كانت في شوية طلبات للورشه وصلو وكنت لوزك احاسب الناس..
يونس
مره تاني ان شاء الله يا ابو اسر..
صبري بضيق
هي البت شهد برضو ما جاتش معاك…
يونس بهدوء
لا هي يوم والتاني وهرجع احنا اتفقنا وحلينا الموضوع، وعلي فكره انا كنت مزعلها هي بس متربيه واصيله ومش بتطلع اسرارنا بره..
ابتسم صبري وقاله
اومال شهد دي ست البنات كلهم ومش عشان اختي بقولك كده..
يونس
من غير ما تقول يا اسطا صبري، وانا سايبها عندك امانه لحد ما ترجع..
صبري
مش هتأمني علي اختي يا ابن الصاوي، علي العموم هي في عينيا اطمن..
_ ابتسم يونس ونزل اخد عربيته وراح اشتري حاجات كتيره وراح وقف قدام بيت فايزه ام نور ونده للواد اللي واقف في السوبر ماركت وقاله..
يونس
طلع الحاجات دي للست ام نور قولها يونس جابلك الطلبات اللي انتي عايزاها وباقي الفلوس اللي اديتهاله اهي..
الولد ابتسم وقاله
حاضر يا معلم يونس تحت امرك…
_ ومشي يونس والولد فعلاً طلع الحاجه لام نور..
ــــــــ #بقلم_الكاتبه_رحاب_القاضي ـــــــ
_ وفي بيت الاستاذ حمدي….
كان محمد هناك شايل ابنه وبيلعب معاه والولد كان مستغربه جداً وكل شويه بعيط معاه.
محمد
اهو الحمد لله اخد عليا شويه..
حمدي
مع الوقت هيعرفك وياخد عليك..
محمد بضيق
خير ان شاء الله يا عمي، هي هاجر هتتأخر اكتر من كده؟…
_جات فاطمه من المطبخ وحطت القهوه قدام محمد وقالت بخبث وهي بتقعد جنب حمدي..
فاطمه
لا ما اتأخرتش ولا حاجه هي مع ولاء وعلي جوزها ومعاهم عدي اخوه…
_اتنهد محمد بضيق، وبعد شويه دخلت هاجر هي وولاء ومعاهم علي وكان باين عليهم انهم مبسوطين جدا..
فاطمه
حمد لله علي السلامه دقيقه هجهزلنا العشا ونتعشي كلنا..
علي
عشان كده انا ما رضيتش اكل كتير بره عشان اتعشي من ايدك يا حماتي..
فاطمه
واحلي عشا يا قلب حماتك تعالي يا بت يا ولاء ساعديني..
قربت هاجر من محمد واخدت ابنها وقالت
هاته عشان وحشني اوووووي…
محمد بجمود
عايز اتكلم معاكي لوحدنا…
هاجر بهدوء
تمام تعالي في نقف في البلكونه..
وراحو فعلا وقفو في البلكونه وهاجر كانت بتلاعب في ابنها اللي كان بيضحك معاها علي عكس ما كان معاه ومحمد قالها..
محمد
انتي كنتي فين؟..
هاجر
كنت مع ولاء وخطيبها..
محمد بحده
واخو خطيبها مش كده؟..
هاجر
حاجه ما تخصكش علي فكره..
محمد بحده
هو ايه اللي ما يخصنيش انتي ام ابني اللي سيبااه اليوم كله لوحده…
هاجر
انت اخر واحد يتكلم معايا كده تمام، ابني سيبته عشان كنت عارفه انك جاي وانا ما كنتش عايزه اشوفك..
محمد
امم كنتي قولتي وكنت قابلت ابني بره وابقي ابعتيه مع ابوكي..
هاجر ببرود
لا عادي ولا يهمك انت شوفه هنا احسن علي الاقل مطمنه عليه وهو هنا في البيت..
محمد بجمود
مين عدي ده؟..
هاجر
اخو علي..
محمد
علاقته بيكي ايه شايف انه حاشر نفسه في حياتك اووي اليومين دول..
هاجر ببرود
وانت مالك؟..
محمد
ما تعصبتيش يا هاجر انا من حقي اعرف..
هاجر
هو ايه اللي من حقك انت نسيت انك طلقتني واللي بيني وبينك حاجه واحده بس ابنك وياريت لو مش هتتكلم معايا علي حاجه تخصه يبقي ما تتكلمش معايا اصلا…
محمد بضيق
تمام يا هاجر ياريت تخلي بالك من ابنك…
هاجر
مش انت اللي هتوصيني عليه ياا ابووه..
_ سابهل محمد ومشي حتي من غير ما يسلم علي حمدي، اللي دخل عند هاجر وقالها…
حمدي
ماله كان عايز ايه؟..
هاجر بحزن
بيوصيني علي حامد، هو انت ليه قبلت الحاجات اللي جايبها بره دي يا بابا انا مش عايزه حاجه منه..
حمدي
لا انا ولا انتي نقدر نقوله ما تجيبش او هات ده ابوه يا بنتي ومش هنحرمهم من بعض..
هاجر بضيق
حاضر يا بابا اللي تشوفه انا تعبت شويه وداخله انااام..
_ ودخلت هاجر اوضتها ومعاها ابنها، وبعد ما نيمته كانت قايمه عشان تغير هدومها بس رجعت ومسكت موبيلها اللي رن بوصول رساله، ولما مسكت موبيلها لقيت رقم غريب باعتلها رساله صوتيه ولما فتحتها لقيته عدي وباعتلها..
عدي
بصي لو ناويه تهملي بلوك فا هو حقك مش ناويه فانا والله مش هبعتلك تاني ولا هزعجك تاني، بس انا كنت باعت لحامد كام طقم كده من تصميمي واتحرجت اقولك عليهم قدام علي وولاء اتمني تقبليهم دي حاجه بيني وبين حامد صاحبي تمام…
_خلص الريكورد وهاجر فضلت تضحك، وبعتتله هاجر رساله وقالتله..
هاجر
وصاحبك قبل الهديه مش هتدخل بينكم.. سلام.
_ وقغلت الفون وبصت للحاجه اللي جابها عدي بعد. ما طلعتها من الشنط وكانت مبسوطه بيهم اكتر من اللي جابهم محمد، وولاء دخلت وقالتلها..
ولاء
طيب والله عدي ده زي العسل..
هاجر بسخريه
عدي اللي ما لوش علاقه بابني اصلا عارف مقاسه بالظبط وابوه جايب حاجات لطفل عنده سنتين والعاب مش هيعرف يلعب بيها…
ولاء
عشان خاطري فكري في موضوع عدي يا هاجر ده ولد طيب اووي وجدع جدا..
هاجر بهدوء
ان شاء الله خير يا ولاء..
ــــــ #بقلم_الكاتبه_رحاب_القاضي ـــــ
_ وتاني يوم في بيت احمد رياض..
صحيت نور من نومها علي صوت احمد وهو بيتكلم في الفون واول ما فتحت عينيها لقيته قاعد علي الكنبه وساند الفون بكتفه علي ودنه وهو بيلبس الجزمه وبيقول بعصبيه..
احمد
اسمع يا سلطان اللي عملو فيك يونس الصاوي ده حقه وانا لو كنت مكاانه كنت هعمل اكتر من كده..
سلطان
انت هتمشي ورا البلطجي ده، والله انت لو تعرف اللي فيها مش هتقول كده..
احمد بحده
البلطجي ده انت مش قادر تقف قصااده وبصراحه احنا شركتنا كبرت معاه هو وانا مش قليل اصل عشان اتفق معاك عليه..
سلطان
ماشي يا ابن عمي بس انت اللي هارجع وتحط ايدك في ايدي عليه لما تعرف اللي فيها…
قفل احمد الفون في وشه من غير ما يرد عليه، ونور قامت ولبست الروب بتاعها وقالت لاحمد…
نور
في ايه يا احمد؟..
احمد
هو مش انتي كنتي مع شهد مرات يونس الصاوي لما العصير اتكب عليها، ازاي ما قولتليش ان سلطان دايقها..
نور بخبث
هي لما جه سلطان طلبت مني اسيبهم لوحدهم، البنت دي كداابه وعايزه توقعهم في بعض..
ضحك احمد وقالها
هههههههه نو انتي غيرانه منها بجد ولا ايه؟..
نور بتوتر
الله يا احمد وانا هغير منها ليه يعني؟..
احمد
مش عارف بصراحه، بس انا ما اعرفهاش هي كويس بس اعرف ابن عمي وعارف ان سلطان مت الستات زباله واكيد دايقها واحد زي يونس مش هبعمل مصيبه مع سلطان الا وهو معاه حق..
نور بغيظ
هو عمل ايه في سلطان وكل ده عشان البنت دي..
احمد بسخريه
لا واضح انك مش يتغيري منها خالص، المهم انا اشتريت بيت حلو جدا وصغير شويه علي قدنا وعلي اد ابننا ان شاء الله..
نور بعصبيه
يووووه يا احمد تاني هو انت قعدتنا هنا مديقاك في ايه؟…
احمد
مش واخد راحتي وعايز يبقي بيني وبين مراتي خصوصيه بعيد عن امي اللي انتي مدخلاها في اي حاجه بينا..
نور
والله المفروض دي حاجه تفرحك اني بحب مامتك وعلاقتي بيها كويسه….
احمد بحده
هو ايه اللي يفرحني يا نور، ان امي متدخله في كل حاجه حتي اننا نخلف ولا لا انتي سمعتي كلامها هي ليييييه؟..
نور
يا احمد ارجوك بلاش موضوع اننا نسيب البيت ده وخلينا هنا وانا هحاول ابعد ماما ثريا عننا وو..
احمد بسخريه
نفس طريقتها يا نور بتاخديني علي اد عقلي..
نور بضيق
يعني انت عايز ايه يا احمد انا مش همشي من هنا ولا هدخل نفسي في مشاكل مع اهلك..
احمد
انا مش فاهمك بصراحه انتي عايزه ايه يا نور، عايزه تكوني معايا ولا مع اهلي…
سكتت نور واحمد قالها
ماشي يا نور انا بقي مش راجع هنا تاني اشبعي بأهلي اللي انتي اتجوزتيني عشانهم وعشان الفيلا دي والاسك والفلوس اصل ما بقتش في حاجه تستخبي..
_ قال كلامه ومشي ونور قعدت مدايقه ودخلت عندها ثريا وقالت..
ثريا
هتفشلي ولا ايه؟..
نور وقفت
لا انا وعدتك ان احمد هيفضل جنبك وده هيحصل..
ثريا
لازم يحصل يا نور عشان لو ما حصلش هرجعك الاقل ما كنتي كمان فاهمه..
_طلعت ثريا ونزر فضلت تعيط وهي خايفه من اللي ممكن تعمله فيها ثريا لو احمد صمم علي قراره..
ـــــــ #بقلم_الكاتبه_رحاب_القاضي ـــــــ
_وفي شقة يونس، دخلت شهد ولقيته نايم في الصاله وكل حاجه فيها مكركبه..
شهد بغيظ
ادعي عليك بأيه بس…
فتح يونس عيونه وقال
مين؟..
شهد رمت الشنطه في وشه وقالت
امك الله يرحمها..
ضحك يونس وقالها
لا في تطور في اخلاقك، تربيتي…
شهد قعدت جنبيه وهو نايم وقالت
انت ايه اللي نيمك هنا؟..
يونس
تفتكري ايه اللي يخليني انام هنا؟..
شهد ابتسمت وقالت
عشان انا مش موجوده صح؟..
يونس بخبث
ايه المحن ده انا بس ما كنتش لاقي المخده اللي بحضنها وانا نايم..
شهد بغيظ
بقي كده طيب انا راجعه لاخويا تاني…
مسك يونس ايدها وقال
يا بت استني بخزر، طبعا ما عرفتش انام جوه وانتي بعيد عن حضني..
شهد اتكسفت وقالتله
ايوه كده بقي اتعدل..
يونس
انا عايز اعرف بقي انتي عليكي في ايه تيجي لوحدك ما كنا جينا مع بعض بالليل..
شهد
ما انا بصراحه ما كنتش راجعه، بس اما فكرت..
يونس
مشاء الله وكمان بتفكري من امتي..
شهد ضربته علي كتفه وقالت
طيب ده انا افهمها وهي طايره المهم يعني انا رجعت اهو عشان اشوف انت بتحبني بجد. ولا لا..
يونس بضيق
يوووه تاني يا شهد، وهتعرفي ازاي بقي هتعمليلي اختبار..
شهد بقلق
لا بس الايام هتثبت لوحدها، هقوم احضرلك الفطار..
يونس
لا لا ما انا لسه ما صالحتكيش ومش هروح الشغل النهارده هقعد اصالحك..
قامت شهد بسرعه وقالت بتوتر
طيب برضو انا هجهز الفطار عشان جعااانه وبعدين روق اللي انت عامله ده عشان اسيبك تصالحني…
يونس بغيظ
وغلاوتك عندي الخيانه حلال فيكي وفي اللي زيك..
ضحكت شهد وقال
هههههه بس انا ما فيش زيي يا يويو….
ـــــــ #بقلم_الكاتبه_رحاب_القاضي ـــــــ
_وفي بيت محمد الجديد..
كان قااعد بيفطر هو ومامته وقالتله..
هناء
انت عرفت ان هاجر متقدملها عريس..
بطل محمد اكل وقالها
والله؟! ورفضته ولا لسه؟..
هناء
وترفضه ليه الولد كويس ومرتاح جدا وظروفه مناسبه ليها…
محمد بضيق
هو مين نعرفه؟…
هناء
لا ما تعرفوش.. استني كده احنا شوفناه في المستشفي لما كان حامد تعبان افتكرناله العافيه، الولد اخو خطيب ولاء..
محمد بحده
ايوه قوليلي كده هي طبعا هترفض..
هناء
وترفض ليه والولد كويس وما فيهوش حاجه تترفض..
محمد
يعني هي موافقه وهتتجوز وتسيب ابنها..
هناء
مش عارفه بس هو حقها بصراحه وبعدين الولد مستعد ياخد شقه قريبه من بيت اهلها عشان خاطر ما تبعدش عن ابنها، هي بقي متردده توافق..
محمد بعصبيه
لا يعني لا مش من حقها تتجوز، ابني مش هيبقي عنده جوز ام..
هناء بحده
ليه هو حرام يا شيخ محمد، وبعدين ليه ديما الست هي اللي تضحي وتربي وتضيع شباباها وعمرها والراجل يتجوز ويعيش حياته ويكون مطمن علي عياله مع الشغاله اللي هتاخد بالها منهم..
محمد بضيق
هو حقها وكل حاجه بس ابني وابنها لازم تضحي عشانه، ازاي يطبر ويبقي عنده جوز ام..
هناء بحزن
انت اناني عايزها خي تضحي بعمر بحاله عشان تفكيرك الغبي ده، وانت ما قدرتش تضحي في بداية جوازك وتتحمل شويه عشان ابنك..
قام محمد وقال
اللي عايزه تعمله تعمله، بس هي لو اتجوزت انا هاخد ابني منها..
هناء
القانون بيقول انها لو اتجوزت الولد هيكون في حضانة جدته ام امه…
محمد بغيظ.
لا ما احنا هنتفق وابني مش هيعيش مع راجل غريب…
_ وقام اخد مفتاح عربيته ومشي وهو متعصب..
ـــــــ #بقلم_الكاتبه_رحاب_القاضي ـــــــــ
_ وعدي شهر في التاني..
وفي القناه اللي شغال فيها محمد، كان بيجهز في اوضته ودخلت عنده زينب وقالت..
زينب
ها يا حبيبي جاهز…
محمد
زينب هو انتي ليه اتغيرتي؟..
زينب قفلت الباب وقربت منه وقالت
اتغيرت لايه بقي الاحسن ولا الاوحش..
راح محمد وفتح الباب وقالها
كانت عندك قواعد كنت فاكرها ثابته بس للاسف طلعتي منظر. من بره زي اللي انتو عايزين تعملوه فيا بالظبط..
زينب بقلق
انت قصدك ايه يا محمد؟..
محمد بخبث
قصدي انك اتغيرتي للاحسن بكتير..
_ وبعد شويه بدأت الحلقه بتاعت محمد، وكان ساكت وباصص للورق اللي قدامه وقال..
محمد
طبعا انا لازم اقول الكلام اللي في الورق اللي قدامي ده، بس للاسف ده مش كلامي وانا ما اتعودتش من زمان اقولكم حاجه انا مش مقتنع بيها او غير اللي اتعلمته واتربيت عليه..
اتنهد بهدوء وساب الورق وقال
انا مش كامل ومش ملاك زي ما ناس كتير شيفاني، انا زيي زي اي حد بغلط وبتعلم من غلطي وبختار غلط وشطاني بيركبني كتير بتعصب وبزعل وبزعل ناس مني وبخسر لاني بشر في الاخر، بس كلنا بنسعي اننا نبقي كويسين وده اللي انا بعمله..
_وفي الكواليس كانت زينب قااعده قدام خالها اللي قالها بقلق..
فاروق
زينب الواد ده هيعك الدنيا خليهم يطلعو فاصل بسرعه..
قامت زينب وراحت لاخراج وقالت
فاروق بيه بيقول نطلع فاصل بسرعه..
المخرج
حتي لو طلعنا اللايف شغال فعشان سمعت القناه وسمعتي كمخرج مش هقدر اطلع فاصل..
بصت زينب لمحمد بقلق وهو قال
زمان علي ايام سيدنا عمرو ابن العاص، جم شويه من اليهود وقالو اطردنا من البلد اللب كنا فيها وقعدنا عندك، سمحلهم يقعدو وقالهم دي مش ارضكم انتو ضيوف فيها، عملو ايه بقي اليهود دول كانو بيروحو لاي حد مزنوق ويديلو فلوس ويقولو خد احنا هنساعدك بس هناخد الفلزس دي الصعف والناس عشان تفك زنقتها كانت بتوافق ومش بتبص لقدام، زي ما بيحصل حالياً في سركات التمويل متناهية الصغر..
المهم سيدنا عمرو ابن العاص رضي الله عنه عرف اللي بيحصل من ورا ضهره بعد سنين وكان اليهود ظول عملو بنك جوه مصر وده كان اول بنك في تاريخ مصر بيتعامل بالربا المهم وقتها سيدنا عمرو طردهم بره مصر ولفو هما بقي وفضلو يقولو بكل بجاحه ان عمر ابن العاص طردنا من ارضنا ولحد الان بينسبو ارض مصر ليهم…
الخلاصه من الكلام ان اليهود مالهمش مله عشان كده حللو الربا وقدموه للناس، بس احنا كمسلمين الربا بالنسبالنا بكل الطرق حرااام..
ما هو عقاب اكل الربا في الدنيا؟
فالواجب الحذر من الربا بجميع أنواعه، وقد صح عن رسول الله ﷺ أنه لعن آكل الربا، وموكله، وكاتبه، وشاهديه، وقال هم سواء، فالله حذر من الربا، وأخبر أن أهله في النار وتوعدهم بالنار، والرسول ﷺ كذلك لعنهم على خبث عملهم.
طيب ما هي الحكمة من تحريم الربا؟
والربا في اصطلاح الفقهاء له تعريفات كثيرة منها: أنه زيادة في رأس المال لا يقابلها عوضٌ مشروعٌ، والربا محرم في جميع الشرائع السماوية ويُعَدُّ في شريعة الإسلام من أكبر الكبائر، والمسلم الذي يتعامل بالربا عن تَعَمُّدٍ وإصرارٍ وعن إنكار لتحريمه يكون مارقًا عن الإسلام…
يعني بالعربي كده الربا بكل الطرق شمال يمين فوق تحت حرااام ومش هقول غير كده..
ابتسم محمد وقال
وبالمناسبه دي اخر مره هتشفوني فيها علي القناه دي لاني ما قولتش اللي هيريح اللي فوق، بس قولت اللي هيريح ضميري بيني وبين ربنا، اشوفكم علي خير ان شاء الله…
_ خلص كلامه وكل فريق الاعدام بتاعه فضل يسقفله وكانو مبسوطين منه انه ما كدبش وقال عكس ما كانو مستنينه منه، وقام راح مكتبه ودخلت زينب عنده وقالت بعصبيه..
زينب
انت ايه اللي هببته انت عارف القناه هتخسر اعلانات بنوك وشركات اد ايه دلوقتي..
محمد
ايوه عارف وعشان كده دي استقالتي ابقي اديها لخالك عشان مش هوريه وشي دلوقتي لاحسن تجيله جلطه او يتشل مثلا..
زينب بحده
انت غبي يا محمد خسرت وخسرتنا معاك…
محمد بهدوء
بالعكس انا كسبت نفسي بقالي كتير ما بقتش الشيخ محمد فعلاً وقولا يا انسه زينب..
وقلع دبلته وحطها علي المكتب وقال
ودي كمان ما تناسبش محمد القديم، وما تشرفش بيكي انك تبقي في حياتي يا زينب..
قال كلامه ومشي وزينب قالت وراه بعصبيه
انت حر انت اللي خسران هترجع للفقر والجوع اللي جبناك منه تاني يا محمد وابقي وريني وقتها هتكسب ازاي..
ــــــــ #بقلم_الكاتبه_رحاب_القاضي ـــــــ
_ وفي نادي خاص…
كانت هاجر قااعده هناك وهي بتبص علي عدي وهو واقف جنب المدرب بتاع السباحه وبيتكلم معاه وعلي ايده حامد ابنها، ابتسمت بهدوء وقرب منها عدي وقال..
عدي
خير بصالي كده ليه؟..
هاجر
هو المدرب فاكره ابنك مش كده؟..
عدي بحزن
لو هيدايقك انا ممكن اقوم اقوله لا، بس بصراحه احساس حلو حسيته وهو بيقولي ابنك وكده..
هاجر بهدوء
عادي والله اصلا انت حنين عليه اووي وده شئ فرحني، المهم يعني انا مش مقتنعه ان طفل عمره اقل من سنه ينزل مايه…
عدي
انا اتفقت مع الكابتن اني هنزل معاه لاني بصراحه انا كمان بقلق عليه لوحده مع المدرب وهو مش هيتعلم السباحه دلوقتي بس جسمه هيتعود علي المايه ولما هيجي يمشي هيتعلم اكتر..
هاجر
بصراحه مش فاهمه حاجه..
ابتسم عدي وقالها
بصي يا هاجر هو دلوقتي يدوب بيقعد مش كده، احنا بقي هنعوده علي المايه ولما يجي يقف هنعوده علي حركة ايديه في المايه مع رجليه بحيث انه اول ما يتعلم المشي يكون عنده قدره كبيره انه يتعلم السبااحه…
هاجر بحماس
والله حاجه حلوه بجد، تمام انا اصلا مطمنه عليه وهو معاك ده بقي بيسكت معاك انت اكتر متي..
عدي بهدوء
عقبالك ما تطمنيلي انتي كمان..
هاجر بتوتر
ااا هو علي وولاء راحو فين؟..
عدي
سيبك منهم دلوقتي انا قولتلهم اصلا يسيبونا لوحدنا، هاجر انا معجب بيكي جدا مش هقولك بحبك وكده ليها وقتها بس انا شايفك مناسبن ليا اووي وهكون مرتاح وقلبي مبسوط لو وافقتي نتجوز..
هاجر سكتت شويه وبعدين قالت
انا موافقه يا عدي..
_ابتسم عدي بأتساع وبانت فرحته بموافقتها عليه..
ــــــــ #بقلم_الكاتبه_رحاب_القاضي ـــــــ
_وفي الشركه بتاعت احمد رياض..
بعد ما احمد خلص شغله وكان طالع من المكتب لقي نور بترن عليه..
رد عليها وقالها
ايوه يا نور نعم؟..
نور بحزن
مرتاح انت كده لما سيبتني في بيت اهلك بالشهور اهو اتحمل نظراتهم وكلامهم ليا..
احمد
قولتلك تعالي معايا..
نور
يا احمد انا وعدت مامتك اني مش هبعدك عن هنا، طيب تعابي ونتكلم بقي نور حبيبتك مالهاش خاطر عندك..
احمد بضيق
طيب يا نور جااي اهو…..
_ قفل معاها ونزل تحت بس قبل ما يركب عربيته لقي نسرين واقفه بتعيط، قرب منها وسمعها بتقول..
نسرين
طيب خدي نفسك يا خالتو واهدي شويه انا والله هاخد تاكسي واجيلك حالاً..
احمد
في ايه يا نسرين مالها خالتك؟..
مسكت نسرين ايده وقالت وهي بتعيط
خالتو تعبااانه يا دكتور احمد انا اول مره اتحط في الموقف ده ومش عارفه اعمل حاجه..
احمد بقلق
طيب اهدي انتي ايدك بتتنفض اووي هتحصلك حاجه كده، تعالي معايا هنروح سوا…
_ واخدها احمد وركبو العربيه وكان في واحد مراقب احمد، وفي الوقت ده في بيت احمد..
ثريا وهي بتكلم اللي بيراقب احمد
بجد طيب انا عايزه اعرف هيروحو فين…
وسكتت وبصت لنور وقالت
المهم اوعي هو ياخد باله..يلا سلام..
نور
خير يا طنط هو في حاجه؟..
ثريا بحده
بقولك ايه لو جوزك ما جاش النهارده الصبح تروحيله وتقنعيه يرجع ولو ما رجعش هنا مش عايزه اشوف وشك هنا تاني واياااكي تفكري تروحي تعيشي معاه بعيد عني فاهمه؟..
نور بخوف
حح حاضر..
_ تفتكرو بقي هيحصل ايه؟…
ـــــــــ #بقلم_الكاتبه_رحاب_القاضي ـــــــــ
_وفي المعرض بتاع يونس..
كان قاعد هناك واحده وما فيش غير بتوع الامن، ودخل عنده واحد. من رجالته وقاله..
فايز
مساء الخير يا يونس بيه..
يونس
مساء النور اقعد وقولي اللي وصلتله…
فايز
اللي عرفته ان سلطان ناوي يبعد شويه حاول يبعد التوكيل عنك بس ما عرفش احمد رياض كان واقفله برضو…
يونس
تمام والموضوع التاني اللي قولتلك عليه..
ابتسم فكري بسخريه وقاله
ية باشا انت طلبت مني ادور علي واحد سافر بره مصر من سنه وهو اصلا في مصر..
يونس بصدمه
ايييه في مصر فين؟..
فكري
والله زي ما بقول لحضرتك كده هو في مصر ما اعرفش من امتي بس اللي بتدور عليه اغلب الوقت موجود في حارة الصاوي..
يونس
كمان جنبي وما اعرفش انه في مصر..
فكري
مش بقولك يبقي ابني في حضني وادور عليه..
يونس
هو فين بالظبط وقاعد مع مين؟..
فكري
قااعد لوحده في بيت جده القديم ومش بيخرج غير قليل اووي..
يونس
طيب يلا بينا عايزين نعمله زياره محترمه…
_ وقام يونس وكان نازل مع فكري بس موبيله رن وكانت شهد..
رد عليها يونس وقالت
ايوه يا شهد في حاجه؟..
شهد
هو انا يعني يوم ما اقرر استناك تتأخر..
يونس
عندي شغل يا شهد شويه وجاي..
شهد
لا دلوقتي بسرعه..
يونس
في ايه طيب مش فاضي والله؟..
شهد
تفضالي وقدامك نص ساعه وتكون عندي والا هتيجي تلم هدومك من الشارع..
ضحك يونس وقال
حاضر جاي..
قفل معاها وقال لفكري
اسمع خلي حد يراقبه يعرفلي بيروح فين وبيقابل مين ويقولي تمام..
فكري
عينيا يا باشا اعتبره حصل..
_مشي يونس وراح البيت واول ما دخل لقي شهد وقفت بسرعه وكان شكلها متوتر جدا…
يونس
هي تعالي بسرعه دي مش المفروض اجي والاقي عشا رومانسي ولبسالي حاجه حلوه بدل جلابية عبله كامل في ريا وسكينه دي…
ابتسمت شهد وقالتله
علي فكره ده ميني ديرس جديد وحلو بس خو دايق حبتين وانت مش هتخليني البسه وانا خارجه فلبسته في البيت..
قرب منها يونس وقال
والله حتي لو كنتي لابست شوال هتبقي في نظري احلي بنت شافتها عيني..
شهد بصتله بقلق وقالت
يونس هو انت بتحبني صح؟..
يونس
هو ده وقته يا شهد ده انا سايب موضوع مهم وجايلك…
بعدت عنه شهد وقالت
لا معلش رد. عليا..
يونس
ما انا علي طول بقولك اني بحبك، انتي بقي ليه ديما بتسأليني السؤال ده؟…
شهد
عشان ولا مره حسيتك بتقولها من قلبك، كل مره بتقولها بحس انك بتقولها واجب وخلاص..
يونس مسك ايدها وقال
بالعكس انا بحبك من كل قلبي، انتي ما فيش منك يا شهد كفايه حبك ليا..
شهد
طيب جه الوقت انك. تثبتلي حبك ده…
يونس
مش فاهم قصدك ايه؟..
شهد بقلق
بص انا لا هكدب عليك واقولك بالغلط ولا اي حاجه..
بعد عنها يونس وقال بجمود
خير يا شهد وياريت ما يكونش اللي في بالي عشان ما تبقاش ليله سودا علي دماغ اهلك النهارده..
شهد بدموع
وليه لا هو مش ده. حقي..
يونس مسكها من. دراعها جامد وقال
انطقي في ايه؟..
شهد بخوف
اا انا من كام شهر شلت المانع وبقيت حامل..
يونس بعصبيه نزل بأيده علي وشها و؟….
_تفتكرو ايه هيحصل؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موضوع عائلي (الشيخ والبلطجي))
