رواية موج الرعد الفصل السادس 6 بقلم سما الحملاوي
رواية موج الرعد الجزء السادس
رواية موج الرعد البارت السادس
رواية موج الرعد الحلقة السادسة
عند موج…
بتحاول تفتح عيونها وتقاوم الضوء فتحت عيونها بألم ووجع وبتبص جنبها اتصدمت…
༺༺༺༺༺༻༻༻༻༻
༺༺༺༺༻༻༻༻༻༻
موج بصدمه…ايه في ايه حد يقف لحد كدا
دارين بسخريه…جيت اطمن عليكي اخيرا فوقتي
موج بتعب…دارين هاتي ايدك ساعديني اتعدل رقبتي وجعاني
دارين راحتلها وساعدتها وقالت…انتي كويسه اجبلك الدكتور
موج بأستغراب…مالك يادارين من امتى الحنيه دي دا انتي قبلها بكام بيوم جيتي في بيتي هنتيني
دارين بأسف…موج ممكن تسامحيني
موج بضحك…اسامحك ضحكتيني اوي اسامح مين ولا مين هو انتو كلكم طيبين كدا وانا الي شريرة قوليلي او اقولك متقوليش اخرجي برا مش عاوزاكي
دارين بحزن…موج عشان خاطري
موج بصراخ وحاولت تقوم…امشيييي اطلعييييي برا سبوووووني كلكمممم ابعدوو ااااااه
دارين بخضه راحتلها…موج انتي كويسه
الدكاترة دخلوا بسرعه…في ايه يا انسه عملتي ايه
موج بصراخ…خرجوهااااا اخرجييييي ابعدووو عني كلكم
الدكتور بقلق…اهدي يا موج هاتوا حقنه مهدأه حالا
رعد سمع صوتها حاول يقوم وقام بسرعه راحلها…
رعد بغضب…في ايه هنا عملتي فيها ايه
دارين بدموع…والله ما عملت ليها حاجه
موج شدت الكالونا من ايدها وقامت راحت لرعد مسكته بأيدها السليمه…يارعد ونبي خرجها عشان خاطري خليهم يبعدوا عني
رعد حضنها بقوة…اهدي ياموج اهدي عشان خاطري
الدكتور جاب حقنه مهدأه واداها لموج وهي في حضن رعد وهي نامت على طول شالوها حطوها على السرير…
راح لدارين شدها من دراعها وخرج…انتي عملتي فيها ايه انطقي
دارين رجعت لشخصيتها وقالت بغضب…مالك قلقان عليهااا ليهه هاااا انا دخلت اقولها تسامحني وهي انهارت كدا الله اعلم هي مالها انت جايب واحده عندها عقد نفسيه وتقول عملت فيها ايه وـ
كانت هتكمل لكن سكتت لما نزل على وشها قلم جامد من رعد…كلمة كمان عن موج الحناوي وقسما بالله ادفنك مكانك اطلعي براااا مش عاوز اشوف وشكك تاني يلااا
دارين طلعت ودموعها نزلت…
رعد اتنهد وخد نفس بوجع من رقبته الدكتور جه…رعد بيه مينفعش كده حضرتك لسه تعبان
رعد بوجع…سيبك مني انا هي مالها ليه حصلها كدا
الدكتور بجدية…حصلها انهيار عصبي بسبب الي حصلها واظاهر الانسه الي كانت جوا دي عامله ليها حاجه
رعد…تمام انا هاخد الادويه وادخل اقعد معاها
الدكتور…تمام يارعد بيه اتفضل حضرتك عشان اديك الادويه
رعد راح معاه خد الادويه ودخل لموج…
༺༺༺༺༺༻༻༻༻༻
عند وهيبه ورغد…
وهيبه…نعم ياحبيبتي طلبتيني جيت اهو
رغد بحزن…عمتو انا عاوزه اعمل العملية
وهيبه بفرحه…بجد بجد ياقلب عمتك طيب كويس حلو اوي نعملها لا احنا مش هنفكر لسه انا هاخدك دلوقتي ونروح المستشفى الي رعد فيها
رغد بأبتسامه…دلوقتي.
وهيبه بفرحه…وحالا هبعتلك هنادي تجهزك عقبال ما اكلم يمان يجي ياخدنا
وهيبه نزلت تنادي ل هنادي وكلمت يمان…
بعد شوية رغد و وهيبه قاعدين مستنين يمان…
يمان جه وقال…بجد هتعملي العملية يارغد.
رغد بأبتسامه…ايوه هروح اكشف انهاردة عشان نحدد الميعاد
يمان…طيب يلا بسرعه نروح
خرجوا وركبوا العربية واتجهوا للمستشفى…
وصلوا ودخلوا والدكتور قابلهم…
الدكتور…موج هانم فاقت
وهيبه بفرحه…بجد
دخلت بسرعه وهما وراها عشان يشوفوا موج…
وهيبه بدموع وفرحه…ياحبيبتي يابنتي حمدلله على سلامتك
موج بتعب…الله يسلمك ياماما
يمان بأبتسامه….حمدلله على سلامتك يا ميجو
موج بضحك…الله يسلمك ياميمو
رغد راحتلها طبطبت عليها وقالت…حمدلله على سلامتك يا حبيبي
موج…الله يسلمـ ايه داااا
رغد ضحكت وقالت…التهتها راحت
موج بصدمه…ازاااي
رغد…الدكتور كان قايلي انه لو حصلك صدمه زي الي كانت حصلتلي هرجع اتكلم عادي بس الصدمه الاولى مش بحب اتكلم عنها
وبصت على يمان بحزن…
موج بأبتسامه…الف مبروك ياحبيبتي
رعد جه من برا…ايه دا انتو جيتوا
وهيبه…ايوه وفي خبر حلو عندنا
موج…ايه هو
رغد…انا قررت اعمل العمليهههه
رعد راح لها بفرحه…يافرحة قلببي ياروحي ربنا يقومك منها بالسلامه
موج بأبتسامه…فرحتيني جدا ياحبيبتي
يمان…انت يارعد خليك مع موج واحنا هناخد رغد ونروح لدكتور عظام هنا
رعد…تمام
راحوا وسابوا رعد وموج…
رعد…انتي كويسه
موج…الحمدلله شكرا ليك
رعد…على ايه
موج…لما كنا في الحادثه وحامتني
رعد ابتسم وقال…واجبي عادي
موج بهدوء….كلها شهور وهنطلق وتروح لدارين متقلقش
رعد سكت.شوية وقال…تمام
خرج وسابها بضيق وراح اوضته نام على السرير بتعب ووجع من جسمه…
عند رغد…
الدكتور كشف على رغد وملامح وشه كلها اسف…احم انا عارف ان الي هقولوا صعب لكن مافيش اي امل ان رغد هانم ترجع تمشي تاني لأن لو عملت العملية هيبئا في خطورة عليها بنسبه ٩٥في الميه هيبئا في بتر ل رجلها لأنها اتأخرت جدا في انها تعمل العملية وواضح انها بقالها كذا سنه
ملامحهم كلها قلبت ويمان قال…بس يادكتور بعد الحادثه الدكتور قال ان لو عملت العملية هيبئا في خطورة عليها بردو لأنها كانت في سن صغير ف قال ممكن بعد سنه نقدر نعملها لكن للأسف هي جالها حالة نفسيه وخوف من انها تعملها ورفضت تعملها
الدكتور…ودلوقتي بردو في تأخير لأنها اتأخرت اوي
يمان بحزن…طيب مافيش امل خالص
الدكتور…للأسف لا انا اسف
رغد سمعت الكلام واتحركت بالكرسي وفتحت الباب وخرجت وهيبه خرجت وراها بسرعه وهي دموعها نازلة ويمان خرج وراهم…
عند موج…
زهقت ف خرجت تتمشى….
قامت براحه وخرجت شافت رغد وهي جاية وداخله اوضة وكانت اوضة رعد…
دخلت وراها وجم وهيبه ويمان…
رعد بتفاجأ من شكلهم…مالكم في ايه
يمان بحزن حكاله كل حاجه موج اتصدمت وحزنت جامد…
وهيبه بحزن…ومن ساعة ما عرفت وهي ساكته كدا
رعد راح قعد قدامها وقال…رغد حبيبتي هنروح لدكتور تاني ونشوف كمان ممكن اسفرك برا مصر تتعالجي متقلقيش ياعمري
رعد حضنها ودموعه نزلت بحزن…
༺༺༺༺༺༻༻༻༻༻
رعد وموج خرجوا من المستشفى ورجعوا البيت ورعد عرف من رجالته ان مدحت اختفى ومالهوش اثر في اي حته واضايق جدا وانعام عرفت ان رغد مش هتتعالج وحزنت جدا…
عدا يوم على رجوعهم…
في اوضة رغد…
موج بحزن…رغد حبيبتي اتكلمي ياقلبي قولي اي حاجه
رغد بصالها وساكته…
موج…هقولك حاجه سيدنا ايوب اصابه مرض عجزو كل الاطباء على علاجه والمرض دا كان صعب اوي لدرجة ان اللحم كان بيقع من على جسمه اهل القريه خرجوا من القريه هو وزوجته وهو فضل يدعي ويصلي وفي الاخر شفاه الله يعني الشافي الله تعالى كلام الدكاترة مش شرط يطلع صح انتي يعني لما تفقدي الامل هتخفي
رغد دموعها بدأت تنزل بس لسه ساكته…
رعد واقف على الباب بيسمع كلام موج…
موج حضنتها…صلي وادعي يارغد وان شاء الله ربنا يشفيكي
موج خرجت وقابلت رعد…
رعد…شكرا
موج… رغد زي اختي
سابته ودخلت الاوضة بتاعتهم…
انعام جت…مالك يارعد واقف كدا
رعد…لا ابدا كنت بشوف رغد وداخل اوضتي
دخل اوضته..
رعد بوجع…موج ممكن تساعديني
موج…في ايه
رعد…قلعيني التيشرت عشان اغير على الجروح
موج بخجل…هنادي ماما وهيبه
رعد بخبث…ماما وهيبه تلاقيها نايمه احنا بليل
موج بخجل…طيب خلاص هحاول
راحتله ومسكت التيشرت بأيدها السليمه وهو ساعدها عشان رقبته وقلعتوا التيشرت…
جابت علبه الاسعافات الاوليه بخجل وبدأت تغيرلوا على الجروح وهو مبتسم على خجلها…
خلصت ورفعت عيونها وكان شعرها نازل على وشها…
رعد بصلها بأعجاب ومسك وشها وقربها منه وقبلها…
موج زقته بغضب…ابعد عني انا غلطانه اني غيرتلك على الجرح وسععع
خرجت برا وسابته وهو لبس التيشرت بصعوبه وهو مخنوق ونام على السرير…
༺༺༺༺༺༻༻༻༻༺
تاني يوم…
في المانيا…
مجد…سوزي هيثم رجع انهاردة والمقابله كمان ساعه
سوزي…طيب كويس
بعد ساعه في مطعم شيك وراقي…
دخلت سوزي شافت هيثم قاعد شاورت لعماد يقف بعيد وراحت لهيثم…اهلا اهلا هيثم بيه نور المطعم
هيثم بزهق…سوزي مش ناقصاكي
سوزي بضحك…مالك بس يا خواجه ولا اقولك المنيري ولا انت نسيت اسم عيلتك وبلدك
هيثم…عارفة ياسوزان على قد وجع قلبي على بنتي على قد ما بحمدربنا لحاجتين انها اتحرمت من ام شبهك وانها اتوفت عشان مافيش حاجه تربطني بيكي
سوزي…امممم وجاي تشتغل معايا ليه
هيثم…مكنتش اعرف وعرفت المقابله الي فاتت لأن عماد هو الي رتب لكل حاجه للأسف
سوزي…طيب وايه ناوي تكمل اصلا انت متقدرش على سوزي الفؤاد
هيثم بتحدي وميل على الطرابيزة …انتي عاوزه فلوس وبس وانا هخسرك كل فلوسك قريب يا سوزي
عماد جه وقال…اسف ياجماعه اني اتأخرت عليكم ها نبدأ شغل
هيثم ببرود ورجع لورا…ايوه يلا
سوزي بغيظ…يلا نبدأ
بعد شوية خلصوا وعماد قال…هيثم هخرج اسبقك على برا.
هيثم…وانا وراك
سوزي حطت ايدها على ايدو بعد ما عماد لف يمشي وقالت…متلعبش معايا لعبة انت الخسران فيها ياهيثم انت عارف اني شيطانه واقدر اعمل اي حاجه تتخيلها
هيثم بضحك…وانا مش بخاف منك ياسوزي اعلى ما في خيلك اركبي
༺༺༺༺༺༻༻༻༻༻
عند موج…
غادة جت ليها وحضنتها وقالت…موج حبيبت قلبي وحشتيني حمدلله على سلامتك
موج بحب…الله يسلمك يادودو
غادة…جيتلك وانتي في الغيبوبه اطمن عليكي
رعد نزل…اهلا
غادة…اهلا بيك يارعد حمدلله على سلامتك
رعد ببرود…الله يسلمك
موج…هطلع اجيب رغد تقعد معانا هنااادي تعالي معايا
غادة عملت نفسها بتفتح الفون تشوف حاجه…
وبعدين مثلت انها بتعمل ريك وقالت…والله انا تعبت بجد ومش عارفة اتصرف في الفلوس ازاي ولو متبعتتش خلال يومين هيعملولي محضر
رعد بأنتباه…في ايه
غادة بحرج…ها لا ابدا انا لازم امشي دلوقتي
كانت ماشيه بس رعد مسك ايدها وقال…استني بس انا سمعت كلامك محضر ايه انتي عامله حاجه
غادة بتمثيل…لا والله ابدا انا جايبه حاجات بالقسط وماضيه على وصل وقالولي لو خلال يومين مجبتش الفلوس هيعملولي محضر
رعد بتعاطف..طيب خدي رقمي وتحكيلي وانا هتصرف
غادة خدت رقموا وخرجت على طول…
فوق على السلم…
موج كانت واقفه مش سامعه كلامهم لكن شافت منظرهم ودموعها نزلت…
هنادي…موج رغد هانم نايمه مش هتعرف تنزل
موج…خلاص تمام
نزلت ودخلت المطبخ لدادة انعام…دادة ممكن اي عصير فريش
انعام ببقلق…مالك ياموج
موج بدموع وحضنتها جامد…انا تعبت يادادة تعبت من كل حاجه
انعام طبطبت عليها وقالت…اهدي ياقلبي كل شئ لي اخر واكيد ربنا هيحلها من عنده
موج هديت شوية وانعام عملتلها عصير شربتوا وخرجت هي وانعام كانت وهيبه قاعده ويمان جه من الشركة ورعد قاعد..
يمان…رعد انت لازم تعمل الايف
رعد…تمام هنعملوا دلوقتي موج اطلعي اجهزي
موج بأستغراب…ليه
يمان حكالها…
انعام بخنقه…منهم لله مش بيبطلوا كلام
وهيبه بضيق…ايه الناس دي
موج بسخريه…يعني لسه في اول شهر واتقال عليا كلام شكرا اوييي
طلعت فوق لبست ونزلت…
يمان بدأ تصوير رعد قال بجدية وقوة وكاريزما ساحره…انا رعد الحناوي طالع بنفسي اقول اني عملت حدثه لكن خرجت منها سليم انا ومرااتي ها مراتي الي قولتلوا عليها كلام مش ولابد عمتاً كانت غلطتي اني مأعلنتش على جوازي منها وكان كتب كتاب بس لسه هعملها احلى فرح تتمناه
رعد باس ايدها وحط ايدو على خصرها بتملك وقال…دي مراتي مدام موج رعد الحناوي
موج ابتسمتله بغيظ وهزت راسها…
رعد بجدية…المرادي تصرفي كان عادي لكن المرا الجاية كلمة واحده عليها وحقيقي تصرفي مش هبعجبكم
يمان قفل اللايف وقال…حلو جدا
موج زقته بأيدها وقالت…حلو كدا هااا اعلنت ملكيتك ليا هااا دا انت مش بتعاملني كا زوجه ياسيدي اعتبرني زي دارين ولا اي واحده من الي تعرفهم حسسني اني مراتك اه مش زواج حقيقي لكن مكتوبه على اسمك دا انت حتى مفكرتش تجبلي دبله زي بقيت الناس لحد ما نطلق تثبت بس قدام الناس اني مراتك عشان مظهرك انما مظهري انا في داهيه عاااادي
طلعت وسابته وهو باصص عليها بغضب…
يمان بصلوا وقال…بصراحه عندها حق
انعام…فعلا يارعد موج معاها حق
وهيبه بسخريه…بتندمني كل يوم اني جوزتهالك
رعد سابهم وخرج الجنينه شاف الورد الي زرعته وبص عليه بضيق راح لبرق وفتح البيت وهو جري عليه اول ما شافه وفضل يتمسح فيه…
༺༺༺༺༺༻༻༻༻༻
عند دارين…
دارين بصدمه…بتعلن جوازك منها يارعد بئا كدا
لقت سيرين بترن عليها…ايوه ياسيرين
سيرين…شوفتي اللايف
دارين بضيق… داه شوفته
سيرين بصدمه…دا قمر يادارين
دارين بضيق…اقفلي ياسيرين اقفلي انتي متصله تغيظيني
قفلت معاها وقالت…ماشي يارعد انا هوريك انت وموج بتاعتك
༺༺༺༺༺༻༻༻༻༻
عند دياب…
قاعد شاف اللايف بصدمه وقال…مووووج ورعد
خرج بسرعه برا فيلته وركب عربيته وراح بأتجاه فيلا رعد…
وصل والامن ما منعهوش بسبب انه معروف. دخل وخبط على الباب جامد…
فتحتلوا هنادي…في ايه يا استاذ
دياب بضيق…رعد فين
هنادي…اقولوا مين
دياب دخل وقال…رعددد انت فيننن
هنادي بزعيق…يا استاذ انت داخل زريبه ايههه
دياب بغضب…اسكتي انتي ممكن
هنادي بغضب…اطلع برا
دياب بغضب…قولتلك اخرسييي يارعدددد
رعد نزل بغضب…انت ازاي تيجي هنا وتدخل كدا
هنادي بخوف…والله يارعد بيه منعته وهو الي دخل
رعد…روحي انتي ياهنادي وانت عاوز ايه واصلا ازاي تدخل بيتي كدا
كلهم نزلوا ويمان قال بصدمه…دياب انت بتعمل ايه هنااا
انعام بهمس…ربنا يستر
وهيبه بقلق…اكيد في مصيبه ليكون جاي لموج
دياب بغضب…موج بتعمل معاك ايه يارعد
رعد بغضب…انت مااالك جاي تسأل عن مراتي وانت مالك اطلع برااا يادياب احسنلك بدل ما اجيبلك الامن
دياب بغضب…مووووج انزلييي يامووووج
موج نزلت بقلق على الصوت العالي بعد ما لبست الاسدال وقالت…في ايه ايه الصوت العـ دياااب
كلهم بصولها بصدمه ورعد بصلها بعيون زي الجمر من الغضب…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موج الرعد)
