رواية مهمة عاشق الفصل السادس والعشرون 26 بقلم خلود وائل

علي شاف ليلي ماشيه قدامه واتصدم لما لقاها مخبيه وشها علشان محدش يشوفها فحاول يأخر نفسه علشان اسامه ميشوفهاش ويحرجها وبعد ماوصلت البيت وصل علي وراها وطلع وراها السلم وشدها من ايديها يوقفها
ليلي:ايه ياعلي سيبني ماسكني كدة ليه اوعي ايدي
علي:قدامي اطلعي علي فوق
ليلي:هصرخ والم عليك البيت سيب ايدي بقلك
علي:صرخي وعرفيهم كنتي فين اطلعي من سكات
طلع علي وليلي ووصلو للسطح
علي:كنتي فين في نص الليل كدة ياليلي
ليلي:هو انت مش كنت هتنام
علي:وانتي المفروض كنتي نايمه بردو
ليلي:كنت زهقانه ونزلت اتمشي شويه
علي:انتي بتكدبي ياليلي
ليلي:لا طبعا انا مش كدابه سيبني بقي اروح انام
بعد علي من قدام ليلي وهو زعلان علشان تعدي من قدامه وتنزل فليلي اخدت بالها أنه زعل وفصلت واقفه مكانها
علي ببرود:اتفضلي روحي نامي واقفه ليه
ليلي:متزعلش مني ياعلي بس انا عمري مطلعت سر حد أأتمني عليه
علي:نزولك البلد لوحدك في نص الليل دة سر حد أأتمنك عليه طب افرضي جرالك حاجه اعمل انا ايه
ليلي:وانت كنت فين وشوفتني
علي:كنت بشوف عصابه هنا في البلد هقبض عليهم بكرا،،،، ليلي انا واضح وصريح ومبحبش اللف والدوران
اتنهدت ليلي:اوووف بقي انا كنت عند واحدة صاحبتي
علي بنرفزة:وهي صاحبتك دي مينفعش تروحيلها بالنهار
ليلي:لا طبعا ووطي صوتك لو حد عرف اني كنت عندها ممكن يقطعو علاقتهم بيا
علي: ليه يعني مش فاهم
ليلي: نهله صاحبتي هي اصغر مني بس انا وهي صحاب وهي ومحمود ابن عمي جلال زمايل في الكليه وبيحبو بعض من زمان ومحمود عاوز يتجوزها بس في مشاكل بين العيلتين من زمان من ايام جدي الله يرحمه وموضوع جوازهم دة مستحيل بقالي فترة بمهد ليه بس خايفه من رد عمي جلال خصوصا ان محمود قاله قبل كدة ورفض
علي:تقومي تروحيلها الوقتي ومن غير ماحد يعرف
ليلي:لا طبعا محمود عارف وكان مستنيني
علي:يافرحتي بيكو والله
ليلي:لو تقدر تساعدنا يبقي كتر الف خيرك متقدرش يبقي بلاش تقطمني بالله عليك
علي:طيب اوعديني انك متتدخليش في الموضوع دة تاني
ليلي:مقدرش طبعا انا وعدت محمود اني اساعدة
علي:وأشمعنا انتي ال حكالك وعاوزك تساعديه
ليلي بفخر:عقبالك انا شغاله خاطبه للعيله كلها 😂😂😂معاك الشيخه ليلي لجلب الحبيب ورد الخطيب وفك النحس
علي:😹😹😹😹😹ماشي ياشيخه ليلي انزلي نامي يلا وانا هتصرف في الموضوع دة
ليلي بفرحه :بجد يا علولي
علي:ياستي قوليلي ياعلي مالها علي مش فاهم
ليلي:حيرتني معاك انا نازله
علي:متاخديش قلبي معاكي ياستي انا عاوز انام
ليلي:😍عمري مقدر اسيبه
نزلت ليلي وعلي طلع طلع تليفونه وطلب مؤمن
علي:نمت ولا لسه
مؤمن:ارغي عاوز ايه
علي:عندنا طلعه
مؤمن:علي فين
علي:بلد في محافظه الدقهليه محتاجلك انت وفرقه دعم كامله
مؤمن:ايه الموضوع باينه كبير
علي:فوق ماتتخيل ومش هتصدقني لو عرفت مين الراس الكبيرة
مؤمن:مين يعني
علي:متولي السيوفي
انتفض مؤمن من مكانه:ايه بتقول مين علي انت متأكد من كلامك
علي:شفته بعنيا يامؤمن
مؤمن:من النجمه هتلاقيني عندك ابعتلي اللوكيشن يلا
قفل مؤمن وعلي ونزل ينام ومستني الصبح يطلع علشان يقبض علي متولي السيوفي وعصابته
تاني يوم الصبح بدري وصل مؤمن وعاصم وايمن ومعاهم قوات الدعم والاسلحه وكان في استقبالهم علي واخدهم الحاج محمد وفتحلهم مخزن البيت علشان يستعدو ويجهزو نفسهم وبعد شويه علي كان جاهز وخرج معاهم وطلعو علي مكان العصابه واشتبكو معاهم وبعد ساعه كامله من ضرب النار قدر علي يقبض علي رئيس العصابه بعد ماكان هيهرب منهم وطلع بيه هو وفرقته علي القاهرة ومعاهم الاسلحه والاثار ال صادروها اما عند ليلي
جلال:الحمد لله علي قبض عليهم النهاردة عيد
محمد:ربنا يباركلك فيه ياحاج محمود ويخليهولك
مصطفي:ربنا يباركلك فيه ويكرمه ويترقي فيها يارب
الحاج محمود:يارب علي بيحب شغله ومبيخافش من حد ربنا يقويه يارب
أسامه:علي طلع معاهم علي مصر وبيقول هيرجع علي بليل
ليلي كانت واقفه بعيد ومتابعه الكلام وفخورة بعلي وبقبضه علي العصابه ال خلت كل البلد تتكلم عنه وفضلت ليلي تستني علي لحد وقت متأخر ولسه مرجعش
ليلي:علي اتأخر اوي يانهي
نهي:وحشك ولا ايه ياجميل
ليلي:ايه لا انااااا
نهي:انتي ايه ها
ليلي:نهي بقي
نهي: طيب يالولو 😂
شويه ووصل علي وقامت نهي تجري عليه وحضنته جامد وليلي واقفه في مكانها محروجه تروحله
نهي:حمد لله على سلامتك ياويكا
علي:الله يسلمك يانوني سهرانين ليه كدة
نهي:بنستناك وفي ناس مش جايلهم نوم وغمزت ناحيه ليلي
علي:اما الناس دول وحشوني بشكل
ليلي وهي راحه ناحيه علي:اتأخرت ليه كدة قلقنا عليك
علي:انا جيت اهوة يلا ننام
ليلي:طب نقعد سوا شويه
علي بصوت متصنع الجديه علشان ليلي تفهم قصدة:قلت يلا ننام
طلعو كلهم للنوم وشويه بعد ماعلي اتأكد ان كلهم نامو قام اتسحب وطلع لليلي علي السطح ولقاها قاعدة مستنياه وراح ناحيتها براحه علشان يفاجئها وقرب منها وهمس براحه
علي بهمس:وحشتيني
ليلي: علي
علي:قلبه وعقله وكيانه
ليلي بخجل:بحبك
علي مسك قلبه بضحك:اخيرا اخيرا قلتيها انا مش مصدق نفسي قوليها تاني كدة
ليلي بمرح:لا انسي هي مرة كدة كل سنه او في المناسبات والاعياد
علي:ليه يابنتي
ليلي بضحك:انت عاوزني اققلك بحبك فاكر انت كلمه بحبك ياعلي دي بالساهل كدة ولا بحبك عادي كدة لا ياعم انا مش هقولك بحبك غير لما يجيلي مزاجي اققولك بحبك ياعلوتي
علي:😂😂😂😂يانهار حب كل دة ،،،،كتير عليا والله مش مصدق نفسي
ليلي بحب:لا صدق ياعلي انا بحبك اكتر من روحي ولما بتبعد عني بحس روحي تايهه مني
علي:وانا اكتر منك يالولتي ،،،اه صحيح استني كدة
طلع علي علبه قطيفه صغيرة من جيبه وفتحها وطلع منها سلسله دهب صغيرة وناعمه كان فيها مجسم عروسه باليه صغيرة قد عقله الاصبع ولبسها لليلي
ليلي: الله حلوة اوي ياعلي
علي:عجبتك بجد
ليلي:اوووي بحب الحجات الرقيقه ال ذي دي جداااا
علي:جبتهالك وانا في اسبانيا حسيتها معموله عشانك وكمان بشوف الحركه دي في الافلام لما البطل يجيبها للبطله ويقولها اوعي تقلعيها وكدة
ليلي: وانا فعلا عمري مهشيلها من رقبتي
علي:امممم طب لو لقيتك في يوم نسياها
ليلي:لو في يوم لقيتني مش لبساها ابقي بطلت احبك
علي:……
ليلي:ايه عمري مهبطل احبك انت بقيت ماشي في دمي ياعلي
علي:بحبك يالولتي بس المفروض تنزلي علشان الوقتي ممكن اعمل حاجه تخليكي تقتليني
ليلي:😹😹😹لا خلاص الطيب احسن انا ماشيه
علي:اه صحيح انا كلمت عمك جلال
ليلي بفرحه:بجد طب وعملتو ايه
علي :بالساهل كدة لا خليني احكيلك بقي
ليلي:مش فاهمه عاوز ايه
علي شاور بصابعه علي خدة وليلي فهمت هو عاوز ايه
ليلي:لااااا نجوم السما اققربلك
علي: لما انا معايا القمر هروح للنجوم ليه
ليلي:طب عشان خاطري احكيلي والنبي والنبي والنبي
علي:مشكلتي اني بضعف قدام العيون الخضرا دي يلا امري لله …انا كلمت عمك ورفض في الاول بس انا فضلت وراه لحد مااقنعته و….و…..
ليلي:ها وايه
علي:لا كدة كتير انا بتعب علشانك والله وانتي مستخسرة بوسه فيا
ليلي:علي
علي:عيونه
ليلي:هتكمل ولا انزل
علي:رخمه علي فكرة بس يلا معلش هصبر لحد مانكتب الكتاب وابقي وريني هتهربي مني اذاي
ليلي:اممممم الطموح حلو
علي:ماشي المهم اقنعت عمك والخطوبه بعد بكرة قبل مانسافر والفرح لما محمود يستلم شهادته يعني اسبوعين بالكتير حتي لما العروسه تجهز
ليلي:ياربي عليك داانت ولا الساحر طب فهمني اذاي انا بجد مش مصدقه انت عملت المستحيل
علي:مبحبش اتكلم عن نفسي كتير الله اكبر عليا
ليلي:😂😂😂لا بجد معاك حق الله اكبر عليك
علي:بعدين انتي تؤمري امر
ليلي:بس بقي علشان بتكثف
علي: اه منا واخد بالي من الورد الجوري
ليلي :علي
علي:قلبه ودقاته وبعدين دي اققل حاجه نوجب معاكي بيها دة الجهاز كله بيبلغك تحياته علي انك وصلتينا لعصابه خطيرة ذي ال مسكناهم النهاردة بجد انا فرحان بيكي يالولي
ليلي:احم احم علشان تعرف بس
علي:انزلي نامي بقي انتي حرة
ليلي:لا خلاص انا نزلت من امبارح اصلا تصبح علي خير
علي بحب:وانتي من اهلي
نزلت ليلي وبعدها بشويه علي ودخلو نامو وليلي فضلت تبص للسلسله بتاعه علي وعاهدت نفسها انه مهما حصل متقلعهاش وفضلت تفكر في كلام علي ونظراته ليها وبعدين غلبها النوم وتاني يوم البيت كله كان فرحان لمحمود ومستغربين من موافقه الحاج جلال بسهوله علي خطوبته لنهله ورجاله العيله راحو طلبو ايد نهله لمحمود ونزلو اخر اليوم اشترو الشبكه وليلي مبسوطه بعلي ومفيش في تفكيرها غيرة علي استولي علي تفكيرها وقلبها وكل حاجه فيها بقي هو الهوا ال بتتنفسه وبسرعه جدا عدي اليوم وجه يوم الخطوبه والكل متجمع في بيت نهله ومحمود بيلبسها الشبكه وبعدها نهله سابت كل الموجودين وراحت لليلي حضنتها جامد وكانت بتشكرها من كل قلبها وعلي شايفهم وجه في باله نفس المنظر يوم خطوبه الاء وقال بينه وبين نفسه
-ياااااه ليلي دي جميله اوي من جوة اكتر بمراحل من برة بجد انتي نعمه من ربنا ليا ياليلي
خلصت الخطوبه والكل روح بيته وعلي كان ماشي مع ليلي طول الطريق
ليلي:اليومين دول عدو هوا ليه كدة
علي:هي الاوقات الحلوة بتخلص بسرعه ومعاكي بالذات بتخلص في ثواني
ليلي:هبقي اشوفك لما نروح
علي:قولي مش هتشوفيني امتي لما نروح انا مينفعش يعدي عليا يوم غير لما اشوفك
ليلي:ولا انا ،،،،انا عاوزة ارجع معاك بكرة ذي ماكنا جايين ممكن
علي:ممكن اوي يلا اطلعي نامي تصبحي علي خير
ليلي:تلاقي الخير
علي:ايه دة مش هتقوليلي وانت من اهلي ذي كل مرة
ليلي بحب:وهو انت لسه مبقتش من اهلي ولا ايه
علي بأبتسامه:انتي كل ما ليا ياليلتي انتي هديه ربنا بعتهالي
تاني يوم الصبح بدري كلهم صحيو من النوم وسلمو علي اهل ليلي وركبو عربياتهم ذي ماكانو جايين وبدات رحله الرجوع للقاهرة وليلي كان قلبها مقبوض طول الطريق ومش مرتاحه وكأنها كانت حاسه ان برجوعها هتبداء رحله عذابها ومعانتها …..