رواية مهمة حب (رحم للإيجار 2) الفصل السادس والثلاثون 36 بقلم ريحانة الجنة
رواية مهمة حب (رحم للإيجار 2) الجزء السادس والثلاثون
رواية مهمة حب (رحم للإيجار 2) البارت السادس والثلاثون
رواية مهمة حب (رحم للإيجار 2) الحلقة السادسة والثلاثون
شهاب وتمارا كانوا متعلقين ببعض بقوة واحتياج وشوف رهيييب. شهاب مغمض عنيه مش هاين عليه يبعدها عن حضنه . هو مش عارف امتي هتيجي الفرصة علشان يقدر يحضنها بالشكل ده من غير مايجرح كرمته.
تمارا كانت بتقاوم دموعها بقوة فوق طاقتها. علشان خلاص كانت بتنهاار وتصرخ وتقوله انا حبيتك يا غبي حبيتك ماكنش تمثيل . بس هي كمان كرامتها وكبريئها منعها تعمل كدة.
بس الكل كان باصص عليهم بدهشة ومش متخيلين انهم بيحبوا بعض اوي كدة. مهاب وچودي . ومؤمن وشيري. كانت واضحة عليهم السعادة . لكن شهاب وتمارا شئ مختلف الكل كان شايف انتين بيخبوا بعض في حضن بعض.
رعد قرب من همس وبهدوء: خاليكي واثقة انه ابن رعد. هيربيها ويخليها تتمني يلمسها. وغمزها بغرور.
همس بصتله بأمل ورجعت بصت عليهم تاني وابتسمت: عندك حق. ماهو وارث چيناتك . بس تفتكر هي هتحبه زي ماهو مجنون بيها كدة!
رعد حاوطها من خصرها بتملك وابتسم : هي اصلا واقعة فيه . بس هو غضبه مش مخليه يلمح حبها. هي غلطت وده مش سهل . بس اللي انا متأكد منه من اول مرة شوفتها في المستشفي معاه من قبل حتي مايسافروا ولا يحبوا بعض وانا كنت حاسس انها حبته. وقولتلك وقتها.
همس اتنهدت بأمل: عندك حق. دول مش عايزين يسيبوا بعض ابدااا. شايف هو ضاممها ازي !
رعد غمزها: وشايفة هي متعلقة فيه ازاي! خاليكي بعيد عنهم وماتتدخليش. شهاب غير فادي. انا متأكد ان ذكاء شهاب هيخليه يحس بحبها بس لما الثورة اللي جواه تهدي.
مؤمن غمز مهاب الصغير والاثنين صفروا بصوت عالي . وكل الناس صقفت بقوة . شهاب كأنه غاب عنهم ومباقاش حاسس بيهم . كل اللي كان حاسس بيه هي ودفئ حضنها وبس . بس اتعصب من نفسه ولامها بقوة انها خالته يبان ضعيف بالشكل ده. وحال تمارا مافرقش عنه كتيير. واخيراااا بعد عنها وبص في عنيها بعتاب. بيقولها ليه ضيعتي علينا اليوم ده. بكدبك وخداعك.
نغم وشوشت مهاب: شايف اللي انت مش طايقه. كان هيكسر ضلوعها من حضنه. ده بيعشقها.
مهاب كان بيبصلهم بإهتمام: تعرفي ان دي اول مرة احس فعلا ان شهاب بيحب تمارا. ده ماكنش حضن ده كان امتلاك.
نغم بدموع السعادة: ماشاء الله هي واختها حاجة تفرح . ربنا يحفظهم من العين . خايفة عليهم يتحسدوا. دول اميرات الليلة وعرسانهم تبارك الله يخطفوا العين.
مهاب رفع حاجبه بسخرية: طيب بناتي ومعاكي يتحسدوا. انما جوز الثيران دول علي ايه مش فاهم. دول خسارة فيهم بناتي يكش بس هو النصيب .
نغم ضحكت من قلبها:ههههههههه. ماشوفتش واحد بيغير علي بناته زيك. ارحمهم بقي اهم خلاص خلصوا منك وراحوا لازوجهم .
مهاب اتنهد وبص لبناته بحنين وافتكر ذكرياته معاهم من يوم ولادتهم. لحد ماكبروا قصاد عنيه وبقوا كل واحدة فيهم انثي مافيش اجمل منها . وخصوصا الليلة وهو شايفهم بفساتنهم البيضاء وجمالهم .
مهاب ابتسم بحب: شايفة حلوين ازاي . يارب يقدروا يسعدوهم .
كل واحد اخد عروسته وقعد في مكانه . وبدأ الفرح . لكن بعييد كانت مايا واقفة بتبص علي شهاب وعيونها كلها دموع وحسرة. بصت علي تمارا واتمنت انها كانت هي اللي تكون جنبه بالفستان الابيض.
عدي قرب منها وطبطب عليها بحنان وحزن : ليه جيتي مش قولتلك بلاش.
مايا بتمسح دموعها بوجع: كنت لازم اشوفه وهو عريس . يعني لا اكون انا العروسة ولا حتي املي عنيا منه.
عدي اتنهد: بدعيلك تنسيه ويخرج من قلبك وحياتك .
تمارا كانت لسة متأثرة باللي عاشته معاه من لحظات . من وجودها في حضنه. وسارحانة.
شهاب جواه حرب احاسيس ومشاعر . مابين فرحة امتلاكها حتي لو مش بتحبه. كفاية انها بقت ليه مش لراجل غيره. ومابين لومها علي انها كدبت وخدعت وضيعت عليه فرحة وسعادة اليوم ده.
شهاب بصلها ببرود:مالك مكتومة ليه . ايه صدقتي انك عروسة بجد. فوقي ده انتي مستنيكي ليلة مش هتنسيها في عمرك .
تمارا كلامه فوقها من تخيلاتها واتماسكت وردت عليه بقوة اكبر : ليلة سوداء علي دماغك ان شاء الله. كاتك قصف عمرك.
شهاب بيجز علي سنانه بغيظ:ارزعك بوكس دلوقتي اشلفتك قصاد الناس. قولنا لمي الحيا اللي طلقاها علينا دي ده مش لسان ده سم .
تمارا بغيظ: جاتك حيا لما تسمك وتريحني منك. مين دي اللي حيا. اتلم يا ابن رعد وخالي ليلتك تعدي احسن اخليه فرح منيل عليك وعلي الكل .
شهاب بغضب: ماله ابن رعد يا بنت مهاب ما تالمي كدة وتعرفي حجمك ايه. وانا اللي لو ما كتمتيش نفسك ده هطربق الفرح علي دماغك .
همس قربت منهم وابتسمت: الف الف مبروك يا ولاد. ربنا يسعدكم.
تمارا بتتأفف: اوففففف.
شهاب ضربها بإيده في كتفها وبصوت واطي و بعصبية: ردي علي امي بادب الا همس . دي بعيلتك كلها فاهمة.
تمارا بغيظ: عليك وعلي عيلتك اللي فلقتنا بيها.ده مرار. اصلا لولا اني بحب الست دي علشان طيبة. كنت سيبتك تخبط راسك في اكبر حيطة.مع اني مش عارفة ازاي الست دي خلفت واحد زيك.
همس حاسة ملامحهم عنيفة بس صوتهم واطي والميوزك عالي قلقت : مالكم يا ولاد بس ماكنتم كويسين ايه اللي حصل.
تمارا بصت لشهاب بغل وبعدين بصت لهمس:مافيش يا طنط. ابنك بس مش مصدق نفسه من فرحته انه اتجوزني.
شهاب بسخرية: ااه اوي الصراحة. حتي نفسي اقتلك واشوف دمك بيجري قصادي علشان اصدق اني اتهببت واتجوزتك.
همس بتكتم ضحكها واتأكدت من كلام رعد انهم فعلا بيحبوا بعض بس العناد هو سيد الموقف بينهم لحد دلوقتي .
همس : احمممم.لا بلاش دم الليلة حلوة وبلاش تقلب بغم. انبسطوا علي قد ما تقدروا لان الليلة دي عمركم ما هتعوضوها. دي ليلة العمر يا حبايبي . عارفين. انتم عشتم قبلها ايام وشهور
وياما هتعيشوا بعدها بإذن الله سنين . بس دي بالاخص مستحيل تروح من بالكم. علشان خاطري استمتعوا بكل لحظة فيها . دي هتتحفر في قلوبكم ومابين ذكرياتكم.
شهاب وتمارا بصو لبعض في نفس اللحظة بنفس النظرة . بعد كلام همس. نظرة عتاب ولوم .
همس ابتسمت: مبروك يا حبايبي . وهمست في ودن شهاب. صدق امك تمارا بتحبك. واضح عليها فكر كدة وشغل ذكائك.
دي كانت دايبة في حضنك. وحياتي بلاش تنكد علي نفسك الليلة افرح . وباسته من خده. مبروك يا نور عيني.
شهاب بصلها بحب وباس ايديها:الله يبارك فيكي يا احلي همس في الدنيا. تصدقي انتي اللي عروسة الليلة يا همستي. ايه الجمال ده بس. يابخته رعد باشا.
رعد قرب منهم بغيرة: ما تتلم بقي وخاليك في عروستك . وسيب ايد همستي. انت عايز تتجوز بعاهة الليلة ولا ايه!
همس وتمارا ضحكوا.
تمارا :والله تبقي عملت خير يا اونكل . هو ابن حلال ويستاهل .
همس بعتاب: ليه كدة بس يا تيمو ! ده شيبو حبيبك! يهون عليكي! ولو هان عليكي انتي يا ستي . مايهونش ابداااا علي همسته . بقولك ايه يارعد باشا
الا الليلة دي ليلة فرح قلب همس من جوا. ده الا شيبو اخر العنقود.
شهاب ابتسم : ااااااه يا همستي لو ماكنتيش امي. اقسم بالله كنت اتجوزتك.
رعد بغيظ شد همس بعيد عنه : انت تحمد ربنا اني هسيبك تتجوز من غير ما اسيح دمك. انت يا متخلف بتعاكس امك. ده انت عايز تتربي من اول وجديد. وانتي يا همس هانم لما هو قلب همس انا ايه مش فاهم!
همس بتكتم ضحكتها هي وشهاب.
همس: احممم. انت الملك انت قلبي وروحي . هو عندي اغلي منك.
شهاب: مش قولتلك بيغير مني علشان انا احلي منه. انا عارف.
همس :ههههههههه. لا بقي يا شيبو مافيش احلي من رودي حبيبي.
تمارا بدهشة: نعم . مين رودي ده!
رعد اتعصب :عجبك كدة ماقولنا بلاش فضايح. انتي شكلك عايزة تكملي الفرح فوق في الجناح من بدري كدة.
شهاب: ههههههه. مابتضيعش وقت يا رعد باشا انت .
رعد غمزه بثقة: طبعاااا. ركز مع الملك واتعلم يا غشيم. ثم بمناسبة بقي انك احلي مني. احنا ممكن نشهد جميلات الفرح وشوف مين يكسب.
همس بغيرة: نننعم . تشهد مين ! لا بقي انت مركز اهو مع الستات والبنات الحلوة . واخدت بالك انهم حلوين . مش دايما تقول مابشوفش غيرك يا همستي. ايه نظرك بخير ليه الليلة.
رعد : ههههههههه. ايه مالك . مش ابنك اللي بيتحداني . بلاش ياستي جميلات الفرح
نشهد العروسة . وبص لتمارا وغمزها . مين احلي يا تمارا انا ولا جوزك؟!
تمارا ابتسمت: بصراحة يا اونكل انت موززز السنين. شهاب ايه بس وبتاع ايه. يعني لو ماكنتش حمايا وكدة بقي كنت دوست معاك واللي شبكنا يخلصنا وحركات وتكات .
رعد ضحك : هههههههههه. انتي مصيبة علي فكرة شكلنا هنبقي اصحاب.
همس بصت لرعد بغيرة ومسكت ايده: بقولك ايه تعالي بقي يا بتاع الشبك انت عايزاك.
مشي رعد مع همس وهو بيغمز تمارا: هنشوف موضوع الشبك ده بعدين يا تمارا ماشي.
تمارا ضحكت واستغربت انها حبت رعد وهمس بسرعة كدة . يمكن علشان شايفة حبهم اللي لسة ما اتغيرش بفعل السنين. ولسة قوي ومتماسك زي حب ابوها وامها.
شهاب هينغجر من الغيرة. للتفاهم السريع بينها وبين رعد. خصوصا ان ابوه مش بسهولة ياخد علي حد ويهزر معاه كدة. حتي قدرت تخلي رعد الحديدي يكون هين لين معاها كدة .
شهاب بعصبية: انتي عجبك ابويا كمان! وسايقة الاستهبال. بقولك ايه ظرفك وخفة دمك دي ما تتكررش انا ماليش خلق ولا هيهمني ابويا ولا الجن الازرق. هظبطك. فاهمة .
تمارا ابتسمت ببرود عصبه اكتر: لا. مش فاهمة. واعلي ما في خيلك اركبه يا سيادة المقدم. انا هعمل اللي انا عايزاه واللي علي هوايا. وانت مافيش بيني وبينك غير شكل قصاد الناس وبس. لكن تصرفاتي وكلامي دول بتوعي انا . يارب انت اللي تفهم. وياريت بقي نظام البوس والاحضان اللي انت بتستهبل فيهم دول . تخفه علشان ما ازعلكش.
قبل ما شهاب يرد لقي اصحابهم وزماياهم جاين يباركوا ليهم . ومع كل واحد يسلم عليها ويمسك ايديها كان قلبه وجسمه بيغلي وعايز يكسر ايديهم وايديها . لحد ما كملت باللي خلاه يشتعل ناار. وجود يعقوب قرب وسلم عليها .
يعقوب مبتسم بحزن : مبروك يا تمارا.
تمارا اخدت بالها ان شهاب بيبص ليهم بغضب. هي مش عارفة تفسر غيرته دي بإيه. الاول كان تمثيل طيب دلوقتي ده ايه. هل لمجرد شكله قصاد الناس وبس ولا في حاجة تانية! بس ابتسمت بينها وبين نفسها بخبث. ومادمت حاجة هتعصبه وتغضبه يبقي تمام .
وسلمت وضغطت علي ايد يعقوب. وابتسمتله برقة: الله يبارك فيك يا يعقوب . كنت هزعل بجد لو ما جتش النهاردة. انت ما تعرفش انا فرحت ازاي لما شوفتك. انت غالي اوي عندي
يعقوب حزن ملامحه اختفي في ثانية وابتسم بسعادة: حقيقي انتي كمان غاليه عندي اوي يا تمارا.
شهاب كان خلاص جاب اخره منهم ومسك ايد يعقوب وضغط عليها بقوة لدرجة ان يعقوب بإيده وبنيته القوية اتألم من ضغط شهاب.
شهاب بغيرة بيجز علي سنانه بقوة: انت كمان غالي عندي اوي يا يعقوب. مش عارف اقولك ازاي. بس قريب هعرفك. الله يبارك فيك. عن اذنك في ناس جاية تبارك .
يعقوب شد ايده من شهاب بغيظ وبيداري الم ايده:احممم.مبروك يا شهاب عن اذنكم
مشي يعقوب وشهاب بهدوء مد ايده وقرص تمارا من ايديها بقوة وغيرة.
شهاب بيحاول ماحدش ياخد باله منه وبغيظ: تاني مرة ايدك تطول في السلام مع اي راجل هقطعها . اقولك علي حاجة ماتسلميش اصلا علي حد. قوليلهم جوزي منعني اسلم علي رجالة فاهمة يا بومة.
تمارا بتتألم وبتداري المها علشان الناس:اي … اي …. يارب تتقطع ايدك. ومسكت دراعها مكان قرصة ايده بألم. ثم انت مالك اسلم ولا لا انا حرة انت صدقت انك جوزي ولا ايه ! ماتفوق كدة وارجع لعقلك.
شهاب بعصبية:انا جوزك غصب عنك وعن اي حد. ولو شوفتك يا تمارا بتتكلمي مع البأف ده تاني اللي اسمه يعقوب . قسما بربي لاارزعك علقة تتوبك انتي حرة بقي انا خلاص نبهت عليكي . هخلي وشك ده مش باينله ملامح من الضرب.
تمارا كانت من جواها مش عارفة تفرح ولا لا . تفرح بغيرته الواضحة علي تصرفاته وكلامه ده واللي بيديها أمل ان شهاب ممكن يكون حبها غصب عنه وهو بينتقم منها.ولا دي كلها اوهام. وهو بس بيغضب لمجرد انها بقت مراته .
مهاب ضامم ايد چودي وبيبوسها برقة وسعادة ماتتوصفش: ياااااه اخيرا بقيتي مراتي ابوسك بقي اكلك ماحدش يفتح بقوه. يالهههوي يا جدعان. الا قوليلي هو احنا بقالنا قد ايه متعاقبين وقاطعين العلاقات من يوم ما ابوكي شافنا في الحفلة.
چودي ضحكت: هههههههه. كتييير من شههور. بس خلاص بقي الحظر اتفك.
مهاب عض علي شفايفه بشوق:ايوة بقي حياة ابوكي الليلة انا عايز كله مفكوك ماشوفش حاجة مربوطة. دي الليلة ليلة لقاء السحاب .
چودي بخجل: هوبا وحياتي بلاش كلامك ده بجد بدأت اخاف منك.
مهاب قرب منها اكتر وبحنان: لا لا تخافي ايه. انا عايزك ريلاكس الليلة مش عايز خوف ولا توتر. وانتي عارفة انا اااه همووت عليكي وعايز الفرح ده يتقلب في نصايا. بس كمان حياتي انا بحبك. وعمري ما اخوفك ابدااا. اوعدك اكون ارق من النسيم بس انتي تسبيلي نفسك خااااالص.
چودي اتنهدت:ااااه بحبك اوي يا هوبا.
مهاب خبط راسه بإيده مابقاش متحمل: ااااه
كفاية ربنا يخليكي انا علي اخري . بقولك ايه ما تيجي نزوع من الفرح ده انا صدعت.
چودي ضحكت بصوت عالي: ههههههههههه. هو ده اللي مش هتخوفني ده انت فضلك دقيقة وتنفجر. لا يا حبيبي انا عايزة استمتع بفرحي لاخر دقيقة.
مهاب ابتسم: وماله يا جبل نصبر. واهو كله متشالك. وهتاخدي نصيبك كامل ما تقلقيش.
مؤمن باصص في عيون شيري بشوق وسارحان.
شيري برقة:حبيبي هيفضل باصصلي كدة كتيير . الناس بدأت تاخد بالها.
مؤمن ابتسم : ماياخدوا وانا بيهمني. شيري انا بجد مش مصدق انك بقيتي مراتي. هو ده حقيقي ولا حلم!
شيري حضنت ايده بنعومة: طبعاااا حقيقة . انا اللي مش مصدقة انك بقيت جوزي بالسرعة دي.
مؤمن بحنين لامه: تعرفي اكتر وقت اتمنيت ان ماما فاطمة تكون عايشة هو النهاردة علشان تفرح ليا من قلبها. كانت نفسها اوي تشوفني عريس وتشوف مراتي وولادي. الله يرحمها.
شيري بحنان ضمت ايده اكتر: وانا حبيبي من الليلة بقيت مراتك وحبيبتك واختك وامك . اوعدك اعوضك عن وحدتك السنين دي كلها .
مؤمن ابتسم براحة لان ربنا عوضه فعلا بشيري انسانة جميلة وقلبها اجمل وابتسم وباس ايديها:طبعااا انتي كل دول بالنسبة ليا من يوم ما حبيتك. مش لسة من الليلة .
وغمزها بوقاحة. ثم ان الليلة دي بالذات ماينفعش تكوني غير مراتي وحبيبتي وبس.
شيري ابتسمت بخجل: انت مافيش فايدة منك . انا غلطانة كنت فكراك حزين بجد.
مؤمن ضحك: ههههههههه. انا اه افتكرت ماما وزعلت . بس يا سمرائي الحي ابقي من الميت. ثم ان الليلة مش اي ليلة . الليلة هكتب اسمي علي كل حتة فيكي علشان الليلة دي ماتروحش من بالك ابدااااا.
شيري قلبها بيدق بخجل وخوف: احممم. انت شكلك كدة مش ناوي علي خير . لا ااانا هروح مع بابي.
مؤمن ضحك من قلبه: يادي الفضيحة عايزة تروحي مع ابوكي ليه. عايزة الناس تقول عليا ايه سوسن . عيب في حقي كدة .
شيري ابتسمت: طيب.كفاية بقي كلامك ده. في حد جاي يسلم علينا تعرفها دي .
مؤمن بيلف يشوف مين ابتسامته راحت وملامحه اتعصبت لما لاقاها ابتسام امه.
ابتسام قربت منهم بفرحة ودموع وندم ومزلة ماتتوصفش . اخييرااا فاقت بس لاسف بعد سنيين جفاء. حرمت نفسها من وجود ابنها قصاد عنيها. وتفرح بيه وهو عريس . هي عارفة انه مش متقبلها في حياته. بس ماقدرتش تعرف ان الليلة فرحه وماتحضرهوش.
ابتسام قربت من مؤمن بندم ومدت ايديها : مم ممبروك يا ابني .
مؤمن كان بيبصلها ببغض وكره شديد . مش قادر حتي يلمس ايديها فضل باصص لايديها وبيصلها متردد. شيري فهمت انها تبقي ابتسام امه . مسكت ايديها هي علشان ما تحرجهاش اكتر من كدة .
شيري بإبتسامة : الله يبارك في حضرتك.
ابتسام بصتلها وابتسمت من بين دموعها : انتي عروسته. انتي جميلة اوي ربنا يسعدكم. ااانتي اكيد مش عارفاني . ااانا اانا ابقي ..
مؤمن رد بسرعة بجمود : دي تبقي ابتسام يا شيري. اللي حكتلك عنها.
ابتسام غمضت عنيها بوجع وندم علي كل اللي عملته. حرمت نفسها من كلمة ماما اللي الف غيرها بتتمناها. رمت ابنها لزوجة زوجها تربيه واللي كانت احن عليها منها هي . حرمت نفسها من انها تسمعها منه وهي في اعز واقوي احتياجها ليه . بصت لشيري وبصت في الارض بإنكسار.
شيري قلبها رق ليها: اهلا بحضرتك يا طنط . انا بجد سعيدة اني اتعرفت عليكي .
ابتسام اتنهدت بحزن وبصت لمؤمن اللي مش طايق حتي يبص في عنيها . ومسحت دموعها وقربت من شيري وطلعت علبة فيها خاتم شيك جدااا.
ابتسام: اتفضلي يا حبيبتي دي هديتك . لو كنت عرفت من فترة اكبر كنت جبتلك حاجة احسن . بس انا عرفت من ساعات بس والله .
مؤمن مسك ايد شيري قبل ما تاخد منها حاجة وبحزم: تقدري تحتفظي بهديتك . متشكر مش محتاجنها .
ابتسام بكت اكتر . بس هتلوم مين غير نفسها . هي اللي زرعت الزرعة دي واديها بتحصد شوكها ومرارها .رجعت ايديها بخزي .
ابتسام : عندك حق انا ما استاهلش اني اكون هنا ولا حتي افرح بيك واهادي مراتك زي اي ام. لاني اساسا ما استحقش اكون ام. عن اذنكم واسفة اني جيت ضايقتكم وضيعت فرحتكم . ولفت علشان تمشي.
شيري قلبها مش متحمل الحزن والانكسار اللي شايفة فيه ابتسام. خصوصا انها حاست انها ندمانة وواضح عليها.شدت ايديها من مؤمن وبصتله بعتاب. وقامت ولحقت ابتسام قبل ما تبعد بخطوات قليلة ولفتها وبصتلها بحنان واخدت منها العلبة وابتسمت.
شيري: متشكرة ليكي اوي . بجد زوقك جميل ورقيق. وسعيدة بوجودك الليلة .
ابتسام دمعت وحضنتها : ربنا يجبرك ويريح قلبك زي ما جبرتي كسرتي وريحتيني. ااانا طبعااا مش محتاجة اوصيكي علي مؤمن. واضح انك بتحبيه وكمان واضح حنانك ورقتك . ربنا يسعدكم وتتهنوا يارب. عن اذنك حبيبتي . وبصت لمؤمن لاخر مرة ومشيت.
شيري رجعت وقعدت جنب مؤمن.
مؤمن بوجع: ليه اختيها منها! ليه كنتي حنينة معاها بالشكل ده رغم اللي حكتهولك عنها! ؟
شيري ابتسمت ومسكت ايده : علشان ندمها ظاهر في عنيها وكسرتها واضحة اوي. شكلها صعب عليا. بذمتك ماصعبتش عليك!
مؤمن بلع ريقه بمرار. وبقوة: لا ماصعبتش عليا.
فادي قاعد مع حلا وبيميل عليها ويوشوشها بغيرة وعصبية: اموت واعرف انا ازاي اتهبلت ووافقت تحضري الفرح بالفستان ده. لا وكمان احمر . يا ليلة زرقاء يا جدعان.
حلا بتكتم ضحكتها : الله بقي فكها يا روحي . طيب بذمتك مش مخليني جميلة ده مصغرني يجي 10 سنين.
فادي بيعض علي شفايفه بغيظ: طيب ما تكتمي بوقك علشان انا اصلا مولع خلقة. مش محتاجة تسخنيني. هتيجي علي دماغك في الاخر .
حلا حضنت دراعه بتملك وابتسمت: طيب عيني في عينك كدة. قولي شكله عليا حلو ولا لا.
فادي اتنهد بغيرة وحاوطها بإيده بقوة وبصلها بإعجاب بيمزق قلبه من الغيرة : حلوة بس. قولي فاتنة. بجد. مش طايق نظرات الناس ليكي . علشان خاطري يا حلا بلاش احمر تاني بجد مفور دمي . شكلك مثيير اوي وانا بغلي . انا بس ماحبتش ازعلك علشان ما ترجعيش تقولي انت زي ما انت ومش بتتغير ومش بتتنيل.
حلا بصتله بحب وشفقة حقيقية لان غيرته كمان حقيقية مش مصتنعة . وبتأنيب لنفسها: اسفة حبيبي والله ماكنت اعرف انك هتكون متضايق للدرجة دي. تحب نروح.
فادي ابتسم وملس علي خدها بنعومة: لا يا حياتي مش للدرجة دي. بس غصب عني عايز اخبيكي جوايا ماحدش يشوف جمالك واثارتك دي غيري. وملس علي بطنها . وانت يا عم ما تكبر بقي شوية وكبرلي بطنها عايز اللي يشوفها يعرف انها ملكية خاصة وما يبصلهاش. انت بتحليها زيادة ليه حرام عليك.
حلا بسعادة:ههههههههه. تعرف كمان ماما همس بتقولي اني حامل في بنت . لاني جميلة بزيادة. وواضح ان هرمونات الانوثة عالية اوي وعلشان كدة محلياني .
فادي بتأفف: يا دي الخبر اللي يفور الدم. هو انتي ناقصة انوثة . الهرمنات كدة هتنفجر انوثة . كفاية في غيرك مش لاقي.
حلا همست في ودنه: بحبك وبحب غيرتك اوي.
فادي ابتسم وبهمس: انتي ماتعرفيش هيجرالك ايه لما نطلع فوق بسبب غيرتي اللي بتحبيها دي. وبالاخص بسبب الفستان الاحمر ده. ماليش دعوة بقي حامل بقي ولا مش حامل انا هخرج كل غيرتي من ساعة ماخرجنا من البيت لحد مايخلص الفرح. انا بلغتك اهو اتصرفي بقي.
حلا برعب: ربنا يستر اكلم الدكتورة بقي واقولها تبقي علي اهوبة الاستعداد.
فادي غمزها بوقاحة مابقتش تفارقه: ده احنا اهوبا فوق واهوبا يمين واهوبا شمال واهوبا علي كيفك . دي الليلة ملاهي للصبح.
حلا ضحكت غصب عنها بصوت عالي:ههههههههههه.
فادي بغيظ: اكتمي يا فضيحة. هو انتي ناقصة لفت انتباه . الفرح هيقلب بغم بسببك. هقتل حد انا وربنا شكلي كدة.
حلا كتمت ضحكتها وبصتله .
فادي اتنهد بشوق: اوفففف. هو الفرح ده طول ليه مش كفاية كدة بقي عايزين نطلع نريح.
حلا ضحكت ماقدرتش تمنع نفسها تاني :ههههههههه. فرح ايه اللي طول . ده لسة اصلا ما بدأش.
فادي بزهق: يا الله صبرنا يا رب .
سامح قرب من مهاب اللي كان واقف بعيد وبيبص علي بناته . بفرحة ممزوجة بحزن وهم الفراق. خبط علي كتفه .
سامح: مبروك يا صاحبي . عشنا اخوات واصحاب ونسايب والنهاردة زدنا نسب جديد. ربنا مايحرمنا من بعض.
مهاب بصله وابتسم لحبيبه واخوه بجد وحضنه : مبروك عليك انت فرحتك بمهاب. ربنا يخليه ليك ولندي.
سامح بص علي مهاب واتنهد: مهاب ده ابن عمري كله ابني واخويا وصاحبي. كفاية اني اتحرمت من اني يبقي ليا غيره بعد اللي حصل لندي.
مهاب بص علي ندي ونغم وهما فرحانين وبيضحكوا: ده قضاء ربنا . قول الحمد لله الورم اللي كان عند ندي انتهي بعملية شيل الرحم. انت ماكتاش هتتحمل تخسرها نهائي.
سامح بص علي ندي بحب وابتسم: عندك حق
كمان ندي دي بنتي كنت بحسها اخت مهاب مش امه. ماتنساش انها خلفته صغيره. الحمد لله . انا راضي باللي ربنا كتبهولي. سيبك انت من كل ده وقولي ايه الغيرة اللي في عنيك علي بناتك دي.
مهاب غمض عنيه بغيرة حقيقية: ااااه يا سامح. انا مش متخيل كل واحد منهم هياخد حته من قلبي معاه الليلة ويبعد للابد. ازاي هقدر اعيش من غير شقوة چودي وضحكتها اللي كانت بترن في البيت كله بتدب فيه الحياة. ولا خفة دم تمارا ونقارها مع نغم اللي كان بيضحك البيت كله . حقيقي مش عارف . البيت هيبقي وحش من غيرهم اوي ياسامح اوي.
سامح ابتسم: ياااااه. معقول انت مهاب الجبروت المفتري. جواك الحنية دي . سبحان الله اومال هتعمل ايه لما أنس كمان يتجوز.
مهاب اتنهد بحزن: لا ياسامح البنات غير الولد البنات دي هي فرحة البيت هي الكلمة الحلوة هي الحنية . هي الخوف عليك وقت تعبك او وقت الخطر. البنات دافيش زيها. أنس راجل . لكن دول تؤام روحي مش مصدق انهم هيبعدوا عني خلاص.
سامح: يامهاب انت محسسني انهم مهاجرين. ما انت هتشوفهم دايما وفي اي وقت.
مهاب بعصبية وغيرة: لا مش ديما ولا في اي وقت . لما ارجع متأخر مش هلاقي چودي نايمة وكالعادة معلية التكيف ومولعة النور ونايمة من غير غطاء وادخل اوطي التكيف واغطيها وابوسها واطفلها النور.
مش هدخل لتمارا الاقيها بتدرب ونتحدي بعض في تمارين الضغط . مش هقعد معاهم نضحك ونهزر كل يوم . اسكت يا سامح اسكت انت مش حاسس بيا وبالنار اللي جوايا. قسما بالله انا لو عليا اروح اخدهم من ايدين المغفلين دول وارجعهم لحضني وبيتي من تاني .
سامح ابتسم: سبحان الله. ده انت بتتلكك. خاليك ساكت احسن خالي العيال تنبسط .
الدي چي شغل اغنية علشان العرسان ترقص عليها وبدأ النور يهدي علشان يناسب الاغنيه الجميلة دي . ومؤمن اخد شيري ترقص معاه ومهاب اخد چودي ترقص معاه .
شهاب: قومي شكلنا وحش لازم نرقص معاهم .
تمارا بحزن حاولت تداريه لان هي اللي اختارت الاغنية دي وطلبت من چودي تحطها في برنامج الحفلة. بس صعب ترقص عليها معاه وهما بالشكل ده.
تمارا بتماسك: لا مش قادرة امثل تاني وانت بتسوق فيها وتفضل تحضن لازقة .
شهاب عض علي شفايفه بغيظ وقام وشدها بعنف وقربها منه وده خلاها تدخل لحضنه بقوة فجأتها بصتله بدهشة . بس لاحظة الدهشة دي اختفت وهي بتبص في عنيه وتلاقي نظرة مختلفة . ازاي بيقدر يغير ملامحه بالسرعة دي . شافت في عنيه الاشتياق . مابقتش عارفة ده حقيقي ولا حبكة ظابط شاطر . سند جبينه علي جبينها وبص في عنيها وهي كمان سلمت ليه مجبرة واكنها بتقوله كل كلمة بعنيها.
((عابالي حبيبي اليسا))
عابالي حبيبي. عابالي حبيبي اغمرك ما اتركك . اسرقك ما ارجعك احبسك ما طلعك من قلبي ولا يوم..
شهاب ضمها اكتر ويرفعها منوالارض بدأ يلف بيها بهدوء وخطوات مرسومة اكنه بيعزف علي بيانو بكل خطوة.
تمارا غمضت عنيها وكل كلمة بتلمس قلبها وتتمناها بجد
اخطفلك نظراتك . ضحكاتك حركاتك. علقم
بغرفتي . نيمن علي فرشتي . احلمهم بغفوتي ليحلي بعيني النوم .
شهاب قلبه بيدق بقوة بيحبها بيعقشقها عايز يعيش الليلة وهي بين ايديه حتي لو بالكدب وغصب عنها . مش هو اللي ينهزم بسهولة. اقسم تكون في حضنه باي ثمن .
تمارا دمعت غصب عنها وكان قلبها هو اللي بيصرخ بكل حبه لييه ويقولهاله بصدق. اتمنت تقدر تقولها بلسانها كمان. لكن قلبها وعنيها قالوها وهو باصص في عنيها بيقرأ كل كلمة خارجة منها . هيتجنن هي فعلا حبته زي ما امه بتقوله وباين عليها. هي حبت بجد وندمت علي غلطتها ولا بتكمل تمثيل علشان ابوها وبس بيراقب ويشوف. بس اهمل كل الحيرة دي وقرر يستمتع بيها وهي بين ايده.
عاااااااابالي حبييييبي . ليلية البسلك الابيض . وسير ملكك والدنيا تشهد.وجيب منك انت طفلك انت مثلك انت.
عااااباللي حبييييبي .
شهاب ضمها اكتر وهي دابت في حضنه وطارت للحظة القرب اللي بتحيها من تاني لانها بعيد عنه بتكون فاترة وباردة ومافيهاش روح.
مؤمن بيضم شيري بحنان وشوق للانسانة الوحيدة اللي حس انها عوضته حنان وحب فاطمة امه او بمعني اصح مرات ابوه واللي كانت احن عليه من امه. جواها حنان وحب وبرائة كان محتاجلهم اوي وماصدق لقاهم فيها .
شيري بتغمض عنيها في حضنه بسعادة تكفي بنااات الكون كله . نفسها تخبيه في قلبها وتعوضه حرامان الام والعيلة وتملي وحدته بروحها الحلوة وحنانها الطاغي . واتمنت تكبر وتعجز وهي معاه لاخر العمر مايفترقوش .
عاااابااالي حبيبيبببي . عيش حدك عمر او اكتر . وحبي يكبر كل ما نكبر. وشيب لما تشيب عمري يغيب لما تغيب . عااااابااالي حبييييبي .
مهاب بيبتسم لچودي وهي هايمانة في عنيه وفي حبها ليه . ده حبيبها من وهي لسة بتتعلم الكلام والخطوات. كبروا سوا وحبو بعض حب صادق مش مجرد تعود لا ده عشقها بكل جوارحه ومشاعره . چودي حطت راسها علي صدره وغمضت عنيها وكانت بتهمس بكلمات الاغنية ليه وبتغنيهاله هو وبس وهو ضمها بسعادة ماتتقدرش بكنوز الكون كله . وسمعها بدقات قلبه قبل ودنه وقلبه بيرقص مع كل همسه ونفس خارج منها .
عااابالي تكملني واسمك تحملني . بقلبك تخبيني من الدنيا تحميني وتمحي من سنيني كل لحظة عشتها بلاااك .
تمارا ماقدرتش تمنع نفسها من انها تنعم بحضنه وقربه اكتر من كدة مشتاقة تتنفس ريحته وحس بدقات قلبه . غمضت عنيها وحطت راسه علي صدره وهو كمان غمض عنيه وضمها واتنهد وجوااه بيتمني الاغنيه ما تخلصش ولا تبعد عنه ويرجعه يواجعوا بعض وينقاروا بعض .
تمارا بكت بصمت وهي بتسمع كل كلمة واكنها اتعملت ليها هي وبتحكي حالها معاه .
عاااباللي تجرحني لحتي تصالحني . بلمسة حنونة . بغمرة مجنونة . وما غمض عيوني الا انا ويااااك .
عاااااباللي حبيبيييبي ليلة البسلك الابيض . حبيييييبي .
خلصت الاغنيه وكل اتنين لا حاسين ولا سامعين حد. وخصوصا قلبين موجوعين وفي امس الحاجة لكل لحظة حب .
رجعوا كل اتنين لمكانهم من تاني وكلهم بيضحكوا من السعادة. شهاب وتمارا كانوا لسة متأثرين بلحظات الحنان اللي مرت بيهم. وكل واحد بيبص للتاني وساكت زي مايكونوا بيتفقوا انهم ياخدوا هدنة من المشاكسات ويستمتعوا بذكري الرقصة الحلوة دي. فضلوا تقريبا مش بيهاجموا بعض لاخر الفرح . ورقصوا تاني وتالث . وكل مرة شهاب بيتمني يصرخ ويقولها بحبك .. بحبك ياغبية . وهي كمان قلبها كان بيصرخ جواها عايز يقوله بحبك… بحبك .. يالي ماتدقتش غير ليك . بحبك بس طلعت غدارا ومخادع.
خلص الفرح كل اتنين طلعوا جناحهم حتي الكبار كمان في جناح تمارا وشهاب . شهاب داخل شايل تمارا . وهي بتحاول تخليه ينزلها
تمارا : كفاية بقي نزلني الباب اتقفل .
شهاب بصلها ببرود وماردش عليها وكمل لحد ما وصل لاوضة النوم وقربها من السرير ورماها بعنف وغيظ
تمارا اتألمت من الخبطة :اااااه ظهري يا متخلف. يارب تنكسر ايدك يا شهاب .
شهاب ابتسم بمكر وبدأ يقلع چاكتوالبدلة ويفك ازرار القميص.
تمارا قامت من السرير وبتبصله بترقب وبتبعد لابعد مكان في الاوضة . وهي مش قادرة تفهم هو بيفكر في ايه.
تمارا بقلق: اااانت. ااانت بتعمل ايه . لا بقولك ايه احنا اتجوزنا اه علشان الاتفاق اللي بينا. لكن انسي انك تلمسني. فاهم
شهاب ابتسم اكتر بتوعد وكمل فك قميصة ورماه وفك حزامه وهو بيقرب اكتر ومع كل خطوة يقربها هي تبعد وقلبها هيخرج من مكانه من الرعب .
شهاب وصلها وضمها لحضنه وبصلها بخبث: خلاص هترحي فين تاني وراكي البلكونة هتنطي ليلة دخلتك وتننتحري .
تمارا في وضع رهيييب مش اي واحدة تتحمله . مابين حبها واحتياجها لكل نفس منه لكل لمسة لكل همسة ومابين كرامتها اللي مش بسهولة تخليها تستسلم ليه.
تمارا بتبلع ريقها وتحاول تستجمع قوتها: اهو كله انتحار . وانت بتسمي جوازي منك ايه ماهو انتحار.
شهاب ضمها ليه اكتر بغيظ وحب وشوق ورغبة مجنونة . مشاعر ملخبطة . عملت كوكتيل رهيب وغريب ..
شهاب بيفك طرحتها بهدء ويرميها بعيد وهي بتراقب حركة ايده بإستسلام . وكمل هو فك شعرها بنعومة وهدوء عكس النااار اللي جواه.
شهاب بيتنهد: ما دومتي قررتي تنتحري معايا يبقي تكملي انتحار . وتموتي بين ايديا .
تمارا بتحاول تبعده عنها بس حتي كفوف ايديها بتخونها مش مطاوعاها تقسي وتدفعوا بقوة وعنف. كانت بتبعده بهدوء .
تمارا بنبرة هامسة: ااابعد يا شهاب. ارجوك.
شهاب مش قادر يبعد وشاف عنيها ولهفتها وحضنها اللي بيندهله برغبة. شاف احتياجها وانتظارها لكل لمسة . بدأ يصدق امه انها ممكن تكون حبته . بيحاول يقنع نفسه انها ضعفت وغلطت وراهنت . بس حبت وماكدبتش ولا خانت.
قربها اكتر واكتر لحد ما بقي مش متحمل يكون فيه اي مسافة شالها بين ايديه. وهو بكلمها بنبرة مجهدة ومنهكة من الرغبة والحب والعشق والجنون .
شهاب: مش هبعد ولا انتي هتبعدي. احنا بينا اتفاق هتكوني مراتي وملكي مش هسمحلك تخلي بإتفاقنا ابدااا. ثم لازم تتعاقبي علي طولة لسانك في الفرح ولمست ايدك لكل واحد سلم عليكي وخصوصا يعقوب.
تمارا متعلقة في رقبته وعنيه بتقولها حاجات كتيير هي بتحاول تصدقها . ان قربه المرة دي غير يوم الشقة وقتها حاست ان قربه
انتقام واهانة . لكن الليلة مختلف . قربه لهفة وحنية . لمسته حب واشتياق . وبهمس: وتفتكر اني هسيبك تعاقبني بسهولة.
شهاب بدأ يفك سحابة فستانها وهو لسة شايلها وقرب نفسه منها وبدأ بيتنفس في رقبتها وايده بتتحرك علي ظهرها برقة ونعومة.
شهاب: قاومي لو تقدري . بس اتاكدي اني هغلبك. ومش هسيبك الا وانتي ملكي بكل حتة فيكي . لازم تاخدي ختم الحديدي الليلة .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهمة حب (رحم للإيجار 2))
