رواية مهمة حب (رحم للإيجار 2) الفصل الحادي والأربعون 41 بقلم ريحانة الجنة
رواية مهمة حب (رحم للإيجار 2) الجزء الحادي والأربعون
رواية مهمة حب (رحم للإيجار 2) البارت الحادي والأربعون
رواية مهمة حب (رحم للإيجار 2) الحلقة الحادية والأربعون
في مراسي الليل جاء بسحره وجماله. والقمر نور السماء فوق البحر وكانت اجمل لوحة ممكن تشوفها عيون. بس كان الاجمل بالنسبة لحمزة لوحة تانية خالص. كانت حبيبته وام ابنه المنتظر جاية بتقرب عليه بأجمل طلة وارق فستان واحلي ابتسامة زي ما القمر نور السماء وشق ظلام الليل. فتون نورت حياة حمزة وشقت ظلام وليل حزنه والمه. رجعت الضحكة والابتسامة تنور وشه وملامحه.
حمزة كان منتظر فوتنته علي البحر ومجهزلها اجمل مكان يليق بيها بحبيبته مكان متزين بشلااات حرير وانوار بسيطة ورقيقة وفرقته بتعزف بالكمان ترحيب بأميرته الجميلة . كان صوت الكمان واوتارها مع نور القمر وعيون حمزة بيخلي فتون خطواتها بترقص من السعادة . قربت منه وهو ضم ايديها وباسها بإشتياااق ولهفة.
حمزة ابتسم بحنين: نورك وجمالك غطي علي ضوء القمر . ماقدرش يتحمل يكون معاكي في مكان واحد.
فتون ابتسمت وعيونها بتحضن عنيه : القمر مستحيل يكون في مكان انت فيه . بيبقي بيظلم نفسه . انت اجمل من القمر وصوتك اعذب من صوت موج البحر.
حمزة ضمها برقة وهدوء وبدأ يتمايل بيها مع نغم اوتار الكمان . تعرفي انا لو كنت اتمنيت فتاة احلامي ورسمتها بريشة سحرية عمري ماكنت هتخيل جمالك ورقتك. انتي عديتي احلامي بمراحل. حتي القمر ماينفعش تتشبهي بيه لانك اجمل . انتي حورية من الجنة . اوقات بخاف عليكي من عيون الناس بخاف انا نفسي احسدك .
(ادي اللي في بالي حماقي)
ادي اللي في بالي بالملي قمر ومن السما نزلي . دي بسم الله ماشاء الله تشوفها تسمي وتصلي.
فتون : يااااه كل ده انا ! ده انت مش بس مغني وصوتك يسحر لا شاعر كمان. اومال انا حبيتك ودوبت فيك من قليل. بس وحياتي كفاية مجاملة. انا كدة هتغر عليك .
حمزة سند جبينه علي جبينها بحنان: اوقات حقيقي بحتار في وصفك مش بس جمال ملامحك . لا جمال روحك قلبك ضحكتك . صوتك اللي بيداعب قلبي برقة. مهما قولت وغنيت مش هقدر اوفيكي حقك. مش لاقي كلمة توصف حبي واحساسي بيكي. اقصي كلمة ممكن تكون في معجم الكلمات هي حبيبتي.
فتون بإعجاب ودمعة فرح وسعادة: ودي كفاية اوي . كتيير كمان عليا .
عشان اوصفها مالهاش حل كلام اغنيا كله اقل دي خير في حياتي جاني وهل ومن حظي انه متشالي .
حمزة بص في عنيها واتنهد :تعرفي انا طول عمري بغني وبقول كلام حب. عمري ماقابلت واحدة تستاهل الكلام ده. كمان كنت بستكتره علي اي واحدة. كنت شايف كلام الاغاني مبالغ فيه مين دي اللي تستاهل كل الحب والاغاني دي. بس لما قابلتك اتمنيت اني ارجع اغنيلك كل اغنية غنتها كل كلمة حب. كل دقة بيانوا كل حزفة كمان وچيتار. انتي اكن الحب والشعر اتخلق ليكي ولعنيكي.. كل شئ فيا وفي حياتي اتغير اكني بتولد واعيش من جديد. لما اغني حاجة واقولها وانا ماجربتهاش. شئ مختلف تماما لما اجربها واعيشها. واحس بكل كلمة وكل همسة.
بنسبة 100/100 حاجااات اتغيرت فيا . دي حلم بعيد يانااس . دي اكيد هدية ربنا ليااااا.
عشااان اوصفها مالهاش حل كلام اغنيا كله اقل دي خير في حياتي جاني وهل ومن حظي انه متشالي.
فتون بنظرة حب لعاشق عيونها ماشفتش في جماله : اوقات بسئل نفسي ازاي انسان بيحب ويعشق بالشكل ده . يضعف في لحظة ويضيع اجمل شئ ممكن نعيشه سوا .
حمزة غمض عنيه بألم واتنهد: انسي يا قلبي انسي وعيشي معايا اللي جاي بحلاوته وحنانه. اوعدك نعوض كل اللي فات. وانسيكي الغلطة دي. وابتسم بشقاوة. ثم انتي السبب صدقيني جمالك واغرئك خلاني انسي كل شئ انتي اصلك مالكيش حل. سحرتيني .
فتون ابتسمت: مش عارفة ازاي سامحتك . بس غصب عني بحبك… بحبك اوي اوي بحبك يا حمزة .
حمزة ابتسم بسعادة وعالي صوته : قااالت بحبك يا حمزة 3 مرااات ياجدعاااان هموووت والله .
فتون: ههههههههههه. انت مافيش في جنانك.
حمزة باسها برقة : وانتي مافيش في جمالك. اسمعيني بقلبك بقي من الليلة غنيا وعزفي ليكي انتي .. انتي وبس….
في واحدة لما تقابلها. تسيب الدنيا وتجلها .. بغني سنين لكل الناس ومن الليلة هغنلها.
خلص عشاهم وسهرهم وشالها بشوق وهمسلها : انتهت سهرتنا علي البحر وهتبدأ سهرتنا في العالم بتاعنا . عالم حمزة العاشق المجنون .
فتون سندت راسها علي صدره براحة: وانا معاك اخطفني لجنانك. عوضني حرماني منك. اروي عطشي من بعدك.
حمزة اتنهد ووصل للاسنانسير بسرعة وسط ابتسامات كل الناس حتي الاجانب منهم. ووصل جناهم. ودخل بيها وبهدوء نايمها في سريرها.
فتون حاولت تقوم حمزة منعها.
فتون: ايه بس هغير فستاني.
حمزة بمكر قرب منها وغمزها: لما انتي تعملي كدة. انا اعمل ايه! سيبيلي نفسك وانا مش هغيرلك الفستان لا انا هريحك من كل الهدوم اللي في العالم.
فتون: ههههههههههه. اممممممم. كله كله !
حمزة هز راسه بتاكيد وغمزها : كله كله . وعد انسيكي شكل الهدوم لمدة شهر جاي . انا لازم اعيش شهر عسلي يا فوتنتي. انا غلبان واتحرمت من الحنية .
فتون اتعلقت في رقبته:ياحرااام. تصدق صعبت عليا.
حمزة قلع چاكت بدلته. : لا مادمت صعبت عليكي يبقي لازم اوصفلك حالتي بالملي علشان تعوضيني بضمير…… استعدي بقي لليلة ولا الف ليلة ومش هتكون اخر ليلة . الليالي جاية والسعادة بتاندي . جايلك يا حورية في بحر موجه عالي.
فتون : ههههههههن. المهم تكون بتعرف تعوم.
حمزة قرب منها بتوعد: انا سبااااح وهغرقك ياروحي في بحر حبي وجنوني بس انتي اتحملي …
………………………………..
في تايلاند. چنا ومروان بيتمشوا علي البحر ….
چنا اتنهدت : تعرف.
مروان ابتسم: اهاه. اعرف ايه يا روحي.
چنا بحزن: نفسي نفضل هنا مانرجعش تاني. نفسي افضل معاك وفي حضنك. من غير مشاكل ولا عتاب ولوم من اي حد. نفسي نبدأ حياتنا من جديد.
مروان حاوطها بحنان وضمها لحضنه واتنهد: مهما كان حاولينا نااااس. مستحيل حد. يفرقني عنك. هفضل جنبك وبحبك . انتي بقيتي حياتي خلاص يا چنا.
چنا بتتنعم بحضنه براحة . مروان بالنسبة ليها مش مجرد حبيب.
ولا بقي مجرد زوج. مروان بتلاقي فيه حنان أب وشهامة اخ . وحب واشتياق حبيب.
چنا : مروان انت متأكد انك مستحيل تتخلي عني. يعني لو خلفنا مش هتحن لريما وتطلقني.
مروان بعصبية خرجها من حضنه وبص في عنيها: انتي لسة عندك شك في حبي وتسمكي بيكي! ريما انا لحد النهاردة متمسك بيها مع ان اللي اختلافنا فيه مش قليل. ومع ذالك لسة ليها مكانة في قلبي وحياتي. اقوم انتي بعد حبك جوايا ده كله اسيبك علشان طفل مستحيل. وابتسم وضم وشها بحنان : انتي بنتي وحبيبتي. من دلوقتي خلاص انا خلفت بنوتة زي القمر جمالها مالوش مثيل. عيونها بحر يتوه فيه عشاااق واحبة . انتي بنتي قبل ماتكوني حبيبتي ومراتي يا چنا.
چنا حضنته بطمأنينة: ربنا يخليك ليا . انا بحبك يا حبيبي . حب ما يتوصفش ولا يتحكي.
مروان شالها وهي في حضنه ومشي بيها وبمكر خبير: كدة انتي اللي بتجري مشاعري لأقصي درجات الجنون . بتخليني احب واعشق زي مراهق بيتعلم الحب من البداية بكل اشتياااق.
چنا :ههههههههه. انت . مستحيييل انت اكبر مكار ومخادع. وكمان خبيير قابلته في حياتي.
مروان: هههههههه. لا بجد. يعني انا شاطر وبقوم بمهامي تمام ولا السن بيلعب معايا الدنيئة.
چنا :ههههههههههههه. لا لا ماتقلقش. ده متهيألي الشباب ما تقدرش علي اللي انت بتعمله. انت جبااااار.
مروان ضمها بحب وضحك: يا جماله يا ناااس ربنا يحليني في عيونك كمان وكمان….
چنا باسته من خده برقة: انت في عيوني كل الرجالة مافيش اجمل منك. ولا ارجل منك. انت رجالة العالم حبيبي .
مروان بصلها بشوق واتنهد: تعرفي انتي مفعولك اقوي من مفعول اي كيمياء في العالم. انتي تفوري الدم يخرب عقلك.
چنا بهدوء: وحششتني اوي.
مروان وصل لأوضتهم ونزلها وهو بيمرر ايده في شعرها اللي بيعشق لونه الاسود ونعومته: مش اكتر ما انتي وحشششاني. انا بمجرد ما بنخرج من الاوضة ونمشي خطوتين بتوحشيني وبتمني الوقت يمر بسرعة علشان نرجع لعشنا الجميل من تاني . واستمتع بحضنك وقربك.
چنا بتفك ازار قميصة بهدوء: طيب تتحداني انك وحشتني اكتر.
مروان ابتسم وبص لإيديها اللي بتفكك الازرار وبصلها بتوعد: انا ملك التحدي وبعشقه. وبعشقك انتي اكتر. وشهالها وهو عيونه في عيونها بشوق. انتي بدأتي والدور عليا انا اقوم باللي قومتي بيه. بس انا مش هكون برقتك. هكون متوحش اوي سامحيني …..
………………………………..
في تركيا في مول شهيير. مؤمن وشيري ومعاهم مهاب وچودي والاربعة بيضحكوا وبيتكلموا.
مهاب : ههههههههه. لا يا معلم انا ماشوفتش في جمال چيچي حبيبتي.
مؤمن :ههههههههه. اه يا جباان. خايف انت تتلسوع لما ترجع الاوتيل . يا عيني علي وحوش الداخلية وهي قالبة ارانب.
چودي بتغيظه :انت تخليك في حالك من فضلك انت مصمم تخلي هوبا ينحرف . حبيبي مؤدب مالوش في كدة.
مؤمن بسخرية: لا وربنا مين ده. ده كان خاربها . وللا اقولها علي سفرية لبنااان.
مهاب كتم بوق مؤمن وبص لجودي وابتسم : احممممم. ده واحد عبارة عن ذكر القنفد الغبي المدب اللي المفروض نعزله في قفص قرود.
مؤمن بيشيل ايد مهاب : ذكر ايه يا متخلف. انا قنفد ده انا هشحورك وافضحك دلوقتي . بصي يا جودي انا هشهدك. لما كنا في …
مهاب كتم بقه تاني بقوة وهو بيجز علي سنانه: ماتتكتم يا اغبي خلق الله. انت ايه حالف ترجعني مصر مخلوع .
چودي ربعت ايديها ورفعت حاجبها بعصبية: اممممم. واضح كدة ان البيه كان بيغفلني وماشي علي حل شعره .
مهاب ضرب مؤمن في صدره بغيظ: الاهي ينحل وسطك يا مؤمن يا ابن فخر اشوف فيك يوم . حبيبتي ده بقولك عايز قفص قرود . ده ماحدش يصدقه اصلا ده متخلف. وبص لشيري. ماتتكلمي يا مدام ايه سايبة القرد بتاعك يتنطط علينا وقارفنا ليه .
شيري بتكتم ضحكتها: اولا حبيبي مش قرد ولا ذكر البتاع اللي قولته ده. ده مؤمن مافيش اطعم منه. ثم بقي حبيبي كان واضح معايا من الاول وحكالي كل حاجة وعارفة ماضيه. بكل انثي سواء محلي او اجنبي. ماخبااش حاجة . الدور والباقي علي اللي كان ممثل شاطر.
مؤمن رفع ايده بنصر وابتسم: جبتش حاجة من عندي انا. اهو وشهد شاهدااا من اهلها. علشان تعرف الصراحة اول طريق السعادة.
چودي دبدبت في الارض بغيظ: كدة . كنت بتستغفلني يا سي مهاب وعامل فيها وفي ومخلص. والله لرجع مصر لبابي واخليه يبهدلك. باااس .. ومشيت.
مهاب جري وراها : چيچي استني بس هفهمك. الله يحرقك يا مؤمن الكلب وحياة ابويا لما ارجعلك.
مؤمن وشيري بيضحكوا: ههههههههههه. اجري يا حماار وراها هتتلسوع وربنا انا عارف.
شيري:ههههههه. بجد انت رخم دلوقتي تنكد عليه .
مؤمن حاوطها بيإيده وغمزها ومشيوا: سيبك منهم هيبلفها انا عارف. ده مصيبة . وهي هبلة وهتنسي دي بتموت فيه .
شيري بصتله : وانا كمان هبلة اكتر منها. علشان اتجوزتك برغم ماضيك المهبب ده .
مؤمن بص قدامه وغير الموضوع: احمممم. هو المحل اللي انا بدور عليه كان اسمه ايه! نسيت والله الزهايمر يا بنتي مبهدلني .
شيري قرصته من دراعه : انت بتوهني يا بايخ.
مؤمن ضحك وباسها من خدها: هههههههههه. سمارتي يا حياتي انتي. خلاص توبنا اللي الله وبقينا في السليم. واتنهد بجدية : والله يا سمارة ماليقيش سعادة ولا متعة الا معاكي انتي كل حاجة معاكي ليها طعم مختلف. فعلا احساس انك مراتي وحلالي ده اكنه سحر غير اي حاجة زبالة عملتها زمان . صدقيني والله نفسي يرجع بيا الزمن وماغلطش بالشكل ده ولا المس ست غيرك انتي .
شيري حضنته اوي : حبيبي يارتني قابلتك من زماااان.
مؤمن ضمها وابتسم وخرجها من حضنه وبمكر: ليكي عندي مفاجأة مجنونة جنااان.
شيري: ايه هي ربنا يستر منك ومن جنانك .
مؤمن مسك ايديها ومشي بيها : حالا هتعرفي.
مؤمن اخدها لمحل خاص بالانچري ومستلزمااات النساء. بس كل الموديلات جرئة جدااا وفيها كمان حاجات جديدة هي اول مرة تشوفها.
شيري بخجل بتتلفت حاوليها : مؤمن ايه ده ابوس ايدك خرجني من هنا. ده المكان يكسف. ايه الحاجات دي ! هاااار اسوح مش ممكن ده مافيش اصلا لزمتها ايه قلتها احسن.
مؤمن : هههههههه. مش قولتلك هنعيد الجهاز من اول. وجديد سبيني بقي اختار علي مزاجي .
وبدأ مؤمن يختار اللي بيعجبه وشيري هتموت من الخجل . لحد ما تعبت من الموديلات اللي اختارها.
شيري بغيظ: حرااام عليك انا مستحيل البس كدة. دي حاجات انا اتكسف البسها لوحدي قصاد المرايا.
مؤمن بيكمل ولا همه: سمارتي انتي تسبيلي نفسك بلييز وتنسي الحاجات بتاعة تيتا الحاجة اللي انتي جبتيها وانتي بتجهزي دي. وياريت تلميهم وعلي مامي عدك هي اولي بيهم في السن ده .
شيري ضربته في كتفه: انت قليل الادب . مالكش دعوة بمامي . خاليك في حالك .
مؤمن بلامبالاه: وانا قولت ايه هو انا قولت مثلا….
شيري كتمت بقه: والله مهاب معاه حق انت المفروض نلبسك كمامة علشان السفالة اللي بتشر منك دي.
مؤمن شال ايديها:ههههههههه. طيب تعالي لعمو علشان التقيل جاي.
شيري: يارب ادعي عليه بإيه وهو فيه كل العبر ده مافيهوش حسنة واحدة . منحرف صرف.
مؤمن : تعالي كدة شوفي الانحراااف علي اصوله.
شيري فتحت عنيها بصدمة ولقته اخدها عند ركن لبدل الرقص: انت مجنون صح.
مؤمن رفع حاجبة: فاكرة حوار بدلة الرقص ولا نسيتي انا مش ناسي . ولا هو كان جر رجل يا موزة .
شيري بلعت ريقها بخجل : ببب ببس. اااصل .. دددي .
مؤمن : هههههه. بطلي بسبسة وهبهبة . وادخلي قيسي دي . ومدلها بدلة لونها ذهبي ومطعمة بالاسود.
شيري بكسوف اخدتها منه: مؤمن وحياتي بلاش هنا هقيسها لما نرجع.
مؤمن : عظيم ثلاثة ماهمشي غير لما تقسيها بسرعة .
شيري دخلت وقاستها وهي هتموت من الكسوف ورافضة تخليه يدخل الاوضة يشوفها .
مؤمن بيزق الباب : يا بنتي ابعدي هزق الباب بغباوة واقلبك انتي حرة بقي .
شيري بعدت عن الباب. وهي وشها احمر من الخجل مش شكلها بيها. : اتفضل اهو شوفتها اخرج بقي خاليني اغير هدومي.
مؤمن مش سامعها كل عقله وتركيزه فيها وجمالها صفر بإنبهااار ولفها قصاده : ووواااووو. مش ممكن يخربيتك يا سمارة تخبلي . اوفففف اللون ده مع لونك حاجة كدة برازيلي لاتيني . حاجة استيراااد خارجي .
شيري ابتسمت : بجد حلوة.
مؤمن شدها لحضنه بلهفة : ما انا لو قولت حاجة تاني مش هتكون كلام. هتكون فعل وفاضح في محل عام . وهننزل انا وانتي في الاخبار العالمية والمحلية. فمن سكااات وبسررررعة. تغير هدومك وجري علي الوتيييل علشان انا علي اخري وووالله ما هقدر امسك نفسي.
شيري بكسوف زقته برا الاوضة :طيب اخرج بقي وانا مش هتأخر.
مؤمن : طب اساعدك بس تفكيها هتحتاجيني.
شيري قفلت الباب: ههههههنن. لا ميرسي هفكها لوحدي زي مالبستها لوحدي.
مؤمن بيعض علي شفايفه:اااااه . صبرني يارب لحد ماواصل للاوتيل من غير فضايح .
شيري غيرت هدومها ومؤمن اشتري كل الحاجات اللي اختارها . ورجعوا الاوتيل. وصمم تبدأ تقيس البدلة تاني . وقاستها فعلا .
مؤمن : سمارتي اللي لحست عقلي. ياللا يا قلبي نفعي البدلة وجيبي بقي ووريني المواهب.
شيري:احممم. انت عايزني ارقص.! ؟
مؤمن بغيظ: لا عايزك تغني. هي دي بيتعمل بيها ايه. ابوووس ايدك ماتفصليني .
شيري: طيب .. طيب… هرقص علي ايه ..
مؤمن طلع اللاب بتاعه وبدأ يشوف حاجة مناسبة.
شيري بحماس: بص هات اغنية وردة بتونس بيك. حلوة بحبها.
مؤمن بسخرية: بصي حياتي هي حلوة وتمام انا بحب وردة . بس مش مودي خالص. انا هشغلك حاجة كدة ترقص الحجر.
شغل مؤمن اغنية شعبي وشيري بدهشة : اييييه. انت بتسمع الناس دي. عايزني ارقص علي بونبونانية. وكلام زي ده.
مؤمن عض علي شفايفة : دي الصاروخ رقصت عليها انتي ياقلبي لا ليييه افهم. ثم مالها الكلماات بونبوناية . ملبساية . اسمعي مني دي تحححفة.
شيري بإشمازاز: اخييه علي ظباط الداخلية وزوقهم.
مؤمن حط اللاب وقام :لا يا سمارة وحوش الداخلية جامدين اوي وتلاقيهم دايسين في كله من ام كلثوم للليسي . سيبك بقي من الهري ده وتعالي لحبيبك يعلمك الرقص.
شيري ضحكت ورقصت معاااه .
سنيوريتا بسكاويتا .. قوامها سامباتيك…..
في اوضة مهاب وچودي كان مهاب لسة بيصالح چودي .
مهاب بيبوس ايديها : خلاص بقي يا روح قلبي . والله كانت شقاوة بريئة مافيش حاجة. مادخلتش في الغويط والله صدقيني.
چودي مبوزة: لا انت كنت بتضحك عليا . انت خاين وووحش.
مهاب سمع صوت من التراس بتاعه واوضة مؤمن جنبه علي طول قرب وفتح التراس وسمع المزيكا. عض علي شفايفه بغيييظ. ودخل .
مهاب: عجبك كدة . هو ظايط ومقضيها رقص وبسكويتا وحليلي بوقي وهايص وانا هنا بغني ظلموه. ينفع كدة. عيني عليك يا مهاب يا مظلوم ياللي شهر عسلك قلب عسل اسود فينا يا اما ..
چودي مسحت دموعها وقربت منه : توعدني ما تعملش كدة تاني وتبقي مخلص ووفي.
مهاب بوعد قرب منها : والله هكون مثال الزوج الوفي اللي مافيش في برائته. بس حاليلي بوقي انا كمان . اشمعن القرد اللي هناك ده مقضيها.
چودي سمعت الاغنية وابتسمت بحماااس: الله انا بمووت في الاغنية دي تجنن .
مهاب ابتسم :يبقي توكلنا علي الله . استعدي يا قلبي.
چودي وقفت علي السرير . واستعدت اكنها محترفة .
ومهاب طلع اللاب بتاعة وشغل الاغنية .. وچودي بدات ترقص بحرفية وضحك. ومهاب ساب اللاب وطلع جنبها.
مهاب: فيييبنك يا سيادة اللواء. تشوف اخره صبري طرح اييييه . عنننب والله عننب.
وسط استك مش بلاستك ……
قاومها فردة مافهش غلطة…..
مهاب: غلطة ايه بس. ده عدي كل التوقعااات. بحبك يا چيچي بحبك. يا مدلعاني.
چودي : وانا عندي مين غيرك ادلعه يا حياتي…..
………………………………
في ڤيلا مهاب عز الدين . تمارا قاعدة في سيريرها بتعيط في صمت. ومهاب رايح جاي زي المجنون. هينفجر من الغيظ والوعيد لشهاب.
مهاب بغضب: كل ده يطلع منك يا شهاب الكلب وحياة ابوك. لربيك واعرفك مين هو مهاب. وان مش بنتي اللي تعمل فيها كل ده. الله لو رسيت
اني اقتلك هقتلك يا شهاب.
تمارا بدموع: ارجوك يا بابا انا حكتلك علشان ماليش اصحاب ولا حد افضفضله وتعبت من كتمان وجعي وقرتي في قلبي. بس ده مش معناه انك تأذي شهاب ارجوك هو كمان فيه اللي مكفيه.
مهاب بدهشة قعد قصادها: انتي عايزة تفهميني انك لسة بتحبيه ولا ممكن ترجعيله بعد كل اللي حصل. والله علي جثتي . ده انا اقتله قصادك لو فكرتي ترجعيله. وهيطلقك ورجل اهله فوق رقبته.
تمارا بضعف : هو بسهولة كدة ابطل احبه. ثم انت بنفسك مش اذيت ماما وضربتها وكنت عايز تخلص مننا واحنا لسة في بطنها . وهي مهما زعلت بس حنتلك ورجعت وسامحت.
مهاب غمض عنيه بألم ذكري مؤلمة بالنسبة ليه: بس انا وضعي مختلف. انا كنت في لحظة جنون . وندمت في وقتها وحاولت مع امك كتيير من غير يأس. علشان حبتها بجد.
تمارا سرحت في شهاب بحنين: هو كمان حبني بجد. وحبه كان واضح في عنيه. بس اللي حصل كان اقوي مني ومنه.
مهاب اتنهد بشفقة عليها: هترجعي!
تمارا بكت وحضنت مهاب بحيرة: مش عارفة … مش عارفة … انا عايزة افصل عايزة افكر مش عايزة اتصرع ابداااا. بصراحة بحبه اوي اوي يا بابا مش قادرة اتخيل اني ابعد عنه مش قادرة.
مهاب حضنها بحزن وجواه غل ووعيد لشهاب مش قادر يهديه: اهدي وفكري براحتك. المهم قرارك يكون في مصلحتك. ما تتصرعيش ابداااا. حاولي تنامي وانا جنبك ارتاحي حبيبتي. ماتشليش هم حاجة طول ما انا عايش. انا هوبا حبيبك ولا ايه.
تمارا ابتسمت ونامت في حضنه: انت اجمل اب واجمل هوبا في الدنيا. ربنا يخليك ليا. انت صاحبي الوحيد.
مهاب ابتسم وباسها من جبينها: وانتي اجمل تيمو في الدنيا. حبيبة ابوها. سيبك انتي انا جاني مصلحة الحوار ده. علشان ترجعي لحضني. وتدفيني. وتنوري البيت اللي ضلم من غيرك. بلا شهاب بلا زفت. احنا كنا زي الفل من غيره. اسمعي مني انتي بس وسبيه يولع في نفسه كدة ويتربي ونسويه علي نااار هادية علشان يجيلك راكع وبردوا هتقمر عليه وازل اللي خلفوه.
تمارا ضحكت غصب عنها:هههههههنن. انت مش ممكن يا هوبا زي مايكون شهاب ده خطف مراتك.
مهاب ضمها بقوة واتنهد: خطفك انتي . خطف روحي وحتة من قلبي. ويارته كدة وبس. ده جرحها ووجعها ونزل دموعها. ده انا هربيه واعلمه الادب. يستني عليا. نامي يا قلب ابوكي وماتفكريش في الغبي ده. وحياتك لترجعي الشغل وهو زي البوبي كدة ولا هتعبريه. بس اجمدي واسمعي مني.
تماراابتسمت: امووت فيك يا شرير.
مهاب : ههههههه. ده انا هوبا اللي اتفنن في الشر .نامي ياقلبي نامي ولا يهمك.
عدت الايااام كتيير . وحصلت فيها حاجاات كتيير.
رعد وهمس سافروا علشان عملية همس وفهموا ولادهم انهم بيتفسحوا. وهمس بدات تستعد للعملية….
مايا لسة في المستشفي بتعاني من صدمة عصبية ومش بتتكلم ولا واعية لاي شئ حاوليها. وعدي وهنا جنبها طول الوقت وموجوعين علي بنتهم بمرار.
مروان وچنا رجعوا من تايلاند وبدأوا يعيشوا طبيعي مع شعور ريما ان مروان بدأ يتغير وبدأ الشك يدخل قلبها من علاقته بچنا.
والاربعة المهيصين في تركيا رجعوا وبدأ حياة زوجية جديدة وسعيدة ….
وحمزة وفتون بدأوا خلاص كل الحواجز والزعل تختفي وبقوا زوج وزوجة في منتهي السعادة.
حياة وانس التعارف بيزيد والمقابلات تزيد والحب خلاص ملامحه بانت وظهرت وكل واحد قلبه قاله انا حبيت وعشقت . بس لسة مافيش مواجهة واعتراف.
شهاب وتمارا لسة بعااااد. ورجعوا شغلهم من تاني وكل واحد بيتعامل مع التاني برسمية قصاد الناس. بس قلوبهم بتتمزع من البعد و الحنين والاشتياق. بيشوفوا بعض كل يوم وفي نفس الوقت اغراب. ياتري لحد امتي ونهاية الوجع والبعد ايه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهمة حب (رحم للإيجار 2))
