رواية مهمة حب (رحم للإيجار 2) الفصل التاسع والعشرون 29 بقلم ريحانة الجنة
رواية مهمة حب (رحم للإيجار 2) الجزء التاسع والعشرون
رواية مهمة حب (رحم للإيجار 2) البارت التاسع والعشرون
رواية مهمة حب (رحم للإيجار 2) الحلقة التاسعة والعشرون
في مطعم شهير كانت مايا وانس بيتعشوا سوا. وانس بيتكلم بحماس . لكن مايا سارحانة ومش معاه. جواها غيرة ونار قوية من وقت ماعرفت خبر خطوبة شهاب وتمارا. مش عارفة تعمل ايه. تنفذ خطتها وتكمل انتقام. ولا تنسي وتكمل مع أنس. أنس اخد باله انها مشغولة ومش معاه. مسك ايديها برقة وابتسم.
أنس: مالك يا مايا سارحانة في ايه . انتي مش معايا خالص.
مايا فاقت من شرودها علي لمسة انس بصتله بتفكيير واتنهدت وسكتت.
أنس عقد حاجبه: لا بقي انتي فيه حاجة مزعلاكي اوي . قوليلي .
مايا بصتله بحيرة :أنس ممكن اسألك سؤال.
أنس رجع ظهره وربع ايده وابتسم: اممم . واضح كدة ان الموضوع كبيير.
مايا بجدية: انا بتكلم جد مش بهزر.
أنس استغرب دي اول مرة يشوفها كدة: مالك يا مايا اتكلمي عايزة تقولي ايه . انا سامعك
مايا اتنهدت بحزن: عايزة اعرف انا بالنسبة ليك ايه؟ . يعني علاقتنا دي تتسمي ايه!
أنس بتوتر: احممم. ااا. بصي علشان نكون واضحين مع بعض. مش هنقدر نجزم انها علاقة حب. احنا لسة بنعرف بعض. وبنتفاهم سوا. بس اللي اكيد اننا معجبين ببعض. انا عن نفسي اللي بحسه وانا معاكي ده اول مرة يمر عليا. احسايس لسة جديدة. اول مرة اجربها.
وابتسم بحنان. بس في حاجة كمان. اني مابقتش اقدر استغني عنك . وان وجودك في يومي بقي شئ مهم. ودايما بفكر فيكي. حتي وانا في العمليات. انتي بقيتي مهمة عندي اوي يامايا.
مايا غمضت عنيها بحزن: حتي انت كمان ماحبتنيش.
أنس بعدم فهم: تقصدي ايه بإنت كمان!
مايا اتنهدت :لا ابدااا مافيش. قولي انت ايه رئيك في شهاب.
أنس عدل نظارته بحماس: بصراحة راجل ممتاز. وواضح انه بيحب تمارا. كمان هي مبسوطة وانا فرحان علشانهم. واضح كدة انهم عايشين قصة حب عنيفة.
مايا بوجع وغيرة: هما خلاص حددوا معاد الخطوبة مش كدة.
أنس ابتسم: ايوة يوم الخميس اللي جاي. كمان هيعملوا خطوبة واحد زميلهم معاهم.
مايا ابتسمت بسخرية: هاه. ايوة هيخطب اعز صاحبة ليا. تقريبا كدة اختي.
أنس : بجد. يعني صاحبتك هتكون العروسة.
مايا بغيظ:كل واحدة حبت اخدت الانسان اللي حبته. بس في ناس ما تقدرش تاخد اللي قلبها اختاره. تفتكر ده عدل ولا ظلم.
أنس ابتسم: بصي. اي شئ بيحل لاي حد ده قدر ونصيب متحدد عند ربنا. اوقات طبعا لما مابتحصلش الحاجة اللي علي هوانا. بنزعل ونضايق. طبيعي لاننا بشر. بس لازم من جوانا نكون مقتنعين ان اللي راح من ايدينا ماكنش اصلا لينا ولا نصيبنا . ونرضي بقضاء ربنا .
مايا بصتله بتفكير: وياتري انت نصيبي؟
أنس بإحراج ابتسم:احممم. حقيقي هكون محظوظ لو بقيتي من نصيبي وحكايتنا كملت. بس في سؤال مهم .
مايا عقدت حاجبها:سؤال ايه؟!
أنس قرب وبص في عنيها وابتسم : انتي حاسة بإيه ناحيتي. انا بالنسبة ليكي ايه.
مايا سكتت ومش عارفة ترد . بس رنين فونها انقذها من كدبة جديدة: احممم. ثواني بس هرد فون مهم.
انس هز راسه بتفهم: اتفضلي.
مايا ردت علي المتصل .
المتصل : انتي فين انا موجود في المكان اللي اتفقنا عليه .
مايا بصت للساعة:ايوة صح . ااانا خلاص نص ساعة بالكتير وهكون موجودة. يالا سلام .
معلش يا أنس لازم امشي في معاد مع ناس اصحابي مهم وانا كنت ناسية وانا قاعدة معاك.
أنس قام وابتسم: لا ابدااا. مافيش مشكلة تتعوض قريب. بس قوليلي هنتقابل تاني قبل خطوبة تمارا وشهاب .
مايا بغيظ: اكيد هنتقابل ماتقلقش. انا مش هسيبك دلوقتي لسة بينا كتيير.
أنس عقد حاجبه: ده تهديد ولا وعد ولا ايه. مش فاهم. ههههههههه.
مايا بتوعد:طبعااا وعد. انت لسة مكمل معايا . يالا اشوفك بعدين بينا فون . باي
مشيت مايا وانس اتنهد. : هو انا حبيتك ولا لسة. مش لو انا مش متردد. كنت خطبتها مع تيمو في يوم واحد. اوفففف. متردد وخايب يا أنس. وطلع فونه واتصل بدكتور آدم.
آدم: الو ازيك يا دكتور.
أنس:ههههههههه. بردوا دكتور. ماقولنا أنس بس.
آدم:هههههههه. ماشي احنا كدة كدة برا المستشفي. قولي بتسلم ولا محتاج استشارة.
أنس بحيرة: بصراحة محتاج استشارة .
آدم: طيب تعالي انا في البيت. نقعد نلعب شطرنج. ونتكلم في اللي يعجبك . ماتتأخرش.
أنس: تمام مش هتأخر. سلام.
أنس لسة هيمشي لقي مهاب قصاده.
أنس بإستغراب: بابا! خير ايه اللي جابك هنا؟
مهاب قعد بهدوء وشاورله: اقعد.
أنس قعد مش فاهم حاجة:خير يا بابا في ايه!
مهاب اتنهد: انت لسة بتقابل مايا. مش قولتلك انها مش مناسبة ليك.
أنس اتعصب: وانا قولت لحضرتك. ان دي حياتي وانا حر فيها. انا مش صغير. ده انت مش بتدخل في حياة چودي وتمارا. ليه انا! ليه شايفني مش مسؤل ! ؟للدرجة دي انا انسان مش مسؤل عن اختيارته بالشكل ده.
مهاب اتنهد بتعب. هو الفترة دي حاسس. انه متحاصر ولاده في خطر مهددين بالانهيار وللاسف من اكتر اشخاص هما قريبين منهم وبيحبوهم. وهو مش عارف يعمل ايه يجرحهم ويواجهم بحقيقة الاشخاص دي ولا يسكت ويحاول بصمت.
مهاب: ليه يا حبيبي بس بتقول كدة. ده انت ابني وانا خايف عليك و عايز مصلحتك . وبعدين ازاي مش مسؤل. ده انت دكتور محترف وشاطر. ومع صغر سنك الا انك اخدت شهادات كتيير. وكمان في مكان وسط اكبر دكاترة في مجالك. ازاي بس هشوفك بالتفاهة دي.
أنس :طيب ليه بتدخل في اختياراتي. وليه مش حابب مايا بالشكل ده. انت في الاول كنت بتشجعني ومعجب بيها. ليه عايزني ابعد عنها. اقنعني .
مهاب مسح وشه بتعب وحيرة: مش عايز ابعدك عنها بس عايزك ماتتسرعش.وتاخد وقتك. خصوصا انك خبرتك قليلة في المواضيع دي. محتاج تاأني في اختيارك .
أنس : ماتقلقش. انا عارف هعمل ايه. ممكن امشي بقي علشان ما اتأخرش علي دكتور ادم. هو مستنيني في البيت .
مهاب خبط راسه بقوة وقلق: آدم! نهههااارر مش فايت. اشمعن ادم!
أنس عقد حاجبه: عادي. انت عارف انا وهو قريبين من وانا صغير.
مهاب بسخرية: لا والشهادة لله انت ماسبتش منه حاجة .
أنس بعصبية: مش فاهم حضرتك تقصد ايه؟
مهاب قام واخد فونه : مافيش. بس افتكر
ان انا جتلك كتيير علشان تفتحلي قلبك واقف جنبك وانت اللي مصر تبعد عني وتفتح قلبك لادم . بتبعد عن ابوك وتفضفض للغريب.
أنس بحيرة: لا الموضوع مش كدة. ااانا ببس.
مهاب شاورله يسكت: انا لو عايز ابعدك عن مايا ليا 1000 طريقة ومش هغلب. بس انا ماليش مصلحة في ده. غير اني بحبك وعايز مصلحتك . وعايزك تكون من انسانه تستاهلك وتحبك. واياك تتخيل ان فيه حد مهما حبك . ممكن يحبك اكتر مني انا وامك . انت ابني وحته مني. وعمري ما هرضالك الاذي والتعب. جرب يا أنس بنفسك. بس انا بقولهالك. هترجع لحضن ابوك ومش هتلاقي احن منه عليك. سلام.
مشي مهاب وانس محتار كلام مهاب يقلق ويحير. هو ليه شايف ان مايا ممكن تتعبه . وليه اتغير من ناحيتها بالشكل ده.كمان هو بيحب مهاب وعمره ما كان بيفكر يبعد عنه ولا يحب ادم اكتر منه. بس هو شايف ان طريقة تفكيرهم مختلفة وانه هو وادم قريبين في تفكيرهم وبيتفاهموا مش اكتر. مشي هو كمان وراح لادم. يمكن يرتاح . ويفهم ليه مهاب بيبعده عن مايا.
………………………………..
في مكان هادي كانت تمارا واقفة قصاد عربيتها وحاطة ايديها في جيبها وسرحانة. من وقت ما كلمتها مايا وطلبت انها تقابلها. وهي في قلق وحيرة. وقتها بس كأنها لاول مرة من يوم ماسافرت مع شهاب بتفتكر الرهان والتحدي اللي كان مع مايا. هي بجد حقيقي نسيته ومش فاكراه لانها ببساطة حبت شهاب بجد. ومافكرتش ابدااا انها تكسب الرهان . وقتها حست انها لاول مرة تخاف بالشكل ده.
سمعت صوت عربية لفت بهدوء وشافت مايا بتوقف العربية وتنزل ليها . تمارا لسة واقفة بجدية. مايا قربت منها وبصت عليها بتحقق فيها وفي شكلها اللي اتغير. هي ايوة لابسة كاچوال كاعادتها بس بشكل مختلف لبس انثي جميلة شيك حتي تسريحة شعرها مش مربوط كاعدتها زمان بشكل نمطي . لا كان حر وعفوي وشكله جميل.
مايا بسخرية: ده احنا بقينا بنات بجد اهو. وياتري بقي ده زوقك ولازوق شهاب. امممم. اكيد زوقه هو هو دايما زوقه جميل وراقي. الا في حاجة واحدة هي اختياره ليكي .
تمارا بغيظ قربت منها وبتحزير :لازم تفهمي ان لو لسانك لخبط تاني هطلعه واقطعهولك علشان اريح الناس من سمه فاهمة . ثم انا البس اقلع اغير اللي يعجبني ده مايخصكيش. وانجزي عايزة مني ايه ليه طلبتي تشوفيني.
مايا رفعت حاجبها بتوعد: تؤتؤتؤ. ازاي بس مش في بينا اتفاق ورهان انا لازم التزم بيهم.
تمارا غمضت عنيها بغيظ وجزت علي سنانها : اسمعي انا اه اتراهنت معاكي واتحديتك اني اخلي شهاب يحبني . وانتي اظن شايفة اني كسبت الرهان ده والتحدي ليكي اني ست و اثني احسن منك . بس اللي ماتعرفهوش. ان اللي بيني وبين شهاب مالوش اي علاقة بالرهان . انا لما حبيته وهو حبني ماكنتش اصلا فاكرة الرهان ده ولا علي بالي . انا نسيتك انتي ورهانك . وبجد حبيت شهاب . مش بخدعه.
مايا بغيظ وغيرة:وليه حبك انتي! وليه عايز يتجوزك انتي! وانا وهو عشنا سنين مع بعض. ليه شافك انتي في كام شهر وانا ماشفنيش سنين.
تمارا حست بوجعها وصعبت عليها هي حبت وفهمت وجع الحب قربت منها بهدوء: مايا لو سامحتي انسي الرهان والتحدي. انا عارفة انه صعب عليكي تحبي واحد زي شهاب وهو يحب غيرك. وليكي حق تكرهيني. بس الحب مش بإيدينا . ياريت تنسي وتعيشي حياتك مع حد يحبك بجد وتحبيه .
مايا بدموع قربت منها بشراسة وبتتكلم وهي بتزقها بعنف: انا حبيت مرة واحدة. واللي حبيته حبك انتي . اختارك انتي. وهيتجوزك انتي . هتعيشي معاه انتي . هتنامي في حضنه انتي. هيضحك في وشك انتي. هيخلف منك انتي. لييييه . لييييه انتي وانا لا ليييه .
تمارا غمضت عنيها بتحاول تهدي وما تتعصبش عليها . شايفة حالتها وانهيارها ودموعها. مسكت ايديها اللي بتزقها بقوة وبتهديها.
تمارا: مايا اهدي من فضلك بقي. ده نصيب انتي وشهاب عمركم ماكنتم لبعض. حتي من قبل ما انا ادخل حياته . لو كان حبك كان قرب منك . تقبلي بقي وجودنا مع بعض وشوفي حياتك بعيد عني.
مايا زقتها بقوة وشراسة: مش قبل ما تاخدي حقك.
تمارا عقدت حاجبها : حقي! حق ايه؟!
مايا طلعت مفتاح الشالية والعقد ومدت ايدها لتمارا. تمارا اخدتهم منها تشوف الورقة دي فيها ايه. ومسكت المفتاح. وفتحت الورقة لقت عقد بيع وشراء لشالية من البايع مايا وتمارا هي المشتري. والمبلغ تم تحصيله كامل. تمارا بصتلها بقوة وغيظ.
تمارا: ايه ده! مين قالك اني هقبله؟
مايا بسخرية: مش ده حقك وكان اتفاق بينا. وانا عمري ما اخلف وعدي. وادي المفتاح والعقد. والثمن انا اخدته خلاص. وانتي دفعتيه.
تمارا بعصبية:والتمن طبعااا شهاب مش كدة.
مايا صقفت : براڤوا عليكي. شهاب. شهاب اللي اتراهنتي عليه وحطتيه قصاد شاليه مالوش اي ثلاثين لازمة. للدرجة دي شهاب رخيص عندك.
تمارا بغضب رمت العقد والمفتاح في وشها وقربت منها بعنف ومسكتها من وشها بقوة وتحزير: شهاب عمره ما كان رخيص. الرخيصة بجد هي انتي اللي بتحاول تاخد حاجة مش ليها. وبتحاول تهد حياة غيرها. اسمعي انتي تنسيني وتنسي شهاب والرهان. وقسما بالله لو لسانك نطق بكلمة لشهاب ولا لاي مخلوق. لقطعلك لسانك ده. وزقتها بعنف.
مايا ابتسمت بشر:اطمني انا مش هدخل هسيبك تجربي حظك مع شهاب. بس مش عايزاكي تتأملي اوي . علشان شهاب مش سهل ابدااااا. ممكن يطلعك لسابع سما وفي لحظة يرميكي لسابع ارض وتقعي علي جذور رقبتك. وتنكسري .
تمارا بثقة: الكلام ده مع واحدة زيك مش تمارا عز الدين . انا مش هتكلم كتيير انسيني وانسي اي كلام حصل بينا . عن اذنك. علشان شهاب خطيبي مستنيني علشان نختار بدلته مع بعض. بدلة خطوبتنا . زقتها بسخرية وركبت عربيتها ومشيت. ومايا فضلت واقفة تبص عليها وملامح الشر والوعيد كلها اتجسدت في ملامحها هي.
مايا: مبرووووك. يا عروسة.
………………………………..
مرت الايام القليلة دي وجاء يوم الخطوبة اللي شهاب وتمارا منتظرينه وكمان مؤمن وشيري . وفي قاعة كبييرة وضخمة جداااا كان ناس من كل الاتجاهات موجودة رجال اعمال ظباط كل اللي يعرف العلتين كان موجود. وطبعااا هما كتيير جداااا.
في الحفلة ريما شافت چنا وصلت مع أكمل
وتسنيم وحمزة وفتون. ابتسمت وقربت منهم ورحبت بيهم واخدت چنا بعيد وبهمس.
ريما: ههاه طمنيني كلمتيهم .
چنا : لسة ماعرفتش اتكلم في حاجة. قولت خاليها بعد ما نرجع من الخطوبة. انا مش ضامنة رد فعلهم ايه.
ريما بحزن: طيب اللي يريحك.
شهاب وتمارا كانوا قاعدين في منتهي السعادة .
شهاب بإعجاب وغيره في نفس الوقت: طيب يعني انا دلوقتي اعمل فيكي ايه . ايه الفستان ده. وبص في عنيها بإعجاب مثير ولا عنيكي يخربيتك هو في كدة. مين ابن التييت اللي عملك الميك أب ده.
تمارا بخجل: ههههههه. عجبك الفستان والميك اب. وبعدين بتشتها ليه ده جزائها خلتني حلوة علشانك.
شهاب همس في ودنها : مين دي اللي حلوة. قولي طلقة صاروخ مدمرة حربية. اي حاجة علي مستوي الحدث.
تمارا:هههههههههه. مش للدرجة دي.
شهاب اتنهد بإشتياق: اموت واعرف ابوكي الظالم ده ليه ما وفقش نخليها دخلة ونخلص. هو انا مثلا لسة هكون نفسي مش هلاقي حته اتجوزك فيها. ده انا همووت. هنام ازاي من غيرك الليلة بعد ما شوفتك كدة بس.
تمارا قربت من عنيه ومسكت ايده وبحب: زي ما نمت في ايطاليا لما شوفتتي بفستان لاول مرة. فاكر .
شهاب غمض عنيه وابتسم: الا فاكر. ده ليلتها عدت عليا بصعوبة كل لما ابص عليكي وانتي نايمة ابقي هتجنن واقرب منك. كنتي مثيرة اوي.
تمارا بدلع:يعني النهاردة احلي ولا ليلتها.
شهاب غمزها: ياباشا انت تجنن في كل وقت. والليلة انتي خيااال. بس ليلتها ليها معزة خاصة . الانطباع الاول يدوم. ولا ايه.
تمارا : ههههههه. عندك حق. بس عموما ماكنش ينفع نتجوز بسرعة كدة. لسة الموضوع محتاج تجهيزات. كمان ماتنساش مهاب وچودي اصلا مستنين رجوعنا علشان يتجوزه. وبابا اصلا مطلع عنيهم. وهما اولي يتجوزوا الاول.
شهاب بضيق: انا مال اهلي انا بمهاب الزفت ده ما يتنيل يتهبب بعيد عني. ثم بقي تجهيزات ايه . حبيبتي انتي مش هتحتاجي حاجة خالص. انا مش عايز منك حاجة. انا عايزك كدة من غير هدوم .
تمارا ضربته في دراعه بغيظ:ساافل.
شهاب : ههههههه. فهمتيني غلط يا قلبي نيتك وحشة انتي والله انا اقصد انك مش محتاجة الحاجات التقليدية دي شوبنج بقي وظيطه وهدووم كتيير . لا انتي كفاية والله. انا مش عايز اي عوائق انتي ماتعرفيش انا هعيشك ازاي بعد الجواز
تمارا : ازاي فهمني.
شهاب وشوشها: تؤتؤ. دي حاجات هتتحذف من الرقابة. مش هينفع تتقال. بصي هفاجأك.
تمارا :هههههههههه. انت كنت مخبي الوقاحة دي فين.
شهاب باس ايديها وغمزها: مكان ما كنتي مخبية الانوثة والاغراء والجمال ده. بحبك يا تيمو بحبك اوي.
تمارا غمضت عنيها براحة: وانا بحبك يا قلبي والله بحبك.
وفي لحظة افتكرت مايا. ملامحها اتغيرت وبان عليها . شهاب اخد باله.
شهاب : مالك حبيبي ايه اللي غير وشك كدة.
تمارا بحيرة مش عارفة تقوله ايه . هي مستحيل. تقوله علي الرهان مش هتتوقع رد فعله. شهاب مهما حبها بس غضوب ومش سهل يعديها.
تمارا بتوتر:ممافيش حاجة. انا بس صدعت ومكسوفة الوضع جديد كل الناس بتبص علينا .
شهاب بعصبية: ماهو من الفستان المهبب اللي لابساه. لازم يبصوا علي شاكيرا. واضح كدة ان الموضوع عجبك وعلي هواكي.
تمارا ابتسمت وغمزته: انت بتقول فيها ده انا مجهزالك مفاجأة ثواني وقامت .
شهاب عقد حاجبه : رايخة فين يا مجنونة.
تمارا: ششش. هتعرف حالا.
مؤمن حاضن ايد شيري وبيبوسها: روح قلبي مبروك يا سمارتي . اخيراااا بقيتي خطيبة مؤمن فخر .
شيري بخجل : انا مبسوطة اوي بجد .
مؤمن : لا لا بلاش كسوف. انا عايزك الليلة تغرقيني حنان انا محتاجله صراحة.
شيري ابتسمت: انا هغرقك حب وحنان علشان انت حبيبي.
مؤمن: يالههوي. اموت انا غرقيني يا قلبي ولا يهمك انا بعرف اعوم.
تمارا شاورت لشيري. شيري غمزتها.
شيري: حبيبي ثواني وجايالك.
مؤمن : رايحة فين؟
شيري غمزته: هتعرف حالا يا روحي.
شهاب راح لمؤمن ووقف جنبه :هو فيه ايه راحوا فين دول.
مؤمن رفع كتفه: والله يا خويا ما اعرف. دول شكلهم متفقين علي مصيبة.
فجأة النور هدي وعليت مزيكا عالية . ورجع النور بصخب مع المزيكا شهاب ومؤمن لقوا تمارا وشيري وچودي وكمان كارما وچوري اخوات شهاب. واقفين وتمارا هتغني. شهاب لقي أمير وكريم جم وقفوا جنبوا هو ومؤمن وأمير غمزه.
تمارا شاورت علي شهاب وغنت. (من عنيا دي اليسا)
معشوقي مع حبي ليه هديت عنيه بنظرتين ناديت عليه بضحكتين يوصلوا اللي انا فيه . معني مالوش معناين . من السلام اللي بالايدين. ومن الكلام اللي بالعنين. غير اني فرحانة بيه.
شهاب بص عليها وحرك راسه بسعادة وضحك من جنونها. وربع ايده ووقف يسمعها بقلبه قبل ودنه .
كل واحدة شاورت علي حبيبها وغنت ليه.
لقيته قدامي حبيب ايامي ياريته يبقالي فارس احلامي اللي انا بحلم بيه.
تمارا شاورت علي عنيها وعلي شهاب. وغمزته.
ده وانا بصاله في حاجة وصلاله. وكام حاجة نفسي اشرحهاله اعن احساسي وياااه.
وكل واحدة قربت من حبيبها وهو ضمها لحضنه وكملت وهي بتبص في عنيه.
من عنيا دي قبل دي بكل حاجة فيا بهاديه . وكل يوم بنام واقوم بألف احساس بيناديه.
شهاب وشوشها بهمس:بحبك
تمارا بصتله بحب وحطت راسها علي صدره وهو ابتسم.
ياريت كمان اعيش زمان علي الزمان مابين ايديه . وعندي ايه تاني يراضيه مع حبي ليه .
بدأ كل واحد يرقص مع حبيبته بخفة وسعادة .
تمارا غمزته بخبث:ايه بقي انا مخبياه حبيبي شاف وانا معاه كام اعتراف مقدماه عن اللي انا حاسااااه.
شهاب لفها وهي بتضحك. وبتمثل الحيرة .
عيني الاتنين سهرانين وسارحانين فيه باليومين . هشوفه امتي هقابله فين. هقوله ايه بعدين .
لقيته قدامي حبيب ايامي ياريته يبقالي فارس احلامي اللي انا بستناه . من عنيا دي.
فادي وحلا قاعدين بيشوفوا اللي بيحصل زي كل الناس بيبتسموا .
حلا بحماس: فادي وحياتي وحياتي تعالي نرقص معاهم. دول شكلهم حلو اي كل اتنين يجننوا .
فادي بعصبية: مجنونة انتي صح. ترقصي فين ببطنك دي . انتي اساسا بتتحركي بحزر. ثم انا مش فاهم شهاب ده اتهبل سايب خطبته تغني وترقص قصاد الناس. ولا جوز البقر اخواتك.هموووت
واقطم رقباتهم . بيرقصوا اخواتي . شوية بقر.
حلا بغضب: اوففففف ليه بس هو حد غريب. ثم يعني انت شايفهم بيرقصوا بلدي ببدلة رقص.
فادي: اهو اي زفت رقص. المفروض الستت تتدلع ووتمايل كدة قصاد جوزها وبس. مش علي الملأ كدة. انا متأكد ان شهاب اتفاجأ ماكنش يعرف. بس عداها علشان الناس.
حلا لسة غضبانة وتبص عليهم بحسرة. فادي اتنهد وابتسم ومد ايده وحاوطها من ظهرها وهو بيحرك ايده بخفة مثيرة. حلا ارتبكت وبصتله .
فادي همسلها: حلا حياتي زعلانة .
حلا بتتنهد مش لمسته هو عارف ازاي يخرجها من اي توتر : فففادي شيل ايدك حد يشوفنا.
فادي :تؤتؤ. واحد وحاطت ايده علي وسط مراته مين يقدر يتكلم. انا اخرسه. بس سيبك انتي طمنيني زعلانة.
حلا : ايوة انت مش هتتغير.
فادي ضغط بإيده علي خصرها وبهمس: لا انا كدة لازم اصالحك. واوعدك يا حياتي نروح البيت وانا اخليكي ترقصي كل اللي قلبك يحبه سلو تانجو بلدي اقولك هشغلك مهرجانات وتعملي اللي يعجبك . بس ليا انا بس. انا الوحيد اللي من حقي اشوفك وانتي بتتدلعي. واقولك هرقص معاكي كمان. ايه رئيك.
حلا بسعادة :موافقة طبعااا. يالا هما اصلا رقصهم وحش. ماكنتش يعني همموت وارقص معاهم. انت اهم حبيبي.
فادي ضمها عليه بحنان :بحبك يا روحي . ووعد مني الليلة هتكون تجنن. وهخليكي اسعد منهم كلهم. بس قوليلي. انتي اخدتي دواكي ولا هنتسوح.
حلا:هههههههه. لا ماتقلقش واخدة الجرعة دوبل علشان نختفل بشهاب وتمارا بضميير.
فادي: ههههههههه. ايوة اهم حاجة في الحاجات دي الضمير.
شهاب قعد جنب تمارا : يخرب عقلك . انتي حقيقي مجنونة.
تمارا بتاخد نفسها: هههههه. ماهو المرة اللي فاتت ورتني نفسي وانا مش في وعي. كان لازم اعيش اللحظة معاك.
شهاب بغيرة: بس ما تتمررش تاني. انتي ماشوفتيش شوية الغجر اللي معانا في ام الجهاز كانوا بيبصوا عليكي ازاي كانوا هياكلوكي بعنيهم.
تمارا ابتسمت: وانت كنت مركز معايا ولا مع الناس.
شهاب : شغلتي علمتني مااقعدش في مكان وابقي متغفل لازم اكون واخد بالي من كل حاجة.
مايا قربت منهم : مبروك يا شهاب.
شهاب قام وسلم عليها. الله يبارك فيكي يا مايا عقبالك واحضر فرحك بنفسي
بس مايا فاجأته وحضنته : لازم تحضره علشان مش هينفع من غيرك.
شهاب اتفاجأ والكل كمان حتي عدي وهنا. تمارا كانت بتغلي من الغيرة.
مايا فضلت في حضنه هو بيحاول يبعدها بهدوء. بس هي متمسكة بيه وهمست ليه.
مايا: مستكتر عليا حضن . بعد كل اللي عملته فيا.
شهاب بيبص لتمارا وبيبلع ريقه من شكلها اغيران وعنيها اللي بتق شرار: احمممم. مايا شكلنا كدة مش لطيف. كفاية ارجوكي.
مايا بعدت عنه وبصت في عنيه : اتمني تكون سعيد في حياتك وانها تقدر تسعدك.
شهاب متضايق هو عارف انها بتحبه بس هو عمره ما وعدها بحاجة.
بصت لتمارا بكره: مبروك يا تمارا. اتمني تكوني تستاهلي شهاب. عن اذنكم .
تمارا ما اتحملتش قامت وراها وشدتها ووقفتها وبصوت واطي: انت عايزة تعملي ايه؟
مايا ببرأة مصتنعة: مش عايزة حاجة. انا ببارك.
تمارا بتحزير: احسن ليكي تبعدي عننا علشان قسما بربي هزعلك.
مايا بسخرية : انا اللي هزعلك زعل عمرك. باي يا عروسة.
شهاب قرب منها: في ايه بتقولوا ايه . انتي اصلا بينك وبينها ايه.
تمارا بغضب: مافيش. انا بس بحزرها تحضنك تاني.
شهاب بصلها بقوة: متأكدة مافيش حاجة تانية.
تمارا بتوتر: وووهيكون في ايه.
شهاب بنظرة غامضة: انا اللي بسأل. وياريت ما تستهونيش بمواهبي وقدراتي. الكلام بينكم كان بيقول ان فيه بينكم سر.
تمارا غمضت عنيها بغباء. هي عارفة ان شهاب بيفهم حركات الشفايف: يووه مافيش ياشهاب. هي بس اللي انسانة مستفزة.
شهاب مسك ايديها. : طيب تعالي. انا مسيري هعرف.
مهاب كان واقف مع ناس بيباركوله.وطول الوقت فيه واحدة جميلة بتبصله وتبتسم وهو اخد باله . وبعد ما سابهم ومشي قربت منه .
سارة: مبروك يا مهاب باشا.
مهاب بصلها بإعجاب وابتسم: الله يبارك فيكي. انتي تعرفيني.
سارة : طبعاااا. مين ماتعرفش مهاب باشا اللي مجنن الستات.
مهاب ببرائة: انا! مظلوم وحياتك.
سارة بدلع قربت منه:طيب تيجي نشوف اذا كنت مظلوم ولا لا.
مهاب اتنهد وعض علي شفايفه: كان علي عيني يا موزة بس مراتي مخابرات. هتجيبك وتعذبك وتخلعلك ضوافرك.
سارة :هههههههههه. عندها حق. انت المفروض تخبيك منو عيون الستات.
مهاب غمزها: مش اوي كدة. انتي بس اللي عيونك حلوة.
سارة اتنهدت: يالهههوي انا عيوني حلوة. انت اللي لسانك عسسل.
نغم جات وراهم وهي بتغلي: لا مش قادرة اقولك ده نهر عسل حاسبي تغرقي .
سارة بصت لمهاب بضيق. ومهاب بيكتم ضحكته وبيرفع كتفه ببرائة. : قولتلك علي فكرة.
سارة بزهق: عن اذنكم.
مشيت سارة ونغم قربت من مهاب: هفرقع منك هو انت هتبطل مسلسل حريم السلطان ده امتي ارحمني هموت منك .
مهاب : الله وانا مالي . هما اللي بيجوا لوحدهم.
نغم بتبص علي سارة بغيظ: بس موزة بنت اللذينا .
مهاب وبيتنهد بإعجاب:هي موزة بعقل دي صاروخ متعدد الامكانيات. يخربيتها.
نغم بغيرة:ننننععععم.
مهاب عقد حاجبه:يخربيتها في تقل دمها . وحشة اوي . هو في وحاشة كدة. احمممم. هي چودي ومهاب فين.
رعد محاوط همس وبيوشوشها: لا بجد هو فيه في جمالك النهاردة. ايه الجمال ده.
همس: ههههههه. يا رعد باشا كبرنا علي الكلام ده. انا ايه جابني للبنات الحلوة دي.
رعد: طيب بصي كدة لو لقيتي واحدة في جمالك قوليلي. وحياتك عيوني مش شايفة غيرك.
همس ابتسمت: حبيبي يا ملك ربنا مايحرمني منك. قولي بقي انا خايفة علي شهاب من مهاب. شكله مش سهل.
رعد بعصبية:وليه السيرة دي. انا اصلا بحاول انسي انك كلمتي الراجل ده.
همس: انت بتغير منه ليه بس.
رعد : علشان انا بغير من اي حاجة مذكرة ده اولا. ثم بقي مهاب ده كارسة مشهور بحبه للستات.
همس: لا بس مايبانش عليه. ده بيقوله بيحب نغم جدااا.
رعد:ماليش فيه يحبها يكرها. انا بشوفه بتعصب واياكي تتكلمي معاك. فاهمة.
همس:ههههههه. غيار اوي.
رعد:احممم. اعملي حسابك الليلة مافيش رجوع البيت. الليلة هنقضيها هنا
حجزت جناح.
همس:هههههههههه. طيب والله عيب. ولادك يقوله ايه .
رعد: ده علي اساس اني بيهمني حد. ما يتفلقوا. بس عملت واجب مع فادي حجزتله جناح. وشهاب بقي هيقضيها اماني واغاني الليلة. لحد ما ربنا يسهلهاله.
همس:ههههههههه. مش ممكن ونعم الابوة.
عدي اخد مايا بعيد عن الناس وبعصبية:ممكن افهم ايه اللي هببتيه ده. ازاي تحضني شهاب بالشكل ده.
مايا بدموع: همك الناس ومش همك بنتك. بنتك اللي انجرحت وانهانت. بنتك اللي شايفة حب عمرها بيروح لغيرها.
عدي صعبان عليه حالها ضمها بحنان: حبيبيتي انتي اللي غلطانة . ليه علقتي نفسك بأمل كداب.
مايا بدموع: بحبه اعمل ايه. مش بإيدي غصب عني. بحبه اوي يا بابي اوي.
أنس قرب منهم وقلقان: خير يا جماعة مالك يا مايا. انتي تعبانة!
مايا بعدت عن عدي ومسحت دموعها: عن اذنك يا بابي انا مخنوقة من الفرح وهخرج اشم هوا.
أنس :طططيب تحبي اجي معاكي.
عدي : ياريت يا انس ماتسبهاش لوحدها.
مايا بضيق: طيب يالا بينا.
هنا قربت من عدي: قلبي مقهور عليها. فيها ايه تمارا ازيد منها. علشان شهاب يختارها.
عدي بضيق: فيها اللي فيكي ومش في غيرك. واللي خلاني اختارك. وتختاريني الحب.. بيحبها يارب نفهم.
هنا : عندك حق. بس هي صعبانة عليا اوي.
عدي ابتسم: انا واثق ان انس. هيقف جنبها وهو اللي هيخليها تعدي المرحلة دي.
هنا:يارب. اتمني.
عدي بص علي الناس ووشوشها: بقول ايه. ماتجي عايزك في كلمتين فوق.
هنا :ههههههه. فوق فين؟
عدي: هو انا ماقولتلكيش. مش رعد حاجز للعيلة هنا الليلة.
هنا: ههههههههه. رعد ده دماااغ.
عدي شدها ومشي:اصلا كفاية عليهم كدة. احنا هنطلع وهما يحصلونا.
هنا :ههههههههه براحة بس. هقولك.
حمزة بيبارك لمؤمن: مؤمن باشا الف مبروك.
مؤمن: اهلا يا فنان منور الفرح. اهلا يا مدام. مبروك ولو انها متأخرة.
فتون : الله يبارك فيك.
مؤمن :كنت عايزك يا فنان.
حمزة: اؤمر.
مؤمن اخده بعيد عن فتون: احممم. عندي ليك خبر جنان. الليلة اتقبض علي محسن. وهو حاليا في النيابة . بص حفلة مخدرات ودعارة واثار. باكدش كدة توصله لحبل المشنقة مرتاح.
حمزة بفرحة : بتتكلم جد. بجد مش عارف اشكرك ازاي.
مؤمن: لا مافيش شكر. بس عايزك تجيني علشان نقعد نتكلم شوية. بس تعرف كنت هزعل لو ماجتش الليلة.
حمزة: هههههههه. ازاي بس. تعرف انا كنت جاي احضر فرحك وفرح شهاب هو ابوه صاحب ابويا. قولت نفس الفندق خير وبركة. بس لقيتكم نفس القاعة واصحاب كمان . دنيا غريبة.
مؤمن:هههههههه. شوف ازاي. بقولك الليلة بقي متعني بصوتك عايز اطير.
حمزة:ده انا للليلة هشهيصك . عيوني ليك يا باشا .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهمة حب (رحم للإيجار 2))
