رواية مهرة العز الفصل الرابع 4 بقلم مريم
رواية مهرة العز الجزء الرابع
رواية مهرة العز البارت الرابع
رواية مهرة العز الحلقة الرابعة
مامت عز(نجوى):مين دي ياعز
عز:دي……معرفش …معرفش اسمها اي
نجوي باستغراب:ازاي يعني….طب جايه هنا ليه
عز:هتعيش معانا……
نجوى بصدمه:نعمم😳
عز:احم احم……..اهدي بس وانا هفهمك كل حاجه….
نجوى:تفهمني…تفهمني اي
عز:طب ندخل الاول……
نجوى:اتفضلوا……..
ودخلوا الصالون وقعدوا………
نجوى:هه قعدنا اهو…..فهمني بقى……
عز:احم احم…..امبارح انا كنت ماشي بالعربيه و…….
وحكالها على كل حاجه من اول الحادثه و كلام الدكتور ……لحد ما صحيت الصبح…..
نجوى بزعل على مهرة:ياحبيبتي يابنتي……كل ده حصل معاكي….انشاء الله كله هيبقى خير وترجعلك ذاكرتك انشاء الله….
عز:طبعا هي مش ليها حد وانتي طبعا عارفاني ….ف محبتش اشوفها كده ومش اساعدها….
نجوى بابتسامه:طبعا ياحبيبي …..البيت بيتك ياحبيبتي ومتتكسفيش من اي حد فينا…..من النهاردة انتي كمان بقيتي بنتي….
مهرة بفرحه:ربنا يخليكي ياست الكل…..صحيح الدنيا لسه فيها خير…..
نجوى بتساؤل:بس هنسميكي اي…..
جه صوت من وراهم وقال….هديه…..هنسميها هديه….اي رأيكوا
نجوى:انتي جيتي امتى يامجنونه….
منى (اخت عز):من ساعه الحادثه…..
عز:واشمعنا هديه يعني…
نجوى بابتسامه:عشانها هديه من ربنا لينا….واكيد جاي معاها الفرح وراحه البال. والسعاده….مش صح ولا اي
مهرة بفرحه:ايوة…..حلو اوي الاسم ده….شكرا يا…
منى بضحكه:يا منى اسمي منى….وعادي ممكن تقوليلي يامنمن المقربين ليا بيقولولي كده….
مهرة:اشطا يامنمن…..
عز برفعه حاجب:غريب……بس حلو….
نجوى:هو اي اللي غريب بس حلو
عز:الاسم…..وتفسيره ….بس جميل…..احم احم يلا عن اذنكوا …اسيبكوا تتعرفوا بقى على بعض….اه ومتنسيش توريها اوضتها يامنمن…..
منمن:اشطا….
نجوى بضحك:طب هقوم انا بقى احضر الاكل….
(جماعه بصوا بقى انا معنتش هكتب مهرة دلوقتي هكتب هديه لحد ما ترجعلها الذاكرة هنقول مهرة تاني )
نتعرف بقى على منى(عندها ٢٠ سنه في تالته هندسه مرحه وحبوبه وبتحب اخواتها اويي قصيرة وبيضاء وشعرها دهبي وعيونها عسليه وهي اصلا عسليه😂)
منى:بصي بقى ياهدهد….
هديه باستغراب:هدهد مش انتي قولتي هديه….غيرتي اسمي تاني ليه….
منى بضحك:ايوة سميتك هديه…..بس بدلعك ب هدهد اي رأيك…..
هديه بضحك:اه فهمت……حلو اوي الدلع ده….
منى:بصي انا منى واللي كانت هنا من شويه دي ماما واسمها نجوى…..أما اخويا اللي جابك ده اسمه عز وبيكره الهزار والضحك وجد اوييي يعني
هديه بتلقيح:اه منا خدت بالي…..يووووه مش بينزل من زوري ابدا…..انتوا مستحملين الكائن ده ازاي
منى بضحك:يالهوووي لو سمعك ده هيعملك حواوشي اوعك تقولي كده قدامه تاني….ل يقتلك
هديه بخوف:لا ياختي انا قولت حاجه ده بيني وبينك بس مش صح ولا اي….
منى بضحك:ايوة صح…….احم احم المهم لسه بقى بابا وده بقى ياستي حضرة اللوا فوزي …..
هديه بشهقه:هاااااا يالهوي لوا…..طب افرضي ان انا عليا قواضي ولا حاجه ولا كنت هربانه من السجن واخوكي خبطني بالعربيه….ساعتها اكيد ابوكي هيقبض عليا صح
منى باستغراب من تفكيرها وبعدين انفجرت في الضحك
وقالت:انتي مجنونه….اي التفكير ده…اكيد لا طبعا….وبعدين كملت بمكر اومال لو قولتلك على التقيله هتعملي اي
هديه بصدمه:هو لسه في اتقل من كده
منى وهي بتهز راسها:اممممم……احم احم عارفه عز بيشتغل اي…..
هديه وبتهز راسها وبتقولها:لا…….اي
منى:رائد في المخابرات المصريه….يعني لو كان عليكي اي تهمه ولا حاجه اكيد كان عرف….عشان الظباط مش بيستخبى عليهم حاجه
هديه وهي بتستوعب كلامها:يعني الوحش ده طلع ظابط….لا واي في المخابرات كمان…..
منى بتهز راسها:اممممم…..وبعدين قالت بهزار لو هو الوحش يبقى انتي اكيد الجميله….تبقى الجميله والوحش….هههه اي رايك
هديه :يع….لا طبعا….
منى:حساكي هتعيطي ….ليه عشان ابويا واخويا يعني…ده انا لسه مكملتش هههه..
هديه:انتوا شكلكوا عيله كلها مخابرات عسكريه انا احسن ليا اني امشي دلوقتي…..ده ناقص انتي كمان تطلعي نقيب ولا حاجه….وامك مخبر او مرشدة
منى بضحك:ايه يابنتي تفكيرك ده….لا طبعا انا في تالته هندسه …..وامي معاها سياسه واقتصاد بس مش عايزة تشتغل عايزة تفضل معانا في البيت……
هديه بابتسامه:ربنا يخليها ليكم يارب….دي طيوبه اويي
منى بابتسامه:يارب…
هديه بزعل:ياترى انا ليا اهل….طب لو ليا….زمانهم قلقانين عليا دلوقتي صح….
منى بزعل:متقلقيش كله انشاء الله هيبقى خير بس خدي انتي بس العلاج وهترجعلك بإذن الله….
هديه بابتسامه:يارب…..
منى بتحاول تلطف الجو:اه صح نسيت اعرفك على اخر حد في عيلتنا….
هديه باستغراب:مين….
منى:احم احم…لؤي اخويا الصغير في تالته ثانوي علمي وعايز يدخل طب….بس ابويا عايزه يدخل شرطه…فهو مش حابب
هديه:لا طبعا….يدخل اللي هو حابه…..وإنشاء الله هيبقى دكتور قد الدنيا…..
منى:يارب…..
هديه بهزار:ميغركيش شكلي دلوقتي بالشاش اللي عليا ده…انا بردوا ممكن اطلع ظابط في الاخر….يعني مش اخوكي لوحده
منى بضحك:والله انتي دمك شربات….
هديه:منا عارفه
منى:مغرورة
هديه بضحك:عارفه بردوا
منى بضحك:طب يلا قومي اوديكي الاوضه ترتاحي شويه اصل لو لؤي جه دلوقتي مش هيسيبك في حالك ف لما يجي هبقى احكيله انا كل حاجه..
هديه بضحك:ماشي…..بس عارفه اخوكي اسمه حلو اوي
منى بغمزة:انهي واحد….عز ولا لؤي
هديه بارتباك :عز …..عز اي لا طبعا قصدي على لؤي….
منى بضحك:عارفه يختي بس برخم عليكي……انتي عارفه ماما مسميانا كده ليه….
هديه باستغراب:لا لي
منى:بصي ياستي عز أوله ع ومنى اولها م ولؤي أوله ل
أجمعيهم على بعض يعطيكي اي
هديه: ع..م..ل..عمل…
منى:اشطا….عشان ماما بتحب العمل ف اختارت الاسامي دي….
هديه بضحك:والله امك سكر
منى:اه والله
هديه:طب انا عايزة ارتاح
منى خدتها ووصلتها اوضتها……
🦋♥︎♥︎♥︎♥︎♥︎♥︎♥︎♥︎🦋
رؤوف بحزن:انا هروح أبلغ في القسم ل يكون حصلها حاجه انا مش هفضل قاعد كده وبنتي مش في البيت ومعرفش هي فين
شمس:طب رفيف معرفتش حاجه
رؤوف:لا….اتصلت بكل اصحابها محدش عارف عنها حاجه…..
شمس:بس يابابا لما هتروح هيقولوا لازم على الاقل ٢٤ ساعه من اختفائها وهي لسه مكملتش ال ٢٤ ساعه
رؤوف:لا مش هستني انا لازم اروح
شمس:براحتك….هيرجعوك
عبير في سرها:يارب ما ترجع تاني ولا نشوف وشها
(هي الست دي بوشين ولا اي😂😂)
رؤوف:انا نازل…..مع السلامه
شمس:مع السلامه
بعد ما نزل
عبير :تعالي هنا مالك خايفه عليها كده ليه….
شمس:ياماما انا اه صحيح مش بحبها بس……
عبير بعصبيه:بس اي….
شمس بخوف:بس هي في الأول والآخر اختي ولا زم اخاف عليها طبعا…..
عبير:يعني انتي خايفه عليها……
شمس بتوتر:ايه….ا…ا….ايوة…..وقامت تجري على اوضتها وقفلت الباب…
عبير:يعني موجودة قرفاني في عيشتي …مش موجودة قرفاني بردوا في عيشتي اعمل فيكي اي يا بنت زينب…..أما اقوم احسن…..
🦋♥︎♥︎♥︎♥︎♥︎♥︎♥︎♥︎🦋
عند عز في اوضته قاعد يفكر في قضيه ماسكها وعايز يوصل لطرف الخيط……وشويه والفون رن…..
عز:الو
اسر:ايوة يابني….عملت اي مع المزة
عز :مزة …مزة مين
أسر بضحك:بتاعت المستشفى
عز:اه…..هي دي مزة…..متقولش مزة ياغبي هي بالنسبه ليا عادي زيها زي منى بالظبط…..
أسر :اممممم….طب عملت اي
عز بتنهيدة:الموضوع كبير اويي تعالى وانا هحكيلك
اسر:انا اصلا قريب من بيتك هاجي اهو…سلام
عز:سلام…
وبعدها فضل يفتكر في مهرة او هديه……ويقول ياترى
انتي حكايتك انتي كمان……
عند هديه كانت زهقت شويه من الاوضه وقالت تنزل تحت معاهم شويه….ونزلت
نجوى:مالك….
هديه :مفيش مش جايلي نوم قلت انزل اقعد معاكم شويه….اومال هي فين منى
نجوى بابتسامه:طلعت اوضتها….اندهلك عليها
هديه:لا لا سيبيها ترتاح شويه……
نجوى:لو زهقانه اخرجي من هنا على الحديقه….واتمشي فيها شويه
هديه بابتسامه:اشطا يا عسليه
نجوى بضحك:عسليه
هديه:اه….انا حبيتك ومن هنا ورايح مش هقولك الا عسليه….اي رأيك
نجوى بضحك:اشطا ياهدهد
ضحكت هديه وبعدها خرجت تتمشي في الحديقه بتاعت الفيلا…..ومنسجمه وبعدها سابت شعرها مفرود على ضهرها….ومشت….في نفس الوقت دخل اسر وهو ماشي لمح واحدة ماشيه من ضهرها…..استغرب دي مين دي….لان منى اقصر شويه ….فراح لحد عندها وحط ايده على كتفها…..هديه صرخت وقالت اعااااا وكانت هتقع بس اسر مسكها بين ايديه وفضل سرحان في عيونها…….
في نفس الوقت عز خرج من البراندا عشان يشوف في اي…..وشاف اسر وهديه في الوضع ده…..
عز:…………….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهرة العز)
