رواية مهرة العز الفصل الخامس والعشرون 25 بقلم مريم
رواية مهرة العز الجزء الخامس والعشرون
رواية مهرة العز البارت الخامس والعشرون
رواية مهرة العز الحلقة الخامسة والعشرون
هديه بصدمه ودموع قالت:ازاي؟؟؟
وقامت جرت على جوة ورفيف ومنى راحوا وراها..بس
مشوا عادي عشان ميحسسوش الناس ان في حاجه..
وهديه داخله على جوة…سلوى بصت لها بصه انتصار وشماته….
وعز كان باصص لطيفها بجمود….
وشويه والناس جت بقت تبارك لهم وسلوى هطير من الفرحه…..وعز واقف سرحان….
سلوى باستغراب:مالك ياعز؟؟؟……………..عززز
عز فاق وقالها:ها…..كنتي بتقولي حاجه؟؟
سلوى بصت ليه وقالت:هو انت مجبور تاخدني ولا اي؟؟
عز بابتسامه:لا طبعا….ايه اللي انتي بتقوليه ده….انا عايزك تكوني مراتي المستقبليه وأم أولادي…
سلوى:وده ليه؟؟ايه اللي غيرك فجأه
عز:اللي غيرني ان انا كنت معمي…..مكنتش واخد بالي من الملاك اللي قدامي….كل حاجه فيكي حلوة وعصريه وعلى الموضه….وخصوصا…ان فيكي شبه كبير من سلمى الله يرحمها….
سلوى:طب وهديه؟؟؟
عز:هديه كانت تسليه مش اكتر…..يعني انتي بذمتك صدقتي ان انا عز المنشاوي يتجوز من واحدة بلدي…لا وكمان ميعرفش عنها اي حاجه…دي تبقى عيبه في حقي
وانتوا كلكوا مجانين…انكوا صدقتوا اني ممكن احبها
انا يوم ما احب او اتجوز تاني….هتبقى واحدة تشرفني ومن مستوايا..ومش تكون بلدي زي هديه دي…
سلوى بنصر جواها:طب انت ايه عرفك أن هديه مش من مستواك؟؟
عز:منا مش هبقى طرطور كده و اقعد واحدة عندي في البيت من غير ما اعرف عنها حاجه….ده انا ظابط يابنتي……
سلوى بابتسامه:انا قولت كده بردوا…..ان ازاي عز يبقى ساكت كده……وهو اصلا ظابط….يعني اكيد بيشك في كل حاجه….مش هيشك في دي؟؟
عز:عشان تعرفوا كلكوا….ان محدش هيفهم دماغي..
ده انا عز تعلب المجال….
سلوى بضحك:انت بتتفاخر بنفسك كده ليه……المهم عرفت ايه عن هديه….ده لو اسمها هديه…..
عز:مش وقته الكلام ده هنا…..لما الناس تمشي ونبقى لوحدنا…..هحكيلك كل حاجه…..
سلوى بابتسامه:تمام…….
عند هديه طلعت اوضتها وقعدت على السرير وهي لسه مصدومه….مش بتنزل دمعه واحدة تعبر فيها عن مدى حزنها وقلبها المكسور……فضلت قاعده ساكته بتفكر وبس…..بتفتكر كل لحظه حلوة بينهم…وان هو قالها بحبك…..وبعدين افتكرت لما كانت بترقص معاه وقالها عارف ان انا اليومين دول بقيت متغير معاكي….بس صدقيني غصب عني وهتيجي في يوم وتعرفي انا بعمل كده ليه …وخليكي عارفه انو مهما حصل عايزك تعرفي اني بحبك…وهفضل احبك….بس شويه وقت بس…..
رفيف ومنى دخلوا واستغربوا من حالتها….ان هي ازاي ساكته كده ومش بتنزل دمعه واحدة….
منى قربت منها وقالت:هديه انتي كويسه؟؟
هديه هزت راسها بمعنى اه…
رفيف بحزن:طب ردي قولي اي حاجه؟؟
هديه:اكيد في حاجه خلت عز يعمل كده……عز بيحبني
وعارفه انو مستحيل يأذيني او يتخلى عني…
منى هزت راسها وقالت:انا حاسه كده بردوا……عز اخويا وانا عارفاه كويس….ده غير انو مش بيتقبل سلوى
يبقى ازاي هيتجوزها….اكيد في حاجه غلط…..
هديه قامت عشان تغير هدومها…..ومنى ورفيف بصوا عليها بحزن وبعدين خرجوا…………………….
تحت في الصالون°•°•°•
نجوى بصوت عالي نسبيا:ممكن افهم ايه اللي انت هببته ده……..
عز بهدوء:هببت ايه مش فاهم؟؟؟مش انتي كان حلم حياتك اني اتجوز واستقر…..وانا اهو هحقق حلمك…زعلانه ليه بقى؟؟
احمد:زعلانه عشان انت فاجأتنا كلنا……اواي تاخد قرار او خطوة زي دي من غير ما ترجعلنا….ازااااي
عز:يعني ايه ارجعلكوا…..هو مش انتوا كان نفسكوا اتجوز…….وانا هتجوز اهو…..وخصوصا بعد مالاقيت البنت المناسبه اللي هقدر هعيش واستقر معاها….
اسر:يعني انت شايف ان سلوى هي اللي مناسبه ليك
سلوى بغيظ:ومالها سلوى يا اسر؟؟
اسر بسخريه:هه….مالهاش…..وقام وقف وسلم على نجوى واحمد…..واخد رفيف ومشوا……..
نجوى:اومال هديه فين يامنى
منى:في اوضتها يا ماما…..
نجوى:هي كويسه
قاطعتها سلوى وهي بتقول:ومالها انشاء الله انا مش فاهمه……..هي تزعل ليه…..كان عز وعدها بحاجه…ولا هي كانت مفكرة ان عز هيحب واحدة زيها من الشارع
نجوى بزعيق:سلوووي احترمي نفسك…واعرفي كويس اناي بتتكلمي عن مين….فااهمه
قاطعها عز بصوت عالى نسبيا:بتتكلم عن مين معلش عشان انا مش واخد بالي…..كل الكلام اللي سلوى قالته صح….انا مستحيل احب واحدة من الشارع…او مش من مستوايا…..
نجوى باستغراب:يعني ايه من الشارع….مش فاهمه
عز:انا عرفت كل حاجه عن هديه…….قصدي مهرة…وعرفت عيلتها وبيتها وكل حاجه عنها….حتى رفيف اللي انتوا شوفتوها دي…..دي تبقى صاحبه مهرة القريبه منها…..وأنا جبتها هنا…عشان مهرة ترجعلها ذاكرتها مش اكتر…..كنت مفكر لما تشوفها هترجعلها الذاكرة…..بس محصلش…..وانا زهقت ومش هستحمل كده كتير…..
منى بحزن:يعني اي؟؟
عز:يعني مهرة هترجع لأهلها
منى بدموع:يعني انا مش هشوف هديه تاني؟؟
عز بجمود:اسمها مهرة….مش هديه…
نجوى بدموع:كنت مفكراك اتغيرت ياعز وهترجع زي الاول….بس للاسف كنت بتمثل علينا….وعمرك ما هتتغير
عمر القسوة اللي في قلبك دي هتروح…..وسابته ومشت
واحمد بصله وقاله:بكرة تندم…..وسابه ومشى
ومنى طلعت تجري وهي بتعيط
سلوى:هو انا ليه حاسه انهم مش طايقيني…حساهم مش عايزني ابقى مراتك…..ليه ياعز…..هو انا وحشه في نظرهم…(ابدااااا😂)
عز قرب منها وحضنها وقالها:مش مهم اي حد عندي…المهم انتي……انتي وبس….
سلوى ابتسمت بانتصار وشددت على حضنه…
سلوى باستغراب:يعني لما رفيف قالت مهرة…كانت قصداها هي…..
عز:ايوة
سلوى:طب انت ليه عملت كده؟؟
عز:كنت عايز اعرف مهرة رجعتلها الذاكرة…ولا لسه بتمثل علينا….
سلوى بابتسامه جانبيه:ده انت دماغك كبيرة اوي
عز:اومال……………………….يلا اطلعي عشان تنامي…
سلوى بابتسامه:Bonnie oui
عز:Bonnie oui to
🦋♡♡♡♡♡♡♡♡🦋
عند رفيف واسر في العربيه…
رفيف باستغراب:انا مش فاهمه ليه عز عمل كده؟؟
أسر دماغه هتنفجر من التفكير :مش عارف….انا مش عارف ولا فاهم اي حاجه……ده لسه من شويه قبل ما نطفي الشمع كان بيقول انو بيحبها…..ليييييه يعمل كده ليه…
رفيف:يبقى زي ما مهرة قالت…..اكيد في حاجه خلته
يعمل كده….
اسر:بالحق نسيت أسألك عليها……هي عامله اي
رفيف بحزن:انا اول مرة في حياتي اشوف مهرة كده…مهرة كانت ساكته تماما…حتى الدمعه مش بتنزل من عيونها…..وساكته مش بتتكلم……انا لولا عارفه ان عز بيحبها….كنت اخدتها معايا وعرفتها كل حاجه…بس انا مش فاهمه هوبيعمل كده.ليه
اسر:اكيد في حاجه……..وانا هعرفها……
رفيف بابتسامه:خلاص متحرقش في نفسك كده….خليك ريلاكس….اكيد عز عارف هو بيعمل ايه
اسر بابتسامه:حاضر من عيوني…
رفيف ضحكت عليه…….وبعد شويه رفيف نزلت…..
مامت رفيف (هند):ها يارفيف الحفله كانت حلوة
رفيف بحزن:لا ياماما……..مكنتش حلوة خااالص…..
هند :ليه….حد ضايقك هناك او زعلك
رفيف بتنهيدة:لا ياماما…….مش انا…مهرة
هند باستغراب:مهرة……..مالها مهرة ؟؟
رفيف:عز النهاردة طلب ايد سلوى العقربه للجواز….
هند بصدمه:ايييييي………ازاي….مش انتي بتقولي انو باين عليه بيحبها وبيخاف عليها….ازاي يعمل كده؟؟
رفيف بحزن:مش عارفه….مش عارفه ياماما…اكيد في حاجه غلط عشان اكيد عز بيحب مهرة….اكيييد
هند بحزن:طب ومهرة أخبارها اي
رفيف:مش طبيعيه يا ماما…..اول مرة اشوفها كده…دي سكتت ومتكلمتش…ولا حتى عيطت….فضلت مصدومه بس…
هند بحزن:ياحبيبتي يابنتي….اكيد بتحبوا…..اكييد..اللي يخليها لسه مصدومه كده….يبقى بتحبوا اويي كمان..
رفيف بتنهيدة:صح….معاكي حق…دي حتى بتبررله
هند:طب مجبتيهاش معاكي وعرفتيها الحقيقه ليه…مكنش ينفع تسبيها هناك بعد اللي حصل…
رفيف:كنت ناويه والله…….بس انا عارفه انو بيحبها لانوا بيبان في عنيه……بس هحاول اتكلم معاه بكرة واقوله انها ترجع….لان معتش ليها مكان هناك…ولازم ترجع لعيلتها يشوفوها….واكيد عبير مش وحشه لدرجه انها تأذي مهرة….هي اه ممكن تسمعها كلام….ممكن تحبسها…..بس مش ممكن تأذيها….ده مهما كان هي اللي مربياها…
هند بحزن:ايوة معاكي حق……..
رفيف بتعب:انا هقوم انام….تصبحي على خير
هند بابتسامه:وانتي من اهله ياقلبي
بعد مارفيف دخلت…هند عيطت وفضلت تدعي ربنا انه يرجعها ليهم بالسلامه من غير مايحصلها حاجه وان ذاكرتها ترجعلها…….وبعدين دخلت تنام…….
🦋♡♡♡♡♡♡♡♡🦋
في اسكندريه °•°•°•
شمس بقت كويسه وخرجت من المستشفى
لؤي:تعالى هنبات في أوتيل هنا لحد بكرة الصبح
شمس:أوتيل…..طب والباقي
لؤي:مهو بعد اللي حصل معاكي امبارح…المدرسين حجزوا هنا في أوتيل عشان مش هينفع يمشوا ويسيبونا لوحدنا…..
شمس بابتسامه:يعني ياسمين هناك
لؤي:اه النادله هناك
شمس باستغراب:نادله…..انت ليه بتقول كده
لؤي:مش هي صحبتك….المفروض تبقى معاكي…مش تسيبك وتروح الاوتيل
شمس بضحك:ايوة…..بس عشان ياسمين من صغرها وهي بتخاف من المستشفيات….عشان كده.مش معايا
ده انت تحمد ربنا انها فضلت واقفه وهما بيكشفوا عليا
لؤي ضحك عليها وقالها طب يلا نمشي…….
بعد شويه…….
شمس:لؤي
لؤي:امممم
شمس بتساؤل:ممكن اسالك سؤال؟؟
لؤي بابتسامه:طبعا…
شمس بفضول:هو انت هتعمل ايه مع البنات؟؟
لؤي بضحك:فضوليه انتي
شمس بضحك:يلا بقى….
لؤي:يلا بقى اي….
شمس:قووووول….
لؤي:مفيش…..همنعهم من دخول الامتحانات….هتقولي ازاي…هقولك بالواسطة والفلوس…اقدر اعمل اي حاجه
شمس بحزن:لا يا لؤي حرام عليك
لؤي بحدة خفيفه:ومش حرام عليهم اللي عملوه فيكي
شمس:ايوة……بس بلاش العقاب ده……ياعم مش هقولك هتحطم أحلامهم او كان نفسهم يبقوا اي وانت هتمنعهم…….لا هقولك اهاليهم اللي بتصرف عليهم ونفسهم ولادهم يبقوا حاجه كويسه…..بلاش تعمل فيهم كده….
لؤي بابتسامه:انتي ازاي طيبه كده…
شمس بابتسامه:اخدت الطيبه دي من بابا….
لؤي:ربنا يخليهولك
شمس بابتسامه:يارب…..
لؤي:خلاص مش همنعهم من الامتحانات بس هعلمهم الأدب….
شمس:يارب صبرني
لؤي:بتقولي حاجه
شمس بابتسامه:بقول يلا عشان منتاخرش …
🦋♡♡♡♡♡♡♡♡🦋
رؤوف كان قاعد زي ما هو قلقان على بناته الاتنين…وبيدعي ان ربنا يحميهم ويرجعهم ليه بالسلامه
عبير كانت في اوضتها وقاعدة على السرير وبتفتكر كل حاجه عملتها مع مهرة….وقد ايه هي ظلمتها وافتكرت كلام شمس ليها…لما قالتلها انتي واحدة انانيه ومش بتحبي الا نفسك وبس….عبير فضلت تعيط بصمت وتقول انا عارفه اني غلطانه وغلط كبير كمان لما شوفتها ومجبتهاش على هنا….يارب سامحني…انا عارفه اني متأخرة بس فوقت متأخر على كلام بنتي..يارب قومها بالسلامه يارب…انا مش عارفه هي هكلمني تاني زي الاول ولا لا…..بس انا كنت محروجه اكلمها بعد الكلام اللي قالته….وكمان مهرة اكيد مش هتسامحني بعد كل اللي عملته فيها….وخصوصا لما ترجعلها الذاكرة وتفتكر ان انا سبتها ومشيت…ووقت ساعتها رؤوف وشمس مش هيسامحوني….بس يارب رجعها بالسلامه وانا عندي استعداد مش يشوفوا وشي تاني بس ترجع….لأنها بجد وحشتني…وحشني لسانها العشرة متر ووحشني غيظها فيا….وفضلت تدعي ربنا يسامحها ويرجع مهرة بالسلامه………
🦋♡♡♡♡♡♡♡♡🦋
عند ياسر كان وصل منه بيتها ورجع بيته وغير ودخل عشان ينام افتكر منى….واهتمامها بيه وبكل تفصيله في حياته….وفجأه معدتش بتسأل خالص….وافتكر لما كانت بترقص مع أسر ومبسوطين هما الاتنين….
ياسر :معقوله يكونوا بيحبوا بعض؟؟…طب وانا مالي يحبوا بعض او لا……..بس انا ليه متضايق كده….ليه
ليه لما شفتهم مع بعض حسيت بالغيرة…..معقوله اكون بحبها ….لا لا لا…..احبها ايه…دي زي اختي بالظبط…
بس هي مش اختي….طب انا ليه مخدتش بالي منها من الأول…..بس في فرق كبير بينها وبين منه…منه بتحب المظاهر وبس….الخروجات والحفلات….دي عمرها ما سألتني انت كويس….إنما منى حاجه تانيه…..بتهتم بكل تفصيله في حياتي…اكلت اي..شربت اي….عامل اي…الشغل عامل اي…….اتنهد تنهيدة طويله وبعدين قال
لما نشوف اخرتها معاكي يا منى…….وبعدها راح في النوم………….
🦋♡♡♡♡♡♡♡♡🦋
عند عز خرج من البيت وركب عربيته وفضل سايق بسرعه كبيرة لحد ما وصل لمكان…….
عز دخل عند المقابر بالليل…….
ووصل لقبر سلمى……
وقعد قدامه وفضل يعيط زي الطفل ويقولها انا عارف انك زعلانه مني….بس صدقيني انا بعمل كل ده عشان ارجع حقك….انا مش هرتاح الا اما اعرف مين الراس الكبيرة….عارف اني معنتش بجيلك زي زمان….بس والله العظيم وحشتيني…..وحشتيني اويييي….
سلمى انا مش عايز أظلم اي حد معايا…
مهرة ملهاش ذنب في اللي حصل ده…..ملهاش ذنب انها حبتني……………وانا كمان بحبها…..عارفه انا مستحيل كنت افكر اني احب من بعدك…..كنت بقول انتي بس اللي هتفضلي في قلبي لحد ما اجيلك….بس لما مهرة دخلت حياتي وهي غيرت كل فيا….خلتني اضحك واتبسط واحب من الاول…..بس انا مش بحبها لا….انا بعشقها….بس مش عايز اظلمها معايا….مش عايزها تتأذى…….لأن بجد بقيت بخاف عليها من اي حاجه مش عايز يحصلها اي حاجه…..عايزها تعيش وتبقى جنبي….لاني بجد مش هقدر اعيش من غيرها …انا عارف انك زعلانه مني دلوقتي عشان بقولك انتي الكلام ده….بس صدقيني مش لاقي حد احكيلوا غيرك
صدقيني انا مكسوف منك عشان بقولك انتي اني بحب واحدة غيرك….بس غصب عني والله….غصب عني…
وانا مش هكرر الغلط مرتين واخليها تروح زي ما انتي روحتي مني…لا انا لازم ابعدها عني و اوديها لأهلها عشان تبقى في امان…لان طول ما هي معايا….مش هتبقى في امان وانا مش هرتاح……….
سامحيني ياسلمى…..
انا كنت مفكر اني بعشقك….بس لما مهرة دخلت حياتي وانا عرفت ايه هو معنى الحب والعشق الحقيقي…..
بجد انتي كنتي ذكرى حلوة اويي في حياتي…
وانا مش هنكرها….وعشان كده لازم اجيبلك حقك حتى لو انا أكتشفت اني محبتش بجد…بس هجيبلك حقك…
ولازم مهرة تبعد لاني مش هقدر اخسرها…..
سامحيني……
وبعدها قام وركب عربيته وراح على البيت…..
🦋♡♡♡♡♡♡♡♡🦋
مهرة كانت واقفه سرحانه في الشباك وبتفتكر كل لحظاتهم….حتى لو لحظاتهم كانت قليله وفي اسبوع
بس كانت عندها كأنهم سنين….واقفه مبتسمه وهي بتفتكر والدموع على خدودها……
شويه وعز وصل البيت…وهي شافته من الشباك…وقالت لازم تروح تتكلم معاه…….
عز طلع اوضته وقلع التيشيرت بتاعه وكان لسه هينام
لقى الباب اتفتح ومهرة دخلت وقفلته وراها….
عز باستغراب:انتي بتعملي اي هنا في الوقت ده؟؟؟
مهرة فضلت تقرب منه وهي ساكته لحد ما وقفت قدامه تماما….ودموعها نزلت وفضلت تعيط جامد وتضربه في صدره وتقوله…ليييه…ليييه عملت فيا كده ياعز….انا بحبك….بحبك اويي…..انا عارفه ان فيك حاجه
ومخبيها عليا….عارفه انك بتحبني ومستحيل تجرحني
بس قول يلا…..في اي..
احنا لوحدنا اهو…..هه قول يلا…انا سامعاك……
عز مقدرش يشوف دموعها وراح حاضنها وبقى يطبطب عليها وهي هديت في حضنه….وبعدين بعدت وقالتله
مهرة بدموع:قولي بقى فيك اي…..ايه اللي غيرك فجأه
عز انا سمعت كل كلمه انت قولتها…وعرفت ان انا اسمي مهرة…..بس عارفه ان في حاجه مخلياك تعمل كده..
قولي هي اي……….محدش هيعرف حاجه صدقني…
عز مسح دموعها ولسه هيتكلم شاف خيال من تحت الباب وعرف انها سلوى…..كمل بصوت عالي نسبيا وقال
عز :انتي مش مكسوفه من نفسك وانتي جايه ليا في نص الليل كده…….للدرجه مفيش عندك حاجه اسمها عيب او حرام…..وبعدين تعالي هنا….ايه الكلام اللي انتي بتقوليه ده….انا مستحيل احبك…فاهمه….مش عشان ضحكت عليكي بكلمتين يبقى تصدقيهم…
انا بحب سلوى ومش هتجوز غير سلوى افهمي بقى
مهرة بدموع:يعني اي…..يعني كل.كلامك كان كدب يعني انت بجد كتت بتتسلى والكلام ده كله كان تسليه
عز بجمود:انتي شايفه اي…..يعني بذمتك هحبك ازاي وانتي مش من مستوايا……هه دي تبقى عيبه في حقي
هديه بانهيار:تمام يا حضرة المقدم……انا من بكرة هرجع لأهلي وللناس اللي من مستوايا….. ومش هتشوف وشي تاني وسابته وفتحت البال وراحت على اوضتها…
وعز بص على طيفها بوجع…ولسه هيروح ينام….
سلوى دخلت وقالتله:كانت بتعمل اي عندك
عز:كانت مفكرة اني بهزر…وبعمل كده لسبب معين
بس انا عرفتها قيمتها….ومن بكرة الصبح هتروح لأهلها
سلوى بابتسامه:احسن بردوا………يلا تصبح على خير
عز:وانتي من اهله….
يتبع…..
حلو كده…طولته اهو….
ياترى ايه اللي خلى عز يعمل كده…وخايف على مهرة من ايه…..وياترى ده ليه علاقه بالمكالمة اللي جتله ولا لا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهرة العز)
