رواية مهرة العز الفصل التاسع والعشرون 29 بقلم مريم
رواية مهرة العز الجزء التاسع والعشرون
رواية مهرة العز البارت التاسع والعشرون
رواية مهرة العز الحلقة التاسعة والعشرون
عز بصدمه:هو انتوا……..
الراجل:ايوة…….ياعز ؟؟؟
عز بص حواليه ملقاش اي مهرب منهم…..ف رفع ايده لفوق دليل على الاستسلام….وقرب منه اتنين ومسكوه ودخلووه العربيه بتاعتهم……ومشوا بالعربيات…..
🦋♡♡♡♡♡♡♡♡🦋
عند مهرة كانت دخلت اوضتها وكتمت شهقاتها في المخدة وفضلت تعيط جامد على الكلام اللي عز قاله ليها
مهرة بدموع:بقى كده ياعز…….للدرجه دي مش عايز تشوف وشي….ليييه….لييييه…..انا بكرهك ياعز…بكرهك وهندمك على كل حاجه عملتها معايا….ايوة هندمك…
وبعدين مسحت دموعها وقالت لا من النهاردة مفيش دمعه واحدة هتنزل عليك…..وهحاول ب أقصي جهدي اني اخليك ندمان على كل كلمه قولتهالي…..سواء كانت حلوة او وحشه…………
وبعدها رمت نفسها على السرير من التعب وراحت في النوم……….
🦋♡♡♡♡♡♡♡♡🦋
عند شمس كانت قاعدة في اوضتها وبتفتكر كل لحظه جمعتها ب لؤي وفجأه الفون رن………وكان لؤي….
شمس ضحكت وقالت لو بفتكر فسيخه مش هتيجي..وبعدين ردت عليه……..
شمس بابتسامه:الو؟؟
لؤي بابتسامه:عامله ايه؟؟
شمس بابتسامه:الحمدلله……انت عامل ايه؟؟
لؤي:بخير…………بتعملي ايه؟؟
شمس:مفيش قاعدة في اوضتي زهقانه……مفيش حاجه اعملها…..
لؤي:ومش بتذاكري ليه؟؟
شمس:يووووه…انا زقهت مذاكرة….
لؤي:مش احنا اتفقنا اننا نذاكر عشان ندخل طب سوا
شمس بسخريه:ها……قال يعني انت اللي مقطع الكتاب
لؤي بضحك:بتعرفي تحرجيني انتي
فضلوا يضحكوا هما الاتنين……..
لؤي:بقولك ايه ما تيجي نخرج…….
شمس:انت اتجننت!!!نخرج فين يا اهبل؟؟
لؤي:استأذني من مامتك؟؟
شمس:اصلا ماما مش هنا……وبابا دخل عشان ينام لانه بقالوا كتير منامش بسبب موضوع اختي….
لؤي:ايوة صح نسيت أسألك……..اختك رجعت ولا لسه
شمس بفرحه:ايوة رجعت النهاردة….وهي نايمه دلوقتي
اصل بعيد عنك كانت عامله حادثه وفاقدة الذاكرة وكانت قاعدة عند أهل الشاب اللي خبطها……وبتقول ان هو ظابط ف عرف مين أهلها ورجعت النهاردة…….تعرف اني مبسوطه اووووي….بجد أنا بتمنى ترجعلها الذاكرة عشان نبدأ صفحه جديدة من الاول انا وهي….
لؤي :اسمها ايه؟؟
شمس باستغراب:مهرة………ليه؟؟
لؤي بصدمه :ايييه……بتهزري صح؟؟
شمس بضحكه وهي مستغربه:لا وههزر ليه
لؤي بفرحه:الظابط اللي كانت عنده اسمه عز؟؟صح؟؟
شمس بتذكر:بصراحه مش فاكرة……..استنى هقوم اسأل مهرة…..
لؤي:لا لا خليها نايمه
شمس:طب هو انت بتقول كده ليه….هو انت تعرف الظابط ده…………اه صح انت كنت في العربيه مع أسر صاحب عز ده لما كنتوا هتخبطونا …….هو عز يبقى صاحبك……
لؤي بضحك وفرحه في نفس الوقت:لا…..بس هتعرفي قريب…………بقولك ايه ابعتيلي اللوكيشن بتاع بيتكم
شمس:ليه……
لؤي:هجيلكم بكرة…….
شمس بفرحه:بجدددد………..طب ليه
لؤي :بكرة هتعرفي وبطلي اسأله بقى….
شمس بفرحه:حاضر……..
عطته اللوكيشن وبعدين قفلت معاه وهي مبتسمه ومفكرة انه هيجي بكرة يتقدم ليها……مربطتش الأحداث ببعض😂😂
🦋♡♡♡♡♡♡♡♡🦋
عند ياسر كان قاعد في مكتبه وعرف خلاص انو بيحب منى……وقرر يقولها…..بس بعدين افتكر رقصها وضحكها مع أسر وقال ما ممكن بيحبوا بعض…انا هعمل ايه وقت ساعتها…..لا لا….بلاش أحرج نفسي قدامها وانا عارف ومتأكد انها بتحب أسر….واسر كذلك…..
دقيقه واسر دخل عليه….
أسر بابتسامه:اخبارك ياشبح…
ياسر بابتسامه:تمام وانت؟؟
اسر:كويس والله
ياسر:اومال عز فين؟؟؟
اسر:راح على بيت مهرة…..معرفش رايح ليه
ياسر:هي مهرة رجعت لأهلها
اسر:اه انا وصلتها الصبح
ياسر:طب هو راح ليه؟؟وهو طلب ايد سلوى امبارح
اسر:مش عارف…….هموت من التفكير…..عز ده غلبني
ياسر بتفكير:بس اكيد في حاجه…..انا عارف عز كويس ومستحيل يعمل كده في مهرة لانوا بيحبها….مشفتوش كان غيران ازاي وهي بترقص مع واحد تاني غيره
اسر:مهو ده اللي مجنني…..انا عارف وواثق انو بيحبها
عايز اعرف بقى هو في ايه اللي حصل عشان يعمل كده
ياسر:الموضوع ده في إنه….
اسر:ايوة معاك حق…………بعدين كمل بتنهيدة وقال:هااا قولي عملت ايه مع منى؟؟؟
ياسر بصدمه:منى……..ازاي
اسر بضحك:بلاش تبرق اووووي كده عنيك فضحتك يوم عيد ميلادها……..هاا ما اخدتش ايه خطوة..
ياسر:طب انت مش متضايق ليه
اسر باستغراب:وانا اتضايق ليه
ياسر:مش هي حبيبتك؟؟
اسر انفجر من الضحك وقال:حبيبتي!!مين قالك كده
ياسر:مش كنت بترقص معاها امبارح
اسر بضحك:هو عشان برقص معاها تبقى حبيبتي……ياسر ياحبيبي منى دي اختى الصغيرة اللي انا مربيها على ايدي عشان كده بضحك وبرقص وكل حاجه معاها عادي وهي كمثل عشان هي معتبراني اخوها بالظبط زي منا معتبرها اختي
ياسر بفرحه:احلف
اسر بضحك:والله العظيم
ياسر بفرحه:يعني انت مش بتحس ب اي مشاعر تجاهها خالص؟؟؟؟
اسر بضحك:خالص مالص😂😂😂
ياسر:ولا هي
اسر بضحك:ولا هي……….طب اقولك على سر
ياسر بفرحه:قووووول
اسر:منى بتموت فيك…….وكانت بتحاول تلفت نظرك ب اي حاجه بس انت بأف طول عمرك😂
ياسر بصدمه:ايه ده ثواني……..يعني منى بتحبني؟؟
اسر هز راسه وقال:اممممم
ياسر:فين الفون
اسر بضحك:ليه هتعبعتلها بحبكك ولا اي
ياسر:لا هطلب ايدها من عز
اسر بضحك:طب ما تهدى على نفسك شويه خليك تقيل
ياسر:منا لو بقيت تقيل…..البت هتضيع مني
اسر:طب مش تقولها الاول انك بتحبها
ياسر:انا راجل والراجل بيدخل من الباب مش من الشباك عشان اكلمها……..انا هكلم عز وهقوله انا طالب ايد منى…..
اسر:واكيد عز مش هيمانع…..
ياسر بقله صبر:ده مش بيرد هو كمان ليه؟؟
اسر:ما تهدى شويه…….اكيد مش هيرد ومش هيكلم حد دلوقتي…..
ياسر:ازاي يعني…..ليه
اسر:عشان عز دلوقتي مخنوق وعايز يبقى لوحده ومحدش يزعجه او يضايقه……
ياسر:طب هو فين دلوقتي….
اسر:هو مجاش الشغل يبقى رجع على البيت
ياسر:طب هرن على طنط نجوى……..
بعد شويه……..
نجوى:ايوة……ازيك يا ياسر
ياسر:ازيك ياطنط عامله ايه
نجوى بابتسامه:الحمدلله يابني انت عامل ايه؟؟
ياسر:الحمدلله…….بقولك ايه هو عز عندك؟؟
نجوى بجمود:لا خرج الصبح ومجاش…..هو في حاجه؟؟
ياسر:لا موضوع عادي…….لما يرجع خليه يكلمني
نجوى:حاضر
ياسر:باي….
اسر:قالتلك ايه؟؟
ياسر:مجاش من الصبح
اسر:يبقى عايز يبقى لوحده……….سيبه على راحته
ياسر:طيب…………….لما يفوق من اللي هو فيه هكلمه
اسر وهو بيقوم:اشطا…..سلام
ياسر بابتسامه:سلاام
🦋♡♡♡♡♡♡♡♡🦋
سلوى في اوضتها واقفه وبتلف بالفستان وبتقول اخيراا
كلها كام يوم وحلم السنين يتحقق انا مبسوطه اووي
وبعد شويه وهي فرحانه…..الفون رن…..
شافت المتصل ملامح وشها اتغيرت والدم انسحب من وشها…………
فتحت بتردد وقالت:ا….ألوو….
مجهول:اخبار العروسه ايه……الفستان هياخد منك حته على فكرة…..
سلوى برعب وهي بتبص حواليها وبتقول:انت عرفت ازاي؟؟؟
مجهول بضحك:هههههه لا بجد ضحكتيني وانا مش ليا نِفس اضحك…..وبعدين كمل بصوت ارعبها انتي نسيتي انا مين ولا تحبي افكرك…
سلوى برعب:لا لا لا……انا فاكرة كويس ومستحيل انسى
مستحيييل….
مجهول:ايوة كده اتظبطي……
سلوى بخوف:هو…..هو…انت متصل ليه؟؟
مجهول:قولت أحذرك
سلوى بخوف اكبر:من ايه….
مجهول:تخيلي كدع لو حبيب القلب اللي انتي عملتي المستحيل عشانه عرف ان انتي اللي قتلتي اختك….اللي هي مراته….هيعمل ايه
سلوى بعياط:لا لا وحياة أغلى حاجه عندك ما تقول حاجه…..وبعدين انا عملت ايه عشان تعمل كده…
مجهول بعصبيه:شكلك نسيتي انا رجعتك مصر ليه…بعد ما قولتي انك مش هترجعي تاني بعد اللي عملتيه…
سلوى:والله العظيم بدور ومش لاقيه حاجه……وكمان كان في ظروف وعز كان مرتبط بواحدة تانيه….بس دلوقتي خلاص سابها وهعرف اجيب ملف القضيه لحد عندك…….
مجهول:انا عايز اعرف عز وصل لفين……ومش عايزه يمسك عليا كلمه واحدة فاااهمه
سلوى:فاهمه فاهمه……بس اديني فرصه تانيه والنبي
مجهول:تمام معاكي ٤٨ ساعه لو مجبتيش الملف في خلال ٤٨ ساعه…..اعتبري حياتك منتهيه…
سلوى:طب افرض الملف مش في البيت….وهو حاطه في المكتب بتاعه
مجهول بعصبيه:لا طبعا ياغبيه……ملف زي ده مستحيل عز يسيبه غدفي المكتب…..اكيد الملف ده في البيت….
عارفه لو عز وصل لطرف الخيط هيجر الخيط كله وساعتها هيعرف ان انا اللي بتاجر في الأعضاء وقتلت مراته وهو طبعا نفسه يلاقيني عشان ينتقم مني…بس صدقيني لو عرفني مش هينتقم مني لوحدي…..انتي كمان هتكوني في الرجلين………فااااااهمه
سلوى برعب:خلال ٤٨ ساعه الملف هيكون عندك….
الخط اتقفل في وشها…..
وهي قعدت على السرير وافتكرت كل حاجه حصلت من ٣ سنين وفضلت تعيط جامد……وتقول سامحيني يا سلمى سامحيني……بس انتي كنتي اكتر واحدة عارفه انا بحب عز قد ايه….ومع ذلك اخدتيه مني واتجوزتيه
كمان…..ولما قولتلك…قولتيلي انا كنت مفكرة انك ناسياه من زمان وانو حب مراهقه…مكنتش اعرف انك لسه متعلقه بيه…..وبعدها قولتي كل واحد بياخد نصيبه
وسيبتيني ومشيتي……وانا احب اقولك دلوقتي ان عز هيبقى من نصيبي…..نصيبي انا وبس….حتى لو اضطريت ارجع بالزمن واقتلك تاني هرجع وهقتلك المهم يكون من نصيبي…..(انا اعرف ان الحب اعمى بس مش للدرجه دي😂)
وبعدين مسحت دموعها وقالت انا لازم الاقي الملف عشان اخلص من الحوار ده……..
🦋♡♡♡♡♡♡♡♡🦋
عند عز كان في مكان مهجور ومربوط من ايديه ورجليه مش طايله الأرض………وموطي راسه من كتر الضرب اللي اتضربه في وشه….
زعيم المافيا قاعد وماسك السيجار في ايده وبيتكلم
وبيقوله……
الزعيم:
You won’t talk back and say you work for whom??
(مش هتتكلم وتقول بتشتغل لصالح مين؟؟)
عز بتعب:If it is the last day of my life, I will not speak
(لو اخر يوم في عمري مش هنطق)
زعيم المافيا بعصبيه:What did you know about us?
(عرفت ايه عننا )
عز:I do not know anything
(لا أعرف شيئا)
الزعيم بغضب:OK………..وشاور لهم يكملوا ضرب
وعز من كتر الوجع كان هيغمى عليه……
وفضلوا يضربوا فيع جامد لحد ما الزعيم قال:stop
(جماعه طبعا دي المافيا الدوليه اللي عز كان بيراقبهم
ملهاش علاقه بتجار الاعضاء،،،،)
الزعيم بابتسامه خبيثه:??She will talk
(سوف تتحدث)
عز بتعب:no
الزعيم بخبث:?OkThis girl is beautiful, isn’t she
(تمام….جميله هذه الفتاة أليس كذلك )
وفتح على صورة مهرة….
عز بصدمه:??How did you get this picture
(كيف حصلت على هذه الصورة؟؟)
الزعيم بضحك:When you visit her at her home
(عندما كنت تقوم بزيارتها في النزل الخاص بها)
عز بعصبيه:
Leave her alone…..she has nothing to do with it
(دعها وشأنها……..ليس لها دخل في الموضوع )
الزعيم:Now I know what your weak point is…and with one sign from me, this girl will be finished
(الان عرفت ما هي نقطه ضعفك….وبإشارة واحدة مني ستنتهي هذه الفتاة )
عز:Okay, okay, I’ll talk….but you have to promise me that you won’t hurt her
(حسنا، حسنا..سأتكلم ……ولكن عليك أن تعدني بأنك لن تأذيها)
الزعيم بضحك:Sure……if you don’t lie to me
(بالتأكيد…..اذا كنت لا تكذب علي)
عز:I only know the delivery date
(انا لا اعرف سوى ميعاد التسليم)
الزعيم:?Who do you work for
(تشتغل لصالح من؟)
عز بمكر:Work for John Albert…your worst enemy
(اشتغل لصالح…..جون ألبرت ألد اعداؤك)
الزعيم بصدمه:??what
عز:Believe me… I’m not lying… I’m doing everything I can to keep my beloved in peace… even if John denies it
(صدقني….انا لا اكذب…انا اعمل المستحيل لكي تبقى حبيبتي بسلام….حتى لو أنكر جون )
الزعيم :Okay, you’ll stay here until I check. Your words are true…
(حسنا، سوف تبقى هنا حتى اتأكد من صدقك كلامك)
عز:OK
وبعدين الزعيم قام من على الكرسي وهو في قمه غضبه
وعز في نفسه…..هه شويه اغبيه مفكرين اني غبي ومش عارف اني بتراقب عشان كده روحت على بيت مهرة…..وعارف كويس انهم بيراقبوني وعارف كمان انهم هيوقفوني…….ويخطفوني….ولازم استسلم قدامهم
وكمان لازم اعترف لما اشوف صورة مهرة…..انا اسف يامهرة اني دخلتك في المشكله دي…..بس مكانوش هيصدقوني الا اما اتهدد بيكي…..بس صدقيني محدش هيقدر يأذيكي……ساعه ما أسر يحس بغيابي هيجيب القوات ويجي على…..ويبقى خلصت من الموضوع ده
وميبقاش ورايا غير موضوع سلوى…….
🦋♡♡♡♡♡♡♡♡🦋
منى بقلق:ماما…….عز اتأخر اووي….مش زي عوايده
نجوى بقلق:متخافيش دلوقتي يرجع…..
منى:عرفت بالصدفه من اسر الصبح….ان عز لما خرج من الفيلا الصبح سافر وكان بيطارد مافيا دوليه….انا خايفه ليكون حصله حاجه
نجوى بخوف:ايه اللي انتي بتقوليه ده……لا طبعا عز اخوكي ظابط قد الدنيا….ومستحيل يحصله حاجه…انا متأكدة وبلاش بقى تقلقيني اكتر
منى بحزن:حاضر…..
سلوى من على السلم:وبعدين من امتى واسر هيخرج سر الشغل برا…….ده مستحيل حد فيهم يخرج أسرار شغله…
منى بغيظ:اسر وقع بلسانه معايا……وبعدين انتي ملكيش دعوة بتدخلي ليه
سلوى:مش عز خطيبي…..لازم ادخل……وبعدين اكيد يعني دي مش اول مرة عز يتأخر فيها برا البيت أو يبات برا….ده راجل وعارف مصلحته مش عيل صغير
نجوى قامت من غير ما تتكلم وطلعت على اوضتها…
وسلوى ابتسمت بانتصار وبعدين كملت بخبث لمنى
سلوى بخبث:امممم وانتي بقى ايه اللي بينك وبين اسر
عشان تتكلموا….لا وترقصوا امبارح كمان….
منى باستفزاز:ما بينا حاجات كتير…..انتي مال امك انتي ….وبعدين قامت وطلعت على اوضتها……
سلوى بغيظ:تمام…..لما اتجوز الاول انا وعز هربيكي يامنى……..
عند نجوى في اوضتها…..
قعدت تعيط وتدعي ربنا انو يرجع عز بالسلامه….
نجوى بعياط:يارب دي داخله على ٤الفجر…….يارب رجعه بالسلامه يارب……..
🦋♡♡♡♡♡♡♡♡🦋
مهرة صحت من النوم وقعدت شويه تستوعب وبعدين نطت من على السرير وهي فرحانه جداا……وخرجت برا الاوضه تصوت وتقول….
هديه بفرحه:بابا…..يابابا…….عبييييرررر….ياشمس
ياباباااااااا…….وفضلت تتنطط زي الاطفال….
عبير خرجت من المطبخ بتجري وبتقولها في اي يابت
وكذلك شمس اللي صحت من النوم وبتفرك في عيونها
ورؤوف اللي كان بيرأ قرآن كلهم قالولها في اي
مهرة بفرحه:انا رجعتلي الذاكرة يابابا رجعتلي…..انا مبسوطههههه اوووووي……كنت فاقدة الأمل….ياريتني جيت هنا من زمان…..مكنتش اعرف ان العلاج هيجيب نتيجه….كنت مفكراه اي كلام….بس خلاص انا دلوقتي فاكرة كل حاجه…هييييييييييه
رؤوف من فرحته سجد على الأرض وفضل يشكر ربنا
وشمس راحت حضنتها وقالتلها:الف مبرووك يا حبيبتي
عبير بفرحه:الف مبروك ايه يا منيله…..اسمها حمدلله على السلامه ياحبيبتي…..وراحت حضنتها…..وكانوا كلهم مبسوطين اوييي …….
وبعدين راحوا فطروا….وبعدين رؤوف راح يصلي ركعتين شكر لله…..وشمس دخلت تغير عشان الدرس
عبير بحرج:انا اسفه يامهرة على كل حاجه كنت بعملها معاكي زمان………ياريت تسامحيني…..
مهرة بحب:مسمحاكيي ياعبيير
عبير بغيظ:بردوا لسانك الزفر ده مش هينضف
مهرة بضحك”لا
عبير. بضحك:بس تصدقي وحشني اوووي
مهرة:انا لو كنت اعرف انكوا هتحبوني كده بما اختفي كنت دعيت ربنا اني اعمل الحادثهزدي من زمان
عبير:بعد الشر يا غبيه…ووكزتها في كتفها
مهرة فضلت تضحك ويهزروا شويه……
وبعدين خرجت شمس وقالت انا نازله عايزين حاجه
مهرة وعبير:عايزين سلامتك…..
وباست*هم ومشت…………
مهرة:انا هقوم ارن على رفيف واعرفها اني افتكرت كل حاجه…
عبير:حاضر…
عند مهرة في اوضتها….
رفيف:ازيك يامهرة عامله ايه
مهرة بسعادة:الحمدلله……رفرف….انا خلاص افتكرت كل حاجه خلاص…..انا ؤجعتلي الذاكرة يارفرف
رفيف بسعادة:بتهزري صح
مهرة:وحياتك عندي ما بهزر…..
رفيف اتنطط وقالت:اخيرااااااا……وحشتيني اوووي يامهرة….اوووووي…….انا لازم اجيلك..
مهرة:بستناكي…..
وقفلت معاها…..
🦋♡♡♡♡♡♡♡♡🦋
عند عز كان بيعطي لنفسه الأمل وبيقول اكيد هيعرفوا دلوقتي ان اختفائي مش طبيعي…واسر هيضطر يجي
ويعرف انا فين….وهخلص من الحوار ده….
🦋♡♡♡♡♡♡♡♡🦋
عند نجوى كانت منامتش طول الليل…خصوصا ان احمد
بايت في الشغل ومعرفتش تقوله……
منى بحزن:طب هنعمل ايه ياماما….
لؤي من على السلم:في اي
منى بحزن:عز مختفي من امبارح ومحدش يعرف هو فين…
لؤي بصدمه:ازاي……طب واسر…..عرفتوه…اكيد هيعرف يوصله….
منى:اه صح….نسيت……هقوم اقوله…..
لؤي وهو خارج:تمام وابقوا طمنوني….
نجوى بحزن:رني عليه بسرعه يامنى….
منى رنت على اسر………
اسر بنوم:الو….
منى بحزن:قوم يا اسر……عز لسه مجاش….انا خايفه ليكون حصله حاجه…..او العصابه دي عملوا فيه حاجه
اسر قام من النوم مخضوض وقال:اواي لسه موصلش
لا اكيد في حاجه غلط….
نجوى خدت منها الفون وكلمته وقالت بعياط:والنبي يا اسر شوف اخوك فين……متخليش حاجه تحصله يا اسر
اسر محاولا الهدوء:اوعدك عز هيبقى عندك النهاردة ياماما…..اهدي انتي بس الاول…….
وقال الفون معاها وقال لازم يروح عند مهرة يعرف اذا كانت تعرف حاجه ولا لا……..
بعد شويه كان لبس ونزل وراح عند مهرة…..
مهرة كانت قاعده مع رفيف وقاعدين بيتكلموا في حاجات كتير…
رفيف:يعني انتي مسامحاها حتى بعد ما افتكرتي اللي حصل؟؟
مهرة بابتسامه:ايوة……..عبير بتحبني….بس هي مكانتش تعرف….وكانت عايزة حاطه تثبتلها ده واهو حصل…
رفيف:طب والمول؟؟
مهرة:الوقت كفيل يبين كل حاجه براحه….مش باستعجال…..
شويه والجرس رن وعبير فتحت…وتنحت شويه من اسر
وقالت في سرها:اي الجمال ده
اسر:احم احم……لوسمحت هي مهرة هنا
عبير:ايوة اتفضل………هندهلها اهو
عند مهرة…..
عبير دخلت وقالت:مهرة في شاب حليوة برا وعايزك
مهرة باستغراب:مقالش مين
عبير:قومي يلا……
مهرة ورفيف خرجوا….
رفيف باستغراب:اسر انت بتعمل ايه هنا
اسر باستعجال:مهرة عز جالك امبارح
مهؤة بقمصه:مش عايزة اسمع سيرته
اسر ولأول مرة يبقى عصبي:مهررررة….مش وقته كلام
عز جالك امبارح……
مهرة بخوف:ايوة في اي
اسر:قالك اي حاجه……
مهرة:بخصوص اي
اسر بتنهيدة:بخصوص….انه اتخطف
مهرة بصدمه:ايييي….
اسر:يبقى مقالش حاجه…..وسابهم وخرج…..
مهرة جرت عليه وقالت:فهمني في اي يا أسر مترعبنيش
اسر وهو نازل:عز اتخطف من مافيا دوليه بعد ما نزل من عندك…..
مهرة ساعه ما سمعت الكلمه دي وقعت مغمي عليها
رفيف بخوف:مهرة……….طنط عبير تعالي بسرعه….
عبير بخضه:في اي….
رفيف:مش وقته……يلا نشيلها….
🦋♡♡♡♡♡♡♡♡🦋
عند اسر كان وصل المقر بتاعهم ودخل بسرعه على مكتبه وفتح جهاز قدامه….وفضل يعمل فيه شويه حاجات……لحد ما طلع مكان عز….
اسر وهو بيرجع راسه لورا:كنت عارف ..انك. قاصد تعمل كده……ده انت صاحبي وانا حافظك اكتر من نفسي……وبعدين قام بسرعه وجهز قوات خاصه…
وراحوا على مكان عز……
🦋♡♡♡♡♡♡♡♡♡🦋
زعيم المافيا دخل بغضب وقال لعز…..
Now I am certain that all your words are lies…and you will regret it deeply
(الان عرفت ان كل كلامك كذب….وستندم أشد الندم)
عز بضحك:??What will you do
(ماذا ستفعل)
الزعيم بشر:I will kill your pet
(سأقول محبوبتك)
عز بضحك:to late
(فات الاوان)
الزعيم:What do you mean
(ماذا تقصد)
وفجأه الباب اتكسر ودخلت القوات وحاصرت المكان كله
وتم القبض عليهم…….
أسر وهو ساند عز…..
عز بضحك:كنت عارف انك هتيجي….
أسر بضحك:للدرجه دي بتثق فيا…
عز بابتسامه:واكتر كمان…….
اسر:بس مخوفتش على مهرة ل يعملوا فيها حاجه..
عز:طول منا عايش عمري ما هسمح بحد يلمس منها شعرايا….
أسر بسخريه:هه….لا واضح
عز بخوف:قصدك ايه
اسر:مهرة ساعه ما عرفت انك اتخطفت…اغمى عليها مباشرةً….
عز بغضب:ومين قالها….
أسر بضحك:هو في غيري……
عز وكزه في دراعه وبعدين راحوا على البيت……
نجوى بخوف:ايه اللي حصلك ياعمري
عز:مفيش ياماما…..انا كويس
منى بعياط:لا انت مش كويس….مش شايف نفسك
عز بهدوء:والله كويس…..محتاج بس اطلع ارتاح شويه
سلوى:طب انا هأجل الخطوبه لحد ما كل حاجه تبقى تمام……
عز بغموض:لا……مفيش حاجه هتتأجل…..الخطوبه هتم
النهاردة……هرتاح وابقى زي الفل….
سلوى بابتسامه:اوكيي……
نجوى:طب انت مش خايف من العصابه دي تعمل حاجه تانيه فيك…..
عز:لا متخافيش……احنا هنحولهم للسفارة عشان هيتحاكموا في بلدهم…..خصوصا بعد ما قبضنا على كل شخص متورط معاهم ومفيش حد منهم هرب مننا…
منى بابتسامه:اهم حاجه انك كويس وبخير
عز بابتسامه:نسيت اقولك جهزي نفسك….
نجوى :على ايه….
عز:ياسر طلب ايدها مني…..وانا في الطريق ووافقت
نجوى بضحك:ده مستعجل اووي
اسر بضحك:اوووي اوووي…
منى بضحك:طب الخطوبه امتى
عز:شكل ياسر مش لوحده اللي مستعجل
منى اتكسفت وكلوا ضحك عليها وبعدين عز قال:الزمي كل اصحابك لان خطوبتك هتكون معابا النهاردة
منى بصدمه:اييييه….وانا هلحق…..
عز:خلاص هرجع في كلامي
منى:لا لا لا…….انا هطلع اهو….
كلهم ضحكوا عليها وبعدين عز طلع ينام……
🦋♡♡♡♡♡♡♡♡🦋
عند رفيف كانت قامت وفضلت تعيط جامد وتدعي ربنا
ورفيف جنبها بتواسيها…شويه وشمس وصلت ومعاها
لؤي….
شمس:ماما….انا معايا زميلي…انتي فين
رفيف بضحك:اختك برا بتقول معايا زميلي…
مهرة ابتسمت واكتفت بذلك…..
شويه وشمس دخلت وقالت ل مهرة انا عندي ليكي مفاجأة…
مهرة باستغراب:مفاجأة ايه
لؤي:ترا ترااا
مهرة بصدمه:لؤي….
لؤي:حلوة صح
مهرة:انت جيت هنا ازاي
لؤي:وحشتيني اوووي يامهرة
مهرة بابتسامه:وانت اكتر والله…وحشتني اوووي
لؤي:شمس اختك معايا في السنتر….وعرفت بالصدفه انك اختها…..وحكتلها على كل حاجه…وحبيت اجي اشوفك…ده انا ماصدقت…
مهرة بابتسامه:ونا والله…..
وبعدين كملت بحزن:عز رجع ولا لسه…
لؤي:ايوة لسه راجع من ساعه…..
مهرة بفرحه:بجد…..ازااي
لؤي:مفيش….عز معاه خاتم والخاتم ده فيه جهاز تتبع صغير عشان محدش يشك فيه…..واسر قدر يوصله
مهرة بسعادة:الحمدلله ان هو بخير
لؤي:ايوة الحمدلله……..هتيجي النهاردة الخطوبه
رفيف بضحك:هو فيه حيل يعمل خطوبه…
لؤي بضحك:معاكي حق……بس مقولتليش انتي مين ياقمر….
شمس بغيظ:دي رفيف….صاحبه مهرة…واكبر منك
كلهم ضحكوا عليها….
لؤي:هتيجي يامهرة
مهرة بجمود:لا…
لؤي:منى خطوبتها النهاردة هي كمان
مهرة:نعم….على مين
لؤي:ياسر طلب ايدها الصبح…وعز وافق وقرر خطوبتها تبقى في نفس اليوم….ومنى بتلف حوالين نفسها….بس اكيد هترن عليكي وتعزمك…وانتي اكيد مش هتكسري
بخاطرها….
مهرة افتكرت كلام عز وقالت:انا اسفه يالؤي..مش هقدر
لؤي:طب حاولي عشان خاطري….طب بصي انا عندي ليكي فكرة هتخلى عز يشد في شعره….لو بيحبك بجد
مهرة باهتمام:ها قول…..
لؤي:……………………..
مهرة بابتسامه:اوكي….وانا موافقه….
رفيف بصدمه:يا ابن العفاريت……
شمس بضحك:انا هاجي معاكوا
لؤي بابتسامه:طبعا….لازم ماما تتعرف عليكي
مهرة:وده ليه
شمس بتوتر:عشان….عشان …عشان يعني
مهرة:خلاص هتأتأي…انا ناقصه….وسابتهم وخرجت
رفيف:ياترا عز هيعمل ايه لما يعرف ان مهؤة رجعتلها الذاكرة
لؤي بضحك:هيفقدها هو….
وفضلوا يضحكوا…….
تسريع الأحداث شويه عشان زهقت😂
بالليل في الفيلا……
كان عز واقف ببدله سودا وبيستقبل الضيوف….
ومنى في اوضتها بتجهز…….
ونجوى مع ضيوفها في الصالون…..
وقبل الخطوبه ما تبدأ……
دخلت مهرة وهي لابسه فستان زهري ضيق من عند الص*در……..ونازل بوسع…….وكان رافعه شعرها في تسريحه عصريه حلوووة اوووي وحاطه ميكب خفيف
وداخله بكل ثقه….
أسى بصفير:بص وراك كده
عز بيلف واتصدم لما شاف مهرة….بهذا الجمال….
عز قرب منها وهو سرحان في عيونها اللي وحشته وبعدين قال:انتي جيتي ليه
مهرة بجمود:منى عزمتني….
عز لسه هيتكلم لقى واحد جه من وراها ومسكها من وسطها…
عز بعصبيه مكتومه:ده مين ده.؟؟
مهرة بابتسامه مستفزة:اه….انا نسيت اعرفك ده زياد خطيبي…..انت متعرفش اصل الذاكرة رجعتلي النهاردة
وافتكرت كل حاجه……حتى افتكرت اني مخطوبه
عز بصدمه:نعمممم…..مخطوووبه😳
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهرة العز)
