رواية مهرة العز الجزء الثاني الفصل الثاني 2 بقلم مريم
رواية مهرة العز الجزء الثاني الجزء الثاني
رواية مهرة العز الجزء الثاني البارت الثاني
رواية مهرة العز الجزء الثاني الحلقة الثانية
الشخص:انا زعلان منكم عشان محدش عزمني
عز:انا عارف الصوت ده ولف وقال بابتسامه
عز بابتسامه: عزيز……..
عزيز بابتسامه:قلب عزيز
عز بضحك قام وراح عند عزيز وحضنه وعزيز بردوا حضنه جامد وبعدين عزيز قال….
عزيز:يعني لولا اني جيت صدفه كده مكنش حد قالي
صح؟؟؟
عز:والله كل حاجه جت بسرعه……والله كنت ناوي اعزمك على الفرح…..بس انت جيت بقى هنعمل ايه..
عزيز بضيق عيونه:لا ياشيخ…كنت هتعزمني على الفرح
لا فيك الخير بجد…
قاطعهم أسر بضحك وقال:ما خلاص ياعم القموصه
قولنالك كل حاجه جت بسرعه
عزيز:لا والله ازاي يعني
اسر:هقولك انا ازاي……عندك عم ياسر اللي مش عنده ريحه الدم ولا حتى ريحه الكرامه النهاردة الصبح عز كان راجع من مأمورية صعبه جدا وبيموت حرفيا
والمتخلف ده طلب ايد مني منه وهو بيموت.😂😂
عزيز بضحك:طول عمره واطي
ياسر بضحك:مين ده؟
عزيز بضحك:هو فيه غيرك….
احمد بابتسامه: خلاص بقى هنفضل نتكلم كتير عن ياسر ومنى……ما تجيب حضن يا يلا….وحشتني اووي
عزيز بحب:وانتوا كمان وحشتوني اوي
المهم عزيز سلم على كله…..
عزيز وهو بيبص على مهرة:احم احم…مش تعرفنا ياعز ولا ايه؟؟؟
عز بابتسامه: ايوة صح……بص ياسيدي دي مهرة صديقه جديدة للعيله ودي شمس اختها…وده زياد خطيبها…..وده عزيز ابن عمي اكبر مني بسنه بس بيشتغل دكتور نساء وسابنا الندل وسافر إنجلترا مع اننا كنا قريبين من بعض حتى لو تلاحظي ان اسامينا متشابهه بس هو بقى الله يسامحه سابني ومشى بقاله
3سنين…..ولسه بيفكر ينزل دلوقتي….
عزيز بضحك:ما خلاص بقى ياعم …هتفضحني قدام الناس ولا ايه……بس انت نسيت تقول انك شجعتني
على السفريه دي….مش صح ولا ايه
سلوى بضحك:خلاص بقى ياشباب اللي راح راح…خلينا دلوقتي في النهاردة
عزيز بضحك:عندك حق ياسوسو😂😂
زياد:احم احم……طب نستأذن احنا بقى….طولنا مش صح ولا ايه يامهرة
مهرة بابتسامه: ايوة احنا طولنا اوي….يلا مع السلامه
ابقى اشوفكوا تاني انشاء الله…كانت فرصه سعيده يا دكتور عزيز…
عزيز بابتسامه: انا اسعد…
لؤي بضحك:اسعد ولا عزيز انا مش فاهم
عزيز بضحك:اهو انا موحشنيش قد رخامتك يا صياد البنات انت
شمس بصت ل لؤي بغيظ ومشت مع مهرة
لؤي بتكشيرة:هو في ايه….انتوا كلكوا متفقين عليا النهاردة ولا ايه
اسر بضحك:صدفه…..صدفه ياخويا…عشان تعرف بس انك منحوس😂😂
الكل ضحك عليه…وطبعا هما فاهمين قصده ايه عشان لؤي مفضوح بنظراته😂
🦋♡♡♡♡♡♡♡♡🦋
عند مهرة كانت وصلت البيت ووقفت مع زياد قبل ما تطلع……
مهرة بجديه:زياد……انا عايزة اعرف انت ليه وافقت على خطتنا….مع اني بهدلتك ومشيت من عندي زعلان
وبعد كل ده وافقت عادي ولا كأن حاجه حصلت بينا
انا بصراحه يعني مش عارفه انت عايز توصل ل ايه
يعني عايز مثلا تنتقم مني ولا ايه؟ ؟؟؟
زياد بضحك:ايه يابنتي اللي انتي بتقوليه ده….لا طبعا
انا وافقت لاني ابن ناس ومتربي كويس….ومش لازم انتقم منك على اللي عملتيه….انا بصراحه وافقت عشان انتي قولتي هنروح فيلا وناس اغنيه بقى وكده
وانا بصراحه كان نفسي اقضي شعور زي ده وبشكرك بجد على الليله اللطيفه دي…..
مهرة بابتسامه: يعني مش زعلان مني
زياد بضحك:زعلان ايه….وحتى لو كنت زعلان بعد البنات والحاجات اللي شوفتها النهاردة كان لازم اسامحك😂😂
مهرة بضحك:في دي معاك حق😂
زياد بابتسامه: ها….عملتي ايه بقى
مهرة بعدم فهم:في ايه
زياد:مش انتي قولتيلي انك عايزاني عشان تشوفي عز لسه بيحبك ولا لا…عرفتي ولا اي
مهرة بكذب:ايوة طبعا…….
زياد:احكي
مهرة بكذب: انا عرفت ان انا كنت مغفله وان عز كان بيتسلى بيا……وعمره ما حبني…هو كان بيتسلى بس مش اكتر….وعرفت كمان اني ظالمه سلوى انها مهدداه
في حاجه كده ولا كده…..بس لا طلعت غلطانه
زياد:مش فاهم ممكن توضحيلي اكتر
مهرة:عز جه كلمني وانا واقفه مع منى وقالي عايزك في موضوع ومنى قالتلنا نطلع فوق عشان سلوى متفهمش
غلط…وبالفعل طلعنا….وانا بصراحه كنت مفكرة انو هيقولي انه بيحبني وعمل كده لسبب معين…بس حصل عكس تفكيري ولقيت عز بيقولي انتي ايه جابك…لو جايه تخربي الحفله ف احسنلك امشي عشان مش هتعرفي انا من صدمتي معرفتش اتكلم بس هو كمل وقالي يامهرة انا كنت بتسلى مش اكتر صدقيني
انا بحب سلوى ومش هتجوز غير سلوى وعايزك تبعدي عننا بقى وتشوفي حياتك…..وعلى فكرة انا عارف انك بتضحكي عليا ومش مخطوبه ولا حاجه وبتعملي بس الشويتين دول ………طبعا انا مكنتش عارفه ارد عليه اقوله ايه….بس طبعا قولتله اني مش بكذب وانك خطيبي فعلا وجايه عشان منى عزمتني مش اكتر
وهو صدق انك خطيبي واقتنع وبعدين نزلنا……وفضلت افكر في كل كلمه قالها اكتشفت ان انا كنت واهمه نفسي بحاجات ملهاش وجود……وقررت افتح صفحه جديدة معاهم وابقى صديقه مش اكتر…وخصوصا بعد ما اتصالحت انا وسلوى ومعنتش زعلانه منها…
بس في حاجه عطله في الموضوع
زياد باهتمام: وايه هي
مهرة:طبعا بعد ما اقنعتهم انك خطيبي اكيد لازم تكون معايا…..مكنتش اعرف ان اللعبه بتاعتنا هتقلب بجد
زياد بابتسامه: ياستي وانتي خايفه من ايه….انا ياستي مستعد اعمل خطيبك قدامهم عشان متطلعيش كذابه قدامهم….
مهرة بابتسامه: بجد يازياد…..
زياد بابتسامه: ايوة طبعا بجد
مهرة بابتسامه: بجد أنا مش عارفه اشكرك على ايه
انا مبسوطهه اوي…وعلى فكرة لو زهقت ومعنتش عايز تكمل في الموضوع ده انا هقولهم ان انا وانت سيبنا بعض …اختلفنا يعني ومحصلش نصيب
زياد بابتسامه: اللي انتي عاوزاه….بس عايز اسأل سؤال
مهرة:اتفضل
زياد:محدش خد باله النهاردة ان مفيش دبل في ايدينا
واكيد هنشوفهم كتير…………هنعمل ايه؟؟؟؟
مهرة بابتسامه: عادي….هنزل اشتري دبله صيني من السوق والبسها وانت كذلك
زياد:اشطا
مهرة:يلا تصبح على خير
زياد:وانتي من اهله…
(طبعا مهرة كذبت عليه عشان تبقى سلوى معاها كويسه
وتقنعها انها بجد بتحب زياد وانهم مخطوبين بجد ومش بتفكر في عز عشان طبعا اللعبه هتطول لحد ما يكشفوها)….
🦋♡♡♡♡♡♡♡♡🦋
عند مهرة كانت طلعت اوضتها وغيرت ملابسها ولبست بيجامه عشان هتنام……بس خبطت عليها شمس ودخلت
شمس بحرج:انا اسفه فكرتك هتقعدي….
مهرة بابتسامه: لا ولا يهمك…….كنتي جايه ليه
شمس وهي موطيه راسها للارض وقالت:انا بجد اسفه يامهرة عايزاكي تسامحيني……طبعا ملحقتش الصبح اجي اقعد معاكي واقولك اني بجد ندمانه على كل حاجه وحشه وكل كلمه مش لطيفه او تصرف سيئ كنت بعمله معاكي……مهرة انا بجد اكتشفت اني بحبكك
اووي بعد ما انتي اختفيتي وعرفت انا قد ايه كنت غلطانه معاكي….وبجد كنت بتمنى انك ترجعي عشان اقولك انا اسفه…….اسفه على كل حاجه
طبعا الكلام ده انا قولتهولك امبارح لما رجعتي وانتي مكنتيش فاهمه انا بتكلم عن ايه لأنك مكنتيش لسه فاكرة حاجه…..بس دلوقتي انتي فاهمه قصدي وعارفه انا بتكلم عن ايه…………
مهرة بابتسامه: شمس ياعمري انا عمري ما زعلت منك ولا اصلا كنت بهتم للي بتعمليه…عشان عارفه انك صغيرة واللي بتعمليه ده مش فاهمه معناه……انا عمري ما اتضايقت من تصرفاتك….عشان عرفاكي كويس
شمس بفرحه: بجد يامهرة…..يعني انتي دلوقتي خلاص
مش زعلانه مني؟؟؟
مهرة بابتسامه: لا طبعا
شمس بفرحه قامت حضنتها وقالتلها انا بحبك اوووي مهرة بضحك: وانا اكتر ياروحي…….يلا بقى عشان تنامي
شمس بابتسامه: تصبحي على خير
مهرة: وانتي من اهله…
🦋♡♡♡♡♡♡♡♡🦋
في بيت عز°•°•°•
كانت العيله كلها متجمعه في الصالون تحت……
لؤي:يعني خلاص يا عزيز هتقيم هنا على طول
عزيز بضحك:حاسك متضايق
لؤي بضحك:بصراحه…اه….اصلك مش هيبقى وراك شغلانه غيري بقى وتتدخل في أدق تفاصيل حياتي..روحت فين جاي منين بتاكل ايه….هو انا مش عارفك يازوزو ولا ايه بحسك مراتي😂
عزيز بضحك:لا خلاص بطلت من زمان
العيله كلها ضحكت عليهم…وبعدين…
اسر قال:انا هقوم امشي …ابقى اشوفكوا بكرة بقى
عز:استني اقوم اوصلك…..
خرج عز واسر مع بعض برا وبعدين اسر قال لعز
اسر :عملت ايه مع مهرة….معرفتش اكلمك قدام حد
عز:ولا اي حاجه……خلاص يا اسر…انا ومهرة علاقتنا فاشله من الاول وتقبلنا الوضع خلاص…خصوصا انها طلعت مخطوبه….ف خلاص….هشوف انا حياتي
اسر وهو بيطبطب على كتفه وقاله:ربنا معاك ياصاحبي
عز بابتسامه: ومعاك
اسر بتذكر:بس انا ليه حاسس اني شوفت زياد ده قبل كده…بس فين مش فاكر
عز بضحك:كنت عارف انك هتقول كده
اسر:يعني انت بردو حسيت انك شوفته قبل كده
عز:لا مش حسيت…..لاني شوفته بجد
اسر:فين
عز: في التلفزيون
اسر باستغراب: التلفزيون……
عز بضحك:ايوة والله……طب بذمتك هو مش شبه مستر بن
اسر بضحك:ايوة تصدق….وانا قاعد اقول فين فين…اتاريه طلع شبه مستر بن لا وايه نفس الحسنه😂
عز:اول ما شوفته كنت هموت على نفسي من الضحك
اسر:بس ثواني
عز:ايه
اسر بضحك:انت بتتفرج على مستر بن ياعز….يعني بذمتك ظابط في المخابرات المصريه بيتفرج لسه على مستر بن…..ده انا هسيطك يازوزو
عز:امشي يا حيوان يلا من هنا….
اسر مشي وهو هيموت من الضحك…
عز بضحك في سره:مستر بن ايه…ده صدق…..والله مستر بن احلى منه….ده شبه شرشبيل😂
وبعدين دخل الفيلا وطلع عشان ينام…..
بس مكنش واخد باله ان في عيون بتراقبهم من بعيد
يا ترى مين العيون دي؟؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهرة العز الجزء الثاني)
