رواية من نظرة حب الفصل الثالث والأربعون 43 بقلم الكاتبة الصغيرة
رواية من نظرة حب الجزء الثالث والأربعون
رواية من نظرة حب البارت الثالث والأربعون
رواية من نظرة حب الحلقة الثالثة والأربعون
وصل رضا للحارة عند مالك اللي كان متعصب قرب من مالك اللي اول ما شافه كان هيهجم عليه
رضا : في اي ي جدع انت
مالك : وربنا لو ما قولتلي اخوك فين لاكون دافنك هنا
رضا : ي عم انت الله وانا هعرف هو فين ازاي هو عيل صغير همشي وراه
مالك : انا مليش دخل تقولي حالا وتلاقيلي المكان اللي هو قاعد فيه
رضا : طيب اهدي كدة واقعد
مالك : شوفوا البارد بيقولي اهدي بطل برودك دا وانجز
رضا : انا عارف مكان ممكن يكون فيه
مالك : طيب انجز ويلا نروح علي هناك
رضا : انا بقول ممكن يكون يعني مش متاكد وينفع بقي تبطل التسرع دا انا عندي خطة
مالك : انطق وقول
🥀🥀🥀🥀🥀🥀🥀🥀🥀🥀🥀🥀🥀🥀🥀
عند ملك كانت فوق ومعاها ثريا ومكة اللي جات بعد ما ثريا اتصلت عليها
مكة : ي حبيبتي اهدي اكيد هنلاقيها
ملك : اهدي ازاي دا انا مليش غيرها هي اللي ربتني وقامت بدور الام والاخت ليا انا لو حصلها حاجة اروح فيها
ثريا : ي بنتي انتي بتفولي عليها كدة اكيد مالك مش هيسكت الا لما يرجعها
مكة : ماما عندها حق مالك مستحيل يخلي حد يؤذيها
ملك : انا خايفة ليكون عمل لها حاجة
مكة : خير بس انتي اهدي
ملك : انا خارجة هروح ابلغ او هعمل اي حاجة انا مش هفضل قاعدة كدة
ثريا : ي حبيبتي استني اكيد هيلاقوها فملوش لازمة انك تبلغي مالك عرف مين اللي خطفها وهيجيبه
ملك : بردوا انا مش هقدر اقعد كدة انا ماشية
ثريا : طيب خدي مكة معاكي مينفعش تروحي لوحدك
ملك : لا خليها هي هنا انا هروح واجي بسرعة
ثريا : بس كدة مينفعش
ملك : لو سمحتي خليني علي راحتي
خرجت ملك من الشقة والعمارة كلها وهي رايحة باتجاه مركز الشرطة بس وقفت عربية قدامها اول ما شافتها خافت وكانت لسة هتجري بس في رجالة نزلوا من العربية ودخلوها بالعافية
🥀🥀🥀🥀🥀🥀🥀🥀🥀🥀🥀🥀🥀🥀🥀
كانت نسمة قاعدة بتفكر في طريقة تهرب بيها من المجنون اللي خاطفها لحد ما دخل عليها وعلي وشه ابتسامته المعتادة
حاتم : ها حبيبتي بتعمل ايه
نسمة : قولتلك انا مش حبيبتك وانا دلوقتي بفكر في طريقة اهرب منك بيها
حاتم : طيب متتعبيش نفسك للدرجة دي لانك مش هتقدري تخرجي من هنا غير باذني وقومي يلا
نسمة : عاوز ايه
حاتم : هو في عروسة بتتجوز بالبيجامة بردوا قومي يلا تعالي معايا انا جيبتلك فستان هيعجبك اوي
نسمة : فستان منك انت وهيعجبني معتقدش ابدا
حاتم : يلا تعالي معايا
نسمة جات خطة في بالها وقررت تنفذها وتحاول تخرج من هنا
نسمة : يلا انا حابة اشوفه اوي
حاتم بسعادة : بجد طب تعالي معايا يلا
خرجوا هما الاتنين من الاوضة ودخلوا اوضة تانية وكانت كبيرة زي اللي نسمة كانت قاعدة فيها
حاتم : ها ايه رايك
بصت نسمة للفستان كان جميل اوي وزي ما كانت تتمني كان نفسها تلبس الفستان دا وتكون مبسوطة وهي بتتجوز اللي بتحبه بس للاسف وقعت في ايد واحد مجنون ومفيش حل للهروب منه
نسمة : حلو اوي
حاتم : يعني عجبك
نسمة : ايوة عجبني اوي
حاتم : انا هسيبك دلوقتي عشان تلبسي وهاجي اخدك بعدين وعندي ليكي مفاجأة هتفرحك اوي
خرج حاتم من الاوضة وسابها وهي بتفكر في المفاجأة اللي بيتكلم عنها هي مش مرتاحة وحاسة انه عمل حاجة مجنونة زيه
🥀🥀🥀🥀🥀🥀🥀🥀🥀🥀🥀🥀🥀🥀🥀
طلع مالك لشقة نسمة وكانت ثريا ومكة قاعدين لوحدهم استغرب مالك من دا
مالك : اومال فين ملك وانتو قاعدين لوحدكم كدة ليه
ثريا : ملك راحت لقسم الشرطة عشان تبلغ
مالك : ازاي تسيبوها تروح لوحدها انتوا عارفين ان دا خطر عليها
مكة : هي صممت انها تروح لوحدها ومحبيناش اننا نجبرها علي حاجة
مالك : ياربي انا اعمل اي دلوقتي اكيد المجنون دا عمل حاجة
ثريا : ي ابني والله ما كنا نقصد هي حبت انها تروح لوحدهاوانا ومكة مكناش عاوزين نضغط عليها وهي في حالتها دي
مالك : تمام انا هتصرف خليكم انتو هنا ومتتحركوش من مكانكم وانا هحاول ارجع نسمة وملك كمان
نزل مالك وسابهم وهما قلقانين عليهم
مكة : تفتكري ي ماما يكون اذاهم
ثريا : باذن الله خير اكيد ربنا معاهم ومش هيورينا فيهم حاجة وحشة
مكة : يارب ي ماما انا والله ما كنت اعرف والا مكنتش خليتها تنزل لوحدها
ثريا : اهدي ي حبيبتي اكيد مالك هيلاقيهم وهينقذهم منه
مكة : يارب ي ماما يارب
🥀🥀🥀🥀🥀🥀🥀🥀🥀🥀🥀🥀🥀🥀🥀
لبست مكة الفستان فعلا وكان تحفه عليها مطلعها زي الاميرات بصت لنفسها في المراية
نسمة بحزن : هو انا مش مكتوبلي الراحة والسعادة زي الناس دايما اطلع من مشكلة ادخل في مصيبة انا حابة افرح في يوم واحد بس ابقي زي اي بني آدم طبيعي يارب خليك معايا وانقذني من المجنون دا
دخل حاتم عليها الاوضة واول ما شافها انصدم من جمالها لان الفستان كان زي ما يكون مصنوع مخصوص ليها
حاتم : اي الجمال والحلاوة دي انا مكنتش متصور ان الفستان يحلو اكتر لما تلبسيه
نسمة : يعني عجبك
حاتم : دا اخد عقلي يلا بقي ي عروسة لان المأذون مستني برة ولازم تشوفي المفاجأة اللي انا محضرهالك
خرجوا من الاوضة ونزلوا كان المأذون قاعد مستني راحوله بسرعة
حاتم : متاسفين علي التاخير ي شيخنا يلا اقعدي هنا ي عروسة
قعدت نسمة علي الكرسي اللي هو قال عليه اما هو فطلب من الحارس انه يجيب المفاجأة انصدمت نسمة وهي شايفة الحارس ماسك ملك وداخل عليهم بيها
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية من نظرة حب)
