رواية من قلب الظلام الفصل الأول 1 بقلم منة الله محمد
رواية من قلب الظلام الجزء الأول
رواية من قلب الظلام البارت الأول
رواية من قلب الظلام الحلقة الأولى
المشرف :
دكتورة نور انت من أشطر الدكاترة إلى عندى فى المصحة علشان كده انا قررت أسلمك وحده من أصعب الحالات إلى جت المصحة من أربع سنين.
نور :
الى حضرتك تشوفه يا فندم اتمنى أكون عند حسن ظنك بس مين الحالة دى ؟ وجدت من امتى؟ وليه ؟
المشرف :
اهدى يا دكتورة نور الملف ده فيه كل التفاصيل إلى ممكن تحتاجيها .
نور :
شكرا جدا يا فندم.
وخرجت نور من مكتب المشرف.
نور :
يا ترا ايه حكاية الحالة دى؟! خليني أشوف .
وراحت نور لى مكتبها تقرأ الملف .
نور :
أمنية عبد الرحمن جت المصحة من أربع سنين تقريبا بعد موت أهلها بطريقة غامضة و هى الشاهد الوحيد بس هى مش بتتكلم من وقتها .
بعد ما نور خلصت قراءة الملف راحت للأوضة إلى فيها الحالة أمنية عبد الرحمن.
عند أمنية/
نور :
اهلا يا أمنية ممكن نتكلم مع بعض شوية ؟!
بس فضلت أمنيه بصة من الشباك زى ما هيا من غير ما تبص نحية نور.
نور :
أمنية أكيد انت عرفه انا هنا ليه! أنا عاوزه أتكلم معاكى شوية عن أهلك والى حصل معاكى .
أول ما أمنية سمعت الى قالته نور عن أهلها قامت مسكه الكباية إلى جنبها وحدفاها على نور .
خبطت الكباية فى الباب و لحسن الحظ مش جت فى نور.
نور :
دلوقتى فهمت ليه المشرف قال أنك من أصعب الحالات .
سحبت نور كرسي وراحت قعدت جمب أمنيه .
نور :
مش تستغربى انا متعودة على أكثر من كده مع المرضى إلى بتعامل معاهم .
بصت أمنيه لنور وبعدين رجعت بصت من الشباك تانى .
نور :
أنا عرفه أنك مش بتتكلمى من أربع سنين تقريبا بس انت لازم تحاولى المحاولة مش ها تضر.
شدت نور الكرسى إلى قعدة عليه أمنية و خلتها تبص نحيتها.
نور :
بصى لو انت عنيدة قراط انا عنيدة أربعة وعشرين قراط لازم تتكلمى.
بصت لها امنيه وعينيها اتملت دموع .
نور :
خلاص ممكن تكتبي ؟!
وأدت أمنية ورقة وقلم .
أمنية مسكت الورقه والقلم وكتبت مش عايزه أقول حاجه لو سمحت ممكن تسيبينى لوحدى انت مش عرفه الكلام صعب اديه.
نور :
أنا يمكن أكتر وحده عرفه الكلام صعب اديه بس انا برده عرفه أن السكوت بيوجع أكتر.
أمنية كتبت :
مجرد كلام بيقولوا كل الدكاتره إلى جم قبلك اطلعي بره لو سمحت.
نور :
أنت عرفه قصة المريضة نور عبد الحق ؟
أمنية كتبت :
لا مش عرفه مين دى بس أكيد حكايه قلتيها لمرضى قبلى كتير.
نور :
انت عرفه انا اسمى إيه ؟ أنا الدكتوره نور عبد الحق. وعلى فكره انت أول حد يعرف الحكاية دى.
أمنية كتبت:
كذبة جديدة حضرتك عايزه تخدى منى كلام وخلاص.
نور :
طيب بعيدا عن إنك إنت الى تتكلمى انا إلى هأتكلم وانت إسمعينى.
أمنية كتبت :
تمام انا موافقة أسمع بس لو الكلام مش مقنع تطلعى بره من غير أى كلام.
نور :
انا موافقة إسمعى حكايتى بقا و إحكمى
إسمعى حكيتى إلى خلتنى أحاول أنتحر أربع مرات .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية من قلب الظلام)
