رواية من قال أنتي عانس الفصل السادس عشر 16 بقلم أسو أحمد
رواية من قال أنتي عانس الجزء السادس عشر
رواية من قال أنتي عانس البارت السادس عشر
رواية من قال أنتي عانس الحلقة السادسة عشر
ياوعد بقالنا ساعه بنلف على المحلات ومش عاجبك حاجه ، احنا شكلنا هنروح من غير مانجيب طرحه حتى
وعد
يووووه يعنى مش شايفه لبس الأطفال إللى منتشر ف كل المحلات ده ، تقدري تقوليلى البسه ازاى انا بقي
بقولك ايه يلا بينا نروح انا تعبت وجبت اخري خلاص
ساره
مين سمعك ياختى انا كمان جبت اخري ولو مروحتش محمد هيخلي ليلتى سوده والله ، انا قبل ما اجيلك متخنقين سوا وهو بيتلكك على اقل حاجه
وعد
انا مش عارفه مستحملاه ازاى ده !! ده انسان لا يطاق اطلاقاً
انا لو منك كنت اديته بالجزمه وسبتله البيت ومشيت علشان يتربه
ساره
هسيبه واروح فين ياختى انا خلاص اتحكم عليا بالسجن معاه مدي الحياه
وعد
على رايك ، دي كفايه امك لو جتيلها هتصوت وتلم علينا امة لا إله الا الله كلها وتقول البت اطلقت والتانيه عنست ، وسعتها هيبقي بيتنا زي السحر الاسود الناس هتخاف تعدى من عنده لتطلق او تعنس زينا هههههه
ساره
ههههههه يخربيتك هههههههه همووووت هههههههه
وقفت وعد امامها وهى تظبط نفسها وتلوى حاجبها فى غضب لتضيف
ساره يابنتى معلش دوسي على نفسك وارجعيله أن شاء الله حتى لو هتشغلى خدامه عنده علشان خاطر اختك العانس دى انا ماصدقت أن جالها عريس وهتتجوز خلاص
طب علشان خاطري انا وابوكى مش حمل نسمع كلام الناس عننا تانى كفايه إللى سمعناه بسبب اختك وابوكى تعبان وممكن يروح فيها سعتها
لتقف وتقلد ساره بوجع حزين
لالا بعد الشر عليكم ، خلاص حاضر ياماما هرجعله واعمل إللى يريحك ، انا عندى اهم حاجه اشوفكم مبسوطين حتى لو على حساب مستقبلي
ضحكت ساره على التقليد الذي اتقنته وعد لتضيف
هههههه وانتى سعاتها هتبقي طايره من الفرحه علشان العريس هيكون طفش بسبب العنه نههاها نهاهاها ” ضحكه شريره ”
وعد
يافاهمنى انت
دفشتها ساره
طب امشي ياختى نشوف المحل إللى هناك ده
وعد
طيب يل…. قطعت كلمتها لتضيف
بصي روحى انتى وانا هحصلك
ساره
ليه رايحه فين
وعد
مالكيش فيه روحى انتى بس شوفى ايه النظام جوه وانا خمسه وجيالك
ذهبت ساره لتنظر وعد وتتاكد من ذهبها فعلا لتجري بسرعه خارج المول الذي كانت فيه..
$$$$$$$$$$$$$$
فى بيت مقدر صديقه وعد
انتى جيتى يا موكو
كان صوت والدتها من الداخل
موكو من الخارج
ايوه جيت يا بطه بقولك ايه الروائح الجميله دى بس ياست الكل احنا مش متعودين على كده خالص
الام
طب تعالى يالمضه كملى الاكل على ما اشوف خالتك كانت بتتصل من بدري دى مالها ، من الصبح مفضتش اكلمها
موكو
خير ان شاء الله
خلاص روحى انتى وانا هكمل بدالك
ارتدت المريول وبدأت تعد الطعام بمهاره فائقه ليرن هاتفها لتنظر للشاشه وتضحك
ردت
اخيرا خطرنا على بالك ياكلب البحر
……………………………..
بتهزرى ؟ قولى انك بتهزري
انا اتوقع منك كل حاجه الصراحه بس المرادى فجاتينى يابت الايه ، بس لا طلعتى جامده
……………………………..
اكيد طبعا جيالك ، بس اخد اجازه من الشغل واجيلك مش محتاجه عزومه وحياتك
……………………………..
ياظريفه
……………………………..
غوري يابت اقفلي
عيله ثئيله بصحيح
اغلقت فى وجهها واكملت الطعام لتاتى لها امها بعد دقائق وهى تبتسم
نظرت موكو لها وهى تبتسم
لا ده خير وخير كمان ، اوعى تقولى إللى فى بالى
الام
هو ياختى ، بنت خالتك خلاص معاد الفرح اتحدد والشهر الجاى هنسافر اسكندريه
موكو
ياااااي واخيرا الواحد هيشم شويه هواء نضيف
وهروح البحر ، واركب عوامه وهبقي فراااش فرااااش فرااااش ياناس
لتقف فجاه وتقول
الشهر الجاي اللى هو الجاى ده صح ؟
الام
لا الشهر الجاي اللى بعد سنه
موكو
ماقلتش ليه من بدري هاخد اجازه ازاى انا دلوقتى ، يالهووووووووى يافرحه ماتمت خدها الغراب وطااااار
اااااه طاار يامه والله ، طار ياابه رجدى طااار
انا عارفه حظى كويس ، ياخيبه بختك ياسلطان مش هتسافر يا ابو السلاطين ااااه
ذهبت لغرفتها وهى تندب حظها وتجري بعض الاتصالات لأخذ الاجازه ولكنها تعلم أن الاجازه حتماً لم يعطوها لها
ضربت الام كف على كف لتقول
عوضي فيك يارب، البت اتجننت خلاص
اما اروح اكمل الاكل إللى على النار ده ، وربنا يهديكى يابنتى
$$$$$$$$$$$$$$$
انتهو من التسوق اخيراً وعادو إلى المنزل
الام
روحو غيرو هدومكم واغسلو ايديكم وتعالى علشان نتعشه سوا كلنا
ساره
انا هروح اشوف بسنت الاول واجيلكم
الام
سبيها انا لسه منيمها بالعافيه قبل ما تيجو ، دى غلبتنى على ما نامت
شبهك طبق الأصل والله ، كنتى بتغلبينى كده وانتى صغيره على ما تنامى
وعد
من شبه امه فما ظلم ههههههه
ليضحك الجميع
الاب
ههههههه طب يلا يالمضه روحى اغسلي ايدك انتى واختك وتعالو ناكل سوا يلا
ساره ، وعد
حاضر
ساره
يلا ياختى انجري قدامى
وعد
بس ماتزوقش كده ياسطا
ساره
هتعيشي وتموتى بيئه كده
وعد
لو مش عاجبك طلقنى
ساره
انتى طالق وبال تلاته كمان
وعد
رجعينى بقي
ساره
عشم ابليس بالجنه وزهبت للحمام
رقضت وعد ورائها
طب نتفاهم طب
الاب
علينا العوض ومنه العوض ، العيال اتجننو خلاص
روحى ياحجه حضري الاكل الواحد على لحم بطنه من الصبح ذهبت زوجته لتعد الطعام بينما ساره تستجوب وعد فى الحمام
اخلصي ياشوز قولى ايه إللى شقلب حالك كده بعد ماكنتى عايزه تموتى ، اعترفي حصل ايه بسرعه
وعد
برئ يابيه
و بعدين تعالى هنا انتو ولا عاجبكم كده ولا عاجبكم كده ، استغفر الله عائله كئيبه بصحيح
ساره
مسيرك ياملوخيه تيجى تحت المخرطه
وعد
شوفي إللى بتقول عليا بيئه بتقول ايه..
عيله شوز صحيح
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من قال أنتي عانس)
