رواية من عالم مختلف الفصل الأول 1 بقلم ملك يسري
رواية من عالم مختلف الجزء الأول
رواية من عالم مختلف البارت الأول
رواية من عالم مختلف الحلقة الأولى
ف احد كافيهات بجوار جامعة القاهرة.
يجلس مجموعة من الأصدقاء وواضح عليهم صحاب سوء.
نور : طب اى انا زهقت .
أميرة: من اى بس ما القاعدة حلوة اهى .
نور : هو كل يوم نيجى هنا ونقعد ونفضل قاعدين ف وش بعض.
ياسر بضحك : اى ي نور عينك على حد جديد ولا اى .
نور : بس ي خفيف بقولكوا اى انا هروح الجامعة اشوف حاجة كدا وهبقا ارجع .
مازن : اجى معاكى.
نور بضيق : مازن فكك منى بقا قولتلك انت اخويا اكتر من كدا متحلمش باى ي جماعة.
نور سابتهم وخرجت .
هايدى وقعدت جمب مازن ومسكت ايده : سيبك منها ي ميزو هى متعرفش قيمتك اصلا.
ياسر : يابت بطلى تستغلى المواقف.
أميرة بضحك : متبقاش هايدى لو معملتش كدا .
ف جامعة القاهرة كلية الآثار.
نور بإحراج : هاى .
شمس بابتسامة: وعليكم السلام عايزة حاجة.
نور : معلش هو ف النهاردة محاضرات ل ٣ آثار.
شمس بإستغراب : هو انتى متعرفيش الجدول دا احنا ف نص الترم يعتبر.
نور : مكنتش متابعة.
شمس : على العموم ياستى ف حاليا محاضرة ل دكتور احمد منصور.
نور : تمام شكرا .
نور سابتها ومشيت وبدأت تدور على المدرج اللى هيبدأ ف المحاضرة.
كريمان : اى اللى كان موقفك مع البت دى يا شمس.
شمس بإستغراب : ف اى ي كريمان من امتى بتتكلمى على حد كدا ومالها البنت دى.
كريمان: اسفة بس البنت دى سمعتها وحشة ف الجامعة ف مش عايزة حد يشوفك واقفة معاها ويتكلم عليكى وحش.
شمس بتفهم : بس هى باين انها كويسة و ذوق ف الكلام.
كريمان بإستهانه : المظاهر خداعة ي ست شمس أمشى قدامى نروح محاضرة اخوكى المز قبل ما يدخل.
شمس بضحك : يابنتى اتلمى هو مش ف دماغه.
كريمان : انا وراه والزمن طويل أمشى انتى بس.
ف مدرج أ كان بدأ احمد يشرح محاضرته والكل مركز قاطعهم خبط الباب ودخول نور.
احمد بصلها ورفع حاجبه لان كله عارف ان ممنوع حد يدخل وراه ومقاطع محاضرته.
نور بتوتر وإحراج : انا اسفة ممكن ادخل.
احمد بعصبية خفيفة : هو الأستاذة متعرفش انى محذر ان محدش يدخل ورايا او يقاطعنى.
نور كانت لسة هترد بس قاطعها احد الطلاب بإستهزاء.
طالب : معلش ي دكتور اصل اول مرة تدخل محاضرة اصلا.
نور اتحرجت وبدأت تبص على كل المدرج .
نور وكانت خارجة : انا اسفة انى قاطعكم عن اذنك ي دكتور.
احمد بهدوء : انتى رايحة فين.
نور : هخرج .
احمد وشاور على الكرسى بتاعه : تعالى اقعدى هنا .
نور بصتله بصدمه مش هى بس دا المدرج كله.
نور اتحركت وقعدت على الكرسى وهو واقف جمبها وبيكمل شرح .
كريمان بغضب : هو اخوكى يعرفها منين.
شمس : معرفش عمره ما جاب سيرتها بس عادى يعنى هى اتحرجت وهو محدش كدا مش بيحب كدا وانتى عارفة .
كريمان بصت ل نور وأحمد بغضب و فدماغها ١٠٠ فكرة وفى وفكرة.
احمد : وبكدا نكون خلصنا الفصل الرابع جهزوا نفسكوا بقا ل امتحانات الميدترم اشوفكم المحاضرة الجاية .
كله بدأ يخرج ونور جابة تخرج احمد بصلها بمعنى خليكي.
نور : هو انا عملت حاجة غلط .
احمد : انتى بجد اول مرة تحضري.
نور : اه.
احمد : لى.
نور : انا حرة .
احمد ورفع حاجبه : لا والله .
نور وربعت ايديها قدامها : اه والله.
احمد وابتسم بإستفزاز : على العموم عرفت شكلك واسمك ف لو مشوفتش الخلقة دى ف وشى كل محاضرة هتشرفى معانا ف سنه ٣كتير .
نور بنفس ابتسامه احمد : دا تهديد بقا.
احمد : اعتبريه تهديد عن اذنك ي نور محمد مهدى .
نور بصت ف اثره بصدمه وبصت على الموبايل شافت الكارنيه ف جراب الفون .
نور بغيظ : مستفز.
نور خرجت بعصبية وركبت عربيتها وروحت نامت من كتر الغيظ من احمد .
ف بيت احمد.
شمس : ايوا يعنى تعرفها منين.
احمد : انتى بتفهمى منين قولتلك معرفهاش.
شمس : طب لى قاعدتها على الكرسى .
احمد : انا حر وامشى بعيد عنى بقا علشان اكون رايق وانا بحط أعمال السنه هاااا .
شمس بتوتر : ي رايق انت ي جميل اعملك عصير مانجا يروق أعصابك.
احمد : ياريت ويكون ساقع.
باليل نور صحيت ومسكت فونها شافت مكالمات كتير من صحابها طنشت فتحت الواتس اب وفتحت جروب الدفعة شافت صور ليها هى واحمد لما كانت قاعدة على الكرسى وهو واقف بيشرح وصورة تانية وهو بيبصلها وبيبتسم وصورة كمان وهى اللى بتبتسم .
احد الطلاب : اوعى قصة حب جديدة ظهرت ي اولاد.
فضلت تقرأ ف جروب الدفعة وهى متعصبة.
نور : عااااا هى كانت نقصانى احب واحد مقفل زى دا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من عالم مختلف)
