رواية من عالم آخر الفصل الحادي عشر 11 بقلم زهرة اللوتس
رواية من عالم آخر البارت الحادي عشر
رواية من عالم آخر الجزء الحادي عشر
رواية من عالم آخر الحلقة الحادية عشر
بصلي واتصدمت من اللي قاله
وقف قصادي وهو حاطط ايده في جيبه
وكان بيمشي بثقه اوي نحيه الباب وهو بيقول =مسكينه ماتعرفيش انك بتاعتي
انا بصتله بذهول… بس فتح الباب وخرج ثانيه ولقيته رجع وبص من الباب براسه بس وهو بيغمزلي
وبيقولي =فكري
انا فضلت اضحك اوي علي منظره بس هو صرخ اوي
=اعتبر الضحكه دي رد
انا قلت في سري =مجنون بجمال امك ده
____________♡_______♡_________
بعد حوالي يومين….. 💜
كنت بستعد للخروج من المستشفي……. وانا حسه ان هطير من الفرحه وانا حسه براحه نفسيه وحسه ان انسانه تانيه
=لعله خير
فضلت اضحك فعلا خير يعني مثلا لو ماكنش حصلي كل ده ماكنتش هقابل مازن ولاكنت هفوق والاقي نفسي تاني
بس ثانيه هو انا هروح فين انا مش معايا مكان ممكن اقعد فيه اتنهدت اوي ومسكت المصحف
=معايا ربنا….
ابتسمت ودخلت الممرضه اتعرفت عليها اسمها مكه طيبه اوي بس غبيه زي عايزه اللي يوعيها تقريبا كده كلنا بنبقي مستنين اللي يوعينا للطريق الصح …. ومافيش اجمل اننا نلاقي طريق يستاهل نضيع عمرنا عليه…………
حضنتها اوي وهي فضلت تعيط انا فرحانه انك خفيتي بس هتوحشيني
انا ضمتها اوي =شكرا علي كل حاجه
قالت بهدوء =انت هتروحي فين دلوقت؟
بصراحه كنت هموت واسئل عليه بس مسكت نفسي بالعافيه وانا عماله اكرر جوايا =مش هدخل حد يبوظ ليا حياتي تاني
بس فقت علي سؤالها =الصراحه ده نفس السؤال اللي كنت بسئل ليه نفسي
بس ابتسمت وانا بشاور بأيدي =اكيد ربنا هيفرجها
لقتها بتقلي =ايه رأيك تيجي تقعدي معايا لغايه ماتلاقي شغل وكمان تقدري تلاقي بيت تعيشي فيه
بصتلها شويه =بس يعني
لقتها بتقول بلهفه=انا والله عايشه وحدي وماتتصوريش البيت هينور ازاي
حضنتها اوي =شكرااااا اوي يامكه انا مستحيل انسي وقفتك جنمبي
لقتها بتسحب ايدي وبتشيل الشنطه اللي مازن جبهالي كانت مليانه هدوم اسلامي
وبتجري لبرا =يلا يلا يلا ده احنا هنقضيها للصبح
انا فضلت اضحك وهي بتجرني كده
ومجرد ماخرجنا لقينا تاكسي قصاد المستشفي
انا رفعت حاجبي…. لقتها بتقول =ههههه غبي ههه قصدي
دايما كده بيقف تاكسي قدام المستشفي علشان يعني العيانين بيقلب رزقه يعني
بصتلها برفع حاجب =بس انا مسألتش عادي
بصتلي وهي بتضحك =ههههه انا كمان غبيه اركبي اركبي
ولسه هفتح الباب…. لقيت واحد نازل ولابس كاب مغطي وشه وباصص لتحت وفتحلي الباب من غير ولاكلمه
انا بصتله بذهول ورجعت وبصيت علي مكه بشك
وبدأت اخاف منها انا خلاص مابقتش بثق في حد نهائي
ومش قادره احط نيه الخير تاني
لقتها عماله تضحك وبتجز علي اسنانها وهي بتقول
=وحياه امي غبي
مكه كانت قصيره اوي بس ملامحها بريئه وجميله اوي
وشعرها كان واصل لنهايه رقبتها لونه بني فيه خصلات صفراء كانت بتلبس سلبت جينز وتيشرت بنص كم تحته علي طول.. وكوتشي بيعرف باسم شراب لونه ابيض وعيونها خضراء وبشرتها جميله فيها شويه نمش بس وشها صغير اوي………..
انا خفت بس هي دخلت زي الاطفال وكانها هتحبي
وبعدين خرجت راسها من الشباك قصدي خرجت نص جسمها😂 وقالتلي=انت ليه تنحتي اركبي
لسه هرجع في كلامي….. لقيتها نزلت وفضلت تزق فيا لجوه اخذت جنمب وانا لزقه في نفسي…..
بس السواق اتحرك علي طول من غير ما حد يتكلم
اما مكه حطت الهاند فري وبصوت عالي فضلت تغني
=اندال اندال
انا بصتلها بذهول….. اتكسفت بصراحه السواق يقول علينا
ايه خبط علي كتفها
بصتلي ببسمه…. وحركت راسه بمعني =في ايه؟
ضربت علي راسي حسه ان معايا بنت اختي
وشورت لها علي الهاند فري…… خلعتهم وقالتلي =ايه
قلتلها بصوت واطي =صوتك
بلعت ريقها =هو انا كنت بغني بصوت عالي
قلتها بهمس =اوي
بصتلي بزهول =انا كنت فاكره نفسي بوشوش نفسي
انا كنت هموت واضحك وفعلا غصبه عني خرجت مني ضحكه بصوت عالي …. وفجأه العربيه مالت
وجسمي اترمي لقدام ورجع لورا واترعبت…… من الخضه
لقيتها بتصرخ =الله يحر. قكك ماتضحكيش تاني كنا هنروووووووووح
انا بصتلها بذهول وحسه ان قلبي هيقف……
لقيتها بتطبط علي السواق وهي بتصرخ =ياعم دي مجرد ضحكه ياعم كنت هتموتنا
انا بجد مابقتش فاهمه حاجه……………
بعد مرور عشر دقايق…….. لقيت السواق وقف قصاد
عماره في المعادي ايوه دي المعادي
وقدام العماره قسم المعادي….. بصتلها بذهول =انت ساكنه هنا
لقتها بتبص بذهول وكأنها اول مره تشوف
انا كررت سؤالي =هو ازاي عرف مكان بيتك
ضربت بأدها علي راسها =ش ش ش شكله مخاوي اقصد م م ل
لقتها مش مجمعه خالص وعماله تضرب برجليها الارض وبتضرب ايدها علي راسها =عااااااااا مش عارفه اجمع
انا خلاص فاض بيا حسيت بالرعب هي مش مجمعه وازاي عرف المكان ثانيه واحده اكيد متفقين مع بعض اكيد
وبعدين قلبي فضل يدق جامد وانا حسه ان ممكن يكن دي خطه من زياد وعايز يأذيني حسيت بالرعب اوي
وكنت خلاص ناويه اجري علي القسم
لقيتها بتقلي بضحك =يابت انت صدقتي ده طه ابن عمي
كان بيستناني علشان يوصلني كل يوم
وبعدين قريت مني وشوشت ليا =هو اصم يعني مش بينطق
انا شويه ارتحت وفعلا حسيت بالصدق في كلامها
لقتها بتزقني ناحيه العماره وبتقلي =يلا يلا ده انا بنت مش سهله والله
وبعد عشر دقايق…… دخلنا الشقه اللي فضلت ساعه تفتح في باب الشقه وهي عماله تصرخ =البتاع ده بيتفتح ازاي
انا ضحكت وفتحتلها وانا ببص بشك =متأكده ان دي شقتك
قالتلي وهي بتشوح بأديها =اماااااااال
انا مجرد مادخلت فتحت عيني وبقي بصدمه من الانا شيفاه انا مش بحسد بس ايه الجمال ده
تعالو اتخيلوا معايا اللي انا شيفاه الارض كلها من الرخام الاسود اللي بيلمع……. ولون الحيطه رصاصي في ابيض وحيطه في الوش 3 دي علي شكل سماء وقمر ونجوم كانك عايشه في السماء…. والحيطه دي جواها شاشه التلفيزون تحفه بجد
وفي في نص الصاله سلم رقيق اوي ملوي
علي حرف c من الازاز…………
وفي الجزء السفلي في مطبخ امركاني بردك من نفس الرخام……… دخلت البراندا وانا مش مستوعبه جمال المنظر تحفه عصافير في قفص ملونه وكمان فيه ورد كتير… باللون البنفسجي لوني المفضل………
فضلت اللعب معاهم……… لقيتها بتصرخ وهي بتنطط
=الله في بلاستيششششن وفضلت تشد في ايدي
ورحنا اوضه كانت كبيره اوي ومليانه العاب رياضيه
الحيطه نفس التصميم بس كان في كل حته كوره سله
انا شدت ايدي وانا بصرخ فيها =مكه كفايا كده احنا فين. ده مش بيتك
بصتلي بحزن وعيونها اتملت دموع = ا ا انا اسفه
لان الحاله دي بتجيلي علي طول ده كان بتنا انا واخويا بس بس بس هو ما. ت وانا مش قادره اصدق ده
انا بصتلها بذهول وصدمه وفضلت اللعن غبائي نزلت لمستواها شويه وحضنتها =ا ا ا انا اسفه
بس هي فضلت تشن اوي =ولا يهمك بس هتلاقيني بنسي كتير فعديها بقي ماابن الهبل. ه ماقليش وصف شقته
انا بعدتها =بتقولي ايه
فضلت تكح جامد……… وبعدين جريت وجبتلها ميه واتصدمت المطبخ مليان اكل كتير وفاكه كتير بس التلاجه مافيهاش غير…. ايه اي دي
رفعتها =لافازا
واخيرا….. طلعت معاها علي اوضه علشان ننام بدال ام اليوم اللي مش فاهمه في حاجه ده……
صحيت وانا برجع ظهري لورا بنشاط اوي واول حاجه عملتها دخلت الحمام اخذت شور وصليت الضحي طبعا كنت صليت الفجر في معاده…………
فضلت انادي علي مكه بس لقتها سايبه جواب
وكتبه فيه =صباحووووو انا رحت الشغل مش هتأخر ياجمييييل
انا ضحكت وبعدين رحت احضر ليا حاجه اشربها
وانا مسكه المصحف انا شمه رحته في كل حته بس دي حاجه ضيقتني جدا… مش عايزه اتعلق بيه اوووووف
ودخلت البراندا طبعا انا قاعده في الدور الثاني وكأني قعده في الشارع بس بصراحه الجو جميل
فضلت اقرأ في الورد بتاعي وبعد شويه قبلت المصحف
واتنفست اوي وانا مغمضه عيني وبستنشق الهوا
ومجرد مافتحت عيني شفته قصادي……
فضلت افرك في عيني كان واقف حاطط ايده في جيبه
والايد التانيه بيشاور بيها لاحد الظباط اللي واقفين قدامه بإحترام…… قلبي فضل يدق بسررررررررعه
وانا بهز راسي بلأ كان واقف بهيبه اوي ومرجع نص كمام القنيص لورا وفاتح رجله شويه وعينه اللي بتوهني
وكان جدي اوي…….. كنت فاكره ان حالتي سائت وبقيت بتخيله…. انا عارفه انه دكتور…. ايه جابه هنا
فضلت اضحك علي جنوني بس لوعليا نفسي اطلع اجري وارمي نفسي في حضنه واقله انت وحشتني بس لالالالا ده مستحييييل………..
فضلت ببص عليه متنحه وانا مؤمنه ان بتخيل……
بس مش عايزه الخيال ده يخلص…… وفي واحد كان واقف جنمبه فجأه بصلي اوي وفتح عينه بصدمه
وقله بصراخ =يلاهوووووي الحق يامازن في واحده في شقتك
انا فتحت عيني بصدمه من الانا سمعاه وفجأه لقيته بيرفع وشه لياو………….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من عالم آخر)
