رواية من عالم آخر الفصل الثالث 3 بقلم زهرة اللوتس
رواية من عالم آخر البارت الثالث
رواية من عالم آخر الجزء الثالث
رواية من عالم آخر الحلقة الثالثة
ماحستش غير وانا بفتح الباب مره واحده
وغمضت عيني بسرعه وانا مش مصدقه اللي انا شفته
ده بجد ولا انا بحلم….. وقف بصدمه
وفضل يجمع في هدومه
انا طلعت اجري…
بس هو فضل ينادي عليا بصوت عالي اوي
=جهاد استني استني ارجوكي
مسكت ايده بغضب =انت هتجري وراها ماخلاص بقي
حدف اديها =وسعي الله يخربيتك
كنت بجري وانا منهاره قلبي هيقف مش قادره
بشهق اوي ودموعي زي المطر مش عارفه اوقفها وكل ما أغمض عيني افتكر اللي انا شفته فيزيد حرقه قلبي
وما حستش بنفسي غير وانا بقع علي رجلي
وبعيط بصوت عالي اوي وكلمه واحده برددها
=ده كابوس ده مستحيل…. مستحيل لأ زياد مايعملش فيا كده مستحيل
فجأه لقيت حد بيشد ايدي…….
انا صرخت فيه =ابعد عني ياحقي. يييير سيب ايدي
ابعد بقلك
الناس كلها وقفت وفضلت تبص علينا
بس هو شدني من ايدي =اعقلي وبطلي حركات العيال دي
صرخت فيه =عيال هو انت لسه شفت حركات عيال يازب. اله الغلط مش عليك الغلط علي قلبي اللي حبك ابعد
سبني
بس ولا كأني بتكلم هو كان اقوي مني وشدني جامد
لغايه ماطلعني شقته تاني
حدفني جوه وقفل الباب واتكلم بغضب
=بطلي الحركات دي واهدي شويه
انا فضلت اصرخ بجنون بصراحه انا كأني كنت هدخل في نوبه عصبيه مش قادره اصدق خمس سنين وهم خمس سنين وهم انا ضيعت عمري علي واحد مايستهلش
ضيعت حياتي علي وهم فضلت احب في كدب ده مستحيل يااااارب يبقي كابوس يارب انا أمنتله علي نفسي وهو كان بيلعب بيا وبمشاعري ازاي كان قادر يبقي بوشين ازاي كان بيقلي انا وبس وفجأه اكتشف ان انا اخر واحده في حياته ونزهه من نزهاته…………….
دفنت وشي بين كف ايدي وفضلت اعيط اوي وبصوت عالي وانا عماله اقله =بكرهك بكرهك
بالظبط انا عامله زي البيت اللي فضلت سنين ابنيه وبحركه زلزال اتهد كله شعور صعب اوي مش قادره اوصفه مافيش حاجه بتنزل الواحد من نظر اي واحده
غير انها تحس انه سهل ومش ليها وبس……………
كان قاعد علي الكنبه وحااطط وشه بين ايده وعماله يتنهد
بس فجأه اتكلم =ج جهاد
انا حاولت اقف بصعوبه وانا قر. فانه ان اقعد في مكان هو فيه
بصتله بق. رف =ماتجبش اسمي علي لسانك انت حق. ير يازر النساء يا.
زعق بصوت عالي اوي =ماسمحلكيش تغلطي اكتر من كده
مريم مراتي
انا فضلت متنحه ووقفت مكاني من غير ولا حركه
=هو قال مراته هو انا سمعت صح ولا ده من اثر الصدمه
هو قال مراته
كمل كلامه بحزن = انا اسف ياجاهد بس فجأه حسيت نفسي مش معاكي ماحستكيش البنت اللي انا عايز اكمل معاها حياتي…. انا انا اكتشفت انك كنت مجرد حب مرهقه مش اكتر لما خلصت جمعتي واتوظفت ماحستش ان عايز اكمل معاكي وفي نفس الوقت كنت خايف اصرحك تحصلك حاجه ماحبتش اجي عليكي انت وقفتي حياتك عليا وماكنش يبقي سهل ان اسيبك جهاد انا
غمضت عيني واخيرا بدأت جمع نفسي
قلتله بقر. ف =انت ندل وجبان انا بكر. هك زياد بكر. هك
وسبت الشقه وانا بجري
ومنهاره حرفيا………………..
——————————-♡
=حرام عليكي ياجهاد افتحي بقي
ماجد بغضب =افتحي كلنا بنترجاكي وانت ولاهنا طيب حتي انطقي وقولي ايه اللي حصل مش كده
تنهدت ماريا =خلاص ياماجد روح لصفاء
وماتقلقش عليها……
انا كنت قاعده ببص علي صورنا اللي ماليا التليفون
وعماله اعيط بهستريا انا لسه مش مصدقه اللي قاله
(عندما تحب لاتحب بقلبك بلا حب بعقلك… لانك من الممكن ان تصاب بزهايمر العقل ولكن من المستحيل ان تصاب بزهايمر القلب)
ماريا =طيب علشان خطري افتحي وانا صدقيني مش هزعجك خالص بس افتحي
انا رميت التليفون ومجرد ما وقفت الدنيا كلها اسودت قصادي وببطأ فتحت الباب بضعف شديد اتشكل علي ملامحي وقدمي بترتعش وقلبي بيضغط عليا جامد
ومجرد مافتحت الباب اترمت في حضن ماريا وفضلت اعيط اوي
ماريا فضلت تطبطب علي ظهري =ايه اللي حصل زياد زعلك
قلتها وانا منهاره =زياد طلع متجوز ياماريا متجوز انا ضيعت عمري علي اختيار غلط زياد كان بيتسلي بيا انا بكرهه بكرهه
بس ماريا ابتسمت بسمه صفره
وفجأه لقيتها بتقول =وفيها ايه لما يكون متجوز
انا بصتلها بصدمه وفجأه بدأت اربط الاحداث في عقلي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من عالم آخر)
