رواية من تكون الفصل الأول 1 بقلم ميرال مراد
رواية من تكون الجزء الأول
رواية من تكون البارت الأول
رواية من تكون الحلقة الأولى
الساعة وصلت 8 الليل… سمعت صوت عربيته تحت… اتشجعت و قررت أواجهه بأي طريقة أياً كانت !!
دخل الشقة و كالعادة راح يستحمى… استنيه لغاية ما خرج
‘ مراد… ممكن اتكلم معاك شوية ؟
كان بينشف شعره… رمى الفوطة بعيد و قالي
” ها قولي… فيه ايه يا رنا ؟
خفت من نبرة صوته دي… شكله مش فايق النهاردة و مضايق… بس لغاية امتى هفضل ساكتة ؟
اخدت نفس عميق و قولت بهدوء
‘ مراد… احنا بقالنا اكتر من 5 شهور متجوزين… يعني… محصلش بينا اي حاجة من ساعة اول يوم جواز… يعني أنت…
قطع كلامي صوت ضحكته… فضل يضحك لغاية ما عيونه دمعت… مسح دموع الضحك دي و قالي بنبرة استهزاء
” فيه وحدة تطلب من جوزها الطلب ده ؟ مش مكسوفة و انتي بتقولي كده ؟ انا الراجل هنا… و انا اللي احدد امتى ده يحصل او ميحصلش !!
اضايقت من كلامه اوي… كنت هسيبه و ادخل الأوضة… بس فيه حاجة خلتني افضل مكاني… اتشجعت اكتر و قولت بثقة
‘ لا انا مش بقولك كده عشان مثلا همو*ت على نظرة منك… انا بقولك عشان أنت واحد مش طبيعي… عشت معايا اول يوم جواز عادي جدا… و تاني يوم لحد اللحظة دي بتعاملني كأني وحدة غريبة عايشة معاك مش مراتك !!
قرب مني و بص في عيوني و اتكلم بنبرة تر*عب حرفيا
” رنااا… متعيشيش دور مش دورك… احنا اتجوزنا جواز صالونات عادي… و اهو تم… اوعي تستني مني إني اقع في حبك مثلا
بَعَد عني و ضحك و قال
” بس قوليلي… هو مين الغبي اللي قالك ان جواز الصالونات بينجح ؟ شكلك بقيتي مهوسة بكلام الرويات و المسلسلات اللي بتشوفيها… انتي بجد مستنية مني إني احبك ؟؟
‘ طالما أنت مش بتحبني ولا ناوي تحبني… ليه لمست*ني في اول يوم ؟؟ كان ممكن نقعد عادي كده زي دلوقتي… لكن انت قربت مني و حصل ما بينا علاقة… ليه عملت كده طالما أنت مش بتحبني… ايه الحلو في إنك تبقى في حضن وحدة مش بتحبها !!
” عشان مثلا مثلا… انتي مراتي و انا حُر اعمل اللي اعمله مزاجي بقا… و طالما مقربتش عليكي من يومها… ده بمزاجي برضو
قولت بزعل و الدموع في عيوني
‘ أنت مش من حقك تعمل فيا كده… مش من حقك تلعب بيا و بعد كده تركني على جمب… و طالما أنت بتكر*هني للدرجة دي… اتجوزتني ليه ؟
” و انتي اتجوزتيني ليه يا رنا ؟ هااا قولي ؟
” مالك ساكتة ليه ما تردي عليا ؟؟
بصيت للارض بخجل و قولت
‘ كنت مفكرة إنك إنسان بجد… كنت مفكرة ان خلاص طالما اتجوزنا هتحبني الحب اللي استحقه و تعوضني عن كل حاجة و*حشة اتعر*ضتلها في حياتي ( رفعت رأسي و بصتله بغضب ) لكن انت عاملتني ك لعبة… و بعد كده هجر*تني لما زهقت !!
قال ببرود
” ايوة يعني… المفروض اعمل ايه مع سيادتك ايه يا استاذة رنا ؟
كمل كلامه بإبتسامة مستفزة
” يعني لو عايزة نقضي ليلة مع بعض تاني… قولي كده على طول… بلاش جو المسلسلات اللي انت عايشة فيه ده و المقدمة اللي ملهاش اي تلاتين لازمة دي
اتفاجئت من كلامه… معقولة ده هو اللي اتجوزته !!
قرب مني… بصلي بخ*بث و لمس على شعري و قال
” للدرجة دي انا وحشتك… ها قوليلي… انتي عايزة نقضي ليلة مع بعض تاني ؟
زقيته بعيد و قولت بعصبية
‘ أنا عايزة اتطلق… طلقني يا مراد !!
راح ناحية الدولاب و فتحه
” مش طلاق… مش بمزاجك… لما اكون انا عايز اطلقك… هطلقك من غير ما تقولي… بس طالما انا مش عايز كده… يبقى انسي !!
‘ أنت واحد حيو*ان !!
ضحك و رمالي بطانية من الدولاب
” امسكي يلا… روحي نامي و ادفي كويس… سيبك من الهبل اللي في دماغك ده
اخد هو كمان بطانية و راح نام على الكنبة اللي في الأوضة… اه احنا بنام في نفس الأوضة لكن انا بنام علي السرير و هو على الكنبة
طفى النور و اتغطى و نام بكل راحة… و انا وافقة في نص الأوضة… مش عارفة اتحرك ولا اعمل اي حاجة !!
دخلت البلكونة و قفلت الباب ورايا… قعدت على الأرض و فضلت اعيط… بعيط بسبب إني حبيته بجد… حبيته من اول ما عرفته… حبيته لحد اللحظة دي… بس هو مش بيحبني !!
صعب اوي لما تحب حد مش بيحبك و انت مش في تفكيره حتى… مراد مش جوزي بس… مراد كان صديقي من ايام الجامعة… حبيته و عرفت كل تفصيلة صغير و كبيرة عنه… فرحت لما اتقدملي… و بغبائي رضيت بالجواز من غير خطوبة… كنت مفكرة ان صداقته ليا دي كافية و خلتني عارفاه كويس… بس هو طلع واحد تاني خالص معرفهوش !! كلامه و طريقته معايا و كل حاجة بقت غريبة… مش هو ده اللي أنا حبيته… مراد بقا شخص تاني
و اللي يو*جع اكتر إني عارفة سبب تغيره معايا… هو لسه بيحبها… و اتجوزني عشان ينساها زي ما عملت هي معاه… بس معرفش ينساها لحد دلوقتي… و لسه موجودة في قلبه… اما انا مجرد هامش في حياته… مراته على الورق و بس… حتى الصداقة اللي كانت بينا اتمسحت و اختفت !!
فضلت اعيط كتير… قلبي محروق اوي… حاسة اني مليش لازمة في حياته… انا مجرد وقت مؤقت في حياته… و متأكدة انه هيطلقني في اي لحظة… ممكن اصحى بكره الاقي ورقة الطلاق جمبي على المخدة… بس ليه كده ؟ انا معملتش حاجة غلط عشان يعاملني المعاملة دي !!
مسحت دموعي… و مسكت نفسي… و دخلت الاوضة… كان نايم عادي جدا… كأنه ولا عمل حاجة او قالي كلام زعلني… للدرجة دي انا مش فارقاله ابدا !!
نمت على السرير و حضنت المخدة و دموعي بتنزل غصب عني… حسيت نفسي مكتوم… عايزة اشكي لحد… عايزة حد يحضني و يقولي ان كل ده كابوس… و ان مراد بيحبني… بس الحقيقة واضحة زي الشمس… انا لازم اتقبل الواقع اللي بعشيه حاليا… لازم اتقبل مراد الجديد اللي معرفهوش ده !
تاني يوم………….
كنت صاحية و بتقلب على السرير… مراد كام واقف قدام المراية بيلبس الجاكت و بيرش برفان عشان خارج ل شغله… قومت من غير ما اقول ولا كلمة و دخلت الحمام
لما خرجت… رجعت لقيته بيربط الكوتشي… و لما خلص قالي
” سيبتلك مصروف البيت على الكنبة
اخد مفتايح العربية و لسه هيخرج… وقفته
‘ مراد !!
وقف وهو مديني ضهره
” نعم ؟
وقفت في وشه و حاولت على اد ما قدرت اخبي دموعي… بصيت في عيونه و قولت
‘ لو مراد اللي انا اعرفه كويس لسه موجود جواك ولو 1% بس… اكيد مراد ده عارف إني شخص قلبه ضعيف… ولو أنت لسه بتعرفني… اكيد عارف إن لما حد بيك*سر قلبي او يلعب في مشاعري و يضحك عليا و يخد*عني … مش بسامحه ابدا… ابدا يا مراد !! … و انا منكرش إني مغلفة جدا و وافقت بسهولة على قرار جوازي منك… بس انا وافقت على أساس انك مراد صديقي… مراد اللي اعرفه اكتر من 4 سنين… مراد اللي قلبه ابيض و لطيف و اكتر واحد بيخاف عليا
‘ … جوازي منك خلاني اتخيل إني بطلة قصتك… بس انا مش بطلة القصة دي… اكيد كان نفسك تبقى هي بطلة قصتك و كان نفسك ان هي تبقى مراتك مش انا … انا عارفة كويس إني اخدت دور مش دوري زي ما انت قولت… و مليش اي حق احاسبك على اي حاجة…
‘ بس أنت يا مراد… خد*عتني… و ضحكت عليا… خلتني مش عارفة انا اساسا بعمل ايه بإسمك و في بيتك و في اوضتك… اوعى تتخيل إني هسامحك بسهولة و امشي الأمور عادي… اوعى تستنى مني حتى إني اسامحك او اني ادوس على نفسي و على كرامتي عشانك… و زي ما أنت مسحتني من قلبك و عقلك… انا كمان هعمل كده من النهاردة… و زي ما انت اتغيرت… انا كمان هتغير… و هتبقى أنت آخر اهتماماتي… و صداقتنا اللي كانت زمان دي… خلاص اختفت و ملهاش اي وجود بالنسبة ليا او ليك !!
فضل مراد يبصلي بغضب مكتوم… قعد ساكت و مشي من غير ما يرد حتى… مراد بقا قلبه حجر اوي من ناحيتي… و انا غلطت غلطة كبيرة لما استنيت منه مشاعر ليا مش جواه اساسا
في شغل مراد………..
* مراد
* يا مراااااااد
* يا مراد ما ترد فيه ايه ؟؟
” ايه ؟
* بكلمك من الصبح و انت مش هنا خاااالص
” مفيش بس سرحت شوية… كنت عايز ايه يا قاسم ؟
* الموظفين الجداد اللي انت طالبهم للإنترڤيو… جم و مستنيين
” معلش يا قاسم انا مصدع شوية… روح أنت اعمل معاهم المقابلة و شوف اللي الاشخاص المناسبين للشركة و قولي التفاصيل
* تمام هروح… بس انت مش على بعضك… فيه حاجة مضيقاك ؟
كان قاسم بيكلم مراد… اما مراد كان اللي سامعه و بيتردد في دماغه هو كلام رنا… حس بتأنيب شديد… بسببه وصلت لمرحلة ” الكر*ه ” و طالما رنا وصلت للمرحلة دي… عمرها ما هتشوف مين قدامها… و هتبدأ حياة جديدة مع نفسها… في عالم لوحدها… من غير مراد
* يا مرااااااد
رد مراد بعصبية
” ماشي يا قاسم روح اعمل اللي انت عايزه و ابقا نتكلم بعدين يلا اخرج !!
* لا لا طالما بتطردني بالشكل ده يبقى فيه مشكلة
” لا مفيش
مسك قاسم تليفونه و قال للسكرتيرة تخلي الموظفين يستنوا… شد كرسي و قعد في وش مراد بالظبط و قال بهدوء
* مالك يا مراد ؟
مراد بزعل و هو باصص بعيد
” مفيش يا قاسم
* لا فيه… ده انت فاضل تكة و هتعيط… لا احكيلي فيه ايه بالظبط ؟؟
مراد بصله و سكت شوسة و بعد كده قال
” رنا
* مالها ؟
بدأ مراد يحكيله كل حاجة من الأول… و لما خلص قاسم هز رأسه بيأس و قال
* بقيت مبسوط دلوقتي يا مراد ؟
قام مراد و قال بعصبية
” لا مش مبسوط يا قاسم… اهي اتجوزت و عايشة احلى عيشة مع جوزها… حتى رنا خلاص خرجتني من حياتها… اما انا اهو بقيت كده… وحيد و من غير حد
* يعني أنت عايز رنا تعمل ايه بعد اللي عملته انت معاها ؟؟ رنا عندها حق في اللي بتعمله… بنت عرفت ان جوزها الغبي لسه بيحب الاكس بتاعته… عايزها تعمل ايه يعني ؟ تاخدك في حضنها مثلا !!
* مراد… اكتر حاجة ممكن تك*سر البنت… هي لما تعرف ان جوزها قلبه مع وحدة تانية… و ده مش سهل ابدا خصوصا على رنا… انت عارف كويس ان رنا علاقتها ب عيلتها مش كويسة ابدا… عشان كده اختارتك انت… و انت بدل ما تكون ليها العيلة اللي بتتمناها… اهن*تها و حسستها انها ملهاش اي قيمة… مستني منها ايه بعد ما كسر*تها اكتر من اهلها ؟؟
قعد مراد على المكتب و حط ايده على وشه و قال بزعل
” عارف اني غلطت… مش عارف عقلي كان فين لما عاملتها بالشكل ده… و مش عارف ازاي اصالحها !!
طبطب قاسم على ضهره و قال
* انت تقدر تكسب قلبها و تقدر تصلح كل ده… ابدأ معاها من جديد و احتوايها و اوعى تزعلها منك تاني و اول خطوة لكده…انسى رغد…لازم تنساها
” هعمل كده… هخليي رنا تحبني
* ايوة هو ده مراد اللي اعرفه !!
ابتسم مراد و حضن قاسم
الساعة 10 الليل………
رجع مراد على بيته… لقي رنا في الجنينة مو*لعة نا*ر… كان مفكر انها بتدفى… بس لما قرب منها… لقيها بتحر*ق الهدايا اللي جابها ليها زمان و كمان صورهم مع بعض
قال مراد بتفاجىء
” انتي بتعملي ايه ؟؟؟
رديت عليه ببرود
‘ بحر*ق صداقتنا يا مراد… مش ده اللي احنا اتفقنا عليه على ما اعتقد يعني ؟؟
مردش عليا… و جاب انبوبة المطافي و طفى النا*ر و حاول يخرج اي حاجة منهم … يادوب عرف يطلع صورة وحدة بس هي اللي فضلت سليمة شوية… اما الباقي اتفحم حرفيا !!
مسك مراد الصورة و بيمسحها بهدومه… كانت صورتنا انا وهو يوم التخرج… كان يوم جميل اوي… بس ده كان زمان مش دلوقتي… بصلي مراد بعصبية و زعق فيا و قالي
” انتي ازاي تعملي كده ؟ اللي حر*قتيه ده فضلنا 4 سنين بنعمل صور حلوة زي دي و نحتفظ بيها ك ذكريات لينا… ازاي تر*ميهم كده ؟؟
ضحكت و قولت
‘ متضحكش على نفسك يا مراد… الصور و الهدايا دول اساسا ملهومش اي تلاتين لازمة… لقيت الدولاب مليان بسببهم ف روحت ر*ميتهم… ملهمش لازمة بجد يا مراد
مسك ايدي و اتعصب اكتر و قالت
” ازاي ملهمش لازمة… ازاي يا رنا ؟؟
شاورلي على الصورة اللي في ايده و قال
” فاكرة اليوم ده… انا فاكره كويس و مش هنساه ابدا… و فاكر لما قولتليلي ان ده احلى يوم في حياتك… ازاي هان عليكي تر*مي صورتنا انا و انت وسط النا*ر كده !!
قولت بلامبالاه
‘ زي ما انت هان عليك تخد*عني و تضحك عليا بسهولة و اتجوزتني عشان تنساها !!
” رنا اقفلي الموضوع ده !!
‘ حاضر هقفله… بس الجر*ح اللي قلبي مش هيتقفل و هيفضل ينز*ف كتير اوي بسببك !
سحبت ايدي من ايده و طلعت فوق
فضل واقف مراد و باصص على طيفي و على صورتنا اللي في ايدها
حط الصورة جمب قلبه و قال
” حكايتنا منتهتش يا رنا… حكايتنا هتبدأ من دلوقتي !!
طلع مراد فوق… حط الصورة في برواز و شالها بعيد عن رنا
كنت انا نايمة على السرير و ماسكة التليفون بقلب في الفيس
دخل مراد اخد ترينج و راح غير هدومه
قرب مني و قعد على ركبته و قالي
” في فيلم تركي نزل جديد… اعمل فشار و نتفرج عليه ؟
مردتش عليه و اتقلبت للناحية التانية… قام هو جه من الطرف التاني قالي
” طب اتكلمي… قولي اي حاجة… متفضليش ساكتة كده !!
‘ انا اتكلمت كتير بما فيه الكفاية… لغاية ما تعبت بجد… ارجوك سيبني في حالي
” يا رنا انا….
غطيت وشي بالبطانية… لاني مش عايزة اسمع منه اي كلمة… مراد عارف كويس إني مليش حد غيره… عشان كده كان بيعاملني كده… عارف إني مليش حتى صديقة اترمي في حضنها و افضفض معاها… حس انه حاجة كبيرة اوي عليا… فبدأ يعاملني اوحش معاملة… و دلوقتي بيعمل نفسه طيب عشان يرضي ضميره مش اكتر… بس انا مش ع*بيطة لدرجة إني اخد نفس الق*لم من نفس الشخص !!
فضل يشد في البطانية عشان افتحها… لكن انا كنت شديدة و مغطية نفسي كويس… زهق راح قالي
” خلاص يا رنا… خلاص… هنتكلم بكره زي اي اتنين متجوزين و نحل كل مشاكلنا
فتحت البطانية و قولت بكل برود عندي
‘ أنت اللي عندك مشكلة مش انا يا مراد… انت اللي لسه بتحب وحدة متجوزة مش انا… دي مشكلتك لوحدك و حِلها بعيد عني
” والله ما بحبها يا رنا… صدقيني !!
‘ اومال اللي أنت فيه ده يبقى ايه بالظبط ؟
” بموڤ اون منها
ضحكت ضحكة اصطناعية و قولت
‘ موڤ اون منها بعيد عني !!
غطيت وشي بالبطانية تاني… بدأ يشد في البطانية تاني و يقولي
” يا رناااا… والله كنت بهزر… قومي يلا… طب متناميش كده و طلعي كل اللي جواكي فيا
‘ طلعته يا مراد… و يلا روح على مكانك !!
” ماااشي ماشي… بس هنتكلم بكره !!
ساب البطانية اخيرا و راح نام على الكنبة
تاني يوم……………..
صحيت و بتقلب عادي على السرير لقيته قاعد على الكرسي قدامي
” اهو صحيتي… يلا نتكلم
مردتش عليه و قومت دخلت الحمام… خرجت لقيته لسه على نفس قاعدته
” بصي انا مش رايح الشغل… و قاعد في وشك 24 ساعة… و هنتكلم انا و انتي زي البشر يعني هنتكلم !!
مردتش عليه و فكيت شعري و بدأت اسرحه
وقف ورايا و قرب مني و بيشم شعري
” ايه الحلاوة دي يا رنا… بتحلوي من ورايا ؟
زقتيه بعيد و قولت بتحذير
‘ متقربش مني و الا………
حط ايده على بوقي… بص ل عيوني بحد و قالي
” و الا ايه يا رنا ؟ هتضر*بيني بالمشط اللي في ايدك ؟
معرفتش افلت منه و قالي
” انتي مراتي يا رنا… اقرب منك زي ما انا عايز !!
قرب مني اوي و با*سني في خدي… اتعصبت اوي روحت ضر*بته بالق*لم
صرخ فيا و قال بكل صوته
” انتي ايه اللي عملتيه ده !!
‘ مش أنا كنت وحدة سهلة و رخ*يصة لما خليتك تقرب مني اول يوم… و مش انا برضو اللي كنت همو*ت على نظرة منك… و انت يا سيادة الفهد عامل نفسك كبير عليا و قعدت ترمي عليا كلام إني عيزاك وخلاص… دلوقتي جاي تقرب مني… احلويت في عيونك دلوقتي يا مراد ؟
مسك ايدي بعصبية شديدة و قالي بغضب جحيمي
” ازاي تمد*ي ايدك عليا بالشكل ده ؟؟
‘ عشان حاولت تقرب مني…
” انا جوزك و ده حقي الشرعي !!
‘ بس انا مش عايزاك تقرب مني ولا حتي تلمس شعرة وحدة مني !! و عمري ما هوافق على مفاهيم الرجولة الغلط اللي أنت فاهمها و مقتنع بيها و بتطبقها عليا !!
زاد غضبه اكتر و قال
” كان بإمكانك تقولي لا… ضر*بتيني ليه ؟؟
‘ بصراحة أنت تستاهل الق*لم ده… و كل ما هتحاول تق*ل ادبك معايا هتلاقي قل*م زيه بالظبط… لغاية ما تتعدل و تفهم إني انسانة و ليا رأي و بحس زي ما انت حسيت كده بقوة القل*م اللي ادتهولك !!
بصلي بغضب شديد… عيونه قلبت احمر من كُتر الغضب
ساب ايدي و خرج
وهو خارج كان حاطط ايده على خده… انا اتعمد*ت اضر*به الكف ده… عشان انا اكتر وحدة عارفة ان مراد مش بيحب ابدا حد يمد ايده عليه مهما كان يكون… و بيتجنن زي ما اتجنن دلوقتي لما ضر*بته !!
سرحت شعري عادي و روحت اعمل الفطار ليا
مراد كان واقف في الحمام قدام المراية و ساند ايديه الاتنين على الحوض و بيبص على وشه في المراية… كان متعصب جدا
” رنا مضر*بتنيش عشان حاولت اقربلها… ضر*بتني لانها عارفة كويس إني مش بحب الحركة دي و حاولت تستفزني و نجحت في ده !!
شغل الحنفية و غسل وشه… و بعد ما خلص قفلها و رجع بص على نفسه في المراية و قال بنفاذ صبر
” انا هوريكي كويس مين هو مراد… هوريكي يا رنا !!
خرج مراد… ملقنيش في الأوضة… راح على المطبخ لقيني بشرب لبن و باكل توست
قعد على الرخام بتاع المطبخ… سحب تفاحة و بدأ ياكلها… عملت نفسي مش شيفاه… انا عليا طرق تجاهل تخلي الواحد ينتح*ر حرفيا… بالذات مراد…
لما لقيني مش متكلمة ولا معترضة حتى على قعدته على الرخام… راح اتكلم هو
” اوعي تتخيلي إني هعدي ضر*بتك ليا بالساهل كده… هردهالك بس بطريقة تانية
‘ زي ايه مثلا ؟
” لا لا… سيبي المفاجأة ل وقتها
‘ حاضر… ممكن اعرف عنوان المفاجأة بس ؟
” أنا هتجوز عليكي
قولت بترجي تمثيلي
‘ مراد بيك لا تتركني هيك… دخيلك معلم لا تتجوز علي !
ضحك مراد و اخد قطمة من التفاحة و قال
” انا مش بهزر يا رنا
خبطت ايدي على الترابيزة و قولت بحماس
‘ العروسة تبقى رغد صح ؟ اقصد ضُرتي تبقى رغد…
قال بيأس
” مفيش منك فايدة بجد
‘ اخلص قول مين هتبقى ضُرتي ؟
وقف و قرب مني و انا فضلت ارجع لوراء
‘ مراد ابعد… هضر*بك تاني بجد !!
فضل يقرب و انا ارجع لغاية ما وصلت لنهاية الحيطة… حاولت اهرب بس هو حاوطني بأيديه اللي سدت كل المخارج اللي كان ممكن اهرب منها
‘ مراد… هتتهو*ر انا كمان هتو*ر عليك !!
ضحك و قالي
” ايه هتعملي ايه يعني… هتجيبي سك*ينة تضر*بيني بيها المرة دي ؟
‘ هرن على البوليس ابلغ عنك
” اااه… و يجي البوليس يقولي ايه المشكلة اقوله بقرب من مراتي حبيبتي راحت بلغت عني
‘ أنا مش حبيبتك… حبيبتك تبقى رغد
قرب من ودني و قال بهمس
” انتي حبيبتي غصب عنك يا رنا
رجع شعري لوراء بإيده و بصلي في عيوني و قال
” أنا مش عارف عقلي كان فين لما سيبت رنا القمر دي و بصيت لوحدة غيرها… مش عارف بجد… انا طلعت غبي لدرجة إني سيبت الانسانة اللي عارفة عني كل حاجة… عارفة تحركاتي و الحاجات اللي بحبها و عارفة اللي بيضايقني اكتر مني شخصيا… اقولك بصراحة… انا جاتلي فترة كده بعدت عنك بدون بسبب… مش عارف ليه… بس اللي عرفته إني مراد ملهوش غير رنون السُكر دي
‘ اه عرفت كده لما رغد غفلتك و راحت اتجوزت غيرك صح ؟
كنت حاسة انه هينف*جر غضب فيا بس ده ضحك و قال
” طب و ليه متقوليش ان مراد رجع مراد اللي بتحبه رنا ؟
‘ مش قادرة اصدق و مش هصدق اصلا… الناس بتاخد سنين عشان تتغير… و انت تتغير خلال ليلة وحدة… ليه سبايدر مان و انا معرفش ؟
مسك ايدي حطها على قلبه و قال
” مش بعدد السنين ولا الشهور… ده على حسب ما بيدق ده… طالما ده دق و رجع لنضبه الطبيعي يبقى من الطبيعي ان مراد ميشوفش قدامه غير رنون !!
حاولت اسحب ايدي من على قلبه… فضل مثبتها و كمل كلامه
” انا فعلا غلطت… انتي عندك حق في كل كلمة قولتيها و في كل اللي بتعمليه… انا في الأول اتجوزتك عشان انساها بيكي… بس ملاحظتش انا جر*حت مين بسببها… أنا جر*حت اكتر وحدة بتحبني بدون مقابل… اكتر وحدة استحملتني في حالاتي الانفاعلية… اكتر وحدة عارفة اني من غيرهل اضيع و انتهي… انتي اصلا قبل ما تحبيني انا كنت بحبك… بس كنت ببعد عني الفكرة خوفا من إنك تقوليلي في يوم أنت مش اكتر من صديق بالنسبة ليا… مكنتش هستحمل لو قولتي كده !!
‘ بس أنت مسألتنيش اصلا عن مشاعري من ناحيتك… و انا اللي خبيت عليك خوفا من انك ترفضني… و أنت رفضتني اصلا… كنت بعيد عني دايما… بقالنا 5 شهور متجوزين و انا مش بشوفك غير لما بتيجي تنام… عدى 5 شهور و انت بعيد عني كل ده و لما عاتبتك قولت عليا إني همو*ت على نظرة منك… حسستني إني وحدة ملهاش لازمة بالنسبالك… الاحساس ده قتل*ني من جوايا… و قت*ل كل حاجة كانت جوايا ناحيتك… و عشان انت عارف كويس إني مليش حد اروحله اشكيله منك ذ*لتني يا مراد… أنا مستحيل اسامحك على كده…
دموعي نزلت قدامه غصب عني… اصل نفسي صعبت عليا نفسي اوي… عمري ما كنت اتخيل إني اتو*جع الو*جع ده بسبب مراد
عيط هو كمان و قالي و وهو بيمسح دموعي بإيده
” يعني غلطتي لا تغتفر ؟
‘ مش هتغتفر اساسا غير في محكمة الأسرة يا مراد !!
ضحك و الدموع مالية عيونه و قالي
” اضر*بيني براحتك… هروح ل دكتور عادي
‘ اضر*بك ليه ؟
” عشان كده
اخدني في حضنه و قالي
” اهلا وسهلا بيكي في بيتك الجديد… مش هتخرجي من حُضني ابدا
حاولت ابعد… بس هو كان اقوى مني… كان حاضني بكل قوته… بس انا كنت معلقة ايديا في الهواء و مش عارفة ابادله الحُضن ولا لا… خايفة اثق فيه تاني… يروح يسبيني زي الأول !!
لما لقيني مش ببادله الحُضن… بَعَد عني و مسح دموعه و قالي
” عارف انك محتاجة وقت عشان تثقي فيا… هديكي الوقت اللي انتي عيزاه… و بقولك بنفسي اهو… لو لقيتني متغيرتش… ابعدي عني و سبيني و ده هيكون عقا*ب كفيل انه يد*مرني… بس في نفس الوقت مش عايز اكسر*ك عشان نفسي…
مردتش عليه بس اطمنت شوية… حساه فعلا بدأ يرجع مراد اللي اعرفه… حاول يفك النكد اللي احنا فيه ف قالي
” تعالي نرسم ؟
‘ نرسم ايه ؟
” اي حاجة… على فكرة… انا جبت الوان زيت فيبر كاسلت رهيبة… تعالي جربيها
وافقت وهو طار راح يجهز كراسة الرسم و الألوان… انا و مراد متعودين لما بنكون مضايقين… بنرسم… بنرسم مع بعض اي حاجة…
عملت شوية سندويتشات و عصير لينا نتسلى بيهم و احنا بنرسم
قعدنا في الصالة… فرشنا على الترابيزة الوان كتير اوي
بدأت ارسم وهو كمان بدأ… و بعد ما خلصنا رسم… كل واحد فينا رفع ورقته يوريها للتاني… رفعنا الورق في نفس اللحظة
لقيت مراد راسم في ورقته كان راسمنا انا وهو… و انا كنت راسمة قطة 🌚
” تصدقي انك باردة !!
‘ ليه ؟
” عشان انا تعبان في الرسمة عشان تطلع حلوة و عشان تعجبك و انتي بقالك ساعة بحالها و كل التركيز ده على قطة ؟؟
‘ خلاص نعتبره قط و هسميه مراد… ده حتى فيه شبه منك
” بطلي تطبيل يا رنا
‘ اهو القط ده خطر في بالي… اعمل ايه اذا كان عقلك كله مليان بنات ؟
” يا ربي… انتي شيفاني رسمت نفسي وسط شلة بنات… انا راسمك انتي و انا بس… وهو ده اللي بفكر فيه… بفكر فينا مش في القطط يا رنا
‘ خلاص يا عم الفنان… عرفنا انك فنان و صاحب موهبة عظيمة… ها حاجة تاني ؟
ضحك و قالي
” أنا بجد مش عارف اروح فين من حُبك ليا… يلهوي على الحب ده يا جدع 😂
ضكحنا في صوت واحد… فجأة جرس الشقة رن… و فضل يرن كتير
قام سيف فتح الباب… و اتفاجىء لما لقي البوليس !!
” نعم ؟
قال الظابط
* أنت مراد آدم علي ؟
” اه انا
* حطوا في ايده الكلبشات و هاتوه على البوكس… يلاااا
” ليه ؟ فيه ايه مش فاهم… تاخدني على البوكس ليه ؟
* انت متهم في قضية قت*ل محمد علاء
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية من تكون)
