رواية تزوجني ولكن الفصل السابع عشر 17 بقلم الكاتبة الصغيرة
رواية تزوجني ولكن البارت السابع عشر
رواية تزوجني ولكن الجزء السابع عشر
رواية تزوجني ولكن الحلقة السابعة عشر
فتحت اسماء الباب وكان خالد اللي كان بيبتسم ابتسامة خبث لها
اسماء : انت ايه اللي جابك هنا
خالد : في ايه ي بنت عمي هي دي اتفضل اللي بتقولوها للضيوف
اسماء : امشي من هنا ي خالد حالا
خالد وهو بيدخل : شكرا علي استقبالك العظيم دا
اسماء : انت عاوز ايه مننا ايه اللي جابك هنا
خالد : جاي اتطمن علي بنت عمي اللي من لحمي ودمي ايه حرام
اسماء : واللهي دلوقتي بقيت من لحمك ودمك وقبل كدة كنت من الشارع انت بعد اللي انت عملته متوقع اقولك ايه اخدك بالحضن مثلا
خالد : ياريت
اسماء : احترم نفسك انت قاعد في بيتنا يبقي تقعد باحترامك ي اما تطلع برة
خالد : بقي كدة ي بنت عمي
اسماء : دا اللي عندي واتفضل قول انت جاي ليه وبلاش الكدب واللف والدوران انا وانت عارفين انك مش جاي تطمن علينا
خالد : فاهماني دايما ي سوسو
اسماء : انا اسمي اسماء وانجز يلا
خالد : انا جاي اخدكم تعيشوا معانا
اسماء : والنبي ايه وانت متوقع مني اقولك ايه دلوقتي
خالد : انا عارف انك هترفضي بس انا مش همشي من هنا الا وانتي معايا انا مش هسيبك تعيشي من غير وجود راجل يقف جمبكم وانا سمعت ان محمد اتسجن
اسماء : والله انا مليش دعوة يتسجن واللا لا هو زيه زيك انت فضحتني باللي عملته وهو جرحني لما صدقك ومرضيش يسمع الحقيقة
خالد : هتيجي معايا ي اسماء وحالا انتي ومرات عمي
اسماء في خاطرها : حلو اهو كدة الخطة ماشية صح باذن الله اصرارك اني اعيش معاكم هو هيكون السبب في نهايتك ودا هيكون قريب اوي
خالد : ها قولتي ايه
اسماء : هاجي بس بشرط
خالد : وايه هو
اسماء : ان خالتي هنادي تيجي معانا انا مش هسيبها لوحدها ابدا
خالد : وانا موافق
اسماء : انا هدخل عشان اجيب حاجتي وافهمهم
دخلت اسماء الاوضة وهي فرحانة ان خطتهم نجحت من غير اي مجهود
هنادي : ها ايه اللي حصل
اسماء : الخطة ماشية كويس لحد دلوقتي هو جاي ياخدنا نعيش معاهم
جميلة : يعني هنسيب هنادي لوحدها
اسماء : هنون هتيجي معانا انا اشترطت عليه انها تيجي تعيش معانا وانتي ي مايا هتعيشي في بيت خالتي دا باعتبار ان محمد متجوزك ولازم تروحي تزوريه كل يوم وتحكيله علي اللي بيحصل انا مش هقدر اروح له عشان مننكشفش هكون هلي تواصل معاكي وانتي هتوصليه لمحمد
مايا : ماشي بس انا خايفة اوي ي اسماء
اسماء : طول ما احنا مع بعض هنقدر نطلع محمد من السجن ونحط اللي يستاهلوا هناك كلكم معايا
الكل : معاكي
اسماء : يلا نجهز الشنط بسرعة وانتي ي مايا تستني لحد ما احنا ننزل وبعدين تطلعي علي الشقة لانه لو شافك هيكشفنا
مايا : حاضر
خلصوا تجهيز الشنط وطلعوا برة قابلوا خالد اللي كان قاعد بيلعب في تليفونه بملل
خالد : اخيرا دا انا قولت انكم نمتوا
اسماء : يلا نمشي احنا جيبنا كل حاجتنا
خالد : يلا
نزلوا وحطوا الشنط في العربية وركبوا وبعد نص ساعة كانوا وصلوا لبيته دخلوا لقوا والد خالد في استقبالهم
محمود والد خالد : اهلا نورتوا البيت
جميلة : البيت منور بصحابه
جات مروة واول ما شافت جميلة حضنتها بفرحة
مروة : ازيك ي خالة جميلة
جميلة : الحمد لله ي بنتي وانتي عاملة ايه
مروة : كويسة
وبصت لاسماء وقالت : هي دي اسماء
جميلة : اه هي ايه رايك
مروة وهي بتحضنها : بسم الله ماشاء الله قمر انتي فاكراني
اسماء : اكيد انتي مروة بنت عمتي صح
قاطعهم صوت محمود : محبش اقطع عليكم اللحظة دي بس يلا خوديهم ي مروة علي اوضهم فوق
مروة : حاضر
خدتهم مروة لفوق ووصلت هنادي وجميلة لاوضهم وراحت عشان توصل اسماء لاوضتها اول ما وصلوا اخدتها اسماء من ايدها ودخلت بسرعة وقفلت الباب
اسماء : مروة انا عاوزة اقولك علي حاجة مهمة اوي
مروة : في ايه ي اسماء
اسماء : ……….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تزوجني ولكن)
