رواية من تكوني الفصل الخامس 5 بقلم ديجا
رواية من تكوني البارت الخامس
رواية من تكوني الجزء الخامس
رواية من تكوني الحلقة الخامسة
جميله :برده عملتى اللي في رأسك ورحتى من ورايا طلبتى من أختك فلوس
جنه:أنا حكيت لها اللي حصل بس
جميله :يا بت مش عليا هو أنتى لما تحكلها انتى هتهونى عليها يا بنتى كفايه عليها مصاريفكم وعلاجى مش هقولك الأكل والشرب معاش ابوكى ما بيعملش حاجه ده نقطه في بحر وهى يا حبه عينى بدل الشغله اتنين وحارمه نفسها من كل حاجه عشان انتى واخوكى تتعلموا وموفرالك كل حاجه
جنه:يووووه يا ماما كل يوم نفس الاسطوانه ما هو أن شاء الله هتخرج واشتغل واديها اللي هى عايزاه
جاسر كان واقف متابع الحوار من الأول
جاسر :هتفضل طول عمرها دبش يا بنتى أختك مش بتعمل كده عشان مستنيه تشتغلى وتصرفى عليها هى بس عايزانا احسن الناس وتحقق حلم بابا الله يرحمه المفروض نبوس ايدها وراسها كل يوم على اللي هى عاملاه معانا ده فى رجاله بشنبات بترمى عيالها مش أخواتها
جميلة :تسلم يا حبيبي ربنا يحفظك ويبارك فيك وتفضل سند لاخواتك
جاسر:ويخليكى لينا يا ست الكل
جميله:يخلينى تعملوا بيا إيه
جنه وجاسر حضنوها :انتى الخير والبركة يا حبيبتي
جنه:خلاص هكلمها واقولها هلبس حاجه من عندي ومتزعليش بقى
جميله:ربنا يخليكم لبعض ويسعدكم يارب
===========بقلمى /ديجا 💗💗💗💗💗
جويرية :يا جماعة عايزه منكم خدمه
الكل :قولى يا جورى
هانى :انتي تؤمري يا ست البنات
جويرية :شكرا ليكم جميعاً.. بس فى حد محتاج مساعدة ماديه وفى الحقيقة هى فوق إمكانياتى لوحدي
هند:محتاجه كام يا جورى
جويرية :حوالى ١٠ تلاف كل واحد ومقتدرته دى اظرف كل واحد ياخد واحد ويحط اللي يقدر عليه
أسر كان نازل يشوف الشغل ماشى إزاى بس وقف يتفرج وقرب خد ظرف زيهم
أسر :تسمحولى أشارك معاكم
حسين :طبعا يا بنى اتفضل
كل موظف خد ظرف وحط اللى فيه النصيب
جويرية لحسين :أنا هطلع أشوف شغلى بعد أذنك يا عم حسين خلى الفلوس دى فى أمانتك هيام محتاجه عمليه ضروري وانت عارف ظروفها بس الكلام ده بينى وبينك عشان الإحراج
حسين :ربنا يباركلك يا بنتى حاضر
وخد الاظرف وحطها فى درج مكتبه
أسر :آنسه جويرية ممكن تيجي المكتب لحظه
جويرية :حاضر
أسر :كنت عايز مساعدتك فى التصميم ده
جويرية خدت القلم وبدأت تكمل رسم التصميم وأسر واقف باصص عليها وسرحان فيها ❤❤
…… :شكلى جيت فى وقت غير مناسب
أسر :أهلا وسهلا ابدا زى ما انتى شايفه عندنا شغل
……. :امممممم وحضرتك واقف تتفرج على البتاعه هو ده شغل بردو
أسر بعصبيه :ليان الزمى حدودك اسمها البشمهندسه جويرية واظن دخلتى لقتينا بنشتغل
جويرية بتعجب انه بيدافع عنها وليه قال عنها مهندسه وهى مكملتش اصلا :انا آسفه شكلى اتسببت فى مشكله
أسر :ولا مشكلة ولا حاجه الانسه ليان تبقى خطيبتى بس دماغها صغيرة
ليان: ممكن تسيبنا لوحدنا يا حضرة البشمهندسه
ليان بنت بعيون عسلى وشعر أشقر قصير لحد كتفها متوسطه الطول جميله بس مش فجمال جويرية لبسها متحرر بعض الشئ لكن أسر خطبها تقليدي بعد صدمه عاطفيه هنعرفها بعدين
جويرية :حاضر تحبى تشربي حاجه
ليان :احب تخرجى بره
خرجت جويرية وسابتهم واضايقت من أسلوب ليان
أسر :ايه قله الذوق دي مش تخلى بالك من كلامك
ليان:ما تضربنى احسن مالك بدافع عنها كده ده انت واقف وعينك هتطلع عليها مع إنها لوكل أوى
أسر :إنتى ما فيش فايده فيكى وفى دماغك إنتى ليه محسسانى أنك جيتى لقيتها في حضني
ليان:أسر أنت واخد بالك ان فرحنا بعد أيام وعمرك ما قولتلى كلمه حلوه عمرك ما اتصلت تطمن عليا أنا ديما اللي بقول وانا ديما اللى بتصل بيك وعلى طول مش فاضي لو مش عايز تتجوزنى قولى
أسر بتنهيده:إنتى ليه مكبرة الموضوع كده أنا من البدايه كنت صريح معاكى وقولتك ماليش فالكلام وشغلى رقم واحد وأنتى وافقتى صح ولا لأ
ليان قربت عليه وحضنته بس هو ما بدلهاش الحضن :حاول تقرب منى وتحبنى هيبقي ليك فالكلام ده
أسر بعد ايدها :أكيد انتى لسه قايله فرحنا بعد أيام
ليان :طب يلا نتغدى مع بعض ومتقوليش عندي شغل
أسر إبتسم بتكلف :تمام يلا بينا بس مش هتأخر عشان فعلاً عندي شغل
خرجوا من المكتب وليان مسكت ايده بتملك قدام جويرية
أسر :خدي بريك ولما أرجع نكمل شغلنا
جويرية :حاضر
ليان بصتلها من فوق لتحت وده ضايق جويرية أوى
بعد شوية جه رشدي ومعاه هنا
رشدي :الجميل سرحان فى اية
هنا:من ناحيه جميل فهى جميله دى ماما لو سمعتك انت عارف بقى
جويرية ابتسمت :اخبار حضرتك ايه
رشدي :الحمدالله بخير هو أسر مش هنا ولا إيه
جويرية :لأ خرج مع خطيبته
هنا:هى كانت هنا الحمد لله
رشدي :عيب يا نونا كده كلها ايام وتبقى واحده مننا
هنا :soryyيا حجوج انا هروح اشوف اخبار الاتيه عندكم ايه أجبلك قهوه معايا
رشدي :اه يا ريت.. جورى تشربى إيه
جويرية :ابدا شكرا انا لسه شاربه
هنا :ايه ده إيه ده اوعى تكوني بتتكسفى
جويرية ضحكت :لا والله ياقلبي
رشدي :يلا روحي خلينا نشوف ورانا ايه
هنا بغمز :مش مرتاح أنا
جويرية :اخبار صحتك ايه ماشى على العلاج ولا
رشدي :الحمد لله بخير وباخذ العلاج ورحت كمان للدكتور وطمنى
جويرية :الحمد لله
هنا جت وأسر كمان وفضلوا يتكلموا وقت طويل عن التصميم الجديد وجويريه اقترحت أفكار حلوة وجه معاد الشغل فالمول وأسر عرض عليها ياخدها معاه لكن رفضت ورشدى أصر عليها تركب معاه فالطريق
أسر :مضايقه عشان راكبه معايا
جويرية :لا أبدا بس مش عايزة اكون سبب فى مشكله تانيه
أسر :اممممم لا يا ستى مفيش مشكلة أولى عشان يكون في تاني
جويرية :ممكن اسأل حضرتك سؤال
أسر :أنا ليه قولت عنك الصبح أنك مهندسه
جويرية ضحكت والضحكة خطفت قلب أسر :اه فعلاً
أسر :عشان حضرتك هتكملى أن شاء الله انا كلمت ناس معرفه وهتمتحنى وتاخدى شهادتك
جويرية :بجد مش هينفع انا خلاص خدت نصيبي ومش زعلانه
أسر :انا يا ستى هساعدك ما تقلقيش وهوفرلك وقت للمذاكرة
والموضوع منتهى ما فيش نقاش من بكره هنبدأ مذاكره انتى موهوبه حقيقي وحرام تضيعي الفرصه
جويرية عينها دمعت من الفرحه :مش عارفه أشكر حضرتك إزاى
أسر :الشكر ده لما تتفوقى والاقى نتيجه كويسه لانى مراهن على نجاحك اتفقنا
جويرية :اتفقنا ان شاء الله أكون عند حسن ظنك
اليوم عدى وجويريه فرحانه ومتلهفه تروح عشان تبلغ مامتها الأخبار الحلوه دي وبعتت الفستان لجنه عشان تروح فرح صحبتها وطقم كلاسيكي لجاسر عشان يروح معاها
لكن دائما تأتى الرياح كما لا تشتهى السفن 😥😥
فونها رن وكانت نرمين
جويرية :ايه يا نرموا وحشتك مال صوتك فى اى
نرمين :تعالى حالا يا بنتى……
جويرية الفون وقع من ايدها وقعدت على أقرب كرسي
أسر :خير يا جويرية فى حاجه
جويرية :أنا لازم امشي حالا وقامت تجرى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من تكوني)
