رواية من تكوني الفصل الثامن عشر 18 بقلم ديجا
رواية من تكوني البارت الثامن عشر
رواية من تكوني الجزء الثامن عشر
رواية من تكوني الحلقة الثامنة عشر
إبتهال :مش عارفه أسر راجع متأخر ليه كده
رشدي :يمكن عنده كان عنده شغل هى جوري متعرفش هو كان فين
إبتهال :قالت إنه عنده إجتماع
رشدي :الصباح رباح نبقى نسأله الصبح يلا عشان نصلي الفجر ونام
إبتهال :ماشى يلا
================بقلمي /ديجا 💕💕💕💕💕💕
أسر دخل الاوضه لقى جويرية نايمه عالكنبه وهي قاعده وفى ايدها المصحف وصينيه الأكل زى ما هى
أسر بحنيه :جورى جورى انتي نايمة كده ليه
جويرية :امممم أنت جيت أمتى يا حبيبي اتاخرت أوى
أسر :لسه جاي دلوقتي معلش جالي مشوار كده انتي إيه اللي نيمك كده مش نايمه عالسرير ليه والاكل زي ما هو
جويرية :ابدا صليت وقعدت اقرأ قرآن واستنيت ناكل سوا بس أنت اتأخرت أوى
أسر :أنا آسف حقك عليا هنزل اسخن الأكل واطلع
جويرية :انت مكلتش
أسر :لأ كلت أنا هسخن ليكى انتي
جويرية :لأ خلاص هات الأكل ده هنزله المطبخ هصلى وانام
أسر :ليه بس هتنامى من غير أكل
جويرية بزعل بتحاول تداريه:خلاص الفجر طلع هنام وشويه هفطر
نزلت جويرية المطبخ تحط الأكل فالتلاجه قابلت إبتهال
إبتهال :أيه ده يا جوري الأكل زى ما هو انتوا ما كلتوش
جويرية :لأ يا طنط أنا نمت وأسر كل برة
إبتهال :وهو كان فين كل ده
جويرية :خلص شغل وراح مشوار
إبتهال :مشوار إيه ده لحد دلوقتي
جويرية :مش عارفه والله يا طنط
إبتهال :طب يا بنتى كلى اى حاجه خفيفه كده
جويرية :ماليش نفس والله
إبتهال : طيب يا حبيبتي اطلعي ارتاحي
عند أسر فلاش باك
سهيله :ممكن اطلب منك طلب
أسر :اتفضلي
سهيله :ينفع تيجى معايا عند الدكتور اصل كنت عامله تحاليل وطلب مني اروح بنفسي استلمها وانا خايفه بصراحه
أسر :أكيد طبعاً
سهيله :شكرا يا أسر بجد مش عارفه اقولك ايه اصل بابا وماما مسافرين عند سها كنت خدت ماما
أسر :ولا يهمك يا سهيله انتي زى هنا
سهيله :ميرسي يا أسر
راحوا للدكتور وقالهم: يؤسفني أنى اقولك التحاليل بتاعت حضرتك يا آنسه سهيله فيها كانسر
سهيله بصدمه :ازاي يا دكتور أنت بتقول ايه
أسر :اهدي بس يا سهيله كمل يا دكتور الحاله وصله لفين
الدكتور :الحاله مستقره نوعاً ما ومع العلاج أن شاء الله هتقومى بالسلامه لازم جلسات كيماوي وهنبدأ اول جلسه النهارده ولازم راحه والنفسيه رقم واحد اتفضلي يا آنسه عشان تجهزى للجلسة
سهيله :طيب يا أسر تقدر تروح انت عشان ما تتأخرش
الدكتور :لأ مش هينفع لازم يكون معاكى حد بعد الجلسه عشان هتكوني تعبانة
سهيله :خلاص هكلم سما صحبتى تكون معايا… اتصلت عليها إيه يا سمسم عامله ايه فينك…… ايه ده بجد فالساحل امممم تمام خلاص بعدين اقولك.. سلام
أسر :خلاص ما فيش مشكله يا سهيله هكلم جويرية تجيلك
سهيله بعياط :لأ لأ ارجوك أنا مش عايزة حد يعرف اني تعبانه مش عايزة حد يشفق عليا ارجوك
أسر :خلاص اهدي يا سهيله أنا هفضل معاكي لحد ما تروحي وتبقي كويسه
دخلت سهيله الجلسة وأسر قفل تليفونه عشان ميضطرش يرد على جويرية ويقولها لأنها اكيد كانت هتيجى
وبعد الجلسه كانت تعبانه وصلها للبيت ومكنش فيه حد وفضل معاها وطلب أكل واصرت عليه أنها مش هناكل إلا لو كل معاها لكن كل ما كان بيجي يمشي كانت بتكون تعبانه لحد ما كلم الدكتور وقاله على علاج هيخليها تنام للصبح
عودة من الفلاش بالك
جويرية :مالك يا أسر سرحان فيه ايه بكلمك مش بترد عليا
أسر :ها ابدا يا حبيبتي كنتي بتقولي ايه
جويرية :ابدا بقولك يلا عشان نصلي متوضى
أسر :اه اتوضيت يلا بينا
صلوا الفجر وقعدوا قرؤا وردهم والأذكار وقاموا عشان يناموا وأسر خدها فحضنه :جورى حبيبتي ممكن تحضنينى انتي
جويرية :حاضر يا حبيبي وحضنته… أسر أنت فيك حاجه في حاجه مخبيها عليا
أسر اتنهد:ابدا بس محتاج حضنك اوي
جويرية :ماشي يا حبيب قلبي نام بقى شكلك مرهق
أسر :اه فعلا محتاج انام عشان اصحى بدري عندي مشوار
جويرية :طب تمام اه صحيح عمتوا ويوسف مسافرين بكره بالليل
أسر :طيب يوسف هيسافر فى شغل عمتوا ليه
جويرية :عمتو مش عايزة تسيبه لوحده ويوسف بيقول انها فرصه كويسه بالنسبه لشغله
أسر :ربنا يوفقه
جويرية :طب نام بقى يومنا طويل
الصبح الكل متجمعين عالسفرة للفطار
أسر وجويريه نازلين عالسلم
جميله :صباح الخير يا ولاد
أسر وجويريه :صباح النور يا جوجو
رشدي :تعالوا يلا افطروا
أسر ل جويرية :اقعدى كلى إنتى ما اتعشتيش
جويرية :أكيد أنا ميته من الجوع
إبتهال :القهوه يا ام احمد
أسر :ما تعملوش حسابى أنا مستعجل
رشدي :خير يا بنى فى ايه
أسر :ابدا يا بابا هعدى على حد من صحابي كده قبل الشغل حبيبتي معلش خلى السواق يوصلك
جويرية :تمام ماشي
رشدي :سواق ليه يا حبيبي خدى العربية
أسر :إنتى بتعرفي تسوقى اصلآ
رشدي :بتسوق احسن منك وصلتني المستشفى فى وقت قياسى لما جاتلى الازمه
جويرية :بس مش معايا رخصة
رشدي :خلاص خليها عليا هكلملك حد فالمرور ونعملك رخصه بس كده
جنه :وأنا كمان عايزة عربية
جميله :ليه يا جنه مش بتروحي وتيجي مع السواق
جنه :اشمعنى يعنى جوري
جويرية :هههههه خلاص ربنا يسهل ونجبلك يا لمضه
جميله :لأ مش هنجبلك حاجه
جنه:ليه بس كده يا جوجو انتى حبيبتى
الكل ضحك عليهم.. جويرية استأذنت وراحت الشغل عشان تيجي بدري توصل عمتها ويوسف
بعد شويه فالمكتب راحت جويرية لمكتب أسر بس مكنش جه لسه وكان مكتب سهيله كمان فاضي رجعت كملت شغل وراحت للمول كملت شغلها هناك برضو وكلمت أسر وقالها هيجى عالبيت
سهيله بتعب :قوم روح لها يا أسر أنا بقيت كويسه
أسر :متأكده هى مامتك جايه أمتى
سهيله :لسه مش عارفه وانا الصراحة مارضيتش اقولهم عشان ما يقلقوش
أسر :يا بنتى كنتى جيتى عندنا الفيلا وكان الكل خد باله منك
سهيله :أنا آسفه يا أسر أنا معطلاك عن الشغل ووخداك من مراتك
أسر :يا بنتي انا بقولك كده عشان خايف عليكي وانى مخبى على جويرية حاسس انى عامل عمله
سهيله :عالعموم سما جايه النهارده أو بكره وهتاخد بالها منى على ما ماما وبابا يجوا
أسر :طيب أنا همشي دلوقتي وهجيلك بالليل تمام
سهيله :تمام
وصلوا يوسف ونرمين المطار وكانوا منهارين على فراقهم خصوصا جويرية اللى كانت مستنيه أسر يهون عليها لكنه مشى بسرعة عشان يروح لسهيله اللي كلمها وعرف إنها تعبانه أوى وهما فالمطار بعد ما أسر مشى قابلوا عاصم
عاصم :عمو رشدي بتعملوا ايه هنا
رشدي :كنا بنوصل ناس قرايبنا
عاصم :امال أسر فين مش معاكم
رشدي :كان لسه هنا ومشى عشان عنده مشوار
عاصم :ازيك يا جويرية
جويرية :الحمد لله بخير
عاصم :هعدى عليكم الصبح افطر معاكم
رشدي :هنستناك يا بنى
راحوا البيت والكل فى انتظار أسر اللى اتأخر برضو واتصلوا بيه كذا مرة وفى كل مره بيقول انه شويه وجاي تعبوا من الانتظار والكل نام حتى جويرية نامت من التعب واتكرر السيناريو وجه عاصم
عاصم :صباح الخير يا حلوين
أسر :ايه يا عم روحت وقولت عدولى
عاصم :ابدا يا صحبي انا سافرت بعد الفرح عشان المناقشة والحمدلله عدت على خير وقررت استقر وافتح بيت
أسر :ومين بقى اللى أمها داعيه عليها
عاصم :مش هتصدق مين
فالوقت ده أسر فونه رن وكانت سهيله
سهيله :عامل ايه يا أسر
أسر :الحمد لله بخير انتى عامله ايه النهارده
سهيله :الحمد لله سما جات من السفر وهتيجى تقعد معايا
أسر :طيب تمام هبقي اكلمك اطمن عليكي
جويرية كانت جايبه الشاى وسمعت الجمله الأخيره
جويرية :هى مين اللي هتطمن عليها
أسر بصدمه :دي دى…….
============بقلمي /ديجا 💕💕💕💕💕💕
سهيله بضحك :لأ بس أنت شكلك دكتور دكتور يعني
كرم:عجبتك صح أنفع امثل
سهيله :وتاخد أوسكار كمان
كرم:طيب يا غاليه أيدك على الاتعاب عشان عندي مشوار
سهيله :لسه بتشوف البت الملزقه اللي إسمها ليان دى
كرم :ايوة طبعا دى الحته اللي فالشمال
كان هناك من يستمع لحديثهم وفجأة دخل………..
ياترى أسر هيقول ل جويرية ولا هيكدب
ومين اللي كان بيسمع كلام سهيله وكرم
ده اللي هنعرفه الفصل الجاى دمتم بخير
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من تكوني)
