رواية من تكوني الفصل الثالث عشر 13 بقلم ديجا
رواية من تكوني البارت الثالث عشر
رواية من تكوني الجزء الثالث عشر
رواية من تكوني الحلقة الثالثة عشر
إبتهال :البنت كانت زى القمر صحيح لبس البوصه تبقى عروسه ابنى ذوقه حلو فالفستان
هنا :يا ماما حرام عليكي البنت اصلا حلوه أوى مش أحسن من البومه أروى اللي معندهاش حياء دى جايه تحضن وتبوس ولا الثقيله ليان دى اللى عامله فيها فاشون ديزين
إبتهال :بس أنا عندي ليان احسن
هنا:واهى طلعت خفيفه اى حد بيضحك عليها بكلمتين
إبتهال :بنت روحى نامى عشان هنصحى بدرى عشان الضيوف اللي هيسافروا بكره استني بقى لما اكلم اخوكى واقوله يجيب عروسه الغفله عشان اعمامك وخلانك عايزين يسلموا عليهم… شكله نام مش بيرد… الو ايوة يا حبيبي نمت ولا ايه
أسر :لأ ابدا يا ماما خير فى حاجه ولا ايه
إبتهال :ابدا ياحبيبي بس الجماعه عايزين يسلموا عليكم قبل ما يمشوا هات عروسة الغفله دى وتعالى عالغدا سلموا عليهم عشان محدش يلاحظ حاجه ابوك قلهم أنك حاجز ليله كده قبل السفر
أسر :سفر ايه هو مين اللي هيسافر
إبتهال :كده وكده يعني هما فاهمين أنكم هتعيشوا معانا فالفيلا ولازم نقول انكم هتسافروا على الأقل أسبوع شهر عسل وكده
أسر اتنهد :حاضر يا ماما ان شاء الله
إبتهال :آمال أنت بتعمل ايه ياحبيبي
أسر :قاعد تحت فالهوا شويه
إبتهال :الجو بارد يا بنى هوا ايه اللي انت قاعد فيه
أسر :ما هو خلاص أنا طالع عشان هموت وانام
إبتهال :ماشي يا حبيبي تصبح على خير
أسر :وأنتى من اهل الخير يا ماما
هنا:خلاص اطمنتى لما اروح انام أنا كمان
رشدي دخل عليهم :إنتى هنا يا نونى لسه ما نمتيش
هنا باسته على خده:رايحه اهو يا بابا تصبح على خير
رشدي :وانتي من اهل الخير يا حبيبتي
إبتهال :مالك يا رشدي فيك حاجه
رشدي اتنهد :الكل شايف انها شبها أوى يا ترى لو كانت عايشه كانت هتبقى بالحلاوة دي فى فستان الفرح
إبتهال بحزن:الله يرحمها ويغفر لها اكيد وكانت هتبقي أحلى
رشدي :كلمتى أسر يجيب جورى بكره علشان يسلموا عليهم
إبتهال :اه يا حبيبي كلمته وكان تحت
رشدي :ليه مكنش مع عروسته..؟؟
إبتهال:لأ كان بيشم هوا تحت وقالى طالع ارتاح بقى اليوم كان طويل (عروسته ايه بس.. إن شاء الله اجوزه بنت عيله)
رشدي :بتقولي حاجه يا قلبي
إبتهال بتوتر: لأ ابدا بقول ربنا يقدم اللي فيه الخير
=============بقلمي /ديجا ❤❤❤❤
أروى :ادينى سمعت كلامك اهو وجيت الفرح وقاعده فالجناح اللي جمبه يا ترى هيرجعلى
سهيله :طبعاً انتي بس ابعتيله يجي وشربيه العصير عشان ينام لازم يسيب الجربوعه دى
أروى :بس انتى هتستفادى ايه لما يرجعلى
سهيله :هقولك بعدين بس رجعيه وخليه يطلقها وكل شيء في وقته حلو
أروى :ماشي هروح اخبط عليه واطلب منه اتكلم معاه
أروى راحت خبطت على باب الجناح محدش فتح
شوية وجه أسر وهى وقفه بتخبط
أسر :خير يا أروى جايه ليه فالوقت ده
أروى :كنت جيالك محتاجه اتكلم معاك انا أطلقت على فكره
أسر :ميخصنيش أنا دلوقتى راجل متجوز والنهارده كان فرحى عن اذنك أدخل لعروستى..
فتح الباب ودخل قفل الباب فوشها ودخل براحه فكر جويرية نايمه لكن ملقهاش فالجناح كله بص عالترابيزة لقى
جويرية قلعت الخاتم وسايبه الموبايل وسايبه رساله :انا رجعت مكان ماجيت وهدور على شغل في مكان تانى
قلبه وجعه أنها مشيت وحاول ينام
============بقلمي /ديجا ❤❤❤❤❤
جميله :يالهوى ايه اللي جابك يوم فرحك يا بنتى
جويرية :ايه يا ماما ما انتى عارفة انه تمثيل ولا هنكدب الكذبه ونصدقها يا جوجو
نرمين :ايوة صح يا جميله وبعدين يا ختى لو حد سأل عليها هنقول اتجوزت من يوم وليله
جميله :طيب ما روحتيش البيت ليه ترتاحى
جويرية :جيت اطمن عليكي يا حبيبتي
جميله :مالك يا جورى حد ضايقك يا بنتى
جويرية حضنتها :أنا كويسه الحمد لله محتاج انام بس
نامت جويرية او اتظاهرت بالنوم عالكنبه اللي في اوضه جميله ونامت جميله ونرمين… استيقظت جويرية لاداء صلاة الفجر ونرمين صحيت صلت هى كمان ورجعت نامت لكن جويرية فضلت قاعده تقرأ وردها وغفت مكانها جت جنه وجاسر لقوها نايمه عالكنبه
جنه :ايه ده يا عروسه بتعملى ايه هنا
جاسر بمرح: يالهوى من أول يوم كده
جويرية :خلصتوا استظراف انا رايحه البيت اكمل نوم وهرجع ليكم بعد الضهر كدا.. يلا يا عمتوا
جميله :ايوة صح رحوا ارتاحوا معلش تعبتكم معايا
جويرية :جوجو أنا هروح انام واجى أشوف معاكي موضوع التعب ده سلام عليكم
الكل وعليكم السلام ورحمة الله
نرمين :ها بقى مالك شكلك مش عاجبني من إمبارح
جويرية :مش عارفه يا عمتو المفروض فى وضعى ده ما ازعلش بس مش عارفه ليه زعلت
نرمين :ايه اللي حصل عشان تقولي كده
جويرية حكت لها اللي حصل من أول ما أروى جت لحد ما قالتله أنها هتسيب الشغل
نرمين :حبتيه يا جوري
جويرية :لأ ابدا يا عمتو انا بس زعلانه أنه محترمش وجودي انا برضو قدام الناس مراته حتى لو عالورق بس
نرمين ضحكت :وغلاوتك عندي حبتيه وهو كمان حبك تصرفه عشان خاف تجرحيه لو رفضتيه
جويرية :يا عمتو ده سابنى وراحلها
نرمين :ههههه وانتي شوفتيه بعينك عندها
جويرية :هو قالي انه رايح عندها
وصلوا عند البيت كان أسر بيركن عربيته
نرمين :لو كان معاها مكنش جالك دلوقتي
جويرية :مفتكرش يا عمتو
أسر :صباح الخير ازي حضرتك وطنط عامله ايه
نرمين :صباح النور يا حبيبي قولى يا عمتو زى جورى بخير الحمد لله
أسر :ده شرف ليا طبعا يا عمتو خصوصا انه معنديش عمات
نرمين :تعالى يلا هنفضل واقفين كده
أسر بص ل جويرية اللي متكلمتش ولا كلمه :معلش يا عمتو انا شويه وهاجى تانى اخد جويرية البيت عندنا العيله عايزين يسلموا عليها قبل ما يمشوا أصلها نسيت الموبايل وجيت اجبهولها
جويرية :أنا اللي سيبته عمتو عارفه كل حاجه تمام حضرتك هتيجي الساعه كام عشان اكون جاهزه خلينا ننهى الفيلم ده
أسر بأحراج:يعنى على الساعه واحده كده يناسبك
جويرية :اه تمام عن اذنكم عشان محتاجة أنام شويه
نرمين :معلش يا بنى هى مجروحه من كلامك لكن هى قلبها ابيض.. تعالى أرتاح
أسر :معلش وقت تاني عشان عندي مشوار ممكن تديها الموبايل عشان اكلمها لما اجي
نرمين :حاضر يا حبيبي
أسر :شكرا يا عمتو عن اذنك
نرمين :اتفضل يا بنى
أسر مشى ونرمين طلعت ل جويرية
جويرية :عمتو انا بجد عايزة أنام
نرمين :الواد بيحبك صدقيني
جويرية :حتى لو بيحبني مامته شايفه انى منفعش من فضلك سبيني أنام
نرمين :نامى يا حبيبتي ومتنسيش تشغلي الفون عشان جوزك هيكلمك
جويرية :ما فيش فايده كويس ان ماما مش هنا
نامت جوري على طول عشان كانت مرهقه وبعد شويه صحيت على صوت نرمين بتصحيها وتقولها الفطار جاهز عشان معاد أسر قرب
جويرية بتأفف:يوه يا عمتو سبينى وحياتك انام شويه كمان
نرمين :يا بنتى يلا عشان تفوقى هتروحى للناس منفخه كده
جويرية قامت قعدت :اهو يا عمتو قمت هغسل وشى واجيلك
الله الله يا عمتو ايه الحلاوة دي انا جعانه أوى
نرمين :الف هنا يا حبيبتي الواد يوسف زمانه جاى
أسر جه وفضل يرن عليها وفونها مغلق :طيب يا جورى
طلع خبط عالباب وقامت نرمين تفتح الباب على أساس انه يوسف :اتفضل يا بنى تعالي
جويرية خارجه من جوه لبسه بيجامه قطن عليها كرتون لونها بينك ورافعه شعرها ديل حصان وايدها سندويتش كوبايه شاى بلبن: ادخل يا قلبي واقف عالباب ليه.. شرقت لما شافت انه أسر مش يوسف وطلعت تجرى على جوه
أسر ونرمين ضحكوا على شكلها وأسر أدى فستان لنرمين عشان جورى تلبسه
جويرية فالاوضه قدام المرايه :جاتك خيبه يقول عليكي ايه دلوقتي وده منظر ينفع حد يشوفك بيه استغفرالله العظيم
نرمين :كان بدرى الجنان عليكي يا حبيبتي
جويرية :خلاص بقى يا عمتو اطلع ازاى دلوقتي وبعدين مش تنبهينى وسايبانى ادخل بقلب جامد كده وأقول يا قلبي
نرمين بضحك :امسكى أسر جايبلك ده وبيقولك اجهزى هروح اعمله قهوه على ما تخلصي
جويرية بحزن :هو فاكرنى إيه هعره أكيد مش هلبسه.. وفتحت دولاب جنه واختارت منه دريس كلوش زهرى وحجاب وكوتش أبيض وشنطه كروس بيضا وحطت حكل أسود وخرجت وفأيدها الفستان اللي جابه أسر
جويرية :انا جاهزه ممكن ننزل لو خلصت قهوتك
أسر ابتسم :اه خلصت يلا بينا
نزلوا قدام العربيه مدت ايدها بالشنطه :شكرا ما فيش داعى تكلف نفسك اكيد مش هعرك قدام اهلك
وركبت العربية وسابته واقف ركب جنبها وجيه يدور العربيه قربت واحدة ست من الجيران :مين ده يا جورى
جويرية ارتبكت مش عارفه ترد :ده ده
أسر :أنا خطيبها يا حاجه قرينا فاتحه وهنعمل شبكه وكتب كتاب لما ولدتها تيجي بالسلامة
الست :ربنا يتملك على خير يا حبيبتي
جويرية بعصبيه :مكنش ليه لازمه تيجي لحد هنا كان ممكن اخرجلك بره
أسر :اولا صوتك مايعلاش وثانياً حضرتك مفتحتيش الفون انا مبحبش لعب العيال ده
جويرية :انا حره على فكرة
أسر مسك ايدها :لا مش حره انتي مراتى واللي اقوله يتسمع ماشى
جويرية شدت ايديها منه :مراتك الكلام ده قدام الناس بس على ما المسرحية السخيفه دى ما تنتهى لكن بينى وبينك مافيش اى حاجه تمام
أسر ضغط على إيده لحد ما مافصلها ابيضت وخبط دريكسيون العربيه بدل وشها😅😅:تمام تمام
وصلوا عند الفيلا فى صمت تام وقبل ما ينزلوا قال:الناس اللي جوه دى فاهمين اننا واخدين بعض عن حب تمام
جويرية :اممم تمام
مسك ايدها ودخل من الباب والكل متجمع سلموا عالكل وجويريه ما سلمتش من معاكسات شباب العيله وقعدوا
إبتهال :منورين يا حبايبي.. منورة يا جويرية
جويرية ابتسمت :ده نور حضرتك يا طنط
يسريه بنت عم رشدي :يخلق من الشبه أربعين سبحان الله
رشدي : عامله ايه يا حبيبتي
جويرية :الحمد لله يا حاج
رشدي :حاج ايه عمو بقى وكمل بحنيه أو بابا لو حابه
سهيله ومامتها جم وسهيله قعدت جمب جويرية
سهيله :عامله ايه عروسة يارب تكوني مبسوطة
جويرية :الحمد لله اكيد مبسوطه
سهيله :بس خلى بالك من جوزك لاحسن حبيبته رجعت اه وأطلقت
هنا :ممكن اقعد جمب مرات اخويا
سهيله قامت من جمبها وقعدت هنا :كانت بتقولك ايه الصفرا دى خلى بالك منها اصلها كانت هتموت على أسر وهو معبرهاش
أسر :ايه يا جماعه أنا عايز اقعد جمب مراتى وسعولى
قعد وحط ايده على كتفها وخدها فحضنه وهى اتحرجت ووشها أحمر
مازن صفر :عقبالى يارب…. الكل ضحك
وقاموا يتغدوا وأسر قاعد جمبها بيحطلها الأكل فى طبقها
خلصوا غدا وقاموا يغسلوا ايديهم جويرية خارجه و وقفت
مكانها لما شافت…….
ياترى جويرية شافت ايه ده اللي هنعرفه الفصل الجاي ان شاء الله دمتم بخير
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من تكوني)
