رواية من الجاني الفصل الرابع عشر 14 بقلم هدى مرسي أبوعوف
رواية من الجاني الجزء الرابع عشر
رواية من الجاني البارت الرابع عشر
رواية من الجاني الحلقة الرابعة عشر
اتى بلاغ الى القسم بأن شابا عشرينيا قد انتحر شنقا فى منزله فذهب عصام و الطبيب الشرعى منتصر الى المكان وبعد المعاينه قال منتصر : دى جريمة قتل مش انتحار .
عصام : ايه اللى خلاك تقول كده ؟
منتصر : طول الكرسى اللى المفروض انه وقف عليه ……. القتيل ١٥٠ سم لو حسبتها هتلاقى ان لايمكن ابدا ينتحر بالكرسى ده لان مش هيطول يعلق الحبل اصلا وبصيت انى الاقى سلم يكون علقه بيه مفيش .
عصام : يعنى كده حد قتله وكتب الجواب ده عشان يبان انه انتحر .
منتصر :ايوه بس هو نسى نقطة الطول دى او مخدش باله منها اصلا .
عصام : هو له اربع اصحاب مؤمن ومعتز وايمن وايهاب هما اللى بييجو معاه هنا هحقق معاهم دلوقتى واكيد هنعرف منهم بس مش هقول انه اتقتل عشان اديهم الامان فى الكلام .
اتى الاربعه وبدأ يسألهم كل واحد على حدى
عصام : مؤمن انت تعرفه من امتى ؟
مؤمن بحزن : من ثانوى اتعرفنا فى المدرسه ومن وقتها واحنا اصحاب حتى بعد ما دخلنا الجامعه وكل واحد راح كليه .
عصام : تفتكر ايه اللى ممكن يخليه يفكر فى الانتحار ؟
مؤمن متالما : شادى لايمكن يفكر فى الانتحار ابدا وانا مش قادر اصدق اصلا انه انتحر .
عصام : امتى اخر مره اتقابلتو فيها ؟
مؤمن : امبارح كنا مع بعض وقضينا اليوم كله .
……….
عصام : تفتكر يا ايهاب ايه اللى يخلى شادى ينتحر ؟
ايهاب : معتقدش ان اللى حصل يخليه يفكر فى كده بس هو كان متضايق جدا وزعلان بس مش لدرجة الانتحار .
عصام : هو ايه اللى حصل ؟
ايهاب : اصل شادى هو اشطر واحد فينا وهو الوحيد اللى حقق حلمه ودخل هندسه بس للاسف كان بيتضايق جدا من تريقة الشباب عليه بسبب انه قصير شويه وامبارح واحنا بنتفسح مع بعض واحد اتتريق عليه واحنا ضحكنا فهو زعل منا واتخانق معنا وكمان معتز زودها شويه فى الهزار بس احنا حاولنا نصالحه ونراضيه وممشيناش الا بعد ما ضحك معنا وهزر .
…………..
عصام : قولى يا ايمن تفتكر ايه اللى يخليه ينتحر ؟
ايمن : انا اصلا مش مصدق انه ممكن ينتحر ابدا ولا مقتنع بالكلام اللى فى الجواب ده ابدا ده كان بيحب الحياه جدا ومش ممكن يعمل كده .
عصام : تفتكر خناقة امبارح هى السبب ؟
ايمن : لاء طبعا هو مش بيزعل من هزار معتز لانه حبيبه واقرب واحد ليه .
عصام : يعنى هو معتز متعود يهزر معاه وممكن يقلب فى الاخر بخناق .
ايمن : بصراحه لاء بس الموضوع زاد بسبب كلام شادى وتريقته جامد عليه عشان انه طويل قوى .
………….
عصام : تفتكر هو انتحر ليه يا معتز ؟
معتز : هو مش ممكن ينتحر ابدا وبعدين احنا اتصافينا امبارح بعد الخناقه وكمان هو كان فرحان قوى عشان اتقبل فى الوظيفه اللى قدم فيها ينتحر ليه ؟
عصام : وظيفة ايه وليه محدش منهم جاب سيرتها غيرك ؟
معتز : هيشتغل مع ايهاب فى الشركه بس هو ماقاللوش عشان يعمل له مفاجأه .
عصام :يعنى عمر ما حصل بينكم اى خناقات قبل كده ؟
معتز : بصراحه سعات كان بيحصل ماشدات بينه وبين ايهاب عشان بيغير منه لانه ديما يغلط فى الرياضه ويحسب غلط بس عادى يعنى زى اى اثنين اصحاب .
جمعهم عصام الاربعه وقال لهم : شادى ماانتحرش شادى اتقتل بس انا خلاص عرفت مين اللى قتله .
يا ترى انتو كمان عرفتو مين اللى قتله ؟
الحل
عصام : هقولكم مين اللى قتله بس عايز اسال ايهاب سؤال
ايهاب : سؤال ايه ؟
عصام : انت عرفت من امتى ان شادى هيشتغل معاك فى الشركه ؟
ايهاب : هاه ااااا …انا ده واحد صاحبى شغال فى شؤن العاملين اتصل بيا وقالى عشان ناقص ورق يروح يقدمه .
عصام : اه وعشان كده قتلته عشان ميشتغلش معاك ويفضحك قدام زميالك .
ايهاب : لاء مقتلتوش انا معملتش حاجه حرام عليك .
عصام : بس انت غبى قوى يعنى هو ميطلش يعلق الحبل من المسافه دى .
ايهاب بصدمه: ايه مسافه … مسافة ايه اه دهو قصير قوى بس انا مليش دعوه .
عصام : تعترف متعترفش انا لقيت الدليل خلاص الموضوع انتها بس مش فاهم واحد زيك مش بيعرف يحسب يشتغل فى شركه زى دى ازى ؟
وضع ايهاب يده على راسه ووقع على الارض منهار : انا غبى انا غبى ضيعت نفسى وموت صاحبى 😭😭😭😭
انا غبى انا غبى .
عصام : فعلا غبى سبت نفسك للغيره والحقد يسيطر عليك .
يتبع…
لقراءة اللغز التالي : اضغط هنا
لقراءة الرواية كاملة اضغط على : (رواية من الجاني)
