رواية من اجل حبها تغيرت الفصل الأول 1 بقلم نشوة عادل
رواية من اجل حبها تغيرت الجزء الأول
رواية من اجل حبها تغيرت البارت الأول
رواية من اجل حبها تغيرت الحلقة الأولى
-يالا عشان اوصلك الكلية يا عشق
عشق وهى بتنفخ: دى بقيت عيشة تزهق هو انت مقرر عليا يا ابنى كل يوم توصلنى انا عايزة اروح مع اصحابى مش معاك انت
-والله زى ما انتى شاطرة كده وبتقوليلى الكلام ده روحى قوليه لجدك
عشق: ليه وانت مش راجل يا استاذ فهد عشان تقوله انك مشغول
جحظت عيون فهد واحمرت لكلمتها انت مش راجل واول مرة يعلى صوته ويكون جهورى: كلمة تانية وصدقينى هنسى انك بنت عمى وانك بنت اصلا هتشوفى منى تصرف لا هيعجبك ولا يعجبنى انتى فاهمة
عشق اتصدمت اول مرة تشوف فهد فى الحالة دى لانه بالعادة هادى الطباع ومحترم جدا وكلاسيكى جدا تحسه من ايام الستينات بيلبس سلوبت قماش وتسريحة شعر قديمة ونضارة قعر كوباية عشان كده مبتحبش تمشى معاه لا هى ولا حد من ولاد عمه …. ركبت العربية بدون ولا كلمة وهو كمثل وصلها ادام كليتها وهى نزلت جرى وقابلتها مايا صاحبتها
مايا: ايه يا مزة مال وشك مخطوف كده ليه؟
عشق: اصل فهد زعقلى وخوفت منه حسيته. بيتحول
مايا بضحكة عالية: ايه ده هو استاذ قعر الكوباية بيعرف يعلى صوته ويخوف كمان فصلتينى
عشق: بصى انا غلطت بصراحة مكنش ينفع اقوله كلمة زى دى برضه
مايا: يا سيتى فكك انتى هتعملى لواحد زى ده اعتبار ليه يالا عشان الشلة مستنيانا خلينا نروح نفطر
عند فهد اللى وصل ع الشركة وطلع دخل ع مكتبه بدون كلام ولا سلام دخل عليه سيف ابن عمه واقرب حد ليه من اهله وتقريبا ملوش اصحاب غيره
سيف: ايه يا ابنى مالك نورين بتقولى انك جاى متعصب فى حاجة حصلت ولا ايه؟
حكاله فهد اللى حصل … سيف: والله برافو عليك معتش تسكت لحد فيهم يحاول يقلل منك تانى محدش فينا احسن منك
رمى فهد نفسه ع الكرسى وقال: انا تعبت من معاملتهم الوحشة معايا ده ساعة ما يشوفونى بيبعدوا عنى كأنى جربان ولا ريحتى وحشة واكتر حد كاسرنى بجد هى عشق
سيف: انت بتحبها يا فهد؟!
بصله فهد ومتكلمش فكمل سيف كلامه: انت مش نوعها المفضل يا صاحبى
فهد: عارف يا سيف بس هو انا لازم اكون شخص سرسجى وقليل الادب واخالف مبادئى عشان الفت انتباهها !
سيف: محدش قال كده ع فكرة طب ما انا ادامك اهو ماشى مع الموضة ومع ذلك محافظ ع صلاتى واخلاقى اللبس والشكل ملوش اى دخل بالدين والاخلاق يا ابن عمى وع فكرة انت اوسم واحد فينا اوسم منى ومن فريد ومازن وعدى واسد ( كل دول ولاد اعمامه اسد اخو عشق وفريد ومازن وعدى اخوات سيف اما فهد فملوش الا اخت وحيدة اسمها فجر)
فهد: ربنا يجبر بخاطرك يا صاحبى انا عارف انك بتراضينى
سحبه سيف من ايده ووقفه ادام المرايا وشال النضارة من ع عيونه: بص كده لنفسك وملامحك وانت تعرف انا بجاملك ولا بقول الحقيقة؟
فهد: يا سيف انا مش بشوف من غير النضارة!
سيف: فيه حاجة اسمها عدسات شفافة وفيه حاجة اسمها ليزك لتصحيح النظر ع فكرة
فهد سكت وبعدها كمل سيف: لو فعلا بتحبها لازم تتغير مقصدش اخلاقك لا اقصد فى شكلك اهتم بنفسك شويه يا صاحبى قال رسول الله ﷺ” ان الله جميل يحب الجمال” انت جسمك رياضى وممشوق وطويل وملامحك فيها من الوسامة اللى يجذب اى بنت ليك انت بس ناقصك من نفسك شوية اهتمام مش اكتر .. المهم انا هروح ع المكتب عشان اجهز شوية اوراق قبل ما اسافر فرنسا يالا سلام
فى وقت الضهر كان فاروق(الجد) عامل اجتماع بالشركة بيناقشوا فيه كل حاجة وبيجهزوا الاوراق الخاصة باتمام الصفقة بتاعت فرنسا وبعد ما خلصوا
فاروق: كده كل حاجة جاهزة ان شاء الله هتسافر امتى يا سيف؟!
سيف: بكرة ان شاء الله الصبح فى طيارة 7 يا باشا
فهد مقاطعا: بعد اذنك يا باشا ممكن انا اسافر بدل من سيف
استغرب الجد وكذلك سيف لان فهد عمره ما سافر وكان بيخاف من ركوب الطيارات خصوصا ان ابوه وامه ماتوا فى حادث طيارة
فاروق: انت متأكد من رغبتك دى يا ابنى؟
فهد: ايوة جدا ده بعد اذن حضرتك طبعا
فاروق: ماشى براحتك حيث كده يا سيف جهز كل حاجة باسم فهد
انتهى الاجتماع وسيف و فهد نزلوا ع الكافيه … سيف: انت متأكد يا ابنى من موضوع سفرك ده
فهد: طبعا والله منها شغل وتغيير جو
سيف: تحب اسافر معاك؟
فهد: ليه هتيجى معايا تحمينى ولا ايه😂 متخافش ليا واحد صديقى هناك اسمه دايمون هيبقى معايا
فى اليوم التانى وصل فهد ع فرنسا وكان دايمون فى استقباله وصله ع الشقة اللى اجرها ليه
دايمون: فرنسا نورت بيك يا صاحبى وحشتنى يا جدع متغيرتش لسه زى ما انت من ايام ثانوى
فهد: بس انت اتغيرت كتير يا مان
دايمون: لازم يا ابنى احنا هنا فى باغيس بلد الجمال كله
فهد: حيث كده انا عايزة فى خدمة بس بعد ما اخلص الشغل اللى جاى عشانه
دايمون: تمام فى اى وقت انا معاك هسيبك ترتاح وبكرة نتقابل سلام
فى صباح اليوم التالى راح فهد ع مقر الشركة الفرنسية وتمم الصفقة وبعدها عرف سيف وعمه ان الاتفاقية تمت واستأذن من جده انه يفضل فى فرنسا اسبوعين كتغيير جو وطبعا وافق لانه عارف ان نفسيته تعباه بعدها قابل دايمون ع كافيه وطلبوا اثنين اسبريسو
دايمون: ها خير كنت محتاجنى فى ايه؟!
فهد: دايمون انا عايزك تساعدنى فى……………………………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية من اجل حبها تغيرت)
