رواية من أنا الفصل الثالث 3 بقلم شروق حسام

رواية من أنا الجزء الثالث

رواية من أنا البارت الثالث

رواية من أنا الحلقة الثالثة

_” اه يا رجلي اه حرام عليك يا مفتري رجلي اتجبست بسببك حسبي الله ونعم الوكيل”
_”انتي هتستهبلي يا بت الشويتين اللي انتي بتعمليهم دول مش هيدخلوا عليا فمن الآخر كده قولي انتي عايزة ايه مني”
_”اما انت راجل ناقص بصحيح بعد عملتك السودا اللي عملتها فيا جاي تتكلم يا عرة الرجالة”
آصف بغضب ” اخرسي تعرفي تخرسي خالص وإلا هرميكي في التخشيبة ومش هيهمني حاجة”
ريناد بردح ” نعم نعم نعم يا عنيا تخشيبة ايه يا ابو تخشيبة ده انا ريناد غلطان وكمان بتبجح مش بتعرف تسوق عربية بتركبها ليه ولا هي الفشخرة الكدابة بفلوس مامي وبابي حلوة يا كتكوت”
_” أقسم بالله العظيم بحلف باللي خلقني كلمة واحدة كمان وهكون فعلا رميكي وسط المجرمين يربوكي ومش هتبقي فارقه معايا تعبانه ولا لأ و هيوروكي قيمتك”
ريناد بردح وغضب “جرى إيه يالدلعدي؟! لأ يا عمر ده أنا أفرش لك الملاية وأخلي اللي ما يشتري يتفرج! شوف ياخويا انت تقف عوج وتكلمني عدل أحسن أجرسك وأبهدلك وأطلع عينك وأخليك تمشي ع العجين ما تلخبطهوش! قال يربيني قال ده واسمعوا ده… وشووبااش”.
آصف بإبتسامة لا تبشر بالخير ” وانتي اللي اخترتي يا قطة وانا مش بكسر حلفاني وهتروحي علي التخشيبة يا شوارعجيه”
خلص آصف كلامه وشالها علي كتفها زي شوال البطاطس وركبها العربية عشان يروحوا القسم وهي كل ده فضلت تنادي علي حد يساعدها بس لا حياة لمن تنادي
…………………..
بعد شوية
كان آصف وقف العربية عند القسم
ريناد بصدمة ” انت انت كنت بتتكلم بجد ”
آصف بسخرية ” لا بهزر ما تتظبطي يا بت”
ريناد بندب ” يا صغيره علي البهدله يا ريناد طلعوا عينك وبهدلوكي يا اختي”
_”خلاص خلاص ايه راديو وانفجر فيا ايه القرف ده يا ربي يلا انزلي يابت”
ريناد برفعة حاجب ” وانت مين انت عشان تأمرني لتكون ابن رئيس الوزراء ولا ضابط شرطة ولا آمن الدولة ده انت يا حياه الله شكلك ابن مامي وبابي ومش بتشتغل حاجه يعني عشان تفضل تتأمر كده يا روح امك”
آصف بغضب وعيون حمراء ” لما تيجي تيجي تتكلمي مع أسيادك تتكلمي بإحترام يا شاطرة ويلاا انزلي هو انتي طارشة بقوووولك انزلي”
ريناد نزلت بسرعة بخوف ورجلها بتوجع بصت يمين وشمال تدور علي تاكسي لحد ما شاورت لواحد بسرعة من غير ما آصف ينتبه
_”يلا قدامي”
ريناد بصدمة ” ايه ده مستحيل ده يكون حصل ”
آصف بسرعة وهو بيطلع سلاحه ” ايه فيه ايه ”
ريناد ركبت بسرعة التاكسي وبصت لآصف وطلعت له لسانها بمشاغبة
آصف بص لها بوعيد وشر ” هتقعي تحت ايدي يا شوارعجية وساعتها مفيش حد هيعرف يخلصك مني”
………………….
علي الناحية التانية
عند خالد ومختار كانوا قاعدين بيراقبوا اللي بيحصل
خالد بضحكة مختلة ” ههههه البت دي هي اللي هتجيبهم تحت رجليا ”
مختار بعدم إرتياح ” البت دي مش مطمن لها يا باشا وشكل وراها حاجة ”
_”مختارو حبيبي ما انت عارف شغلنا والخاين بنعمل فيه ايه ههههههههه”
مختار بص له بعدم إقتناع ومتكلمش
………………….
_” كله تمام يا وحش كله تحت السيطرة”
_”عايزك تبقي عينك عليهم دائما يا آصف وتراقب كل تحركاتهم”
_” متقلقش يا وحش قريب أوي هيقعوا تحت أيدينا وهيطلبوا الرحمه ومش هيلاقوها هههه”
_”وانا بثق فيك يا آصف”
آصف بثقة وغرور ” وأنا قد الثقة دي يا وحش”
……………………
_”بنتي وحشتني اووي يا عزام انا عايزة بنتي ترجع لحضني تاني”
عزام بالم وهو بياخد مراته في حضنه ” متعيطيش يا روح وحياة قلب عزام بنتنا كويسة يا تالا وقريب اوي هترجعلنا ان شاء الله ”
_”ان شاء الله “