رواية من أنا الفصل الثالث عشر 13 بقلم آلاء الرحمن
رواية من أنا الجزء الثالث عشر
رواية من أنا البارت الثالث عشر
رواية من أنا الحلقة الثالثة عشر
قيس وهو بيتفرس ملامح علاء :انا عايز اطلب ايدك اختك الاء على سنة الله ورسوله
علاء اتصدم جدا وده ظهر عليه
قيس :اتصدمت ليه
علاء باستفسار :انت ما شفتهاش مرتين على بعض عايز تتجوزها ليه
قيس رفع حاحبه :بطلبها منك يعني عايزها ليه اكيد عجبتني شخصيتها اكلمها من وراك ولا ادخل البيت من بابه
علاء اتصدم لوهله حس انه قيس بيردله الي عمله باخته زمان وانه مش فاقد الذاكرة لكن الفرق انه لما اعجب بأخته طلبها على طول
قيس ببرود :ايه هتفضل مبلم كده
علاء بغموض :قيس هو انت بجد مش فاكرني ولا دي خطة ولعبة منك
قيس ببرود :ولو فاكر هتعمل ايه مش هتجوزهالي
علاء :مش عارف ليه احيانا بحس انها ذاكرتك اقوى مني
قيس :وقته ده انا عايز ردك على طلبي
علاء ما كانش عارف يقوله ايه يقوله اعز صديق عندك بيحب الاء
قيس :ليه التردد ده
علاء بتهرب :قيس ما تزعلش مني لكن انت دلوقت فاقد الذاكرة يعني لما تفتكر كل حاجه هاكون نسيت الاء
قيس :انساها لو كانت واحده عابرة والسلام لكن دي هتبقى مراتي ومكتوبة على اسمي لو انا نسيت الورق ودفتر الاحوال يثبت ولا ايه
علاء بتردد :مش عارف انا هسأل الاء وماما وان شاء الله خير
قيس :طيب استاذن انا بقى لسه هيقوم لقي الاء داخلة وبأيدها القهوة
قيس ما بصلهاش وعلاء بص ليه يشوف عينه راحت فين واحترم ده فيه
علاء خد القهوة منها والاء بصت ناحية قيس كان بيلعب بالفون اتجننت بزيادة وخرجت
قيس شرب القهوة ومشي
علاء خبط على الاء
الاء :مين
علاء :انا علاء افتحي
الاء فتحت
علاء :حصليني على الصالون عايزك في موضوع
الاء باستغراب :في ايه
علاء :لما تيجي هتعرفي
الاء اومأتله بدماغها لكن خافت يكون عرف بعلاقتها مع قيس
الاء دخلت وضربت على قيس
قيس ببرود :الوو
الاء :يا برودك يا اخي
قيس :انجزي عايزة ايه
الاء بغيظ :بقولك ايه انت قولت ايه لعلاء ده خبط عليا وعايز يتكلم معايا
قيس بخبث :مش عارف انا حاسس انه حد شافنا واحنا انتي عارفة بقى
الاء الدموع تحجرت في عنيها :لا مستحيل ازاي هو قالك حاجة منك لله يا قيس انا قلتلك قبل كده ما تقربليش
قيس :حيلك حيلك انا مليش دعوة انتي الي بترغي كتير ومفيش طريقة اخرسك فيها الا دي
الاء بدموع :قيس انا خايفة ارجوك ده هيدبحني لو عرف
قيس :طيب اطلعي انتي شوفي هو عايز ايه وبعدين طمنيني يمكن حاجة عادية وبعدين علاء لو عرف الي بينا هيكلمك ببرود كده
الاء عيونها لمعت بأمل :اكيد لا هيجيبني من شعري وبضحكة انت عبقري هههه يالله سلام
قيس بص عالفون :يا بنت المجنونة
الاء خرجت لعلاء كان مع والدته
الاء باستغراب :في ايه
علاء بص في عنيها :الاء حبيبتي انتي كبرتي وبابنا بقى بيخبط كتير من ناس كويسة بتعرض عليكي الجواز وانتي بترفضي وانا لحد الان محترم رغبتك
الاء :هو في ايه
سهير بفرحة :في واحد كويس جدا واخلاقه عالية جدا عايز يتجوزك
الاء بصدمة :بس انا مش عايزة اتجوز دلوقت ارجوك يا علاء
سهير :يا بنتي انا نفسي افرح فيكي قبل ما ربنا ياخد امانته
الاء بلهفة :بعيد الشر عنك يا ماما لكن ارجوكي انا مش عايزة اتجوز دلوقت
علاء :طيب اقعدي معاه مش يمكن تتفقوا وتستريحيله
سهير :اه يا بنتي ده راجل وسيد الرجالة ونعرفة من زمان قوي
الاء دماغها راحت لعماد على طول :ارجوك يا علاء عماد مش هتجوزه ما بحبوش اانا بعتبره زيك بالزبط ولا يمكن يتعدا المرحلة دي
علاء :مش عماد العريس قيس هو العريس
الاء ببلاهه :هااه قيس مين
علاء :قيس صاحبي اكيد عارفاه وشوفتيه واتكلمتي معاه
الاء ما عرفتش هتقول ايه
علاء :فكري وانا مش هضغط عليكي يا الاء
سهير :ده شب سكره يا حبيبتي ومعروف جدا
الاء بنفسها :ان ما وريتك يا جزمة بقى انا خايفة وبستنجد فيه وهو عارف الحوار كله
علاء،:روحتي فين يا بنتي
الاء :انا هفكر واقولكم جوابي ودخلت جري على اوضتها كانت بتتنطط من الفرحة
ومسكت الفون وضربتله
قيس ضحك :الوو
الاء :بتقرطسني يا قيس بقى انا خايفة وبترعش وانت بتخوفني وعامل روحك ما تعرفش علاء عايزني ليه
قيس :وعايزك ليه
الاء :لا واللهي
قيس :ههههه اه واللهي
الاء بغيظ :اصله بيقولي انه متقدملي عريس رزل وتنك وفريزر وشايف روحه قوي قوي قوي
قيس رفع حاجبه :لا واللهي
الاء بلا مبالاة :اه واللهي
قيس :ورائي حضرتك ايه
الاء :باين هوافق عليه واكون حرم قيس البحيري
قيس بابتسامة :حلوه حرم دي استمري فيها
الاء بخوف :لكن انا خايفة من حاجة وحده بس
قيس :ايه هي
الاء :خايفة لما ترجعلك الذاكرة تنساني
قيس :عمري ما هنساكي صدقيني
الاء :لكن دي حاجة مش في ايدك
قيس :ايه رائيك نفضل كده على امل ترجع الذاكرة في يوم من الايام
الاء :اكييد لا
قيس :الاء انتي مش عايزاني ودي حجج في الاول حجتك كانت اننا مش مرتبطين وما ينفعش الي بيحصل ودلوقت خايفة من حاجة يمكن عمرها ما هتحصل
الاء:قيس انا حبيتك من اول مره شفتك فيها فما تلعبش على الحتة دي
قيس :طيب انا مش هضغط عليكي انا عملت الي عليا على شان تأنيب الضمير بتاعك لما تقرري انتي عايزه ايه قوليلي ساعتها سلام
الاء فضلت شاردة وبنفس الوقت خايفة جدا
……………………………………………..
عند مالك
راح هو ورانيا اوتيل بعد ما خلاص ما بقاش ليه حاجة وضيع من ايدة كل حاجة بسبب غبائه وكان متعصب جامد
رانيا بغيظ :هنعمل ايه
مالك :الاول لازم اعرف مين دول الي خدوا الفلوس وازاي اصلا من بين كل العربيات وقفوا عربيتي فأكيد ده مقصود والغالب ان الي اشترا البيت وسجله المسك نفسه الي عمل كده
رانيا بتفكير :صح انت بتفكر صح لكن في حاجة مهمه مسك هبلة والحوار الي حصل ده كله بتخطيط حد اكبر منها بكتييير
مالك :تقصدي انه مسك متفقة مع حد على شان يأذوني
رانيا قربت عليه بحزن مصطنع ومسكت ايده :يا حبيبي انا من زماان قوي بقولك انهم ما بيحبوكيش وانت ما بتسمعش كلامي
مالك فضل شارد بكلامها
رانيا بمكر :الله واعلم مين هيكون وراها تلاقي حد من العيال الصيع الي بتمشي معاهم ضحك عليها ة
مالك :انتي بتهببي ايه مسك نظيفة ولا يمكن تعمل كده
رانيا :بص يا مالك انا ما كنتش عايزة احكيلك لكن مسك على علاقة مع شباب وده اتأكدت منه بعد اما رجعنا من السفر بتخلينا اول ما ننزل وبتجيب شباب البيت
مالك بغضب :اخرسي مستحيل
رانيا :والي يثبتلك ده
مالك كان عقله مش مستوعب الي بيحصل
رانيا انا تعبان وعايز انام وكفاية افكار سماوية
رانيا فضلت متابعاه لحد ما نام ومسكت فونها وبعتت رسالة لحد
وضحكت بخبث
……………………………………..
في الصباح
الاء نزلت شغلها كالعادة
ضحى :طمنيني حصل ايه امبارح
الاء :ههههه اسكتي انقذني الهيرو بتاعي من ما بيرحموش
ضحى :هههههه منت متوقعة انه هيعمل كده
الاء رفعت حاجبه :هو انتي الي قولتيله يخرب بيت التناكة ضيعتي عليا سبق انما ايه
ضحى :اتهدي اتهدي يا بنتي ما يصحش الي بتعمليه ده اخرته يوديكي ورا الشمس صدقيني
الاء 🙄:انسي عندنا ايه النهاردة
ضحى :ولا حااجة النهاردة قاعدين هنا ضرب فونها
الووو.
ضحى :اهلا يا بابي عامل ايه
والدها :الحمدلله يا بنتي حصل ايه قولتي للمدير بتاعك
ضحى :لا يا بابا ما قولتش ارجوك
والدها بحزم :انا قولت الي عندي خلال يومين تلاته بالكتير هننزل مصر قدمي استقالة
وقفل في وشها
الاء باستغراب :في ايه
ضحى بدموع متحجرة :بابا عايز يرجع مصر نهائي وعايزني ارجع معاه وانا ما اقدرش ارجع انا اتعودت على هنا وطول عمري هنا
الاء :لا ارجوكي ما تقوليش انك هتسيبيني لوحدي هنا
ضحى اتنهدت :مش عارف اعمل ايه انا بروح الاجازة بتخنق على ما ارجع عايزاني اعيش هناك على طول الي هناك متحفظين قوي
الاء :ربنا يكتبلك الي فيه الخير يا ضحى وما تفتكريش انا كلها سنة ولا اتنين بالكتير وتخلص المناورة بتاعت علاء وهحصلك اكيد مش هنفضل هنا طول عمرنا
ضحى بفرحة :بجد
الاء :ايوووه
ضحى :اخبار الحب ايه
الاء بابتسامة وفرحة :جه طلب ايدي امبارح
ضحى بصدمة :بتهزري صح يبااااااي لوووولولويش فرحتيني بجد ده انتي ماخده واحد جامد ومز وشخصية ومشهور يااااه ربنا يطعمنا
الاء :ههههههه حيلك حيلك احنا لسه ما وفقناش
ضحى بسخرية :ليه هترفضية بعد الحب ده كله
الاء بتوهان :مش عارفة ليه ضايعة يا ضحى خايفة اتجوزه ولما ترجعله الذاكرة ينساني ابقى انا استفدت ايه من راجل ما بيحبنيش
ضحى :وافرضي ما رجعتلوش هتفضلي كده خايفة اكيد لا ما تضيعيش حبك من بين ايديكي نادر جدا لما بتلاقي ؤاجل يحبك بجد ويجي يطلبك وافقي ووكليها لربنا
الاء،بدمعه :هتكسر جدا لو في يوم فوقت ما لقيتوش جنبي او ما عرفنيش
ضحى كانت مقدرة خوفها :الاء مش هقولك انتي غلط لا انتي صح لكن في اوراق وكل حاجة تثبت ساعتها انك مراته
الاء :انا مش عايزه الاثبات يا ضحى افهميني انا عايزه قلبه الي يفتكرني انا هستخير واسيبها على ربنا
ضحى :لكن مش خايفة يبدل رائيه الي زي قيس ده ميت بنت تتمناه وانتي بعد ما كنتي مجنناه بالارتباط وضميرك دلوقت بقيتي خايفة لما قلب الموضوع بجد
الاء بزعل :هو بجد مطنشني من امبارح ومكلمنيش ابدا وببعتله ما بيردش
ضحى :يا رب يختارلك الافضل
…………………….ً………….ً……ً…….
عدت ايام قيس فيها مطنش الاء وبيتعامل معاها برسمية جامدة والاء اتخنقت من الوضع ده
استنت على ما طلع علاء لشغله وراحت لبيت عم مبارك وخبطت
مبارك فتحلها :اهلا يا بنتي ازيك عاملة ايه واحشاني جدا
الاء بابتسامة :الحمدلله يا عمي وانت كمان واللهي واحشني جدا وبصت لجوا ما كانش قيس موجود
مبارك :اتفضلي
الاء :هااه لا بس وهنا خرج قيس باناقته المعهودة
الاء فضلت متنحه فيه
قيس ببرود :صباح الخير
مبارك :صباح النور يا ابني وبص على الاء ما تتفضلي يا بنتي
الاء بارتباك :لا انا اصل كنت عايزه
قيس :انا خارج يا عم مبارك لو احتجت حاجة كلمني وعدا من جنب الاء بكل برود
الاء اعتذرت من عم مبارك وحصلته وكان طلع بالعربية وهيمشي فتحت الباب وقعدت جنبه
قيس بصلها بطرف عينه وشغل العربية ومشي والتزم الصمت
الاء :احنا رايحين فين
قيس فضل ساكت
الاء بانفعال :قيس انا بكلمك بطل برودك ده واتكلم معايا كويس
قيس ركن العربية في حتة جنب البحر ولفلها :اتفضلي عايزه ايه
الاء بدموع :بتعاملني كده ليه
قيس :انا ببعد على شان ما أاثرش على قرارك عمري ما فرضت نفسي على حد ولا هفرض
الاء بدموع :قيس انا بحبك بجد وخايف تكسر قلبي ده السبب الي مخليني مترددة بموضوع الجواز بس
قيس :عايزاني اقولك ايه بصي يا الاء انا راجل دغري اخوكي صاحبي والظاهر كمان ان هو وعماد كانوا اقرب اتنين ليا فما اقدرش اخون ثقة اخوكي اكتر من كده يا نرتبط رسمي زي ما كنتي عايزة وتبعدي الافكار الي بدماغك دي يا نبعد عن بعض وكل واحد يروح في طريق
الاء :وهتقدر تبعد عني
قيس :هتكوني ساعاها انتي الي اخترتي وانا مش هجبرك
الاء مسحت دموعها وابتسمت :انا بحبك وهغامر معاك في كل حاجة
قيس كان مستني الكلمة دي شدها وحضنها وعوض شوق ايام بيحاول يبعد فيهم عنها :وانا بعشقك يا الاء
الاء حاولت تلتمس الامان في حضنه لكن ما تعرفش ليه في حاجه مخوفاها
قيس بعد عنها ومسح دموعها :هكلم علاء النهاردة وهحاول نكتب الكتاب لاني مش هقدر احرم نفسي من شفايفك الكرز دول بقوا ادمان
الاء اتكسفت ونزلت وشها الارض
قيس ضحك وشغل العربية ومشي
…………………………………………….
عند مسك
كانت في الفيلا عدا عليها عماد يطمن عليها
عماد :عاملة ايه يا مسك
مسك:تعبانة جدا يا عماد حاسة انه كل حاجة ضدي ماما مش معايا بابا مش موجود ووقيس الله واعلم فين مالك مراته مسيطرة عليه مفيش حد جنبي
عماد بهزار :وانا رحت فين انا جنبك
مسك :تصدق احيانا بتصعب عليا جامد انا مش عارفة الاء رافضاك ليه ده انت شب الف وحده تتمناك
عماد :اااااه من الاء بس توهتني قلبي مجروح منها مش عارف اعملها ايه على شان اكسب قلبها
مسك بألم :يا حبيبي يا قيس قبل ما يسافر ايطاليا كان واعدني اول ما يرجع يكلملك علاء على شانها كان نفسه يشوف البنت الي مجنناك
عماد :تعرفي ده اكتر وقت محتاجه فيه يا رب يرجعه بالسلامة
مسك بلهفة :انت كمان حاسس انه عايش
عماد بتوتر :هاه اه ان شاء الله
هنا خبط الباب جامد فتحت الخادمة كانت رانيا ومالك ومعاهم الشرطة
طلع عليهم عماد ومسك :في ايه
رانيا :صدقتني لما قولتلك انها كل يوم مع حد ده حتى عماد مش عاتقاه
مالك بصلها بغضب
عماد بغضب :في ايه ما تتكلموا
الشرطي :جانا بلاغ انه الفيلا دي بتحصل فيها حاجات مخلة بالادب وتعتبرر بيت دعارة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من أنا)
