رواية من أنا الفصل الأول 1 بقلم شروق حسام

رواية من أنا الجزء الأول

رواية من أنا البارت الأول

رواية من أنا الحلقة الأولى

_”ورد يا باشا ، فل يا بيه اشتري مني اي حاجة يا بيه”
_”تعالي هنا”
مشيت ريناد بسرعة ناحية عربيته ومرة واحدة رش عليها مخدر حاولت تقاوم وتهرب بس كان الآوان فات وأغمي عليها
عماد بقسوة ” شيلها يا بني ودخلها العربية بسرعة قبل ما حد يلاحظ”
البودي جارد بطاعة ” حاضر يا باشا”
………………
بعد فترة
صحيت ريناد من النوم لقت نفسها في أوضة شكلها جميل بصت لنفسها في المرآيه لقت نفسها متغيرة 180 درجة كانت لابسه دريس رقيق باللون السماوي وتسريحة شعرها متغيرة
ريناد بإعجاب ” قمر يا بت يا ريناد ايه الحلاوة دي”
ريناد بعد لحظات افتكرت ايه اللي حصل ” اه يا بن الواط*ي بقي أنا تعمل فيا كده وتخطفني أما وريتك ميكنش اسمي ريناد”
_” وايه كمان كملي”
ريناد بخضة ” بسم الله الرحمن الرحيم انت مين يا جدع انت”
مختار بجمود وقسوة ” من غير ولا كلمة تنزلي علي تحت زي الشاطرة ومش عايز اسمع ليكي نفس لحد ما اقولك اتكلمي فاهمة ولا لأ”
ريناد بخوف من صوته ” فاهمة فاهمة خلاص متزعقش”
خلصت كلامها وجريت علي تحت بسرعة
ريناد وقفت تأخد أنفاسها وحاولت تهدي نبضات قلبها ” يا خربيت شكلك يا جدع كتلة من القرف والبرود يععع”
_”تعالي يا ميسون في حضني”
بصت ريناد وراها بخضة لقته راجل كبير في السن باين عليه الوقار بصت حواليه تاني تشوف اذا كان فيه حد معاهم في الصالون وهي متعرفش
_”تعالي يا ميسون”
ريناد بسوقية ” لا مؤاخذة في السؤال لا مؤاخذة في ايه في السؤال ميسون مين يا حج مفيش حد غيري وغيرك في الصالة”
خالد بإشتياق ولهفة “انتي يا حبيبتي ميسونتي تعالي في حضن بابي يا روحي وحشتيني قووي كده تختفي مرة واحدة ومنعرفش عنك حاجة”
_”ابويا منين يا جدع انت انت شكلك خرفت انا واحدة ابويا وامي ماتوا من وانا 7 سنين ومن بعدها وانا ببيع فل وورد ومناديل في الإشارات وكمان معنديش قرايب انت هتستهبل ولا ايه”
خالد لسه هيتكلم ويشرح لها كل حاجة
جيه مختار من وراها وقال بجبروت وزعيق ” لما تيجي تتكلمي مع اللي اكبر منك تتكلمي بإحترام ومش انا حذرت متفتحيش بؤك وتتكلمي قوووولت ولا لأااا هااا ردي”
ريناد بخوف “انت هتتحول ولا ايه يا جدع”
مختار أعصابه شدت اكتر ووشه احمر من كتر الغضب
ريناد بسرعة وخوف “خلاص خلاص مش هتكلم تاني بس حد يفهمني انا هنا ليه”
خالد بحنان ” شوية والكل يتجمع وتفهمي كل حاجة يا حبيبتي”
……………..
بعد 10 دقائق
كل العيلة اتجمعت اللي كان كلهم شباب ومفيش غير واحدة بس كبيرة في السن
مختار بجمود ” بما أن الكل اتجمع فانا هقولك انتي مين أنتي ميسون الليثي بنت خالد الليثي أكبر …..”
ريناد بصدمة ” أنت اتجننت ده مستحيل اللي بتقوله ده “